Innholdsfortegnelse for Issue 16 (Feb 2022) i Avontuur Afrika

Ten spyte van twee jaar van voorraad tekorte en moeilike handelsomstandighede as gevolg van Covid-19, het Kia Suid-Afrika jaar-op-jaar positiewe groei getoon. Hul indrukwekkende 48% groei teenoor 2020 was net-net deur ‘n ander motorvervaardiger in die plaaslike mark oorskry. Verder is alle verkoopsteikens deur die Sportage, Sorento en Grand Sedona in die laaste paar maande van die vorige generasie modelle behaal. Hoe het Kia dit reggekry om op ‘n volgehoue basis sukses te behaal, terwyl vele ander motorvervaardigers gesukkel het? Volgens hul Hoof Uitvoerende Bestuurder, Gary Scott, het die handelsmerk se fokus verskuif na die verbruiker se behoeftes en Kia – met sy omvattende modelreeks – kan suksesvol aan hierdie behoeftes voldoen. “Met die bekendstelling van ons oorgangsportnutsvoertuig, die Sonet, gedurende 2021, bied ons byvoorbeeld nou ook ‘n bekostigbare intreevlak…

Die pad tot by Massingir Dam, die eerste bestemming op ons bos-tot-strand Desember-wegbreek, was propvol avontuur! Heel toevallig het ons lang dele van die roete soos op The Grand Tour bestuur deur die Top Gear trio Jeremy Clarkson, James May en Richard Hammond, raak gery. Sal ons hierdie keer op spoor bly of onsself weer (heel toevallig natuurlik!) op interessante en haas onbegaanbare agterpaadjies bevind? Tot dusver het dit geblyk dat ons iets gedoen het om die visvang gode om te krap, want ons pogings op die skouspelagtige Massingir-dam was, om dit lig te stel, pateties! Dit ten spyte van uitstekende raad van die mense by Covane Community Lodge en top-klas hengeltoerusting danksy Iron River. Tog was daardie eerste paar dae hemels, danksy die spesiale herinneringe wat gedurende baie ure…

Jy kan altyd ‘n verskoning vind om ‘n blaaskans van die stadslewe te neem – of jy nou ‘n groot mylpaal vier, jouself trakteer op ‘n minivakansie, of dalk lus is vir ‘n werkvakansie deur jou “kantoor” na die bos te skuif vir ‘n verandering van uitsig. Vir hierdie doel is ‘n vinnige wegbreek na Cullinan en omgewing perfek. Met die Dinokeng Wildreservaat net ‘n hanetreetjie weg, kan jy selfs die Groot Vyf sien – reg op Jozi se drumpel! Geleë in die noordoostelike hoekie van Gauteng, is die bekoorlike Victoriaanse dorpie genaamd Cullinan slegs 30 minute se ry vanaf Pretoria en net meer as ‘n uur vanaf Johannesburg. Cullinan se strate is vol reuse eikebome en Edwardiaanse huise, asook verskeie knus kafees en kunswinkels – wat sorg vir ‘n…

Albei van ons is natuur-en kampeerentoesiaste en het Suid-Afrika al platgereis in ons betroubare Defender 90 bekend as Mr. Landy. Dit het ons van Durban na die punt van die vasteland, die wonderskone Ooskus, die Weskus, Kgalagadi, Namakwaland, Oos-Transvaal (vandag bekend as Mpumalanga) en baie natuurreservate en wildreservate tussenin geneem. Ons is bevoorreg dat ons al byna na elke uithoek van Suid-Afrika getoer het en na elke reis is ons in verwondering oor die buitengewone land waarin ons woon. Die dorre skoonheid van Namibië het ons albei geïnspireer om kranige fotograwe te word. Hierdie avontuur het begin met ‘n drie-nag/vier-dag roei langs die Oranjerivier, gevolg deur die dorre skoonheid van die Richtersveld en die Skedelkus en natuurlik die hoogtepunt van ons besoek – die Spitzkoppe. Hierdie ervarings het ‘n diepe…

Oorlogsvelde toer: 3 – 12 April R7 200 per persoon wat deel ‘n Aantal geïntegreerde faktore het tot die Tweede Anglo-Boere oorlog gelei, insluitend die botsende politieke ideologieë van imperialisme en republikanisme, die ontdekking van goud op die Witwatersrand, spanning tussen politieke leiers, die Jameson-inval en die Uitlandergroep. Hierdie toer bied jou die geleentheid om meer te wete te kom tydens besoeke aan ‘n aantal oorlogterreineen museums. As ‘n geskiedenisliefhebber sal George jou vermaak met oorlogstories, wat wissel van die bekende Slag van Magersfontein tot die minder bekende slagvelde soos die Slag van Boshof, Belmont of Graspan. Wat jy benodig: • ‘n Goeie, betroubare en gedienste 4x4 of hoë grondvryhoogte 4x2.• Brandstofreikafstand van ongeveer 350km (die terrein is soms rof en daar is nie baie vulstasies in die omgewing nie).•…

Renosterstropery. Soveel mense het dié meestal kontroversiële onderwerp al tot vervelens toe bespreek. Ek reken ons het almal ‘n verantwoordelikheid om by te dra tot die bewaring van ons natuurlike wêreld. Trouens, bewaringskwessies (nie slegs met betrekking tot renosters nie) is nou só ernstig dat elkeen van ons op een of ander manier aktief betrokke móét raak. As ‘n reis-en avontuurfilmmaker het ek onlangs onderneem om my hele benadering tot inhoudskepping te verander om te verseker dat dit gesentreer is om bewustheid omtrent bewaringspogings te verhoog. Maar renosterbewaring? Dit het so ‘n gelaaide term geword met ‘n vreeslike stigma daarrondom, dat ek geneig is om heeltemal van die onderwerp weg te skram. Van 2010 tot 2013, toe die verbysterende groei in renosterstropery-getalle die wêreld geskok het, het ek as ‘n…

1. Medolino Caravan Park Hierdie beeldskone en rustige karavaanpark in die hartjie van die gewilde vakansiedorp, Port Alfred, dien as die perfekte basis vanwaar verskeie aktiwiteite in die omliggende area verken en geniet kan word. Daar is iets vir almal, van die verskeidenheid watersporte by die Kowierivier, swem, visvang en luilekker dae op die strand tot die verkenning van die naby geleë wildreservate en geskiedkundige besienswaardighede. Elk van die 32 groot staanplekke in die lowergroen omgewing is toegerus met ‘n kragpunt en kraan en die meeste is in die skadu van pragtige bome. Daar is drie goed versorgde gemeenskaplike ablusieblokke wat gesins-en rolstoelvriendelik is. Ander geriewe sluit ‘n boma, netjiese opwas-en wasgoedgeriewe in. Die speelpark sorg vir ure se genot vir die jongspan, terwyl die volwassenes en voëlkykers kan uitsien…

Slaapreëlings is ‘n topprioriteit wanneer jy kamp, veral wanneer jy die hele gesin gelukkig wil hou. Daar is geen rede om nie ‘n gemaklike te slaap en ook genoeg ruimte te hê om te kook en te ontspan wanneer die weer nie saamspeel nie. So, wat is die keuses beskikbaar? In kort is daar die opsies van ‘n grondtent, daktent, volgrootte veldrywa of sleepwatent. Volgens Theuns van der Kolff, wat in die korporatiewe verkoopsafdeling van Tentco werk, hang jou keuse uiteindelik van joubehoeftesaf. “Die realiteit is dat daar geen verkeerde of regte antwoord in hierdie debat is nie,” lag hy. “Terwyl baie klante by ‘n daktent sweer weens die maklike opstelling en relatiewe bekostigbaarheid daarvan, sê ander weer hulle sal nie in enigiets anders as hul veldrywaens kampeer nie. Die…

Neem die minimum saam Gewig is die grootste vyand. Herhaal: Gewig is die grootste vyand. Dit is die belangrikste reël wanneer jy inpak. Neem minder saam, vermy onnodige luukses en wees meedoënloos met wat saamgaan en wat bly. Los die swaar seiltent tuis as ‘n dun nylontent opgewasse teen die elemente sal wees. Los die stort as daar ablusiegeriewe is. Jy het nie twee gasbottels nodig as net een genoegsaam vir die beoogde tyd sal wees nie. Vermy die versoeking om die kampeerder te wees met die meeste en onnodige ‘gadgets’ en nuutste katoeters wat jy nie baie gaan gebruik nie. Moenie jy die ou wees met alles wat kan oop en toe maak, maar nooit gebruik word nie. Reël met jou reisgenote om lig te reis en so min…

Ultimate Adventures is in vennootskap met Avontuur Afrika as toeroperateur en reisgids. Die maatskappy word bestuur deur die man-en-vrou-span Simon en Desiree Steadman. Hulle bied topgehalte selfry-toere en is veral trots op hul lip-lekker spyseniering. Maak seker jy mis nooit uit op jou kopie van Avontuur Afrika nie – teken in en kry 25% afslag. Staan boonop ‘n kans om ‘n toer saam met Ultimate Adventures te wen! Die Prys ‘n Toer saam met Ultimate Adventures na die Mana-poele Nasionale Park & Karibameer, Zimbabwe (11 – 23 September 2022). Hierdie unieke park is ‘n wêrelderfenisgebied en spog met ongerepte natuurskoon asook ‘n wye verskeidenheid groot soogdiere, meer as 350 voëlspesies en wildlewe in die water. Mana Poele is een van Zimbabwe se gewildste parke. Die prys is vir 2 mense…

TGB het onlangs hul indrukwekkende Blade 600 vierwiel-motorfietsreeks, wat aanvanklik uit twee modelle sal bestaan, bekendgestel. Die sportiewe TGB Blade 600 SE.X EPS 4x4 ATV is geskik vir enigiets van daaglikse werk tot ontspanningsgebruik. Met sy vaartbelynde bakontwerp, smal sitplekarea en helder LEDvoorligte lyk dié model kontemporêr, dog funksioneel en die passasiersitplek kom met ‘n nuttige rugleuning. Verder is dit toegerus met vragdrarakke met ‘n kapasiteit van 30kg (voor) en 50kg (agter). Aan die ander kant van die spektrum is die TGB Blade 600 AR EPS 4x4 ATV-model wat as ‘n werkesel ontwerp is en die aanslaevanstrawwealledaagsegebruikinveraldie landbouen mynboubedrywe die hoof sal bied. Dit beskik oor ‘n klasleidende 200kg laaibak en die agtervering is ook versterk. Albei hierdie ATV’e word aangedryf deur ‘n enkelsilinder, vloeistofverkoelde 561cc vierslagpetrolenjin wat 33.4kW krag…

Die 2022 Dakar-veldtydren het op Nuwejaarsdag in die stad Jeddah begin en het na ‘n kort voorren, 12 sneltrajekte en meer as 8 300km, weer twee weke later op 14 Januarie in Jeddah geëindig. Die drama het al voor die Suid-Afrikaanse deelnemers kon vertrek begin. Met die wêreld wat die dam onder die eend uitgeruk het oor die Covid-19 Omikron variant en Suider-Afrika op die rooi lys met belaglike reisbeperkings gesit het, was Suid-Afrika se Toyota Gazoo Racing renspan gestrand. Getrou aan hulle veggees-natuur, het die span egter ‘n plan gemaak en ‘n huurvlug met Air Seychelles gereël om die span en al die gestrande deelnemers in Saoedi-Arabië te kry. Die Suid-Afrikaanse Toyota Gazoo Racing renspan het uit vier spanne, waarvan drie suiwer Suid-Afrikaanse spanne was, bestaan. Die Suid-Afrikaners het…

Die Chicuanga-oord is aan die skilderagtige ooskus van Mosambiek, ongeveer 250km noord van Maputo en 30km noord van Xai-Xai in die Gaza-distrik, geleë. Die oord spog met asemrowende see-uitsigte, omring deur welige kusoerwoud, binnelandse seemere, uitgestrekte sandduine. Die klimaat is tropies en die reënseisoen val tussen Oktober en April. Besoekers kan gemiddelde temperature van 27 tot 29°C in die somer en 18 tot 20°C grade in die winter verwag. Walvisse kan in die wintermaande opgemerk word. Die toermaatskappy, East African Safaris, is op die perseel en besoekers kan verskeie opwindende aktiwiteite soos voëlkyk, vierwielmotorfietsry, snorkel en diepsee visvang deur hul bespreek. Die area is bekend vir uitstekende visvang en besoekers kan hul eie bote loods of een huur, onder leiding van een van die maatskappy se kundige hengelgidse. Die oord…

Toe die Suzuki Ignis in 2017 as ‘n nuwe speler in die Suid-Afrikaanse motorlandskap aangeland het, het baie dit in die klas van die Volkswagen Up en Kia Picanto – ideaal vir rondrits in die stad – geplaas. Die Japannese motorvervaardiger het dit egter vanuit die staanspoor as ‘n “poort na die avontuur en SNVlewe” geposisioneer. As sodanig het ons gekyk of hierdie voertuig werklik SNV-bloed het. Die klein Ignis (in Latyn beteken dit vuur) doen dié naam gestand met ‘n vuurvreter houding danksy die retro, dog moderne ontwerp wat ‘n aanvallige SNV-profiel skep. Dit lyk inderdaad of ‘n tradisionele luikrug en ‘n Suzuki Jimny ‘n baba gehad het! Redelik quirky, soos die Engelsman sal sê – gelukkig hou ek van quirky! So, wat van die S in SNV? Is…

Landreise word gedefinieer as ‘n selfonderhoudende avontuur reis na verafgeleë plekke waar die vernaamste vorm van verblyf kampering is. Dit gaan dus daaroor om jouself uit te daag om gemaklik op ‘n onkonvensionele manier te leef terwyl jy op reis is. Nie een van ons hou daarvan om te sukkel wanneer ons veronderstel is om op vakansie te wees nie. Oor baie jare van toere en ewe veel solo-reise het ek ‘n paar waardevolle lesse deur ‘n paar pynlike en duur ervarings geleer en ek hoop dat hierdie jou sal help om van elke avontuur ‘n sukses te maak. Lyk ek vet? Gewig is meestal jou grootste vyand wanneer dit by landreise kom. Daar is altyd die stryd tussen wat ek regtig nodig het en wat ek wil hê. Sommige…

Die datums: 15 – 17 April 9 – 11 September 4 – 6 November 13 – 15 Mei 7 – 9 Oktober 9 – 11 Desember Die besonderhede: • Standaard Adventure with a Cause-pakket: R3 150 per persoon wat deel (R3 780 vir enkeling) • Gesinspakket (2 volwassenes en 2 kinders onder 12): R7 300 • 4 x volwassenes wat een eenheid deel: R11 500 • Korporatiewe deeltarief (eksklusiewe naweek): R3 950 per persoon • Korporatiewe enkeltarief (eksklusiewe naweek – minimum 6 gaste wat deel): R4 200 *Die twee nag-pakket sluit verblyf, etes, ‘n T-hemp en ‘n sertifikaat vir elke deelnemer in. Dit sluit drankies uit (daar is kontantkroeg beskikbaar). KONTAK: +27 83 448 5820 | info@insimbilegacyprojects.co.za | www.insimbilegacyprojects.co.za…

Die huidige weergawe van die Jeep Grand Cherokee is reeds in 2011 bekendgestel en met die vyfde generasie op die horison, wonder jy seker wat die doel van hierdie artikel sou wees? Wat kan gesê word van ‘n platform wat nou amper ‘n dekade oud is? Het hierdie klassieke 4x4 nog ‘n plek in ‘n segment, besaai met onlangs opgedateerde mededingers soos die Toyota Prado, Land Rover Discovery, VW Touareg en Mercedes-Benz GLE? Alhoewel die spreekwoord lui dat jy nie vir ‘n ou hond nuwe truuks kan leer nie, het die Grand Cherokee vir seker nog ‘n paar truuks in die mou. ‘n Onlangse opdatering het ‘n paar estetiese en geriefsaanpassings beteken, insluitend ‘n meer moderne raakskerm (hoewel baie kleiner as dié van sy mededingers), die toevoeging van ‘n agt-gang…

Die span by Terrain Tamer noem hierdie Land Cruiser “Onderhoud” vanweë die enorme hoeveelheid werk wat alreeds daarin gegaan het. Vir Hannes van der Merwe – wat by elke geleentheid wat hy kry die boendoes invaar – was dit alles die moeite werd. “My voertuig is twee-ledig toegerus om dit geskik te maak vir beide 4x4-roetes en as avontuur-vennoot op my landreise, wat dit perfek maak vir albei my passies,” vertel hy. “Dit neem my waarheen my avontuurlustige hart ook al hunker, sonder om ooit terug te staan vir enige uitdaging. Boonop lyk hy super sexy terwyl hy dit doen!” Om net een gunstelingherinnering te kies, is moeilik vir Hannes aangesien hy Suid-Afrika al plat gereis het. “Een van die vele hoogtepunte moet egter ‘n Richtersveld-reis gedurende 2021 wees toe…

Grahame McLeod skryf: Ek het die artikel met landreiswenke in Uitgawe 14 van jul tydskrif met groot belangstelling gelees en wil graag ‘n paar opmerkings maak wat moontlik ook vir reisigers nuttig kan wees. Vir toegang tot Zimbabwe kan dit verpligtend wees om ‘n lang rooi reghoekige strook langs die agterkant van die voertuig of sleepstang te hê. Dis ook belangrik om te onthou watter kant van die pad om te ry wanneer jy jouself in ‘n ander land bevind. In Kenia, Uganda en die meeste SADClande, ry ons aan die linkerkant soos in Suid-Afrika. Die twee uitsonderings is Angola en die Demokratiese Republiek van die Kongo (DRK) waar jy, soos in die res van Afrika, aan die regterkant van die pad ry. Vir Suid-Afrikaners is dit moontlik om die…

Dit is ongetwyfeld ‘n gewaagde stap om ‘n tradisionele 4x4 in 2022, wanneer ‘n mens verskoning moet vra vir die gebruik van ‘n tradisionele binnebrandenjin, bekend te stel. Mens kan dus nie anders as om die vasberadenheid van Ineos Automotive se voorsitter, Jim Ratcliffe, ‘n Britse entrepreneur, wat sy visie om ‘n werkesel voertuig na die mark te bring verwesenlik het, te bewonder nie. Die eerste toetseenhede arriveer teen Julie in Suid-Afrika en die eerste aflewerings van die Ineos Grenadier word in Oktober vanjaar verwag. Hoogs omgekrap nadat Land Rover die Defender se vervaardiging gestaak het, het Ratcliffe besluit om sy eie veeldoelige 4x4 werkesel te bou. Die voertuig se ontwerp kom hoofsaaklik van ‘n skets wat in 2017 op ‘n servet by die Grenadier kroeg in Knightsbridge in London…

Die Toyota Fortuner het vir seker geen bekendstelling nodig nie. Dié voertuig het homself reeds stewig in die plaaslike mark gevestig en was sedert sy bekendstelling in 2006 ‘n wegholsukses. Nou, in sy tweede generasie, vorm die sewesitplek Fortuner deel van Toyota se sogenaamde Innovative Modular Vehicle (IMV)-platform en deel meganiese komponente met die gerespekteerde Hilux, wat die voertuig se aantrekkingskrag by die Suid-Afrikaanse publiek ondersteun. Die handelsmerk het sedert die bekendstelling van die Fortuner ‘n twee-graadstrategie (toetrede en middel) gevolg, maar veranderende markvereistes het ‘n topklas model in die vorm van die nuwe 2.8 GD-6 VX wat ons getoets het, tot gevolg gehad. Die VX-kenteken word ook op Toyota se ander SNV-reekse (RAV4, Prado en Land Cruiser 200 en 300) gebruik en dui op die hoogste spesifikasievlak wat aangebied…

Butjani Lodge Butjani Lodge is slegs 130km vanaf Sandton en 75km vanaf Pretoria en bied ‘n rustige bosveldervaring. Die lodge kan tien gaste akkommodeer en bied ontbyt en ‘n driegang-aandete as deel van die prys. Daar is een gastesuite en vier luukse tente met en suite badkamers met ‘n heerlike buitestort of bad wat ‘n mooi uitsig oor die veld bied. Teen sonsondergang kan jy ‘n komplimentêre wildrit en skemerkelkie in die bos geniet. Ander aktiwiteite sluit bergfietsry, boswandelings en voëlkyk onder by die Elandsrivier in. KONTAK: +27 82 803 8608 penny@butjanilodge www.butjanilodge.co.za Cullinan Adventure Zone Cullinan Adventure Zone, geleë in die oulike mynwerkersdorpie, is die tuiste van die beste avontuur-en adrenalien-gevulde aktiwiteite in Gauteng. Akkommodasie en konferensiegeriewe is ook naby beskikbaar, wat dit ‘n ideale korporatiewe spanbouopsie maak. Skooluitstappies…

Die Oostelike Hooglande, ook bekend as die Manica Hooglande, strek oor die grens van Zimbabwe en Mosambiek. Dit is ‘n bergagtige area met skouspelagtige natuurskoon, golwende heuwels, groen woude, robuuste kruine, mistige valleie, diep klowe, vloeiende watervalle en sprankelende riviere en mere. Die koel, klam klimaat en welige groen landskappe is in groot kontras met die droë savanne wat meeste besoekers verwag om in Zimbabwe teë te kom. Nadat ons Gonarezhou verlaat het, ry ons deur die Malilangwe-bewaararea, die tuiste van Zimbabwe se renosterbeskermingsprogram. Die diere is onder streng toesig met 24-uurbeskerming deur gewapende wagte. Hierdie program is een van die min suksesverhale vir renosterbewaring in Suider-Afrika. Gedurende 1997 tot 1998 is 12 witrenosters en 28 swartrenosters vanaf Suid-Afrika hierheen gebring. Na ‘n hervestigingsperiode in bomas, is die renosters vrygelaat…

• Water is jou vriend – maak seker jy bly gehidreerd. Meestal is die plaaslike water nie drinkbaar nie en jy moet vars drinkwater saamneem. • Moenie net van punt A na B ry nie – hoe minder jy ry, hoe minder sal dit jou kos en hoe meer sal jy die plaaslike kultuur en landskap kan ervaar en geniet. • Bou ‘n netwerk van betroubare kontakte op (plaaslike inwoners sowel as regoor die wêreld) – jy weet nooit wanneer jy op iemand se knoppie moet druk tydens ‘n noodgeval nie. • Stap en verken te voet – nie net hou dit jou fiks nie, maar jy sien baie keer besondere dinge raak wat jy nie in ‘n voertuig sal ervaar nie. • Neem altyd basiese gereedskap saam en leer…

Hierdie uitdagende, steil grondpas kruis die Grootrivier aan die noordelike kant van die Baviaanskloofberge deur ‘n rivierkruising net onder ‘n keerwal, sonder ‘n brug. Alhoewel die pas self net so oor 5km lank is, is dit die toegangspaaie wat die aandurf van hierdie pas een lekker avontuur maak. Jy kan hierdie pas slegs agter die stuur van ‘n 4x4 voertuig met goeie grondvryhoogte aandurf. Slegs ervare avontuurmotorfietsryers word aangeraai om dié pas aan te pak, want dit is lank, rof, steil en gevaarlik oor baie dele, insluitend die hele oostelike gedeelte tussen die pas en Patensie. Geleë 21km noordwes van Patensie (soos die kraai vlieg) en sowat twee-en-‘n-half uur se ry, beloof hierdie afgeleë pas om jou uit te daag en terselfdertyd jou asem weg te slaan. Die reis om…

Gewigsverspreiding Wanneer jy jou hele wêreld – wat jou klere, kos, kookware, slaap en ander ontspannings-en gemakstoerusting insluit – met jou moet saamsleep, is die totale gewig van al die ekstras gewoonlik naby of selfs meer as wat jou voertuig se maksimum dra kapasiteit, of GVM (Gross Vehicle Mass) is. Dit sluit die gewig van jou passasiers ook in. Dan moet jy ook nog al die ekstra bykomstighede wat jy aan jou voertuig aangebring het (soos onder meer ‘n daktent, bosbreker, sleephaak ens) ook by tel want dit word nie in die oorspronklike gewigsberekeninge (GVM) van die voertuig gewys nie. Die basiese reël is: bly weg van die onnodige goeters en geite waarmee ‘n mens spog maar wat nie regtig ‘n doel dien nie (die sogenaamde ‘nice to-haves’). ‘n Goeie…

Wie het gesê kamp, landreis en veldry is net vir die manne? Ons het ‘n indrukwekkende groep vroue genaamd “Tannies Met ‘n Trailer” op Instagram raakgesien en is eenvoudig mal oor hul avontuurlustige gees en lekker rygoed. Hierdie tannies reis as ‘n groep deur Suider-Afrika, gretig om nuwe plekke te verken. Hulle is gek oor wildlewe, kamp, reis en natuurlik ‘n lekker koue G&T! Hierdie groep verwelkom enige dame wat belangstel om lekker avonture saam met ander avontuurlustige vrouens aan te pak. Volgens die groep se Ayesha Cantor het al die tannies nie noodwendig sleepwaens nie. “Sommige het daktente, sommige sleep klein opvoubare karavane en ander kamp selfs in grondtente,” vertel sy. “Ons is bloot ‘n groeiende groep vroue wat meestal sonder ons eggenote reis, hoewel hulle soms by ons…

Hoe om in te skryf: Stuur eenvoudig ‘n foto – minstens 1MB in grootte – van jou en jou voertuig na info@4x4afrika.com (onderwerp: Vierwiel Vennoot). Sluit die volgende inligting in: • Bestuurderbesonderhede• Voertuigbesonderhede (jaar model en variant)• Voertuig se bynaam (indien relevant)• Aanpassings en wysings tot dusver gemaak (en watter daarvan is die nuttigste)• Gunsteling herinnering of reis met die voertuig• Jou droombestemming• Top wenk vir avonturiers en ontdekkingsreisigers• Hoekom jy mal oor jou ryding is Bepalings en voorwaardes: Die beslissing rakende uitgesoekte inskrywing berus uitsluitlik op die Avontuur Afrika-span en geen korrespondensie omtrent die aangeleentheid sal gevoer word nie. | Sou die prysborgskap deur Tentco onttrek word, behou Avontuur Afrika die reg voor om inskrywings te publiseer sonder om enige pryse toe te ken. | Avontuur Afrika en Tentco…