Innholdsfortegnelse for Issue 14 (Dec 2021) i Avontuur Afrika

Wat ‘n krisis het die gewraakte C-woord nie vir die toerisme- en reisbedryf veroorsaak nie! Die afgelope twee jaar was verwoestend, met die helfte van Suid-Afrikaanse restaurante wat na beraming hul deure gesluit het en gastehuise, lodges en reisagente wat op hul knieë gedwing is. Dan praat ons nog nie eers van die verwante sakeondernemings wat gesneuwel het nie. En die oomblik toe ons weer kop optel en dit blyk dat dinge na “normaal” begin terugkeer het, kom die Omikron-variant, so op die vooraand van die somervakansie wat soveel besighede se hoop op verligting en herstel was. Binne dae word ‘n reisverbod op Suid-Afrika en die meeste van ons buurlande geplaas. Vlugte word gekanselleer en besprekings op ys gesit. Soos ek hier sit en skryf het omtrent die hele wêreld…

In 2019 is die JAC T8-bakkie in Suid-Afirka bekendgestel as nog ‘n goedkoper Chinees-vervaardigde opsie. Dit is die agtste generasie van die bakkie – wat redelik goed kers vashou met ander rolspelers in terme van tegnologie, voorkoms en afwerkings – en word na 40 lande uitgevoer. Die jongste evolusie is die 2.0-liter TCi-dubbelkajuit, wat nou 104kW krag en 320Nm teen 1 600-2 600rpm ontwikkel (4kW meer as die vorige 1.9-liter turbodiesel). Die vervaardiger gee ‘n verdienstelike brandstofverbruik van 8.7 liter/100km aan. Die nuwe enjin is deur die Duitse maatskappy FEV ontwikkel en spog met ‘n elektriese veranderlike geometrie turbo, gekoppel aan ‘n sesgang handratkas. Dit is beskikbaar met óf agter-aandrywing óf ‘n kiesbare BorgWarner 4WD-stelsel en ‘n agterste ewenaarslot. Die bakkie ry op ‘n leer-raam onderstel met ‘n dubbele wensbeen…

Toe ons vir ons aanlyngehoor gevra het wat hulle dink ek by die Peugeot-bekendstelling sou bestuur, het die meerderheid volgelinge op ons platforms ‘n oorgangsportnutsvoertuig voorspel. Dit was ‘n regverdige voorspelling, aangesien die Franse motorvervaardiger drie dekades gelede ‘n produk in die bakkiemark gehad het. Toentertyd was Peugeot-bakkies taamlik gewild oor die Afrika-vasteland en ten minste elke derde joernalis by die bekendstelling het ‘n oom of ‘n oupa gehad wat destyds ‘n 403 of 404 op die plaas gery het. Dié bakkies was so gewild oor die vasteland dat dit gereeld die ‘Leeu van Afrika’ genoem is – ‘n ryk erfenis waarop Peugeot hoop om te kapataliseer. Ek twyfel of hierdie erfenis genoeg sal wees om ‘n Hilux-of Ranger-eienaar te oortuig om ‘n ander bakkie te oorweeg. Die Franse model…

As ‘n avontuurlustige paartjie wat lief is om te reis, hetsy ‘n kort wegbreek naby die huis of langer avonture deur Suid-Afrika en verder, was die laaste maande nogal uitdagend. Dit was ná ‘n ongeluk in Botswana in Julie, toe ons ons betroubare Mitsi – ‘n 2008 Mitsubishi Triton 3.2-DI-D 4x4 – afgeskryf het. Na ‘n paar maande se gesoek het ons nou ‘n nuwe vierwiel vennoot aangeskaf – ‘n 2011 VW Amarok 2.0 TDI 4x4 wat ons vir ons behoeftes aangepas het en AmaTrokkie noem (lees meer oor haar op bladsy 44). Die eerste reis met haar was ‘n ontspannende kampeeruitstappie saam met die hele gesin na die Olifantsrivier Lodge naby Witbank. Jaco het egter nog ‘n reis as verrassing vir ons eerste huweliksherdenking beplan vir ‘n week later.…

As ‘n beginner-avonturier met beperkte veldryervaring en slegs ‘n basiese opleidingskursus onder die knie, was ek gretig om my 4x4-bestuurvaardighede en -kennis uit te brei. Toe die Toyota Gazoo Racing Driving Academy die Avontuur Afrika-span nooi om aan hul gevorderde 4x4 en herwinningskursus deel te neem, het ek sonder om te huiwer my hand opgesteek. Soos my ouma altyd sê: “jy weet nie wat jy nie weet nie”… En sjoe, het ek geleer dat daar ‘n spul dinge is wat ek nie geweet het nie! Ons is na die Gerotek-toetsfasiliteite in Pretoria-Wes vir wat beloof het om ‘n uitdagende, maar leersame dag van opleiding agter die stuur van die bekwame Hilux 2.8 4x4-dubbelkajuit Legend RS, te wees. Nadat ons ‘n koffietjie geniet het en ‘n paar stories uitgeruil het met…

1. Oranjerus Vakansieoord Die lowergroen en goed toegeruste Oranjerus is die perfekte pitstop op pad na die Kgalagadi Oorgrenspark, Augrabies Nasionale Park of Namakwaland. Geleë teenaan die Oranjerivier, is daar verskeie aktiwiteite soos stap- en bergfietsroetes, water aktiwiteite (bring jou eie boot, kano of jet-ski), hengel en selfs wynproe by die Oranjerivier Kelders in Upington. Al die kampplekke is toegerus met elektrisiteit en die gemeenskaplike ablusiegeriewe spog met ‘n 4-ster gradering. Die selfsorgeenhede wissel vanaf luukse eenhede tot ekonomiese klas akkomodasie. Die Ibis restaurant – met ‘n pragtige uitsig oor die rivier – is oop vir middag- en aandetes. NAASTE DORP: Keimoes (15km) / Upington (25km) WINKEL: Ja TROETELDIERVRIENDELIK: Ja (reël vooraf) VISVANG: Ja (rivier) SELFOONOPVANGS: Ja TOEGANKLIKHEID: Grondpad (begaanbaar vir nie-vierwielaangedrewe voertuie met ‘n redelike grondvryhoogte en padkaravane) TARIEWE:…

Toe Jurrie Wessels ses jaar gelede ‘n kampsleepwa nodig gehad het, het hy rondgekyk na wat toe op die plaaslike mark beskikbaar was en besluit om eerder sy eie te bou. Nie net sou dit hom minder kos nie, dit sou ligter en taaier wees en presies by sy kampstyl pas. Dit blyk dat dié sleepwa toe nie net in sy boekies goed gewerk het nie. Toe ‘n vriend van hom kom kuier, het hy dit een kyk gegee en daar en dan ‘n aanbod gemaak om dit te koop. Hy het toe maar aan die werk gespring om nog een te bou, maar toe daardie een die oog van ‘n medekampeerder vang was dit ook blitsvinnig opgeraap. Dit is hoe Infanta 4x4 begin het. Jurie was lank reeds in…

Voertuie met ‘n kort wielbasis is bekend daarvoor dat hulle besonder goed vaar in uitdagende veldrytoestande aangesien hulle spog met baie goeie oorbreekhoeke om oor bulte en hindernisse te klouter. So, wat gebeur wanneer jy twee kortgat 4x4’s wat bekend is as die buksies van die baan teen mekaar laat kragte meet om te sien watter een die beste vaar? Ons praat hier van “ouskool” voertuie met leerraamonderstelle, stewige asse voor en agter, kronkelvere en laestrekratkaste wat ‘n oorskakeling van agteraangedrewe na vierwielaandrywing moontlik maak. Ons mededingers is albei baie eenvoudige, robuuste en bekwame veldryers met een duidelike tekortkoming: nie een beskik oor ‘n standaard ewenaarslot nie en gebruik vastrapbeheer om wielspin te tem wanneer hulle dwars gedraai word. In die een hoek het ons die Jeep Wrangler Sahara (tweedeur),…

Hoe om in te skryf: Stuur eenvoudig ‘n foto – minstens 1MB in grootte – van jou en jou voertuig na info@4x4afrika.com (onderwerp: Vierwiel Vennoot). Sluit die volgende inligting in: • Bestuurderbesonderhede• Voertuigbesonderhede (jaar model en variant)• Voertuig se bynaam (indien relevant)• Aanpassings en wysings tot dusver gemaak (en watter daarvan is die nuttigste)• Gunsteling herinnering of reis met die voertuig• Jou droombestemming• Top wenk vir avonturiers en ontdekkingsreisigers• Hoekom jy mal oor jou ryding Bepalings en voorwaardes: Die beslissing rakende uitgesoekte inskrywing berus uitsluitlik op die Avontuur Afrika-span en geen korrespondensie omtrent die aangeleentheid sal gevoer word nie. | Sou die prysborgskap deur Tentco onttrek word, behou Avontuur Afrika die reg voor om inskrywings te publiseer sonder om enige pryse toe te ken. | Avontuur Afrika en Tentco behou…

Tweede-generasie voertuie moet altyd sterker, beter en mooier wees om die aandag te behou. Met Isuzu se tweede-generasie mu-X het hulle vir seker die voorkoms reg gekry en alhoewel ons dit nog nie bestuur het nie, klink dit of dit ‘n uiters bekwame voertuig is. Die mu-X is gebaseer op die D-Max bakkie wat na verwagting in 2022 die mark sal betree en het ‘n skerper skouerlyn, meer prominente sierrooster en opvallende LED hoof- en agterligte. Die Onyx-vlagskipmodel spog met modieuse 20-duim wiele in diamantvorminge vellings en die laer spesifikasievlak LSE beskik oor 18-duim wiele. Die twee basislyn LS-modelle loop op 17-duim allooiwiele. Die sewesitplek sportnutsvoertuig is heelwat groter binne, met verbeterde afwerkings en laer geraas- en vibrasievlakke danksy hersiende klankdempende isolasieplasing en die onderstel wat beide ligter en stywer…

Die derde-gernerasie Ford Ranger, gebaseer op die T6 platform, behoort gedurende 2022 plaaslik beskikbaar te wees en word in Suid-Afrika en Thailand gebou. Dit is langer en wyer, met ‘n opgedateerde binneruim, buitekant en belangrike veranderinge onder die vel. Daar sal ook addisionele enjins bekendgestel word, wat die 3.0-liter V6 turbodiesel en 2.3-liter 4-silinder Ecoboost petrolenjins insluit. Hierdie jongste Ranger ontwerp is deur die Ford Produk Ontwikkelingsentrum in Australië gedryf, in lyn met wat die maatskappy "Global truck design DNA" noem. Die nuwe vooraansig herinner sterk aan dié van die Amerikaanse topverkoper F-150, met ‘n prominente en wye sierrooster omring deur ‘n C-vormige strook dagryligte. Dié vorm word in die nuwe agterligte, geleë in ‘n herontwerpte agterklap, herhaal en die heelwat wyer modderskerms laat die bakkie oor die algemeen meer…

Etlike jare gelede was daar slegs ‘n paar opsies in die kompakte sportsnutsvoertuig segment met voorlopers soos die Daihatsu Terios, Nissan Terrano, Mitsubhishi iO en die Suzuki Jimny asook “Cross” weergawes van die gewildste luikrugmotors soos die Polo en Etios. Dit kom natuurlik as geen verrassing dat daardie prentjie vandag drasties anders lyk met ongekende groei in die oorgangsportnutsvoertuig segment ten koste van tradisionele sedans en C-segment voertuie nie. Vandag kan kopers uit meer as 30 oorgangsvoertuie wat oor vele segmente en groottes strek kies. Hierdie segment het effektief die leefstylmoontlikhede vir avontuurlustige gesinne of ouer mense wat nie meer ‘n groot motor wil onderhou nie, verbreed. Danksy hierdie mini avontuurvennote se vergrootte pakruimte en hoër grondvryhoogtes kan hul nou die grondpad om by afgeleë bestemmings regoor ons land uit…

Ons sit geluksalig en droomverlore en uittuur oor die Okavanga Delta-kanaal toe ‘n seekoei uit die water opstaan en rustig op die oewer begin wei… Vir die hoeveelste maal die afgelope week of wat besef ons hoe uiters geseënd ons is om hierdie stukkie ongerepte paradys te kan geniet. Hierdie was die einde van ‘n ongelooflik spesiale avontuur en die gedagte om hierdie byna surrealitiese kalmte op die water rondom Third Bridge-kamp binnekort te moet verruil vir ons besige lewens in Jozi het ons sommer omgekrap. Tydens hierdie 12-dae lange avontuur het ons besef waarom soveel mense duisende rande spandeer op voertuie en toerusting vir landreise – daar is eenvoudig geen ander manier om alles wat mooi in Afrika is te geniet nie! En gepraat van spesiaal in Afrika –…

Landreis – of soos die Engelsman sê, overlanding – behels avonture na afgeleë plekke waar die vernaamste vorm van verblyf, kampering is. Dit strek dikwels oor langer tye (weke tot jare) en oor internasionale grense. Ken jou toerusting Sonpanele, battery laaiers, satellietfoon, kragomskakelaars, GPS: dit is slegs ‘n paar van die tipiese (en vir nie-kampeerders vreemde) toerusting wat jy sal benodig. Maak seker dat jy nie net weet hoe alles werk nie, maar ook dat hulle nog in werkende toestand is. Fokus veral op die allerbelangrikste kragsisteem – nie net verskaf dit krag aan jou yskas nie maar dit kan tot groot probleme lei as dit nie reg gedoen is nie. Die laaste ding wat jy wil hê, is? uitgebrande voertuig as gevolg van swak bedrading. Maak ook dubbel seker…

BASIESE BEGINSELS BLY BELANGRIK: Voordat jy veldry aanpak, moet jy seker maak dat jy jou voertuig ken en verstaan en vertroud is met al die kenmerke wat ‘n rol in die veld speel. Jy moet weet hoe om die verskillende stelsels wat jy nodig mag kry aan en af te skakel (4×4 hoë- en laestrek, ewenaarslotte, vastrapbeheer, ens.) en jy moet ook verstaan waar die kwesbare dele onder die voertuig is, hoe om die voertuig op hindernisse te plaas en wat die grense van die nadering- en vertrekhoeke is. HERWINNINGSTEGNIEKE: Wanneer jy ‘n avontuur aandurf, word daar altyd gesê dit is nie ’n kwessie van ‘as’ jy gaan vasval nie, maar ‘wanneer’. Jy moet vertroud wees met ten minste twee herwinningstegnieke wat jou sal help om uit die moeilikheid te…

In hierdie artikel verwys ons na die gewildste elektriese wen-asse wat aan die voorkant van ‘n voertuig gemonteer word en deur die voertuig se battery aangedryf word. Soos met enige duur belegging, is dit belangrik om navorsing te doen om seker te maak dat jy ‘n goeie kwaliteit produk aanskaf, met genoeg kapasiteit om jou volgelaaide voertuig uit te kan trek. 1. Kraggradering Vir een of ander rede word wen-asse steeds in ponde gegradeer en dis belangrik om te verseker die produk wat jy kies jou volgelaaide voertuig uit ‘n moeilike situasie kan kry. ‘n Goeie reël is om ‘n ekstra marg van 1.5 tot twee keer daardie massa in te bou. As jou voertuig met al die ekstras en passasiers ingesluit byvoorbeeld 3 ton weeg, benodig jy ‘n 9…

Die basis-eenheid vir die Infanta 4x4 Tray beloop R105 000 vir ‘n dubbelkajuit en R115 000 vir ‘n enkel- of verlengde kajuitbakkie en jy kan wegry met ‘n ten volle toegeruste kampeerder vir minder as R200 000. Beskikbare ekstras sluit ‘n opwip hardedop daktent, wat maklik verwyderbaar is met behulp van die Front Runner koppelaars, teen ‘n koste van R30 000 in. Verder is daar die kombuis teen R15 000, ‘n loodgieterstelsel (R11 000), ‘n leer (R5 000), yskasglybaan (R3 000), storthokkie (R3 000), om ‘n paar opsies te noem. Die basispryse hierbo sluit installasiekoste in, maar BTW uit. Infanta 4x4 kan die hele installasie op hul perseel hanteer en kan ook die elektriese/battery/sonkragstelsel installasies doen (installasie koste gebaseer op wat die kliënt verskaf). Produkadvies, sê Jurie, is gratis en…

Die Anglo-Ierse skrywer en digter, Oliver Goldsmith, het eenmaal gesê dat die vergete en afgeleë paaie jou paspoort na ongelooflike moontlikhede is. Hy het dit waarskynlik meer filosofies oor keuses in die lewe bedoel, maar vir dié storie neem ons dit effe meer letterlik op. ‘n Onlangse reis deur die Noord-Kaap op daardie einste wegdraai paadjies, het ons oë oopgemaak vir ‘n legio avonture en bestemmings. Toe die uitnodiging van Suzuki by ons aanland, was dit omtrent ‘n gestoei oor wie dié lekker #SuzukiSafari sou bywoon. Ons was die gelukkige wenners en wat ‘n avontuur was dit nie! Ons het vroegoggend weggespring met ‘n Covid-19 toets by die lughawe voor ‘n kort vlug na die snikhete Upington. Dankie tog vir lugversorging in die Jimny! Gepraat van dié klein buksie met…

Die Xitsonga woord, Timbavati, beteken “die plek waar iets heilig vanuit die hemel na die aarde afgekom het” en dié area is wêreldwyd bekend, veral danksy die verskynsel van die sogenaamde wit leeus wat van tyd tot tyd natuurlik hier voorkom. Alhoewel Chris McBride in 1977 vir die eerste keer daaroor in “The White Lions of the Timbavati” geskryf het, is die besondere leeus al so vroeg as 1938 deur plaaslike stamme opgeteken. Die oorsaak vir die besondere kleur van die leeus is ‘n kleurmutasie en nie albinisme, soos aanvanklik geglo is, nie. Hierdie Mpumalanga-juweel is geleë op die grenslyn van Hoedspruit en Acornhoek, noord van die Sabi Sands Privaat Wildreservaat aan die westelike grens van die Nasionale Kruger Wildtuin – ongeveer 500km vanaf Johannesburg. Die storie van die Timbavati…

Nadat ons ons betroubare avontuur-vennoot, Mitsi (‘n 2008 Mitsubishi Triton 3.2 DI-D) in ‘n fratsongeluk op een van Botswana se slaggatgevulde teerpaaie verloor het, het ons vir maande lank besin oor waarmee ons haar sou vervang. Ons het uiteindelik op ‘n handrat VW Amarok 2.0 TDI 4x4 met net meer as 200 000km op die klok besluit. Die voertuig wat ons nou AmaTrokkie noem, was reeds toegerus met ‘n ARB bosbreker, Stofpad 4x4 rotsglyers, onderstelbeskerming, ‘n langafstand brandstoftenk en ‘n Old Man Emu veerstelsel. Dit was ‘n goeie beginpunt vir die addisionele modifikasies wat ons beplan het. Eerstens, het ons die laaibak verwyder en vervang met ‘n pasmaak kampmodule wat ‘n volledige kombuis, twee koslaaie, vier klerelaaie en ‘n agterste storthokkie insluit. Dié stelsel het verseker dat alles goed georganiseer…

Die Golden Gate Hoogland Nasionale Park, wat sowat vier ure vanaf Johannesburg en Pretoria geleë is, is naby genoeg om as ‘n daguitstappie te geniet, maar meeste mense verkies om meer tyd hier deur te bring sodat hulle die area se baie bykomende besienswaardighede ten volle kan geniet en inneem. Daar is ‘n magdom verskillende tipes verblyfopsies, wat wissel van hotelle en chalets tot gasteplase en bergtoevlugsoorde beskikbaar en die park bied ook ‘n reeks aktiwiteite van gholf tot perdry, voetslaan, 4x4-roetes en witwater-vlotvaart in. Reisigers word aanbeveel om die pas vanuit die weste, wat naby Clarens begin (S28.510792 E28.424886), aan te pak. Ry in ‘n oostelike rigting vir 16.8km op die R712 tot by die park se toegangshek, wat die westelike beginpunt van die pas is (S28.501258 E28.578778). Alternatiewelik…

Die groen mamba kom in die kuswoud vanaf die verste noordoostelike deel van die Oos-Kaap langs die kus van KwaZulu-Natal noordwaarts tot in Mosambiek en selfs verder noord voor. Dié slang word meestal baie naby die see aangetref (binne ‘n paar kilometer), maar verder noord – wanneer jy by Hluhluwe en Mkuzi uitkom – kan hulle in die binneland tot sowat 40km vanaf die see gevind word. Daar is geen groen mambas in Mpumalanga, eSwatini (Swaziland) en die Nasionale Krugerwildtuin nie. Groen mamba-broeisels is 30 tot 45cm lank en is bo en onder groen, met goudbruin oë. Dié slang groei vinnig en wanneer hulle langer as ‘n meter is, is hulle baie dikker as ‘n volwasse man se duim. Alhoewel hulle selde meer as 2m lank word, is die maksimum…

Die Ford Ranger Raptor was ‘n sensasie toe dit in 2019 bekend gestel is. Hier was ‘n produksievoertuig wat van die vermoëns van ‘n bloubloed veldrenvoertuig gekry het. Jy kon dit stok gee op die grondpad en selfs ‘n bietjie lug onder die wiele kry sonder om dit binne die kajuit te voel, want die spesialis veerstelsel sou dit alles absorbeer. Dit was ook meer stabiel teen hoë snelhede, danksy ‘n breër spoorwydte en geventileerde remskoene reg rondom. Ons was dus baie opgewonde om agter die stuur van die 2021 Raptor Special Edition, wat R40 000 by die prys voeg, in te skuif. En watter beter plek as die Tankwa Karoo, waar die grondpaaie leeg en breed is. Hier kon ons die bakkie bietjie druk om die beste uit Ford…

Stuur foto’s van jou en jou ryding na: info@4x4afrika.com André vd Sandt Willys Jeep “Ek dink my Willys Jeep uit die Tweede Wêreldoorlog era is werklik uniek en onmiddellik herkenbaar. Ek het hierdie klassieke voertuig volledig gerestoureer, maar dit is beslis nie net ‘n ‘show & no go’ nie! Die Jeep word nog gereeld gebruik – ek het dit al tot in eSwatini gery en vir my 50ste verjaardag het ons selfs die berugte Baboons Pass suksesvol aangepak. My Jeep was ook die inspirasie vir die Classic, not Plastic-reis wat deur eRG Lekker 4x4 Adventure aangebied is – die enigste reël vir deelname was dat jy ‘n staal paneelbord moet hê. Daar word blykbaar nog so ‘n avontuur beplan en natuurlik sal ek en my Jeep daar wees.” Douw Steyn…

Een van die konsepte wat mense wat nie landreise onderneem nie, nie aldag kan begryp nie is ons verhouding met ons voertuie. Dit is nie bloot ‘n kar nie – dit is ons alles. Dit is ons huis weg van die huis, ons avontuur-vennoot en soveel meer. Vir SueAnne MacRae is dit ‘n lewende tapisserie van die liefde tussen haar en haar oorlede lewensmaat, Peter Loveland, die oorspronklike eienaar en bestuurder van hierdie besondere Land Rover. Die HSE TDV6 met sy kenmerkende oranje kleur het as voertuig nommer 29 aan die Land Rover G4 Challenge deelgeneem, so dit is ‘n taamlik spesiale Discovery en is steeds in sy oorspronklike kompetisie toestand. Die voertuig is liefderik as die ‘Orange Monster’ gedoop en was eenkeer amper bokveld toe weens ‘n byna terminale…