Innholdsfortegnelse for Issue 13 (Nov 2021) i Avontuur Afrika

Dit is min dat ‘n tipiese besigheidsvoorlegging of praatjie my opgewonde maak of inspireer, maar soms laat val iemand ‘n woordjie wat my laat regop sit. Dit was nou die dag die geval toe 4x4 Mega World se grootbaas, Deon Venter, ‘n paar woorde by die aankondiging van ‘n vennootskap met Tyrelife (die plaaslike verspreider van Mickey Thompson en Cooper Tires), kwytgeraak het. Ons was gaste by hul deftige nuwe perseel in Paarden Eiland in die Kaap, wat bandepassing, wiel-balansering en belyning by die beskikbare dienste by hierdie handelaarskap gevoeg het. Dit is nou ‘n gerieflike eenstopwinkel, toegewy aan alles te doene met 4x4, kampeer en landreis. Deon het vertel hoe 4x4 Mega World oor sy 25 jaar in die bedryf tot 32 handelaars landswyd gegroei het en in die…

Kampeerders en landreisigers is geneig om die meeste van hul maaltye op die vuur voor te berei, maar dinge kan vinnig in ‘n gesukkel ontaard wanneer jy laat by die kamp aankom of in ongure weer kamp. Dit is wanneer ‘n gasstoof sal help om honger magies met relatiewe gemak te voed. As jy in die mark is vir ‘n kompakte enkelbrander-gasstoof, is daar legio opsies om van te kies. Nadat ons ‘n paar van die opsies uitgetoets het, kan die Avontuur Afrika-span egter die Safegas-weergawe met ‘n geruste hart aanbeveel aangesien dit veilig en doeltreffend is. Verder is dit bekostigbaar en wyd beskikbaar by Tentco, Takealot en verskeie ander kleinhandel-en buitelugwinkels. Die kompakte afmetings (350 x 300 x 100mm) maak dit ideaal aangesien dit nie veel pakplek in beslag…

Die liniaal-reguit, netjies geteerde R360 vanaf Upington na Goerapan in die Kalahari, is ‘n lekker stuk pad om jou gedagtes voor ‘n naweek van “Patrol Pret” te orden. Ek het die spoedreëllaar op 120km/h gestel en die 298kW krag en 560Nm wringkrag van die Patrol se 5.6-liter V8 losgelaat sonder dat ek myself moes bekommer oor die voertuig se vermoë. Onder my elmboog hou die gerieflike ingeboude koelboks my padkos lekker koud en my gunsteling kunstenaars hou my geselskap deur ‘n indrukwekkende klankstelsel. Skaars ‘n uur later kom Goerapan in sig – ‘n wit soutpan tussen niks en nêrens. Ons swaai links van die teerpad af en met ons bande steeds teen ‘n teerpad-vriendelike 2.4 bar, kerf ons sandspore oor die pan wat vir die volgende 72 uur ons tuiste…

Die uitdagende Motengpas is in die noordelike kwart van Lesotho, op die A1-pad tussen die dorp Kala in die weste en die Afriski-bergoord in die noorde, geleë. Dit strek oor 15.3km en het ‘n groot hoogtetoename van 896m, wat omskakel na ‘n gemiddelde helling van 1:17. Moet egter nie geflous word deur dié redelike lae helling nie, want dit sluit die daling in. Wanneer jy die pas vanuit die westelike rigting benader is meeste van die opdraandes tussen 1:5 en 1:8. Die 91 draaie, waaronder vier uiters skerp haarnaalddraaie en een volle hoefysterdraai, sal jou volle konsentrasie vereis. Die A1-pad is die hoofroete deur die noordelike sektor van Lesotho en het derhalwe nogal druk verkeer, wat groot vragmotors insluit. Hierdie vragmotors het die volle breedte van die pad nodig om…

Mense reis van regoor die wêreld om ‘n Afrika sonsopkoms of -ondergang te beleef. Kunstenaars raak liries en gedigte en lirieke word oor die geel, rooi en amber kleure wat die uitgestrekte bos-en savannehorisonne verkleur neergepen. Fotograwe sukkel egter dikwels om die betoweringe effektief vas te vang. In hierdie artikel wil ek dus die wetenskap wat jou foto’s van hierdie perfekte oomblik in die natuur kan beïnvloed, bekyk. Die lig wat ons van die son af sien is wit, maar bestaan uit verskillende kleure met verskillende golflengtes. Met sonsopkoms of -ondergang, wanneer die son teen die horison is, is die afstand waardeur die lig deur die lug na jou oë beweeg aansienlik verder as wanneer die son oorhoofs is. Rooi, oranje en geel is langer liggolwe, terwyl groen, blou, indigo…

Die afgelope paar jaar het glamping ‘n gewilde opsie vir avontuurreisigers geword as ‘n manier om die beste van twee wêrelde te ervaar: nabyheid aan die natuur, plus die gemak en gerief wat jy tuis in jou huis kan ervaar. Oordeienaars vind dat behoorlik geïmplementeerde luukse lodge tente ‘n koste-effektiewe en vinnige manier is om addisionele akkommodasie by byna enige terrein te voeg. ‘n Sleutelvoordeel is dié tente se ruim interne spasie, wat aangepas kan word om aan die meeste gaste se vereistes te voldoen. Wat is die belangrikste faktore om in ag te neem wanneer jy moet besluit watter produk die beste by jou planne sal pas? Volgens Tentco se Theuns van der Kolff is dit nodig om die grootte van die tent, die geskiktheid van die materiaal vir…

Dave Gelling is ‘n gesoute kampeerder en sy passie vir alles te doene met landreise kom sterk na vore in elke gesprek. Trouens, hy is so passievol hieroor dat hy DG Overlanding as ‘n platform om sy entoesiasme en ervaring met ‘n wyer gehoor te deel, begin het. “Landreise en die gepaardgaande lewenstyl is een van my grootste passies in die lewe en ons spandeer die meeste van ons vrye tyd aan reis,” sê Dave, wat sy “gedwonge aftrede” (danksy die gewraakte C-woordjie) omhels het as ‘n geleentheid om nóg meer van ons mooi kontinent te verken. Dave en Sue het al omtrent die hele Suider-Afrika platgereis en noem ‘n reis na die Sentraal-Kalahari saam met Ultimate Adventures vir Dave se 60ste verjaardag as ‘n hoogtepunt, met ‘n maand wat…

Suid-Afrika se Nasionale Krugerwildtuin is die tuiste van ‘n aantal bedreigde spesies, insluitend die hoogsbedreidge en weerlose Afrika wildehond. Alhoewel daar in die park ‘n relatiewe groot en groeiende populasie van wildehonde is, word hierdie belangrike spesie elders in Suider-Afrika bedreig deur habitatverlies en bevolkingsfragmentasie. Hierdie gefragmenteerde troppe is meer kwesbaar vir aanvalle, maar ook ‘n verskeidenheid ander bedreigings soos onder meer siektes. Gelukkig het Ford Wildlife Foundation ingetree en Ranger bakkies aan 27 ekologiese beskermingsinisiatiewe, wat deel vorm van die Endangered Wildlife Trust se Karnivoorbewaringsprogram, geskenk. “Sonder die Ford Rangers sou baie van die werk wat ons doen onmoontlik gewees het, aangesien wildehonde in groot afgeleë gebiede wat moeilik bekombaar is voorkom,” verduidelik Grant Beverley, senior veldbeampte verantwoordelik vir die program in die wildtuin. “Dit is vir my noodsaaklik…

Toe bewaringsheld, Michelle Pengilly, Ironman 4x4 Africa uitgenooi het om by Wild Wonderful World se ekspedisie na die suidelike dele van Mosambiek aan te sluit, het ek ‘n inspirerende en interessante reis verwag. Wat ek nie verwag het nie, was om diep geraak te word deur haar en haar span se uitnemende bewaringswerk en vir ewig anders na bewaring te kyk. Ek besef dat die word “held” nie ligtelik gebruik kan word nie, so vergun my die geleentheid om te verduidelik waarom Michelle in my oë ‘n superheld in moderne natuurbewaring is. Michelle het ‘n suksesvolle beroep in die finansiële industrie agtergelaat om die vryheid en vars lug van Afrika na te jaag. Na ‘n paar jaar as veldgids het sy besef dat sy ‘n groter roeping het en dat…

Gert Fourie boer naby Hakskeenpan in die Noord-Kaap. Vier jaar gelede het hy en sy seuns (toe 9 en 12 jaar oud) ‘n 4x4-werkswinkel in Pretoria besoek waar hulle ‘n redelik indrukwekkende Land Cruiser 6x6 opgemerk het. Dit was nogal ‘n pronkstuk en Gert het amper op sy rug geval toe hy hoor dat die ombouing ongeveer R3.6-miljoen gekos het. Toe hulle terug in hulle Patrol klim, het die seuns onmiddellik ‘n uitdaging gestel: “Wanneer ons terugkom by die huis, wil ons ons eie 6x6 bou!” Daardie einste Desember het die werk op Gert se eie Nissan Safari 6x6, genaamd Ses Voet, begin. Teen die tyd wat nuwe jaar verby was, was daar ‘n onderstel op die hysbak in die werkswinkel en slegs ses maande later, in Junie 2017, was…

Zambië is een van my gunsteling bestemmings in Suider-Afrika en ek was opgewonde om na ‘n jaar se reisdroogte ‘n groep van agt eendersdenkende reisgenote na hierdie ware wildernisbestemming te neem. Ons het die eerste aand van ons beplande safari by die luukse Bongela Privaat Wildreservaat, sowat 10km vanaf Vaalwater in Limpopo, deurgebring en dit was duidelik dat almal uitgehonger was vir die bos en hoë verwagtinge gehad het. Na ‘n wildsrit deur hierdie bosveldreservaat het ons lekker gekuier en die klein plesiertjies wat saam met die luukse chalets kom, soos ‘n lekker sagte bed en ‘n smaaklike eland-potjie vir aandete, terdeë geniet. Gretig om die avontuur in alle erns te begin, kies ons reeds douvoordag koers na die Martin’s Drift-grenspos om hopelik die skares, wat tipies aan ‘n Afrika-grensoorgang…

Water for Elephants: Die organisasie werk nou saam met die owerhede om boorgate te sink en infrastruktuur te installeer en in werking te hou in die ooste van Botswana waar die druk van konflik met wilde diere veral in die droë maande gemeenskappe en boerderye swaar tref. Tans is daar sewe werkende boorgate wat genoeg water vir ongeveer 20 olifante per uur, 480 per dag en 3 000 in totaal bied. KONTAK: www.nkomberhino.org/waterforelephants Feed-a-child Botswana: ‘n Nie-regerings organisasie wat in 2012 gestig is om basiese voedingsbehoeftes van veral weeskinders en kinders in nood aan te spreek. Verswakte bejaardes word ook as deel van die projek versorg. KONTAK: +267 686 2851 | info@ncongo.org / director@ncongo.org | www.ncongo.org/feed-a-child-botswana/ Dreamfields Equestrian Centre: Dié projek is op die been gebring om kinders die kans…

1. Marlothi Safari Park Marlothi Safari Park is gesetel in die ongerepte Marloth Park, slegs 17km vanaf die Krokodilbrug-hek ingang na die Nasionale Krugerwildtuin. Die kampeerterrein spog met ses heerlike ruim kampplekke wat elkeen oor sy eie privaat ablusiegeriewe, ‘n braaigebied en kombuisie beskik. Of dit nou tydens ‘n vroegoggendkoffie of skemerkelkies in die aand is, besoekers is gewaarborg om ‘n oorvloed wild vanaf die uitkykpunt naby die kamp te sien en verskeie soogdierspesies drentel voortdurend deur die kamp. Die pragtige swembad bied heerlike lafenis in die warm somermaande en voëlkykers kan uitsien na meer as 300 voëlspesies in die omgewing. Met die naggeluide vanuit die naburige Lionspruit Natuurreservaat kan jy verseker wees van ‘n heerlike bos wegbreek. NAASTE DORP: Komatipoort (29km) /Malelane (36km) WINKEL: Ja TROETELDIERVRIENDELIK: Nee VISVANG: Nee…

In die afgelope dekade het die koms van motors met sogenaamde ‘slim’ of veranderlike spanning alternators eienaars gedwing om die manier hoe hulle hul sekondêre battery laai wanneer hulle reis, te hersien. Nie te lank gelede nie kon ‘n dubbelbatterystelsel – wat meestal gebruik word om ‘n yskas en ander toestelle aan te dryf – staatmaak op ‘n eenvoudige spanningsensitiewe aflosstelsel (voltage-sensitive relay: VSR) om die primêre en sekondêre battery betroubaar te laai en te skei wanneer die voertuig afgeskakel word. Dit is egter nie meer die geval nie. Dit is hier waar ‘slim’ DC-tot-DC (of battery-tot-battery)-laaiers in die prentjie kom. Hulle neem die hoogs veranderlike uitset van ‘n slim alternator en verhoog of verlaag dit tot ‘n stabiele spanning wat die vinnige en veilige herlaai van die sekondêre battery…

Stuur foto’s van jou en jou ryding na: info@4x4afrika.com Kobus Vermaak 2019 Hilux Legend 50 4x4 AT “Gutsy is my avontuur-vennoot in elke sin van die woord en het ‘n wêreld van verkenning vir my oopgemaak. Sy is taamlik omvattend aangepas om aan ons reisbehoeftes te voldoen en het reeds ‘n paar duike en skrape, maar saam het ons al wonderlike herinneringe gemaak.” WENNER Elsie du Plessis 2020 Toyota Land Cruiser 76 LX V8 “Ons Land Cruiser, genaam Doepie en Conqueror Compact Platinum veldwa is ons paspoort vir wilde en wonderlike avonture. Ons is heeltemal verlief op die Cruiser, want eenvoudig gestel: dit is die meester van die bos. Dit bied ons alles wat ons nodig het en ons geniet dit om al die pragtige plekke wat hierdie vasteland van…

Suzuki Suid-Afrika het onlangs die aflewering van ‘n eerste besending Jimnys vanaf die massiewe Gurgaon-aanleg in Indië, gevier. Hierdie aanleg bou voertuie uit 100% Japanees-vervaardigde komponente vir verspreiding na belangrike markte in die suidelike halfrond en die Karibiese Eilande. Die hoogs ge-outomatiseerde aanleg is die derde grootste vervaardigingsfasiliteit in Suzuki se wêreldwye netwerk, en bou 700 000 eenhede uit die handelsmerk se 2.25-miljoen vervaardigingskapasiteit in Indië per jaar. Suzuki is verantwoordelik vir 51% van Indië se totale motormark, waar die Swift, Ignis, Baleno, Vitara Brezza en die Ertiga (saam met die ekwivalente Toyota-handelsmerk Starlet, Urban Cruiser en Rumion vir laasgenoemde drie) vervaardig word. “Toe Japan aangekondig het dat die Jimnys wat vir die plaaslike mark bestem is voortaan ook by die massiewe Gurgaon-aanleg gebou sal word, het ons, ons handelaars…

Mooi, maar sterk Opposite Lock het nou een van die gewildste Australiese 4x4-handelsmerke, Piak, in voorraad. Die Elite staaflose bosbreker wat, danksy ‘n slanke ontwerp, geen afbreuk maak aan die esteties vloeiende voorste lyne van die meeste moderne 4x4’s nie, is een van die vele kwaliteitaanbiedinge. Dit word ook met lusse vir ekstra koplig-en enjinkap-beskerming aangebied. Dié aantreklike bosbreker is gemaak van hoë-sterkte, lae korrosie staal en is afgewerk in ’n dofswart poeierlaag. Dit beskik oor ‘n gesplete voorpaneel om optimale enjin lugvloei te verseker en kan ook OE-parkeersensors aan die voorkant van jou voertuig akkommodeer. Dit is wen-as gereed en standaardspesifikasie sluit misligte en dubbel hoë-lig domkragpunte in. Piak bosbrekers is beskikbaar vir ‘n wye reeks gewilde bakkie-en SNV-handelsmerke wat plaaslik verkoop word en dra ‘n twee-jaar waarborg. *Beskikbaar…

Die Noord-Kaap beslaan ‘n area van 372 889km² en is die tuiste van vele gewilde toeristebestemmings, sowel as van die mooiste verlate landskappe in die land. In hierdie betowerende provinsie sal jy alles vind wat jou avontuurlustige hart begeer, wat dit die perfekte bestemming vir die Meerkat Squad SA se eerste landreiservaring gemaak het. En wat ‘n interessante reis was dit nie! ‘n 11-dae lange landreis wat 2 800km, met byna 1 800km op uitdagende grondpaaie, gedek het. Toerleier Stephen Mogapi het op Aslam se knoppie gedruk aangesien hy in die Noord-Kaap woonagtig is en dus die omgewing redelik goed ken. “Soos met meeste avonture, is pro-aktiewe beplanning noodsaaklik vir die sukses en genot van die reis. Ons het vroegtydig begin beplan, met die fokus op ons drie lepellys bestemmings…

Ek het onlangs weer een van my gunsteling flieks, Forrest Gump, gekyk. Een van my gunsteling tonele uit dié klassieke fliek is ongetwyfeld die oomblik wanneer die held effe moedeloos voel en dan besluit om te gaan hardloop…en hardloop…en hardloop… Hy hardloop die hele VSA plat, met geen duidelike doel of eindpunt nie. Vir my was hierdie gedeelte van die fliek nog altyd soos ‘n poskaart van Amerika, met al die natuurskoon en toeriste aantreklikhede in die land wat in die kollig geplaas word. In ‘n onderhoud met die fliek se regisseur, Robert Zemeckis, blyk dit dat hy dié opinie deel. Ek het altyd gewonder of ek ooit ‘n soortgelyke tog deur ons mooi land sou kon meemaak en danksy die Kia Seven7 Drive het ek dan nou presies hierdie…

Hatari, McClaren, Jamie, Jumbo, Geizar, Missy, Nikita, Smokey… Gewone perde sonder vorige prestasies wat tydens Vrouemaand ingespan sou word om ‘n groep vroue ruiters se reisgenote op ’n epiese tog ten bate van welsynsorganisasies te wees. Vroeg in Augustus is die agttal perde in waentjies gelaai om die stofgetrapte pad uit Maun verby Shorobe en Sankuyo na die 105-kaplyn, agter verskeie bakkies en ander voertuie, aan te pak. Vandaar sou die vroue in die saal spring om die ongeveer 300km tot by Elephant Sands te ry. Die groep avonturiers en helpers het vanaf Maun, Pandamatenga, Francistown, Nata en Satau gereis en verskeie uitdagings oorkom om uiteindelik in die middel van nêrens afgelaai te word en kamp op te slaan in die laaste strale lig wat oor die horison verdwyn. Daar…

Naas Berg-en-Dal is Pretoriuskop een van die naaste ruskampe aan Johannesburg of Pretoria. As jy vroeg op ‘n Vrydag in die pad val en deur die Malelane-hek ry, is dié ruskamp ideaal vir ‘n vinnige heen-en-weertjie uit die stad. Jy gaan egter moet reg wees om redelik laat Sondagaand tuis te kom, maar soos Natasha altyd sê: “Die naweek is eers verby as Derek Watts jou verwelkom by die jongste episode van Carte Blanche!” Moet egter nie mislei word deur die Numbi/Phabeni-hek roetes wat weliswaar op die kaart soos kortpad lyk nie – dié roetes neem jou deur die platteland, wat met menige inwoners wat terugkeer huistoe op ‘n Sondag, nogal erg besig kan raak. Pretoriouskop is aan die mees westelike kant van die park geleë en behalwe sy status…

Die kleurvolle Gaboenadder is ‘n groot slang wat in Suid-Afrika selde langer as 1.2m word, maar heelwat langer in Oos-Afrika kan word. Die slang se lyf is bedek met pragtige skakerings van donker-en ligbruin, dofgeel, pers en pienk met fluweelbruin uurglasmerke teen die rug af. Die kop is lig gekleur met twee donker driehoeke aan weerskante wat van die oog tot by die boonste kakebeen strek. In Suider-Afrika bewoon hierdie slang die dik beboste laagliggende woudgebiede en klam savanne velde vanaf Mtunzini in KwaZulu-Natal en noordwaarts al langs die kus tot by Richardsbaai, St Lucia en tot in Mosambiek en oostelike Zimbabwe. Hulle kan ook verder noord opgemerk word. Ongelukkig is baie van hierdie slang se habitat rondom St Lucia vernietig en word die spesie dikwels deur slangversamelaars gestroop. Die…

4x4 Mega World is sedert Maart 2021 die gemagtigde verspreider van die hoogaangeskrewe REDARC-produkreeks in Afrika. Hierdie innoverende Australiese handelsmerk, met sy hoofkwartier in Adelaide, bied verskeie baanbreker-opsies vir elektroniese produkte wat van toepassing is op voertuie wat batterykrag gebruik, of dit nou motors, bote, vragmotors, busse of myntoerusting is. Die REDARC-produkreeks is omvangryk en dek elektriese stelsels, wat Smart Start SBI battery isoleerders, 12 volt invoertuig DC-tot-DC batterylaaiers, sinusgolf omskakelaars en nou ook die RedVision reeks voertuigbestuurstelsels insluit. Daarbenewens bied hulle ‘n reeks voertuigspesifieke monteerhakke-en punte om die installasieproses te verbeter, wat die bedrading van jou DC-tot-DC laaier sal vergemaklik. Al die DC-tot-DC eenhede is stof-, water-, skok-en vibrasiebestand om te verseker dat dit die strawwe kondisies wat landreise kenmerk kan weerstaan. REDARC se nuutste BCDC-reeks sluit opsies vir…

Terwyl ons die dae na die vakansie begin aftel het – wat onvermydelik is in ‘n huis met kinders wat wissel van 6 tot 12 jaar oud – het ons Toyota Suid-Afrika gekontak in die hoop om een van die onlangs bekendgestelde Land Cruiser 300-modelle deel van die pret te maak. Ons het geweet dit sou ons jaarlikse gesinswegbreek na die volgende vlak neem. Ons het nie veel verwag nie, maar tot ons verbasing het die openbare betrekkinge bestuurder, Riaan Esterhuysen, die vlagskip GR-S 3.3D voertuig aangebied vir hierdie reis. Nadat ons hierdie indrukwekkende sportnutsvoertuig die aand voor ons vertrek na Scottburgh aan die KwaZulu-Natalse Suidkus gaan haal het, het ons opgewondenheid om by die see te herlaai en ontspan toegeneem. Tydens ons reis kon ons nie anders as om…