Innholdsfortegnelse for Issue 12 (Oct 2021) i Avontuur Afrika

Spesifikasies: • Enjin: 2.0-liter Ingenium twin-turbo diesel• Kraguitsette: 177kW @4 000rpm, 430Nm @1 400rpm• Transmissie: 8-spoed ZF automaties• Maksimum spoed: 188km/h• Versnelling: 0 – 100km/h in 9 sekondes• Brandstofverbruik: 7.6 liter/100km• Gewig (leeg): 2 133kg• Bruto voertuigmassa: 2 940kg• Maksimum sleepkapasiteit: 3 500kg (gerem)• Afmetings: (L x B x H): 4 323mm x 2 008mm x 1974mm• Wielbasis: 2 587mm• Rithoogte: 225mm (krulvere)/216mm (lugvering – dit lig tot 291mm)• Benaderings-/vertrekhoeke: 31mm/37.9mm (krulvere) /30.1mm/37.6mm(lugvering)• Oorhanghoek: 25mm (krulvere)/24.2mm (lugvering) Enkele standaardfunksies en kenmerke: • Vierwielaandrywing• Dubbel-spoedoordragkas• Krulveerstelsel• Terreinreaksie• 8-spoedtransmissie• Dinamiese stabiliteitsbeheer• Afdraande beheerfunksie• Rembeheer om hoeke• Elektroniese traksiebeheer• Elektroniese parkeerrem• Outomatiese LED hoofligte• Noodrem• Twee-sone klimaatbeer• Duursame rubber vloerbedekking• 3D Buite kamera• Spoedreëllaar • Baanbystandbeheer• 360-grade parkeerhulp• Sleutellose ingang en drukknop-aansitter• Voorste lugsakke en Isofix agter Opsionele ekstras: • Explorer pack: R62…

‘NOu Hollander wat ons op een van ons landreise raak gekuier het, het die stelling gemaak dat Suid-Afrika se kort geskiedenis sekerlik van die maklikstes is om oor op te lees, aangesien meeste daarvan redelik akkuraat in joernale en boeke opgeteken is. Dit beteken egter nie dat dit nie ook propvol kontroversie is nie. Een van hierdie voorbeelde is juis dié van Pretoriuskop in die Nasionale Krugerwildtuin. Volgens legende het die ou Transvaalse goewerment (oftewel regering) van die 1800s ‘n obsessie daarmee gehad om ‘n handelsroete van Lydenburg, na Delagoabaai (vandag bekend as Maputo) te uit te lê. Dit sou totale onafhanklikheid van die Britse regering verseker. Gerugte dat die Portugeus Joâo Albasini ‘n roete ontdek het, het ‘n feitevindingekspedisie onder leiding van J van Rensburg van stapel gestuur. Onder…

Dag 1 (gewoonlik reisdag) Ontbyt: Koffie en beskuit. Middagete: Padkos wat jy by die huis gemaak het (gekookte eiers, frikkadelle, toebroodjies met kaas en konfyt en ‘n fles koffie). Aandete: Biefstuk, knoffelbrood en mengelslaai. Maak jou knoffelbrood by die huis en draai dit in foelie toe en plaas dit binne ‘n plastieksak sodat jou koelboks nie die res van die vakansie na knoffel ruik nie. Dag 2 Ontbyt: Spek of boeliebief, eiers, tamatie en roosterbrood. Middagete: Kaastoebroodjies, jogurt en vars vrugte. Aandete: Boerewors (maak genoeg gaar vir ontbyt die volgende dag), polenta met bloukaas en beetslaai. Dag 3 Ontbyt: Boerewors, roereiers en ‘n blikkie bone in tamatiesous. Middagete: Salami-en-kaastoebroodjies en vrugteslaai. Aandete: Pastapotjie met broodjies en ‘n mengelslaai. Dag 4 Ontbyt: Hawermoutpap met rosyntjies, heuning en melk (jy kan ook…

Vir Charles Dean en sy gesin is die 20-jaar-oue Land Rover TD5 perfek vir hul kampeer-behoeftes. Hy en “Bush Wacker” is gerespekteerde lede van die aanlyn 4x4 forum, die 4x4 Action Group en deel gereeld hul ervarings. “Bush Wacker is altyd gereed vir enige uitdaging of hindernis,” vertel Charles. Sy kampeer opset is dalk oud, maar uiters effektief, gemaklik en gebruikersvriendelik vir die langpadreise wat hy so gereeld as moontlik aanpak. Hy het twee van die agterste sitplekke in die kajuit verwyder om gereedskap en swaar toerusting laag onder in die blootgestelde sitplekkas te kan stoor. Sy yskas is permanent in die voertuig gemonteer, net soos die Kenwood 15W VHF-radio. “Ek het ‘n lekker groot pasgemaakte staalkappie wat oorspronklik deur AfriCab vervaardig is. Dit is redelik swaar, maar baie stewig…

Wen ‘n stel gemaklike en liggewig Big Boy kampstoele, ter waarde van R630 elk, van Tentco. Die stoele se sterk staalraamwerk kan tot 150 kg dra en kom in ‘n gerieflike en duursame nylon sak. Hoe om in te skryf: Stuur eenvoudig ‘n foto – minstens 1MB in grootte – van jou en jou voertuig na info@4x4afrika.com (onderwerp: Vierwiel Vennoot). Sluit die volgende inligting in: • Naam en beroep van die eienaar• Voertuigbesonderhede (jaar model en variant)• Voertuig se bynaam (indien relevant)• Aanpassings en wysings tot dusver gemaak (en watter daarvan is die nuttigste)• Gunsteling herinnering of reis met die voertuig• Jou droombestemming• Top wenk vir avonturiers en ontdekkingsreisigers• Hoekom jy mal oor jou ryding is Bepalings en voorwaardes: Die beslissing rakende uitgesoekte inskrywing berus uitsluitlik op die Avontuur Afrika-span…

Mahindra tref die kol met twee spesiale uitgawes Die afgelope 10 jaar het Mahindra van ‘n relatiewe onbekende handelsmerk in Suid-Afrika na ‘n grootkop in die motorbedryf gegroei en bied veral bekostigbare opsies vir die 4x4-koper. Hul gewilde vlagskip-modelle – die Mahindra Scorpio en Pik Up – is onlangs opgegradeer. Pik Up Karoo Dusk Geïnspireer deur die pragtige Karoo-landskap, is die nuwe Mahindra Karoo Dusk S11 Automatic ‘n treffende leefstylgerigte dubbelkajuit bakkie. Dit is gebaseer op die gewilde S11 Karoo en toegerus met die top produkte uit die Mahindra onderdeelkatalogus asook ‘n paar spesiale items wat eksklusief tot die Dusk sal wees. Verder spog dit met spesiale akasiaboom Karoo-kentekens en unieke plakkers. Die model kom met ‘n duursame swart filmbedekking en deel die stylbalk op die laaibak, staal sytrappe, robuuste…

Die Land Cruiser naam was nog altyd sinoniem met verkenning, avontuur en ontdekking. Sedert die eerste Land Cruiser in Afrika aangeland het, het menige avonturiers hierdie voertuig gekies om die vasteland te verken en die Land Cruiser naam het legendariese status verkry. Vir die afgelope 14 jaar het ons die Land Cruiser 200 gehad en die voertuig het homself oor en oor bewys as een van die taaiste sportnutsvoertuie op die mark. Nou is daar egter ‘n nuwe baas van die Toyota-plaas: die Land Cruiser 300. Hierdie nuwe model is nie bloot ‘n klein opgradering van die vorige generasie Land Cruiser 200 nie, maar eerder ‘n massiewe sprong vorentoe vir die handelsmerk. Dit was van onder af herontwerp met ‘n ligter en stewiger leerraam en bak. Gewigsverdeling is geoptimaliseer deur…

“Wat is die plan?” Ek weerstaan die drang om druipstert in die motorhuis te gaan werk soek en besluit om nou maar my man te staan. “Uhm. Ja wel, ek het gedink om ‘n interessante roete deur die Noord-Kaap aan te pak en dan deur die Oos-Kaap terug te keer na Kaapstad. Ek skat ons sal so drie, vier dae op die pad wees – dalk meer…” Die stilte is tasbaar en heeltemal te lank. Die Prof (vir dié van julle wat nie weet nie, ek was braaf genoeg om ‘n vrou te trou wat slimmer as die gemiddelde persoon in die wêreld is!) is tussen Zoom vergaderings waar daar ongetwyfeld onderwerpe vêr bo my vuurmaakplek bespreek word. “En waar beplan jy om te oornag?” blaf sy, steeds nie oortuig…

Om na afgeleë gebiede, soos die Kaokoland in die verre Noord-Namibië te reis, is iets waaroor menige landreisigers slegs kan droom… Wye oop ruimtes, natuurskoon wat jou laat glo dit is ‘n olieverf skildery van weleer en stiltes wat sing, is slegs enkele redes om hierdie afgeleë gebiede op te soek. Asof dit nie genoeg redes is nie, is daar nou nóg ‘n trekpleiser vir avonturiers na Noord-Namibië. Die geheimsinnige klipbeelde wat deel uitmaak van hierdie dor landskap, is besig om vinnig kultusstatus te kry, met mense wat van heinde en verre kom om hulle te soek. Om die misterie te verhoog, bly die kunstenaar wat hierdie “Lone Men of Kaokoland” reeks geskep het ‘n enigma – niemand weet wie of wat hy of sy is nie! In ons vorige…

Pelgrimsrus, ‘n dorp wat onlosmaaklik verbind word met die pioniersdae van die ontdekking van goud en die wel benoemde Rowerspas, is histories gebind soos ‘n tweeling. Hierdie geteerde pas bied uiteenlopende natuurskoon oor ‘n gebied vol geskiedenis van die omgewing en sy mense. Vandag is hierdie eens florerende dorp ‘n klein dorpie wat toeriste ‘n blik bied op ‘n vervloë era, vanwaar toeriste die beroemde Rowersgraf naby die pas by Pilgrimsrus kan besoek. Rowerspas is ‘n lang pas van 20.6km, met ‘n kruinhoogte van 1 789m bo seespieël en ‘n totaal van 68 draaie, hoeke en kurwes insluit, vereis skerp konsentrasie en fokus van bestuurders. Die gewone gevare is van toepassing – insluitend swaar bergmis, hoë reënval, hout-en myn trokke, slaggate en ongeduldige bestuurders wat nie die versperringslyne gehoorsaam nie.…

Die Kaapse kobra, ook bekend as die geelslang of koperkapel, kom grootliks in die Wes-en Noord-Kaap voor, maar strek tot in die Oos-Kaap, Vrystaat, Lesotho, Noordwes, Botswana en Namibië. Dit is ‘n uiters giftige slang met ‘n sterk neurotoksiese gif, soortgelyk aan dié van die swart mamba en dus geen verrassing dat hierdie twee slange verantwoordelik is vir meeste slangbytsterftes in Suider-Afrika nie. Geel en goue oranje kleur variëteite van hierdie slang is algemeen, maar sjokoladebruin, liggeel en gespikkelde individue word ook gevind. Jong slange is gewoonlik ‘n ligbruin kleur met ‘n donker stuk wat die grootste gedeelte van die bors bedek en duidelik sigbaar is wanneer ‘n bakkop gevorm word. Die Kaapse kobra se habitat is fynbos, Karoo struikgewasse, dorre savanna-velde en die Namibwoestyn, waar dit in knaagdiergate, rotsskeure…

Batterye is die kern van enige kragstelsel terwyl jy kamp. Dit is in wese klein reaktore wat chemiese energie na elektrisiteit omskakel. Wanneer ‘n battery aan ‘n eksterne toestel gekoppel word om ‘n stroombaan te vorm, word ‘n chemiese reaksie veroorsaak wat tot gevolg het dat elektrone met ‘n negatiewe lading om die kring stroom en sodoende toestelle soos ligte of ‘n yskas aandryf. Die geskiedenis van batterye is fassinerend en dis moontlik dat batterye al sedert Mesopotamiese tye bestaan. Die eerste werklik gedokumenteerde deurbraak kom in 1800 toe die Italiaanse fisikus Allesandro Volta skyfies koper en sink op mekaar gepak het, geskei deur ‘n lap geweek in pekelwater. Drade aan die bo-en onderkant van hierdie stapel het ‘n konstante spanningstroom gelewer. Die wêreld se eerste herlaaibare battery, die bekende…

Met die splinternuwe Ford Ranger volgens verwagtng slegs ‘n paar maande weg, het Ford die afgelope jaar of wat ‘n uitstekende taak verrig om die handelsmerk in die oog van kopers te hou met verskeie spesiale weergawes soos die XL Plus, FX4, Thunder, ensovoorts. Nie dat Ranger verkope veel versterking nodig het nie: die T6 wat in 2011 bekendgestel is, het wydverspreide openbare erkenning gekry vir sy estetika en werksverrigting. Dit is ‘n topverkoper, met ‘n rekord van byna ‘n halfmiljoen eenhede tot op hede en ‘n konstante maandelikse plek op die plaaslike liggewigvoertuigverkope se podium. Dit sluit natuurlik die uitvoervolumes wat die sleutel tot Ford SA se uitbreidingsplanne was uit. Die opkomende nuwe model sal in die massiewe nuwe aanleg, wat teen R15.8-miljard gebou is, vervaardig word. Hierdie belegging…

“Baie geluk met jul eerste jaar in die bedryf, Avontuur Afrika! Ja, daar was vir seker ‘n paar groeipyne, maar dit is oorkom en elke uitgawe het gespreek van toewyding, harde werk en ‘n passie wat uitgeleef word. Met die kwaliteit artikels, voortreflike joernalistieke bydraes, pragtige foto's, professionele bladuitleg en sommer net lekkerlees inhoud, is dit een van die tydskrifte wat werklik van krag tot krag gegaan het. Vele mense het doemprofetiese voorspellings gemaak rakende die volhoubaarheid van Avontuur Afrika se verskyning, veral in Covid-19 tye. Gelukkig het die span hulle verkeerd bewys en elke maand was die tydskrif op die rakke. Die span kwyt hulself voortreflik van hul taak en het ‘n tydskrif wat werklik bo die gewone industrie standaard is daargestel.” – Louis Krouwkamp, medewerker en vertaler “Wat…

Toe ek my beste vriendin, Charlotte, bel om haar vir ‘n naweek saam te nooi om na tiere in die Vrystaat te gaan soek, hoor ek die effense verwarring in haar stem. Nie dat ek haar kon blameer nie. Wilde tiere, in Afrika? Dalk ‘n effe mal idee, maar ongetwyfeld visioenêr. Nie dat die stigter van hierdie unieke bewaringsprojek, John Varty (oftewel JV), geprys is vir sy inisiatief toe hy dit meer as twee dekades gelede begin het nie. Inteendeel, hierdie Suid-Afrikaanse filmmaker en passievolle natuurbewaarder het aansienlike teenkanting gekry. Dis nou 21 jaar later en hierdie projek is steeds volstoom aan die gang, ten spyte van doemprofete. Tiger Canyon, in die klein Vrystaatse dorpie Philippolis wat omring word deur die dorre Karoo, gee hoop vir hierdie hoogs bedreigde roofdier…

Calvinia – Kleinplasie Die Kleinplasie Gastehuis is op ‘n kleinhoewe 2km buite Calvinia in die Hantam-streek van die Noord-Kaap geleë. Die oorspronklike plaasgeboue wat meer as 100 jaar oud is, is in 2002 tot ‘n gasteplaas gerestoureer en bied vier ruim dubbelkamers met en suite-badkamers, asook twee groter selfsorgeenhede. Daar is ook ‘n klein kampeerterrein met ablusiegeriewe. TARIEWE: R550 per nag vir die dubbelkamer | R600 vir die selfsorgeenheid | R200 per nag vir kamp GASHERE: Oubaas and Marietta Strauss KONTAK: +27 79 885 9836 | +27 27 341 2751 | kleinplasieguesthouse@telkomsa.net In die omgewing: Die Calvinia-distrik vorm deel van die Groot Karoo en is 400km noordwes van Kaapstad op die Namibië-roete. Hierdie streek is veral bekend vir die helderkleurige lenteblomme wat gedurende Augustus en September blom, andersins bekend as die…

Wat is dit wat die Breederiviervallei so ‘n aanloklike bestemming vir ‘n naweek wegbreek maak vir Kapenaars? Is dit moontlik die vele klein dorpies vol geskiedenis, heerlike eetplekke en bekoorlike oornagplekke? Kan dit moontlik die heerlik verfrissende wyne wees? Of is dit die mense, wat minder behep is met die natuurskoon van hul omgewing as die Moederstad se inwoners en eenvoudig daarop ingestel is om hul sterre te dank dat hulle een van die vrugbaarste valleie van Suid-Afrika hul tuiste kan noem? Dit is waarskynlik ‘n kombinasie van al hierdie elemente wat hierdie bestemming die ideale plek maak om te kom asem skep, weg van die stadslawaai en stres. Dit is dan presies wat ons vir ‘n wegbreek aan die begin van die lente beplan het. Vir ‘n beter avontuur-vennoot…

1. Kam’Bati Rivieroord Dié bekroonde kampeerterrein is op ‘n Overbergse plaas, ongeveer 20km wes vanaf Swellendam, geleë en bied skaduryke staanplekke, selfsorgeenhede en ‘n glamping opsie in een van die vyf luukse tente. Die Sonderend-en Breederivier vloei verby die eiendom met grasryke kampeerterreine wat toegerus is met elektrisiteit en spog met silwerskoon gemeenskaplike ablusiegeriewe. Die oord is baie veilig, gerieflik en rolstoelvriendelik. Die swembadarea is ‘n groot trekpleister vir oud en jonk. Ander aktiwiteite sluit plaasritte, voëlkyk safari’s, bergfiets-en staproetes in. NAASTE DORP: Swellendam (20km) WINKEL: Ja TROETELDIERVRIENDELIK: Nee VISVANG: Ja (rivier) SELFOONOPVANGS: Ja (WiFi) TOEGANKLIKHEID: Grondpad (begaanbaar vir nie-vierwielaangedrewe voertuie en padkaravane). TARIEWE: Vanaf R240 per volwasse per nag (afhangende van wanneer jy besoek). Slegs een familie (twee volwassenes en twee kinders tussen 4-17) word per staanplek toegelaat. Kinders…

Wanneer jy besluit het dat ‘n daktent vir jou is, is daar ‘n paar dinge om te oorweeg. Jy moet die belangrikste verskille tussen sagte-en harde dop weergawes verstaan en oor ‘n paar dinge soos grootte, gewig, monteringstelsels en ligging op jou voertuig besin. Ons het navorsing gedoen oor die beste plaaslik vervaardigde hardedop daktente en gefokus op die kenmerke wat kenners glo die belangrikste is. Hardedop teenoor sagtedop daktente Sagtedop daktente was die voorloper vir hierdie toerustingsektor en hul slim ontwerp is reeds goed gevestig in die mark. Hierdie tente kan groot en wyd gemaak word en kleedkameren kombuis areas kan aan die gedeelte wat by die voertuig uitstaan, geheg word. Wanneer dit weggepak word, vorm dit egter ‘n soliede blok wat nie baie aërodinamies is nie. Verder word…

Land Cruiser 100 Series VX 2004 model Kilometerlesing (aankoop): 269 000km Kilometerlesing (huidig): 272 000km ‘n Standaard 4x4-voertuig kan die eise van matige landreise hanteer, maar die beperkings van die veerstelsel word duidelik namate die vrag toeneem. As jy versterkings wil aanbring om die voertuig te beskerm (dink aan ‘n bosbreker, agterste buffer en wieldraer, onderstelbeskerming, ens), gebruik jy die laaikapasiteit van die voertuig op. Voeg passasiers en kamptoerusting by en kort voor lank is die voertuig heeltemal te laag en tref elke knik en stamp op die pad of hindernis. Om dit te voorkom, maak dit sin om ‘n na-verkope veerstelsel aan te bring. Swaardiens vere sal die ekstra vrag akkommodeer, terwyl stewiger skokbrekers die demping onder beheer hou en die rygenot aansienlik verbeter. Die ekstra ryhoogte stel jou…

Gazebo’s is ‘n fantastiese alternatief vir ‘n seilafdak omdat dit onafhanklik opgeslaan kan word. Wanneer dit nie skaduwee tydens ‘n kampreis bied nie, kan jy dit in jou tuin, op die strand en vir byna enige buiteluggeleentheid waar skuiling nodig is gebruik. Hierdie veelsydigheid is natuurlik ook ‘n groot voordeel tydens kampering aangesien die gazebo op verskillende maniere in en om die kamp gebruik kan word. Beskerming Die hoofdoel van enige gazebo is om beskerming teen die elemente, insluitend reën, wind of skroeiende hitte te bied. Tydens reënstorms kan jy droog bly onder die gazebo, terwyl jy steeds die natuurskoon in die omgewing kan geniet, in plaas daarvan om vir ure lank beknop in jou tent te bly. Gazebo’s bied ook ‘n blaaskans teen die versengende Afrika-hitte deur gewaarborgde skaduwee…