Innholdsfortegnelse for Issue 11 (Sep 2021) i Avontuur Afrika

Ontdek die volgende meer as 120 woorde wat verband hou met avontuur, kamp en 4x4 terme in die blokraai. Woorde kan horisontaal, vertikaal of diagonaal en in enige rigting wees. Kappies en deeltekens word nie gebruik nie. AFRIKA AFSAAL AMMO KIS AVONTUUR BAK BANDE BANDHERSTELSTEL BATTERY BESEM BLADVERE BLARE BOENDOE BOERETROOS BOOM BOS BOSWA BRAAI BRUG BRUL DAKRAK DEEG DIESELENJIN DOMKRAG DONGA DONKIERAT EET ETE EWENAAR GEE GEREK GESOG GIS GRONDPAD GRONDVRYHOOGTE GROOT VYF HERWIN HOED JERRYKANNE KAAP KAMPE KAMPSTOELE KAS KLEIN VYF KLOOF KLOS KNIPMES KOS KRAP KRONKELVEER KUIER KUS LAAIKASSTELSEL LAESTREKRAT LEEG LEERRAAMONDERSTEL LIG LUGKUSSING MAAN MODDER NAAMSA NAWEKE OMSKAKELAAR ONTBYT OORDRARATKAS OORKRUISGATE OOS PARKEERAFSTANDBEHEER PEN PLAT POOG RAAKSKERM RED RIVIER ROKER ROOF ROOI ROOMYS ROOSTER RUS SANDPAAIE SEE SEEL SELF SIS SKOKBREKERS SLAGGATE SLANG SLEEPSTANG SLEUTEL SLOT…

Ford Suid-Afrika het die produksie van skoolskoene vir 4 300 minderbevoorregte kinders in Pretoria en Gqeberha (voorheen Port Elizabeth) befonds. Die eerste besending van 1 010 pare skoene is onlangs aan Laerskool Ramahlale in Mamelodi, naby Ford se Silverton-monteeraanleg, oorhandig. Ford het R1 miljoen aan die plaaslike nie-winsgewende organisasie Future Families, wat die Ford Resource and Engagement Centre (FREC) in Mamelodi bedryf vir dié projek geskenk. Die sentrum bied gratis vaardigheidsontwikkeling en opleiding aan die plaaslike gemeenskap deur middel van toelaes van Ford Motor Company Fund en Ford Suid-Afrika. Deur die R1 miljoen skenking het Ford Suid-Afrika en Future Families saam met Veldskoen Shoes gewerk om 4 300 pare swart leerskoene te produseer, wat aan Laerskool Ramahlale en Hoërskool Gatang in Mamelodi, sowel as Laerskool Missionvale U.C.C., Laerskool Sipho Hashe…

Draagbare kragpakke is basies multi-uitset omskakelaars, met verskillende herlaai-opsies. Onlangse verbeteringe in litium-ioon battery tegnologie beteken dat hierdie toestelle nou ligter en heelwat kleiner as ooit te vore is. Dit maak hierdie kragpakke ideaal vir die laai van ligte elektroniese toestelle wanneer jy kampeer en dit kan ook as ‘n nood-kragbron tuis funksioneer. Toe Energy Independence ons dus ‘n rukkie gelede geskakel het om te vra of ons hul draagbare kragtoevoereenheid – die Rentech PPS 750 – wou toets, was ons opgewonde om dit te probeer. Wat ons aanvanklik verras het, is hoe kompak die eenheid is. Dit weeg slegs 7.5kg en met ‘n lengte van 349mm, ‘n breedte van 16mm en ‘n hoogte van 285mm, is dit nie veel groter as twee brode wat op mekaar gestapel is nie.…

As ek die aanloklikheid en die betowering van Namibië moet beskryf, sou dit die oop ruimtes en ongerepte wildernisgebiede wees, gepaard met die ongeëwenaarde biodiversiteit wat die land bied. Die grootste aanloklikheid is egter in die mense van hierdie besondere buurland. Of jy jouself nou in die dorre suide in die ou mynstad van Lüderitz bevind, of die toeriste-gunsteling Swakopmund of ‘n Himba-kraal in die noordwestelike hoek van hierdie buurland besoek, al die inwoners is verwelkomend, vriendelik en altyd bereid om te help. Wel, byna almal van hulle! Die immigrasiebeampte by die Namibiese grenspos moet die uitsondering wees – hy het besluit dat dit blykbaar tyd was dat ek beide ‘n geskiedenis- sowel as geografie-les nodig het, toe ek my eindbestemming noem. Volgens hom bestaan Kaokoveld nie meer nie en…

Ubuntu is ‘n ou Afrika-woord wat “Ek is wat ek is as gevolg van ander” beteken. Ek dink die Engelse weergawe stel dit dalk so effe beter: “I am because we are”. Die woord Ubuntu omskryf menslikheid, barmhartigheid, mededeelsaamheid, deernis en die konsep om ander te help sonder om iets terug te verwag. Dit is dan ook waar die storie van ons Cruiser met die naam Ubuntoe, begin want niks van die wonderwerk wat gebeur het, sou moontlik gewees het sonder almal wat gehelp het om die droom waar te maak nie. Kom ek begin by die begin. Om die verhaal te vertel moet ek by ‘n legende met die naam van Braap begin – die Hilux met honderde plakkers van plekke waar ons al oral getoer het en wat…

Om in die bos te kook, kan bietjie van ‘n pyn wees. Spasie is ‘n probleem, sand is ‘n probleem en bowenal is ‘n kwaai, honger vrou (of, in my geval, ‘n suster) ‘n probleem. Die Engelse term hangry beskryf dit redelik goed! goed! Om sonder die regte toerusting vleis te braai kan blitsvinnig in ‘n nagmerrie ontaard. Die bos-braaier se belangrikste werk is om die vleis van die grond af weg te hou. Niemand hou van sand as spesery nie, aldus my kollegas wat redelik omgekrap was nadat ek tydens ons onlangse Botswana-avontuur die hele bak hoender op die grond laat val het! Kom ons sê maar net ek is nié daardie week as werknemer van die week gekroon nie! Vir my is die tradisionele toeknyprooster perfek vir ‘n…

• Naderingshoek: Die steilste hoek wat ‘n voertuig kan klim voordat sy voorste buffer, of die mees voorste deel van die voertuig met die grond in aanraking kom. Die naderingshoek kan verbeter word deur ‘n verhewe bosbreker of groter bande te installeer of jou voertuig se veerstelsel op te gradeer, of ‘n kombinasie hiervan te implementeer. • Artikulasie: Die lengte van beweging as ‘n veerstelsel saamdruk oor ‘n bultjie of hang oor ‘n gat wanneer dit deur ongelyke terrein kruis. Hoe meer beweging, hoe meer traksie is by elke wiel beskikbaar om vorentoe te beweeg. • Breek-oor hoek: Die steilste helling waaroor ‘n voertuig teoreties kan ry sonder om te krap, gemeet tussen die asse tot by die laagste punt onder die voertuig. • Vertrekhoek: Die steilste hoek wat ‘n…

Deur die tradisionele veelsydigheid en praktiese toepassings van ‘n veeldoelvoertuig (VDV) te kombineer met die robuuste en sportiewe voorkoms van ‘n sportnutsvoertuig (SNV), is Mitsubishi se splinternuwe sewe-sitplek Xpander ontwerp. Soos die naam aandui, is dit om kopers se opsies uit te brei in terme van leefstylkeuses en gesinsdinamika. Terwyl die binneruim al die funksionele veeldoelvoertuig kenmerke het, is dit alles SNV van buite. Die kern van die moderne, dog praktiese voorkoms is Mitsubishi se sogenaamde Dynamic Shield Design, wat ten doel het om nie net werkverrigting, maar ook beskerming te verbeter. Die vooraansig van die vorige generasie Mitsubishi-modelle het gedien om beide die passiers en die voertuig te beskerm. Die nuwe voorkant met die swart sentrale area bou voort op hierdie benadering, maar versterk dit deur 'n bietjie sportiwiteit…

Botswana sal altyd ‘n spesiale plek in my hart hê. Dit is die land waar ek, tot my groot verbasing, op wild kampeer en die bos verlief geraak het. Jy sien, ek is ‘n ‘tjokkie-op-die-kussing’ tipe van toeris en wanneer ek honderde kilometers reis dink ek nie dat om op die grond te slaap met hiënas wat om die tent snuffel juis aantreklik is nie. Wel, dit was die geval tot ek omtrent vyf jaar gelede tot ‘n gesinsvakansie in Khwai ingestem het, redelik teësinnig natuurlik. Toe gaan staan en verloor ek wraggies my hart en raak malverlief op dié mooi land, sy mense en alles wat dit bied. Sedert daardie eerste Botswana toer het ek heeltemal te min teruggekeer, maar was wel al bevoorreg genoeg om die Makgadikgadi-panne, Chobe,…

Ripleys Camp, Windhoek ‘n Vinnige 20 minute se ry vanaf Windhoek af sal jy Ripley’s, wat veilige kamp, chalets of tentverblyf bied, vind. Geriewe sluit ‘n swembad, braai areas en ‘n staproete, waar jy swartwitpense, springbokke, blesbokke, rooibokke en Njalas sal sien, in. KONTAK: christa@ripleyscamp.com | www.ripleyscamp.com Oppi-koppi Restcamp, Kamanjab Oppie-Koppi is ‘n ware oase in die woestyn en ‘n ideale en laaste rusplek voordat jy na Etosha, Windhoek, Damaraland, Kaokoland, Epupa-valle of Swakopmund ry. Dit bied selfsorgeenhede en vyf kampplekke wat almal toegerus is met ‘n braai area, kragpunt, ‘n kraan en netjiese ablusieblokke. KONTAK: +264 67 33 00 40 | info@oppi-koppi-kamanjab.com www.oppi-koppi-kamanjab.com Kunene River Lodge Geleë op die oewer van die Kunenerivier, wat die noordwestelike grens tussen Angola en Namibië vorm, bied Kunene River Lodge verskeie verblyfopsies en…

Reisplan: 9–17 Oktober 2021 Saterdag, 9 Oktober Ontmoet en kamp by Nkonkoni Fishing Camp in die Pongola Wildreservaat. *Jy is welkom om vroeër te kom en ‘n bietjie tiervis te vang. Sondag, 10 Oktober Wildrit in die beroemde Tembe-olifantpark voordat ons by Amangwane Camp in Kosibaai aankom, waar jy kan kies tussen ‘n chalet of kamp. Hier is aandete ingesluit. Maandag, 11 Oktober Covid-19-toetse by Manguzi, gevolg deur ‘n dag by Kosibaaimond. Oornag by Amangwane Camp (chalet of kamp). Dinsdag, 12 Oktober Gaan Mosambiek by die Kosibaai-grenspos binne en ry die wildernis van die Futi-Korridor binne. Kamp by Futi Suid 4x4-wilderniskamp. Woensdag, 13 Oktober Reis verder noordwaarts via die Futi-Korridor. Kamp by Futi Noord 4x4-wilderniskamp. Donderdag, 14 Oktober Steeds op die 4x4-wildernisroete, deurkruis ons die uitgestrekte vloedvlaktes. Kamp by Meer…

1. Hluhluwe Bush Camp Hluhluwe Bush Camp bied kampeerders pragtig weggesteekte kampplekke in die middel van die natuurlike bos – ideaal vir avonturiers wat ‘n bietjie wil wegkom van die stadsgewoel en die ware, wilde Afrika wil ervaar. Elke staanplek by hierdie kampeerterrein het sy eie braaiplek, so kampeerders kan lekker rustig om die vuurtjie kuier terwyl die vleisie oor die kole braai. Daar is ook luukse safari tente met ‘n eenvoudige uitleg wat sorg vir ‘n gerieflike en ontspanne ervaring. Die kampterrein grens aan die iSimangaliso vleilandpark en is slegs 20 minute se ry vanaf Hluhluwe-iMfolozi Park. Die kamp is ook op een van die roetes van die Rhino Mountain Bike Trails geleë. NAASTE DORP: Hluhluwe (12km) WINKEL: Ja TROETELDIERVRIENDELIK: Nee VISVANG: Ja (see) SELFOONOPVANGS: Beperk TOEGANGKLIKHEID: Grondpad (begaanbaar…

As eienaars en bestuurders van ‘n toer- en safari-onderneming wat daarna streef om gaste die beste moontlike waarde vir geld te bied, het George and Marlene van Deventer van Trans Africa uit persoonlike ondervinding geleer van die slaggate en verrassings wat ‘n reis deur Afrika kan inhou. Deur sorgvuldige navorsing en beplanning sal hulle jou droom-avontuur in ‘n goed deurdagte en moeitevrye reisplan omskep, wat jou eers sprakeloos sal laat en jou dan in ‘n storieverteller van formaat omskep. Hulle bied meer as net die gewone toeriste-ervarings en sal avontuurlustiges na plekke neem wat ander toeriste nooit die voorreg sal hê om te aanskou nie. Hul dienste sluit begeleide self-bestuur toere, besprekings en toerplanne, toegeruste 4x4-voertuig verhuring, pasmaak toere en kampeertoerusting in. Hoogtepunte op die 2022 Kalender: BOTSWANA SPECIAL: 13…

Wanneer jy ‘n voertuiggebaseerde 12V kragstelsel om die ekstra battery(e) te laai as deel van jou kampeeropset beplan, is daar heelwat elemente om te oorweeg. Sodra jy die tipiese kragbehoeftes vir jou opset – gemeet in watt of ampère gedurende elke 24-uur periode (uit die yskas, ligte, pompe en ander toestelle) – bepaal het, kan jy die battery se grootte bepaal. Vandaar kan jy die benodigde kraguitset van die sonpaneelstelsel om jou batterye gelaai te hou, bepaal (soos in verlede maand se uitgawe verduidelik is). Aangesien sonpanele ‘n hoër spanning lewer as wat optimaal is om ‘n battery deur die verskillende laaifases te laai, moet jy ook in ‘n sonpaneel laaibeheerder, wat die lading in die battery modereer, belê. Nadat dit volledig ontlaai is (teen ongeveer 10.8V), benodig ‘n battery…

Oorgrensbewaring het onlangs ‘n betekenisvolle hupstoot gekry met die suksesvolle verskuiwing van 27 sebras en 62 blouwildebeeste oor 1 250km vanaf die Nasionale Krugerwildtuin in Suid-Afrika na die Zinave Nasionale Park in Mosambiek. Dié nuwe aankomelinge het aangesluit by die meer as 2 300 stuks wild wat voorheen verskuif is en nou gedy onder Zinave se herstel-en bestuursprogramme. Die Vredesparkstigting (Peace Parks Foundation) ondersteun hierdie projek wat sedert 2018 reeds meer as 700 diere verskuif het. Donasies van Suid-Afrika se Departement van Bosbou, Visserye en die Omgewing en Mosambiek se ministerie van grondsake en die omgewing het dit moontlik gemaak om diere in sleutelparke van die groter Limpopo Vredesparkstigting aan te vul. “Die verskuiwing van spesies uit die Nasionale Krugerwildtuin na Zinave Nasionale Park in Mosambiek, is ‘n goeie aanduiding…

Die teerpad roep al weer. Stompneusbaai en sy mense, van wie ons laas maand vertel het, sit warm en knus in ons harte toe ons by Midwest Karavaanpark oppak – allermins so netjies as wat ons voertuig drie dae gelede was, maar darem. Alles pas in en dit ratel darem nie té veel toe ons die R399 na Velddrif neem nie. Dis verbasend hoe vinnig jy die seegevoel agterlaat en die skaap- en graanplase weerskante van die pad jou herinner dat jy eintlik met jou een voet in die Swartland staan. Ons ry nie oor die brug dorp in nie, maar draai op die Hopefield-pad af na Kuifkopvisvanger, ons volgende kampplek. Ons kry die “nood-staanplek” vertel eienaar Jan Kotze ons so in die stap. Hy verduidelik dat een van sy…

Soos met meeste dinge in hierdie bedryf, het hierdie spesifieke reis met ‘n selfoonoproep begin. Aan die ander kant van die lyn was my vriend Niel Crafford, ‘n bekende eko-argitek wat gehelp het met die ontwerp van toerisme-fasiliteite in reservate van die Richtersveld tot Mapungubwe. “Johan,” het hy gesê, “ek was betrokke by die ontwikkeling van ‘n paar van die nuwe fasiliteite in die suide van Mosambiek – is jy nie lus om in Junie saam met ons op ‘n feitevinding missie te gaan nie?” Wat ‘n vraag! Uiteraard het ek geen aanmoediging nodig gehad nie. Ek het die uitnodiging dadelik aanvaar, want dit was ten minste 10 jaar sedert ek hierdie gebied – wat dikwels verkeerdelik die Maputo Olifant Reservaat genoem word – besoek het. Dit is egter deesdae…

Die “magtige” Sabierivier is nie juis die manier hoe ons dié rivier – wat sy oorsprong naby Lydenburg het – vandag sal beskryf nie. Gedurende die tyd toe die Voortrekkers hierdie rivier moes trotseer, het hulle egter die Tsonga woord “Ulusaba” – wat losweg vertaal word na vreesaanjaende rivier – as naam gekies. Dit het later Saba en toe Sabierivier geword. Die oorsprong van die naam “Onder-Sabie” word deur Hans Bronman toegeskryf aan die glibberige klippe hoër op teen die berge. Dit is een van die mees biodiverse riviere in Suid-Afrika en deurkruis die Nasionale Krugerwildtuin. Vir ons is die Onder Sabie ruskamp een van ons gunstelinge – hier is van die beste wild- en natuurbesigtigings in die hele Kruger, of selfs die hele land! Matige wintertemperature beteken dat hierdie…

Stuur foto’s van jou en jou ryding na: info@4x4afrika.com Martin de Jager 2013 Suzuki Jimny 1.3 “Ek het hierdie speelding ongeveer ‘n jaar gelede aangeskaf en sedertdien tonne pret daarmee gehad. Die voertuig het ongeveer 170 000km op die odometer gehad en was redelik standaard, met net ‘n dakrak, ‘n snorkel en rotsglyers wat reeds aangebring was. Daarna het ek ‘n 3-duim lig gekry danksy ‘n EFS-veerstelsel en nuwe 235/75 R15 bande. Ek beplan nog heelwat ombouings om van Ratel ‘n ware avontuur-vennoot, reg vir enige landreis, te maak.” Ian Morrison 2020 Suzuki Jimny GLX Handrat “Ek besit Bazooki nou al vir drie maande en was nog nie ‘n enkele dag spyt dat ek die voertuig aangeskaf het nie. Ons het reeds ‘n hele paar 4x4-roetes en -uitstappies saam met…

“Ons word gereeld gevra: Hoekom ‘n Amarok? Waarop ons heel maklik antwoord: Hoekom nie!”, sê Neil van Rensburg oor sy betroubare ryding. “Dit is gemaklik, duursaam en uiters gemaklik. Ons onderneem gereeld langafstand landreise en die Amarok het homself nou al keer op keer as ‘n wonderlik bekwame avontuur-venoot bewys!” Neil vertel dat landreise deur Afrika nie kinderspeletjies is nie, al is dit hope pret. “Om ‘n voertuig te hê wat onklaar raak, is nooit welkom nie. Gelukkig is dit nie ‘n probleem as jy agter die stuur van ‘n Amarok is nie!” sê hy. Dit is nie net Neil wat ‘n aanhanger is nie. Om die Amarok te bestuur is ook een vir Tineke se gunsteling dinge. “Die Amarok het nog nooit teruggedeins vir ‘n uitdaging nie en slaag…