Innholdsfortegnelse for Issue 9 (Jul 2021) i Avontuur Afrika

As ons die tekens reg lees, sal Nissan voor die einde van die jaar die splinternuwe Terra in die uiters mededingende sportnutsvoertuig-mark in Afrika bekendstel. Dit staan ook bekend as die D-SNV segment en sluit plaaslike mededingers soos die Toyota Fortuner, Ford Everest, Mitsubishi Pajero Sport en Isuzu MU-X in. Dit kom as geen verrassing nie, in ag genome die kwaliteit van die splinternuwe en plaaslik vervaardigde Navara, wat ongetwyfeld die platform en die reeds gevestigde reeks veiligheids- en bestuurdershulpmiddels sal bied. Dit is dus sinvol om ‘n SNV-formaat aan te bied, met inagneming van die Navara se kombinasie van ‘n sterk leerraam-onderstel, ondersteun deur gesofistikeerde krulvere met vyf skakels agter, ‘n soliede as en dubbel-wensbeen voor-veerstelsel. Dit is heel waarskynlik dat die Navara ook die aandryfstelsel vir die Terra…

Mazda Suider-Afrika is gereed om die derde generasie BT-50 plaaslik bekend te stel. Anders as die tweede generasie, wat op die Ford Ranger gebaseer was en die 3.2-liter vyf-silinder enjin gebruik het, gaan die nuutste weergawe ‘n platform en aandrywingstelsel by Isuzu se opkomende D-Max leen. Dit sal as ‘n volledig ingevoerde model, gebou in Thailand, arriveer. Die nuwe Isuzu D-Max word natuurlik eers in 2022 vrygestel nadat dit ‘n reeks ingenieursaanpassings gekry het om dit ‘n kenmerkend Suid-Afrikaanse identiteit te gee. Intussen het die Mazda ‘n aantreklike nuwe stylbaadjie gekry, danksy Mazda se Kodo ontwerpfilosofie, of dan nou Soul of Motion. Met sy slanke nuwe voorkant en skerp skouerlyne lyk die nuwe bakkie strate beter as sy voorganger. Die binnekant se voorkoms en gevoel dui op nog groot verbeteringe,…

Ek is met ‘n stuurwiel in die hand gebore. Dit is my ma en pa se skuld – my ma was ‘n navigator vir my pa en het nog aan tydrenne deelgeneem, salig onbewus van die feit dat sy drie maande swanger was. Hulle het altyd gesê hierdie seuntjie of dogtertjie gaan met ‘n stuurwiel in die hand gebore word. So, hier is ek – passievol oor wiele en motorsport en dankbaar dat ek my passie kan uitleef. Hierdie storie-agter-die-storie is een van daardie wat my van oor tot oor laat glimlag, al is dit dan nou met ‘n rooi Kalahari-stof gevreetjie en sand tussen my tande. Tydens die onlangse ikoniese Toyota Gazoo Racing SA 1 000-woestynren, wat vanjaar na ‘n nuwe ligging in Upington in die Nood-Kaap verskuif het,…

Ons reise het ons al van die sanderige roetes van die Namakwa Nasionale Park na die sinkplaatgrondpaaie in die Kgalagadi-oorgrenspark en noordwaarts na die teerpaaie van die Krugerwildtuin geneem. Vir hierdie reis het ons egter besluit om nader aan die huis te bly en ons uitgebreide avonture in en om die Wes-Kaap voort te sit. Ek begin gewoonlik maande vooruit aan ons avonture beplan en hierdie keer was geen uitsondering nie. Aangesien die Jamaka Organiese Plaas & Oord in die Cederberg al vir meer as 13 jaar ons gunsteling kampterrein is, het ons besluit om dit weereens in te sluit. Ons hou egter ook daarvan om nuwe plekke te verken en daarom het ons besluit om hierdie toer bietjie uit te rek sodat ons op twee plekke, wat ons nog…

Die idee van wildkamp in ‘n Groot Vyfwildreservaat het my nog altyd gefassineer. Hoe sou dit regtig voel om in ‘n tent te slaap, met die wete dat ‘n leeu enige tyd gedurende die nag in jou kamp kan kom rondsnuffel? Ek is nie iemand wat sommer wegskram van sulke avonture nie, inteendeel. Dus het ek ‘n paar mede avonturiers bymekaargekry en ‘n "kampterrein" onder die Tambotie bome by Somkhanda Wildreservaat in die noorde van KwaZulu-Natal bespreek. Hierdie gemeenskapsreservaat is ongeveer vier ure noord van Durban, nie ver van Pongola af nie en beslaan 12 000 hektaar van golwende heuwels en natuurlike bosveldhabitat. Ons het ons reis vir laat April 2021 bespreek, en van die oomblik wat ons daar aangekom het, het ons geweet dat hierdie 'n ervaring gaan wees…

Doornkloof is sekerlik een van die moeilikste klein passe wat deel uitmaak van die groter Gamkaskloofpas. Hierdie gedeelte deurkruis die Doornkloof-en Waterkloof plase en sluit ook Botesnek in. Verder bevat Doornkloof die diepste en langste rivierkruising wat deur die jare heen al baie nie-vierwielaangedrewe voertuie se ondergang beteken het. Vanaf die 25 km-punt swaai die pad deur ‘n groot draai links in die suide soos wat dit in ‘n sykloof neerdaal. Na ‘n verdere 100 meter gaan die pad in ‘n uiters skerp regse haarnaalddraai in. Die uitsig na links oor die vallei is ongelooflik mooi en van hier af kan jy die pad wat op en oor die heuwels kronkel, sien verdwyn.Vanaf die 25 km-punt swaai die pad deur ‘n groot draai links in die suide soos wat dit…

1. Wanneer om die raam te vul Die agtergrond of omgewing van die hoofonderwerp sal gewoonlik bepaal of jy die raam moet vul wanneer jy die foto neem, of dit sny (crop) tydens redigering. ‘n Besige of afleidende agtergrond sal die impak van jou foto verminder. Dit is belangrik om ‘n sterk onderwerpfokus te hê om die kykers se aandag te hou, veral as jy wildlewe of portrette van mense neem. 2. Definieer die rand Wanneer jy die raam vul, vermy die afsny van ledemate, ore, sterte, ens. Natuurlik kan hierdie reël gebreek word as dit reg gedoen word, maar die afsny van die punt van ‘n luiperd se oor of die vingers van ‘n persoon, sal afbreuk aan die onderwerp doen. Tydens redigering kan hierdie reël geïgnoreer word as…

In ‘n land wat bekend is vir ongelooflike avonture en natuurskoon, is dit geen verrassing dat kompakte SNV’e baie gewild is nie. Dié voertuie verhoog nie net die benuttingsfaktor van jou ryding met meer ruimte en verhoogde grondvryhoogte nie, maar die stillering laat meestal ook die koppe draai. Dit is ‘n skynbaar onversadigbare marksegment, hier en regoor die wêreld en vervaardigers bly by deur byna maandeliks ‘n nuwe opsie bekend te stel. Ford het met die bekendstelling van die EcoSport in 2013 die kompakte SNV mark ingelei en was sedertdien ‘n konstante leier van die segment, met gemiddelde maandelikse verkope tussen 500 en 700 eenhede. Toyota het egter, binne die eerste maand van verkope, die segmentleier geword toe hulle 977 Urban Cruisers in Maart verkoop het teenoor die Ford EcoSport…

Daar is min dinge in die lewe wat kan meeding met ‘n vars koppie boeretroos, terwyl jy uittuur oor ons kontinent se pragtige landskappe en natuurskoon. Met Protea Coffee is die aroma en smaak van die koffiewinkel nou haalbaar, selfs in die boendoes. Hierdie innoverende fynproewerskoffie word deur Kaapstadse koffieroosters gebrou en is beskikbaar in espresso-, premium- en ontbytmengsels. Daar is ook nou ‘n kafeïen-vrye opsie beskikbaar. www.proteacoffee.co.za info@proteacoffee.co.za…

Soos belowe tydens die nuwe Defender se bekendstelling in 2020, is die Land Rover Defender nou ook in ‘n kort wielbasis formaat beskikbaar. Daar is vier enjinopsies, vier afwerkingsformate (S, X-Dynamic SE en HSE, First Edition en die vlagskip Defender X), vier bykomstighede pakkette, en pryse strek vanaf die basislyn D240S teen R1 095 600 tot die P400 X teen R1 575 000. Die enjinkeuses sluit twee 2.0-liter vier-silinder binnebrandenjins – die D240-turbodiesel met 177 kW / 430 Nm en P300-turbopetrol met 221 kW / 400 Nm – in. Vir meer ses-silinder krag kan mens die elektriese hibried opsies kies wat 294 kW/550 Nm bied (P400), of die D300-diesel met 221 kW/650 Nm. Jaguar Land Rover voorspel die 0-100 km/h spoed teen 9 sekondes vir die stadigste D240 en 6…

Na die première op YouTube vroeg in Junie, het daar intussen meer besonderhede oor die nuwe Land Cruiser 300 verskyn. Die plaaslike bekendstelling word steeds beplan vir Augustus, wanneer ons uiteindelik die finale stilering van die vlagskip GR Sport-model en die pryse sal sien. Wat ons nou reeds weet, is dat die LC300 die eerste produk sal wees wat gebou word op ‘n splinternuwe TNGAF-platform, kort vir Toyota New Global Architecture, met die "F" wat verwys na ‘n wye spektrum van bakwerk-op-raammodelle. Hierdie platform beloof om groter torsiestyfheid te bied en aansienlik ligter te wees as die vorige leerraam onderstel. Die buitekant dui op ‘n nuwe ontwerprigting vir Toyota se grootste veldryer, met ‘n groter horisontale sierrooster aan die voorkant, ‘n U-vormige verkoeleropening as deel van die voorkant, drievoudige LED-koplampe…

Spaarwiel gerief Dit is altyd ‘n goeie idee om ‘n ekstra spaarwiel saam te neem wanneer jy die boendoes invaar en nou het Tauro vorendag gekom met ‘n wegswaai agterste draer wat nie ‘n volledige buffer benodig nie. Hulle slim ontwerp word óf vasgebout aan die vier boute op meeste standaard bakkie sleepstange, óf aan die valplaat op ‘n haakontvanger. Die swaardiens swaaiarm maak na links oop (alhoewel dit ook aangepas kan word om na regs oop te maak) en word in plek gehou met beide ‘n nokslot en ‘n veerbelaaide pen. *Beskikbaar by Tauro teen R7 820: www.tauro.co.za Breek die wind As jy ’n bietjie ekstra beskerming teen die wind of privaatheid van jou kampbure benodig, is dit tyd om die Windbreaker van Tentco in te span. Dit is…

Klein Tafelberg 4x4 Hierdie kampterrein is binne twee ure se ry vanaf Kaapstad in die hartjie van die Weskus Sandveld. ‘n Besoek aan Klein Tafelberg 4x4 is ‘n goeie basis vir 4x4-entoesiaste om hierdie interessante streek te verken en die prag en stilte van die rustige nagte in die Sandveld te ervaar. Twee tipes akkommodasie is beskikbaar. Jy kan in die middel van die pragtige Sandveld kamp, met die Klein Tafelberg-berg in die agtergrond, vir R250 per nag vir twee mense (R50 per ekstra persoon per nag – kinders onder ses bly gratis). Jy kan ook in die onlangs voltooide, byna volledig toegeruste selfsorg-chalets bly vir R750 per nag per chalet vir vier mense (R50 per ekstra persoon per nag – bring jou eie beddegoed en handdoeke saam). ktb4x4@breede.co.za |…

• Doen navorsing oor jou kampterrein: Vind soveel as moontlik uit oor jou beoogde kampterrein en die beskikbare fasiliteite sodat jy kan voorberei vir wat om te verwag en wat om in te pak. ‘n Goeie inligtingsbron is Facebook-groepe en ander aanlynforums.• Toets jou toerusting: Maak seker jy verstaan hoe alles werk (veral jou kragbron), en onthou dat jou voertuig deel is van die toerusting. Maak seker jy verstaan jou voertuig se beperkings en leer hoe om die basiese goed reg te maak. Onthou om ook jou herwinningstoerusting te toets!• Respekteer die natuurlike gevare: Alhoewel wilde diere nie toeriste as hul voedsel beskou nie, is basiese voorsorgmaatreëls steeds nodig. Die kardinale reël is om nooit enige dier te voet te benader nie, hulle nooit te voer nie en geen kos…

1. Klein Paradys Gasteplaas Jy kan heerlik in hierdie gewilde kampeerterrein in die hartjie van die bosveld ontspan. Die hele oord is aangelê teen ‘n koppie met ‘n pragtige uitsig oor die vlakte en meeste staanplekke geniet heerlike skaduwee, omring deur lowergroen grasperke. NAASTE DORP: Modimolle / Nylstroom (12 km) WINKEL: Ja TROETELDIERVRIENDELIK: Slegs as vooraf gereël word tydens lae-seisoen VISVANG: Nee SELFOONOPVANGS: Ja TOEGANKLIKHEID: Teer TARIEWE: Vanaf R475 per nag, per staanplek vir vier mense (pryse verskil, afhangend van watter tyd van die jaar jy bespreek). www.kleinparadys.co.za | +27 87 808 5464 2. Sondela Natuurreservaat Sondela se karavaanpark het ‘n 4-ster gradering wat reeds verskeie toekennings ontvang het en is aangewys as een van SA se Top 100 oorde. Die oord is ‘n gesinskampplek waar die kampeerders na wild…

Ek is ‘n gereelde kampeerder en versorg my toerusting goed, maar het onlangs skade gely nadat ek ‘n daktent buite my motorhuis gestoor het. ‘n Plaag rotte het hulself tuisgemaak in my tent en dit is heeltemal vernietig. Dié groot skade het my laat dink aan die beste maniere om jou huis weg van die huis te versorg, vir daardie periodes wat jy wel by die huis is. Hiermee dan ‘n paar voorstelle wat jou op die lang duur heelwat geld kan bespaar en selfs jou vakansie kan red. Versorging na jou avontuur Voordat jy jou sleepwa/karavaan wegbêre, moet jy nadink oor jou mees onlangse reis. Het jy deur water of diep modder gery? Indien wel, is dit ‘n goeie tyd om die wiellaers na te gaan aangesien water moontlik…

Stuur foto’s van jou en jou ryding na: info@4x4afrika.com WENNER Paul de Wet 2013 Renault Duster 1.5dCi Dynamique 4WD “Ek is gek oor bakkies, maar die koste van die bakkies op die hedendaagse mark is eenvoudig te hoog vir dit waarvoor ons dit hoofsaaklik wil gebruik. Ek het altyd ‘n BMW bestuur, maar gevoel dat ek ‘n groot deel van my lewe verloor aangesien ek nie avonture kon beplan en beleef daarmee nie. Toe ek die Duster aanskaf, is my lewe verryk met avonture en pret! Hoewel dit dalk nie ‘n hardebaard 4x4 is nie, beïndruk sy vierwielaandrywing gedurig en ek kan plekke verken wat ek nie voorheen kon nie. Ek geniet sandry, jag en visvang en daarvoor is die Duster die perfekte avontuur-vennoot. Dit word dikwels onderskat, maar ek…

Ontdek die volgende meer as 90 wêreldbestemmings, plekname, toerisme attraksies en bekende plekke in die wêreld in die blokraai. Woorde kan horisontaal, vertikaal of diagonaal en in enige rigting wees. Kappies en deeltekens word nie gebruik nie. Woorde is in beide Afrikaans en Engels. ANGOLA BIG BEN DISNEY FIDJI HAITI KAFUE KROASIE MANDELA STATUE PALESTINE PONTA DO OURO ROME SIRIE THAILAND ZAMBIE ARGENTINIE BOTSWANA DONAU FISH RIVER CANYON HAMBURG KALAHARI KRUGER PARK PANAMA ROOI PLEIN ST LUCIA TOKIO ZANZIBAR ASIE CANADA DUBAI HOUTBAAI KANGO GROTTE KUBA MEKKA PARYS PORT ELIZABETH SAHARA SUEZ TURKYE ASWAN CAPE TOWN DURBAN GOBI HUDSONBAAI KGALAGADI LESOTHO MONACO PERTH PORTLAND SAMOA SWART SEE UGANDA BAHAMAS CHINA EGIPTE GREECE INDIE KIEF LIMPOPO MOREMI PERU PRETORIA SANI PASS SYDNEY WENE BAIKAL CHOBE EIRE GROENLAND ISRAEL KONGO LOS ANGELES…

Land Rover Discovery opgedateer Slegs vier jaar nadat dit in 2017 in Suid-Afrika bekendgestel is, is daar nou ‘n hersiene weergawe van die Land Rover Discovery by plaaslike handelaars beskikbaar. Hierdie opgedateerde premium sewe-sitplek sportnutsvoertuig (SNV) het aansienlike verbeteringe aan die buite- en binnekant ontvang, afgerond met ‘n reeks nuwe enjins. Die nuutste inlyn ses Ingenium-enjins is in twee variasies beskikbaar. Die petrol P360-aandrywingstelsel is gekoppel aan 48 V hibried-tegnologie vir uitsette van 265 kW krag en 500 Nm wringkrag, terwyl die D300-diesel tot 221 kW en 650 Nm onderskeidelik lewer. Hulle draf die 0-100 km/h naloop in onderskeidelik 6.7 en 6.8 sekondes kaf en die geskatte brandstofverbruik is 7.8 liter/100 km vir die diesel en 9.2 liter/100 km vir die P360. Die vorige V6-aandrywingstelsel (die super-aangejaagde 250 kW/450 Nm…

Haval se H6 het sedert hierdie middelgrootte sportnutsvoertuig (SNV) agt jaar gelede sy verskyning in China gemaak het, ‘n groot verkoopsimpak gehad. Die derde generasie weergawe is nou plaaslik beskikbaar nadat ‘n generasie oorgeslaan is omdat die Gen 2-modelle nie in ‘n regterstuur konfigurasie vir die plaaslike mark beskikbaar was nie. Die wetenskapsfiksieagtige nuwe styl sal beslis koppe laat draai, met kenmerke soos die indrukwekkende sierrooster, LED-hoofligte en 19-duim-allooiwiele, wat uitstaan. Die H6 is nou gebaseer op die uiters aanpasbare LEMON-platform, wat die eerste keer in die veel kleiner Jolion gesien is. Hierdie platform is omvattend getoets vir veiligheid gedurende ongelukke. Aandrywing word verskaf deur Haval se 2.0-liter GDIT (turbo met direkte inspuiting van petrol) enjin, ‘n dubbele bo-nokasenjin met veranderlike kleptye, wat 150 kW teen 6 000 rpm bied…

Toe ek in Graad 12 was het my pa sy heel eerste dubbelkajuitbakkie gekoop en in 1993 was die Nissan Sani 3.0-liter V6 ‘n uitstekende keuse. Hy kon nie uitgepraat raak oor hoe bekwaam en stylvol dit was nie, en dit vir ‘n bakkie! Dié bakkie was dan ook die voertuig waarmee my ouers hul eerste landreis avontuur na Botswana onderneem het en dit het goed gevaar. Die enigste nadeel was die swaar brandstofverbruik. Dis nou ‘n paar dekades later en bakkies het baie verander – hulle is lankal nie net meer praktiese oorwegings nie. Styl-, tegnologie- en werksverrigtingstandaarde is vandag uiters hoog. Nissan het pas die nuutste weergawe van hul Navara-bakkie, wat nou in Rosslyn naby Pretoria gebou word, bekendgestel nadat die maatskappy meer as R3 miljard in hul…

Wat maak die Transkei se Wildekus so besonder spesiaal? Is dit die feit dat dit nie soos die res van die oostelike kuslyn ontwikkel is nie, of is dit die beperkte padinfrastruktuur wat elke bestemming in ‘n avontuur verander? Is dit dalk die vriendelike gesigte van die plaaslike inwoners wie se kleurryke rondawels in die groen heuwels prentjiemooi is? Na ons onlangse avontuur in die Transkei moet ek bieg: dis waarskynlik al die bogenoemde… en selfs meer! Die oomblik wat jy die Groot Keirivier oorsteek, is dit soos om ‘n ander land binne te gaan. Een wat herinner aan ‘n tropiese eiland met ongerepte strande en wondermooi natuurskoon. Daarmee saam is daar ‘n unieke atmosfeer wat besoekers vry laat voel van die res van die wêreld. Die perfekte plek dus…

Tydens ons vorige besoek aan Kaokoland het ons massas water en vloede soos nog nooit voorheen beleef nie en selfs vir langer as vier ure in een van die malende riviere vasgeval. Toe ek dus opmerk hoeveel reën Namibië onlangs gehad het, het ek ‘n ernstige aanval van déjà vu gekry en kort voor ons opkomende reis nagte rondgerol in vrees vir magtige en malende riviere wat ons sal moet kruis. Gewoonlik is ek skrikkerig om Facebook groepe te konsulteer rakende die toestande van paaie in die boendoes. Daar is doodeenvoudig te veel “kenners” wat vanaf hul rusbanke onakkurate inligting weergee wat voornemende verkenners kan afskrik. Hierdie keer – gejaag deur die voorgenoemde nagmerries – het ek dit egter goed gedink om wel ag te slaan op die sosiale media…

“As ek eendag groot is.” Hier dink ek onmiddelik aan die kinderfliek, Up. Carl Fredricksen is ‘n 78-jarige ou oom wat ballonne verkoop. Hy en sy vrou, Ellie, het as kinders ontmoet – later getrou en altyd gedroom en gespaar om eendag op ‘n avontuur te gaan, om die verbode Paradise Falls in Suid-Amerika te ontdek. Soos dit egter maar met die lewe gaan, is hulle spaargeld altyd opgeslurp deur een of ander krisis wat opgeduik het. Ellie is later oorlede, maar Carl was vasberade om nog steeds sy belofte wat hy aan sy vrou gemaak het, na te kom. Ons almal droom mos maar daaroor om op ‘n avontuur te gaan – om ons pragtige land met sy verborge juwele te ontdek, maar daar is altyd ‘n ‘as’. Ek…

• Front Runner dakrakVitron 12 • Bushwakka L-vormige afdak aan die linkerkant van die dakrak• Bushwakka stoorboks aan die voorkant van die dakrak vasgebout• 2 x 20-liter waterhouers aan die regterkant van die dakrak gemonteer• 2 x 20-liter Jerry kanne vir diesel links agter op die dakrak gemonteer• Tussen die twee stelle Jerry kanne is ‘n veselglasboks vir ons Rooikrans-brandhout• Aan die regterkant van die dakrak is ‘n graaf, byl en ‘n hoëlig domkrag gemonteer• Vier Hella-kolligte aan die voorkant van die dakrak• ‘n WARN 16.5Ti wen-as• Die bosbreker is spesiaal gemaak om die groot wen-as te akkommodeer• Boskabels verbind die dakrak met die bosbreker om takke en bosse af te keer• Snorkel• ARB kompakte swaardiens lugkompressor aan die binnekant van die regte voorste modderskerm gemonteer• ARB bandafblaser• ARB bandopblaser•…

Die Land Cruiser 100-reeks was legendaries in sy eie reg en was ‘n groot sukses vir die Japanese handelsmerk in die jare wat soliede voor-en agterasse die norm was. Hierdie model is die eerste keer in 1998 as opvolg op die uiters bekwame en gewilde 80-reeks bekendgestel. Die kragtige 4.7-liter V8, bekend as die 2UZ-FE, het sy debuut gemaak tesame met ‘n ander eerste vir Land Cruiser - die onafhanklike voorste veerstelsel. Om markte in Afrika, Rusland en Australië gelukkig te hou, is die 105 opsie gelyktydig met die 100-reeks bekendgestel. Die 105 model het die uitgaande 80-reeks se enjin gebruik en kopers kon dus kies tussen ‘n soliede vooras met óf 'n 1 HD-FTE 4.2-liter dieselenjin of die 1 FZ-FE 4.5 liter petrol. Hierdie meer geharde voertuie het dieselfde…

Behoorlike tentversorging begin op die dag van aankoop – maak dus seker dat jy verstaan hoe om jou tent te versorg deur met die verkoopspan daaroor te gesels. Dit is moeilik om te stry oor die feit dat ‘n geliefde en goedversorgde tent die verskil kan wees tussen ‘n nag om te onthou en ‘n nag wat jy liewer wil vergeet. Versorging voor jou avontuur Nadat jy die tent wat beide jou behoeftes en sak pas gekoop het, pas, moet jy weet hoe dit werk voordat jy dit op? reis neem. Dit maak nie regtig saak of jy’n taai seildoek koepeltent of ‘n ligter, meer kompakte nylon tent gekies het nie, die meeste van dieselfde reëls geld vir almal. Voordat jy vertrek, is dit belangrik om jou tent volledig volgens…

VOERTUIG BESONDERHEDE: 2004 Land Rover Defender 110 EIENAAR: Johan de Villiers, Hoof Uitvoerende Beampte van First Technology Die meeste mense sê dat ‘n ombou-projek nooit heeltemal voltooi word nie, aangesien jy na elke avontuur aan nog iets wat bygevoeg kan word dink. "Ek kan egter met oortuiging sê dat hiérdie ombouing inderdaad afgehandel is – daar is waarlik geen addisionele wysigings waaroor ek droom of benodig nie,” het Johan de Villiers van sy Land Rover, genaamd Monster gesê. “Ek dink hierdie is verreweg die bes toegeruste Land Rover in Suid-Afrika en ek is basies bankrot,” het hy gelag. Dit is duidelik dat Johan sy hart en siel in hierdie projek gestort het. Sy top wenk vir ‘n ombouprojek soos hierdie is om van die begin af die beste meganiese en…