Innholdsfortegnelse for Issue 8 (Jun 2021) i Avontuur Afrika

Volgens die Japannese webwerf Creative 311, wat handelaarbronne aangehaal het, sal die Land Cruiser 300 wat binnekort bekendgestel word, ‘n nuwe 3.3-liter diesel V6-enjin bevat wat 230 kW krag en 687 Nm wringkrag lewer, gekoppel aan ‘n 10-gang outomatiese oordragkas. Verbeel nou hierdie kombinasie in ‘n GR-opsie Fortuner, met ‘n potensiaal van 700 Nm wringkrag! Hoewel die vervaardiger tjoepstil is oor hierdie spekulasies, het bronne na aan CarsGuide bevestig dat hierdie nuwe enjin verskeie gebruike binne die Toyota-familie en veral met betrekking tot die GR-reeks sal hê. As Toyota byvoorbeeld dié nuwe motor in die Hilux sit, sou dit die kragtigste dieselproduksie-bakkie wees wat al ooit ‘n wiel op Suid-Afrikaanse bodem gesit het. Ons hou hierdie ontwikkelinge met fyn belangstelling dop om te sien of ons hierdie inspuiting van Waku…

Vyftien nuwe Ford Ranger XL-modelle, geverf in Ford se Colorado Red, is onlangs by Hilti Suid-Afrika se vloot bygevoeg. Hierdie opvallende Ford Rangers, wat deur Hilti se verkoops- en diensverteenwoordigers gebruik word, sal voortgaan om hul uitstekende veelsydigheid en betroubaarheid te bewys soos hulle die land oor alle soorte terrein deurkruis, terwyl hulle swaar-diens toerusting dra. Ford is sedert 2010 die trotse vlootverskaffer vir Hilti en hierdie nuwe Rangers het die totale hoeveelheid Rangers, aangedryf deur die beproefde 2.2-liter Duratorq TDCI-enjin, in die vloot na 80 laat groei. Ford Suid-Afrika kon ook aan Hilti se presiese voertuigvereistes voldoen deur parkeerafstandbeheer en ander toebehore soos ‘n stootbalk en sluitbare tonneau-dekking op Hilti-voertuie aan te bied. Vir jou daaglikse dosis avontuur, nuus en meer inligting oor hierdie en ander voertuie, besoek gerus…

Soos meeste avonture, het alles begin met ‘n enkele oproep. In dié geval vanaf Jo Lambinon, ‘n kliënt wat in 2018 saam met my na die Okavango Delta gereis het. Hy het vertel dat hy en sy vriende keelvol was vir die pandemie, die daaropvolgende inperking en algemene neerslagtigheid wat daarmee saamgekom het. Hulle was lus vir reis en aangesien Botswana een van daardie bestemmings is wat jy keer op keer kan besoek en elke keer iets nuuts ervaar, het ek aan die werk gespring om vir hulle ‘n pasmaak reisplan aanmekaar te slaan. Op hierdie stadium was die grense na Botswana nog gesluit, maar ons het vol hoop ‘n tentatiewe datum van April/Mei 2021 in die dagboeke geplaas. Ons reis sou ons via Nata Lodge en Maun na Third…

Wanneer iemand my sou uitvra oor wat vir my uitgestaan het tydens my heel eerste Kruger-kampeerervaring sal dit uiteraard verband hou met die ongelooflike wildlewe, maar ook met vroeg wakker word. Laasgenoemde is natuurlik nie vir ‘n Gen Z tydgenoot ‘n lekker vooruitsig nie, maar – volgens my reisgenoot, Anton Willemse Sr, wat goed vertroud is met die wildtuin – is dit ‘n móét om die beste van jou kuiertjie in die park te maak. Boonop sorg die rustige stilte wat jou elke aand redelik vroeg verswelg, dat jy vroeg reeds wil gaan inkruip om aan die slaap gesus te word met die wondermooie naggeluide wat wissel van die deurdringende gebrul van die koning van die oerwoud of die eensame roep van ‘n hiëna of jakkals. Ons eerste oggend was…

Met die menige opsies beskikbaar vir vandag se kampeerder, kan die keuse tussen ‘n karavaan of sleepwa dalk in ‘n groot hoofpyn ontaard. Sou jou keuse op ‘n karavaan val, sê Clive van der Vyver van Kempton Caravans, dat daar vyf belangrike elemente is wat voornemende kopers in ag moet neem. Wetlike aspekte Een van die grootste en mees frustrerende struikelblokke wat voornemende karavaan- of sleepwa kopers in die gesig staar, is die feit dat hulle nie oor ‘n EB-lisensie beskik nie. ‘n EB lisensie is natuurlik nodig om wettig in Suid-Afrika te kan sleep en toe die regering in 2000 oorgeskakel het na die kaartlisensies is alle Kode 08 lisensies outomaties omskep in EB-lisensies. Sedertdien, is dit egter ‘n ander storie – alle nuwe standaardbestuurslisensies wat uitgereik word, is…

1. Ruah Park Hierdie oulike kampeerterrein is ‘n nuut ontwikkelde reservaat in die pragtige groen vallei van die Bobbejaansberge, slegs 30 km noord-oos van Pretoria. Dié stukkie bosveld spog met 38 eksklusiewe woonwa staanplekke met al die geriewe vir die kieskeurige kampeerder. Elke staanplek het sy eie ablusie- en opwasgeriewe, kragpunt, kraan en braaiplek. Vir die persoon wat graag die buitelewe geniet, maar nie wil kamp nie, is daar ook ‘n drie-slaapkamer selfsorghuis. ‘n Natuurlike fontein vloei deur die park en skep ‘n paradys van lewende water vir die bokke wat vrylik rondbeweeg asook die talle voëls, waterplante en visse. Vir die meer energieke kampeerder is daar staproetes om die dam. Hengelaars: pak gerus jou visstokke in vir die blou kurpers! TIPE AKKOMODASIE: Kampplek & selfsorg NAASTE DORP: Pretoria (30…

Die Ford Ranger is een van ons land se topverkoper voertuie, met die verkoopsgeveg tussen die Ranger en die Hilux wat maandeliks epiese proporsies bereik. Hierdie stryd veroorsaak dat vervaardigers redelik gereeld nuwer modelle en spesiale uitgawes bekendstel. Een so ‘n model is die Thunder, waarmee ek onlangs tyd bestee het. Die Thunder blyk 'n meer stylvolle alternatief vir die geliefde Wildtrak te wees, maar nie heeltemal so aggressief en bekwaam soos die Ranger Raptor nie. Dit bring beter styl, luuksheid, vermoë en bruikbaarheid na die reeks. Verskeie kenmerkende ontwerpelemente is uniek aan die Ranger Thunder, en ons hou veral van die hersiene heuningkoek-styl voorste sierrooster met rooi aksente wat as “neusgate” ingekorporeer is. Dit word afgerond deur swart-detaillering vir die kantspieëlomhulsels en die driedimensionele "Thunder"-kenteken aan die basis van…

Hierdie klein buksie is my trots en vreugde,” het Donovan gesê toe ons met hom gesels het oor sy 2011 Jeep Wrangler. Sy oulike ryding, genaamd Junkies, het ‘n lekker windgat houding, wat ons aan ‘n klein terriër herinner. Donovan hou daarvan om sy Jeep uit te neem op 4x4 roetes en aangesien Junkies ‘n sagte afslaankap het, beteken dit dat hy na aan die natuur is terwyl hy ry. “Ek hou daarvan om elke jaar op my verjaardag die Atlantis duine te gaan uitry,” het Donovan gesê toe hy uitgevra is oor sy gunsteling oomblikke saam met Junkies. Sy droom is om met sy voertuig te gaan kamp en sodoende ingehuldig te word as ‘n ware landreisiger. Hy vertel dat sy droombestemming die pragtige Tankwa, Karoo is. “Natuurlik, as…

Die 2021 Isuzu MU-X draai reeds koppe in Sydney, Australië. ‘n Ywerige aanhanger van CarAdvice Australia het foto’s ingestuur van hierdie langverwagte sportnutsvoertuig (SNV). ‘n Span gewapen met kamera-toerusting was besig om die aantreklike voertuig in die besige Sydney sakedistrik te verfilm, waarskynlik vir die nuwe TV-advertensie. Volgens verskeie bronne sal die nuwe MU-X spog met die nuutste veiligheidstegnologie wat, onder meer, ‘n lugsak in die middel tussen die voorste sitplekke, radar spoedreëling, ‘n tweeling-kamera, blindekol monitering, agterste kruisverkeer waarskuwing en herkenning van spoedborde insluit. Die nuwe MU-X sal waarskynlik aangedryf word deur die nuwe 3.0-liter vier-silinder turbodiesel wat ook in die nuwe Isuzu D-Max bakkie ingespan sal word. Dit sal na verwagting 140 kW krag en 450 Nm wringkrag ontwikkel en sal waarskynlik met ‘n sesgang outomatiese of handratkas…

Die kompakte sportnutsvoertuig (SNV) segment groei konstant, nie net hier in Suid-Afrika nie, maar regoor die wêreld. Dit is ‘n skynbaar onversadigbare marksegment, met vervaardigers wat bybly deur byna weekliks nuwe opsies in hierdie segment bekend te stel. Die jongste rolspelers sluit die KIA Sonet en Nissan Magnite in. Nissan is natuurlik geen vreemdeling wanneer dit by kleiner SNV’e kom nie, met die Nissan Juke wat ? paar jaar gelede ‘n gewilde keuse in hierdie segment was. Die Japannese motorvervaardiger beoog nou om verlore veld te herwin met die splinternuwe Magnite. Toonaangewende tegnologie in hierdie nuweling sluit Nissan se Around View Monitor (AVM) in, wat vir die bestuurder ‘n virtuele blik van bo die voertuig gee. Nissan se buksie kom toegerus met ‘n 1.0-liter drie-silinder-petrolenjin wat 74 kW krag en…

Ek het nog altyd gewonder waarom Ford se speler in die SNV-segment nie ‘n groter verkoopsimpak het nie. Die Everest bied immers ‘n aantreklike voertuig propvol slim tegnologie en ‘n magdom bestuurshulpmiddels om die rygenot te verbeter. Tog, te oordeel aan die maandelikse verkoopsyfers, verkies Suid-Afrikaners blykbaar steeds die handelsmerk vanuit die Ooste eerder as die blou ovaal. Maar die verkoopstryd nou daar gelaat… Dit is ‘n redelike tydjie gelede wat ek ‘n Ford Everest bestuur het en ek het uitgesien om tydens die mediabekendstelling vir twee dae agter die opgedateerde Everest Sport se stuurwiel in te skuif. Moet egter nie dat die “Sport” kentekens jou mislei nie – die enjinverrigting bly dieselfde as dié van die XLT-model waarop die spesiale model gebaseer is. Nie dat daar iets verkeerd is…

Die gesoute avonturier en natuurliefhebber, André van Vuuren bied reeds vir die afgelope 24 jaar landreiservarings- en toere regdeur Suider-Afrika aan. Hy het die enigste Suid-Afrikaanse Safari maatskappy met ‘n Katagorie C Toerismelisensie in Botswana en spesialiseer veral in begeleide self-bestuur safari’s na Botswana, Zambië en Malawi. Hy bied ook invlieg safari-pakkette na Serengeti en Zanzibar. André is ‘n hoogs ervare en gekwalifiseerde toergids wat weet hoe om die beste wat die kontinent bied, te verpak in ongelooflike ervarings vir sy kliënte. Ongelukkig is al sy self-bestuur toere vir 2021 reeds volbespreek, so maak seker jy kry ‘n plekkie op een van die 2022 avonture: iSimangaliso-vleilandpark Skilpadtoer 15 – 21 Januarie 2022 Koste: R7 000 per persoon wat deel Verblyf: Selfsorg chalets Namibië 16 Maart – 10 April 2022 Koste:…

Die Limpopo-streek is die perfekte bestemming wanneer daar na reptiele en amfibieë gesoek word, aangesien dit 78 verskillende soorte slange het waarvan 37 spesies nie giftig is nie. Nege van die 78 slangspesies se byte kan nogal pynlik wees en sewe word as potensieel dodelik beskou. Die provinsie is ook die habitat van verskeie ander reptiele, amfibieë en skerpioene. Die ASI-span van Johan Marais en Luke Kemp skryf tans ‘n veldgids wat reptiele en amfibieë van Suider-Afrika sal dek, ? eerste vir Afrika. As sodanig het die vier-dag avontuur hulle in staat gestel om hierdie diere te vang en nuwe foto's te neem vir die boek wat gedurende 2022 vrygestel sal word. Die ASI-span reis jaarliks duisende kilometers deur Suider-Afrika om kursusse aan te bied en reptiele en amfibieë wat…

Ek het nou die dag ‘n aanhaling raakgelees wat gelui het dat ‘n dogter iemand is om saam mee te lag, saam mee te droom en met jou hele hart te koester – basies iemand wat kan grootword om jou beste vriendin te word. Ek is geseënd om twee meisiekinders te hê wat besig om is om my beste maats te word en ons onlangse ma-en-dogter naweek na die Laeveld was presies wat ons nodig gehad om te ontspan en te herlaai. Toe Subaru ons gebel het om te vra of ons die splinternuwe Subaru Forester – wat nou met meer styl en 'n fraksie meer krag spog – wou toets, het die hele span onmiddellik hul hande opgesteek om hierdie staatmaker te bestuur. Aangesien ek die baas is (dit…

As ‘n gesin wat gek is oor die buitelewe en altyd op soek is na ‘n lekker avontuur, sê ons selde nee vir ‘n uitdaging of verkenningstog. Toe ‘n vriend van my pa dus so ‘n paar weke gelede skakel om te laat weet dat hulle nie meer hul bespreking vir ‘n naweekuitstappie om skilpadbroeiplekke aan die kuslyn van Kosibaai te gaan soek kon gebruik nie, het ons dadelik hierdie kans aangegryp. Ons het slegs ‘n dag gehad om gereed te maak vir die drie-daglange kampuitstappie na die (onbekend vir ons) kampeerterrein naby Bhanga Nek. Om die bekende skilpadbroeiplekke en pasgebore skilpadjies, wat hul weg see toe vind in Kosibaai te sien, was al lank op ons lepellys – dus het ons vinnig-vinnig ‘n plan gemaak. Gelukkig is Inkunzi, ons…

Vanaf die pragtige rotspoel, net na die Paarde Vley-gedeelte, vloei die pad vanaf die 11de km-punt opwaarts oor ‘n klein nek en begin dan weer daal na ‘n nouer gedeelte van die kloof (net meer as 1 km breed). Aan jou onmiddellike linkerkant (suid) sal jy 'n goeie uitsig van die toringhoë Kariegasberg hê en kan jy die piek van 2 053 m sien. In die verte kan jy Kangoberg sien. Hierdie piek is effens laer met ‘n hoogte van 1 853 m en lyk asof dit waghou oor hierdie gedeelte van die pad. Vir die groter deel van die volgende nege kilometer daal jy ‘n verder 440 m in ‘n westelike rigting. Hierdie gedeelte van die pad deurkruis die twee oorspronklike plase, naamlik Kliphuis Vley 197 en Groot Vley…

Stuur jou foto’s van jou en jou ryding na: info@4x4afrika.com WENNER Aslam Mxolisi Tawana 2011 Toyota Landcruiser 79 Series “Ek is gek oor Musafir, my Land Cruiser bakkie aangesien dit die handelsmerk is waarmee ek grootgeword het. Verder hou ek van die 70-reeks bakkies omdat dit nie terugstaan vir enige uitdaging wat my werk of lewenstyl skep nie. Dit is ‘n sterk bakkie wat die onherbergsame paaie en roetes hier in ons land en op die kontinent kan aanvat, wat dit perfek maak vir my as boer en landreisiger om te gebruik. Laastens hou ek van die bakkie omdat dit ons volgelaaide Jurgens XT160-veldwa sowel as ons plaaswaens maklik kan sleep!” *Volg vir Asmal en Musafir op sosiale media: @blackboy_adventures Johan Meintjes 2003 Isuzu K300 Tdi 4x4 “Ek noem my…

Die opgedateerde Subaru XV oorgangsportnutsvoertuig spog nou met ‘n verfrissende laerroosterontwerp met bykomende kontoere rondom die mislampe en bufferversieringselemente. Dié staatmaker uit die Subaru stal se atletiese voorkoms word verder beklemtoon deur die nuwe 17 of 18-duim-masjienafgewerkte allooiwiele, wat ‘n gevoel van energie en avontuur na die kompakte SNV bring. Verder verseker die XV se indrukwekkende 220 mm grondvryhoogte dat dit ewe bekwaam en tuis op ‘n uitdagende avontuurpad of in besige stadsverkeer is. Die nuwe XV bevat ook ‘n hersiene veerstelsel vir beter stuurreaksie en verbeterde rygenot. Die XV-reeks word steeds aangedryf deur die 2.0-liter Boxer-enjin met direkte inspuiting wat 115 kW krag en 196 Nm wringkrag lewer. Hierdie enjin is gekoppel aan ‘n Lineartronic-palwisselratstelsel (CVT) wat voorsiening maak vir ‘n sewegang-handrat modus wat toeganklik is via ratwisselingspane agter…

BRiNK Towing Systems Suid-Afrika het onlangs hul 10 000ste Ranger Raptor sleepstang vervaardig. Die Raptor is ontwerp om een van die taaiste bakkies op elke moontlike manier te wees, insluitend die sleepstang. Die BRiNK-aanleg in Pietermaritzburg produseer tans ongeveer 7 000 sleepstange vir verskillende Ranger-modelle per maand. Net soos die Raptor, wat aansienlik verskil van ander Ranger modelle, is die sleepstang vir dié model dan ook uniek. Die Raptor-sleepstang is in sy geheel robot-gesweis en in terme van die vlak van akkuraatheid benodig, is dit een van die mees ingewikkelde met betrekking tot toleransie- en programmeringsvereistes. Die buffer-monteerpunte met ‘n toleransie van slegs 2 mm was van kritieke belang en is moontlik gemaak danksy die nuutste Yaskawa-rekenaar beheerde sweisrobotte by die Pietermaritzburg-aanleg.…

Hou die rotte weg! Weens die wêreldwye pandemie en gepaardgaande inperking die afgelope jaar, het die rotpopulasie geweldig gegroei. ‘n Onlangse skatting deur die Verenigde Koninkryk, dui op 150-miljoen rotte wat omtrent 2.5 rotte per persoon beteken. Sou ons dieselfde berekening op Suid-Afrika toepas, met ons bevolking van 58-miljoen mense, beteken dit dat ons teoreties ongeveer 145-miljoen rotte huisves. Gelukkig is daar ‘n produk wat jou voertuig, karavaan of sleepwa onaantreklik maak vir hierdie harige wesens! Liqui Moly Marder sproei is ‘n mens- en troeteldiervriendelike produk wat deur rotte verafsku word (Marder is Duits en vertaal losweg na ’n familie van soogdiere wat verwant is aan rotte). Al wat nodig is om dié knaagdiere weg te hou en jou voertuig veilig te hou is ‘n gereelde sproei op die plastiek-…

Die soektog na die skoenbekooievaar was maar slegs een van die items op ons lepellys wat ons gehoop het om af te merk op ons Uganda avontuur. Die ander groot een was natuurlik om die oostelike berggorillias te sien. Sou Moeder Natuur ons weer bederf en hierdie droom ook waarmaak? Volgens ons gids, Emmy Gongo, was die Ruhija-gebied – waar 11 mens gewoond-gemaakte groepe gorillas hulself bevind – ons beste kans. Soos met ons skoenbek ervaring het die emosie hoog geloop, in hoopvolle afwagting om iets te beleef wat vir min mense beskore is. Die oostelike berggorilla, in sy natuurlike habitat, sal in alle waarskynlikheid oor 50 jaar heeltemal van die aarde af verdwyn en ons nageslag sal moontlik hierdie majestueuse diere slegs deur die tralies van ‘n dieretuin kan…

Suzuki het die langverwagte Vitara Brezza vroeër vanjaar bekendgestel, en van die begin af het dit die koppe laat draai met ‘n oulike voorkoms en aantreklike stilering. Maar sal dit effektief kan meeding in die hoogs kompeterende kompakte SNV mark? Ons het uiteindelik die geleentheid gekry om Suzuki se nuweling tydens ‘n onlangse avontuur in die noordelike deel van die Krugerwildtuin te toets. Aangedryf deur 'n 1.5-liter petrolenjin, ontwikkel die Vitara Brezza wat ons getoets het, 'n doeltreffende 77 kW krag en 138 Nm wringkrag teen 4 400 r/pm, en ons het ‘n goeie werkverrigting in die stad verwag. Dié ratse buksie het dan ook nie teleurgestel nie. Vir ons avontuurlustiges was die groter vraag natuurlik: hoe sou dit vaar op die grondpaaie in die Krugerwildtuin en sou ons kon…

Graskop Gorge Lift Company Die Graskop Gorge Lift Company is sentraal geleë en maak deel uit van Panorama-roete (op die R533 in die rigting van Hazyview). Dit is ‘n perfekte avontuurstop en bied verskeie aktiwiteite wat ‘n wandeling deur die pragtige inheemse woud, die hysbakrit in die kloof, koffie met ‘n uitsig, ‘n plaaslike vlooimark en dan natuurlik die Big Swing en Zipline toere insluit. +27 (0)13 767 1144 | +27 (0)66 305 1572/3 info@gglc.co.za | www.graskopgorgeliftcompany.co.za Moholoholo Die Moholoholo-groep eiendomme bied ’n wye verskeidenheid aktiwiteite en dienste: • Wildrehabilitasiesentrum: Daar word twee daaglikse toere van Maandae tot Saterdae (09:30 en 15:00) en een op Sondae (15:00) aangebied en dit is ‘n moet-stop as jy in die omgewing is. • Forest Camp: Luukse akkommodasie vir tot 22 gaste wat alle…

Enjinbymiddels is amper soos vitamiene vir jou voertuig. Dit sal werk daarsonder, maar jy mag dalk net ekstra skop kry wanneer jy dit gebruik. Dit verseker ‘n skoner werking en beskerm teen roes (korrosie) en wegslyping wat op sy beurt weer ‘n groter temperatuurweerstand tot gevolg het. Motorolie verminder die wrywing tussen die bewegende onderdele van jou enjin en beskik gewoonlik oor 15% tot 30% bymiddels om die olie se verrigting te verbeter. Mettertyd sal die olie egter sommige van sy bymiddels verloor deur natuurlike oksidasie en ontbinding. As jou voertuig goedkoop of swak gehalte olie gebruik, is daar miskien nie voldoende bymiddels in die olie nie en dan kan oliebymiddels ongetwyfeld ‘n positiewe rol speel. Vier soorte bymiddels om te oorweeg 1. Bymiddels om vloeibaarheid te verbeter: Hierdie bymiddels…

(Te) stadig oor die klippe ‘n Te stadige sluiterspoed is meestal die hoofrede vir vae en sagte foto’s. As ons na ‘n kliënt se metadata kyk op daardie foto’s wat nie gefokus is nie, kom ons dikwels agter dat die sluiterspoed heeltemal te stadig is vir die zoemlengte. Die omgekeerde reël is ‘n goeie aanvangsriglyn wanneer jy foto’s met zoemlense neem. Hierdie riglyn dui aan dat as jy byvoorbeeld op 600 mm ingezoem is, jou sluiterspoed nie stadiger as 1/600s moet wees nie. Sodra jy leer om teen ‘n hoër sluiterspoed foto’s te neem sal jou beeldskerpte drasties verbeter. Bewerige besigheid Ons almal bewe of beweeg ‘n bietjie wanneer ons probeer om ‘n kamera en groot lens stabiel te hou sonder enige ondersteuning. Indien moontlik, vind ‘n plek om jou…

Kom ons val met die deur in die huis: ons was nog altyd gek oor die windgat houding en stilering van die Ford Ranger Raptor. Dit is vir seker een van die mooiste bakkies op die mark, maar ons het ook al baie kampvuurdebatte gehad oor dié bakkie se werksverrigting- en vermoë en of dit die ekstra sowat R100 000 wat eienaars hiervoor hoes regverdig. Is dit nie net ‘n baie duur plakkerpak en veerstelsel nie? Beide die Ford Thunder en Wildtrak spog met meer veiligheidsfunksies en beter tegnolgie as hul sexy ouboet, hulle is ook uiters bekwaam en dis nie asof daardie bakkies nie ook die koppe laat draai nie… Ons aanname dat die Ranger Raptor dus geldmors is, is dus sekerlik nie ongegrond nie? Wel, dit is. Nadat…