Innholdsfortegnelse for 19 May 2022 i Landbouweekblad

OPE BRIEF AAN VEEGROEPERING Hierdie skrywe word met eerbied gerig aan elke party wat homself op 5 April 2022 op Bothaville bereidwillig verklaar het om deel van ’n groepering te wees om onder meer beken-klouseer aan te pak. As dit uit hierdie brief nie duidelik is met wie hier gepraat word nie, aanvaar dat elke entiteit wat homself in die groepering bevind, gesamentlik of afsonderlik hierdeur geraak word. Dit is algemene kennis dat Suid-Afrika met die afskaffing van beheerrade die oorgang vanaf ’n sosialistiese landboubemarkingsomgewing na ’n vrye mark aanvaar het. Dit word verder aanvaar dat die plaaslike landbou die vryemarkstelsel binne die konteks van kapitalisme aanvaar het ten einde welvaart vir elke primêre produsent te skep. Dit sou veilig wees om te redeneer dat die vrye mark losstaande van…

DIE aankondiging van mnr. Pravin Gordhan, minister van openbare ondernemings, dat werksaamhede by die Durbanhawe op 20 April, sowat ’n week ná die rampvloede in Kwa-Zulu-Natal, byna heeltemal her-vat het, was skynbaar voortydig. Mnr. Johann Basson, logistieke bestuurder vir die Fruit Trade-groep, het aan Landbou. com gesê kragtoevoer na sy koelkamer in Pinetown is eers op 5 Mei herstel ná dit die aand van 11 April onderbreek is. Intussen kon die aanleg met kragopwekkers teen 50% van sy normale kapasiteit funksioneer. Basson sê die vernaamste rede dat werksaamhede nog nie genormaliseer het nie, is die feit dat verskeie toegangsroetes en spoorlyne steeds herstel word. Luidens berigte was die Bayhead-substasie eers op 3 Mei weer aanlyn. Herstelwerk aan 16 minisubstasies in die hawe se netwerk duur voort en sou na verwagting…

ONDANKS ’n aankondiging vroeg vandeesmaand dat verwerkte wol uit Suid-Afrika na China uitgevoer kan word, sal woluitvoer steeds nie kan voortgaan nie. Volgens mnr. Deon Saayman, bestuurder by Cape Wools, het die bedryf eers op Vrydag 6 Mei terugvoer van China ontvang oor die verbod op diere met gesplete kloue en die produkte van sulke diere wat dié land op 1 April aangekondig het. Volgens die kennisgewing kan verwerkte wol nou na China uitgevoer word, maar nie onverwerkte wol nie. Suid-Afrika voer egter nie eens 1% verwerkte wol uit nie. Dit is egter goeie nuus vir die bokhaarbedryf, wat hoofsaaklik verwerkte bokhaar na China uitvoer. Saayman sê die verbod ingevolge die nuwe kennisgewing maak nie logies sin wat regulasies en maatreëls van die internasionale organisasie vir dieregesondheid (OIE) en die…

ME. KHENSANI MUKHARI, die Land Bank se finansiële hoof, gaan as uitvoerende hoof waarneem totdat die direksie ’n permanente aanstelling doen. Die Land Bank sê in ’n verklaring haar aanstelling geld vanaf 1 Mei 2022. Dit volg op die bedanking van mnr. Ayanda Kanana, wat die bank einde April verlaat het en op 1 Junie as uitvoerende hoof van Halls Fresh Produce begin werk. Mukhari het haar in Februarie 2020 by die bank aangesluit. Luidens die verklaring het sy 14 jaar ervaring in leierskapsrolle in die finansiële dienstesektor gehad voor sy haar by die Land Bank aangesluit het. Sy is ’n geoktrooieerde rekenmeester en het ’n meestersgraad in sake-leierskap. Die direksie het me. Dorothy Kobe as waarnemende finansiële hoof aangestel en begin met die proses om “so gou as moontlik”…

DIE Suid-Afrikaanse pekanneut-oes vir die 2022-’23-sei-soen word op 25 000 ton tot 27 000 ton beraam, waarvan 40% tot 55% uit neutkerne sal bestaan en die res uit ongedopte neute, het mnr. Andreas Snyman, hoof van internasionale bemarking van GWK, op die Oranje-Landgoed se inligtingsdag by Prieska gesê. Droogtetoestande in Amerika en ’n ernstige watertekort in Mexiko het daartoe gelei dat daar die afgelope maande nie genoeg pekanneute was om in die reuse-vraag uit China te voorsien nie. Tydens die Chinese nuwejaarsvieringe in Februarie was pekanneute uitverkoop. “Die jaar het dus met gunstige groei en hoër pryse as in die vorige seisoen begin. Toe kom maak covid-19 weer ’n draai en ’n drastiese algehele inperking word ingestel, wat groot onsekerheid bring,” het Snyman gesê. Die inperking, wat sedert 1 April…

DIE koste om nodige onderdele vir landboumasjinerie in Suid-Afrika in te bring, het in die afgelope paar maande só skerp gestyg dat die Suid-Afrikaanse Landboumasjinerie-assosiasie (Salma) boere maan om hul onderdeel-aankope fyn te beplan. “Ek het verlede week bereken dat vir elke R1 miljoen wat bestee word om onderdele per lugvrag in te voer, daar 20 en ’n half vraghouers van 40 voet per skip ingevoer kan word. Lugvragkoste het heeltemal buite verhouding gestyg. Dit is dus dalk raadsaam om eerder verder vooruit planne te beraam vir die nodige onderdele pleks van om dit in ’n kort tyd te wil bestel,” sê mnr. Karel Munnik, voorsitter van Salma. Hy meen die oplossing is beter samewerking tussen boere en hul onderdelehandelaar. “Dit is al wat gaan help in hierdie tye waar…

MIELIES INTERNASIONAAL: Die Chicagoprys het met 0,3%, of $0,88/t (R14/t), tot $316,48/t (R5 033/t) gedaal. Op ’n jaargrondslag is dit 7,8%, of $22,84/t (R363,24/t) hoër. Verwagte pryse: Julie – $309,59/t (R4 924/t), Desember – $284,63/t (R4 527/t). PLAASLIK: Die Safexprys van witmielies het met 1,5%, of R70/t, tot R4 500/t teenoor die vorige week gedaal. Die prys van geelmielies het met 1,7%, of R80/t, tot R4 620/t gedaal. Op ’n jaargrondslag is witmielies 25%, of R900/t, duurder, terwyl geelmielies 22,9%, of R861/t, duurder is. Verwagte witmieliepryse: Julie – R4 526/t, Desember – R4 670/t. Verwagte geelmieliepryse: Julie – R4 655/t, Desember – R4 788/t. KORING INTERNASIONAAL: Die Chicagoprys het met 1%, of $3,90/t (R62,02/t), tot $389,39/t (R6 193/t) teenoor die vorige week gedaal. Op ’n jaargrondslag is dit 42,3%, of…

Die meeste mense is onbewus van al die koste wat verband hou met die oordrag van eiendom, totdat die rekeninge daar aankom. Dan is dit ’n groot skok. Die koste is die koper van die eiendom se verantwoordelikheid. Dit bestaan uit die hereregte (belasting aan die staat), die oordragprokureur se geld (om die eiendom op jou naam te kry), die verbandprokureur se geld (wat vir die bank werk en sorg dat daar ’n verband geregistreer word) en die vaste koste (wat van tyd tot tyd verander). Hierdie is die vaste koste vandag as die eiendom se waarde R1 miljoen is: ■ Akte-soektarief – R195. ■ Posgeld en klein uitgawes – R 1 150. ■ Fica – R320. ■ Elektroniese generering van dokumente – R289,95. ■ Hereregtetarief (bykomend tot hereregte) –…

OPPAS om sommer net die takke wat uit olyfboorde gesny word, op te kerf en as grondbedekker te strooi. Dit kan die bron van verdere siektes wees, het navorsers van die Landbounavorsingsraad (LNR) en die Universiteit Stellenbosch luidens die vaktydskrif Plant Disease gewaarsku. Hulle het die voorkoms van die swam Pseudophaeomoniella globosa in gevestigde Suid-Afrikaanse olyfboorde bestudeer. Dit is eers onlangs in Suid-Afrika geidentifiseer as een van die oorsake van olyfstamsiekte, danksy die studies van dr. Meagan van Dyk, een van die navorsers. Van Dyk het gesnoeide takke uit boorde reg oor die Boland ondersoek en die swam gevind op 37,5% van gesnoeide takke uit Paarlse boorde, 61,9% van Stellenbosse bome en 39,3% uit boorde rondom Worcester. Blokke van ouer as ’n dekade was meer besmet as moederblokke van jonger…

Die wêreld se graanrekords is meer binne die bereik van Suid-Afrikaanse boere as wat party mense dink, sê mnr. Hannes Bruwer (38) van Hopetown, wat ál nader aan die internasionale mielie- en koringrekords kruip. Op die land waar hy verlede jaar die hoogste mielie-opbrengs van 23,361 t/ha onder besproeiing in Graan SA se Groei vir Goud-opbrengskompetisie behaal het, het die stroper se opbrengsmonitor soms verby 30 t/ha geskiet. Bruwer is in beheer van die Genadeboerdery by Hopetown. Die familieboerdery het ook plase by Douglas waar sy pa, Vickie, en broers, Gerhard en Vickie jr., boer. Gerhard was in 2021 die Noord-Kaapse Jongboer van die Jaar. Die boerdery het al Graan SA se Graanprodusent van die Jaar-prys ontvang. Al is hul verbouingsmetodes toegespits op die maksimum opbrengs ter wille van die…

Mnr. Rick van der Merwe, wat in Januarie vanjaar vir die eerste keer op die ouderdom van 32 oorsee gaan werk het, is een van die landbouwerkers wat danksy mnr. Tony Katz ’n werk op ’n Amerikaanse beesplaas gekry het. Hy was voorheen betrokke by hul familieboerdery in die Vrystaat. Sy dagtake sluit gewone plaaswerk in, soos om drade reg te maak, en die bestuur van kalftyd. Hy het besluit om as seisoenwerker in Amerika te gaan werk om daar ’n verskil in ’n ander boere se lewe te maak. Daarby is daar geleenthede om te groei, met werk wat skaars is in Suid-Afrika. Nog ’n rede waarom hy gegaan het, is om vir sy vrou en kind wat in Suid-Afrika agtergebly het, te kan sorg. “Jy kom hierheen om…

■ Namate onkruid weerstand teen meer aktiewe bestanddele in onkruiddoders ontwikkel en verbruikers beswaar maak teen chemiese bestryding van onkruid by voedselgewasse, moet boere ander maniere vind om onkruid te bekamp. ■ Bestrydingspraktyke wat tydens of ná oestyd toegepas word, help om onkruidsaadbanke in die grond te verklein en probleme met onkruid te verminder. ■ Die praktyke moet as aanvullend tot ander metodes gebruik word en deel van ’n geïntegreerde onkruidbestrydingstrategie wees.…

■ Mnr. Jannie Kotzé van De Panne Angus glo – soos sy pa, wyle Paul, voor hom – dat slegs die allerbeste teelmateriaal gebruik moet word om puik swart Angus-beeste te teel. Hy kry jaarliks semen uit Amerika en Kanada van topbulle vir kunsmatige inseminasie. ■ Deur strategiese embriospoeling verbeter hy sy stoetteling jaarliks. ■ Deur die jare het De Panne uitsonderlike prestasies behaal op verskeie skoue, waaronder die nasionale Angus-kampioenskapskou, en is ook die houer van die hoogste pryse wat nóg vir diere van dié ras betaal is.…

Hy was al van ’n voedingkundige tot ’n lewendehawebemarker, maar sy eie stuk grond was altyd mnr. Johannes de Beer van Wolmaransstad se mikpunt. Die plaas Uitkyk is in ’n gebied geleë waar sojabone geredelik verbou word. Die gedagte om dié produk sommer op sy plaas te verwerk, het ontstaan die dag toe hy die plaas kon koop. Volvetsoja is ’n belangrike komponent van saamgestelde rantsoene, veral omdat al hoe meer boere wegbeweeg van voorafgemengde lekprodukte. “Die rooster van volvetsoja is die bekostigbaarste proses vir plaasverwerking. Buitendien is dit nie by al die koöperasies te kry nie, en indien wel, is dit duur.” Met ’n koöperasiesilo net buite sy plaashek skakel De Beer die steeds stygende vervoerkoste uit. Deurdat hy sojabone by sy bure aankoop en dit met ’n unieke…

Nuwe tegnologie word deur die Tow and Blow bekend gestel om die ondoeltreffendheid en probleme wat met tradisionele windmasjiene vereenselwig word, vir verskeie toepassings op te los. Van die toepassings is by grondgewas-r ypbeskerming, soos bloubessies, by boomgewasse en by wingerdgewasse. Die Tow and Blow-waaier bied ’n bekostigbare en doeltreffende oplossing om ryp te bestry. Die eiesoortige ontwerp van hierdie waaier en omhulsel bied beskerming vir alle gewasse wat op plat grond, in valleie of op heuwels verbou word. Die vermoë om die waaierrotor te kantel en die waaierkop vir hierdie toepassings te ossilleer, sorg vir buitengewone veelsydigheid, wat die masjien van tradisionele waaiers onderskei. VINNIG VERSKUIF Die masjien, wat maklik agter ’n voertuig vervoer word, kan vinnig verskuif word. Dit het intrekbare stabiliseerderpote wat na ’n veilige en gelyke…

Hoe het jy by die rosyntjiebedryf betrokke geraak? Ek is nog ’n nuweling in die bedryf, maar ek het iets gesoek om mee te diversifiseer, want dit gaan soms moeilik in die wynbedryf. Die tafeldruifboere rondom my het rosyntjies begin maak van kultivars wat nie meer goed vaar op die uitvoermark nie, en ek het die bedryf begin ondersoek. Ek plant nou al drie jaar rosyntjiekultivars. Watter kultivars plant jy? Sowat twee derdes van my aanplantings is Selma Pete en die res is Thompson Seedless (sultanas). Aanvanklik het mense gesê die druiwe gaan nie droog word in ons omgewing nie, maar ek het nog nie probleme ondervind nie. Die nuwe kultivars, soos Selma Pete, het omtrent 20% minder sap as wyndruiwe. Dit droog dus baie gouer en bars ook nie…

GAUTENG CARLETONVILLE VAALFONTEIN (579), 330 ha, aan Mocha Foods (Edms.) Bpk., van Mak Voel-trust, R4 280 000. PRETORIA KROKODILSPRUIT (290), 22 ha, aan D. de Villiers, van A. en F.W. Botha, R2 400 000. ONSPOED (500), 21 ha, aan L.H. en M.M. Dolamo, van L. en M.B. Nemavhidi, R1 284 000. OOG VAN BOEKENHOUTSKLOOF OF TWEEFONTEIN (288), 21 ha, aan G 22-boerdery (Edms.) Bpk., van J.L. Steinberg, R1 300 000. VASTFONTEIN (271), 23 ha, aan J.F. Joubert, van G.J. Fourie, R2 369 595. KWAZULU-NATAL BALLITO SINEMBE (16902), 105 ha, aan Sharma Enterprises (Edms.) Bpk., van Yethu-familietrust, R4 270 000. LADYSMITH LOT 48 WINTERTON SETTLEMENT (11875), 21 ha, aan J.L. Buys, van C.J. van Dyck, R3 850 000. PIETERMARITZBURG MOUNT VERDE (18081), 30 ha, aan Zuluflora Agri (Edms.) Bpk., van The…

BRAUNVIEH DUBBELDOELRAS AL HOE GEWILDER Met ’n sterk teenwoordigheid reg oor Suid-Afrika sien Braunvieh SA geleenthede om dié ras se visuele en produktiewe mededingendheid selfs meer in die land te laat groei. Die dubbeldoel-Braunvieh is oorspronklik van die Europese Alpe en sy teelmateriaal is die eerste keer in 1907 in Suid-Afrika ingebring. Landwyd is daar 20 telers, 1 600 geregistreerde Braunvieh-beeste en ’n aansienlik groter aantal kommersiële teelmateriaal van hierdie ras. Mnr. Sampie Rossouw, voorsitter van Braunvieh SA, sê die gewildheid van hierdie ras in die land word grootliks aangevuur deur sy waarde in kruisteling vir speenkalwers wat goed in voerkraaltoestande presteer. Die ras is ook bekend om sy goeie temperament, moedereienskappe en swaar speengewig. Op Braunvieh SA se nasionale veiling verlede Julie op Nampopark in die Vrystaat is 14…

Die vraag na Angus-produkte toon groot belofte. Mnre. André, RC en Gert Malherbe van die plaas Graslaagte, Hertzogville, wil munt slaan daaruit. “Angus-beeste, met hul goeie temperament, moeders met baie melk en swaar speenkalwers, vaar uitstekend hier by ons,” sê RC. “Ons meen dat die ras se sukses in die volgende paar jaar verder gaan groei. Die kommersiële sy van die Angusse word veral uitgebrei danksy die stygende vraag na Angus-kalwers. Die Woolworths-Angus-projek vaar uitstekend. Die vraag deur private slaghuise na Angus-produkte is ook goed.” Die Malherbes bedryf al jare lank die suksesvolle Roechama-stoetery wat uit sowat 300 Angus-teelkoeie bestaan. Hulle het ook ’n Brangus-stoetery met 300 teelkoeie, ’n SA Vleismerino- en Suffolk-stoetery, en kommersiële Angusse en Brangusse. Hul gemengde boerdery se hoofvertakking is mielieverbouing, met sonneblomme en koring as…

Wat as ’n passie begin het, het ontwikkel in ’n besigheid wat ’n unieke produk bied. Die Guldenvrug-beesboerdery net buite Pretoria is in 2007 gestig en het sedertdien met rasse skrede uitgebrei. Mnr. Nico Steyn van Guldenvrug Angus het ’n visie om die eindverbruiker nader aan die boer te bring, en veral nader aan Angus Beef. Guldenvrug het die afgelope jaar sy eie ontbeenaanleg op die plaas aangebring. Dit was die eerste stap om op te skuif in die waardeketting. Guldenvrug verwerk sy eie diere, maar bekom bykomende diere van South African Angus Beef waar ’n streng protokol van geen groeihormone gevolg word. Daar is ’n groter klem op gehalte-teelmateriaal wat ingebring en waarmee binne die landsgrense geteel word. Met die onlangse verkryging van die Dry Ager-agentskap bied Guldenvrug Angus-vleis…

Die Angus-beestelersgenootskap van Suid-Afrika is in 1917 gestig met 12 lede. Die genootskap het die amptelike sertifikaat van inlywing op 23 Maart 1921 ontvang. Die genootskap bestaan tans uit 140 geregistreerde stoettelers en 18 000 geregistreerde stoetdiere. Die Angus-beesras is oorspronklik van twee aangrensende Skotse provinsies, naamlik Aberdeenshire en Angusshire. Die eerste swart Angus-diere is in 1895 na Suid-Afrika ingevoer na die plaas van mnr. Charles Newberry in die Vrystaat. Hierdie Angus-diere het goed met die plaaslike inheemse rasse gekruis en mettertyd hul stempel op die Suid-Afrikaanse mark afgedruk. Mnr. E.W. Bassingtwaighte van Windhoek in Namibië was die eerste teler van rooi Angusse. In die vroeë 1950’s het mnr. Barry Kramer die eerste rooi Angusse na Suid-Afrika ingevoer. Rooi Angusse het vinnig gewild geraak in Suid-Afrika. Sowat 69% van alle…

PWC se jongste ekonomiese vooruitskouing vir Suid-Afrika voorspel dat wydverspreide vloedskade sal bydra tot stadiger ekonomiese groei, stygende inflasie en arbeidskoste, en hoër werkloosheidsvlakke. PwC voorsien ook dat voorraadbeperkings sal bydra tot voedselprysinflasie, wat reeds aan die styg was ná covid-19-ontwrigtings en die oorlog in Oekraïne. “Terw yl daar in hierdie stadium sekerlik geen kommer oor nasionale voedselsekerheid is nie, sal daar waarskynlik op kort termyn ’n nadelige impak wees op die voorraad van voedselprodukte, en dus hoër pryse.” Die verslag wys op die verwoesting van pad- en spoorinfrastruktuur, asook fabrieke en ander geboue, in ’n provinsie wat ’n belangrike gebied vir landbouproduksie is. Die Durbanhawe, ’n belangrike toegangspunt vir voedselinvoer, sukkel om ’n reuse-agterstand uit te wis. PwC verwag dat plaaslike ekonomiese groei sal afneem van 4,9% verlede jaar…

266 km/h Windsnelhede van tot 266 km/h is gemeet in ’n tornado op 29 April oor Wichita, Kansas, Amerika. Skade is oor ’n gebied van 21 km gemeet, met 1 000 geboue wat beskadig is in die voorstad Andover, wat aan landbouproduksiegebiede aan die oostekant van die stad grens. Die tornado was 21 minute lank op die grond, volgens die nasionale weerdiens. Andover herstel nou nog van ’n tornado uit 1991. — Associated Press 4,5 miljoen ton Nagenoeg 4,5 miljoen ton graan was teen 1 Mei vasgekeer in hawens en op skepe in Oekraïnse hawens, volgens mnr. Martin Frick, direkteur van die Wêreldvoedselprogram in Duitsland. Sedert die Russiese inval in dié land het die Verenigde Nasies voedselhulp aan sowat 2,5 miljoen Oekraïners verskaf. Verder is daar ’n reusevraag na Oekraïnse…

MNR. HANNES BRUWER vanHopetown het die hoogste opbrengs met besproeiingsmielies in Graan Suid-Afrika se Groei vir Goud-opbrengskompetisie in 2021 behaal. Hy verbou ook koring, gars, springmielies, sonneblomsaad, uie, lusern en beet. Lees die artikel op bl. 38. Vertel van jou gesin. Ek is getroud met Almyné, wat my boerdery se administrasie behartig. Ons het drie seuns – Lodewyk (10), Louis (8) en Hendrey (6). Het jy ná skool gestudeer? Ja. BAgric (gemengdeboerderybestuur) aan die Universiteit van die Vrystaat. Wat is jou stokperdjies? Ek jag graag saam met my seuns en ons gesin geniet dit om saam sport te kyk. Om saam met vriende te braai en te kuier, is ook deel van ons wese. Waar hou jy vakansie? Ons gaan gewoonlik in Maart weg wanneer dit ’n bietjie rustiger op…

DIE onlangse langdurige en byna ongekende groot sprinkaanuitbrekings in groot dele van Suid-Afrika, te midde van die verwagte veranderinge in klimaat en grondgebruik, is ’n kwessie van nasionale belang. Dit bedreig hoogs produktiewe ekostelsels en voedselsekerheid in die land. Dít is waarom ’n groep wetenskaplikes onlangs ’n navorsingswerkgroep oor weiveld en sprinkane gestig het. Dr. Igshaan Samuels, veldekoloog by die Landbounavorsingsraad (LNR) en koördineerder van die groep, sê dit is ’n groep oor sprinkane én veld omdat daar ’n regstreekse verband tussen weiveldbestuur en sprinkaanuitbrekings is. “Daar is bevind dat swak weiveldtoestande met hul verlaagde stikstofvlakke in ander lande sprinkane laat swerms vorm en uitbrekings veroorsaak het.” KENNISGAPINGS Die hoofdoelwit van die groep is om die kennisgapings oor sprinkane en weiveld in Suid-Afrika te vul en strategieë voor te stel…

NÁ swaar reën vroeg in April oor dele van die somerreënstreek het die kans op swaar opvolgreën in Mei verswak. Daar was ook minder reën in die laaste tien dae van April as wat aanvanklik verwag is, hoewel talle plekke goeie reën gekry het (sien die TABEL hiernaas). Mnr. Johan van den Berg, onafhanklike landbouweerkundige, sê die droër toestande het bygedra tot afdroging van gewasse wat binnekort gestroop moet word, hoewel van die laat aangeplante somergesaaides vanweë koeler toestande groeivertraging ondervind het. “Laat aanplantings van somergewasse wat nog nie fisiologies volwasse was nie, is deur die ryp in die laaste tien dae van April geraak. Dié gewasse het egter meer skade gely deur ’n baie stadige groeitempo met lae temperature en veral die min sonskyn in die eerste deel van…

TEEN druktyd is nog geen nuwe uitbrekings van beken-klouseer in Limpopo aangemeld nie, en personeel van die direktoraat veeartsenykunde was druk besig om vee by kommunale diptenks binne ’n 10 km-radius rondom die uitbrekings van Maart in te ent om verdere verspreiding te voorkom. Me. Nandi Ndalene, Limpopo se LUR vir landbou en landelike ontwikkeling, het onlangs self gaan kyk hoe lede van die direktoraat veeartsenykunde in die provinsie vorder met die inentingsproses om bek-en-klouseer-uitbrekings in die provinsie hok te slaan. Sy het die media genooi om saam met haar te sien hoe nagenoeg 400 beeste by die Shakadza- kommunale diptenk in die Vhembe-distrik ingeënt word. Shakadza lê noordwes van die Collins Chabanemunisipale distrik, waar die siekte in Maart uitgebreek het. Beeste by hierdie diptenk word voorkomend ingeent om ’n…

DR. MARK HARDY (foto) se bydrae tot volhoubare gewasboerdery in die Swartland is onlangs erken toe die 28 jaar oue langtermynproef op die Langgewens-navorsingsplaas na hom genoem is. Dié proef is in 1996 begin. Hardy, wat in 2012 afgetree het, het in 1997 begin om dit te bestuur. Die bevindinge van die proef het ’n groot bydrae tot boerderystabiliteit in die Swartland gelewer, het mnr. Andries Theron, voorsitter van die Proteïennavorsingstigting en boer van Moorreesburg, op die geleentheid gesê. “Die werk wat Hardy en sy medewerkers gedoen het, het gehelp dat die Swartland ’n ekonomies volhoubare koringverbouingstreek in ’n halfwoestyngebied kan wees.” Me. Anneleen Swanepoel, hoof van plantwetenskap by die Wes-Kaapse departement van landbou, het gesê sy beskou die model vir wetenskaplike geloofwaardigheid en samewerking tussen navorsers en die bedrywe…

Die volstruisbedryf se ouditprojek vir dieresorgstandaarde werp vrugte af in die Europese modebedryf. Mnr. Piet Kleyn, uitvoerende hoof van die Suid-Afrikaanse volstruissakekamer (SAVBK), sê modehuise gebruik tans graag volstruisleer en -vere omdat hulle gerus is dat die bedryf goed georganiseer is en dieresorgstandaarde gehandhaaf word. Die oudits word deur internasionale ouditeure gedoen. Die veremark trek ook voordeel daaruit dat karnavalle in ander dele van die wêreld toenemend weer aangebied word nadat dit aanvanklik weens die covid-19-pandemie afgestel is. Intussen ontwikkel die Europese mark vir hittebehandelde volstruisvleis goed. Kleyn sê danksy minder voëlgriepuitbrekings is daar al hoe meer plase wat hittebehandelde volstruisvleis kan uitvoer. “Ons het ’n openbare-privatevennootskap met die staat vir residumonitering. Die projek is goed op koers. Verlede jaar het dit gewys dat ons steeds aan die vereistes vir…

Die welslae wat Australiese boere met die oestyd-onkruidsaadbestrydingsmetodes behaal, inspireer navorsers in Amerika en Kanada, waar graanboere groot probleme met verskillende onkruide ondervind, om ook hierdie metodes te ondersoek. Navorsing wat tot dusver oor meer as 30 onkruidspesies gedoen is, toon dat 50-99% van die saad van besonder skadelike onkruidsoorte, soos Palmer-misbredie (Amaranthus palmeri), waterhennep (Amaranthus tuberculatus), alsemambrosia (Ambrosia artemisiifolia L.), Italiaanse raaigras (Lolium perenne subsp. multiflorum), wilde mosterd (Sinapis arvensis) en muggiesgras (Stellaria media), vernietig kan word. Die metodes moet egter deeglik in Amerika en Kanada getoets word, aangesien die weer tydens oestyd in die Noordelike Halfrond baie van Australiese oestoestande verskil. Die metodes is meestal baie doeltreffend in die warm en droë toestande tydens oestyd in Australië, maar werk minder doeltreffend in die koue, klam toestande wat oestyd…

Watter tegnologie is vir jou onontbeerlik? Volledige data van die grond en diere. Die beste raad wat jy al gekry het? Leef naby ons Hemelse Vader en boer op jou grond en met jou diere na die beste van jou vermoë. Die grootste fout wat jy gemaak het? Om soms nie saam met die natuur te boer nie. Wat het die grootste impak op jou boerdery gehad? Om diere te verbeter en wisselboupraktyke in die saaiboerdery toe te pas. Het jy ’n mentor? My pa, wyle Paul, was my mentor, want ek het soveel by hom geleer.…

Plek: Wolmaransstad, Noordwes Plaas: Uitkyk Grootte: 358 ha Eienaarskap: Privaat Reënval: 650 mm per jaar Vertakkings: Kommersiële Beefmaster-kudde en Bonsmara-koeie wat met Charolais gekruisteel word Veld: Drukbeweiding met sowat 90 koeie en 70-80 kalwers in 23 kampe met aangeplante weiding, soos smutsvingergras en Nutrifeed, wat geplant word vir beweiding in die somer, en eenjarige Sugargraze wat met ’n kuilvoerkerwer gesny word vir groenvoer en selfs voermengsels Grond: Vleikampe en sand-leem…

FMC in Suider-Afrika is oortuig dat bewese tegnologie in die landbou die potensiaal van die subkontinent kan ontsluit. Met buitengewoon sterk vermoëns in navorsing en ontwikkeling is dié maatskappy daartoe verbind om vernuwende oplossings vir voedselsekerheid te vind sonder dat die natuur en die omgewing daarvoor moet inboet. As een van die wêreld se voorste landbouchemiese maatskappye onderneem FMC die ontwikkeling van sintetiese en biologiese produkte wat beter werk op die plaas en beter is vir die planeet. Die maatskappy het ’n passie vir tegnologie, is suiwer gerig op die landbou en neem leiding in die landbouwetenskap. Met ’n toegewyde bestuurspan in Suid-Afrika pak FMC die besigheid met aansteeklike geesdrif aan. Almal in die span is Suid-Afrikaners met ’n voortreflike landbou-agtergrond. Die span gebiedsbestuurders verstaan die plaaslike landbou en gewasbeskerming…

Toe iemand my onlangs konfronteer met die opmerking dat die Hart tot Hart-rubriek nie juis veel te sê het oor die werklikheid van die dood nie, het ek nie dadelik geweet wat om te sê nie. Ek is darem al oud genoeg om te weet dat as ’n mens ’n gesprek vinnig wil beëindig, moet jy die ander persoon gelyk gee in sy siening. Dit is presies wat ek gedoen het. “Ja, jy is waarskynlik reg. Ek praat nie graag oor die dood as die beëindiging of afsluiting van ons aardse bestaan nie.” Dit is inderdaad so dat ek veel meer daarvan hou om oor die wonder van die lewe te praat – die lewe wat stellig die grootste gawe is wat God ons gegee het, en dan bedoel ek…

In die 12 maande tot Maart vanjaar was daar in 3% van die distrikte in die Oos-Kaap geen grondverhandeling nie teenoor 11% in die vorige vergelykende tydperk. Die meegaande TABEL toon ’n opsomming van grondtransaksies groter as 10 ha in dié provinsie. In die betrokke tyd is 313 ooreenkomste in 33 distrikte gesluit. Dit het 151 695 ha teen R1,412 miljard behels. Pryse stabiliseer in groot dele van die provinsie ná die uitmergelende droogte van 2020-’21. By Cradock het pryse met 22,1% gestyg, by Alexandria met 15%, by Joubertina met 14,8%, by Humansdorp met 14,4%, by Barkly-Oos met 11,5% en by Uniondale met 10,3%. By Steynsburg het pryse met 20,7% gedaal. Ten opsigte van die registrasie van transaksies vir plase van verskillende groottes, lyk dit soos volg (verlede jaar se…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland.org.za BOEREDAE 19 AUGUSTUS: 40ste jongooikuddedag, aangebied deur Agri Malmesbury se skaapstudiegroep. John Dürr, 082 652 1715. KONGRESSE 2 JUNIE: Mpumalanga Landbou, Badplaas Forever Resort. Petro Geyer, 066 035 1231. SKOUE 16-20 MEI: Nampo, Bothaville. Wim Venter, 086 004 7246; wim@grainsa.co.za 27 MEI - 5 JUNIE: Royal-skou.TD Strachan, 033 345 6274; admin@royalshow.co.za 10-11 JUNIE: Wes-Kaapse Pluimveeklub. Kleinplasie, Worcester. Naomi du Toit, 082 468 8826; weskaappluimvee@gmail.com 27-30 JULIE: Lutzville. Rika Prins, 083 398 0899; lutzvilleskou@ gmail.com 25-27 AUGUSTUS: George. Karien Pienaar, 084 432 9484 of 044 873 4165; info@george landbouskou.co.za of president@ georgelandbouskou.co.za…

‘Probleme en bottelnekke met die uitvoer van landbouprodukte is nie altyd plaaslike hawens se skuld nie. Daar is te min skepe en te min vraghouers beskikbaar.’ MNR. ANDREAS SNYMAN, hoof van internasionale bemarking van GWK, oor logistieke probleme wat uitvoerbedrywe teister. Bl. 20 ‘Die werk wat Hardy en sy medewerkers gedoen het, het gehelp dat die Swartland ’n ekonomies volhoubare koringverbouingstreek in ’n halfwoestyngebied kan wees.’ MNR. ANDRIES THERON, voorsitter van die Proteïennavorsingstigting, oor dr. Mark Hardy se bydrae tot navorsing op wintergewasse. Bl. 24 ‘Daardie plaaslike vervaardigers wat in euro onderdele en werktuie invoer, gaan beslis die voordeel van ’n sterker rand hê.’ MNR. KAREL MUNNIK, voorsitter van die Suid-Afrikaanse Landboumasjinerie-assosiasie, oor die rand wat sterker teen die euro verhandel. Bl. 25 ‘Dit het die staat vanjaar reeds R80…

Vir dinge om te werk, moet daar reëls wees. Maar reëls beteken net mooi niks as daar nie daarby gehou word nie. En gewoonlik moet dit op teësinnige mense afgedwing word word deur instellings van die staat, soos die polisie en howe, of deur algemene druk vanuit die samelewing. Die onlangse onluste op Kirkwood is ’n voorbeeld van wat gebeur as reëls nie meer geld nie. Die voorspelbare gevolg is chaos. In die geval van Kirkwood kom die chaos teen die baie duidelik koste van R170 miljoen — R70 miljoen se skade aan eiendom, infrastruktuur en pakhuise, en nog R100 miljoen se uitvoervrugte wat vernietig is. Dit is om van te huil, veral in ’n jaar dat boere reeds gebuk gaan onder die finansiële druk van verskepingskoste wat amper verdubbel…

TEEN druktyd het onsekerheid nog geheers oor reënvaltoestande in die komende maande oor die Swartland en die Rûens, die twee belangrikse wintergraanstreke in die Wes-Kaap. “Dit lyk tog of voldoende reën in Mei gaan voorkom sodat aanplantings gedoen kan word,” sê mnr. Johan van den Berg, onafhanklike landbouweerkundige. “Die grootste risiko is in die noordelike dele van die Swart-land en verder noord waar reënvaltoestande minder gunstig gaan wees.” In die besproeiingsgebiede in die Noord-Kaap en Vrystaat langs die Oranje- en Vaalrivier is die beskikbaarheid van water nie beperkend vir koringproduksie nie. Daar bestaan egter ander risiko’s, waarvan die belangrikste die risiko van ryp in die reproduktiewe stadium vanaf ongeveer einde Augustus is. Van den Berg sê daar is ’n neiging in veral die Benede-Oranjerivierstreek dat die laaste ryp al hoe…

1 NAMIBIË| VN help met sprinkane Die Verenigde Nasies (VN) het 22 voertuie en personeel beskikbaar gestel om sprinkaanswerms wat die suide van die land die afgelope maande teister, te monitor. Die Namibiese regering raam dat swerms op nagenoeg 1,2 miljoen ha landbougrond reeds in die //Kharas-gebied alleen voorgekom. Die VN het ook het 56 slimfone en 40 tablette aan staatsamptenare geskenk vir monitering en rapportering. Hy het ook die opleiding van 348 boere en 158 tegniese beamptes op die eLocust3m-program moontlik gemaak vir wyer monitering. — Farmersreview Africa 2 ZIMBABWE SA bokke word politieke speelbal Staatsgedrewe propaganda teen mnr. Hopewell Chin’ono, ’n joernalis en uitgesproke kritikus van die Zimbabwiese regering, konsentreer nou op sy lewende hawe. Staatsmedia beweer Chin’ono, wat ’n bokprojek naby sy tuisdorp Murehwa bedryf,…

DIE Deense regering gaan die Wes-Kaapse regering bystaan met navorsing oor die suiwering van afvalwater by 17 suiweringsaanlegte langs die Bergrivier. Dit volg ná navorsing oor die impak van die droogte van 2015 tot 2017 bevind het die rivier se ekostelsels is in ’n slegter toestand as wat voorheen vermoed is. Die navorsing het bevind dat om dié ekostelsels te bewaar, moet meer vars water deur die riviermond vloei om die gewenste watervlak vir ekologiese gesondheid te verseker. Hiervoor is verbeterde monitering en regulasies vir die onttrekking van water aan die rivier nodig, luidens ’n verklaring van die Wes-Kaapse regering wat ’n memorandum van verstandhouding tussen dié provinsie en Denemarke aangekondig het. Mnr. Alan Winde, Wes-Kaapse premier, sê die program, wat deur Denemarke gefinansier word, sal konsentreer op die verbetering…

Die voorlopige resultate van die 2020-landbousensus is einde Maart 2022 deur Statistieke SA bekend gestel. Dit gee ’n opsomming van die vernaamste statistieke in die kommersiële landbou ten opsigte van produksie, landbou-uitgawes en plaasgroottes. Die syfers klop taamlik met die ramings wat die departement van landbou gereeld publiseer. Die statistieke wat wel aandag trek, is die uiteensetting van plaasgroottes en bydrae tot produksie. Toevallig het die Amerikaanse departement van landbou en die Australiese departement van landbou ook onlangs hul bevindinge oor plaasgroottes en relatiewe bydrae tot produksie bekend gemaak. Wat hulle ook publiseer, is die geldelike stand en verskille tussen verskillende plaasgroottes, wat ’n mens sekerlik na die kommersiële landbou in Suid-Afrika kan deurtrek. SA BOERDERYE Die landbousensus het bevind dat die honderd grootste boerderybesighede in Suid-Afrika ten opsigte van…

Die totale perkseproduksie vir 2021-’22-seisoen was effens meer as dié van 2020-’21. “Die uitvoer van perskes in 2021-’22 was net meer as 6 200 ton – ’n toename van 3% op ’n jaargrondslag,” sê me. Mariette Kotze, bedryfsbestuurder by Hortgo. Die totale perske-aanplantings van dessert- én taaipitperskes daal steeds, met die totale oppervlakte op sowat 5 600 ha. Hektare onder dessertperskes het die afgelope ses jaar met 21% gedaal, terwyl taaipit-perskeboorde met 24% gedaal het. “Die redes sluit in die aanhoudende droogte in die Klein-Karoo, winsgewendheid, markte en verbruikersvoorkeure.” In teenstelling met perskehektare het die oppervlakte onder nektariens die afgelope ses jaar met 9% gestyg, veral by Ceres en in die Bergrivierproduksiegebied. “Ouer boorde en kultivars is vervang met onder meer Super Star, Royal Ruby, Boreal, Tifany, Kinolea en August…

HOLTETJIES wat met die hand of ’n happloeg in die veld gegrawe word om water en sade te versamel, help kaal kolle veld in droë gebiede herstel. Dit blyk uit die eksperimente wat dr. Sue Milton en studente van die Nelson Mandela-universiteit sedert 2016, gedurende van die ergste droogtes in die Karoo, in die Wolwekraal-natuurreservaat by Prins Albert uitgevoer het. Milton en mnr. Ken Coetzee van Conservation Management Services het daaroor geskryf in Grassroots, die aanlyn bulletin van die Weidingsvereniging van Suider-Afrika. Volgens hulle is die konsentrasie van beskikbare water deur holtes in die grond te maak, die beste manier om plante op kaal grond te vestig. Die holtetjies moet in verhouding met mekaar gegrawe word sodat enige afloopwater vasgevang kan word. Waar die holtetjies op skuins grond is, moet…

Die vinnige herstel van die wêreldekonomie ná covid-19 het ’n wanbalans tussen die aanbod van en vraag na kommoditeite veroorsaak. Kommoditeitskenners voorspel reeds sedert middel 2021 dat die wêreld in ’n kommoditeit-supersiklus inbeweeg. Dit behels ’n lang tydperk van bogemiddeld hoë pryse. Hoewel internasionale kommoditeitspryse in 2021 gestabiliseer het, het pryse sedert einde 2021 weer begin styg. In Januarie 2022 het mnr. Jeffrey Currie, hoof van kommoditeitsnavorsing by Goldman Sachs, gesê dat die wêreld maar nog net aan die begin van die supersiklus is. Teen Maart 2022 het hy gesê dat die huidige situasie die grootste omwenteling op internasionale markte sedert 1973 is. Die Russiese inval in Oekraïne, wat die grootste uitvoerder van verskeie landbouprodukte en kunsmis is, het en gaan internasionale markte verder ontwrig. Melkproduksie in die belangrikste suiweluitvoerlande…

Volgens mnr. Johannes de Beer is sojabone se aminosuurprofiel vir spysvertering ontoeganklik weens die aanwesigheid van ’n anti-tripsienkomponent wat die opname daarvan keer. In die geroosterde produk word die aminosuur vir vertering vrygestel. Die twee belangrikste aminosure uit die 21 wat daar is, is lisien en metionien. Volvetsoja met sy 18% olie bevat naas vismeel die meeste lisien en is as ’n bron van proteïen (35,5% tot 38%) en energie met ’n vetinhoud van 21% tot 26% gesog.…

Produsente moet onthou opbrengs kan ingeboet word as verbouingspraktyke nie reg is nie, sê mnr. Pieter Craven, saadbemarkingsbestuurder by Syngenta. Grondontledings is van deurslaggewende belang. Bemesting wat na gelang van die grondmonsters se uitslae in ooreenstemming met die vorige jaar se opbrengsdata toegedien word, bied die grondslag vir die nuwe seisoen se beplanning. “Kultivarkeuse is belangrik, want die opbrengspotensiaal is daarin vervat. Ons beveel ook altyd ’n kultivarpakket aan vir goeie risikoverspreiding. “Selfs met die beste teelmateriaal kan ’n mens egter steeds opbrengs inboet as jou verbouingspraktyke nie op standaard is nie. Hierin speel grondontledings en bemesting ’n groot rol. “Natuurlik moet vog en die beskikbaarheid van water in ag geneem word, want niks kan daarsonder groei nie. “Daarmee saam is die optimale plantdatum en die plantdigtheid in ooreenstemming met…

SKEEPSJONGENS Boerejongens (rosyne wat vir maande in ’n brandewyn-speserystroop ingelê en dan oor roomys of in pannekoek geëet word) is ’n ou Nederlandse resep. Maar omdat rum en rosyne so ’n goeie kombinasie is, het ek die resep ’n bietjie verander. Ons noem die variasie sommer skeepsjongens. Dan is daar Kaapsche jongens, wat verwys na vars druiwe wat in ’n mengsel van suiker en brandewyn (of witblits) ingelê word. Jy kan skeepsjongens net soos boerejongens eet, maar dit is ook die beginpunt van die beste rum-en-rosyntjie onder die son. ■ 500 g pitlose rosyne ■ 500 ml suiker ■ 500 ml water ■ 2 kaneelstokkies ■ 1 vanieljepeul, in die lengte gehalveer ■ 750 ml donker rum van goeie gehalte Verhit die rosyne, suiker, water, kaneelstokkies en vanieljepeul saam tot…

‘Die kort antwoord oor waar ek aan Tannie Maria gekom het? Daar was ‘n twee-vir-een-aanbod op idees by die Spar. Ek het dit gekoop en dis waar al my idees vandaan kom,” begin Sally Andrew sommer ons onderhoud met haar ietwat aweregse humorsin en lag heerlik. Amper net so lekker soos haar geliefde karakter Tannie Maria, die Klein-Karoo se biegmoeder, bobaaskok en amateurspeurder, vir haarself kan lag. Dit is ’n paar weke ná The Milktart Murders, die vierde Tannie Maria-speurverhaal, die lig gesien het. Sally het ’n uitmergelende boektoer agter die rug, met ’n Marilyn Monroe-rok en -pruik in haar tas wat sy vir die funksies aantrek. Maar meer oor Marilyn se rol later . . . Tydens ons foongesprek staan Sally op ’n koppie naby haar moddersteenhuis op ’n…

BRAHMAN R10-KOEI BEHAAL R425 000 ’n Wit Brahman-koei met haar kalf het die hoogste prys van R425 000 behaal op die goueherdenkingsveiling van R10 Brahmane van mnr. Llewellyn Labuschagne van Letsitele wat by die Warmbad-veemark op Bela-Bela gehou is. Die wit koei, R10 07-111 Stella Manso, is deur mnr. Christiaan de Jager van eManzana gekoop. Sy was twee keer die nasionale kampioen-superkoei. Die hoogste prys vir ’n bul was R300 000 vir die wit bul R10 163, wat deur mnr. Lourens en me. Irma du Plessis, Louma-boerdery, Thabazimbi, gekoop is. Die gemiddelde prys vir alle stoetdiere was ’n allemintige R104 000. Die omset het R5 174 100 bedra, bestaande uit R4 420 500 vir stoetdiere en R753 600 vir kommersiële beeste. Die gemiddelde pryse vir wit Brahman-stoetdiere was: Koeie met…

Die telersgroep Angus Alliance is bekend om sy kampioene. Dié groep spog met altesaam 15 goue bekers en 16 SA grootkampioene op die vorige 12 rooi Angus- nasionale kampioenskappe. Kortom, 66,7% van Suid-Afrika se grootkampioene oor die afgelope 23 jaar kom uit Alliance se stalle. Alliance bestaan uit die stoeterye Loumotta (mnre. Loutjie en Wilru Campher), Roechama (mnre. Gert en RC Malherbe) en Vansia Angus (mnre. Johan en JM Steyn). Alliance se doelwit is om rooi en swart Angus-teelmateriaal in ’n aanpasbare, funksionele en hoogs produserende pakket aan die Suid-Afrikaanse stoet- en kommersiële beesboer te verskaf. Om dít te bewerkstellig, is hoogstaande gehalte uiters belangrik. Een van Alliance se grootste hulpmiddels is die gesamentlike 650 geregistreerde Angus-koeie waaruit die veilingdiere geselekteer word. Hierdie ingesteldheid op gehalte verseker dat kopers met…