Innholdsfortegnelse for 10 April 2015 i Landbouweekblad

Geld. Dit raak ál skaarser. Die manne op die Nasionale Wolkwekersvereniging se jaarvergadering op Cradock sê dis nie grondhervorming wat hulle laat wakker lê nie, maar produksiekoste. ’n Mens verstaan dit. Elektristeitpryse gaan nou met byna 13% op – nog meer as jy munisipale krag koop, want munisipaliteite bou mos nóg vet in. Dan reken ons nie in wat die absurditeite in Eskom se hoofkantoor ons gaan kos nie. Verlede week styg brandstofpryse met sowat R1,62 per liter, die stewigste verhoging sedert 1999 weens die nuwe brandstofbelasting, met die swak rand wat nie juis help nie. Dan wil die e-tolmanne nog hier in die Kaap ook kom skep, teen sommer drie keer Gauteng se prys. Moet verder nie die impak van die koste van die droogte in die binneland onderskat…

MNR. PIETER DANIËL JACOBS, allerweë bekend as PD, is saam met sy skoonseun Willem Grobbelaar aangewys as Voermol se Skaapboer van die Jaar vir 2014. Hulle boer met Merino’s, Bonsmaras en Friesperde buite Trompsburg en pas presisieboerdery in hul skaapvertakking toe. Lees die artikel op bl. 30. VERTEL ONS VAN JOU GESIN. Ek en my vrou, Hendrien, is die afgelope 35 jaar getroud en het vyf kunssinnige dogters – mevv. Isa Myburgh en Theresa Grobbelaar (hulle is ’n tweeling), dr. Erine Heyns (’n tandarts in Bloemfontein en getroud met ’n boer van Zastron), mev. Daneille Joubert en die jongste, Christine, wat pas haar studies in die Kaap afgehandel het. HET JY ’N STOKPERDJIE? Die opstal op die plaas Vlakfontein met sy gevestigde tuin het ’n tennisbaan wat weekliks deur die…

SUID-AFRIKA gaan in die jaar tot einde April aanstaande jaar ’n beraamde 550 000 ton heelmielies moet invoer, sê die vraag-en-aanbodkomitee van die Nasionale Landboubemarkingsraad (NLBR) in sy jongste skatting. Dit is 50 000 ton meer as sy eerste invoerraming op 3 Maart. Dié raming verskil nie meer veel nie van Graan SA se jongste skatting dat die land se totale mielie-invoer 740 000 ton kan beloop, waarvan 580 000 ton heel mielies en die res verwerkte mielieprodukte is. Die NLBR sowel as Graan SA het hul invoerramings aangepas nadat die Nasionale Oesskattingskomitee sy jongste ramings vir verwagte someroeste op 25 Maart bekend gestel het. Dit is egter moeilik om die twee ramings met mekaar te vergelyk omdat die bemarkingsjare waarvolgens dit gedoen is, nie oor dieselfde tydperk strek nie.…

1 NAMIBIË | Verkope van vee daal Namibië se Vleisraad se bemarkingsverslag vir verlede jaar toon dat die verkope van groot- en kleinvee verlede jaar met onderskeidelik 43% en 28% gedaal het. Boere het 240 929 grootvee-eenhede bemark teenoor die vorige jaar se 425 388. Daarteenoor was die bemarking van kleinvee 1 356 548 in 2013 teenoor net 982 235 verlede jaar. Die afname word toegeskryf aan die goeie reën die eerste vyf maande verlede jaar ná die droogte van 2013. Boere het hul vee teruggehou in ’n poging om verkleinde kuddes te herbou. Wat die uitvoer van lewende beeste na Suid-Afrika betref, was die daling 62% vergeleke met 2013. ’n Groot rede daarvoor was die streng invoerregulasies wat Suid-Afrika op 1 Mei verlede jaar ingestel en eers in Augustus…

DIE stoetbedryf sal in die volgende 10 tot 15 jaar moet verander om voort te bestaan. Prof. Frikkie Neser (R EGS), hoogleraar in dier-, wild- en weidingskunde aan die Universiteit van die Vrystaat, sê telersgenootskappe sal kommersiële diere in hul stoetbevolking moet insluit om groter seleksie in die onderskeie rasbevolkings te verseker. Neser het op die jaarlikse boeredag van Bonsmara SA buite Bothaville gesê in die geval van die land se beesbevolking bestaan die nasionale databasis slegs uit stoetdiere. Hy is ’n voorstander daarvan dat die Wet op Diereverbetering sodanig aangepas word dat alle diere daaronder val, nie net aangetekende stoetdiere nie. So ’n stap sal verskeie voordele inhou, soos beter beheer en statistiek, en dit sal naspeurbaarheid en siektebekamping bevorder. Hy reken telersgenootskappe moet dié proses bestuur. Neser het…

GOEIE finansiële bestuur is een van die kenmerke van suksesvolle boerderye. Die Universiteit Stellenbosch bied ’n kortkursus oor dié belangrike aspek van boerderybestuur aan. Die kursus word oor drie dae in drie weke aangebied, byvoorbeeld drie agtereenvolgende Dinsdae, en hoef nie op die US-kampus plaas te vind nie. As daar ’n behoefte aan die kursus in ’n spesifieke gebied is, kan die kursus daar aangebied word. Dr. Willem Hoffmann, lektor in boerderybestuur in die departement landbou-ekonomie en kursusaanbieder, sê die kursus is daarop gemik om eienaars en bestuurders van boerderye te ondersteun met die opstel en gebruik van begrotings in finansiële beplanning. Hy sê teen die einde van die kursus sal deelnemers verstaan hoe skakel finansies by boerderybeplanning in, hulle sal kan bepaal watter soort rekordhouding belangrik is vir ’n…

“As jy dink jy moet spuit, moes jy al gespuit het.” Mnr. Kallie van der Merwe, bedryfsbestuurder van die chemiese maatskappy Novon Protecta, sê ervaring in stelsels met verminderde en geenbewerking het hom dié reël geleer. Hy meen boere spuit dikwels te laat. Hy benadruk dat omskakeling na bewaringslandbou, met verminderde of geenbewerking, nie beteken jy hoef nie meer onkruid te bestry nie. Hy hoor van boere wat meen hulle gaan sonder glifosaat kan boer. “Ons het die laaste groeityd veral groot probleme met die bestryding van gras gesien. “Jy loop ’n groot risiko as jy nie in ’n skoon saadbedding plant nie.” Vir die bestryding van rooi-uintjies, wildesorghum, Johnson-gras en kweek is glifosaat onontbeerlik, meen hy. Oor die moontlike uitskakeling van Roundup Ready-saad, meen hy dit is slegs moontlik…

jnorval@landbou.com PLAASINLIGTING LIGGING: Trompsburg, Vrystaat NAAM: Vlakfontein,Lucerne enTouwfontein,Trompsburg GROOTTE: 11000ha EIENAARSKAP: Familie-boerdery VERTAKKINGS: EkstensieweMerino-boerdery (80%)endiePdrino-Merino-fynwolstoeterymet altesame6000reproduktieweooie,kommersiële Bonsmarakudde,Vlakfontein-Friesperd-stoeteryen aangeplanteweidingsop100havir’nvoerbank. VELDTIPE: Gemengde,Karoo-agtigebossieveld GEMIDDELDE REËNVAL:450mm-500mmperjaar KORTOM ■ Deur presisieboerdery ontsluit Pdrino die genetiese potensiaal van elke reproduktiewe ooi op die plaas. ■ PD sê ’n wolprodusent se inkomste hang van die wol se gehalte en veseldikte af. Dit beïnvloed op sy beurt die skoonopbrengs van die skeersel. ■ Die familie omring hulle met beroepsmense wat die beste in hul veld is. Reproduksiedoeltreffendheid, die aanpasbaarheid van hul diere by wisselende omstandighede en die fyn balans tussen vleisproduksie en genetiese fynwol het die deurslag gegee in die aanwysing van mnre. PD Jacobs en Willem Grobbelaar van die plaas Vlakfontein by Trompsburg as Voermol se Skaapboere van 2014. Daarby het hulle ook ’n veer in die…

DIEREMEDISYNE PARASIETDODER VIR SKAPE Moxi-ject is die eerste generiese moksidektien 1%- inspuitbare produk wat in Suid-Afrika beskikbaar is en spesifiek vir gebruik by skape geregistreer is. Dié middel van Cipla Agrimed is die aangewese behandeling voor die begin van die paar- en lamtyd danksy die breëspektrumbekamping van alle belangrike rondewurms en neuswurm. Die lang nawerking beskerm die skape ook teen herbesmetting in die aanloop tot die paar- en lamtyd. NAVRAE: Me. Annelize Boonzaaier, tel. 018 464 7165, e-pos: annelize. boonzaaier@hinterland.co.za. Prys: R1 060 (BTW ingesluit) ENTSTOF MOENIE AAN DIE NEUS RONDGEGELEI WORD NIE Asemhalingsiektes bly die mees ekonomiesverwoestende toestand in die beesvleisbedryf, met sowat 75% van alle voerkraalsiektes wat respiratories van aard is. Dié siektes lei tot die helfte van vrektes in voerkrale. Die veeartsenykundige maatskappy Zoetis se nuwe entstof,…

Ricotta beteken letterlik “weer gekook”. Dit is ’n krummelrige, vars kaas wat jy maak deur volroommelk met ’n klein bietjie suur (soos suurlemoensap of asyn) en ’n bietjie sout te kook tot die wrongel (soliede melkproteïen) en wei (vloeistof) van mekaar skei. Dit is in ’n kits gereed, heerlik in soet- en soutgebak (veral kaaskoek) en nageregte, en is ’n fantastiese vulsel vir pasta, soos cannelloni, lasagne of ravioli. ■ 1 liter vars volroommelk ■ 125 ml dik room ■ 5 ml sout ■ 45 ml vars suurlemoensap Verhit die melk, room en sout oor matige hitte tot dit borrel. Verlaag die hitte en roer die suurlemoensap by. Prut vir ongeveer 5 minute, tot die mengsel skif. Voer ’n groot sif of vergiettes met ’n stuk kaasdoek of ongebleikte linne…

Om die regte keuses te maak, is ’n verantwoordelikheid wat op ’n daaglikse basis elke boer uitdaag om volhoubaar suksesvol te wees. Mnr. Brand Pretorius het op die Pannar Ekstravaganza by Jacobsdal vroeër vanjaar die belangrikheid van ’n boerdery as besigheid uitgelig. Hy is een van Suid-Afrika se bekendste sakeleiers wat deesdae konsulteer en as spreker optree. Hy is die voormalige uitvoerende hoof van die McCarthy-groep en het ook verskeie bestuursposisies by Toyota beklee. “Ek het op Bultfontein grootgeword en weet daarom uit ervaring hoe die boerderygemeenskap die spil vorm waarom soveel dorpe in ons land draai.” Brand voeg by dat hy kan sien hoe seer die droogte boere maak en hoe boere in ’n krisis gedompel is. “Om ’n suksesvolle boer te wees, verg nie net grond en kapitaal…

Van ’n klein begin in 1965 in ’n werkswinkel op die plaas het Radium Engineering gegroei tot ’n reuseaanleg in Babelegi. ■ 1965 – John Roest bou sy eie veeskaal. ■ 1970 – Mike Roest stel sy eerste koringplanter bekend. ■ 1976 – Radium Engineering word amptelik gestig. ■ 1980 – Die eerste vervaardigingskontrakte word toegeken. ■ 1983 – Die eerste off-set disc harrow. ■ 1989 – Die eerste stump-jump ripper. ■ 1991 – Die eerste swaardiensbeitelploeg en dual-tine ripper. ■ 1994 – Die reeks Transpreadstrooiers word bekend gestel. ■ 1998 – Radium begin met 3Dontwerptegnologie. ■ 2000 – Die eerste strooier met ’n veranderlike toedieningskoers. ■ 2002 – ’n Nuwe profieldek word bekend gestel in die wentelsnyerreeks. ■ 2008 – Die eerste MRPstelsel. ■ 2010 – Die Matrixvoermenger. ■…

MET twee strawwe winters agter die rug en die westelike deel van die Oos-Kaap wat tans onder ’n ernstige droogte gebuk gaan, het die NWKV en Agri Oos-Kaap reeds planne beraam om boere met strategiese voerbeplanning by te staan, sê mnr. Casper Labuschagne, voorsitter van die Oos-Kaapse NWKV. Labuschagne het op die jaarvergadering van die vereniging op Cradock gesê boere in die provinsie was genoodsaak om die afgelope twee jaar hul vee te voer. “Hoewel produksietoestande in die voorsomer betreklik goed was, het toestande sedert Desember verswak. Die hittegolwe in Februarie het die veld erg verskroei.” Hy sê hoewel die goeie skaapvleispryse in Desember, toe lammers teen tot R60/kg en skape teen R44/kg verhandel het, gehelp het om die las van voerkoste te verlig, kan die prys van stoorlammers skerp…

HOEWEL die Woltrust bereid is om meer geld vir navorsing beskikbaar te stel, is dit ’n probleem om goeie navorsers in Suid-Afrika te vind wat die werk kan doen. Dit loon dus nie om geld aan projekte te bestee as dit nie goeie vrugte gaan dra nie, het mnr. Geoff Kingwill, voorsitter van Cape Wools, gesê. Volgens hom is groot welslae in Australië, Brittanje en Amerika met die “Campaign for Wool” behaal. As deel van die projek word ’n Wolweek vanaf 8 tot 11 April by die Kaapse Waterfront aangebied. Kingwill het gesê Suid-Afrikaanse wol was voorheen tot 2% goedkoper as soortgelyke Australiese wol. Tans behaal Suid-Afrikaanse wol egter ’n pryspremie van 1% tot 2%. Kopers kla dat dit al hoe moeiliker raak om dié wol vanweë die hoër prys…

MNR. George Steyn (foto) is eenparig verkies tot voorsitter van die Dutoitgroep op Ceres. Hy neem die leisels oor by mnr. JanLinde du Toit wat ná 25 jaar uittree. Du Toit het sy volle loopbaan aan dié gesinsonderneming gewy, maar gaan voort om as direkteur van die groep te dien. Steyn is die eerste niefamilielid en onafhanklike voorsitter van die onderneming. Luidens ’n verklaring beklemtoon dié mylpaal “die groep se strewe na volhoubLandbouskou are groei met die gepaardgaande korporatiewe verantwoordelikheid”. Steyn het in 2011 uitgetree as besturende direkteur van Pep ná meer as 25 jaar diens. Steyn is tans ook voorsitter van Kaap Agri, voorsitter van die raad van die Universiteit Stellenbosch en ’n direkteur by Pepkor en RCL Foods. “Sy liefde vir die landbou, waar hy saam met sy…

72 TON Klein Karoo Internasionaal het die afgelope 6 maande 72 ton volstruisvleis na Rusland uitgevoer. Dit volg op mnr. Ries Dempsey, uitvoerbestuurder, se deelname aan ’n voedselskou in Moskou verlede jaar. Dempsey was pas weer deel van ’n Suid-Afrikaanse beleggings-enhandelsending onder leiding van die Departement van Handel en Nywerheid, en sê hy verwag nou nóg meer bestellings. – DTI 1,3 MIL Sowat 22,2 miljoen mense in Suid-Afrika het van 1996 tot 2013 toegang tot kraanwater gekry. Dit is gemiddeld 1,3 miljoen per jaar of 109 000 mense per maand, aldus die SA Instituut vir Rasseverhoudings se jongste SA Survey. Toegang tot kraanwater sluit krane in ’n huis, ’n erf of gedeelde kraanwater in ’n gemeenskap in. – SA Survey 400 MJD Navorsers by die Universiteit van East Anglia in…

ARTIKELS & RUBRIEKE ■ Sukses met mielies in koue streek ■ Elite-koei: Nog van SA se uitblinkers ■ Intensiewe lamstelsel: Sorg eers vir kontantvloei ■ Israel: MIljarde uit organiese landbou ■ Boereplan: Plant 1 000+ saailinge per dag met dié ysters GESIN ■ Boerekos: Wat eet ons vanaand? SPESIAAL ■ Sojabone, Bloemskou (perde) BEESTE Syideaalis’nbeeswatselfsinmoeiliketoestandewinstoon,sêmnr. ClyntonCollett,watnegejaargeledebesluithetommetBoransteboer. HierissyElite-platinumkoeiTLM05/47.LBWpubliseertot24Aprildie 17Elite-platinumkoeifinalistevandieverskillenderasse.Dieeerbewyse wordop28AprilopdieBloemskouoorhandig.…

Uit: Die Landbouweekblad, 6 April 1965 ‘VEREER TELER VAN NUWE AARTAPPELS’ Suid-Afrikaanse aartappelboere behoort ’n borsbeeld te laat maak van die beskeie dr. James Edward (Plankie) van der Plank, hoof van die Navorsingsinstituut vir Plantbeskerming, uit erkenning vir sy baanbrekerswerk, skryf Manie in sy rubriek, “Soos ek dit sien”. Van der Plank het nuwe aartappelvariëteite geteel wat ’n omwenteling in die plaaslike aartappelbedryf voorspel, skryf Manie. “Ek wonder of ons mooi besef watter geweldige uitwerking hierdie nuwe aartappels op ons boere, die gehalte van ons aartappels, die bemarking daarvan en op die invoer van moere gaan hê. “Ons boere sal nou nie elke jaar hoef moere te koop nie. Ons sal minstens een jaar kan oorslaan vanweë die virusbestandheid van die nuwe variëteite. Oor ’n tydperk van 20 jaar beteken…

DIE Landbounavorsingsraad (LNR) gaan oor die volgende paar jaar 52 werknemers in sy navorsingsafdeling weens aftrede verloor, het die Parlement se portefeuljekomitee oor landbou, bosbou en visserye gehoor. Volgens projeksies sal altesaam 207 (8,6%) van sy werksmag oor die volgende vyf jaar aftree. Dr. Shadrack Moephuli, die LNR se uitvoerende hoof, het gesê van die 207 werknemers is 52 betrokke by navorsing. Die instelling gaan nege spanbestuurders, 18 navorsers en spesialisnavorsers, vier senior sleutelbestuurders en 21 tegnici verloor. Die Ouditeur-Generaal het in 2013 sy kommer uitgespreek oor die LNR wat nie sy teikens haal nie. Die LNR het in die boekjaar 2012/’13 tot 42 van sy 103 gestelde doelwitte nie behaal nie weens begrotingstekorte én probleme met ’n tekort aan tegniese kennis om navorsing af te handel. BESNOEIING KOM Die…

HY sal sy agterstand met die entstof teen bloutong teen middel Mei inhaal, het Onderstepoort Biologiese Produkte (OBP) gesê. Me. Annette Steyn, die DA se skaduminister vir landbou, wou by die Parlement se vergadering van die portefeuljekomitee oor landbou, bosbou en visserye weet wanneer die entstof beskikbaar sal wees, aangesien boere steeds kla dat hulle dit nie in die hande kan kry nie. Die OBP het reeds Augustus verlede jaar kat en muis met boere begin speel oor dié saak. Die instansie het toe beloof dat die enstof binnekort beskikbaar sal wees, maar later in ’n verklaring aangedui dat dit eers in begin Februarie beskikbaar sal wees. Dr. Steve Cornelius, uitvoerende hoof van die OBP, het aan die portefeuljekomitee gesê 20 000 eenhede bloutong-entstof (A, B en C) sal vandeesweek…

Suid-Afrikaanse boere gaan nie vanjaar sitrus na Spanje uitvoer nie. Dit kom nadat dié land geweier het dat verteenwoordigers van die Suid-Afrikaanse Sitruskwekersvereniging (SKV) aanlegte besoek waar vir swartvlek getoets word. Mnr. Justin Chadwick, voorsitter van die SKV, het onlangs aan Business Day gesê die vereniging se verteenwoordiger is in sommige lande, soos Nederland en Duitsland, verwelkom en toegelaat om toetsaanlegte te besoek en te inspekteer. Daar is op gunstige voorwaardes tussen dié lande se landboudepartemente en die sitruskwekers ooreengekom oor die identifikasie van potensiële swartvlekbesmetting en die toetsstandaarde vir dié swam. Oor Spanje se onwilligheid om soortgelyke inspeksiebesoeke toe te laat, sê Chadwick dit het dadelik die gevaarligte laat flikker. Mnr. Deon Joubert, spesiale gesant vir marktoegang en EU-sake by die SKV het vroeër gewaarsku dat uitvoer na Europa…

UITDAGINGS WAG OP SITRUSBOERE Produksietoestande in die Sondagsrivier is vanjaar goed, maar toestande in uitvoerlande maak dat uitdagings op die bedryf wag, sê mnr. Hannes de Waal, besturende direkteur van die Sondagsriviersitrusmaatskappy (SRCC). Sanksies teen Rusland skep probleme omdat sowat 15% van alle Suid-Afrikaanse sitrusuitvoer in die verlede na Rusland gegaan het. Die Russiese roebel het ook teenoor ander geldeenhede verswak, en die verbruik van vars produkte daar het met bykans 50% verminder. Boonop het die rand teen die euro en die Britse pond verstewig. “Die sterk Amerikaanse dollar is nietemin ’n ligpunt,” sê De Waal. “Die skerp daling in oliepryse skep onsekerheid in die (Persiese) Golf-lande, wat ’n gewilde bestemming vir Suid-Afrikaanse vrugte is. Die lae oliepryse plaas Rusland onder nóg groter druk.” De Waal verwag nietemin dat die…

Die tweede produksieskatting van die Nasionale Oesskattingskomitee teen einde Maart bevestig dat vanjaar se somergraanoeste minstens 5 miljoen ton minder gaan wees as verlede jaar s’n. Dit word geraam op sowat 11,5 miljoen ton – ’n afname van sowat 31%. Dié afname verbloem die feit dat daar streke is wat na aan normale opbrengste het. Maar dan is daar streke wat 0% tot 50% van verlede jaar se opbrengs het. In talle streke is weidings ook onvoldoende vir ’n lang winter. Afgesien van die geldelike verliese wat die saaibedryf gaan ly, gaan die effek van die kleiner oeste of misoeste na die plattelandse ekonomie uitkring. Die regstreekse verliese net op plaasvlak sal naby aan R12 miljard wees. Met ’n vermenigvuldiger-effek van 4-5 is die verliese in die plattelandse ekonomie sowat…

WAT WAS DIE BESTE BOERDERYBESLUIT WAT JY GENEEM HET? Om topgehalte fynwol vir ’n groeiende eksklusiewe mark te produseer. WAT IS DIE GROOTSTE FOUT WAT JY IN JOU BOERDERY GEMAAK HET? Om te belê in vertakkinge buite die boerdery waarvan jy niks weet en waaroor jy geen beheer het nie. WAT IS DIE GROOTSTE GELEENTHEDE IN JOU BOERDERY? Die huidige wêreldwye neiging tot ’n groener leefwyse met die gepaardgaande nuwe markte vir fynwolprodukte is ’n gulde geleentheid. WATTER TEGNOLOGIE IS ONONTBEERLIK? RFID Experts Africa se elektroniese oorplaatjies en skaal vir kleinvee vergemaklik dataverkryging en verwerking vir die stoetery aansienlik. Die BenguFarm Sheep&Goatsagteware help ook met die bestuur van die stoetery, die verwerking van data en volledige byhou van inligting. Met die elektroniese skyfies in die diere se ore word data,…

Mnr. Willem Grobbelaar van die plaas Touwfontein by Trompsburg gaan vanjaar in Junie en Julie wyndruiwe op op dié plaas in die Suid-Vrystaat vestig. Water sal aangelê moet word na die geskikte terroir en hy sal later ’n klein kelder bou. Hy het 130 steggies van ’n Cabernet Sauvignon-kloon bestel wat op droogtebestande onderstokke ingeënt is en ook vir vestiging in kleigrond geskik is. Willem, ’n boorling van ’n Karakoelplaas in die suide van Namibië, het aan die Paul Roos-gimnasium op Stellenbosch gematrikuleer. Ná ’n jaar op universiteit het sy loopbaan in 1996 by Spier begin toe dié landgoed met wynproduksie begin het waarna hy twee parstye in Kalifornië was. Ná sy opleiding op Elsenburg was hy verskeie jare in die Wes-Kaapse wynbedryf betrokke en het ’n volle groeityd in…

PLAASINLIGTING LIGGING: Dordrecht, Oos-Kaap NAAM:Hartebeesthoek EIENAARSKAP: Beslote korporasie VERTAKKINGS: Tweebeesstoeterye(Herefords, met140stoetkoeie,enTuli’s,met160stoetkoeie), kommersiëlevleisbeesteensowat3000Merino’s VELDTIPE: Gemengdesuurveld RANTSOEN: Somer:P12-soutlek;winter:Koeie worddaagliksvanJunieafnetvir’nkortrukkieop lusernstoppel-strookbeweidinggesitenloopvirdieres vandiedagopgespaardeveld. GEMIDDELDE REËNVAL:600mmperjaar Soos klokslag het die Hereford KRM-stoetery van mnre. Russell en Ed Clark van Hartebeesthoek by Dordrecht die afgelope 15 jaar die een of ander provinsiale of nasionale prys vir sy Hereford- of Tulistoeterye gewen. Elke keer as die Clarks gevra word waaraan dié prestasie toegeskryf word, kom die antwoord dat dit hul passie is om diere te teel wat by die natuur aangepas is. Hulle het nog nooit teen die ekstra moeite opgesien om die diere se besonderhede aan te teken en aan Stamboek te verskaf nie. “Ons wil ons diere sinvol selekteer en kan dit net doen as akkurate gegewens van geboortedatums en -gewigte ingestuur word.” Sedert die…

landbou@mweb.co.za PLAASINLIGTING LIGGING:Kirkwood (Oos-Kaap) NAAM: Habataboerdery GROOTTE: 800ha sitrus,800harankgewasse (spanspekke,pitlosewaatlemoeneenbotterskorsies) enwisselbougewasse(soos, kool,mieliesenkoring)watallesonderbesproeiing verbouword),1500haveld VERTAKKINGS:Natuurlikewild,sitrusen’n verskeidenheidrankgewasse REËNVAL: 300mmtot450mmperjaar HOOGTE BO SEESPIEËL:20mtot130m AANTAL WERKERS IN DIENS: 1 000 seisoenwerkers AANTAL EENHEIDSBESTUURDERS: 10 SITRUSMANDJIE:Suurlemoene,laatNawels, Midknightenverskeielaatmandaryne KORTOM ■ Dié boer plant volwasse bome suksesvol oor. ■ Die uitdunning van bome keer dat hulle te dig opmekaar groei. ■ Vroeë produksie vergoed vir die aanvanklike hoër vestigingskoste. Toe mnr. Hannes Joubert (59) van die Habata-boerdery by Kirkwood verlede jaar ’n nuwe plaas, Alandale, aangeskaf het, het hy ’n kortpad gekies om vinnig in produksie te kom met suurlemoene. Hy wou nie jong suurlemoenbome by ’n kwekery bestel en dan nóg drie jaar wag voor dit in produksie kom nie. Hy het groot sitrusbome – wat in elk geval besig was om té dig op mekaar…

Speentyd is nogal ’n besige tyd op ’n beesplaas. En as jy dit nie reg doen nie, nóg besiger met al die drade wat reggemaak moet word soos ma en kalf mekaar soek – en meestal vind. Ek probeer ook my inentings voor speentyd afhandel sodat immuniteit die maksimum uitwerking kan hê. In dr. Temple Grandin se boek Humane Livestock Handling sê sy dit is die beste om inentings te doen 45 dae voor jy hulle speen. Ek het begin vanjaar ’n lang gesprek met my veearts, dr. Stefan Wessels, gehad oor watter inentings regtig nodig is. Ons het besluit om die jong diere “goed” te immuniseer. Dit beteken ’n dubbele enting: Die aanvanklike inenting en ’n skraagdosering 3 weke tot 4 weke later. In ons gebied is die probleem…

Om landbougrond vir enige ander doeleindes te laat hersoneer, is ’n moeilike, duur en lang proses. Dit word gewoonlik gedoen waardorpsgrensevergrootenlandbougrond hersoneer en onderverdeel word vir woonen besigheidserwe. Tegniese verslae moet verkry word vir talle doeleindes. Een daarvan is ’n omgewingsverslag. Ek sal eerder by die owerhede aansoek doen om afwykende gebruiksregte van die bestaande sonering vir die bedrywighede wat julle beoog, en die plaas se bestaande landbousonering so laat. Ek verwag dat julle vir die doeleindes van hindernisbane, indien dit vir 4x4-roetes beoog word, ook blootgestel gaan word aan die verkryging van omgewingsimpakstudieverslae, wat die koste sal opjaag. Die eerste stap is om ’n stadsbeplanner oor jul voorgenome projek te gaan spreek. Hy of sy sal die aansoek aanvoer. Mnr. Butch van Blerk is direkteur van Bill Tolken Hendrikse…

1 Kaasrolletjies Sagte, smullekker broodrolletjies met maaskaas in die deeg en gerasperde cheddar daarin toegerol. ■ 625 ml koekmeel ■ 1 x 10 g-pakkie kitsgis ■ 7 ml sout ■ 2 ml koeksoda ■ 60 ml warm water ■ 60 ml gesmelte botter ■ 250 g gladde, ongegeurde maaskaas ■ 1 eier, geklits ■ 250 ml gerasperde cheddarkaas Meng die meel, gis, sout en koeksoda saam in ’n mengbak. Klits die water, botter, maaskaas en eier saam en voeg by die droë bestanddele. Maak aan tot ’n sagte, klam deeg. Knie vir 10 minute op ’n meelbestrooide oppervlak tot glad en elasties. Sit die deeg in ’n groot, skoon bak wat met olie gesmeer is en bedek losweg met ’n vadoek of kleefplastiek. Laat rys op ’n warm plek tot…

Kyk, die eerste keer toe iemand my vertel ek moet groente volgens die maan se fases plant, het dit na ’n regte ouvroustorie geklink. Iets van die aarde wat inasem as die maan krimp en uitasem as die maan swel en daarvolgens moet jy blare of wortels plant, snoei of skoffel, werk dat die kluite spat of agteroorlê. Die maan word hoeka met malligheid verbind – daarom byvoorbeeld dat lunacy in Engels van luna, die Latyns vir maan, afgelei is. Wel, die maanplantery ís ’n ouvroustorie – gaan vra maar ’n paar oumas met ’n hand met ’n plant wanneer ’n mens wat moet plant (of watter dae jy kan visvang, as jy my man se ouma vra). Ouvroue verstaan nogal dinge. Met ons moderne maniere gooi ons maklik oerwyshede…

Buys deur Willem Anker. NB Uitgewers, Kaapstad. R245 Coenraad de Buys was ’n vryboer wat min of meer tussen 1761 en 1798 meestal in die Oos-Kaap geleef het, maar teen die einde van sy lewe noordwaarts getrek het, tot waar hy uiteindelik in die omgewing van die hedendaagse Louis Trichardt gesterf het. Historiese feite oor De Buys is nie so volop soos oor Voortrekkerleiers wat omtrent ’n generasie ná hom die binneland ingetrek het nie. Omdat dit vir ideologies gemotiveerde geskiedskrywers moeilik sou wees om hom as nasionalistiese held uit te beeld, het hy nie die geskiedenishandboeke van Afrikaanse skole voor 1994 gehaal nie. Hy het die grootste deel van sy lewe buite die wet geleef. Hy was grootwildjagter, smokkelaar, veedief, plunderaar, veelwywer en rebelse kryger. Vir sommige was hy…

Obaro se kliënte-basis sluit ’n hele spektrum van boerderybedrywighede in, asook dienste aan die publiek. Die maatskappy is toegespits op besproeiing, bemesting, saad, chemikalieë, onderdele, veevoere en -medisyne, hardeware asook brandstof. Obaro is die handelsdivisie van die MGK Groep. MGK, wat as die Magaliesbergse Koring Koöperatiewe Maatskappy Beperk bekend gestaan het, het op 17 September 1930 tot stand gekom. Die maatskappy is gestig deur ’n groep boere wat koringproduksie in die Hartbeespoort-besproeiingskema ondersteun het. Vandag vorm Obaro, Statusfin Finansiële Dienste en InfoGro almal deel van die MGK Groep. Obaro het 23 winkels wat oor Noordwes, die Noord-Kaap, Mpumalanga, Limpopo en Gauteng versprei is. WAT DOEN OBARO? Benewens boere word ook in die tuinier en troeteldiereienaar se behoeftes voorsien in die tuinbou-en troeteldierafdeling wat ’n uitgebreide reeks produkte het. Obaro is…

Die huidige stand van groot wêreldvoorrade van graan is algemeen bekend. Ná ’n bloeitydperk van etlike jare is daar nou ’n vermindering in die hektare wat deur boere aangeplant word. Hierdie wêreldwye afname in aanplantings het ’n oorspoeleffek deur die hele waardeketting tot gevolg. Die uiteinde is dat landboumaatskappye wat bedryfsmiddele verskaf, op groot skaal ook aanpassings moet maak om te midde van hierdie kleiner aanplantings steeds waarde te kan toevoeg en winsgewendheid behou. “DuPont Pioneer erken hierdie eksterne faktore en is trots op sy vermoë om sonder enige aarseling onmiddellik die nodige aanpassings te maak.” Dié tipe aanpassings is toegespits op verhoogde doeltreffendheid. Net soos wat ’n graanboer daarteen moet waak om te probeer bespaar op bedryfsmiddele soos kunsmis – wat die kostedoeltreffendheid van graanproduksie kan benadeel – net…

BRANDSIEKTE het die afgelope jaar by Barkly-Oos en Adelaide uitgebreek, maar kon danksy die spoedige optrede van die NWKV, Agri Oos-Kaap en die Oos-Kaapse departement van veeartsenykunde vinnig gestuit word. Mnr. Casper Labuschagne, voorsitter van die die Oos-Kaapse NWKV, het op dié provinsiale tak se jaarvergadering op Cradock gesê die grootste bron van kommer ten opsigte van dieregesondheid is die beskikbaarheid van entstof teen bloutongsiekte en Rev 1. “In Jamestown was daar vanjaar géén bloutongentstof beskikbaar nie en verskeie vrektes is aangemeld. Gelukkig het die droë toestande grootskaalse vrektes beperk. Die veebedryf kan nie bekostig dat die verantwoordelike instelling nie sy verantwoordelikheid nakom nie.” Volgens hom het verskeie lede van die NWKV die organisasie genader en gevra dat entstowwe privaat getoets, vervaardig en versprei word. Volgens Labuschagne hou die skerp…

MNR. Hendrik Kleynhans van Rundu is as die Namibiese Akkerbouraad se meester-akkerbouer vir 2015 aangewys. Hy boer die afgelope drie jaar op die staatsprojekplaas Sikondo, sowat 5 km van die Okavangorivier en 12 km wes van Rundu. Sy gewasse is hoofsaaklik mielies in die somer en koring in die winter, asook aartappels, pampoen, uie en tamaties op ’n kleiner skaal. Kleynhans het aan Landbouweekblad gesê die staatsplaas bestaan uit twee dele, naamlik een deel vir kommersiële boere en ’n deel vir mediumgrootte boere. Die gewasse word met spilpunte, hand-sprinkelstelsels en mikrobesproeiing op oop lande en onder skadunette natgemaak. Die boere se grootste struikelblokke is die hoë temperatuur, veral op koring en groente, en sandgrond met ’n lae of selfs geen fosfaat en ’n pH wat van 4,5 tot 7,5 wissel.…

DIE landboumaatskappy BKB het duisende rande se verlies gely weens die tekort aan bloutongentstof. Daar kan boonop nie met sekerheid gesê word of genoeg entstof wel teen einde April, soos beloof, beskikbaar sal wees nie, sê mnr. Kelvyn Breetzke, hoof van BKB se handelsafdeling. Breetzke sê op ’n vergadering met Bayer Dieregesondheid (verspreiders van die entstof vir Onderstepoort Biologiese Produkte) is aangedui dat die agterstallige bestellings teen einde April gelewer behoort te word, maar nie gewaarborg kan word nie. “Ons was só desperaat dat ons aangebied het om álles te koop wat Bayer beskikbaar stel. Nou is dit ’n geval van wag en kyk wat gebeur.” Breetzke sê omdat dit die tweede seisoen is wat daar ’n tekort aan die betrokke entstof is, het BKB reeds saketransaksies verloor en sit…

Internasionaal: Die prys van mielies het met 4,4%, oftewel $6,50/t (R77,31/t), gestyg tot $153,90/t (R1 830/t). Op ’n jaargrondslag is dit 19,6%, oftewel $37,57/t (R446,86/t), laer. Verwagte pryse is: Mei – $154,87/t (R1 842/t), Julie – $157,71/t (R1 876/t), September – $160,70/t (R1 911/t), Desember – $164,01/t (R1 951/t). Plaaslik: Die Safex-prys van wit mielies het met 2,7%, oftewel R73/t, gedaal tot R2 627/t. Geel mielies het met 4,4%, oftewel R110/t, gedaal tot R2 400/t. Op ’n jaargrondslag is dit 18%, oftewel R578/t, laer vir wit mielies, terwyl geel mielies 12,4%, oftewel R340/t, laer is as in die ooreenstemmende tyd verlede jaar. Verwagte pryse is: Mei – R2 630/t, Julie – R2 651/t, September – R2 692/t, Desember – R2 739/t. Internasionaal: Die prys van koring het met 2,2%, oftewel…

VANJAAR se oesvooruitskatting van 12 500 ton vir rooibostee is 1 000 ton meer as verlede jaar, maar is steeds nie genoeg om te vergoed vir verlede jaar se kleiner oes en die steeds groeiende vraag na rooibostee nie. “Hoewel vanjaar se oes groter is as dié van verlede jaar, is die balans tussen vraag en aanbod steeds nie herstel nie,” sê mnr. Johan Brand, tegniese bestuurder van Rooibos Bpk. Die feit dat boere nog nie in die vraag kan voorsien nie, het ook die prys wat boere vir hul rooibostee kry, opgestoot. “Boere sal vanjaar R28/kg vir hul rooibostee verdien. Dit is ’n toename van sowat 38% in die prys vergeleke met die R17/kg van verlede jaar.” Brand meen hoewel meer as genoeg hektare die afgelope planttyd aangeplant is…

DIE plaaslike verbruik van mielies het in Februarie onder druk gekom, toon Sagis se maandelikse verbruiksyfers. Dit kan waarskynlik toegeskryf word aan die skerp styging in pryse. Boonop is die mielies wat in Februarie vir die plaaslike mark verwerk is, die kleinste maandelikse syfer in die bemarkingseisoen tot dusver ( GRAFIEK ). Die Amerikaanse departement van landbou het in die week van 3 April die nuwe seisoen se aanplantingsyfers vir Amerika bekend gemaak. Plaaslike markte sal waarskynlik die internasionale markte volg. Die korter verhandelingstyd weens al die opbenbare vakansiedae kan die volumes laag hou. Tans probeer markspelers bepaal of die reënval in die tweede helfte van Maart wel ’n verskil op die oesgrootte kan hê. Nog reën in die somersaaigebiede kan die vroeë lewering van mielies vertraag en ook die…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG NIGEL BAKKIESFONTEIN (568), 113 ha; en DOORNHOEK (577), 73 ha; aan Roadgrass Inv. (Edms.) Bpk., van Moses Botha-familietrust,R1393500. LANSERIA (514), 656 ha, aan S. Cilliers, van Fancor-trust, R10 500 000. PRETORIA OLIFANTSFONTEIN (402), 15 ha, aan Gilliemead (Edms.) Bpk., van Corobrik (Edms.) Bpk., R3 362 703. KWAZULUNATAL LADYSMITH BUFFELS HOEK (1270), 55 ha, aan N.C.G.-plase BK, van P.L. Seago, R3 500 000. PIETERMARITZBURG MBONA (13856), 21 ha, aan C. en J.B. Ryan, van Bright Idea Projects 845 BK, R1 900 000. LIMPOPO ELLISRAS RIETGAT (554), 2 482 ha, aan Golden Hooves-plase BK, van P.J. Coetzee, R20 000 000. NYLSTROOM DE NYL ZYL OOG (62), 275 ha, aan Schoduku (Edms.) Bpk., van Up The Dove Trading BK, R5…

Die vraag na Van Rooy-ramme vir kruisteling met verskeie skaaprasse is tans besonder goed. Volgens mnr. Theo Coetzee, voorsitter van die Van Rooy-telersgenootskap is dié ramme veral geskik om ’n beter vetverspreiding in kruisdiere te kry en lammers gouer markgereed te maak, sonder om goeie gradering prys te gee. “Deesdae is daar selfs produsente wat weens ’n tekort aan arbeid Van Rooy-ramme by hul vleis-en-wol-skape en Merinoskape gebruik om lammers te teel,” sê Coetzee. Hy sê ter bewaring van die goeie eienskappe van die ras, stel die Van Rooy-telersgenootskap hoë standaarde vir suiwer teling. Die ras het in 1906 ontstaan en het sedertdien in getalle toegeneem. Tans is daar 30 geregistreerde telers by die genootskap betrokke, maar talle kommersiële boere vaar ook goed met die ras. Vanweë die droogte is…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, faks: 021 406 2940. E-pos: jeandre.dupreez@landbou.com. ALGEMEEN 30 MAART-12 APRIL: Fairtrade Fortnight 2015. Lynsay Sampson, tel. 021 448 8911, of e-pos: Lynsay@FairtradeSA.org.za. Web: www.fair trade.org.za. 6-11 APRIL: Friesperd-en-wynfees. Afridome, Parys. Carina, sel 082 927 5634. 7–12 APRIL: Wolweek. V&A Waterfront, Kaapstad. Louis de Beer, tel. 041 484 4301, of e-pos: louis@capewools.co.za. 17-18 APRIL: Barrels & Beardsoesfees-opskop. Botrivier. Nicolene Finlayson, sel 082 852 6547, of e-pos: nicolene@botriverwines.co.za. 22 APRIL: Crimson Seedless Alliance-inligtingsdag. Kronenburg, Paarl. E-pos: crimsonalliance.sa@gmail.com. 23-24 APRIL: MPO Agri-ekspo. Lichtenburg-skouterrein. Benita, sel 073 116 8544, of e-pos: benita@mpo.co.za. 25-27 APRIL: SA Kaasfees. Sandringham, Stellenbosch. Porchia Adams, tel 021 975 4440 of e-pos: cheese@agriexpo.co.za. Web:…

APRIL LICHTENBURG 22-24, Beeste: (Prosimklub: Simmentaler, Simbra), Angus, Brahman en ander rasse, Flippie du Plessis, sel 082 899 7237. Skape: Vleismerino’s, Corrie Claassen, sel 083 236 3528. Dorperveiling, J.J. Seymore, sel 071 688 0021. Alice van Wyk, tel 018 632 5167, of e-pos: alice@lichiefees. co.za. BLOEMFONTEIN 23-2 Mei, Bloemskou. Perde: (Nasionaal: SA Saalperd en Friesperd. Streek: SA Boerperd en Miniatuurperd), perdespring en pensteek. Kleinvee: (Nasionaal: Merino-landskaap en skeer), Merinoveldskou, ope, spoedskeer, internasionale Boerbokskou. Beeste: (Nasionaal: Angus. Streek: Braunvieh, Santa Gertrudis, Limousin, Simbra en Simmentaler. Provinsiaal: Hereford, Pinzgauer, PinZ2yl en Dexter), Absa-melkbeeskompetisie (interras), Absa-vleis-en dubbeldoelbees-kompetisie (interras), Vleissentraal/SA Stamboek, bulgroeitoets-kompetisies en melkbeesskou. Web: www.bloemskou. co.za, tel. 051 448 9894/5/6. JULIE LUTZVILLE 30 Julie-1 Augustus, Lutzville-skou. (Streek: Dorper en Wit Dorper), Benede-Olifantsrivier-perdekampioenskap. Perde, 083 398 0899. Kraampies, 083 620 2294. E-pos: jeanetteafox@gmail.com. POTCHEFSTROOM…

Posbus 1802, Kaapstad 8000 WENBRIEF BOBBEJANE ‘BYT NIE LAMMERS DOOD’ Dr. Gerhard Verdoorn se antwoord op ’n vraag van ’n boer wie se ooie vermoedelik deur bobbejane doodgebyt en die uier van die ooie weggevreet is (“Boerekliniek”, LBW, 13 Maart), het betrekking. Dit is die eerste keer in my lewe dat ek hoor van bobbejane wat ooie doodbyt. Hier by ons in die Karasberge vang die bobbejane in droë tye skaaplammers, maar dr. Verdoorn is verkeerd as hy sê die bobbejane byt die lammers dood en verskeur hulle dan. Die lammers word lewend verskeur agter die melkpens aan en dan uit die vel gedop en opgevreet dat net die kloutjies en ’n stukkie van die kopbeen aan die vel oorbly. As die bobbejaan nie gepla word op die plek waar…

Landbouminister Senzeni Zokwana en sy departement se onlangse gesprekke met AfriForum oor veiligheid in boerderygemeenskappe is ’n bemoedigende teken. AfriForum voer al sedert 2012 ’n veldtog om van plaasmoorde ’n voorrangsaak te maak. Zokwana en sy departement is ook toeganklik om oor dié saak te praat. Op Graan SA se onlangse kongres het Zokwana gepleit misdadigers moet aangekeer word voor hulle ’n boer kan aanval. Hy en AfriForum het oor ’n vyfpuntplan ooreengekom wat streng optrede insluit teen individue wat geweld aanhits of onverantwoordelike uitsprake maak. Die departement gaan ook AfriForum bystaan om sy veiligheidsinisiatiewe na ander gemeenskappe uit te brei. Voorts sal AfriForum die departement volle toegang tot sy navorsing en statistieke gee. Die partye gaan verder gesprek voer en vennootskappe vestig. Hulle sal saam deelneem aan optredes ter…

SOJABONE het in vanjaar se kwaai droogte klaarblyklik staatmaker-status verwerf. Talle boere, veral in die warmer en droër westelike dele waar soja-aanplantings vanjaar baie uitgebrei is, sê dit is opmerklik dat sojalande op baie plekke die droogte veel beter as mielielande deurstaan het. “Ná vanjaar se hitte hoef boere nie meer te wonder of sojabone in die ou Wes-Transvaal sal aard nie; hulle sál,” sê mnr. Gert van Rensburg van die plaas Soetendal by Schweizer-Reneke. Hy het vertel hoe ’n nuwe deur vir sy boerdery oopgegaan het toe mnr. Jozeph du Plessis, ’n medeboer van dié distrik, hom verlede jaar bekend gestel het aan sojabone. Noordwes se soja-aanplantings staan vanjaar op ’n geraamde 35 000 ha, amper dubbel soveel as die vorige jaar s’n. Hul verwagte oes van 52 500…

DIE wysigingswetsontwerp op onteiening is deur mnr. Thulas Nxesi, Minister van Openbare Werke, by die Parlement ingedien en dit gaan nou deur die parlementêre prosesse. Hierdie wysigingswetsontwerp van 2015 poog glo om die Wet op Onteiening (Wet 63 van 1975) in pas te bring met Artikel 9, 25 en 33 van die Grondwet, asook om die onteieningsdoel uit te brei sodat dit openbare belang insluit. Hoe lyk die voorgestelde onteieningsproses? GESKIKTHEID VIR ONTEIENING Eerstens sal ondersoeke en waarderings gedoen word van die eiendom wat die staat wil onteien om te bepaal of die geïdentifiseerde eiendom vir die beoogde doel geskik is. Die geregistreerde en ongeregistreerde regte van so ’n eiendom sal ook bekyk word. Indien dit grond is wat onteien gaan word, sal die Departement van Landelike Ontwikkeling en Grondhervorming,…

Mnr. Michael Faint is die nuwe besturende direkteur van die dieregesondheidsmaatskappy Ceva in Suid-Afrika. WAAR KOM JOU PASSIE VIR DIEREGESONDHEID VANDAAN? In my wese is ek ’n boer. Ek was in my eerste werksjare by boerdery betrokke en het die bestuurder van ’n plaas met groot bees- en skaapkuddes geword. Dit maak my passie vir dieregesondheid ’n praktiese een. Dit pas ook goed in by die manier waarop Ceva sake doen: deur aan ons vennote praktiese oplossings vir dieregesondheidskwessies te bied. HOE BESKOU JY JOU NUWE ROL? Ek is opgewonde oor my rol as leier van ’n nuwe span. Ceva wil teen 2020 van 8ste plek opskuif tot een van die vyf top-dieregesondheidsmaatskappye ter wêreld. Ceva in Suid-Afrika sal ’n betekenisvolle bydrae tot dié groei lewer. Op die onlangse internasionale…

Mnr. Andrew Beukes van die plaas Klein Vrede, Caledon, is as die Suid-Afrikaanse Brouerye (SAB) se nasionale Garsprodusent van die Jaar vir 2014 aangewys. Beukes, wat al vyf keer in die agt jaar lange geskiedenis van die kompetisie ’n streekwenner was, bedryf ’n gemengde boerdery met gars, koring, kanola, hawer, lusern en Dohne-Merino’s. Na gelang van die wisselboufase saai hy elke jaar 300 ha tot 350 ha gars. Volgens mnr. Gerhard Greeff, landboudienstebestuurder by SAB op Caledon, is die kriteria vir die kompetisie garsgehalte ten opsigte van stikstofinhoud, vetkorrelpersentasie, vreemde materiaal en ’n boer se prestasie volgens die Better barley, better beer-inisiatief. “Die produsent wat die hoogste gemiddelde premie op sy oes behaal, is die wenner.…

HOE ’n beraamde wêreldbevolking van nege miljard teen 2050 gevoed gaan word, is een van die grootste knelpunte wat landbouleiers dié eeu in die gesig staar. Dit is een van die kwessies wat op die Misstofvereniging van Suider-Afrika (Fertasa) se 55ste kongres sal aandag kry, sê mnr. Adam Mostert, hoof- uitvoerende beampte. Die kongres is vanaf 13 tot 15 April by die Lord Charles-hotel op Somerset-Wes. Die tema is “Voedselproduksie vir die groeiende bevolking in Suider-Afrika”. Dit val saam met die Verenigde Nasies se Internasionale Jaar van Grond. Volgens Mostert is die beraming dat die huidige behoefte van 10 kg/ha plantvoedsel oor 15 jaar gaan opskuif tot 50 kg/ha. “Die kernvraagstukke wat ons gaan bespreek, is: Hoeveel voedsel moet oor 15 jaar geproduseer word om in die vraag te voorsien?…

Elke sojakultivar het sy optimale plantdigtheid, sê die landboukundige mnr. Wessel van Wyk (foto). Die saadmaatskappye behoort hierdie optimale digthede in proewe te bepaal sodat hulle die regte aanbevelings daaroor aan boere kan maak. Sy ondervinding is dat die meeste sojaboere te dig plant. “In die verlede was die algemene raad dat jy soja so dig moontlik, so vroeg moontlik en so vlak moontlik moet plant. Dit geld nie meer nie.” Wessel, wat in sojabone spesialiseer en kontraknavorsing vir die Proteïennavorsingstigting (PNS) doen, is deur konferensiegangers as Spreker van die Jaar op die afgelope Ottosdal-konferensie aangewys. Landbouweekblad het vir die tweede jaar die trofee en prysgeld geborg. Sy raad aan boere wat met die siekte sklerotinia sukkel, was om vroeë kultivars op die proef te stel. “Teen die tyd dat…

Die belangrikheid van jou testament kan nie genoeg beklemtoon word nie. In die Raubenheimer-saak het appèlregter L. Leach gesê: “Dit is ’n nimmereindige bron van verbasing dat so baie mense op onopgeleide adviseurs staatmaak wanneer hulle testamente opstel, waarskynlik een van die belangrikste dokumente wat hulle ooit sal onderteken.” Ek maak gereeld dié punt. Tog word howe oorval met hofsake oor bestrede testamente. Dit is dikwels die gevolg van swak opgestelde testamente en veral ook die twyfelagtige finansiële advies van onbevoegde raadgewers. Hou jou familie uit die hof uit. Dit kos honderde duisende rande om ’n hofsaak te bereg. Dit laat families skeur. Uiteindelik is daar minder vir almal. Ek kon nog nooit verstaan hoekom sommiges bereid is om hul lewenslange welvaart en die voortgesette benutting daarvan vir naasbestaandes aan…

WAT IS DIE GEVAAR VIR DIE OORPRODUKSIE VAN SUURLEMOENE? Dit is nie onmoontlik nie – wie kon voorspel dat die olieprys binne ses maande met meer as die helfte sou daal? Die prys kan vanjaar veel laer wees. Ons werk in ’n omgewing waar die pryse van harde en sagte kommoditeite in ’n dalende fase is. HET DIE LAER BRANDSTOFPRYS JULLE BEVOORDEEL? Ons produksiekoste het die afgelope drie seisoene onrusbarend gestyg. Vervoerkoste na die pakhuise en die hawe, asook verskepingskoste na die buitelandse markte verteenwoordig ’n betekenisvolle deel van ons uitgawes. Die goedkoper brandstof is dus ’n welkome meevaller. HOE VOEL JY AS JY TERUGKYK OP JOU BOERDERY? Ja, met die terugblik kry ’n mens wysheid. Ek is dankbaar dat sake relatief goed verloop het sedert ek in 1996 heeltyds…

Wurmmiddels wat die aktiewe bestanddele rafoksanied en klosantel bevat, behoort aan die salisielaniliede-groep wat in Suid-Afrika as groep 4 geklassifiseer is. Oordosering met dié middels kan tot tydelike of permanente blindheid lei. Waar daaragteruitgang van dieoptiese (oog-)senuweeenanderoptiesesenuweebane in die brein plaasvind, sal die diere permanent blind wees. In ’n proef is gevind waar klosantel teen 4 tot 13 keer die aanbevole dosis aan boklammers gegee is, het 6 uit 30 lammers heeltemal blind geraak. Lammers wat nie so erg aangetas is nie, het geleidelik herstel oor ’n tydperk van drie tot vier weke. In ’n ander studie het ’n kudde volwasse skaap- en bokooie ’n 10 maal-oordosis van ’n klosantel-albendasool-wurmmiddel ontvang. Die diere het gaan lê, opgehou vreet en blind geword. Hul longe was geswel en hulle het diarree ontwikkel.…

As ’n mens op die R71 uit Haenertsburg in die rigting van Tzaneen ry, is daar klaar ’n loomte in jou lyf. Dis hier in die “Land van die Silwer Mis” wat jy weer kom mens word. Waar jy vars plaaslug in jou longe kan intrek en op wandelpaaie in die woude en plantasies kan gaan stap en dit voel of jy amper tot bo die wolke kan loop. As jy van die R71 afdraai, met Cheerio Tuine verder langs op die grondpaadjie, kry jy Wegraakbosch, ’n organiese kaasplaas, se afdraai aan jou regterkant. Vanjaar is die kaasmaakgebou 21 jaar oud. Jy sou nooit kon glo jy is skaars 60 km van Polokwane se vernielde vlaktes, hier in digte bos, met mosbedekte klippe en mis wat in boomtakke talm. Die…

Dirk het ’n geleentheid op die groot kontinent gesien vir ’n anderste soort wegneemete. En hier praat ek nou nie van McDonald’stipe kos nie. Hy wil vullende, opregte kos met ’n kinkel maak soos die Yanks nog nooit gesien het nie. Regte slow food, soos boerepastei. ’n Revolusie is in die kosbedryf aan die gang en die straatkos van alle kulture is daarby betrokke. Food trucks bring die kulturele smake letterlik tot by jou voordeur. Ek hoop SuidAfrika kom vinnig by met die gier sodat jy eerder as ’n garagepastei, ’n lekker braaibroodjie of skaaptjoppie om elke hoek en draai kan koop. Almal van ons kan lekkerder pasteie maak as enige van die groot kettingwinkels. Hier is ’n eenvoudige resep om jou op die pad te sit, met die komplimente…

Ek het vanoggend Lukas 6: 42 gelees waar Jesus sê: “Jy wat die balk in jou eie oog nie raaksien nie, hoe kan jy vir jou broer sê: ‘Broer, laat my toe om die splinter in jou oog uit te haal?’ Huigelaar! Haal eers die balk uit jou eie oog uit, dan sal jy goed kan sien om die splinter in jou broer se oog uit te haal.” Met ander woorde, moenie so vinnig wees om ander mense te veroordeel nie. Min van ons dink daaraan om eerder voor ons eie deur te vee wanneer ons iemand soek op wie ons die blaam vir ’n ongelukkige situasie kan plaas. Ons moet seker maak alles is wel met ons eie lewe voordat ons begin om die wêreld se probleme te probeer…

In die 1960’s was daar ’n vreeslike droogte op die Springbokvlakte, vertel mnr. Mike Roest, uitvoerende hoof van Radium Engineering. “My pa het ’n voerkraal begin, maar hy het nie ’n veeskaal gehad om die diere te weeg nie. Hy het toe sy eie een gebou.” ’n Goeie ding bly nie lank ’n geheim nie en baie gou het John Roest se veeskaal bekend geraak onder die plaaslike boere. Hierdie ontwikkeling het hom oortuig om die veeskaal te patenteer en produksie daarvan het in alle erns begin. Gedurende die laat 1960’s het Mike in sy pa se voetspore gevolg deur sy eie koringplanter te bou. Weer was dit ’n ernstige droogte en gebrekkige inkomste uit die boerdery wat tot die ontwerp en vervaardiging van ’n werktuig gelei het. Die Roests…

Die landbou is die een bedryf wat verlede jaar sy momentum behou het en gevolg-lik noodsaaklike ondersteuning aan die ekonomie kon bied tydens aansienlike moeilike tye, sê mnr. Nico Groenewald, Standard Bank se hoof van landboubesigheid. “Dit was gedeeltelik moontlik vanweë die bedryf se proaktiewe samewerking met die Regering en ander belanghebbendes om probleme rondom arbeid op te los. Dit het daartoe gelei dat 2013 homself nie weer herhaal het nie. Die bedryf het ook bewys dat hy gewillig is om saam te werk en ’n volhoubare manier vorentoe te soek rakende grondeienaar-skap. Om die invloed van twee sulke fundamentele faktore op die landbou te beheer, het die produktiwiteit, en sodoende die bedryf se mededingendheid, ’n hupstoot gegee. “Ons moet egter vanjaar seker maak dat ons definitiewe oplossings kry wat…

DIE Nasionale Wolkwekersvereniging se verteenwoordiging in Agri SA gaan van twee tot ses lede uitgebrei word. Dit gaan voortaan kommunale en swart kleinboere insluit. Cape Wools sal die helfte van die koste vir die bykomende lede dra. Die NWKV ondersoek tans moontlikhede om die res van die koste van die bykomende lede te dra. Mnr. Harry Prinsloo, voorsitter van die NWKV, het op die jaarvergadering van die Oos-Kaapse tak van die NWKV op Cradock gesê dit baan die weg dat die nuwe lede in enige komitee kan dien wat deur die algemene raad aangewys word. “Ons wil graag sien dat die gesig van Agri SA verander om verteenwoordigend van alle boere in die land te wees.” Mnr. Ernest Pringle, voorsitter van Agri SA se landbou-ontwikkelingsbeleidskomitee, het die besluit verwelkom. “Dit…

ME. Petro Ferreira (foto), voorheen bemarkingsbestuurder van die Simmentaleren Simbragenootskap, is as die nuwe bestuurder van die Jakarandalandbouskou in Pretoria aangestel. Haar kontrak van vyf jaar met die genootskappe in Bloemfontein het pas verstryk. Sy was voorheen ook rasdirekteur van die Afrikanerbeestelersgenootskap en bemarkingsbestuurder van die Bonsmaragenootskap. Ferreira en haar man, Piet, gaan hulle mettertyd in Pretoria vestig. Mnr. Wim du Toit, uitvoerende hoof van Tshwabac aan wie die skou behoort, sê hulle is bevoorreg om die dienste van so ’n bewese, gerespekteerde persoon in landboukringe te bekom. Die skou se fokus is onlangs na dié van ’n suiwer landbouskou verander. “Dit het die grondslag van die voormalige Pretoriaskou, soos dit voorheen geheet het, aansienlik verklein. Ons het geen twyfel nie dat Petro se heeltydse betrokkenheid dit vanaf die klein,…

DIE markpryse vir aartappels is sedert einde verlede jaar R5 tot R15 per sakkie laer as dié van die vorige twee jaar. Dit is onder meer weens hitte en ’n oormaat reën wat die houvermoë van aartappels nadelig beïnvloed het en veroorsaak het dat groot hoeveelhede aartappels vernietig moes word. Terselfdertyd is redelik goeie oeste in sekere streke gelewer, wat tesame met meer hektare wat geplant is, die prys verder onder druk geplaas het. Dit is belangrik om in ag te neem dat produksiekoste die laaste drie tot vier jaar vinniger as inflasie gestyg het, sê dr. André Jooste, hoof- uitvoerende beampte van Aartappels SA. Die kosteknyptang plaas dus groot druk op die winsgewendheid van aartappelproduksie. In Januarie en Februarie vanjaar was verbruikers se besteding ook ietwat traag, wat ’n…

Boere moet eers na die genetiese waarde vir vrugbaarheid van die dogters kyk wanneer hulle na die regte bul soek. Dit is iets wat telers van melkbeeste lankal doen en dit kan met groot vrug deur telers van vleisbeeste benut word om seker te maak hulle kies ’n bul met die regte genetiese waardes. So kan hulle dan reproduksie met behulp van die genetiese waarde vir vrugbaarheid in die koeikudde verhoog, sê dr. Michael Bradfield, hoof van Breedplan SA. ’n Bul het ’n groot invloed op ’n koeikudde. Binne slegs drie geslagte is 87,5% van die gene van die bul wat gebruik word ook die hele koeikudde se gene. ’n Bul se eerste kalwers het 50% van sy gene en die ander 50% is dié van die ma. Hul kalwers…

DIE wolmark het op 25 Maart laer gesluit weens die sterker rand. Cape Wools se Merinoaanwyser het 1,6% verloor om op R111,14 per kg (skoonwol) te sluit. Dit is 0,4% laer as op die openingsveiling en 2,4% hoër teenoor die ooreenstemmende verkope van die vorige seisoen. Op die Australiese mark het die aanwyser met 0,2% gestyg. Cape Wools se aanwyser vir alle wol het met 0,8% gedaal. Plaaslike handelaars het genoem dat die wolmark relatief goed vertoon het ten spyte van die sterker rand. Kopers meen die prys van fyner wol is beter daaraan toe, terwyl die sterker wol ’n groter relatiewe aanpassing ondervind het. ’n Groot seleksie goeie wol was aangebied. Die rand was sowat 4,4% sterker teenoor die Amerikaanse dollar (R11,78) vergeleke met die vorige week se veiling…