Innholdsfortegnelse for Winter 2025 i Idees

Dis verstommend hoe dit die een dag nog heerlik warm is en as jy jou oë uitvee, is die koue met ons. En omdat die winter deesdae boonop 'n heel ander storie is, het ons gereken hierdie uitgawe se ‘ikigai’ (lees Martie se storie op bladsy 88) is om ons almal so 'n bietjie knusser en warmer te laat voel, soos 'n lekker stywe druk teen die onweer. Vandaar die totale koue skouer vir die ‘verbod’ op wit kosse, wat vir hierdie spannetjie die perfekte trooskos is. Elkeen het met sy of haar eie kosgunsteling vorendag gekom toe ons met die beplanning van die uitgawe bymekaargekom het, of 'n eie kosstorie, soos wat Elsa ook vertel in haar artikel op bladsy 48 oor die oumas wat so kook op sosiale…

SAMPIOENRISOTTO Hierdie romerige gunsteling- Italiaanse trooskos werk goed as hoofgereg of bykos. Die aftreksel moet stadig bygeroer word sodat die rys die stysel kan vrystel wat aan die gereg sy ryk, fluweelagtige tekstuur verleen. Genoeg vir: 4 Bereidingstyd: 20 minute Gaarmaaktyd: omtrent 45 minute ♥ 1,5 liter hoender- of groenteaftreksel van goeie gehalte ♥ 60 ml olyfolie, plus 'n bietjie ekstra om voor te sit ♥ 400 g gemengde sampioene, gesny ♥ 1 ui, fyngekap ♥ 2 knoffelhuisies, fyngedruk ♥ 375 ml arboriorys (of ander kortkorrelrisottorys) ♥ 125 ml droë witwyn (of gebruik ekstra aftreksel) ♥ 30 ml botter ♥ 125 ml gerasperde parmesaankaas ♥ 'n hand vol platblaarpietersielie, fyngekap 1 Verhit die aftreksel in 'n kastrol. Hou dit oor lae hitte warm op die stoof. 2 Gooi die helfte van die olyfolie…

1 BORDUUR MOTIEWE IN AGTERSTEEK JY BENODIG ♥ motief van jou keuse (sien bladsye 64-65) ♥ materiaal, vooraf gewas ♥ swart borduurgare ♥ borduurnaald ♥ borduurring ♥ wateruitwisbare merkpen SO MAAK JY 1 Teken jou eie motief of kopieer dié wat hier gewys word en druk dit uit. Om die motief op jou materiaal af te trek, plak die drukstukke met kleefband teen 'n vensterruit vas, sit die materiaal bo-oor, plak dit met kleefband vas en trek die lyne met die wateruitwisbare merkpen af. Span die materiaal in jou borduurring om dit styf te hou. 2 Steek gare in jou naald en maak 'n knopie aan die punt sodat dit nie deur die materiaal trek nie. 3 Steek die naald in die materiaal van onder na bo op die lyn van…

TRUI MOEILIKHEIDSGRAAD: maklik TYD: 2 dae JY BENODIG ♥ 200 g Himalaya Everyday-breidraad ♥ 4 mm- en 4,5 mm-breipenne ♥ breispeld ♥ 2 x 15 mm-knope SPANNING 20 ste en 26 rye in koussteek met 4,5 mm-breipenne = 10 x 10 cm. Ander breidraad of breipendiktes, asook jou eie spanning, sal jou breispanning beïnvloed. AFKORTINGS adl – agter deur lus aw – aweregs aw2tes – aweregs 2 steke tesame ggr – glip, glip, regs her – herhaal m1 – maak 1 steek (bring draad vorentoe, regs dan volgende steek) r – regs r2tes – regs 2 steke tesame st(e) – steek(steke) vermeer – vermeerder (brei twee keer in dieselfde steek) LET WEL Die truitjie pas 'n tweejarige kind. Die lyfgedeelte word in een stuk gebrei van die heupe na die onderarm. Die…

Helaas, mense skryf nie meer briewe nie. Die ritueel om 'n brief met die hand te skryf, versigtig in 'n koevert te plaas, 'n posseël nat te lek en op te plak, het reeds verdwyn. Dis nie net 'n liefdesbrief wat jou hart laat bokspring het wanneer jy die posbus oopgemaak en 'n blou of wit koevert daar aangetref het nie. Daar was briewe van familielede wat ver bly, van vriendinne wat só in kontak bly, briewe vanaf die Grens, soms gesensor, van oorsese penmaats wat jou meer van hul verre lande leer. In ons hedendaagse wêreld waar slakkepos 'n onbekende fenomeen vir die jongeres is, is dit moeilik om jou te probeer indink dat kitskommunikasie destyds glad nie bestaan het nie. Jy moes dae, soms weke, selfs maande wag…

Dit was 'n woelige dag in die hartjie van Kaapstad toe Sumien Brink, 'n voormalige tydskrifredakteur met 'n onfeilbare oog vir die potensiaal van ruimtes, Impala House met sy beskeie maar verleidelike pienk marmervoorportaal binnestap. Die hysbak het direk in die groot, oop ruimte oopgemaak en haar letterlik in haar spore gestuit. ‘Ek was uit die veld geslaan – ek het nie geweet 'n mens kry nog in die stad ruimtes met sulke proporsies nie,’ sê sy. Die gebou self het haar nie afgeskrik nie, en die interieurontwerper Etienne Hanekom het skaars 'n oog geknip, al sou die meeste van ons 'n myl ver gehardloop het! Etienne het eers verdelers van geriffelde Perspex geïnstalleer om twee slaapkamers te skep – 'n slim en bekostigbare manier om die ou kantoorruimte met…

MINI-BRÛLÉE-KAASKOEKE Maak: 16 individuele kaaskoekies Bereidingstyd: 30 minute, plus afkoeltyd Baktyd: 15 minute Oondtemperatuur: 180 ºC JY BENODIG ♥ muffinpan ♥ kolwyntjiekoppies (dié van silikoon werk baie goed) ♥ kombuisblaasvlam (of gebruik die oond se roosterelement) KORS ♥ 150 g spysverteringskoekies, fyngemaak ♥ 75 ml gesmelte botter VULSEL ♥ 2 bakkies (230 g elk) roomkaas ♥ 4 groot eiers, liggies geklits ♥ 5 ml vanieljegeursel ♥ 150 ml versiersuiker, gesif ♥ 125 ml suurroom ♥ 15 ml koekmeel BOLAAG ♥ 250 ml strooisuiker…

EMBOSSEER FLUWEEL Volg hierdie maklike stappe om pragtige verhewe patrone op fluweel te skep en gebruik die materiaal vir alles van naaldwerk- tot handwerkprojekte. JY BENODIG ♥ goeie fluweelmateriaal (sien die wenke hieronder) in die kleur van jou keuse ♥ rubber- of silikoonstempels van jou keuse WENKE ❁ Kies 'n fluweel wat uit 'n mengsel van natuurlike vesels soos sy, linne, wol en katoen bestaan. 'n Rayon-mengelstof kan ook werk, maar moenie poliësterfluweel gebruik nie aangesien die hitte van die strykyster die materiaal kan beskadig. ❁ Jy sal dalk jou strykyster hoër moet stel om die patroon op die materiaal te kry -dit hang af van die vesels waarvan die fluweel gemaak is. Werk maar altyd eers op 'n toetslappie. FLUWEELKUSSING Maak 'n kussingoortreksel van jou geëmbosseerde fluweel. Wanneer jy…

MOEILIKHEIDSGRAAD: ervare beginner TYD: 20-30 uur GROOTTE Klein tot medium Rondomborsmaat: 116 cm Lengte tot by skouer: 55 cm Moulengte: 47 cm JY BENODIG ♥ Fibra Natura Papyrus-dubbelbreidraad (120 m/50 g) in die volgende kleure: – 8 x hoofkleur (HK) 229-06 Salmon – 3 x kontraskleur 1 (KK1) 229-05 Pale Pink – 4 x kontraskleur 2 (KK2) 229-02 Off-White ♥ 5,5 mm-breipenne of sirkelbreipen ♥ 3 steekmerkers ♥ stopnaald vir die nate en inwerk van die breidraadpunte SPANNING 13 ste x 22 rye in koussteek, plat gebrei met 2 breidrade saam en 5,5 mm-penne AFKORTINGS adl – agter deur lus aw – aweregs AWO&D – aweregs omslag en draai ggr – glip, glip, regs her – herhaal ks – koussteek (r RK-rye; aw VK-rye) MM – middelmerker O&D – omslag en draai PM…

OUD EN NUUT Die oorspronklike klipvloer, pragtige ou houtbalke en vensterluike verleen 'n ouwêreldse elegansie aan hierdie slaapkamer. Die luike hou nie net die son uit nie, maar dien ook as diefwering en sorg vir privaatheid. Die statige Franse-styl bed met sy mooi linne dra by tot die gevoel van tydlose elegansie. 'n Enkele ronde houttafeltjie word ingespan as bedkassie en die bedliggies bestaan uit oop ligte waarvan die koord oor houthake in die muur gehang is. Raam 'n paar swart-en-wit kunswerke in houtrame en skep jou eie klein galery teen een muur. Die res van die dekor kan eenvoudig wees om die fokus op die besonderse elemente te hou. PLAASVOORKOMS Hierdie slaapkamer wys hoe mooi twee enkelbedjies kan werk in 'n gastekamer. As jy nie sulke erfstukke het nie,…

HANDSAK MOEILIKHEIDSGRAAD: gemiddeld TYD: 5 uur JY BENODIG ♥ tapisserie van jou keuse: – een 31 x 21 cm-stuk (voorkant) ♥ herbruikbare denim: – een 31 x 21 cm-stuk (agterkant) – twee 21 x 9 cm-stukke (sykante) – een 31 x 9 cm-stuk (onderkant) – twee 63 x 10 cm-stukke (bande) WENK: Jy kan die dele uit kleiner stukke denim saamstel – wees kreatief en gebruik die denim se bestaande details ♥ sterk tussenvoering (soos vir hoede): – twee 31 x 21 cm-stukke (voor- en agterkant) – twee 21 x 9 cm-stukke (sykante) – een 31 x 9 cm-stuk (onderkant) – twee 63 x 5 cm-stukke (bande) ♥ polikatoenmateriaal vir die voering: – twee 31 x 21 cm-stukke (voor- en agterkant) – twee 21 x 9 cm-stukke (sykante) – een 31 x…

MOEILIKHEIDSGRAAD: gemiddeld tot meer gevorderd TYD: sowat 35 uur GROOTTE Pas 'n binnekussing van 45 x 45 cm. JY BENODIG ♥ Elle Pure Gold-dubbeldraad (258 m/100 g) in die volgende kleure: – Kleur A in Bamboo – Kleur B in Purple – Kleur C in Lilac – Kleur D in Phlox – Kleur E in Ultramarine – Kleur F in Spritz ♥ 4 mm- en 4,5 mm-hekelpenne ♥ 4 steekmerkers ♥ stopnaald om die breidraadpunte weg te werk AFKORTINGS Abhlb – agterbeen-halflangbeen Abkb – agterbeen-kortbeen do – draad oor dsl – dubbelslagsteek gls – glipsteek her – herhaal hlb – halflangbeen kb – kortbeen ks – kettingsteek lb – langbeen rdte – rondte RK – regte kant sp – spasie st(e) – steek(steke) tes – tesame Vbkb –…

VRYVORM Om jou eie tekening in garingdraad te skep, trek 'n ontwerp van jou keuse op aftrekpapier na en plaas dit bo-op 'n skets wat jy met borduurwerk wil versier. Gebruik 'n skerp naald om al langs die lyne van die ontwerp borduurgaatjies deur sowel die aftrekpapier as die skets te steek. Verwyder die aftrekpapier, draai dit agterstevoor en plaas dit aan die agterkant van die skets, met die gaatjies ooreen. Jy kan nou begin borduur met die gare van jou keuse. BLOKWERK Hier het ons 'n vel blokkiespapier bo-op ons skets geplaas en met 'n skerp naald 'n blokkiespatroon op die skets geskep. Verwyder die blokkiespapier en borduur die patroon met die gare van jou keuse. VERSIER 'N JOERNAALOMSLAG Maak jou kreatiewe joernaal nóg meer spesiaal deur die omslag…

SKEP DIE ATMOSFEER Val in by die tydsame hartklop van Moeder Natuur. Geduld en aandagtigheid is noodsaaklike elemente van die skeppingsproses. TUISGEMAAKTE SEEP Met gegeurde seep kan jy 'n ontspanne omgewing skep wat die liggaam, verstand en siel streel. Om die waarheid te sê sal die seepmaakproses self jou dwing om stadiger te werk. MOEILIKHEIDSGRAAD: maklik TYD: halfdag JY BENODIG ♥ suiwer gliserienseep (ons het ons s'n by Clicks gekoop) ♥ vlugtige olies van jou keuse (ons het bloekom en suurlemoen gebruik) ♥ natuurlike elemente, soos kruie, rooibosteeblare en droë kamilleblomme ♥ broodpannetjie ♥ metaalbak ♥ klein kastrol ♥ rasper ♥ tongstokkies ♥ waspapier WENK: Gebruik slegs suiwer gliserienseep aangesien ander seep dalk bestanddele kan bevat wat nie sal smelt as jy dit verhit nie. GEGEURDE KERSE Om 'n gegeurde…

WENBRIEF HARTSBOKSE VOL BOEKE Eendag ná kerk vertel 'n vriendin vir my van haar hartsbokse vol boeke wat nie na die nuwe huis kan saamtrek nie. Die oorpak in ons kattebak is vinnig, so asof sy dit moet doen voordat sy kan kop uittrek. Maar ons lag ook lekker oor die ‘Algemene Inhoud’ waarmee die bokse gemerk is. Het ons almal nie maar daardie dinge wat 'n leeftyd lank saam met ons trek nie? Ek sien die trane wil opstoot in haar oë, want dis nie net nog 'n skoonmaak nie. Hierdie inhoud is spesiaal. By die huis kan ek nie wag om my nuwe geskenke oop te maak nie. En sowaar, dit is alles Idees-tydskrifte. Ek pak dadelik 'n stapeltjie in elke badkamer … by my rekenaar, op die…