Innholdsfortegnelse for 16-aug-18 i Finweek - Afrikaans

die meeste ekonome het ’n beter groeijaar vir Suid-Afrika verwag. Dat dit nie gebeur het nie, is kommerwekkend, gegewe die oënskynlike vasberadenheid om korrupsie uit te roei en die land en ekonomie aan die groei te kry, sê Nicky Weimar, senior ekonoom by Nedbank CIB, wat op die Nedbank Investment Summit, ’n onlangse beraad in Sandton, hieroor gepraat het. Die ekonomie is egter besonder langsaam in sy reaksie op goeie nuus, sê sy. In die verlede het Suid-Afrika se vervaardigingsiklus gewoonlik die wêreldekonomiese siklusse nagevolg, en ook byna onmiddellik, verduidelik sy. Maar die huidige wêreldwye groeisiklus het in 2016 begin en Suid-Afrika het nog glad nie gereageer nie. Trouens, Statistieke Suid-Afrika se syfers vir die eerste kwartaal dui op ’n daling van 6,4% vir die vervaardigingsektor, terwyl die mynbousektor met…

“HIERDIE HELE DING IS PROSESGEWYS ONREGVERDIG, DINK EK.”- Brian Molefe, voormalige uitvoerende hoof van Transnet en Eskom, beweer dat die ondersoekspan wat moontlike onreëlmatighede by die twee ondernemings in staatsbesit ondersoek, nie die regte prosedure volg nie, berig Business Day. Hy het volgens die koerant gesê dat hy sou kon “verduidelik wat werklik gebeur het” as hy genoeg tyd gegun is om dokumente te bestudeer wat met die tesourie se ondersoek verband hou. ’n Konsepverslag is op 27 Julie aan hom gegee en hy sou na verwagting teen 13 Augustus gereageer het, berig die koerant. “Dis nie volgens die reëls gedoen nie,” het hy glo gesê. “DIS NIE DENKBAAR OM ONDER- STEUNING TE VERWAG NIE.”- Nico Muller, uitvoerende hoof van Impala Platinum, oor die regering en vakbonde se reaksie op…

dit was asof Nico Muller, uitvoerende hoof van Impala Platinum CEO, die storm sien kom het toe hy met sy aankondiging oor die maatskappy se herstruktureringsplanne, wat tot 13 000 poste by sy Rustenburg-skagte kan raak, aan joernaliste gesê het die regering sal dit nie amusant vind nie. Die regering het ook nie. Gwede Mantashe, minister van minerale hulpbronne, het behoorlik onder Muller & Kie ingeklim. In ’n aankondiging op die briefhoof van die departement van mineraalbronne (DMR) het hy die maatskappy se optrede “skandalig” en “ondeurdag” genoem. Hy was woedend dat Implats besluit het om 60 dae voor die herstrukturering met vakbonde te beraadslaag, eerder as om die proses ingevolge die Wet op die Ontwikkeling van Minerale en Petroleumhulpbronne (MPRDA) te hanteer, wat nie slegs raadplegend is soos ingevolge…

Ná ’n regstelling vir amper ses maande, verhandel die logistiek-en vervoergroep Imperial Holdings nou sywaarts, met die potensiaal om positief uit te breek as steun teen 19 630 sent per aandeel bly. Begin Augustus het die groep ’n handels-verklaring uitgereik waarin aangekondig word dat wesensverdienste per aandeel vir die jaar tot einde Junie met minstens 23% behoort te styg. Die maatskappy verwag ook om sowat R1,8 miljard uit die verkoop van sy versekerings-firma Regent aan Hollard te ontvang, hoewel die transaksie tans by die mededingings-owerhede vashaak. Die aandeelprys het negatief op die handelsverklaring gereageer en het met bykans 3% gedaal. Nuus dat Osman Arbee, uitvoerende hoof, op mediese verlof is ná hy ’n geringe beroerte tydens ’n operasie gehad het, kon dalk sentiment skrik op die lyf gejaag het. Arbee…

’n Noulettendheidsondersoek word gedoen deur een onderneming wat ’n ander een wil koop. Basies beteken dit dat die koper ondersoek sal instel om te verseker dat die beloftes oor die onderneming wat hy koop, waar is. Dis nie te sê dat die maatskappy wat gekoop word perfek hoef te wees nie; dit kan dalk selfs ’n maatskappy wees wat in die moeilikheid is. Die noulettendheidsondersoek sorg dat daar geen verrassings is wanneer die aankoop voltrek is nie. Beleggers is gedurig besig met hul eie noulettendheidsondersoeke. Jy stel ondersoek in na die aandele wat jy koop, en kyk verder as slegs ’n dividendbetaling of prys-tot-verdienste-inkomste. Genoteerde maatskappye maak dit ietwat makliker omdat hulle die reëls moet volg om ’n maatskappy te wees, en die JSE se noteringsreëls moet volg. ’n Genoteerde…

in Mei vanjaar het Starbucks 8 000 van sy winkels in Amerika vir ’n halwe dag gesluit vir opleiding van sy 175 000 werknemers oor “onbewuste vooroordeel” – ’n begrip wat die afgelope dekade wêreldwyd in sake kultuur toegeneem het. Dit verwys na die wyse waarop mense soms op grond van hul agtergrond, opvoeding en ervaring besluite neem sonder om te besef dat dié besluite irrasioneel en dikwels onvanpas, aanstootlik of skadelik is. Onbewuste vooroordeel beïnvloed die aannames wat elke persoon het oor menslike kenmerke soos geslag, ras, godsdiens, inkomstevlak of seksuele voorkeur. Maar dit beïnvloed ook byna almal in hul daaglikse lewens, wat wissel van dieet en kleredrag tot ontspanningsaktiwiteite. Waar dit verskil van gewone openlike vooroordeel is dat mense onbewus is daarvan en glo dat die besluite wat…

Sowel fisieke as genoteerde eiendom is deur die pap ekonomie, flou verbruiker- en beleggersentiment, kwessies in die genoteerde-eiendomsektor en onsekerheid oor grondonteiening ontspoor. Die groei in huispryse het verlangsaam. Verkope neem langer en behaal laer pryse. By genoteerde eiendom het die Suid-Afrikaanse eiendomsindeks (SAPY), wat die 20 mees likiede eiendomsmaatskappye met ’n primêre notering op die JSE volg, getuimel. Dit klink dalk nie na goeie nuus nie, maar dit kan minder kunsmatig opgedrewe pryse vir sowel potensiële kopers van wooneiendom as beleggers in genoteerde eiendom beteken. Genoteerde eiendom: ontspoor of terug op die spoor? Genoteerde eiendom is gereeld ’n toppresterende bateklas (lees die kassie). Die SAPY is egter deur die swak ekonomie, asook omstredenheid oor die rekeningkundige beleide en kruisbesit van die Resilient-stal (Resilient, Fortress, Greenbay en Nepi Rockcastle) geknou…

Genoteerde eiendom bied ’n alternatiewe en bekostigbare weg na eiendombesit deur onregstreekse eienaarskap. Dit is meer likied as fisieke eiendom en kan maklik gekoop en verkoop word; die enigste gelde is dié wat aan die aandelemakelaar betaal word, en BTW en belastingverwante koste wat met die koop en verkoop van aandele verbind word. Suid-Afrika se nuutste beurs, die A2X, bied laer koste wat sowel aandeelhouers as aandelemakelaars bevoordeel. Die JSE-genoteerde Growthpoint het onlangs die eerste eiendomsmaatskappy met ’n sekondêre notering op dié verhandelingsplatform geword. Daarteenoor is dit nie altyd so maklik om koop-om-te-verhuur-eiendom van bakstene en beton te verkoop nie. En die verwagte inkomste uit verhuring kan ook deur ’n verlangsaming in die verhuringsmark of wanbetalende huurders bedreig word. Maar as mens die koop-om-te-verhuur-beleggingsmengsel regkry, kan dit selfs in die…

daar word verwag dat die vraag na water in Suid-Afrika die aanbod in 2030 met 17% gaan oorskry, en die uitwerking van aardverwarming dreig om meer stede sonder ’n toereikende voorraad te laat. Hoewel Kaapstad se waterkrisis welbekend is, het Gauteng, die hartland van Suid-Afrika se ekonomie, sy eie watertekortkwessies wat vererger word deur groot vertragings in fase II van die Lesotho-Hooglandwaterprojek (LHWP). Die eerste deel van fase II van die LHWP moes in 2018 in werking getree het, maar is tot 2025 uitgestel. Fase II sal na verwagting die voorsieningsyfer van 780 miljoen m3 per jaar toenemend tot meer as 1,26 miljard m3 per jaar verhoog.(Sien sykassie.) Suid-Afrika verbruik tans tussen 15 miljard en 16 miljard m3 water per jaar, maar het ’n wateropbrengs van 15 m3 per jaar,…

die onlangse Brics-spitsberaad dien as ’n tydige herinnering dat namate ontluikende markte ’n groter bydrae as ooit tevore lewer tot die wêreldekonomie, word bilaterale verhoudinge ook verander om nuwe geleenthede te optimaliseer – geleenthede waarvan Afrika deel moet wees om sy doelwit te bereik en inklusiewe groei te realiseer. Brics bied ’n unieke platform vir dié ontluikende nasies om gemeenskaplike ekonomiese en ontwikkelingsuitdagings te vind wat hulle saam die beste die hoof sal bied. Voorbeelde sluit in die verwydering van hindernisse vir beleggingsgeleenthede en handel, en die vermoë om groter mobiliteit ten opsigte van streeksvaardighede te skep. Dit is onlangs saamgevat deur die Afrika-Unie se Kontinentale Vryehandelsgebied wat vroeër vanjaar deur 44 lande onderteken is om volhoubare ontwikkeling te bevorder. Die “Afrika verrys”-etiket klink afgesaag, maar die fondament van sy…

Baie maatskappye verskuif van kantoor omdat hulle “groot, blinknuwe kantore wil hê”, sê Steve Binnie, uitvoerende hoof van Sappi, waar finweek by hom in die maatskappy se nuwe kantoor in Rosebank sit. Die maatskappy het hierheen verskuif ná byna 40 jaar in Braamfontein. “Dit was nie ons rede nie. Dit was suiwer om praktiese redes,” sê hy. In die eerste plek reis baie van ons werknemers dikwels rond, dus is dit voordelig om naby ’n Gautreinstasie te wees. Nog ’n belangrike faktor is egter dat die hoofkantoorpersoneel van 700 in die maatskappy se blomtyd in die vroeë 2000’s tot vandag se 250 afgeneem het. “Dit het nie oornag gebeur nie. En party van die poste is na ander plekke verskuif, in die besonder na KwaZulu-Natal. Omdat Sappi besef het die…

dié werklikheid ontglip weinig Suid-Afrikaners: om die trauma van ’n gewelddadige misdaad te ervaar of iemand te ken wat dit ervaar het. Volgens die Suid-Afrikaanse Polisiediens (SAPD) is 19 016 moorde in 2016-’17 in Suid-Afrika gepleeg; dit is 34,1 moorde vir elke 100 000 mense. Vergelyk dit met Afghanistan se minder as 7 moorde per 100 000 mense; Argentinië se minder as 6; Kenia met minder as 5; Indië, minder as 4; Iran, minder as 3; en Ghana, minder as 2. Byna dieselfde getal pogings tot moord is by die polisie aangemeld. ’n Gemiddeld van 109 mans en vroue word elke dag verkrag, en daar is 22 343 voorvalle van huisroof aangeteken, of 61,2 elke dag. Dié syfers verduidelik waarom die meeste Suid-Afrikaners misdaad as hul grootste bekommernis beskou –…

die 17-jarige speletjie-ontwerper Brandon Kynoch het die wêreld aan die praat met sy mobiele speletjie Torus. Die speletjie is 100 000 keer afgelaai tydens sy eerste 24 uur op die App Store vir Apple-toestelle en is wêreldwyd as die Speletjie van Dag gekies in 137 App Stores. Dit maak Kynoch die eerste Suid-Afrikaner om sulke wye blootstelling op die App Store te kry. Kynoch skryf die speletjie se sukses toe aan sy fokus op genot, eerder as om geld te maak. “Ek het my eie speletjie-ontwikkelingsmaatskappy, Hard Craft Studios, in 2017 begin met die uitreiking van my eerste speletjie Blast: A Tank Game, sê hy. “My langtermyndoelwit is om Hard Craft Studios in ’n trippel-A-ontwikkelingsateljee te verander. In plaas van om nou geld te probeer maak, fokus ek daarop om…

mTN het 221 miljoen intekenare in al sy bedrywighede. ’n Derde van sy inkomste kom uit Nigerië, waar sy markaandeel van 35% is. In 2012 het sy aandeelprys tot ’n ongeëwenaarde 26 345 sent gestyg, ondanks sy probleme met die Amerikaanse regering weens sy verkoop van die Chinese firma Huawei se toerusting aan die Iranse regering. Wat tot MTN se aandeelprys-ineenstorting in 2015 gelei het, was die $5,2 miljard-boete deur die Nigeriese regering vir 5,2 miljoen aktiewe maar ongeregistreerde SIM-kaarte wat hy besit het. Vooruitsigte: MTN verhandel in ’n groot sywaartse strook tussen 14 000 sent en 10 475 sent per aandeel. MTN se stryd is om $1 miljard van Iran te probeer terugkry. MTN IranCell se dividende wat daar vasgevang is, sal swaar druk op MTN se dividende op…

JD.com, wat in 1998 in Beijing as ’n klein elektronikastalletjie van 4 m2 gestig is, het in 2003 tot 12 stalletjies gegroei toe die ernstige-akute-respiratoriese-sindroom-epidemie uitgebreek het. Om sy werknemers te beskerm, het Richard Liu, stigter en uitvoerende hoof, die onderneming tydelik aanlyn verskuif. Die voordele was vinnig duidelik, en in 2004 het hy alle besigheid aanlyn verplaas. JD.com is nou die grootste kleinhandelaar in China. Verhaal van twee sakemodelle JD.com en Alibaba oorheers China se e-handelsmark van $2 duisend miljard. JD.com is hoofsaaklik ’n eerstepartyverkoper. Produkte word verkry, gestoor en afgelewer, soortgelyk aan Amazon of Takealot. Alibaba is hoofsaaklik ’n platform vir derde partye. Miljoene verkopers werk onafhanklik op sy platform, soos eBay of Bidorbuy. Eerder as om sy eie logistiek te bedryf, het Alibaba Cainiao Logistics Company gestig,…

die mees onlangse werkloosheidsyfers het geskok, hoofsaaklik weens die omvang waarmee dit gestyg het. Die werkloosheidskoers het van 26,7% in die eerste kwartaal van vanjaar tot 27,2% in die tweede kwartaal gestyg. Kom ons plaas dit in konteks: ■ Ons is ooglopend ’n ontwikkelende land. Suid-Afrika is in werklikheid baie soos ’n kind wat nog moet groei. Ons weet dit sal nie oornag gebeur nie, maar die styging in die werkloosheidskoers van die reeds hoë 22,6% tien jaar gelede tot 27,2% beteken dat iemand iewers reusefoute maak. ■ Volgens Statistieke Suid-Afrika is daar ongeveer 6,08 miljoen werklose mense in Suid-Afrika. Om dit in perspektief te stel: As ons al die mense met werk in die Oos-Kaap, die Noord-Kaap, die Vrystaat, Noordwes, Mpumalanga en Limpopo bymekaar tel, is dit 6,13 miljoen…

Beursverhandelde fondse (ETF’s) word nie aktief bestuur nie en bied daarom laer koste as onderlinge fondse en effektetrusts. Hulle volg ’n indeks na en hul prestasie hang daarom van die sukses van die indeks af. Plaaslike ETF’s wat internasionale eiendomsindekse volg, is Stanlib se Global REIT Index Feeder ETF, wat die FTSE se EPRA/NAREIT-internasionale indeks van eiendomsbeleggingstrusts volg, en Sygnia Itrix Global Property ETF, wat die S&P Global Property 40 Index volg. Dié internasionale indekse bied beduidende diversifisering. Een van die ETF’s wat meer op ’n bepaalde terrein konsentreer, is AMI Real Estate ex-SA ETF, wat blootstelling aan die Afrika-eiendomsmark bied. Met die uitsondering van CoreShares S&P Global Property is eiendom-ETF’s tans van die ETF’s wat die swakste vaar. Dié belastingvrye ETF’s het in die algemeen vir die jaar met…

“ ’n Eiendomstokvel bemagtig lede. Saam kan hulle ’n eiendom koop wat hulle dalk nie alleen sou kon doen nie,” sê Mamapudi Nkgadima, besturende direkteur van die marknavorsingsmaatskappy African Response. Die National Stokvel Association of South Africa (Nasasa) berig dat Suid-Afrika se stokvel-ekonomie op R49 miljard uit 810 000 stokvels met 11,5 miljoen lede geskat word. Stokvels vir begrafnisdekking en grootmaataankope is van die gewildstes, maar eiendomstokvels word ook gewilder. Sommige eiendomstokvels streef na eiendomsaankope, terwyl ander daarna streef om verbandlenings te betaal of termyne en rente te verminder. “Dis moeilik om eiendomstokvelsyfers te bepaal, want lede in spaar en beleggingstokvels gebruik die geld dikwels vir eiendomsverwante doeleindes,” sê Nkgadima. Beperkings op kollektiewe eiendomsbesit beperk egter die aantal eiendomstokvels. “Baie kom nie aan die gang nie nadat hulle bepaal het…

die antieke Griekse wysgeer en wetenskaplike, Aristoteles, wat roem verwerf het as die leermeester van Alexander die Grote, het eens geskryf “ ’n staat sal net goed bestuur word as die middelklas die septer swaai”. Die middelklas vorm jare reeds ’n belangrike, maar politiek sluimerende laag van die Suid-Afrikaanse samelewing, maar die skerp stygende lewenskoste wat dié groep se inkomste wegvreet, maak hulle nou wakker. Van brandstof, voedsel, kleding, medisyne, huurgeld en onderwys, tot elektrisiteit en water, die koste van dié dienste en produkte skiet die hoogte in. Die hoë lewenskoste, ’n ekonomie wat stilstaan en stygende werkloosheid dwing die middelklas om hulle te verset teen regeringsbeleid wat hul finansiële posisie bedreig. In 2016 is die spanning tussen die middelklas en die regering op die spits gedryf in Gauteng, die…

In Mei vanjaar het ArcelorMittal SA (Amsa) aangekondig dat hy sy gesamentlike onderneming met MacSteel International gaan beëindig, wat ’n netto inkomste van $220 miljoen sou beteken. Dit het destyds die helfte van die maatskappy se markkapitalisasie behels. Hoewel dit interessant was, het ek daardie tyd gesê ek wou sien hoe die onderneming vaar, anders kon die opbrengs uit die verkoop net in verdere verliese verdwyn. Onlangse resultate toon ’n massiewe swaai na winsgewendheid met skuld wat aggressief afbetaal is, wat byna R1,9 miljard gedurende die tydperk behels. Netto skuld is nou ongeveer R1,4 miljard. Met ’n markkapitalisasie van ongeveer R4 miljard, laer skuld en die opbrengs uit die MacSteel-verkoop, sal Amsa netto kontant van R1 miljard hê, wat vrykontantvloei van R1,5 miljard per jaar oplewer. Die verwydering van kontant…

curro Holdings Ltd, wat in 1998 gestig is, is die leidende privaatonderwysonderneming in Suider-Afrika, met meer as 50 000 leerlinge. Hy word beheer deur die beleggingsmaatskappy PSG Group en het ’n markkapitalisasie van R13,2 miljard. Met notering in 2011 het hy teen 550 sent per aandeel verhandel. Curro het ’n ongeëwenaarde hoogtepunt van 6 000 sent per aandeel getoets voordat hy in 2016 gedaal het. Sy prys-tot-verdienste-verhouding was toe sowat 140 maal – moontlik waarom momentum afgeneem het. Die mislukte oorname van sy mededinger ADvTECH het sentiment dalk verder belemmer. Die aandeelprys het verder geval nadat die hoëropvoedingsbesigheid, Stadio, verlede jaar as ’n afsonderlik genoteerde entiteit afgeskop het. Op die grafiek moes Curro se herstel in 2016 al lankal gebeur het, aangesien hy op oorspanne vlakke verhandel het en ’n…

BHP Verwag ’n goeie dividend later BHP* het sy binnelandse Amerikaanse olie-en gasbates vir $10,2 miljard verkoop nadat hy dit in 2011 vir ongeveer $12 miljard gekoop het. Dit is dus nog ’n slegte transaksie, maar dié keer is dit nie ’n algehele ramp nie. Die maatskappy sê dat sy netto skuld aan die onderpunt van sy teikenstrek is, dus is ’n spesiale dividend moontlik uit die opbrengs van die verkoopstransaksie, wat effens minder as $5 per aandeel verteenwoordig. Ek glo nie ons gaan ’n groot spesiale dividend sien nie, maar ons kan beslis ’n goeie dividend later vanjaar verwag. ANGLO AMERICAN PLATINUM Beste in sy klas Anglo American Platinum se resultate het weer eens getoon dat die maatskappy verreweg die beste platinummynfirma is. Hy het laekostebates, is netto kontantpositief…

Welvarende Suid-Afrikaners het ’n voorkeur vir huise in die Europese Unie en belê in plekke soos Siprus, Mauritius, Malta, Portugal en Spanje en selfs die Karibiese Eilande, terwyl baie van die aankope binne dié lande se inwoner-of burgerskapskemas gedoen word. Die minimum vereistes vir eiendoms-kooppryse in dié inwonersprogramme wissel van €270 000 in Malta en €300 000 in Siprus tot €500 000 in Portugal en Spanje. Buite inwoner-en burgerskapprogramme is Brittanje, veral Sentraal-Londen, ’n gewilde beleggingsbestemming vir dié wat die histories oordrewe pryse kan bekostig. Brexit-beroeringe het dit egter ietwat verander. Die gemiddelde huuropbrengskoers in Londen is nou 1,5% tot 2,5% – heelwat minder as die 5% tot 7% wat verder noord in dié land behaal word. Craig Illman, direkteur van Propwealth, ’n Britse eiendomsbeleggingsmaatskappy wat in Suid-Afrika bestuur word,…

’n Amptenaar van die departement van water en sanitasie (DWS) word siviel deur die spesiale ondersoekeenheid (SOE) gedagvaar om verkwistende uitgawes te verhaal, tog werk die amptenaar steeds vir die departement. In Februarie vanjaar het die SOE regstappe ingestel teen Ascul Construction, sy direkteur, Dan Sikhosana, ’n voormalige finansiële hoof van die DWS, Mpho Mofokeng; en DWS se adjunkdirekteur-generaal, Zandile Mathe. Die regstappe poog om R140,7 miljoen te verhaal, waarvoor die vier partye volgens die SOE gesamentlik en afsonderlik aanspreeklik is. Die bedrag hou verband met ’n waterpypleiding wat in die Vuwani-gebied in Limpopo gelê is. SOE-woordvoerder, Nazreen Pandor, sê die eenheid is besig om sy finale ondersoek na die DWS en die Vuwani-pypleiding af te handel. “Siviele stappe is deur die SOE ingestel teen Ascul Construction, sy direkteur en…

Hoe handhaaf jy ’n gesonde werk/lewe-balans? “Ek hardloop. Ek doen marathons,” sê Binnie, wat in September die Loch Ness Marathon in Skotland gaan hardloop. “Ek het Londen gehardloop, ek het New York gehardloop, ek het die Two Oceans gedoen.” Beste sakeadvies: “Ek kan nie sê dit was van een persoon nie, want dit het mettertyd ontvou. Maar ek dink dit is om nederig te bly,” sê hy. “Jy is nooit heeltemal so goed soos jy in goeie tye dink jy is nie. Net so in slegte tye. Jy weet. Bly net gefokus. Soms is dit gebeure buite jou beheer wat tot daardie teëspoed bydra. Bly dus nederig. Bly gefokus. Mense wat op een dag die helde is, is nie die volgende dag die helde nie.” Lees tans: Binnie hou van…

daar is verskeie tekens van ’n dreigende uitbranding, wat gedefinieer word as ’n sindroom van emosionele uitputting, persoonlike onbetrokkenheid en verminderde persoonlike werkverrigting. Baie min mense erken egter die simptome, of reageer daarop wanneer hulle dit raaksien. Uitbranding het ’n verwoestende uitwerking omdat dit loopbane, gesondheid en verhoudinge kan vernietig as dit nie beheer word nie. Stres kan jou voortydig laat sterf, maar uitbranding kan dit laat voel asof dit nie meer die moeite werd is om te leef nie. Dit is wanneer die gevaarsone in die uitbrandingsone verander (sien tabel). Wendy Ward, afrigter, spreker en skrywer by Presilience, sê sy was in ’n uitbrandingkringloop vir ongeveer sewe jaar. Verskeie faktore, soos finansiële druk, enkelouerskap, om in ’n nuwe land te wees, hoë vlakke van onafhanklikheid en ’n siening dat…

Best Kafka Quotes @BestKafkaQuote Maak net ooit verskoning wanneer die wêreld jou onskuld met die dringendheid van Russiese wodka sluk. Ed Borgato @EdBorgato Ek sal jou gespreksdraad om kapitalisme te veroordeel net lees as jy dit op papirus skryf en op straathoeke uitdeel, nie as jy dit van ’n iPhone af twiet nie. Tom @TwterGun Hoekom ná 30 dwelms gebruik as jy bloot net vinnig kan opstaan? Deep Fried Man @DeepFriedMan Mduduzi Manana sê hy steun die optog #TotalShutdown ten volle. Organiseerders van die #TotalShutdown-optog sê hulle steun glad nie Manana se steunnie. Shelley Hartman @ShellsPemBroke My huidige ouderdom is ruweg “ek kan nie glo mense noem dit musiek nie” jaar oud. Adam Liaw @adamliaw Dink net hoe onnosel die antieke Grieke vandag sou voel as hulle geweet het die…