Innholdsfortegnelse for Feb/Mar 2026 i Weg!

As ’n jong joernalis wie allergies was vir te ver in die toekoms dink, het ek daarvan gehou om as ’n nuusverslaggewer vir ’n dagblad te werk. Ek sou drie of vier stories per dag afvuur oor ’n verskeidenheid onderwerpe wat deur ’n 24-uurnuussiklus bepaal sou word, met meedoënlose spertye wat in ’n steen gegraveer was. Elke dag was ’n opwindende nuwe begin met baie min, indien enige, bagasie van die vorige werksdag. Indien jy vir bloedjong Pierre gevra het wat hy oor twee dae sou doen, sou ek jou nie kon sê nie. Ek hoef niks te beplan het nie: Nuus het gebreek en ek sou dit dek. Eenvoudig. Versnel die tyd met amper 40 jaar, en o aarde, hoe het dinge nie verander nie! Ek hamer steeds op…

Watervalwoud klink betowerend. Soos ’n bos uit ’n kinderverhaal waar allerhande bonatuurlike dinge gebeur. Maar hier teen die hange van die Amatolaberg is jy aan jou eie genade oorgelaat. Hier is geen wonderbaarlike genesing vir die steekpyne in my regterknie nie. My rugsak raak al swaarder, en die paadjie boontoe al hoe steiler. Ons was gewaarsku: Die roete deur die Watervalwoud is mooi maar woes. Daarom het ons stapgroep vroeër vanmiddag verdeel. Herman en Kenzo het die makliker pad deur ’n plantasie gekies. Ek, Maryke en Benedikt is woud-in. Asof ’n mens na drie dae op die ses dae lange Amatola-staptog nie al deur die Pirie-, Dontsa-, Galarta-, Mount Thomas-, Ndloveniwoud en verby stringe watervalle is nie! Dis 5.30 nm. en die berge is toe onder donker, dreunende wolke. Nie…

Hillerstorp is ’n dorpie in die woude in die suide van Swede, ongeveer 250 km noord van Malmö (die stad waar die Thule-groep deesdae sy wêreldwye hoofkantoor het). Maar Hillerstorp, waar die maatskappy in 1942 gestig is, is meer as net sy geboortedorp. Dis hier waar jy sy hartklop kan hoor: ’n Ritmiese “doef, doef, doef” wat elke sekonde deur die gebou vibreer. Dis die geluid van ’n enorme 400 t-stempelpers wat plaatmetaal in verskillende vorms pers vir die dakrakke wat hier vervaardig word – 3 000 dele per uur, 55 miljoen dele per jaar. “Dit klink regtig soos ’n hartklop, nè?” sê Daniel Larson, Thule se senior kommersiële visepresident. Dan lag hy. “Soos ons hier sê, is dit ook die geluid van geld wat gemaak word!” Vir ’n toerusting-nerd…

Dis somer in die Karoo en jy ruik oral die bedwelmende reuk van soetdoringblomme. Die lug is diepblou en teen die middel van die dag klim die donderwolke – met ’n tikkie geluk – wit trappies die hoogtes in. Wanneer die weer dreun en die eerste swaar druppels rondom jou neerplof, wil jy naby ’n beskutte plaasstoep wees sodat jy met ’n koppie koffie kan sit en kyk hoe die aarde nat word... Vir die meeste binnelanders is die Karoo dalk net ’n plek om deur te ry om by jou Desember-bestemming teen die kus uit te kom, maar vir fynproewers is somer in die Karoo ’n plek vol verrassings. Die boere Louwrence en Jeanette Lombard woon op die plaas Waterval suid van Cradock (nuwe naam: Nxuba). Om daar te…

Ons gesin van vyf was in Julie 2024 in die Krugerwildtuin en het by die Letaba-ruskamp tuisgegaan. Een dag het ons na die Satara-ruskamp gery om middagete te eet. Wildgewys het ons padlangs nie veel gesien nie, en later was dit dieselfde storie toe ons na Letaba terugry. Omtrent 5 km duskant die afdraai na die Olifants-ruskamp op die H1-5 sien ons toe ’n wildkykvoertuig – die bestuurder het beduie dat ons moet stop. Dit was net die gids in die voertuig, en een Amerikaanse toeris. Hulle vra toe of ons ’n verkyker het, want hulle sien ’n luiperd in die verte. Hulle beduie toe na dié koppie 1 byna 400 m weg van die pad af. ’n Mens kon niks met die blote oog sien nie, maar toe ons…

In Weg se beginjare het jou skryfwerk gereeld in die tydskrif verskyn. Waarmee was jy intussen besig? Wel, meestal om vier kinders selfstandig (hopelik!) groot te maak. Ek was ook die afgelope 25 jaar op die Universiteit van Kaapstad se nuusredaksie, waar ek artikels oor akademici se navorsing en waardevolle bydraes tot die samelewing geskryf het. In die rubriek noem jy dat jy en jou man telkens weer teruggaan Karoo toe. Wat is dié streek se aantrekkingskrag? Die Karoo is ’n plek wat introspeksie aanroer. Daardie oerooptes waaroor die wind sy liedjie sing... ek kan eenvoudig net nie genoeg daarvan kry nie. En die gemeenskap van Prins Albert (dis waarheen ons altyd gaan) is soos die holte van ’n hand waarin ons altyd geborge voel. Wanneer ek op my fiets…

Kom stap in Franschhoek Franschhoek is bekend vir fynproewersrestaurante en historiese wynplase, maar die wynlandgoed La Motte bied nou ’n ander aantrekking: ’n staproete van 5 km. Die staptog begin en eindig by die proekamer waar voetslaners ’n kaart van die omgewing kry, asook ’n lys van diere en plante wat jy mag teëkom. ’n Mens begin luilekker tussen die wingerde stap voordat die roete teen die rotsagtige hange van die Franschhoekberg styg. Dit volg die kontoer van die berg en stappers geniet ’n panoramiese uitsig oor die Franschhoekvallei en stap deur fynbos, aalwyne en bome wat plek-plek naam-bordjies het. Jy gaan hier en daar moet mooi vastrap, maar kettings is aangebring om te help. Sit by enige van die uitkykpunte vir ’n KitKat-break voordat die roete weer na onder…

“Jy kom nie hiernatoe toe vir koffiewinkels en om kunswerke te koop nie,” gesels Gustav Janse van Rensburg van Waterval Boven, nou se dae Emgwenya. Ja-nee. Die verweerde hoofstraat en leë winkelvensters van Boven – soos die locals dié dorpie noem – spel dinge duidelik uit: Die bedrywigheid van vroeër jare is iets van die verlede. En Waterval Onder sowat 11 km oos se enkele grondpad en handvol huise sal jy heeltemal langs die N4 misry. Maar moet nie vir Boven vlak kyk nie! “Die ongerepte natuurskoon en die uitsonderlike uitsigte is steeds hier,” verseker Gustav my. Hy het die vallei drie dekades gelede die eerste keer besoek en nooit weer gewaai nie. In 1999 het hy sak en pak Boven toe getrek en sy besigheid, Roc ’n Rope Adventures,…

“Dit het my tien jaar gevat om uiteindelik hierdie foto van ’n bruinhiëna (ook genoem ’n strandjutwolf) te neem – en toe is die raam boonop perfek!” vertel die Suid-Afrikaanse fotograaf Wim van den Heever van dié mooi skoot geneem by Kolmanskop in Namibië. “Ek het geweet daar hou bruinhiënas in die omgewing; soms het ek mis en spore gesien. En ’n stemmetjie het in my agterkop bly fluister dat ek tog eendag moet probeer om hierdie diere af te neem.” Wim het dit toe wraggies reggekry, en in Oktober laasjaar het hierdie foto hom die titel Natuurlewefotograaf van die Jaar 2025 besorg. Wim se foto – tesame met die ander kategorie- en algehele wenners – is uit ’n rekordgetal van 60 636 inskrywings uit 113 lande en gebiede van…

Die Namibiërs ken hulle bakkies, en spesifiek hulle Hilux’e. “Dis darem ’n dekselse mooi bakkie dié,” sê die Namibiese doeanebeampte goedkeurend terwyl hy my koelboks op die agterste sitplek vir bier en biltong deursoek. Om bier en biltong al die pad van Stellenbosch na Namibië te karwei, is dommer as om steenkool Newcastle toe te ry en dus is daar niks om oor kop te stamp nie. Ek is by Noordoewer se grenspos en ’n tweede beampte kom nadergestap. “Watter kleur is dié Hilux? Ek ken hom nie,” sê hy. Die kleur van ons dubbelkajuit-Legend 55 is sedert ons ure gelede Garies verby is, ’n gesprekspunt tussen my en my vrou, Ronel. “Sy sê dis turkoois. Ek sê dis groen. Sy sê ek’s kleurblind. Toyota sê dis Dark Green Mica…

My plat sedan se neus draai net voor Ladismith regs op die R327-grondpad Vanwyksdorp toe. Ek hou stil vir ’n foto van die padteken. Ek het al talle kere by dié afdraai op die R62 verbygery, maar nog nooit afgedraai nie. Die dorp is nog sowat 30 km verder. Die dramatiese sonsondergang oor die golwende landskap laat my elke paar kilometer stilhou vir nóg ’n foto. Elke motor wat verbykom, ry stadiger en die mense vra of alles okei is. ’n Paar kilometer verder staan ’n man langs die pad. Mihan Louw is op pad na sy ouers wat net buite Vanwyksdorp woon. “Ons het twéé pap wiele,” sê hy. Ek gee vir sy vrou, Jessica, en seuntjie Joshua ’n geleentheid dorp toe terwyl Mihan by die kar vir sy…

Markdag! Mik op ’n Saterdagoggend na die Pretoriaboeremark (🖰 pretoriaboeremark.co.za). Dié mark wat eens ’n tradisionele boeremark was wat vars produkte verkoop het, het oor die jare uitgebrei tot ’n kuierplek vir die ganse gesin: Jy kan nou van vars blomme, plaaslike klere en aandenkings tot ’n wavrag vol eetgoed aanskaf. Laasgenoemde is meestal tradisionele lekkernye soos pampoenkoekies, moerkoffie, gebraaide skilpadjies en pap-en-kaiings. Die ure is nog pure plaas, kom dus vroeg: Die stalletjies maak om 6 vm. oop en teen 10 vm. begin mense al oppak. Op ’n Sondag is die Rosebank-mark (🖰 rosebanksundaymarket.co.za) ’n uitgespreide joligheid op die boonste vlak van die Rosebankinkopiesentrum se parkade. Drentel deur dosyne stalletjies wat van kos tot tweedehandse klere, huisgoed, boeke en goeie gehalte Afrika-handwerk verkoop. Van dit word selfs hier op…

Dié pad lei nêrens heen nie. Dis nou ’n sin wat altyd vreugde deur my binneste stuur. Want op ’n pad na nêrens, met geen bestemming wat bereik moet word nie, kan ’n mens ongebonde stap of fietsry en jou bekommernis afskud soos ’n slang wat vervel. My gunsteling van hierdie paaie is ’n stuk sinkplaat wat van Prins Albert af oor die Karoo se massiewe ooptes strek, al onder die wakende oog van die Swartberg langs. Ek en my man, Hamish, gaan elke jaar Prins Albert toe en bly in ’n huurhuis op ’n olyfplaas. Aanvanklik het ek dié agterpad eers te voet verken. Later het ek dit met Cleo, my stewige veldfiets, begin ry. Met haar klokkie en kantspieëltjie is Cleo ’n tipies voorstedelike tannie – nes ek.…

Dagstappe in Cradle Moon voel soos ’n ordentlike wegbreek en verg nie ’n moewiese uittog nie. Dis net sowat 45 minute se ry van Johannesburg af. As jy vroeg reeds wikkel, voel die dag lekker lank en die stad ver. Dié netjiese roete in ’n bewaringsgebied van 1 600 ha (waarvan die Heritagemeer sowat 32 ha beslaan) in die Wieg van die Mensdom word goed bestuur en jy kan vriende bring wat nie kranige stappers is nie. Dis maklik om die ingang te vind en selfs op besige naweke is hier oorgenoeg parkeerplek. ’n Mens stap by ontvangs in, verby die lodgegeboue en daal met ’n geplaveide paadjie tot op die rand van die meer (wat eintlik ’n geboude dam is). Met die water reg voor jou lê die lodge…

Die seekat is een van die interessantste spesies op aarde. Daar is sowat 300 verskillende soorte in die wêreld. Die een wat jy meestal hier in ons rotspoele sien, is die gewone seekat. ’n Seekat jag visse, krappe, krewe, mossels en jellievisse. Hy vang sy prooi met sy arms en byt dit dan dood met sy skerp bek (dit lyk soos ’n papegaai se snawel) wat aan die onderkant van sy kop sit. Sy maag sit dieper in sy kop, en wanneer ’n seekat ’n happie kos sluk, beweeg dit deur ’n slukderm wat déúr sy brein loop! Wel, deur één van sy breine. In elkeen van sy agt arms is ook ’n brein wat maak dat elke arm op sy eie kan roei, voel of vasgryp. ’n Seekat het…

Wanneer ek ’n praatjie moet lewer, is daar gewoonlik twee dele wat my ontsenu. Daardie eerste drie minute waar ’n mens nog jou stem probeer vind, en die gehoor se reaksie ná die tyd. Wanneer my storie sy einde nader en ek merk dat mense in hulle stoele begin rondskuif en loer waar die uitgang is, weet ek die praatjie was óf te lank, óf vervelig. Maar as ek amen sê en daar vlieg skielik ’n tros hande op, spoel ’n groot verligting oor my – hulle het dit interessant gevind en wil nóg hoor. Ná dosyne praatjies in klaskamers, konferensiesentrums, lesingslokale, kerksale en selfs ’n sitkamer hier en daar, kan ek die meeste vrae al voorspel en maklik beantwoord. Maar daar is ’n sekere sektor van die gehoor wat…

As daar een plek is waar leeus byna ’n gegewe is, is dit die omgewing rondom die Krokodilbrug-ruskamp in die Krugerwildtuin. Soms verras hulle jou met ’n aksiebelaaide jagtog, maar gewoonlik moet jy tevrede wees met gedrag wat ooreenstem met jou huiskat s’n. Tydens ’n onlangse besoek het twee leeuwyfies langs die S28-grondpad gelê; daar was ’n hele paar voertuie en ons het geduldig ons beurt afgewag. Ná ’n uur was die enigste aksie dié oomblik toe die een opkyk met ’n uitdrukking wat lyk asof sy wil sê: “Wat verwag jy? Supermodelle moet ook rus.” Koop jou Weg Kruger-gids in winkels of aanlyn by 🖰 media24shop.com teen R145. Die digitale weergawe is beskikbaar by 🖰 zinio.com.…