Innholdsfortegnelse for June/July 2024 i Weg!

PIERRE SÊ Ek kan nie “My Way” soos Frank Sinatra sing nie, maar net soos hy is daar net ’n handjievol besluite in my lewe waaroor ek spyt is… eintlik too few to mention. Ek moes wel jare gelede in The Littlest Bookshop op Molteno volumes I en II van Travels in the Interior of Southern Africa deur William Burchell gekoop het! Was jy al ooit in The Littlest Bookshop op Molteno? As jy ooit op reis is deur die Oos-Kaap, moet jy ’seblief vir die skrywer Nadine Rose Larter gaan dagsê. Haar versameling tweedehandse boeke in haar piepklein winkel op die dorpie is uitsonderlik. Koop sommer van haar handgemaakte kraleboekmerke. Sy gebruik dié inkomste om die dorp se weeshonde te help voer. As jy by die beste van ons…

DENISCHKA UYS van Durbanville skryf: Ek het hierdie spinnekop in ons tuin gesien. Dit het vir ’n paar dae op dieselfde plek gesit en daar was babaspinnekoppe in kleiner webbe rondom dit. Watter soort spinnekop is dit? Die insekkenner DUNCAN MACFADYEN antwoord: Wat ’n mooi tuinwawielwebspinnekop (Argiope australis)! Die spesie word aan die duidelike geel en grys strepe op hulle agterlyf en gestreepte bene uitgeken. Soos die meeste spinnekoppe hou die tuinwawielwebspinnekop geen gevaar vir mense in nie en speel dit ’n belangrike rol in die beheer van plae in jou tuin. Hulle vreet insekte en kan prooi wat twee keer so groot soos hulle is, jag. Die wyfies is baie groter as die mannetjies en die mannetjies sit dikwels na aan die rand van die web. Hulle heg hulle…

DENISE ZEEMAN Canon EOS R7Sigma 150-600 mm-lens DENISE VERTEL: Hierdie piepklein kleinrooiborssuikerbekkie is ’n gereelde besoeker in ons tuin in Worcester. Maar hy bly net te vinnig en te rats vir my. In meer as 100 foto’s is hy nooit netjies in die raam nie, of ek kry hom net halflyf afgeneem, veral in hierdie struik (Salvia-familie) waar hy graag kom nektar soek. Johan, my tienjarige seuntjie, sit graag saam met my terwyl ek wag om die perfekte foto te kry. “Ai, Mamma,” sê hy dan: “Die voëltjie is so vinnig!” Anderdagoggend vat ek my kamera en besluit: “Vandag is die dag!” Daar sit ek toe twee ure lank in die tuin. Geduld en geluk is twee goue woorde, saam met afwagting en vasberadenheid. En toe kry ek hom! Dit…

HI-TEC STORM JACKET Pofbaadjies is fantasties. Lekker lig en warm en dit vou maklik weg in jou rugsak... totdat jy ver weg van skuiling in ’n hewige reënbui betrap word. En, o wee, as daardie donsveertjies eers nat word! Die meeste pofbaadjies is waterbestand (teen mis en dalk ’n motreëntjie), maar nie altyd waterdig nie. Dis wanneer jy ’n ordentlike reënbaadjie van sintetiese materiaal nodig het. Hierdie een van Hi-Tec het ’n waterdigte gradering van 3 000 mm, wat beteken dit kan die waterdruk van ’n 3 m-waterkolom weerstaan. Dit gaan jou nie droog hou te midde van ’n storm op ’n olieboor in die Noordsee nie (dink hier 15 000 mm), maar dis piekfyn vir die meeste Suid-Afrikaanse toestande. Die DRI-TEC-materiaal haal asem, en die nate is geplak pleks…

Jy het in die Kaap grootgeword… het jy toe ook in De Hoop gekuier? Ja, ek het goeie herinneringe aan De Hoop toe ons kleintyd daar vakansie hou het; dit was voor die opknappingswerk in 2007. Die reservaat was nog basies en ek onthou ek het volstruisvere opgetel, perde gestreel en die vryheid van die natuur geniet. Ek vermoed jy was die enigste joernalis by die uitstalling wat vir Glenda Kemp, die bekende slangdanseres uit die 70’s, opgesoek het… Ja, ek dink ook so. Ek was geamuseer deur die toevallige invalshoek van die uitstalling. Gegewe Glenda se legendariese status was dit verbasend maklik om haar in die hande te kry. Ná ’n Google-soektog het ek afgekom op ’n onderhoud in 2019. Glenda het op die ouderdom van 70 ander vroue…

Die maan en die Skerpioen Wanneer een hemelliggaam voor ’n ander inbeweeg, praat ons van ’n “okkultasie”. Die bekendste voorbeeld hiervan is natuurlik ’n sonsverduistering wanneer die maan voor die son inbeweeg. Die maan beweeg ook voor sterre verby. ’n Mens sou dink dit gebeur gereeld, maar dit is eintlik taamlik skaars, veral okkultasies van helder sterre. Trouens, daar is vanjaar slegs vier okkultasies van helder sterre wat sigbaar is uit Suid-Afrika. Op die aand van 17 Julie gebeur die okkultasie met die helder ster Antares, ook bekend as die “Hart van die Skerpioen” vanweë sy rooi kleur. Die tyd van die verdwyning verskil effens afhangend van waar jy jou bevind, maar as jy die lugruim vanaf 10 nm. begin dophou, kan jy nie die helder ster naby die maan…

Die dae is getel waar mense ’n “nie sleg nie, maar onthou waar hulle gebou is”-etiket aan enige nuwe Chinese motor kon hang. Dit verdien om in die mis van tyd te verdwyn, op dieselfde manier as wat die Japannese en Koreaanse motorvervaardigers al dekades gelede die belediging afgeskud het. Toetsbestuur gerus een van die nuwe modelle van Chinese handelsmerke soos Haval, Chery of GWM as jy my nie glo nie. Die waarde vir geld en waarborg is nie net die beste in die klas nie, maar die motors self is goed gebou met al die gehalteafwerkings van meer tradisionele luukse handelsmerke. Neem nou maar die GWM Tank, ’n behoorlike 4x4 gebou op ’n leerraamonderstel, met ’n laestrekratkas en ’n elektroniese ewenaarslot agterlangs. Die Tank is ’n gedugte veldryer wat…

REISJOERNAAL Tydens die reis met ons Land Rover deur die noorde van Ecuador (sien Weg #213 – Red.) besef ek en Hanlie ons moet oor ons finansies besin. Die Galápagoseilande is nou wel ’n Ecuadoriaanse gebied, maar dis steeds ’n peperduur bestemming. Ons voorneme om die kraantjie ’n bietjie stywer toe te draai is egter na die maan toe ons ander Suid-Afrikaners – Luis en Kareen Broodryk – in ’n kampterrein onder die Cotopaxi-vulkaan raakloop. “Julle kan mos nou nie al die pad tot hier gekom het en nié Galápagos toe gaan nie!”redeneer die twee. (Volg gerus ook die Broodryks se omswerwinge op YouTube: @FearlessOnFourWheels – Red.) Skaars twee dae later klim ons op ’n vliegtuig van Quito na Santa Cruz, die Galápagos-argipel se hoofeiland wat sowat 1 000 km…

’n Fees van vier Ek het hierdie vier witrenosters vroeg een oggend in die suidelike dele van die Krugerwildtuin teëgekom. Ek het gehou van hoe die son die haartjies op hulle ore vang (die renostervoël maak dit ekstra interessant) en hoe mooi hulle in die sagte lig lyk. Renosters is wonderlike modelle as jy hou van foto’s neem – hulle is groot, met ’n unieke voorkoms en dikwels rustige houding. Ek is dol op die tekstuur van hulle vel en die vorm van hulle gesigte! NATALIE NAIDOO, Hilton SKRYF AAN ONS EN WEN! Natalie wen ’n Zartek ZA-476-LED-kollig ter waarde van R2 350. Hierdie kollig is herlaaibaar en lewer ’n sterk ligstraal van tot 6 300 lumens oor ’n afstand van tot 1 100 m. Dit het vyf modusse en…

The African Baobab Deur Rupert Watson, Struik NatureR300 in boekwinkels Die kremetart is ’n lewende monument in Afrika, ouer as elke plant en dier wat rondom dit voorkom. Dis ongelooflik veerkragtig en kan in die droogste, mees rotsagtige gebiede op die kontinent oorleef. En al is sy habitat hoe onherbergsaam, leef die kremetart langer en word dit groter as die meeste ander bome in die wêreld – dít is die groot paradoks van sy bestaan. Só skryf Rupert Watson in hierdie bygewerkte uitgawe van The African Baobab, wat vir die eerste keer in 2007 verskyn het. Die boek bied ’n indiepteblik op die bekende“onderstebo boom”en Watson kyk na waar die kremetart groei en hoe dit binne ’n ekosisteem optree en ondersoek ook hoekom ons bome soos Baines se Kremetarte in…

Rooiwynhoenderpot Vir 4Voorbereityd 50 minuteGaarmaaktyd 1 uur Jy benodig • 1 eetlepel elk olie en botter• 200 g spekrepe, in blokkies gesny• 4 elk hoenderboudjies en -dytjies• 2 eetlepels koekmeel• sout en varsgemaalde peper na smaak• 8 salotte of klein rooi-uitjies, geskil en gehalveer• 3 knoffelhuisies, geskil• 2 lourierblare en ’n takkie tiemie• 1 koppie rooiwyn• 1 koppie hoenderaftreksel• 2 eetlepels botter• 300 g gemengde sampioene, gekap• 12 salieblare Só maak jy 1 Verhit die olie en botter en braai die spek tot bros. Skep uit en hou eenkant, maar behou die geurige vet in die pot. Rol die hoender in die meel, geur goed met sout en peper en braai dan tot mooi goudbruin. 2 Roer die salotte by die pot en braai vir nog ’n paar minute. Roer…

Dit was die oggend net ná 6 vm. toe ons groep saam met gidse en spoorsnyers op twee wildritvoertuie vertrek het. Sowat ’n uur later het ons gids per radio gehoor dat ’n trop van nege leeus ’n buffelkalf platgetrek het, en hy’t ons soontoe gehaas. Daar het die trop (drie mannetjies, vyf wyfies en ’n welpie) skynbaar pas onder ’n boom aan die kalfie begin vreet. 1 Die ander buffels was ook nog daar rond en het die leeus stadig genader. 2 Die volgende oomblik het drie van die buffels skielik op die leeus afgestorm 3 en daarin geslaag om die katte van die kalfie – wat wonder bo wonder nog geleef het! – te verjaag. Die kalf het regopgestrompel en saam met die ander buffels na die veiligheid…

Bo die vlei hang ’n roofvoël soos ’n vlieër op een plek in die lug. Sonbesies se geskreeu sny deur die middaghitte en my selfoon voel klammerig teen my oor. Aan die ander kant klink Glenda Kemp se vrolike lag op en my maag draai sommer. Dis dié Glenda Kemp, wat in die apartheidsjare as ontkleedanser met ’n luislang om haar nek opgetree het. Genade, haar naam staan op ’n 30 Seconds-kaartjie! Nou, op ouderdom 74, vertel sy my hoe sy en die einste slang in 1979 met ’n SAL-vlug op pad Londen toe was. Op die Heathrow-lughawe het die slang tussen die ander passasiers se bagasie op die vervoerband verby gerondomtalie. “En daar’s my slang toe!” gil Glenda in my oor. “Darem nog in sy mandjie, maar die mandjie…