Innholdsfortegnelse for Weg! Wilde Plekke i Weg!

Dis ’n groot voorreg om reeds as kind aan die plesier en avontuur van besoeke aan natuurreservate blootgestel te word. Baie kinders wat dié geleenthede gehad het, besluit waarskynlik op die ouderdom van 12 dat hulle veldwagters of -gidse wil word. (Ek weet dat ek, my ouer broer en jonger suster op daardie ouderdom veldloopbane wou hê. Spoorsny, kampvuur en kakieklere! My suster het wel dié droom verwesenlik en werk as veldgids in die Oos-Kaap.) Hoërskool en aanlegtoetse verander dinge en as jy weer sien, swot jy rekeningkunde en word ’n aktuaris. Daar is niks fout mee nie, maar dan is jy skielik heeldag tussen vier mure vasgepen en word wildtuintyd ’n kosbaarheid waarvoor jy selde tyd kan afknyp. Ons het wilde plekke meer nodig as wat ons besef. Ja,…

Rondom ons lê die mopanieveld oop en vry. Dis bewolk en die sterre kruip weg, maar ons weet hulle is daar. Dis inkruiptyd wanneer ons gesels saam met die kole se geknetter al stiller word. Maar skielik fluister iemand: “Ek dink ek hoor ’n olifant hier by die poel…” Janco Scott, ons toerleier, swaai ’n flitsstraal na die grotendeels droë – behalwe een poel naby ons kampplek – rivierloop en wraggies, daar staan ’n olifant! Tussen ons en die olifant is niks meer as dertig treë nie. Nie ’n heining nie, niks. Janco skakel die lig weer af, en ons staan tjoepstil en luister. Die ore wat ligweg flap, die slurp wat snuif, daai swaar voete wat diep in die grootkorrelsand van die rivierbedding trap. CHRIS VENTER, Kleinmond JANCO SCOTT,…

Ek dompel my kop onder die water en skielik is dit ’n gans nuwe wêreld wat vir my wink. In die vlak water van die Kosimonding swem ’n horde blink visse onder my verby. Daai paar honderd rand se Takealot-belegging (’n duikmasker en ’n snorkel) werp vrugte af, selfs al sluk ek steeds nou en dan ’n hap soutwater van opgewondenheid. Hierdie rif word die Akwarium genoem, en dis maklik om te sien hoekom. Die sigbaarheid onder die water is puik omdat dit vlak is en selfs beter tydens die inkomende gety (hoogwater) wanneer seewater in die Kosibaai-sisteem instroom. Jy kan ook relatief na aan die visse kom omdat dit nie diep is nie. Jy sien onder meer palings wat kort-kort uit hulle gate loer tussen die klippe, klein skooltjies…

Disbekostigbaar (wel, soort van) Die park het blyplek vir elke beursie – van kampplekke sonder krag tot luukse lodges met kunswerke teen die mure. As jy gewoond is aan selfsorgverblyf met komplimentêre koffiegoed, gaan jy duur betaal in die Kruger. Maar as jy ’n paar geriefies prysgee, kan jy ’n bekostigbare vakansie geniet. Die kampplekke is goeie waarde vir geld (vanaf R340 p.n. vir twee mense, sonder krag tot R410 p.n., met krag). Dit verskil van ruskamp tot ruskamp, maar in die algemeen is die kampterreine ruim en boomryk. Die geriewe is ouerig maar netjies. Hier is gemeenskaplike badkamers en kombuise met tweeplaatstofies, opwasbakke, ’n urn en plek-plek ’n mikrogolfoond. Enasjygelukkigis, kry jy ’n staanplek langs die draad. Dis ’n bonus, want dan kan jy dierekyk terwyl jy beskuit doop!…

Wat is ’n Wild Card? As jy gereeld van Suid-Afrika se gewildste parke en reservate besoek, sal ’n Wild Card jou heelwat geld bespaar. Wanneer jy by Sanparke se Wild lojaliteitsprogram aansluit, kry jy ’n jaar lank gratis toegang tot meer as 80 nasionale parke en reservate in Suid-Afrika en eSwatini. Jy betaal dus nie die daaglikse bewaringstarief wanneer jy jou kaart wys nie. Die kaart kan by die volgende vennote van die program gebruik word: Sanparke, Cape Nature, Ezemvelo KZN Wildlife (nie al die reservate nie), en Msinsi (oorde naby Durban en Pietermaritzburg) – gaan na 🖰 wildcard.co.za vir ’nvolledigelys. Jy kan ’n lidmaatskap vir alle parke en reservate koop óf net vir sekere groepe. Verskillende pakkette is beskikbaar: Jy kan aansluit as ’n individu, ’n paartjie (enige twee…

GOLDEN GATE-HOOGLAND-NASIONALE PARK Hierdie park aan die voet van die Malutiberg is bekend vir sy goue herfslandskap, populierbome, sandsteenkranse en baardaasvoëls. In die somer is dit groen en welig en in die winter spog die bergpieke met sneeu. DOEN DÍT Ry die twee wildkykroetes – die Oribisirkelpad (4,2km) en die Blesbok-sirkelpad (6,7km) – of ry perd in die veld (R350p.p. vir ’n uur). Bewaringstarief R60p.p.; R30 per kind 2-11 jaar; gratis met ’n Wild Card. VERBLYF Glen Reenen-ruskamp: Kamp vanaf R280p.n. (sonder krag) of R310p.n. (met krag) vir 2 mense; R100p.p. ekstra; R50 per kind 2-11 jaar (maks. 6 mense per staanplek). Selfsorgrondawel (slaapplek vir 2-4 mense) vanaf R1105p.n. vir 2 mense; R290p.p. ekstra en R145 per kind 2-11 jaar. Gesinskothuis vanaf R1270p.n. vir 2 mense; R290p.p. ekstra en R145…

LESER SE GUNSTELING BELINDA JOUBERT, Hartbeespoort “Die Pilanesberg maak my gelukkig. Die stilte in die reservaat is intens, maar net totdat die veld saans begin kwaak en tjirp en fluit. Die naglug is gitswart en die sterre blink helder en soms hoor jy ’n leeumannetjie in die donker brul! “Ons besoek Pilanesberg heeljaar en elke seisoen het sy eie sjarme. Die winter het goue grasvelde en dramatiese wolke. In die herfs verander die bome van kleur en dis dan wanneer jy al die insekte sien kos versamel – miskruiers, renosterkewers, langhoringkewers, vlinders en naaldekokers is oral. “Ek het nou al byna alles in die reservaat gesien, selfs ’n sekretarisvoël. Jy leer gou dat die parmantige bloukopkoggelmander net so spesiaal is soos ’n leeu wat aan ’n karkas vreet.” Volg Belinda…

GESKIEDENIS Die storie van Mokala begin eintlik by ’n ánder park, die Vaalbos-nasionale park. Vaalbos is in 1986 geproklameer en het sowat 22 000 ha beslaan teen die Vaalrivier, wes van Kimberley. In 2002 is die grond ná ’n suksesvolle grondeis onteien en ’n nuwe heenkome moes vir die diere gevind word. SANparke het toe plase van Wintershoek, ’n groot wildplaas en jagonderneming, gekoop. Hierdie grond (19 611 ha), suidwes van Kimberley, is in Junie 2007 amptelik as die Mokalanasionale park geproklameer en vir die publiek geopen. Die wild is in 2006 verskuif. Ek weet wat mense dink wanneer hulle lees: “dit is ’n plek wat jou weer die kleiner dingetjies in die natuur laat waardeer”. Want ek dink dit ook: Die arme drommel het niks interessants gesien nie. Tog…

Mandy Mitchell Ixopo, KwaZulu-Natal IG: @mandymitchell1156 Die Nhlamvini-vallei lê oos van Ixopo in die KwaZulu-Natalse bosveld. Dis rofweg in die driehoek tussen die R56, R612 en die Umkomaasrivier. Dit is ’n bewarea wat oor verskeie wildplase strek en sodoende die ryk biodiversiteit van die omgewing help bewaar. Ons boer hier en omdat ek ’n ywerige fotograaf is, verken ek gereeld die grondpaaie van die vallei. Dis openbare paaie, en enigiemand kan dit kom ry. Probeer die D299, D738 en die Inhlamvini-pad. Jy sal wild (agter die draad) sien soos jy ry. Dis ’n wonderlike plek om vir ’n naweek se natuurtyd heen te ontsnap. Hier is ’n paar selfsorglodges in die omgewing – ek kan Oribi Bush Camp aanbeveel by die Nhlamvini-privaatwildreservaat.Jykan diere sien soos seekoei, koedoe, oribi en kameelperd.…

ADDO-OLIFANT-NASIONALE PARK Addo is bekend vir sy olifante, maar die res van die Groot Vyf kom ook hier voor. Die park het verskeie dele: Darlington, Kabouga, Zuurberg, Nyathi, Addohoofkamp, Colchester, Woody Cape en Voëleiland. Behalwe vir laasgenoemde, wat nie toeganklik is nie, kan jy danksy die goeie padnetwerk die res oor ’n langnaweek besoek. DOEN DÍT Moenie die Woody Cape-deel van die park onderskat nie. Jy kan die Alexandria-duineveld besoek en op die Boomdassie-dagstap (7km) sien ’n mens pragtige voëllewe en boomorgideë. Bewaringstarief R90p.p.; R45 per kind 2-11 jaar; gratis met ’n Wild Card. VERBLYF Addo-ruskamp: Kamp met krag vanaf R350p.n. vir 2 mense; R100p.p. ekstra; R50 per ekstra kind 2-11 jaar (4 mense per staanplek). Safaritent vanaf R945p.n. vir 2 mense. Woudhutte (slaapplek vir 4 mense elk) vanaf R1100p.n.…

Bespreek só by Ezemvelo KZN Wildlife Hierdie tariewe is geldig tot 31 Oktober 2022. Bespreek jou verblyf by die uKhahlamba-Drakensbergpark, iSimangaliso vleilandpark en Hluhluwe iMfolozi-wildreservaat deur Ezemvelo KZN Wildlife se sentrale besprekingskantoor te kontak. ✆ 033 845 1000; 🖰 bookings.kznwildlife.com; 🖰 kznwildlife.com UKHAHLAMBA-DRAKENSBERGPARK Hierdie park vorm saam met die Sehlabathebenasionale park in Lesotho die Maloti-Drakensberg-parkwêrelderfenisgebied. Die Drakensberg lê wyd en jy sal altyd iets kry om te doen (stap, rotsklim, visvang, swem, rotskuns kyk, perdry, bergfietsry…), maar jy sal heel moontlik net op die stoep wil sit om jou aan die hoë pieke, helder waterstrome, en watervalle te verkyk. DOEN DÍT As jy eers op die rand van die Amfiteater sowat 3000m bo seevlak gestaan het, lyk al die ander berge in Suid-Afrika soos molshope! Jy kan van die…

MARAKELE-NASIONALE PARK As jy gedink het die Bosveld is plat en lyk oral dieselfde, wag tot jy Marakele sien. Van die hoogste berge in die Waterberg toring hier bo doringbome uit en ’n mens kan eenvoudig nie ophou staar nie. Ryberg op tot by die Lenong-uitkykpunt vir ’n grootse uitsig en bekyk die kransaasvoëls wat hoog bo jou draai – hulle broeikolonie is hier naby. DOEN DÍT Hier is elke dag twee wildritte, een in die oggend en een teen sonsondergang – elk sowat 2 ure. R315p.p.; R157 per kind 2-11 jaar. Bewaringstarief R60p.p.; R30 per kind 2-11 jaar; gratis met ’n Wild Card. VERBLYF Bontle-ruskamp: Kamp (met krag) vanaf R325p.n. vir 2 mense; R100p.p. ekstra; R50 per kind 2-11 jaar (6 mense per staanplek). Safaritente vanaf R1470p.n. vir 2…

Dit voel dadelik asof jy op vakansie is sodra iemand jou blyplek met ’nhigh lighter begin aandui. Nou die dag gebeur dit weer by die Ithala-wildreservaat naby Vryheid in KwaZulu-Natal. Die ontvangsdame skuif my chalet se sleutel, vasgemaak aan ’n swaar houtblokkie (sodat jy nie per ongeluk daarmee huis toe ry in jou broeksak nie), oor die toonbank na my. Dan haal sy ’n A4-kaart – een van daais wat al ’n duisend keer gefotostateer is – uit en plaas dit voor my neer. Sy vat ’n pienk highlighter en begin verduidelik. “We are here,” sê sy en omsirkel die ontvangskantoor in pienk. “You follow this road, turn right at the big rock over here…” Sy merk die groot klip. “And then you continue to chalet number 38, which is…

TAYLEN KENCH IG: @tayyk_photography Wanneer die son ondergaan, bring dit ’n rustige kalmte oor die aarde, maar terselfdertyd verskaf daai goue gloed ’n nuwe blik. Ons het met die Tshwenepad gery en ek het ’n trop rooibokke op ’n heuwel sien wei. Ek was aanvanklik nie seker of ek vir ’n foto gaan stop nie – dis beslis ’n meer kunstige foto. Die Pilanesberg se verskeie landskappe en biodiversiteit wakker ’n mens se nuuskierigheid aan aangesien jy nooit weet wat om die volgende draai wag nie. TOERUSTING Nikon D5100; Nikon 18-55mm-lens VERSTELLINGS Sluiterspoed 1/400ste van ’n sekonde; lensopening f11; ISO 200. JOHAN THEUNISSEN IG: @fatman_j Sonsopkoms by die Mankwedam is altyd besonders met die weerkaatsing van kleure en mistigheid oor die water. Dis ’n puik plek om voëls vroegdag en…

Hoe verder weg ’n plek van mense af is, hoe banger raak mense om soontoe te gaan. Eenkantplekke soos die Richtersveld word gesien as te rof vir sommige. Dis interessant, want is dit nie juis mense wat vir mekaar die meeste moeilikheid maak nie? Die Richtersveld is plek-plek half-woestyn, plek-plek woestyn. Mense is skaars, maar eg en vriendelik en – soos die kokerbome hier – bied hulle jou graag koelte. Daar is baie ooptes waar jy kan staan en om jou rondkyk en luister en nie ’n énkele ding sal beweeg of ’n geluid maak nie. Soos toe die aarde net begin draai het. Dié stiltes is wat die Richtersveld spesiaal maak. Op min ander plekke is jy en die klippe en die enkele ander asems tussen hulle op gelyke…

BYDRAERS Belinda Joubert, Esma Marnewick, Karen Bayley, François Haasbroek, Grant Christie, JP du Toit, Jon Minster, Kyra Tarr, Lukas Niemand, Mia Louw, Rogan Kilfoil en Jordan Hodgson, Sophia van Taak, Toast Coetzer, Willem van der Berg, Xolani Tembu en Rea Ntshabele BLITSGIDS Wes-Kaap bl. 82 Oos-Kaap bl. 88 Noord-Kaap bl. 94 Vrystaat bl. 98 KwaZulu-Natal bl. 102 Gauteng bl. 108 Noordwes bl. 112 Limpopo bl. 116 Mpumalanga bl. 122 AFKORTINGS NR – Natuurreservaat WR – Wildreservaat PWR – Privaatwildreservaat PNW – Privaatnatuurreservaat…

Vir meer inligting oor die Kgalagadi, insluitend die Botswana-kant van die park, bestel die nuweWeg Kalahari(R112) deur ’n e-pos na 🖰 yumna.tofey@media24. com te stuur. MOKALA-NASIONALE PARK– sien bl. 24.  |AI-|AIS/RICHTERSVELD-OORGRENSPARK – sien bl.56. KGALAGADI-OORGRENSPARK Die Kalahari is ’n magiese plek: rooi duine, kameeldoringbome, die brul van ’n swartmaanhaar in die donker… Hierdie droë park strek oor die grens tussen Suid-Afrika en Botswana en voel wild en ongerep. DOEN DÍT Jy kan die park in jou eie voertuig verken, maar bespreek ten minste een begeleide wildrit op jou besoek. Die hoofkampe bied soms wildritte in die oggend of laatmiddag aan. Doen navraag by die ontvangskantoor. Gaan op ’n aandrit as jy graag die park se nagbewoners (uile, silwervosse…) wil sien. R358,55p.p. Bewaringstarief R104p.p.; R52 per kind 2-11 jaar; gratis met…

DINOKENG-WILDRESERVAAT Daar’s min plekke waar jy die geraas en verkeer van ’n groot stad kan agterlaat en net 40 minute later na die gebrul van ’n wilde leeu kan luister. Dinokeng is die enigste plek in Gauteng waar die Groof Vyf vry rondloop en dis baie gewild. Dit hang af van die lodge of kamp waar jy bly, maar jy kan uitsien na begeleide wildritte, stapuitstappies in die bos, en fynproeweretes. DOEN DÍT Hier is ’n padnetwerk van sowat 140 km in die reservaat en dagbesoekers kan dit in hulle eie voertuie verken. ’n Selfrypermit kos R250 per voertuig vir een dag; R320 vir twee dae en R380 vir drie dae (dit sluit die bewaringstarief vir voertuie in). Koop ’n kaart (R30) vir aftrekplekke, restaurante, piekniekplekke en voëlskuilings langs die…

Hierdie foto is geneem in die Kaappunt-deel van die Tafelberg-nasionale park. Dié twee bobbejaantjies het mossels gevreet wat aan kelp vassit en ná rowwe seetoestande op die strand by Buffelsbaai uitspoel. Ek het waarskynlik ’n uur lank sit en kyk na ’n trop bobbejane terwyl hulle kos soos mossels en ander skulpvis rondom die getypoel gesoek het. Later het die trop begin wegbeweeg, maar hierdie twee stouterds het agtergebly om verder piekniek te hou. Hulle was nie gepla deur my teenwoordigheid nie, en ek kon ’n entjie verder op die sand gaan sit om die foto uit ’n lae hoek te neem sodat ’n mens Kaappunt in die agtergrond kan sien. Die bobbejane rondom Kaappunt is uniek omdat hulle die enigste primate in die wêreld is wat gereeld kos soek…