Innholdsfortegnelse for March 2018 i Weg!

ELMA JANSEN van Port Elizabeth vra: Kan Duncan dalk help? Ek het dié ongewone wurm op ons plaveistene gekry. Die insekkenner DUNCAN MACFADYEN antwoord: Dis die larwe van die kiepersol-pouoogmot, Bunaea alcinoe, ’n groot mot met ’n vlerkspan van sowat 160 mm. Die larwes vreet meestal kiepersolbome, maar ook koorsbessie-, beesklou- en essenhoutbome. Hulle kom meestal in die bosveld voor en is sensitief vir koue toestande. Ek het hulle wel al in Pretoria gesien. EVELYN JOUBERT van Hartbeespoortdam skryf: Ek het laatmiddag na die dam gery om kormorante af te neem en toe dié arme bloureier gewaar wat leweloos in die wind rondswaai. Wat kon gebeur het? Dalk is hy op slag dood, of het niemand hom betyds raakgesien nie of hy was te hoog om gered te word? As…

Die groot groen flapnekverkleurmannetjie is die verkleurmannetjie wat ’n mens die meeste in Suid-Afrika te siene kry. In die noordelike en oostelike streke waar die spesie voorkom, sien ’n mens dikwels een wat die pad oorsteek. Maar ongelukkig kyk baie mense dit mis en word heelwat van dié outjies doodgery. Flapnekverkleurmannetjies is een van die groter verkleurmannetjiespesies in Suider-Afrika en kan tot 35 cm lank word (van kop tot die punt van die stert). Hulle word uitgeken aan die flap bo-op die kop. Die grootte van dié flap wissel op grond van waar die reptiel voorkom – dit is geneig om kleiner te wees in die suidelike deel van die habitat. Net om een te sien is reeds opwindend, maar dis nóg lekkerder om hulle gedrag dop te hou. Ek…

Ek staan laatmiddag op ’n uitkykplatform in die Mapungubwenasionale park en wag vir die bosveldson om oor Suid-Afrika, Botswana en Zimbabwe te sak. Die uitkykplatform – hier is altesame vier – is op die rand van ’n sandsteenheuwel, hoog bo die vloedvlakte doer onder. Dié vlakte huisves onder meer mopanie-, doring- en verskeie kremetartbome wat soos bonkige reuse met vele arms bo die ander plantegroei uittroon. Agter dié vlakte is die samevloeiing van die Shashe- en Limpoporivier, waar die drie lande ontmoet. Ek gewaar Botswana se blou vlaggie op ’n eiland. Die fotojoernalis Scott Ramsay het ’n paar jaar gelede ’n besonderse foto geneem van meer as 200 olifante wat in ’n lang ry die Limpoporivier hier by die samevloeiing oorsteek. ’n Migrasie van grootvoete, iets wat al eeue lank…

JOUBERT TULLEKEN @joubert_tulleken Canon EOS 80D Canon 18-135 mm-lens JOUBERT SKRYF: Ek en my vrou het van Kathu, ons tuisdorp, na Kaapstad gery en besluit om een nag op Verneukpan te kamp. Ons was die enigste mense daar. Ek het die volgende oggend om 4.40 vm. opgestaan om my driepoot vir sonsopkoms te stel. Omdat daar nie enige voorwerpe op die pan is nie, het ek my kamera opgestel om dié tweespoorpaadjie in die raam te kry. Gelukkig was daar wolke in die lug wat vir kleur gesorg het. Toe die kleur erg pienk was (ongeveer 5.20 vm., net voor die son sy kop uitgesteek het), het ek die self-timer gestel en in die foto gaan staan. My sluiterspoed was ¼ van ’n sekonde, lensopening f14 en die ISO was…

Die kersie op die koek “Kersies pluk, natuurlik!” is die eerste ding wat ’n local sê as jy vra wat ’n mens hier doen. Die Klondyke-kersieplaas is sowat 30 km noordoos van die dorp. Jy vleg deur berge en vrugteplase tot aan die voet van die Matroosberg, teen 2 249 m die hoogste piek van die Hexrivierberg. In die winter is die berg een van die min plekke in die Wes-Kaap waar mense kan sneeuplank ry. In die somermaande is ’n mens alte dankbaar dat die plaas ’n goeie 10 ºC “koeler” is as die dorp – dis 648 m hoër as die dorp. ’n Skoolseun groet vriendelik by die hek en gee vir ons ’n 1 kg-bak. In die boord ontmoet ons ’n groep jolige werknemers wat tussen die…

Hendrik le Roux van Clanwilliam skryf: Die Universiteit van Stellenbosch se stapklub, die Berg-entoerklub (BTK), vier vanjaar sy 90ste bestaansjaar. Die klub is op 4 Junie 1928 op ’n vergadering van 50 studente gestig en reël bergklimuitstappies en staptoere oor vakansies vir studentelede. Baie het al deur die jare verander. Aanvanklik is die groep stappers (“BTKaners”) se goed met vragmotors (of “waens”) aangery, groot weermagtente is by elke kampplek opgeslaan as daar nie onder die sterre geslaap is nie, en daar is in groot maat kosgemaak. Elke student het ’n werk gekry vir die toer – stokers moes vuurmaak, blikwassers moes die groot kospotte was, die tentekomitee moes sorg dat die tente opgeslaan word indien nodig. Jou werkie het lekkerder geraak hoe meer toere jy gedoen het. Vandag is die…

Elke tweede Woensdag stel ons ’n nuwe episode van Weg Stories bekend waar ons voorlesings doen van ons gunstelingrubrieke. Waar moontlik, gesels ek (en my hond Buckley) met die skrywer, wat in baie gevalle sy of haar eie rubriek voorlees. As jy nog nie na die podcasts geluister het nie, wag daar reeds meer as 10 episodes vir jou. Jy kan enige episode aflaai en luister. Die podcast is beskikbaar op Weg se webwerf, Facebook, asook die Spreaker-webwerf. Jy kan ook jou eie Apple- of Android-podcast-app gebruik. As jy met een van hierdie apps op Weg Stories inteken, sal elke nuwe episode outomaties op jou toestel aflaai en sal jy ’n kennisgewing kry dat dit beskikbaar is. Weg Stories is die lekkerste manier om saam met ons op reis te…

Hierdie hutte kyk uit oor die A104-teerpad wat Tanzanië se Tarangirenasionale park verbind met Arusha, sowat 100 km weg. Bekostigbare kampplek is skaars in die omgewing (kamp binne Tarangire is duur), maar Wild Palm is ’n goeie opsie vir selfrytoeriste. Wild Palm het groot bome waaronder jy kan tent opslaan, skaflike badkamers en vriendelike diens. Die voëllewe is goed en saans mag jy selfs ’n hiëna hoor jodel. Die hoofingangshek van Tarangire is net 10 minute se ry weg; dus kan jy maklik dagbesoeke hiervandaan aanpak. Hierdie foto is geneem van Wild Palm af terwyl die son sak oor Afrika se Skeurvallei.…

Vroegopstaners sal reeds van die begin van die maand af oplet dat die oggendplanete (Jupiter, Mars en Saturnus) in ’n ry “aantree”. Hulle is min of meer ewe ver uitmekaar gespasieer rondom die rooi ster Antares – byna soos soldate wat aantree vir ’n erewag. Van 7 tot 11 Maart beweeg die Maan al langs die ry af en vertoef ’n oomblik by elkeen, soos ’n offisier wat die erewag inspekteer. Daar word gereeld na Antares, die helderste ster in Scorpio, verwys as “die hart van die skerpioen” omdat dit rooi van kleur is en mooi in Scorpio se “lyf” sit. Die naam is afgelei uit antieke Grieks en beteken letterlik “gelyke van Mars” omdat dit baie naby aan dieselfde kleur as Mars is. Met Mars wat tans amper net…

Gisteroggend tref dit my uit die bloute. Hard en sonder enige waarskuwing. Dit voel soos daai keer toe ons iewers in die Noord-Kaap gaan jag en ’n muggie direk in my mond gevlieg het terwyl ons agterop ’n jagbakkie staan. Ons was agter ’n gekweste gemsbok of koedoe aan toe dit gebeur... ek is nie seker wat nie. Ek weet net die ding het horings gehad. Die muggie loop plak toe agter teen my kleintongetjie vas en ek verstik só hewig dat ek so blou soos hospitaalbeddegoed word. Ek klop twee keer hard op die dak dat hulle moet stop, hoes my in ’n kondisie in, sien my oorlede hamster voor my geestesoog en probeer sin maak van die lewe. Daarmee gryp ek na die naaste bottel vloeistof, neem ’n…

1 Dra altyd jou knipmes saam Dis goed om paraat te wees. Met ’n knipmes in jou broeksak kan jy binne sekondes saam gesels wanneer iemand soos Duncan Theart, byvoorbeeld, vir jou ’n bossie bokkoms present gee en dan sommer net daar op die tafel in die restaurant van die Laaiplek-hotel vir jou wys hoe om een te “skil”. Sulene Archer van die Taaibos-plaasrestaurant op Pedroskloof buite Kamieskroon het ons geleer hoe ’n mens skaapkop gaarmaak. ’n Knipmes was net die ding om eers die kop skoon te krap, én later behendig sappige stukkies vleis van die onderkaak af te sny. 2 Iemand was voor my hier  Dit was ’n voorreg om nuwe bestemmings te bekyk deur die oë van die mense wat al geslagte lank daar woon en ’n…

WAAR? ATKV Buffelspoort, Rustenburg, Noordwes KOSTE R1 050 p.p. vir die hele naweek. R500 vir kinders jonger as 18. Bespreek jou plek en bring jou eie woonwa of tent. Wat is alles ingesluit? • Versnaperinge en wyn (Vrydagaand) • Ontbyt (Saterdag- en Sondagoggend) • Geskenksakkie • Vermaak • Werkswinkels en sekere aktiwiteite PROGRAM VRYDAG • Wynproe/skemerkelkies • Kampvuurstories saam met die Weg- en WegRy & Sleep-span oor hulle vele reise op ons vasteland • Peuselhappies word bedien SATERDAG Opsionele oggend-aktiwiteite: • Stap deur die natuur met ’n kenner van fauna en flora, of geniet die vars lug op jou fiets. Onthou om jou kamera en verkyker in te pak! • ’n 4x4-werkswinkel waar ons gesels oor die lekkerste en uitdagendste roetes in die land. • ’n Fotografiesessie AAND • Die hele gesin neem deel aan ons opwindende potjiekoskompetisie – groot pryse is…

GAMKAPOORTDAM, WES-KAAP Die waters van die Dwyka- en Gamkarivier kom bymekaar in die Gamkapoortdam – die wal is gebou in ’n smal poort aan die noordelike kant van die Swartberg. Die dam is geleë binne die Gamkapoort-natuurreservaat, en hier is nog ’n bietjie wild wat die droogte oorleef het. Hier is nie ’n duisend dinge om te doen nie, maar jy kom hierheen om te sê dat jy al hier was. Jy was mos al by die Victoriawaterval, of hoe? Wel, die Gamkapoortdam is presies die teenoorgestelde daarvan: Hier’s nie ’n druppel water nie, en ook nie mense nie. (Behalwe Fox Ledeboer, wat manalleen die fort hou – onthou om vir hom ’n vars koerant en ewe vars wortelkoek uit die dorp saam te ry.) Jy kom ook hierheen om…

SODWANA BEACH KIOSK Die Sodwana Beach Kiosk staan in die skaduwee van inheemse kasuarisbome en kyk uit oor Jesser Point. Dié winkeltjie is beskut en ’n toevlugsoord vir duikers, vissermanne, strandgangers en locals. Die spyskaart is eenvoudig: ontbyt wat in die pan gebraai word, muesli-en-jogurtbakkies, geroosterde toebroodjies, slaptjips en een of twee daaglikse spesiale aanbiedinge. Die koffie is skaflik en die koeldrank koud. Jy kan ook ’n paar basiese noodhulpgoed soos Panado en Zam-Buk hier koop, en peuselgoed soos aartappelskyfies, grondboontjies en sjokolade. Niks op die spyskaart sal jou bankkaart laat skrik nie en alles word volgens bestelling gaargemaak en is dus vars, warm en heerlik as dit by jou uitkom. ’n Geroosterde toebroodjie kos sowat R40 en jy kry tjips by wat sal maak dat jy weer en weer…

Huis, paleis, pondok... mop?! Ek het dié suikerbekkiepaar gesien by my seun se huis op Bela-Bela. Hulle het nesgemaak in ’n mop op ’n wasgoeddraad in die binnehof buite die kombuisdeur. Dit lyk vir my na swartsuikerbekkies. ANDRIES NORVAL, Sandton Die voëlkenner FAANSIE PEACOCK antwoord: Dis ’n witpenssuikerbekkiepaar wat hier nesgesk(r)op het. Dié spesie is ’n bekende in tuine in verskeie streke, en maak nes op allerlei ongewone plekke: Wasgoeddrade, potplante, afdakke... In dié geval lyk dit asof die voëls ’n slim besluit gemaak het – die nes is byna onsigbaar en die twee kuikens groei mooi. Die wyfie bou die nes in sowat vyf tot agt dae. Droë grasspriete, blare en ander growwe plantmateriaal word met spinnekopweb saamgebind. Afhangende van die spesie word ander boumateriale ook in die nes…

Stap Namakwaland plat Toe Elize Kruger en Ina Vosloo van Hondeklipbaai in Mei laasjaar die Tankwa Camino gestap het, het dié droom ontstaan: Wat van ’n lang Camino-staptog in Namakwaland? “Ek dink die saadjie is dalk al geplant terwyl ons in en om Hondeklipbaai begin oefen het vir die Tankwa Camino,” vertel Elize. Sy en Ina het saam met hulle vennoot, die toergids Dudley Wessels, aan die roete begin beplan. “Ons het Namakwaland wes van die N7 platgery en -gestap om die omvattendste rondomtalieroete uit te werk.” Die resultaat is die Namaqua Camino – ’n 240 km lange staptog wat in Hondeklipbaai begin en eindig. Stappers kamp elke aand op ’n ander plek: by die plaas Naries, Baievei, Soutfontein, Eagle’s Nest, Bucks Camp, Wallekraal, Bethelsklip, en twee aande langs die…

Die asuurblou water bedek roerloos die koraalriwwe. Op die spierwit sand dut kokosneute onder enorme palmbome. Doer ver, daar waar die lyn tussen blou see en blou lug verdwyn, pof wolke op soos wattebolletjies vir ’n donderstorm wat dalk – of dalk nie – gaan opsteek. G’n wonder die Portugese het die eiland – halfpad tussen die dorp Inhassoro aan die Mosambiekse kus en Bazaruto-eiland – “Paradyseiland” genoem en in die jare vyftig ’n luukse hotel gebou nie. Deesdae heet dit die Santa Carolinaeiland. Die sanger Bob Dylan het glo een aand teen skemer met ’n glas rum in die hand in die hotel se balsaal by ’n vleuelklavier gesit, oor die Indiese Oseaan getuur en sy trefferliedjie “Mozambique” geskryf: I like to spend some time in Mozambique The sunny…

LESER VERTEL PHILIP VENTER Tuisdorp Secunda Beroep Programbestuurder by Glencore Coal Vriende van ons, Gert en Renate Heese, boer naby die Augrabieswaterval- nasionale park. In Desember 2016 verdrink een van hulle werkers, Freddy Soda, van Malawi in ’n fratsongeluk in die Oranjerivier. Dit was in oestyd en hulle kon ongelukkig nie sy begrafnis in Malawi bywoon nie. ’n Paar maande later stem ons in om saam met hulle Freddy se ouers en graf te besoek, en ook ’n paar lande aan te doen. Die plan was om met ons Audi Q5 3.0 TDI en ’n gehuurde boswoonwa vir drie weke te ry deur Etosha, die Caprivi, Zambië, Malawi en Botswana – altesame sowat 11 500 km! Op 6 Mei gooi ons diesel in op Upington én maak vier jerrykanne vol.…

Mercedes-Benz, Toyota, BMW, Volvo en Mazda het vanjaar op die verhoog gedraai by Cars.co.za  se Verbruikerstoekennings vir 2017-’18, maar dit was Suzuki wat die sjampanjeprop kon skiet. Suzuki het nie net sy titel as Handelsmerk van die Jaar verdedig nie, maar ook weggestap met die louere in die kategorieë Sakpasvoertuig (“budget car”) en Kompakte Gesinsmotor van die Jaar. Cars.co.za  se Verbruikerstoekennings, wat deur WesBank geborg word, is by ’n glansryke geleentheid by die Galleria-konferensiesentrum, Sandton, oorhandig. Die radiopersoonlikheid Anele Mdoda was die sjarmante gasvrou. Haar mede-aanbieder was Art, ’n bekkige rekenaar wat die benoemings en die wenners in elke kategorie aangekondig het. Art was ’n gepaste herinnering aan hoe innoverend die motorbedryf geraak het. By dié toekenningsaand het 20 motorvervaardigers en 39 modelle dit in 13 kategorieë uitgespook.…

TOERINLIGTING Wanneer? 22-30 November 2018 Hoe lank is die toer? 9 dae, 8 nagte Vertrekpunt Ulundi, KwaZulu-Natal Eindpunt Ithala-wildreservaat Blyplek Formele verblyf Hoeveel kos dit? R18 450 p.p. Enkelpersone betaal 30% ekstra. WAT MOET EK BRING? • jouself en jou gesin • ’n 4x4 met goeie grondvryhoogte (jy betaal self die petrol) • drankies en versnaperinge • kampstoele DIE TOERPRYS SLUIT IN • ’n toerleier en ervare veldgids • drie etes per dag • alle verblyf in chalets of gastehuise • alle parktariewe • tweerigtingradio’s REISPLAN-HOOGTEPUNTE Dag 1 Ons ontmoet in Ulundi en maak ’n draai by die Ulundi-slagveld. Ná ’n piekniekmiddagete mik ons vir die hartjie van die Zoeloe-koninkryk. Ons roete vat ons van teer- na grondpad voor ons die iMfoloziwildreservaat binnegaan. Dag 2 Danksy ’n proefprojek kan ons ’n 4x4-roete ry wat nog nie oop is vir…

PERDEKOPSTAPROETE, MONT ROCHELLE-NATUURRESERVAAT Die Perdekoproete in Franschhoek se Mont Rochelle-natuurreservaat moet een van die beste bergstaproetes in die land wees – dis goed gemerk met heelwat ontsnaproetes. Dis ’n sirkelroete wat ’n mens in enige rigting kan stap, hoewel ek verkies om dit kloksgewys te doen: Só is die klim boontoe meer geleidelik en jy eindig met ’n verfrissende plons in ’n rivierpoel. Dit beteken wel ook ’n lang, steil afdraande: As jy slegte knieë het, is antikloksgewys dalk ’n beter opsie. Die grondpad maak net anderkant die toegangshek ’n vurk, met ’n bordjie wat wys dat Perdekoppiek na regs is. Ignoreer dié teken (tensy jy anti-kloksgewys wil loop) en hou reguitaan. Ná sowat 450 m eindig die grondpad en begin die klimwerk, aanvanklik teen ’n reeks trappe en sigsagpatrone.…

Ondanks die feit dat ek my besoek aan die Kruger maande vooraf beplan het, het my vriende wat veronderstel was om saam te kom, op die nippertjie onttrek. Ek was dus alleen, maar min gepla. In die laaste paar jaar probeer ek om die Kruger minstens een keer per jaar te besoek. Die Kruger is anders as KwaZulu-Natal se grootwildparke wat ek as kind meer besoek het. In die Kruger kan ’n mens diere in groter konsentrasies sien. Jy is byna gewaarborg van minstens een goeie wildkykgeleentheid waar jy dramatiese foto’s kan neem. VROEG UIT DIE VERE Op die oggend van 6 November 2017 was ek vroeg op en teen 4.30vm. by die hek uit. Ek het van Onder-Sabie na Skukuza al met die H4-1-roete langs gery. Hierdie pad bied…