Innholdsfortegnelse for August 2016 i Weg!

Baddafordpadstal, Fort Beaufort, Oos-Kaap Die Katriviervallei is bekend vir sy geurige sitrusreuke en ook die Robertsstamnaam. Die eerste Roberts het in 1820 aan wal gestap as deel van die Britse setlaars en van sy afstammelinge het hulle in 1903 op die plaas Baddaford tuisgemaak. By die plaasstal se deur staan kratte vol lemoene, nartjies, pomelo’s en suurlemoene. Van Mei tot September sal jy ook avokado’s en pekanneute hier kry. Die eetkamer is heerlik koel, maar dis buite op die stoep met sy rietdak waar jy die lekkerste kuier. Hier is ’n gerusstellende bekendheid aan die plek – so asof jy kuier by ’n tante wat jy jare laas gesien het. Lê weg aan tuisgemaakte pasteie en souttertjies (almal R20) of ’n hamburger (R38) en vra uit oor die akteur Ian…

TOERINLIGTING Datums 10-16 Maart 2017 Hoe lank is die toer? 7 dae, 6 nagte. Van waar vertrek die toer? Rhodes, Oos-Kaap. Eindpunt Lusikisiki, Oos-Kaap. Waar slaap ons? Beach-lodgeen-gastehuis. Koste R9 950 p.p. (30% ekstra vir enkelbesprekings) DIE TOERPRYS SLUIT IN • ’n Toerleier en veldgids • Alle verblyf • Alle parktariewe • Drie heerlike etes per dag • Beddegoed en handdoeke • Tweerigtingradio’s WAARVOOR SORG EK? • ’n 4x4 • Brandstof • Drankies en snoepgoed • Persoonlike toerusting DIE TOER IN ’N NEUTEDOP Dag 1 Ons kry mekaar laatmiddag by die Walkerbouts Inn op Rhodes. Dag 2 Ons verken die valleie in die omgewing en ry ook verby die Tiffindell-skioord. Dag 3 Ons mik na die Wildekus, en gebruik agterpaaie om Mthatha se besige verkeer te systap. Ons bly die volgende twee nagte in die Ocean View-hotel op Koffiebaai.…

‘Ek het so lank geglo dat ons twee saam sou doodgaan. Dat hulle haar parte sou verkoop wanneer mý parte ingee.’ Lastige trane loop verleë wanneer ’n vreemdeling in my ou BMW 320i van 26 jaar klim. Die uitlaatpyp brul wanneer hy haar aanskakel en agteruit ry. Hulle talm vir ’n oomblik by die stopstraat. Sy bewe, want haar enjin is moeg en die vonkproppe vol oliespatsels. Die briekligte verdof. In wasige wit verdwyn sy om die hoek. Sy kom nie weer terug nie. Sal nooit weer in die motorhuis slaap nie. Ek het haar verkoop. Sy was mooi in haar jare. Ek en sy het ver gery. Gelyk paaie, opdraandes, afdraandes. Van Pretoria na Kaapstad. Sonder sweet, want die lugreëling het nog gewerk. Van Pretoria na Bloemfontein. Met musiek,…

Ons is op soek na wildlewe, landskappe, insekte, voëls, portrette... Absoluut enigiets wat jy afneem terwyl julle op vakansie is by die see, in die bos of in die berg. Foto’s van jou budgie of boetie wat die kat se stert trek, is egter nie interessant genoeg nie. Ons kies elke dag die beste foto en plaas dit op ons webwerf. Aan die einde van die kompetisie kies ons ’n algehele wenner, ’n naaswenner en ons lesers stem ook vir hulle gunsteling-foto. Die heel beste foto’s word natuurlik op Facebook en Twitter gedeel. Dié kompetisie vir deelnemers jonger as 18 begin op 20 Julie 2016 en duur drie maande. Die algehele wenner wen ’n gesinsvakansie vir vier aan die KwaZulu-Natalse Suidkus ( www.tourism south coast.co.za) ter waarde van R30 000…

Wag, ek’s deurmekaar… Oukei, kom ons begin by die begin. Kry ’n hoop droë stokkies bymekaar. As jou takkies nie droog genoeg is nie, kan jy ’n vuuraansteker gebruik, sê die vervaardiger. Druk ná sowat 10 sekondes die aan-knoppie om die waaier aan te skakel. Nou is jy reg om kos te maak. Onthou net om elke nou en dan nog takkies by te voeg en beheer die temperatuur deur die waaier vinniger of stadiger te stel. Die energie wat die vuur opwek, laai ’n battery vir jou selfoon, GoPro of ander USB-toestel. Solank jy die stofie elke ses maande gebruik, hoef jy dié battery net een keer te laai voor jy dit die heel eerste keer gebruik. Hoekom het ek een nodig? Dis ’n lekker stofie vir minimalistiese stappers…

KAROOPASSE EN -POORTE Ervaar albei kante van die Swartbergpas – die golwende heuwels van die Klein-Karoo en die vlaktes van die Groot-Karoo – én die Tuinroete se Montagupas. TOERBESONDERHEDE Datums 11-15 Augustus 2016; 1-5 September 2016; 15-19 November 2016 Hoe lank is die toer? 5 dae; 4 nagte Gemiddelde daaglikse afstand 30 km-50 km Vertrek vanaf Queens Hotel, Oudtshoorn Blyplek Hotelle, gastehuise en ’n spesiale Dryland-kampterrein Koste R7 950 per volwassene; R3 975 vir kinders jonger as 12 (30% bykomend vir enkelbesprekings). REISPLAN Dag 1 Die toer begin by die Queens Hotel op Oudtshoorn. Van daar word die groep vervoer na die Chandelier Game Lodge vir ’n rit om bene los te maak en die fietse te toets. Dan is dit terug hotel toe vir aandete. Dag 2 Ná ontbyt…

Twee Franse toeriste in Franschhoek se toerismekantoor vererg hulle amper omdat niemand met hulle kan Frans praat nie. Voor ek my kom kry, sê ek verontwaardig: “Dis immers Suid-Afrika!” Maar ná ’n paar uur op die dorp besef ek ek kan hulle nie juis kwalik neem nie. Straatlangs staan oral tafeltjies met spyskaarte. Daar is Franse naambordjies net waar jy kyk: Café des Arts, La Laundry, Le Ballon Rouge... En ’n wynroete wat kan saampraat met dié in Europa. Meer mense met euro’s as rande in hulle beursie... Ja-nee, in hierdie “Franse hoekie” van die Kaap voel jy self later lus om ’n baret op jou kop te plak en met ’n baguette onder die arm ’n paar ouis rond te gooi. Die koste van verblyf en etes op Franschhoek…

As jy nog nooit in Namibië was nie, is hierdie tien dae lange plan vir jou. Dis ’n puik bekendstelling tot die suide van die land en sluit al die hoogtepunte in: die Visriviercanyon, Aus se wilde perde, Ai-Ais se warmbronne... Kry jou paspoort en jou knipmes (vir biltong!) en trek weg. En al was jy reeds in Namibië, is dit tyd om weer in die suide te gaan draai, in Suid-Afrika se “tiende provinsie”. Die suide is die deel van die land met die ylste bevolking en was lank ’n afgeskeepte kol op die toeristekaart. Maar dis hier waar die Visrivier oor miljoene jare heen die naasgrootste canyon ter wêreld deur die landskap gekerf het, die spookhuise van Kolmanskop moedig op ’n heuwel waghou, die Namas ’n (nou verlore)…

LESER VERTEL HERMAN ENGELBRECHT Tuisdorp Brackenfell, Kaapstad Beroep Paneelklopper My ouma Sannie Conradie het een middag, terwyl ek by haar kuier in Huis Ravenzicht, Kraaifontein, terloops genoem dat sy uit die Moordenaarskaroo kom. Ek het gevra hoe sy haar nek seergemaak het, want sy kla heeltyd oor ’n pyn. Sy het vertel die pyn kom al uit haar jongdae, ná ’n ongeluk met ’n donkiekar. Haar oudste broer het hulle by die skool kom haal vir die vakansie. Hy was haastig terug huis toe en wou nie stop by die donkies se gewone uitspanplek nie. Die steeks donkies wou nie hoor nie en haar broer het beheer verloor. Die donkiekar het in ’n sloot omgeval. “Waar het Ouma-hulle dan gebly?” “Die Moordenaarskaroo, my kind. Spitskop en Knoffelkloof.” En my lewe…

GERRIT BREYL Canon 350D Sigma 170-500 mm-lens GERRIT VERTEL: Ons was op die S39-pad langs die Timbavatirivier in die Krugerwildtuin en gelukkig om dié luiperd in een van die groot jakkalsbessiebome op die rivieroewer te sien. Die dier was rustig en het my toegelaat om vir ’n paar minute ’n reeks foto’s te neem voordat hy afgeklim en in die rivierbedding verdwyn het. TOAST SÊ: Kyk, ek het ook al stadig met die S39 langs die Timbavatirivier gery en elke liewe boom wat lyk asof ’n luiperd graag daarin sou wou lê, deeglik deurgekyk. Maar niks. Luiperd se kind laat homself nie sommer vir kleingeld sien nie. Jy moet wérk vir ’n luiperdfoto soos Gerrit s’n, en dan boonop ’n klein bietjie geluk ook hê. Elke Weg-leser wat lief is…

KLEIN PELLA, POFADDER Die Klein Pella-gasteplaas lê soos die kraai vlieg presies halfpad tussen die myndorpie Aggeneys en die Onseepkans-grenspos in die Noord-Kaap. Ja, dis ’n hoekie van die land waar blyplek nou nie soos hare op ’n hond staan nie – gelukkig is Klein Pella ’n moderne oase. Met 180 km 2  onder dadelpalms lyk dié plaas in die woestynagtige Benede-Oranjeriviergebied soos ’n Bybelse uitspanplek. Maar hier is ’n swembad en lugreëling – net die ding waarna ’n mens smag aan die einde van ’n lang dag op die pad. Wat kan ek hier doen? Besoekers mag die dadelplantasies te voet verken. Vra die werkers gedurende pluktyd (Maart tot Oktober) om jou in ’n plukmandjie tot bo in die boomtoppe en selfs hoër te hys – om sélf…

Otter’s Bend Lodge Dié bekostigbare backpackers-lodge is net ’n kilometer van die dorpsentrum af. Hier is ’n paar kampplekke en drie slaapsale (met altesame 7 beddens) – twee met ’n gemeenskaplike badkamer en een met sy eie. Of bly in een van die vyf en suite-dubbelkamers wat oopmaak op ’n gemeenskaplike houtdek. Die gemeenskaplike kombuis en kuierdeel is goed toegerus en gesellig. Die lodge lê aan die oewer van die Franschhoekrivier in ’n boomryke en rustige omgewing, maar die dubbelkamers is na aan mekaar – ligte slapers moet dalk verby hou! Hier’s ook ’n en suitegesinskamer met slaapplek vir 4 (’n dubbelbed en twee stapelbeddens) en ’n kombuishoekie. Waar? Dassenbergweg Koste R175 p.p.p.n. in die backpackers; R200 per kampplek (vir ’n tweemantent; R550 p.n. per dubbelkamer; R800 p.n. vir die…

Dié vis het nege lewens Ek het dié witborsduikers in die Krugerwildtuin dopgehou. Een het vis gejag in die water en was gelukkig om ’n groot kurper vas te trek. Hy kon nie die vis in die water gesluk kry nie, en het toe met die vis in sy bek uitgekom oewer toe. Hy is dadelik lastig geval deur die ander duiker wat sy vangs by hom probeer afvat het. Tydens die geveg beland die kurper toe weer in die water. Jy kon byna die verslaentheid op die duikers se gesigte sien. ZIES VAN ZYL, Vanderbijlpark Meiringspoort bly maar mooi Ons het onlangs ná vele jare weer deur Meiringspoort naby Oudtshoorn gery. Jy ry oor talle laagwaterbruggies met mooi name soos Spookdrif, Ontploffingsdrif, Witperddrif, Laaste drif... Die 60 m hoë…

Botswana is beslis nie bekend vir sy bergagtige landskappe nie. Trouens, die Okavangorivier daal oor honderde kilometer net enkele meter totdat dit uiteindelik onseremonieel in die Kalaharisand wegsypel. Die Makgadikgadipan in die noordooste van die land is ook ’n plat en afgeleë plek. Maar onder die skynbaar eentonige landskap het een van die vasteland se mees dramatiese geologiese gebeure eeue gelede afgespeel. Dit het alles begin by die Groot-Rifvallei. Maar dis dan in Oos-Afrika, sê jy. Die rifvallei is basies een tektoniese plaat, die Somali-plaat, wat wegbeweeg van die groter Nubiese plaat en ’n yslike skeur in die aardkors vorm. Dink daaraan as ’n porseleinbord wat kraak met kleiner kantkrakies wat vertak van die hoofkraak af. Dis dieselfde in die rifvallei en dis hierdie kleiner sykrake wat amok gemaak het…

4-6 Augustus !Naba-kos-en-wynfees  !Naba is die Nama-naam vir ’n eetbare “Kalahari-truffel” wat in die Kalahariwoestyn groei. Dié fees wil van die beste kos en wyn van die Groen-Kalahari ten toon stel. Kom na kosdemonstrasies, proe wyn, neem deel aan ’n braaikompetisie of word rustig in die sigaaren-whisky-sitkamer. Waar? Upington-skouterrein Tyd Vrydag 12 nm.-8 nm.; Saterdag 10 vm.-7 nm. Koste Volwassenes: R120 p.p. Dit sluit ’n proeglas en proekoepons in. Kinders tussen 7 en 16: R60 p.p. Gratis vir voorskoolse kinders. Kaartjies Aanlyn by webtickets.co.za Meer inligting 082 410 7669; nabafoodandwine.co.za 6 Augustus Thabazimbi-apiesdoringkarnaval  Dié kerkbasaar van die Hervormde kerk Thabazimbi glo nie in dinge op kleinskaal doen nie. Meer as 60 bees- en 80 wildskarkasse se vleis word verwerk. Van die gewildste disse is pap en…

Op 29 – lank voordat hy bekend was as skrywer en digter – het Uys Krige en ’n paar vriende die Maluti- en Drakensberg verken. In die groep was drie kunstenaars wat, nes Uys, later bekend sou word: Walter Battiss, Terence McCaw en Uys se broer, François. Die eerste deel van hulle reis is opgeteken in ’n reeks stories in Die Brandwag-tydskrif. Die uitbreek van die Tweede Wêreldoorlog het egter ’n stokkie voor die projek gesteek. Eers in 1990 – drie jaar ná Uys se dood – het die skrywer Hennie Aucamp al die artikels versamel en gepubliseer as ’n reisverhaal, Na die Maluti’s. Uys en François Krige was my ooms, en hulle avonture het my verbeelding van kleins af aangegryp. Ek móés eenvoudig in hulle voetspore volg en die…

Maak 2017 die jaar van nuwe plekke. Prop die kinders in die motor, stof jou paddavoete af, pak jou verkyker in en laai jou kamerabatterye. En val dan in die pad saam met Mpafa Travel vir die reis van ’n leeftyd. Kamp saam onder die sterre, roei met ’n mokoro in die Okavangodelta, groet ’n karetskilpad, voel die sproei van die Victoriawaterval op jou gesig en nog vele meer... TRANS-BOTSWANA R22 450 • 19-29 April 2017 • 28 Junie-8 Julie 2017 • 6-16 Augustus 2017 • 15-25 September 2017 RICHTERSVELD, SUIDELIKE NAMIBIË R19 650 • 12-21 Augustus 2017 RENOSTERS, RIWWE EN SEESKILPAAIE R17 550 • 1-9 Desember 2017 DRAKENSBERG TOT STRANDE (WILDEKUS) R9 950 • 10-16 Maart 2017 TUINROETE, BAVIAANS TOT ADDO R12 595 • 5-11 Februarie 2017 DIE TOERE IS GEWILD – BESPREEK DUS GOU! 044 535…

BMW X1 Ek kry die indruk BMW begryp sommige van ons se voorliefde vir ’n lekker stukkie grondpad glad nie. Anders as met sy GS-motorfietse is BMW se X-modelle nie juis geskik vir ’n besoek aan die agterpaaie van die Karoo of die Kammanassieberg nie – ondanks die voorneme om veelterrein-voertuie te wees. Ons het die grondpaaie tussen Knysna en Mosselbaai met die nuwe X1 verken. My toetsvoertuig was ’n xDrive25i met sogenaamde intelligente vierwielaandrywing. Die X1 se vastrapbeheer het ’n dapper stryd teen die sinkplaatpaaie gevoer, maar die harde vering en 19 duim-wiele met runflat- bande het daarvan ’n onbegonne taak gemaak. Die 2 liter-petrolenjin is gewillig, maar om vet te gee op ’n grondpad is moeilikheid soek, en dit was eers toe ons by die R328 aansluit dat…

1 Rietfontein-natuurreservaat As jy met Witkoppenweg in ’n oostelike rigting ry tot by Fourways, verby die woonbuurt Paulshof, verrys ’n koppie bo die see van huise en kantoorgeboue. Die grond rondom dié koppie is die Rietfontein-natuurreservaat van 24 ha – en die park is verrassend wild! Die Vriende van Rietfontein hou indringerplante onder beheer sodat inheemse plante soos proteas, deurmekaarbos, olienhout- en bloughwarriebome en veldgras kan floreer. ’n Goed versorgde 3 km lange paadjie kronkel op en om die einste heuwel. Moenie skrik as jy een van die inwonende blesbokke raakloop of as jou pad met dié van ’n dassie kruis nie. Hier is mooi uitsigte van bo af – van Sandton hier naby en die Magaliesberg in die verte, met ’n hele skare bome tussenin! As jy wil weet…