Innholdsfortegnelse for July 2016 i Weg!

My gesin haat dit om saam met my supermark toe te gaan. Ons is skaars verby die trollies of ek mik vir die tydskrifrak waar ek vir die volgende vyf minute die tydskrifte herrangskik. En ek is nie sommer ’n hierjy rakpakker nie. Ek is gefokus: Net Weg en sy sustertydskrifte kry aandag. Ek maak seker elkeen van “ons” tydskrifte vertoon netjies en sigbaar. As ek tevrede is, staan ek eenkant om ongesiens dop te hou hoe mense tydskrifte optel en deurblaai. Elke Weg wat in ’n mandjie gesit word, is ’n oorwinning in die kleine. Elkeen wat op die rak teruggesit word, is ’n dolk in die hart met ’n sielswroeging oor wat ons verkeerd gedoen het om verwerp te word – marknavorsing op sy persoonlikste (en pynlikste) vlak.…

Jock 101 mag dalk soos ’n kursus klink, maar dit is die eerste van meer as 50 koördinate wat op my GPS gelaai is. Dit is halfvier op ’n Saterdagoggend in Februarie. Ek en Marius Bakkes, medestigter van Mpumalanga Erfenis en ’n ervare mediaman by die plaaslike Laeveld Media-groep, stop in sy Land Rover by Jock 101, die Crossings-winkelsentrum in Nelspruit. Drie ander voertuie flits hulle kopligte in die donker. Ons is gereed om te vertrek na Jock 102, die SuperSpar op Lydenburg, waar die res van die konvooi wag. Oor die volgende drie dae volg ek saam met lede van Mpumalanga Erfenis – basies ’n groep gawe geskiedenis-nerds – die Ou Wapad-roete van meer as 300km tussen Lydenburg en Delagoabaai (vandag se Maputo). Die parkeerterrein is besig; hier is…

Innes Linder het op Moorreesburg grootgeword en van jongs af na die Darling-veldblomskou gegaan. Hy is die voorsitter van die Darling-veldblomvereniging. Waar is die beste blomkykkolle? Hier’s verskeie puik reservate: Renosterveld, Groenekloof, Tienie Versfeld, Waylands, Contreberg en die Duckitt-orgideekwekery op die Oude Post-plaas. Of parkeer by die Yzerfonteinhawe en stap die Skaapeilandwandelpaadjie – die paadjie van sowat ’n kilometer begin by die hawe en eindig by Skaapeiland. Die beste tyd? Tussen einde Augustus en begin Oktober, afhangend van die weer. Wat is ’n lekker dagplan? Begin op Mamre en ry met die R307 na Darling. Verken dan die reservate rondom Darling en klim op die R315 na Yzerfontein. En as ek vir ’n naweek kom? Hier’s hope doendinge in en om die dorp. Besoek die Groote Postwynlandgoed – proe wyn…

Mandie Kotzé (hier met haar seun Henre) het in blomme begin belang stel toe sy ’n gastehuis op hulle plaas, Grasberg, begin het. Sy is met ’n blomboek en ’n kamera veld-in en het haarself geleer. Waar is die beste blomkykkol? Die Hantam- botaniese tuin ( 027 218 1200). Hier sien jy plate van derduisende rooikatsterte (Bulbinella latifolia) met harlekynblomme (Hesperantha vaginata) tussenin. Waarlangs móét besoekers ry? Aan die begin van die seisoen staan die Rondekop-Naresie-roete oos van die dorp vol vetplante en jaarblomme. Ná goeie reën is die kokerboomwoud (langs die R357 na Loeriesfontein) prentjiemooi – vat koffie saam en wag vir die sonsopkoms. Waar is ek blomme gewaarborg? Die Trekpad-sirkelroete, die Nieuwoudtville-veldblomreservaat en Groenrivierplaas is net ’n klipgooi buite die dorp. (Laasge-noemde het ook mooi murasies om af…

Geskroeide varkboud met mojito-marinade Vir 6 Voorbereityd 15 minute plus marineertyd Gaarmaaktyd 2 uur As jy ’n snit van ’n varkboud (met die been) só braai, is die buitekant bros, maar die binnekant bly sag. Jy benodig Só maak jy 1 Plaas die varkboud met die olyfolie die aand voor die tyd in ’n groot verseëlbare plastieksak (Ziploc). Pols die res van die bestanddele met ’n voedselverwerker tot grof (of kap net alles baie fyn). Hou 3 eetlepels van die mengsel eenkant om voor te sit en voeg die res by die vleis in die sak. Laat oornag in die yskas marineer. 2 Kry ’n hopie warm kole gereed. ’n Ketelbraai is ideaal, maar jy kan dit ook oor…

1 VRIES IN VOLGORDE Pak jou vrieskas in die volgorde waarin jy die kos gaan eet. As dit moontlik is, maak die vrieskas net een keer per dag oop om iets uit te haal. Hoe korter die deksel oop is, hoe minder krag verbruik dit. 2 ONTDOOI MOOI Ontdooi jou vleis deur dit die aand voor die tyd in jou yskas se vrieskompartement te plaas. Dit hou die yskas koud en spaar batterykrag. 3 MANDJIE VIR MANDJIE Mandjies in jou vrieskas/yskas verbeter die lugsirkulasie en hou die temperatuur konstant. Dit voorkom ook vriesbrandmerke waar jou kos aan die vrieskaswand raak. 4 KNIP HOM TOE Gebruik jou yskas/vrieskas se knippe om dit dig te sluit. Dit hou die hitte buite en beskerm die seëls. 5 LUGDIG As jy jou kos in…

TSITSA-WATERVAL, MACLEAR Die Oos-Kaap se Tsitsarivier is een van dié provinsie se besbewaarde geheime – en boonop bokspring hierdie wilde rivier twéé keer met mooi watervalle voordat dit by die see inspoel. Die onderste Tsitsa-waterval (sien Weg #114) is wel groter, maar hier’s nie goeie oornagplek naby nie. Die boonste Tsitsa-waterval (oorkantste blad) is ’n ander storie. Hier kan jy by Tsitsa Falls Backpackers inklok – hier’s ’n rondawel, kamers en kampplek. Dis niks luuks nie, maar beddegoed word verskaf en die plek het ’n huislike gevoel. Die uitsig sal jou lánk wil laat sit met ’n koppie oggendkoffie. Adriaan en Angela Badenhorst het die plekkie 12 jaar gelede oopgemaak nadat hulle – albei kajakentoesiaste – hier verbygeroei het met vriende, die ou plaasopstal teen die bult gewaar en oombliklik…

Mikey Goldthorp (27) bou roetes vir rotsklimgimnasiums in die Verenigde Koninkryk. Hy is gaande oor Suid-Afrika se rotsklimkolle. “Rotsklim het soveel aspekte dat dit bykans onmoontlik is om een uit te sonder. “Eerstens is dit ’n fisieke uitdaging. ’n Mens voel lig, sterk en beweeglik, byna aapagtig. En dis ’n geestelike een: Eers sukkel jy met vrees en onsekerhede en dan fokus jy op die situasie en neem beheer van die uitdaging. En dis sosiaal: Die gedeelde ervaring tussen klimmers en die uitruil van stories oor ’n bier later die middag is vet pret. “Die gehalte van die rotswande in Suid-Afrika is puik. Dis asof Moeder Natuur die rotse ontwerp het vir klim! En die landskappe is asemrowend – of jy nou hoog in die berge of bo ’n stad…

Van ’n perd se rug af “Het jy al vir Steve Black ontmoet?” “O, jy weet seker van Steve Black...” Só hoor ek vooraf reeds by almal van Steve Black, die eienaar van Khotso Horse Trails. Selfs op pad na Underberg, nog in Matatiele wes hiervandaan, is ek aangeraai om Steve te ontmoet. Wel, ek het toe nooit vir Steve ontmoet nie. Hy’s toevallig in Durban tydens my besoek – snaaks genoeg het hy Durban toe gery... Ja, hy het blykbaar al van Underberg af kus toe gedraf! Steve, soos ek verstaan, is ’n man wat hou van hardloop, verkieslik oor berge en vir 100 km op ’n slag. Uithouatleet, bergman, ruiter van formaat – dís Steve Black. Ek ontmoet wel vir Phil Flanagan, een van die mense wat Steve…

Jen Ortlepp “Die natuurskoon hier rond laat jou elke dag met ’n goeie gemoed begin. Ek staan altyd vroeg op en gaan stap. Dis ’n plaasgemeenskap en die mense span saam wanneer dit moet. Dit maak ’n groot verskil aan jou lewenstandaard wanneer jy met ’n kaliber mense woon wat vir mekaar omgee.” Alyson Price More “Ek is ’n ywerige ruiter en verkies om die Underbergdistrik van die rug van ’n perd af te geniet. Op sommige plase sien jy elande, blesbokke, rooiribbokke, duikers en voëls soos sekretarisvoëls en verskillende spesies kraanvoëls.” Oop Slegs per vooraf bespreking. Kontak 083 645 2026 (Carrin); malachitemanor.co.za TRENDY BEAN LIFESTYLE CLOTHING CAFÉ  Hierdie plek se naam sê wat als hier gebeur. Die een helfte van die winkel verkoop klere en die ander…

Sophia van Taak is onlangs deur die ATKV met ’n Mediaveertjie bekroon. En dit nogal in die kategorie Beste Sportartikel vir haar artikel “Vanaand gaan die poppe dans!” wat verskyn het in Weg se Namibië-gids 2015. Dié verhaal speel af langs ’n resiesbaan buite Walvisbaai, en soos dit vir ons klink, was daar buiten motorsport beslis ook motorspórts! Van waar die belangstelling in motorsport? Ander mense se belangstellings boei my – of dit nou ketties kerf, koeksisters bak of motorsport is. Ek is glad nie ’n motorsportfoendi nie (ek het as pas gelisensieerde tiener een of twee keer of wat ’n onsuksesvolle handbrake turn probeer uitvoer) – maar my mond het dié aand langs die ovaalbaan behoorlik oopgehang. Ek is net daar op die paviljoen ingewy in die wêreld van…

Nuwe Tracks4Africa-kaart Keelvol vir verdwaal in Harare, of as jy jou dogter moet aflaai vir ’n playdate in ’n ander buurt? Tracks4Africa is sinoniem met ry in die boendoes, maar vaar nie te waffers in stede nie. Sy nuwe kaart, Traveller’s Africa 16.05, stel dié saak reg. Vir die eerste keer dek die databasis meer as 1 miljoen kilometer. ’n Groot gedeelte van die byna 160 000 km wat nuut bygevoeg is, is paaie in stede. Nou kan jy met gemak ook die pad vind na die naaste Woolies toe. Behalwe al die nuwe paaie is blyplekke, eetplekke, en doendinge bygewerk en die aantal vulstasies op die kaart het byna verdubbel. Die kaarte dek die hele vasteland, maar is die deeglikste in Suider- en Oos-Afrika. Onthou Die kaarte werk net…

Die meeste mense weet jy kan die sterre gebruik om rigting te bepaal. Maar sal jy regtig weet hoe as jou Hilux vasval in die Kaudom? En het jy geweet die sterre kan jou ook redelik akkuraat sê hoe laat dit is? Vir ons in die Suidelike Halfrond, is die Suiderkruis natuurlik baie nuttig hiervoor, veral hierdie tyd van die jaar wanneer die Suiderkruis vroegaand lekker hoog sit. Aan die begin van Julie sit die kruis net mooi regop sodra dit donker word. Dan het jy nie eens ’n metode nodig nie, want die kruis sit dan presies suid. Andersins moet jy die twee Wysersterre inspan om te help. Jy verleng die lang sy van die Suiderkruis. Dan maak jy ’n tweede “swaard” deur ’n middelloodlyn tussen die Wysersterre. Die…

Jacques Tredoux was vier jaar ’n veldgids by die Bushmans Kloof-wildernisreservaat. Hy neem tans kinders op natuurkampe in die Sederberg- en Gifberg-omgewing. Waar is die beste blomkykkol? Jy sien altyd iets moois in die Biedouwvallei, sowat 55 km oos van Clanwilliam. Wat is ’n lekker roete om te ry? Klim op die N7 tot by Clanwilliam – gaan draai by die Ramskopnatuurtuin ( 027 482 8018) en mik dan oor die Pakhuis- en Hoek se bergpas tot in die Biedouwvallei. Dié grondpad loop in die wintermaande dood teen die Doringrivier. Ry weer dieselfde pad terug. En as ek vir ’n naweek kom? Ry die bogenoemde roete op die eerste dag en ry dan die volgende oggend wes op die R364 Lambertsbaai toe. Hou kuslangs verby Elandsbaai, Velddrif, St. Helenabaai... ’n…

Attie Hough woon 25 jaar op Hondeklipbaai en bestuur die Honnehokke-oord. Verdwaalde blomkykers klop gereeld aan sy deur vir hulp. Waar is die beste blomkykkolle? Die Skilpaddeel van die Namakwanasionale park is altyd ’n goeie roep, asook die kusgedeelte tussen Hondeklipbaai en Groenriviermond in die park. Wat is lekker roetes om te ry? Ry van Springbok af (gaan draai eers by die Goegap-natuurreservaat) oor die Messelpad- en Wildeperdehoekpas. Draai ongeveer 10 km ná die pas links na Soebatsfontein en ry dan van daar af Hondeklipbaai toe – mik dan weer terug na die N7. Wat is ’n lekker dagplan? Ry die 5 km-sirkelroete deur Skilpad en mik dan vir die Goegap-reservaat by Springbok – dis ongeveer 70 km ver. Ouens met ’n 4x4 kan ná Skilpad aanry na die Spoegriviergrotte…

MESSE 1 ARS 210DXsnoeisaag ’n Paar jaar gelede het ek dié vousaag as ’n Krismisboks by my appelboer-oom gekry. Dit word vervaardig deur die Japannese handelsmerk ARS en het ’n stewige handvatsel en skerp chroombedekte lem, wat herinner aan Jaws se tande. Dis veral gewild in boorde en wingerde, maar jy kan dit ook gebruik om jou witpeer te snoei of struike oop te kap in die boendoes. Die 16 cm-mes gly deur ’n dik tak soos ’n wel, warm mes deur botter. Ongeveer R180 by Agrimark of aanlyn by pruningtools.co.za 2 CRKT Clark Fork-vissermansmes Of jy nou aas voorberei of jou dag se vangs vlek, ’n visserman kort ’n mes wat lank, dun en vlymskerp is. Dié een het ’n nuwe voumeganisme wat ek nog nie gesien…

Die Bergklub van Suid-Afrika bied gereeld landwyd soortgelyke uitstappies aan. Ervare klimmers gaan saam met al die toerusting om jou te wys hoe dinge werk. mcsa.co.za Of huur ’n privaatgids soos Ross Suter in Kaapstad ( highadventure.co.za ) of Gustav van Rensburg by Waterval-Boven in Mpumalanga ( rocrope.com ). Koste hang af van die aantal mense in die groep en hoe lank die uitstappie is. Jou plaaslike BKSA-kantoor kan ook ’n gids in jou omgewing aanbeveel. Nog ’n opsie op Tafelberg is om die klim oor te slaan en net die abseil te doen. Abseil Africa ( abseilafrica.co.za ) bedryf ’n roete na aan die een wat klimmers gebruik. Dit kos R795 p.p. en groot glimlagge is gewaarborg.…

Die onderstaande winkels is albei in die Clocktower Centre by die hoofaansluiting (van die Himevillepad en die R617) in die middel van die dorp. Die toerismekantoor is ook hier – klop aan vir kaarte, brosjures en hulp met blyplek soek. 033 701 1471 (Andile) David Berry, die eienaar van Walk-About, is ’n afgetrede skoenmaker en hou die plaaslike handelsnaam Redline (gemaak in Pietermaritzburg) hier aan. Redline maak puik vellies en stewels, van onder meer ngunivel. David verkoop ook versamelaarsteestelle en -eetgerei. Oop Ma.-Vr.: 9 vm.-4.30 nm.; Sa. tot 2 nm. en So. tot 1 nm. Kontak 083 788 7702 (David)   Alex Kiguru, die Keniaanse eienaar van Sani Curio & Craft Shop, verkoop égte Keniaanse kikois (R180), Masai-komberse (R380) en ook Basotho-komberse (R800). Oop Ma.-Vr.: 8 vm.-5 nm.; Sa.-So.: 8…

UMZIMKULU RIVER LODGE  Dis ’n bietjie verder uit die dorp uit, maar die moeite werd – dié lodge lê op die oewer van die Umzimkulu en is perfek vir gesinne. Hier is speelplek vir die kinders en jy kan met binnebande in die rivier af dryf. Hier is ook reënboogforel om te vang en ’n restaurant. Dagbesoekers is welkom teen R50 p.p. – wanneer jy by die restaurant eet, word die R50 van jou kosrekening afgetrek. Koste Selfsorg-eenheid vir 2 (vanaf R550-R820 p.n.), 4-5 mense (vanaf R825 p.n.), 10 mense (vanaf R1 600 p.n. vir Woodland Cottage) en 12 mense (vanaf R3 350 p.n. vir die Giant Cabin). Dis middelweeken buiteseisoentariewe. Waar? 22 km suidoos van Under-berg langs die Colefordpad. Kontak 076 237 9112 (Lynne/ Stephen); umzimkuluriverlodge.com CEDAR…

Jou doopname is Gert van Eeden. Waar kom Pienkes du Plessis vandaan? Die Hoër Volkskool, Potchefstroom, 1948. Ek staan daar met ’n sproetgesig en rooi hare. ’n Senior, ene Pik Botha, gee my een kyk en sê: “Jy’s Pienkpoeier!” Die naam het vasgesteek en mettertyd Pienkes geword. Hoe verskil jou nuwe boek van die voriges? Nie veel nie; daar’s net minder bloed en derms. Dit gaan meer oor die mense om die kampvuur as die gebeure in die veld. Wie behoort jou nuwe bundel te geniet? Die ma’s en susters geniet die boek glo net so baie soos die pa’s en oupas. “Nou weet ons ook wat so lekker vir mans is as julle in die jagveld slimstories om die kampvuur verkoop” sê hulle. Party mense is sensitief oor jag…

Pierre Nel is ’n senior afdelingsveldwagter in die Weskusnasionale park. Hy werk reeds 20 jaar in die park. Wat maak die park se blomme besonders? Die wêreldbekende Postbergdeel is uniek. Destyds het die boere hulle beeste hier laat wei. Nadat dit deel geword het van die park, het die park aanvanklik ál die wild hier gevestig. Hierdie grootskaalse oorbeweiding sorg vir plate blomme. Beste tyd? Die laaste twee weke in Augustus en die eerste week in September. Postberg is oop van 1 Augustus tot 30 September. Wat is ’n lekker roete om te ry? Volg enige van die netwerk paadjies in Postberg, hou stil bly Plankiesbaai en die uitkykpunt oor die Langebaanstrandmeer. Of, nóg beter, stap tussen die blomme langs die Steenbokroete (13,9 km). Oorweeg ook die tweedagroete (27,3 km)…

Mike Spies is die derde geslag wat die hotel (deesdae die Namaqua Lodge) op Vanrhynsdorp bedryf en lei ook blomtoere. Watter blomme is eie aan hierdie streek? Op die Knersvlakte is die sentkannetjie (Crassula columnaris, subspesie prolifera) een om op jou lysie af te merk. Wees ook op die uitkyk vir die spinnekopblom (Ferraria variabilis) wat slegs vir een dag blom. Ander uitsonderlike soorte wat jy moet afneem, is die boesmankers (Monsonia spinosa) en die kanniedood-aalwyn (Aloe variegata) – hulle blom gewoonlik eers in September in die Knersvlakte. Waar is die beste blomkykkolle? Die Urionskraalvallei oos van die dorp (hou reguit aan met Voortrekkerstraat) is gewoonlik ’n wenner, sowel as die Grootdrifplaas (25 km uit op die R27 na Nieuwoudtville). Die hek is nie altyd oop vir die publiek nie,…

Helga van der Merwe is ’n plantkundige by die Suid-Afrikaanse Omgewingswaarnemingsnetwerk (SAEON) se Ariede Node. Sy is ook die skrywer van die veldgids Wild Flowers of the Roggeveld and Tanqua. Waar is die beste blomkykkolle? Die R355-grondpad tussen Ceres en Calvinia en die Tankwa-Karoonasionale park het in goeie jare massas blomme. Sutherland is in die Roggeveldberg. Hierdie hoërliggende gebied ontvang jaarliks heelwat meer reën as die Tankwa en jy is gewoonlik meer verseker van blomme. Wat is ’n lekker roete om te ry? Ry ’n sirkelroete van Ceres af met die R355 en deur die Tankwa-Karoonasionale park. Ry op met die Gannagapas deur Middelpos en dan op die R345 na Sutherland. Draai vóór Sutherland af op die Bo-Visrivierpad en ry weer met die Oubergpas af tot in die Tankwa. Wat…

Hoewel Peter Chadwick wêreldwyd reis as ’n bewaringskonsultant en fotograaf, trek die strande en eilande van die Suid-Afrikaanse Weskus en die Suid-Kaap hom altyd weer soos ’n magneet terug. Dié wilde kuslyne en die voëls en diere wat hier hou, bied eindelose foto-potensiaal. Peter het al groot internasionale pryse gewen, waaronder die 2011 Gerald Durrell-toekenning vir bedreigde natuurlewe (deel van die Veolia Natuurlewefotograaf van die Jaar-kompetisie. Hierdie is sy derde fotoportefeulje in Weg. “ ’n Goeie bewarings- of natuurfotograaf kan die manier waarop ons dink en optree, positief beïnvloed ” sê hy. “Dit vertel ’n storie wat iemand hopelik laat stilstaan en die omgewing in ag neem.” Watergraf Kaap Agulhas, Wes-Kaap Die wrak van die Meisho Maru, ’n vistreiler wat in 1982 gesink het, lê net wes van Afrika se…

Varkboud met been is ’n uitstekende, waarde-vir-geld snit. Dit word ook soms sonder been in ’n oondvaste net verkoop, maar dan betaal jy soms meer per kilogram. Die snit wat algemeen as “Texan Steaks” in supermarkte en slaghuise verkoop word, is eintlik dik boudtjops wat net so oor die kole of in die pan gebraai kan word. Dis ’n meer bekostigbare snit as ander steaks. Dit is slim om die buitenste velletjie van ’n boudtjop te verwyder, of om kepies daarin te maak om te verhoed dat dit omkrul. Varkboud word dikwels ook in blokkies of roerbraai-repies gesny, wat dit ideaal maak vir nog meer geregte. VARKVLEISFEITE • Varksnitte kan gegeur met vleisspeserye, gerooster of gestowe of in die pan gebraai word. Snitte soos tjops en oondbraaistukke word vir tot…

Die wolke trek onder my oop en ek kan Kampsbaai doer onder sien – byna ’n vertikale kilometer laer. Hóékom het ek afgekyk, raas ek met myself. My maag én my kop draai behoorlik! Al wat my bo hou, is my groottoon in iemand anders se knap klimskoen, en ingewig in ’n kraak in ’n rotswand. Om boontoe te klim moet ek daai toon nóg dieper indruk en myself opstoot. Terselfdertyd moet ek my een hand los hou en strek vir ’n rotslysie ’n entjie hoër op teen die rots – ’n lysie wat glad nie lyk of dit die gewig van ’n volwasse man kan dra nie. Haal asem. In. Uit. In. Uit. Op een of ander manier laat my brein my toe om die beweging te doen en…

‘Ek en my man het van Johannesburg na Pinetown getrek, waar ons vyf jaar gewoon het. Maar toe kom ons Underberg toe, waar ons binne vyf maande meer vriende gemaak het as in die vyf jaar in Pinetown.” So gesels Marion Mulder, eienaar van die Tumble In, ’n gastehuis aan die rand van Underberg. Ek het pas my ontbytbord by wyse van spreke skoongelek. Teen die mure van die gesellige eetkamer hang geraamde landskapfoto’s: die Sanipas, en dan die Drakensberg, met en sonder sneeu. Marion gee my ’n albumpie om deur te blaai waarin sy kiekies bêre van swaar sneeuneerslae – soos dié van 1996 en 2001, toe die waaisneeu in haar tuin só dik was dat net haar kar se dak uitgesteek het. Voor ontbyt het ek die koppie…

Hier is drie toeroperateurs tussen Underberg en Himeville wat in begeleide dagtoere na Sanipas spesialiseer. Toere duur sewe tot agt uur en sluit in vervoer in ’n 4x4, asook versnaperinge (middagete vir jou eie beursie), ’n besoek aan die hoogste kroeg in Afrika en ’n Basothodorpie. Onthou jou paspoort. ROOF OF AFRICA  Waar? Op Himeville. Ander toere word ook aangebied; kyk op die webwerf. Pryse R720 p.p. vir die Sanipasdagtoer. Spesiale prys vir Suid-Afrikaners tot einde Julie: 50% afslag vir ’n gesin van 4. Kontak 073 696 6782; roofofafricatours.com SANI PASS TOURS  Waar? Hierdie maatskappy vat sedert 1955 al mense teen die pas uit. Jy kan ook gaan op meerdagtoere na Lesotho. Die kantoor is in die Trout Walk Centre, op regterhand soos jy van Underberg na Himeville…