Innholdsfortegnelse for March 2016 i Weg!

My ma is ’n goeie mens en ek’s baie lief vir haar, maar sy gaan groot skrik as sy hier lees oor hoe kwaad ek was die dag toe ek uitvind sy het my kosbaarste besittings – my versameling albasters en my army-stewels – weggegee sonder om my toestemming te vra. Die feit dat die goed jare nadat ek uitgetrek het, in ’n gangkas in haar huis gelê het sonder dat ek dit kom opeis het, het nie saak gemaak nie. Ek het elkeen van die honderde cat’s eyes, ghoene, beauts en smokeys wat in ’n bruin skooltassie gebêre was, op laerskool gedurende pouse van ander laaities gewen. Party aande sou ek my versameling uithaal, my hande tussen die albasters ingly, voel hoe hulle oor my vingers rol en dan…

SIT DIT AF! Die tiende wêreldwye Earth Hour word op Saterdag 19 Maart van 8.30 nm.-9.30 nm. gehou. Hierdie inisiatief deur die Wêreldnatuurfonds (WWF) is tans die grootste bewusmakingsveldtog vir klimaatsverandering ter wêreld. Al wat jy moet doen, is om die ligte in jou huis vir een uur af te skakel. Meer as 7 000 dorpe en stede in die wêreld neem ook deel deur die beligting van bekende bakens af te skakel. In 2015 is die ligte van meer as 1 200 bakens uitgedoof, waaronder die Sydney-operahuis in Australië, die Big Ben-klok in Londen, Engeland, en die Eiffeltoring in Parys, Frankryk. In Suid-Afrika is die ligte van onder meer die Nelson Mandela-brug in Johannesburg en Tafelberg in Kaapstad afgeskakel. (Kyk na ’n video oor verlede jaar se Earth Hour…

Verlede maand se soektog na die land se beste melktert het beslis van die allerbeste gebak opgelewer. Dit was glad nie ’n maklike taak om op ’n wenner te besluit nie – dié een se skilferkors was mooier, daardie een se vulsel was perfek gegeur, ’n ander se melktert het ’n heerlike bottersmaak gehad… Ná baie kopkrap het die melktertkenner Martjie Malan – naaswenner van die kykNETprogram Koekedoor 1 – die regmerkies agter elke bakster se naam getel en die uiteindelike wenner is Adri Visser van Somerset-Wes met haar ouma Hester Visser se familieresep! Dís wat Martjie oor Adri se melktert te sê het: “Dié tert gee ek volpunte! Dis veerlig en aromaties, met vanielje en amandel wat mekaar komplementeer eerder as oorheers. Die kors is lig, geurig en mooi…

Dee en Carey Hobson Grahamstad “Ons hou van die eenvoud van die plek. Dit voel asof tyd stilstaan en dis nie ’n geskrum soos in die Kruger nie. Ons hou van die Urikaruuswilderniskamp – dis goed geleë – jy kan die duine- of die Auobpad ry.” Deon Potgieter Mosselbaai “Ons het vir tien dae by Mata-Mata bespreek. Ons ry dan Namibië toe vir die dag. Ons het gemsbokfilette (R80) geëet by die Kalahari Lodge ( kalaharigame lodge.com.  na), net sowat 18 km van die grenspos af.” Manie en Rykie Bolton Pretoria “Nossob is ons gunstelingkamp. Dis stil en ’n mens sien meer. Jy hoor die leeus brul en hulle loop dikwels hier teen die draad af. Dis wilder as die wildtuin – dáár is te veel teerpaaie. En…

Gerrit en Tessa Breytenbach, Phalaborwa “Dis al ons sesde keer hier, en ons bly altyd vir ’n week. Die weer is lekker, die kinders kan hulle eie ding doen en ons kan vir sewe dae net op die strand relax voor ons gaan diepsee-hengel.” Wynand en Danelle Pretorius, Witrivier “Die Cabanas is goed ingerig vir gesinne en die diens is puik. Ons het nie een oomblik stilgesit nie; hier’s heeldag iets te doen. Dit was ons eerste Sun City-besoek saam met ons twee dogters, Marné en Leandri, en baba Wynand, maar beslis nie die laaste nie!”…

Tropiese garnale Vir 4 | Voorbereityd 20 minute Gaarmaaktyd 5 minute Hierdie happie sorg vir ’n indrukwekkende voorgereg wat jou gaste sommer so van die rooster af kan geniet. Komplementeer die soet, tropiese klapper- en pynappelgeure met ’n vars groen salsa. Jy benodig VIR DIE SALSA Só maak jy 1 Spoel die garnale deeglik af. Indien jy die bevrore soort gebruik, maak seker dat dit heeltemal ontdooi is. Behou die stert van die garnaal, maar verwyder die derm en knip die pote af. 2 Meng 5 eetlepels klappermelk met die knoffel, rissie, vis- en sojasous en die gerasperde lemmetjieskil. Giet die mengsel oor die garnale, bedek dit met kleefplastiek en hou dit in die yskas totdat jou kole reg is.…

EAZILAY-HANGMAT Colin Davison het aanvanklik net tradisionele hangmatte gemaak wat tussen twee bome, pale of mure hang. Dit was in 1996. Mettertyd het die idee vir ’n vrystaande hangmat by hom begin posvat. Daar was daai tyd hangmatstaanders op die mark, maar hulle was swaar, duur en lelik. Colin het begin werk aan ’n houtraam wat draagbaar, bekostigbaar én mooi was. Ná jare se aanpassings het die Eazilay die lig gesien. Die staander is gemaak van inheemse hardehout uit volhoubare plantasies, weeg 22 kg, is 2,35 m lank en pas deur ’n gewone grootte deur – binne vyf minute kan jy nou enige plek ’n hangmat staanmaak! Dis stewig en gemaklik: Ek het daarin geswaai, dit teen ’n steil helling opgestel en kon my gesin (een vrou, twee kinders) daarin…

Melktert is gróót – selfs op die internet. Gaan loer gerus op Nasionale Melktertdag se Facebook-blad; hier is derduisende mense wat gaande is oor melktert en kort-kort hulle resepte en foto’s oplaai. Buiten om op 27 Februarie melktert te bak en dit saam met jou mense te geniet is daar ook heelwat ander maniere hoe jy deel kan word van die grootste kosgier ooit: 1 Elke tertjie tel! Weg en go! se redaksionele personeel het verlede jaar meer as ’n duisend melkterte by kinderhuise, ouetehuise, hospitale en op straat uitgedeel. Heelwat van julle het ons voorbeeld gevolg en ook terte gebak en in die naam van medemenslikheid uitgedeel – mooi so! Vanjaar wil ons jou aanmoedig om selfs méér te doen: Wys vir die nasie hoeveel jy omgee deur melktert…

Stap ’n storm los Stapfeeste is groot nuus in ander plekke in die wêreld en nou kan Suid-Afrikaners saam gesels. Die land se eerste stapfees word oor Paasnaweek in die Tuinroete gehou en sluit meer as 50 staproetes in die omgewing in. “Om te stap is een van die beste maniere om die natuurskoon van die Tuinroete te waardeer en ontdek ” sê die stigter en organiseerder, Galeo Saintz. “Dis ideaal vir gesinne en almal wat lief is vir die buitelewe.” Hier is iets vir almal: wandelings op die strand; klimekspedisies tot op van die hoogste pieke in die omgewing, soos die Tsitsikammaberg se Formosapiek; en tradisionele staproetes deur die woud. Lus vir iets nuuts? Wat van ’n kostuumstap (met maskers!) teen sononder of Walking With Poetry met jou digbundel?…

Wat het dié uitdaging behels? Ek het in nege dae van Mosselbaai af tot by Boschendal naby Stellenbosch gereis (181 km gedraf, 365 km fietsgery en 35 km geroei). Ek het sover moontlik kuslangs probeer bly, maar privaatreservate en ander onbegaanbare dele het dit plek-plek onmoontlik gemaak. Hoekom wou jy so iets doen? Ek is mal oor veldlope, maar ek werk vir sowat sewe maande van die jaar op die diepsee as inspeksie-ingenieur in die oliebedryf. Ek kan dus nie vir wedlope inskryf nie en het besluit om my eie avontuur saam te stel. My vrou, Talita, het voorgestel ek betrek ’n liefdadigheidsorganisasie en van daar het die idee gegroei. Ons kon op die ou einde R20 000 insamel vir Tin Can Town, ’n dierebeskermingsorganisasie in Blikkiesdorp. Wat was die…

Beste tyd? Herfs is die gewildste tyd – dis koeler en die veld is nog groen ná die reëns. In die somer is dit vrekwarm, maar jy kry mooi donderweertonele. In die winter is dit droog en koud (tot -11 °C in die nag!) en in die lente droog en warm. Hoe bespreek ek? Jy kan net 11 maande vooruit bespreek – besprekings open op die eerste werksdag van die maand. Jy moet minstens ’n jaar vooruit bespreek as jy in die spitsseisoen wil kom en in spesifieke kampe wil bly. Waarmee ry ek? Die park beveel ’n voertuig met ’n goeie grondvryhoogte aan. Hier is wel toeriste wat met gewone sedans rondry. Onthou Hou Wet Wipes en toiletpapier in die mossienes. Water en witgoud is nie ’n gegewe by…

Greg Ewing beskryf homself as ’n branderplank-, reis- en avontuurfotograaf. Hy’s die voormalige fotoredakteur van die branderplanktydskrif ZigZag en gebruik sy kamera om te verken. “Plaaslike mense aanvaar dikwels dat ek ’n ryk Amerikaner is” vertel hy. “Ek sê dan vir hulle ek is net soveel Afrikaan as hulle: Ek én my ouers is hier gebore.” Greg is inderdaad ’n boorling van Oos-Londen en het later ’n groot deel van sy kinderjare in Kaapstad deurgebring. “Fotografie nie so romanties as wat mense dink nie” sê hy. “Jy moet hard werk en spaar vir jou toerusting. Maar aan die ander kant kon ek al na heelwat lande in Afrika reis. Ek kan nie genoeg van hierdie vasteland kry nie. Elke land en kultuur is dalk verskillend, maar alles voel verbonde aan…

Ná ’n somer van rooivleis oor die kole is dit tyd vir lekker visgeregte. Ek is mal oor vis en al meen ek mens kan maar rooiwyn saam met vis geniet, is my keuses vandeesmaand almal wit. Wyn wat by seekos pas, moenie deur te veel eikehout oorheers word nie. Die Fleur du Cap Bergkelder Selection Chardonnay 2015 (R58) was net vir vier maande in kontak met hout; daar is dus ’n lekker balans tussen die eikehout en die vrugte. Dis vars en lewendig met ’n tikkie romerigheid, wat heerlik pas by ’n effens sterker gereg soos ’n paella of ’n matige kerrie. Almal weet van die Springfield Life from Stone Sauvignon Blanc, maar het jy al kennis gemaak met die Springfield Miss Lucy 2015 (R90)? Sy’s ’n mengsel van…

1731 Nicolaas Loubser begin boer op Blaauwbergplaas naby aan wat ons vandag as Melkbosstrand ken. Hy vang vis in die baai en begin ’n kalkbrandery. Die baai word Lospersbaai genoem – destyds het die mense Loubser as“Losper”uitgespreek. 1785 Goewerneur Jacob van de Graaff vergoed C.P. Brand, ’n offisier in die Kaapse burgermag, met ’n stuk grond by Lospersbaai. Brand noem sy plasie De Melkbosch, na van die melkhoutbome in die streek. Die opstal bestaan nie meer nie, maar die skuur is vandag Die Damhuisrestaurant aan Kusweg – sien bl. 110. 1922 Die plaas De Melkbosch word opgemeet en in 605 erwe verdeel. 1926 Die ou opstal word omskep in die Homestead Hotel, en twee erwe word aan die NG kerk Philadelphia gegee om ’n kerk te bou. 1927 Melkbosstrand word…

Kyk die (groot) kat uit die boom... Op ’n onlangse besoek aan die Kruger het ons afgekom op ’n luiperd wat ’n prooi in ’n boom hou. Ons het hom ’n uur lank dopgehou toe ons in die truspieëltjie ’n paar leeus verder in die pad sien. ’n Rukkie later het die leeus in die rigting van die boom gestap en toe een vir een die boom begin klim terwyl die luiperd nog daar sit. Nadat hulle wat ook al oor was van die prooi gevreet het, het die leeus met ’n gesukkel afgeklouter. RICKY EN MICAELA LO RUSSO, Johannesburg Die wildlewekenner L.D. VAN ESSEN antwoord: Boomklim is nie algemene gedrag vir leeus nie behalwe vir twee bekende troppe in Afrika – in die Ishasha-deel van die Queen Elizabeth- nasionale…

H et jy geweet dwergmuishonde en wildehonde het iets gemeen? Nee, nie so gedink nie. Wel, dié klein karnivore se sosiale struktruur is baie dieselfde as dié van Afrika-wildehonde. Die groep bestaan ook uit ’n broeipaar of alfapaar, hulle kroos en ’n immigrant so dan en wan. Net die alfamannetjie en -wyfie kry kleintjies. Daar is ook ’n sterk hiërargie binne die groep en die ouer diere oorheers die jongeres. Wyfies domineer mannetjies en die heel kleintjies kraai koning oor almal. (Sal ek dit waag om te sê dis nie veel anders as by mense nie?) Dwergmuishonde is dagdiere en kom met sonopkoms uit hulle gate. Hulle hang gereeld uit naby termiethope – dis ’n goeie wegkruipplek teen roofdiere soos arende. As hulle jou gewaar, duik Ta dadelik vir die…

The Beer Book deur Holger Meier, The Frog Trust Hy het sy eerste bier dekades gelede om ’n kampvuur op sy oom se plaas langs die Kruger geproe en só is ’n lewenslange passie gebore. Holger Meier ken van bier en brouerye – hy werk al 22 jaar as ’n bemarker en verkoper in dié bedryf. Het jy geweet daar is 501 verskillende biere (van boetiekbiere en ingevoerdes tot goeie ou Black Label) beskikbaar in Suid-Afrika? En dat 310 hiervan plaaslik gebrou word? Holger het ’n “Ale Trail” geskep en lys al die plaaslike brouerye in alfabetiese volgorde, met hulle ligging, kontakbesonderhede en soorte bier. By elke inskrywing is daar plek om die bier wat jy proe af te merk, die brouer se handtekening te kry en kort notas te…

Ek voel skoon lus om die petroljoggie in die Nossob-ruskamp te soen. Ons hou uiteindelik ná 860 km stil by die kamp se ontvangskantoor. Ná al die beplanning het dié ruskamp ’n soort El Dorado in my kop geword. Ons het ons hele vakansie in die Kgalagadioorgrenspark beplan rondom die aande wat ons kon plek kry in dié uiters gewilde ruskamp. Want sien, Nossob is leeuwêreld – jy is byna gewaarborg om maanhare te sien. En nie net ’n leeusilhoeët doer teen die rantjie nie. Nee, die kanse is goed dat een hier neffens jou voertuig verby skuur. Die Kgalagadi-oorgrenspark het gegroei van ’n afgeleë park in ’n stil hoek van Suid-Afrika wat in die laat 1950’s net sowat 500 besoekers per jaar gehad het, maar nou kom hier gemiddeld…

LESERS VERTEL Die Liciese Weg, beter bekend as die Lycian Way (in Turks “Likya Yolu”), strek oor 500km langs die Turkse Mediterreense kus – van die dorpie Fethiye af tot op Antalya. Jy stap in die spore van die Liciërs wat sedert die vyfde eeu hier geleef het en verskeie ruïnes en graftombes agtergelaat het. Die Liciërs was gevorderd – rotsgraverings wys oorblyfsels van hulle taal en hulle demokratiese regeringstelsel het vroueregte erken. Die gebied het oor die eeue heen onder verskeie heerskappye gestaan, van die Griekse Alexander die Grote tot die Romeinse Ryk. Deesdae is dié stukkie Turkse platteland ’n gewilde vakansiebestemming met turkoois baaitjies, ruwe berge en heelwat argeologiese terreine. Te voet is een van die beste (en bekostigbaarste) maniere om dié gebied te leer ken. DAG 1…

Met die koms van die draagbare ys-vrieskas het die behoefte aan ekstra batterykrag ook toegeneem. Dit het gelei tot die ontwikkeling van ’n nuwe vorm van kamptegnologie: dubbelbatterystelsels. Daar is twee tipes dubbelbatterystelsels: aanboordstelsels (dit word meestal in die voertuig se enjinruim of laairuim geïnstalleer), en draagbare eenhede. Dis nie altyd maklik om die regte een te kies nie. Albei stelsels het voor- en nadele. Die geheim is om te verstaan watter stelsel die beste vir jóú gaan werk. Hoewel dit lyk asof die vergelyking op die regterkantste bladsy die draagbare stelsel as gunsteling kies, sal enigiemand wat al pakplek in sy voertuig benodig het, jou van die voordele van ’n aanboordstelsel kan oortuig. RUIMTE OF MOBILITEIT? – DIS JOU KEUSE Daar is verskeie dubbelbatterystelsels beskikbaar, maar by National Luna…

UITKYKHUIS, PRINS ALBERT Sodra jy by die Uitkykhuis net buite Prins Albert instap, wens jy onmiddellik dit was jou woonhuis. Die vertrekke is groot en ruim en vol mooi goed, en deur elke venster sien jy ’n stuk Karoo. In die kombuis kry jy enigiets van ’n gasstoof, skottelgoedwasser en ’n yskas wat ys maak tot fênsie breekgoed – hier is selfs ’n klitser ingeval jy wil koek bak. Maar dis die stoep – wat strek al langs die agterkant van die huis – waar julle die meeste van julle tyd gaan verwyl. Dis onderdak met ’n braaiplek, swembad en rusbanke en dis hier waar jou dae later ineenloop: Kuier om die tafel, swem, lê in ’n wiegstoel, dommel op ’n kateltjie, lees boek... kuier om die tafel, swem... Waar…