Innholdsfortegnelse for July 2015 i Weg!

Daar gaan kwalik ’n dag verby waar ons lesers se avonture my nie verstom nie. Soms is dit ’n koddige foto wat my hardop laat skater (elke albinobobbejaan wat bestaan, is seker al deur ’n Weg-leser afgeneem). Ander kere is dit afgetrede paartjies wat na die mooiste en mees afgeleë plekke in Afrika reis. Dit wys net weer: ’n Onblusbare gees word nie oud nie. Nog voor ek kon reis, het ek daaroor gelees. Een van die eerste boeke wat ek met my eie geld gekoop het, was ’n baksteen getiteld The Unabridged Mark Twain. My geld was skraps en ek moes waarde daarvoor kry. Nou ja, 1 300 bladsye van Twain se wyshede was nie waarde vir geld nie – dit was ’n skatkis wat nooit sou leegloop nie.…

Oakly-padstal, Oos-Kaap In die Oos-Kaap sien ’n mens vir lang ente pad net beeste, en vulstasies wat af en toe opdoem. Die Oakly-padstal is ’n gunsteling onder motorfietsryers en bakkiebestuurders en ’n welkome lafenissie langs die leë stuk kuspad tussen Colchester en Alexandria. Koop ’n warm, tuisgemaakte hoenderpasteitjie voordat jy verder ry, of vertoef vir ’n ligte middagete. Hier’s roosterbrood (R15), skaapvleissop (R40) en ontbyte (R24-R55) op die spyskaart. Die aangrensende winkeltjie verkoop plaasvars produkte soos heuning (R28 vir 150 g) en aandenkings soos blikbekers (R18). Waar? Langs die R72, sowat 20 km wes van Alexandria. Kontak 046 653 0690; oakly@mweb.co.za…

In Suid-Afrika bestaan die hondfamilie uit die rooijakkals, silwervos, bakoorjakkals, wildehond en die witkwasjakkals. Hoewel die witkwasjakkals wyd oor Afrika in waterryke savannegebiede voorkom, is hy relatief onderbestudeer in vergelyking met die meer volop rooijakkals – een van die redes hoekom ek so opgewonde is oor twee witkwasjakkalse se lêplek en drie welpies wat ek onlangs in Kenia ontdek het. Ek het die kans aangegryp om die diertjie af te neem. Hoewel die kleingoed rustig voorgekom het, wou die ouers dit nie nader as 200 m aan ons waag nie – tipies van dié spesie wat bekend is vir sy skugter, ontwykende gedrag. Studies wat al in die verlede in Zimbabwe gedoen is, het ons kennis oor die witkwasse verbreed: Daar is vasgestel dat ’n jakkalspaar in ’n gebied van…

“Ons is almal soos ’n groot familie wat pret het op die skip en die kinders geniet dit baie. Daar is nie ’n woord om te beskryf hoe ons voel nie – ons het die beste tyd van ons lewens.” Lesibe en Mathule Madire, Pretoria “Ons wat in Australië woon, geniet dit om hier saam met Suid-Afrikaners te reis. Dit is ’n goeie tyd vir lees en opvang met al die tydskrifte.” Neil en Margie Harvey, Brisbane “Ons het ons eie ding gedoen en nie betaal vir duur ekskursies nie. Bring jou eie duikbril en snorkel en reël self met die locals op Portugese Eiland. Dit het ons R500 gekos vir vier mense.” Joost Souverijn en Lelane Fourie, Port Elizabeth “Vier dae is baie lekker, maar dit is ook genoeg…

STAP BINNE-IN DIE DAMWAL ’n Mens sou nooit kon raai dat die damwal vol gangetjies is nie – daar’s selfs trappe en ’n hysbak! Die ouens van Waterwese wat verantwoordelik is vir die daaglikse instandhouding van die damwal – ’n span van omtrent 15 – stap heeldag op en af in die damwal om lekplekke te kontroleer en aan te teken. Joseph Alexander van Waterwese ontmoet my by die uitkykpunt (nr. 1 op foto hiernaas) en ons ry die kort entjie saam na waar ons toer begin. Joseph wil eers ’n bietjie in die son staan. Hy werk heeldag binne die damwal en dis koud daar, winter én somer. Binne dié strukture (2) is ’n soort hyskraan wat na links en regs kan beweeg op ’n spoortjie. Dit word gebruik…

LESERS VERTEL LEONORE BOTHA Tuisstad Pretoria Beroep Ortopediese chirurg Ek en my man, Bernard, droom al lank om van Pretoria tot in Dar es Salaam in Tanzanië te ry, en 2014 was dié jaar. Ons beplan ses maande lank aan ons maand lange toer: Op pad sou ons onder meer die Kasanka- nasionale park, die Kapishya-warmbronne (Zambië), die Katavi- nasionale park besoek en die Serengeti- nasionale park (Tanzanië) aandoen. Daar was hope inligting oor die meeste van die plekke op ons roete, maar vir ’n besoek aan die sjimpansees in Tanzanië se Gombenasionale park was daar weinig. Per e-pos kon ons nie agter die kap van die byl kom nie. Ons het besluit om vir eers te reis tot op Kigoma, die naaste dorp aan die park. Sou ons planne…

Op ’n koue, donker aand is min dinge so vertroostend soos ’n bakkie warm sop. Die wêreld voel sommer na ’n beter plek as die kastroldeksel staan en rinkel en die geure van groente, ’n potvleisie en dalk ’n vet reep spek jou by die etenstafel begroet. En dis verspotmaklik om te maak. Sop vergeef baie foutjies – alles wat jy bygooi, word deur dít wat reeds in die pot prut, omskep tot iets smaakliks. Net soos in daardie kinderverhaal oor die pot klipsop… Ja-nee, ’n sop verdra veel. Dalk juis daarom kan jy hom maar ’n bietjie opdollie. Jou gaste eet immers ook met hulle oë. Dis dié twee dinge: ’n stewige basis vir lekker smul, en ’n swierige garneersel wat nog vóór die eerste proe komplimente oor jou…

Watter vakansie bly jou by uit jou kinderdae? Ek onthou so vaagweg ’n fantastiese vakansieoord op Port St. Johns. Ek was omtrent agt jaar oud. Die rivier het die pad weggespoel en dit was ’n avontuur om daar uit te kom met ons Ford Escort; al langs ’n modderige ompad wat selfs 4x4’s laat omdraai het. Jou gunsteling-vakansieplek? Die Oos-Kaap. Die landskap en hutjies wat oor die heuwels gestrooi lê, doen my gemoed goed. Daarby is die mense gasvry, en die lig perfek vir foto’s neem. Enige aaklige vakansies? Daar was een Desembervakansie... My pa het gedink die vissermanshuisies in Swakopmund sou lekker wees, maar as twaalfjarige was ek nie opgewonde daaroor nie. Die huisies was piepklein met stapelbeddens, en op die boonste bed was die plafon sentimeters van my…

PIERRE DE WET van Pretoria vra: Ons het dié gogga by Rocky Bay langs die Suidkus se woonwapark afgeneem. Wat is dit? Die insekkenner DUNCAN MACFADYEN antwoord: Wat ’n mooi nooi! Dis ’n pleasant hornet (Euchromia formosa) van ’n redelik komplekse groep van die Arctiidae. Die larwe vreet trompettertjies, noem-noems, ensovoorts. Die mot is lui en vlieg stadig, hulle hoef immers nie te bekommer oor roofdiere nie. Die helder kleure is ’n teken dat die spesie giftig is. WERNER SINCLAIR van Bloemfontein vra: Ons het hierdie massas ruspes, wat groot webbe spin, afgeneem by Cintsa-Oos naby Oos-Londen in April vanjaar. Hulle het die melkhoutbome langs die strand ingeneem en sommige kaal gevreet. Wattter soort ruspes is dit en hoe verloop so ’n besmetting? Die insekkenner DUNCAN MACFADYEN antwoord: Dis die…

Dis die helderste enkelselflits op die mark en stel 960 lumens vry. Daarby is dié flitslig waterbestand vir 2 m diep vir 30 minute. Jy hoef ook nie meer met batterye te sukkel nie. Die Fenix UC40 UE is herlaaibaar met ’n USB-kabel of AC, hoewel dit ook met weggooibare batterye kan werk. Die flits het ’n LED-aanwyser wat wys hoe lank die flits nog kan skyn. Met vier helderheidsverstellings en ’n onmiddellike stroboskopiese funksie vir noodgevalle is hierdie beslis die flits wat jy in jou mossienes of rugsak moet hê. Eienskappe SOEK & VIND Kompetisie HIERDIE MAAND VIND DIE FENIX UC40 ULTIMATE-FLITSLIG NEEM SÓ DEEL As jy die foto (dit sal klein wees!) kry, stuur jy jou naam, e-posadres en die bladsynommer per SMS…

Kroasië het hope natuurlike skoonheid, ’n multikulturele geskiedenis, interessante argitektuur, goeie wyn en lekker seekos... Wat meer kan ’n mens voor vra? Ten spyte van die letsels wat die burgeroorlog in die jare negentig gelaat het, ruk Bosnië-Herzegowina homself nou weer reg. In Sarajevo en Mostar staan opgeknapte geskiedkundige geboue nou skouer aan skouer met byderwetse kroeë en kafees met Wi-Fi. Baie van die Bosniese dorpe bestaan rondom Middeleeuse kastele en word omring deur berge en riviercanyons. Die toer begin in Zagreb, Kroasië. Dié stad is bekend vir sy argitektuur en bekende monumente. Daarna reis ons deur die omliggende natuurskoon na Sarajewo. Volg die pelgrimstog na Medjugorje waar Moeder Maria volgens oorlewering aan kinders verskyn. Vandaar reis ons na Mostar, die kulturele hart van die streek, waar jy met die…

SPAAR 20% DIGITALE UITGAWE R30 P.M. * BEL 0861 697 827 E-POS support@mysubs.co.za GAAN NA mysubs.co.za Weg Neem beter foto’s en Weg Namibië 2015 ook ingesluit. Die aanbod geld tot 18 Augustus 2015. Bepalings en voorwaardes geld en is beskikbaar by weg.co.za. Vir navrae bel 086 169 7827 en buitelandse navrae bel +27 021 065 033. Let wel Indien jy ’n e-posadres verskaf het, sal jy promosie-inligting van Media24 ontvang. Jou intekening word voorsien op ’n vooruitbetaalde basis. Om ononderbroke diens te verseker word jou intekening outomaties hernu en betaling word elke maand verhaal. Die intekengeld mag van tyd tot tyd hersien word in welke geval jy vooraf in kennis gestel sal word – jy kry dan die kans om die intekening te hernu of te…

Spaar tot R4 800 per kajuit En hierdie keer kom Weg saam! Pierre Steyn en Toast Coetzer gaan aan boord wees. Kom geniet ’n spesiale maaltyd saam met nog lede van die Weg-span, kry waardevolle wenke op ’n fotografiekursus en luister na Toast, Weg se reisredakteur, se staaltjies van sy wêreldreise. En saans kuier ons! WAT OM TE VERWAG Dag 1: Vertrek uit Durban Welkom aan boord die MSC Sinfonia! Bêre jou goedjies in die kajuit en vergader op die dek vir ’n vertrekpartytjie. In die middag bied Toast ’n fotografiekursus aan wat jou vakansiefoto’s sal laat uitstaan. Dag 2: Portugese Eiland, Mosambiek Bring die dag deur op ’n sonnige strand, swem in die louwarm oseaan en neem foto’s soos jy geleer het! Teug aan ’n mengeldrankie terwyl die skip…

IN DIE BERG DIE KORTLYS: ‘THE TEN ESSENTIALS’ Dié wêreldbekende lys het in 1974 vir die eerste keer verskyn in die boek Mountaineering: The Freedom of the Hills. Dis in 2003 hersien om te voldoen aan moderne voetslaanvereistes. Wil jy en jou maats die Wolkberg pak? Sorg dat julle al hierdie kategorieë onder die knie het: 1 Navigasie 2 Sonbeskerming 3 Isolasie 4 Beligting 5 Noodhulp 6 Brandgevaar 7 Herstelstel en -gereedskap 8 Kos 9 Water 10 Noodskuiling 1 PowerMonkey Extreme Oor die jare heen het ek omtrent ál Power Traveller se kragpakke getoets. Dié een is werklik puik, en sal sorg dat jou slimfoon áltyd gelaai is. Trouens, die enorme 9000mAh-battery het genoeg sous om jou slimfoon vier keer te laai. Maar waarmee laai ek in die boendoes, wonder…

Baie mense maak op sop staat om die winter se koue te fnuik, en verrassend genoeg is ’n sopie dikwels ’n goeie pasmaat. Voeg ’n bietjie brandewyn of whiskey by jou sop en bedien ook ’n glasie daarvan – jy sal verras wees hoe goed hulle mekaar komplementeer. Brandewyn word gewoonlik ná nagereg bedien, maar niks verhoed jou om ’n maaltyd daarmee te begin nie. ’n Goeie, intense brandewyn het verskillende komponente en kan dus sy man staan teen sterk geure. Probeer die Van Ryn’s Distiller’s Reserve 12 Year Old (R519) met ’n dik gort- of lamsop. Die rokerige ondertone van die brandewyn is heerlik saam met sop en bied geure van tabak, gedroogde vrugte en speserye. Vir ’n romerige of kruierige sop kort jy Ratafia Pierre Jourdan van Haute…

Ons het elke dag tientalle inskrywings ontvang wat elkeen ’n goeie Weg-voorblad sou wees. Die gehalte van die foto’s was puik, en nou het ons die moeilike taak om ’n wenner te kies. Almal op kantoor het reeds ’n gunsteling en nou moet ons redekawel oor wie moet wen! WEN R38000 SE PRYSE! • Algehele wenner Canon EOS 70D-kamera en 18-135 mm-lens (ter waarde van R17 000) • Naaswenner Canon EOS 700D-kamera, 18-55 mm-lens en 55-250 mm-lens (ter waarde van R13 000) • Leserskeuse Canon EOS 1200D-kamera, 18-55 mm-lens en 75-300 mm-lens en sak (ter waarde van R8 000) WENNERS WORD AANGEKONDIG IN DIE SEPTEMBER-UITGAWE Die September-uitgawe sal op 19 Augustus op die rak wees. Gaan na canon.co.za  vir meer inligting oor Canon-produkte.…

Wees vrolik! Op soek na ’n kuierhuis vir ’n naweek saam met vriende, familie, kinders, fietsryers, stappers én wyndrinkers? Én ’n bietjie stilte? Bespreek een van die vier nuwe selfsorghuise in die Vrolijkheid-natuurreservaat tussen Robertson en McGregor. Vier personeelhuise is onlangs opgeknap. Dis nie ín die reservaat nie, maar oorkant die pad naby die reservaatkantoor. Hier heers meer van ’n plaaswerfgevoel as ’n Into the Wild-atmosfeer, maar in die reservaat is drie dagstaproetes (3, 14, 19 km) en ’n bergfietsroete (8 km) as die skoonfamilie te veel raak. Elke huis het vier slaapkamers. Drie in die huis met ’n vierde en suite-dubbelkamer bo-op die motorhuis met sy eie ingang. Die huise is ten volle toegerus met gas en elektrisiteit, ’n stoep met ’n ingeboude braaiplek en ’n kaggel. Luiperd en…

3-12 JULIE Pick n Pay-oesterfees, Knysna Dís nou ’n fees vir die sportiewes én die smulpape. Buiten berge en berge oesters kan jy kom vonkelwyn drink, sjokolade eet en aan ’n visbraaikompetisie deelneem. En ná al die gefuif kan jy ’n bietjie oefening inkry: Skryf in vir die volle óf halfmarathon deur die Knysnawoud. As ’n marathon vir jou te lig in die broek is, kan jy vir die Big Five-uitdaging inskryf: Deelnemers ding oor vyf opeenvolgende dae mee op bergfietse, in veldwedlope, padwedlope en oopwaterswem. (Hier’s ook ’n Big 5 LITE-kompetisie oor korter afstande.) Dan is daar ook nog ’n kanoresies op die Knysnastrandmeer, bergfietsresies oor verskeie afstande, en ’n 1,8 km lange oopwaterswem. Koste Die halfmarathon kos R115 p.p. en die marathon R125 p.p. Drawwers wat nie tot…

Richtersveld – The Enchanted Wilderness Graham Williamson Umdaus Press, R420 Die Richtersveld is een van Suid-Afrika se laaste ordentlike wildernisstreke. Hierdie bergwoestyn is nie ’n plek waar jy grootwild kom kyk nie. Dis eerder ’n plek waar jy plante – en plantjies – kom kyk, en jouself vergaap aan die klippe, kranse en berge. Sonder die nodige kennis (soos ’n kundige toergids aan jou sy) is dit egter moeilik om die Richtersveld te “lees”. Dis goed om ’n ding – daai klein vetplantjie by jou skoensool – naam te kan gee. Hoenderspore. Vensterplant. Sentkannetjie. Seervingerplakkie. Om ’n dier of plant se naam te ken is die eerste stap na ’n ryker natuurervaring. Jy begin begryp waarom ons seldsame plekke soos die Richtersveld moet bewaar. Graham Williamson se boek (nou in…

Soms dreig die “regte lewe” om ’n mens onder te kry. Ek staan in ’n tou van meer as tweeduisend mense en wag in Durban se hawe. Ek het pas ’n SMS gekry wat lees: “MSC Cruises apologises for embarkation delays caused, due to load-shedding.” Die snikhete son vat dooierus op my. Sug. Maar ek hou moed en lawe myself met son-room en droom oor daai eerste piña colada... Rondom my is massas mense – oud, jonk, wit, swart, bruingebrand én rooiverbrand – vakansiegangers getooi in lawwe hoede of Hawaiise blomkranse, geruite hemde wat span oor bierpense (hier is darem enkele six-packs), jeans, kleurryke T-hemde en sjoebroekies. Die stereotipe van hordes bleekbeen-pensioentrekkers wat op ’n tamaai plesierskip deur die Karibiese eilande dryf, geld nie hier nie. Trouens, ek het lank…

14 Tjailatyd ’n Kuierrestaurant waar jy rugby oor jou eggenote se skouer kan kyk terwyl julle smul aan vis-enskyfies (R55), en “Brother Louie” oor die luidspreker speel. Jou hond is ook welkom. Waar? Langs die R33 / Fiskaalstraat in die dorp – dis nou die hoofdeurpad – waar die OKsupermark ook is. Oop Elke dag 10 vm.-9 nm. (So. net tot 3 nm.) Kontak 051 754 0190 15 Gecko By dié tuisnywerheid en snuisterywinkel kan jy melktert en sjokoladekoek koop (bestel vooraf ). As jy gelukkig is, ontmoet jy vir Zanie, ’n goedige worshond wie se oor deur ’n damotter afgebyt is. Waar? Langs Tjailatyd (sien bo) en die OK-supermark. Oop Elke dag 8 vm.-5 nm. (Sa. net tot 1 nm.; net in vakansietye oop op So.) Kontak 051 754…

Stuur vir ons jou beste reis- en natuurfoto’s! Ons fotokompetisie is in volle gang. Vir die volgende vyf maande kry ons twee beste “Mense se lense”-foto’s elkeen ’n kamerasak. Ons hou van álles: wildlewe, landskapfoto’s, portrette, vakansiefoto’s en goggas en blomme in jou tuin. Kom nou, stuur daai foto’s van jou laaste vakansie in die Kruger. Of daardie snaakse geitjie bo jou TV. HOE? Stuur jou beste foto’s na menseselense@weg.co.za  Moet asseblief nie groter leggers as 4 MB stuur nie – sou ons dit groter verlang, sal ons dit aanvra. Verskaf asseblief die naam, van, dorp en kontaknommer van die fotograaf. Sluit ook inligting in oor waar en hoe die foto geneem is, en watse toerusting gebruik is. Sê ook of daar enigsins aan die foto gekarring is.…