Innholdsfortegnelse for Oct/Nov 2024 i Weg! Ry & Sleep

REDAKTEURSBRIEF Dit was ’n hartseerdag toe ons ’n ruk gelede verneem Dirk Kok is oorlede ná ’n kort kankerstryd. Dirk was die stigterredakteur van Ry & Sleep in 2017 toe die besluit geneem is om ons voorgangertitels, WegRy en WegSleep, in een publikasie saam te voeg. Hy het diep spore in die plaaslike joernalistiek getrap en was reeds sedert 2006, toe WegSleep die eerste keer as ’n bylae tot ons sustertydskrif Weg verskyn het, as medewerker betrokke. Dirk het in ’n stadium gesê daar is nie beter medisyne vir die siel en lyf as ’n kampvuur, kampkos en slaap onder die sterre nie, en daarom was dit onvermydelik dat hy ’n paar jaar later op ’n meer voltydse grondslag betrokke sou raak. Nadat hy oor die jare verskeie vryskutartikels vir…

NUWE KAMPGOED Die vervaardiger Nayela het sy eerste enkelasmodel by sy “bokgesin” – die Okapi en Oribi – gevoeg. Dié grondpadwa is die Mahem gedoop. Hulle het ’n paar voorvereistes vir die nuwe wa gehad, sê Niel Marais, mededirekteur. Die gedagte was ’n meer tradisionele ontwerp, maar met weeldes, ruimte, ’n binnebadkamer, eilandbed én goeie prys. Nuwe boumateriaal In die geheel is die Mahem splinternuut met weinig tot geen ooreenkomste met die Okapireeks. Die grootste verskille is ’n soliede dak op die Mahem pleks van ’n opwipdak op die ander modelle; ’n enkelas eerder as ’n dubbelas; en ’n binnebed pleks van ’n uitglybed. Maar die grootste verskil – en die mins opsigtelikste – is die boumateriaal. Die Mahem se panele bestaan uit ’n heuningkoeksamestelling terwyl die ander waens van…

NUWE RYGOED Hierdie is die derde geslag Tiguan, en sedert dié sportnuts die eerste keer in 2007 verskyn het, is meer as 7,4 miljoen van hulle wêreldwyd verkoop. Ook in Suid-Afrika is hy ’n wegholsukses met 41 000 eenhede wat sedert sy plaaslike bekendstelling in 2009 baas gekry het. Wat is nuut? Hoewel hy aan sy voorganger herinner, het die nuwe Tiguan ’n hoër en sterker vooraansig met LED-stroke in die hoofligte en ’n lang glaspaneel waar jy normaalweg ’n sierrooster sou aantref. Die nuwe Tiguan is opsioneel beskikbaar met sogenaamde IQ.LIGHT-HD-hoofligte – die HD staan vir hoëdefinisie. Dié beligtingstelsel met 38 400 multispikkel-LED’s (19 200 per koplig) is ’n tegnologie wat direk uit die jongste Touareg kom. Die vaartbelynde neus dra by tot ’n verbeterde sleursyfer van 0.28 teenoor…

Hoe toets jy ’n diesellokomotief wat vermom is soos ’n sportnutsvoertuig? Jy gaan toer met hom, natuurlik. En as jy slim is, mik jy na die breedste en aanloklikste paaie in die land. Die soort wat jy nét in die Noord-Kaap kry. Dis ook ’n goeie geleentheid om uiteindelik Riemvasmaak van nader te leer ken, daai ikoniese warmbron duskant die Augrabieswaterval. Op pad gaan gooi ons ook ’n draai by ou vriende by die Hantamhuis op Calvinia en maak nuwe vriende op Kanoneiland en Springbok. Ons vat die N7 uit Kaapstad en woerts teen Vanrhynspas uit Calvinia toe. Ons het ons skaars verlekker in die klankbaan van ons toer se eerste been – Beethoven, bulderend op die Boseluidsprekers – toe staan Alta en Erwin Coetzee nader om ons te groet…

Slaapplek vir jou en jou kampmaat, en dis dit. Met die eerste traandruppelwaens wat in die jare dertig hulle verskyning gemaak het, is dié resep al byna ’n eeu oud. Volgens die webwerf vangocollections.com.au is die eerste weergawes destyds beskryf as ’n wittebroodsleepwa en hulle het veral ná die Tweede Wêreldoorlog gewild geraak. Van hierdie waens is destyds glo gebou met aluminiumskroot wat van bomwerpers afkomstig is. TrailPod is een van die nuwer vervaardigers van hierdie soort wa, wat plaaslik al hoe gewilder raak, en onderskei hom van die res met sy boumateriaal. Waar hoofstroomvervaardigers hoofsaaklik veselglas of skeepshout gebruik, span TrailPod plastiekskuimpanele in. Die romp het vier panele – die dak, vloer en twee kante – wat met gom geheg word. Die eienaar, Danie Rossouw, is aan die stuur…

NUWE KAMPGOED Outventure se Square Drop is gegrond op die tradisionele traandruppelwa – dus ’n bed-op-wiele met ’n kombuis aan die agterkant. Soos die naam te kenne gee, is die ontwerp meer reguit as rond, en die wa spog met ’n hele klompie nuwighede. Die eienaar, Len Metcalf, wyk af van die klassieke traandruppel-uitleg: Waar die bed se voetenent gewoonlik in die ruimte onder die buitekombuis inpas, het die Square Drop ’n regop paneel wat die slaapplek van die kombuis skei. Dit beteken die ruimte wat die voetenent in die kombuis opgeneem het, is nou alles deel van die kombuis. Die Square Drop het wel kaste in die slaapdeel wat tot teen die dak strek – vier van hulle het deurtjies, en onder die oop middelste rak is ’n kragpunt.…

KAMPBESTEMMING Dis nie meer nodig dat Kosibaai se sand jou afskrik nie, want anders as in die verlede kan jy deesdae met ’n stadskarretjie tot teen dié bestemming se bekende strandmeer ry. Jy het wel steeds ’n permit nodig om deur die hek te ry – dié kry jy by die kantoor van Ezemvelo KZN se Kosibaai-kamp 14 km terug op jou spoor. Andersins het sake baie verander sedert ons vorige besoek in 2019. ’n Rooi VW Polo kom van die meer se kant af deur die hek gery en die wag sê jy kan nou met ’n gewone kar tot by die mond ry, mits dit nie hoogwater is nie. Die rede hiervoor is dat daar nou betonblaaie op verskeie plekke van die pad tot teen die meer is,…

NAWEEKBESTEMMING Teen ’n rots en tussen die bosse – dit is presies wat Rotsinbos behels. Aanvanklik wonder jy waar die rotse is. Die bos is lekker ruig, maar die wêreld is so plat soos ’n pannekoek, net soos die groentelanderye waar jy pas verby gery het. ’n Rooibok en vlakvark langs die paadjie sê vir jou jy is waarskynlik nou in ’n wildkamp. Nadat jy 2 km deur die wildkamp gery het, hou jy voor die kamphek stil, en ’n entjie verder sien jy ’n koppie met die rotse wat plek-plek deur bome en bosse loer. Die natuurskoon is byna verrassend. Selfs in die winter wanneer die gras geel is, is daar nog heelwat grasgroen bome wat bo die vaal wintergras uitstaan. Sodra jy deur die hek is, ontmoet jy…

Die woord “toer” het die laaste ruk ’n spoggerige Engelse naam gekry: “Overlanding”. Dit klink sommer belangrik, soos iets waarvoor jy dalk moes geswot het. Dit tower ook eksotiese beelde by ’n mens op, amper soos ’n wittebrood in Viëtnam. Gewone mense met twee en halwe kinders, ’n oortrokke kredietkaart en ’n huis in Bellville kan nie “overland” nie. Nee, hulle toer net. Selfs al ry hulle op dieselfde plekke as oorlandsreisigers, kwalifiseer dit nie vir dié uitgesoekte beskrywing nie. Dis net ’n toer, uit en gedaan. Op sy beurt is ’n toer weer heeltemal iets anders as ’n vakansie. Vakansie is wanneer jy die woonwa haak, hom Hartenbos of Tietiesbaai toe sleep en vir drie weke lank daar afsaal. Jy vat álles saam, want jy laai net een keer…

NUUS Kampeerders trap omtrent die N7 tussen Kaapstad en Namibië deur, want dis die hoofroete na plekke soos die Richtersveld en Namibië. Van die Kaap af is dit ’n goeie 650 km tot byVioolsdrif, maar nou kan kampeerders bene rek by Letsatsi-lodge se nuwe kampplek. Letsatsi is deel van die NC Famous Lodges-groep en lê reg langs die N7 by Vanrhynsdorp, omtrent halfpad tussen die Moederstad en Springbok. Die lodge is reeds nege jaar aan die gang. Gasvryheid is die wagwoord hier: By jou aankoms kry jy ’n varsgebakte brood (of braaibroodjie, indien jy dit verkies), en die volgende oggend kan jy naderstaan vir koffie en beskuit. Alles gratis. Boonop is Letsatsi die toonbeeld van hoe ingerig en modern ’n kampplek kan wees. Dit moet sekerlik een van die bes…

Die DO1 kom so basies as wat ’n kampwa maar kán wees. Dis net ’n romp met wiele, met plek bo-op vir ’n daktent van jou keuse. Die romp en onderstel bestaan uit staal wat afgerond is met ’n elektroforetiese verfproses (e-laag) en poeierverf. Die vloerplaat is gegalvaniseer en die panele is van aluminium. Jy het deure weerskante én agter, en die neuskas het twee sydeure. Die binnekant van die romp het ’n 12 mm-skuimlaag met ’n rubberlaag bo-oor dit. Die linkerkant is nommerpas vir ’n buitekombuis – daar’s plek vir ’n glyraam, ’n werkblad langsaan en rakke agter dit in die romp. Clarence de la Rosa, een van die mede-eienaars, verduidelik die DO1 is juis rondom die kombuis ontwerp. Clarence het sy aanvanklike plan op die vloer van sy…

4X4-BESTEMMING Binne slegs twee dae op die pad ry ons van die Suid-Afrikaanse grens af oor die Karasberge, deur die Kalahari se bloedrooi duine, verby ’n bedrywige Windhoek tot in die grasgroen Waterbergplato – ’n afstand van nagenoeg 1 500 km wat jou na Namibië se verre noorde neem – daar waar die gehuurde bakkies van oorsese toeriste minder raak en jy ware avonturiers raakloop. Gordel vas en ry saam! Ons vertrek van die Oranjerivier se oewer af – of dan die Gariep, soos die rivier hier bekend staan. Ons het gisteraand by Bundi aan die Namibiese kant van die grens oornag, maar daar is ook ander kampplek langs die rivier, soos Felix Unite (felixunite.com) en Amanzi River Camp (amanzitrails.co.za). Ons raai jou aan om ’n ekstra dag opsy te…

SLEEPTOETS Die Mahindra Scorpio-N kan by enige topklas nutsvoertuig kers vashou. As jy hom bloot oordeel aan die netjiese stikwerk in die afwerking, sal jy sweer dié ryding het ’n Duitse paspoort. Boonop voel die Scorpio-N met ’n wa aan die haak so stewig as wat kan kom én daar is nie ’n enkele ding wat skud of raas nie – selfs op die slegste grondpad. Die Scopio-N het in der waarheid onlangs met die louere weggestap in twee kategorieë van die Motor van die Jaar-kompetisie: Die beste avontuurnutsvoertuig en wenner in die kategorie vir motorentoesiaste – en wat ons betref, verdien hy ook lof vir sy sleepvermoë. Die Scorpio-N se mededingers gaan jou honderdduisende meer uit die sak jaag, wat beteken hierdie aanbod is loshande voor wat waarde vir…

FOKUS OP RYHUISE Selfs in ryhuisgeledere is dit nie duidelik wat as ’n ryhuis kwalifiseer nie. As jy die Oxford-woordeboek se beskrywing van ’n motorhome (die Engelse woord vir ’n ryhuis) vertaal, sê dit basies dis ’n groot voertuig waarin mense kan leef en slaap terwyl hulle reis. In ’n neutedop beteken dit dus ’n selfaangedrewe woonwa. Uit die aard van die verskeidenheid waaruit jy kan kies, is die woord ryhuis eerder ’n versamelnaam, omdat dit nie so maklik soos woonwaens in groepe verdeel kan word nie – dink maar aan padwoonwaens, boswaens, boswoonwaens en traandruppelwaens. Vir hierdie spesiale afdeling is die gemene deler die slaapplek en enjin. Hoewel daar verskeie weergawes op die mark is van los eenhede wat agterop ’n bakkie pas, het ons hulle nie op hierdie…