Innholdsfortegnelse for Oct/Nov 2023 i Weg! Ry & Sleep

Conqueror se huidige reeks Commanders is beskikbaar in drie variante: Die Classic, Platinum en Recce. Die heel nuwe Commander X is nie deel van die variante nie, maar ’n model in eie reg. Buiten die verskil in grootte en gewig kry die Commander X ’n verskeidenheid nuwighede: Die woonwa se dak en die voorste bed verander, en die buitebadkamer skuif deels binnetoe. Wat is anders? Vergeleke met die huidige Commander is die nuwe model 490 mm langer, 175 mm breër en 55 mm hoër. Die tarragewig is met 120 kg vermeerder tot 1 500 kg en die BVM met 150 kg tot 1 950 kg. Hierdie verskille sorg vir meer as genoeg ruimte. Die huidige Commander-reeks kom standaard met twee sydeure. Die een is vir instap, terwyl die storttent langs…

Iewers in ’n mens se kamplewe moet jy op ’n plaas kamp. ’n Plaas waar geboer word terwyl jy agteroor sit en sien waar die vars goed op ons winkelrakke vandaan kom. By die Melkhout- en Leopard Trailgasteplaas buite Bonnievale kan jy presies dít doen. By Melkhout kamp jy tussen ’n klomp jerseykoeie langs die Breërivier met jou eie badkamergeriewe, en Leopard Trail aan die voet van die Langeberg is deel van die plaas Sitruspoort waar jy wingerd en vrugteboorde langs die pad sien. Hier is geen krag nie; ’n donkie sorg vir warm water. Bonnievale is bekend vir sy kaas en wyn, maar jy kan die dorp nie sonder sy verlede ervaar nie. ’n Eeu gelede het hier ’n merkwaardige gebeurtenis afgespeel. Gaan slaan dus eers kamp op langs…

Dis ’n ding wat al ’n lang pad kom: Die Coetzee- en Prinsloobroers – daar’s drie van elk – het baie jare gelede ’n tradisie begin wat so met die tyd ontwikkel het. Hulle pa’s was huisvriende wat gereeld saam in die Bosbokrand-omgewing gaan jag het. Die ses kannetjies was ewe goed bevriend en het saam draadkarre gebou en kleilat gegooi. Daardie vriendskap was só sterk dat hulle selfs ná hulle pa’s se afsterwe saam gaan jag het. Die jagtogte het die naam CP (vir Coetzee en Prinsloo, natuurlik) met die jaartal gekry. Vir CP22 is die ses vriende Bosbokrand toe vir ’n 4x4-naweek. Hulle het heerlik saamgekuier, erg nostalgies geraak en sommer ook begin gesels oor wat voorlê vir CP23. Kabous vertel. Oom André Scholtz se boodskap bevat net…

SLEEPTOETS Die laaste Everest wat ons getoets het, was die 2.0 BiT Limited 4x4model met sy 500 Nm-enjin, en dit wil dit voorkom of die vervaardiger dié wringkrag as wegspringplek gebruik het vir sy nuwe modelle. Vier van die ses modelle het steeds die tweeliterenjin wat 500 Nm lewer, maar dis die 3 ℓ-V6-enjin onder die enjinkap van die ander twee, die Wildtrak en Platinum, wat die oog dié slag tref, want dié lewer ’n allemintige 600 Nm. Van die verskille tussen die twee- en drielitermodelle sluit die volgende in: Die 2.0 se prys wissel van R848 300 tot R1 020 300, terwyl jy meer vir die V6-modelle gaan opdok: R1 104 600 vir die Wildtrak en R1 168 400 vir die Platinum. Net die Platinum kom standaard met 21…

Volgens die Gautengse departement van gesondheid neem dit ’n ambulans 30-60 minute om ’n ongelukstoneel te bereik in daardie provinsie. Kaapstad sê sy ambulanse kan ’n ongelukstoneel binne die Metropool binne 15 minute bereik. As jy egter in die gramadoelas ernstig beseer word, gaan dit enige nooddiens etlike ure neem om by jou uit te kom. Om hierdie rede moet jy jouself kan help terwyl jy wag dat hulp opdaag. ALKOHOLLAPPIESSteriliseer, Meneer Jy gebruik hierdie lappies hoofsaaklik om mediese toerusting soos skalpels en lansette skoon te vee. Jy kan hulle egter ook gebruik om seerplekke en wonde skoon te maak voor jy dit behandel. As jy jaarliks ’n griepinenting kry, sal jy weet die suster vee jou skouer met ’n alkohollappie af voor sy die spuitnaald insteek. Ry & Sleep…

NUWE RYGOED Mahindra Electric Automobiles Limited (MEAL), ’n filiaal van Mahindra & Mahindra, het op 21 Augustus vanjaar op ’n glansgeleentheid in Kaapstad sy hipermoderne Vision Thar.e-konsep onthul. Dié ryding vorm deel van Mahindra se toekomsplanne om elektriese voertuie te bou, veral vir oorsese markte soos Europa en Brittanje. Die Indiese motorvervaardiger verkoop reeds ’n gasaangedrewe Thar in sy tuiste, en die Vision Thar.e wys wat die maatskappy se visie vir die toekoms is. Die Vision Thar.ekonsep is gebou op die sogenaamde Ingloplatform – dit is ’n kombinasie van die woorde “India” en “global”. Die Inglo-platform is die resultaat van ’n samewerking tussen Volkswagen en Mahindra, en die Indiese vervaardiger gebruik verskeie onderdele van die Duitse motorvervaardiger se toekomstige MEB-argitektuur. Die grootkoppe by Mahindra sê die Thar.e is meer as…

Die Nyani-lodge met sy splinternuwe kampplek lê langs die De Wagendriftpad (D1333) binne die groter Dinokengreservaat, maar buite die deel waar die Groot Vyf en ander diere vry rondloop. Die reservaat word in twee verdeel: In fase 1 is die heinings tussen eiendomme laat sak sodat diere soos in ’n wildtuin vrylik kan rondloop, en in fase 2 is die eiendomme nog omhein. Die Nyani-lodge is deel van laasgenoemde. Nyani se kampplek is in hulle wildkamp geleë, maar jy hoef nie bekommerd te wees oor veiligheid nie, want hier is net kleinwild in die kamp. Die leeus wat jy hoor gesels, is by die Kevin Richardson Wildlife Sanctuary ’n entjie weg. Met jou aankoms hou jy eers by die lodge stil om al die vorms in te vul. Wanneer dit…

KAMP & KATROL Die tweede reeks van Land en strand, die visvangprogram wat deur Bok van Blerk aangebied word, word tans Vrydae om 19:30 en Saterdae om 16:00 op VIA (DStv kanaal 147) uitgesaai. Ons gesels met hom oor sy liefde vir visvang. VERTEL ONS ’N BIETJIE MEER OOR DIE PROGRAM. Ek het ’n groot liefde vir die buitelewe en hengel, en toe my goeie vriend Mark de la Hey voorstel ons probeer ’n TV-program, was ek aan boord. Elke program behels dat ons toer en na ’n spesifieke visspesie soek, en terwyl ons daarmee besig is, verduidelik ons hoe ’n mens daardie spesie jag, die verskillende maniere om dit te vang en watter soort aas, hoek en knope jy kan gebruik. As die vis eetbaar en op die groen…

Die wabouer Invader, wat veral bekend is vir sy twee goedgevestige modelle, die Duo en Quattro, het nou ook ’n variant van eersgenoemde bekend gestel wat hy die Duo X noem. Hoewel die twee Duo-modelle se basiese konsep dieselfde bly, is die X ’n model in eie reg. Pleks van 15 duim-wiele is 17 duim standaard op die nuweling, terwyl die 1,8 t-as plek maak vir ’n 2 t-weergawe. Ook die gewigte en grootte verskil effens: Die X is 100 mm langer en 50 mm hoër én breër. Die tarragewig is 50 kg meer, maar die brutovoertuigmassa bly 1 500 kg. Waar die standaardmodel een 105 Ahbattery kry, het jy in die X twee van hulle én jy word met ’n 375W-omskakelaar bederf. Die neuskas kry twee vlak laaie by;…

WILLIE VERTEL Baie kampeerders – of enigiemand wat lief is daarvoor om die pad te vat en vlaktes te gaan soek – het stories te vertel van iets wat al op een of ander stadium verkeerd geloop het terwyl hulle op reis is. Dit hoef nie net iets te wees wat langs die pad gebeur nie; die saadjie kon al by die huis geplant gewees het en dan eers later kop uitsteek. Wie het nie al belangrike kamp- of reisgoed by die huis vergeet nie? Een so ’n storie wat ek self beleef het, was nie die gevolg van my eie nalatigheid nie, maar dié van ’n medekampeerder. Dit het voor ons afgespeel een Paasnaweek by die Algeria-kampplek in die Sederberg. Ons mense was vroeg al opgeslaan in die pragtige…

Dubbel so nuut! Die vervaardiger Hogzilla4x4 slaan as ’t ware twee vlieë met een klap met sy toetrede tot die kampwêreld: Sy Xpander is ’n modulêre kampmodule wat agterop ’n bakkie pas wanneer die laaibak verwyder is, maar die eenheid is ook beskikbaar as ’n kampwa met sy eie onderstel. Hogzilla maak sy buiging met ’n heel unieke produk. Die slaapgedeelte is gepatenteer, en dit is ’n slim plan wat deel vorm van sy wenresep. Die module pas op enige bakkie – van enkel- tot dubbelkajuit – maar danksy die bed word hier ekonomies gewerk met ruimte. Gewoonlik is die slaapgedeelte binne-in of slaan dalk boontoe oop, maar die Xpander se bed trek aan die agterkant uit soos ’n laai. Dit op sigself is nie nuut nie, maar die manier…

4X4-BESTEMMING Die Sederberg lê sowat 250 km noord van Kaapstad, tussen Citrusdal en Clanwilliam. Wes van die Sederberg lê die Sandveld met sy aartappelplase, in die noorde is die Pakhuisberg met sy talle spookstories, en verder oos is die Springbokvlakte en die stille Tankwa-Karoo. In sy boek Droomberge – Sederberge skryf Jan Rabie: “Binnelandse mense se droomwêreld is die Bosveld. Ons Kapenaars van die groen suide, ons droom van die berge. En onder berge by uitstek die Sederberge.” Dit is ’n plek waar jy omtrent om elke hoek en draai ’n Nieuwoudt ontmoet, ’n plek van Boesmankuns en waar die digters Boerneef en C. Louis Leipoldt hulle mooiste prosa geskryf het, en waar Jan Rabie sy skoensole dun gestap het. Ons vertrek uit Clanwilliam. As jy gisteraand in dié dorp…

MY PLEKKIE Ons gesin van vyf het seker ’n goeie tien jaar gelede vir die eerste keer ons Jurgens Penta met ons Toyota Hilux Klein-Kariba toe gesleep, en sedertdien was ek, my vrou, Sharon, en ons drie seuns, Roelf (16), William (14) en Gerhard (11), nog elke jaar terug. Dis ’n bietjie meer as twee uur se ry vir ons – omdat dit so lekker naby is, het ons min oortuiging nodig om vir ’n naweek hier te kom uitspan. En dan, elke keer nadat ons vir die naweek hier gekamp het, besef ons opnuut hoe lekker dit is, en dan kom ons sommer die skoolvakansie weer. Ons spot al as ons hoor hoe mense van hulle vakansiehuis op Stilbaai en sulke plekke praat. Dan sê ons ons het ook…

BAKKIE VAN DIE JAAR By die pasafgelope SA Bakkie van die Jaarkompetisie onder direkteurskap van Dirk Gallowitz en Ferdi de Vos moes bakkies hulle staal wys met sleep, veldry én dinamiese bestuur. Dit is die eerste keer dat sleep by so ’n kompetisie ingesluit word. Ry & Sleep is genooi om deel te wees van die paneel wat die sleep- en 4x4-afdeling beoordeel, en dit is deur onderskeidelik Leon Botha en Cyril Klopper behartig. Uiteindelik was daar drie kategoriewenners en ’n algehele wenner. Leon is eerste aan die woord met die sleepafdeling, waarna Cyril se indrukke van die veldry op bl. 88 volg. Wie kon deelneem? Sake is uitgespook tussen luukse outomatiese 4x4-dubbelkajuitbakkies. Vervaardigers moes egter inskryf, en dit was net Mahindra, Peugeot, GWM, Mitsubishi, Nissan, Isuzu en Volkswagen (met…

IETS ANDERS Sedert Citroën se stigting in 1919 is die maatskappy bekend vir sy ietwat ongewone voertuie. Ons dink hier byvoorbeeld aan die DS, die ikoniese 2CV, die meer onlangse C4 Cactus en nou die Type Holiday. Die vervaardiger het sy jongste ryhuis by die onlangse Düsseldorf-woonwaskou in Duitsland bekend gestel. Die Type Holiday is eintlik ’n omgeboude Citroën Space-Tourer – in Suid-Afrika bekend as ’n Opel Zafira – en hy herinner sterk aan die jare veertig se Citroën H-paneelwa met sy sinkplaatagtige romp. Sover ons kennis strek, is die H-paneelwa nooit amptelik na Suid-Afrika gebring nie, maar jy sal die bussie dalk herken as jy in die jare tagtig op Maandagaande meegevoer is deur Die meisie van Avignon op die ou TV1. Die H-paneelwa se stilering is geïnspireer deur…