Innholdsfortegnelse for Jun/Jul 2023 i Weg! Ry & Sleep

NUUS Die Oosterse voertuigreus Chery het pas twee nuwe handelsmerke op eie bodem bekend gestel: Omoda en Jaecoo, en daar word gesamentlik na hulle verwys as O&J. Die Omoda C5 is reeds in Suid-Afrika te koop by ’n verstommende 33 takke in 8 provinsies (daar’s tans geen handelaar in die Noord-Kaap nie). Pryse vir die Omoda C5 begin by R447 900 en Jaecoo sal binnekort in die land aankom. Volgens Zhang Guibing, hoofbestuurder van Chery Internasionaal, betree die O&J-handelsmerk die mark met die vierde geleentheidsvenster in die motorbedryf. Hierdie keer is die fokus op nuwe-energievoertuie en -tegnologieë en intelligente mobiliteit. Terselfdertyd verskuif die wêreld na sportnutsmodelle en kruisnutsvoertuie, met al hoe meer modelle in hierdie segment wat die wêreldwye Top 10-verkoopsyfers oorheers. O&J sal spesifiek kopers in die kruisnuts- en…

KAMPBESTEMMING Om in die natuur te kamp bly maar net die beste medisyne teen die lewe se dolle gejaag. En vir sommige is die afwesigheid van besige waterwurms, rye mense voor ’n kosstalletjie en niemand wat reg teen jou kamp opslaan nie, ook so na aan hemels as kan kom. Jy maak jou woonwadeur oop en die dag se stilte neem oor. Salig. ’n Mens kan Stanford sekerlik ook so beskryf. Die dorp se karkater lok toeriste wat die rustigheid verkies bo bedrwyige bestemmings soos die nabygeleë Hermanus. In Hermanus se rigting kan jy 6 km buite die dorp by die Rivers End-plaas afsaal en jou kampstoel staanmaak langs die Kleinrivier-strandmeer. Jy kan ook 10 km binneland toe koers kies en by die Filicita Country-lodge uitspan langs ’n klein dam…

MY PLEKKIE Ons het voorheen nog net van Anysberg gehoor. Toe ons dus besluit om in die laaste naweek van Maart vanjaar soontoe te gaan, het ons nie ’n benul gehad wat op ons wag nie. Ons het net vir mekaar gesê ons gaan kyk, kom wat wil. HOE LYK DIE PAD? Met ons besoek was die 78 km grondpad van Touwsrivier af in ’n goeie toestand en ons kon goed vorder. Ons moed het egter ’n bietjie in ons skoene gesak kort nadat ons deur Anysberg se toegangshek is. Die gevoel was dat as die kampplek soos die pad lyk, Is die kans op ’n heerlike belewenis skraal. Kom ons sê maar net dit het ons ongeveer ’n uur geneem om die 28 km van die hek tot by…

WOONWATOETS Boswoonwaens het gewoonlik ’n uitslaanbed, maar dan kry jy waens soos die Armadillo XTR312 (met slaapplek vir twee) waarin die bed ’n groot deel van die binnekant beslaan. Sommige kampeerders verkies dit. Dis tot ’n mate veiliger omdat jou kokon nie van seil is nie, maar van soliede panele. Die Armadillo XTR312 het boonop ’n paar unieke eienskappe wat die lewe nóg makliker maak in die kampplek – kyk maar na die twee gassilinders en aparte stoof. Selfs die storttent met sy dubbele kante is ’n gerief wat ’n mens nie op enige boswa sien nie. ’n Kombuis duisend Die kampstoof is die middelpunt van jou kombuis, en dis gewoonlik by die werkblad. Party is losstaande terwyl ander gemonteer is of selfs oor die blad uittrek. Hoe ook al,…

Suzuki verkoop tans 15 verskillende voertuigmodelle in Suid-Afrika waarvan drie die naam Vitara dra: die kompakte Vitara Brezza en die gewone Vitara – ons het oor albei geskryf in vorige uitgawes – en nou die blinknuwe en groter Grand Vitara. Met die bekendstelling van die jongste Grand Vitara op George in die Wes-Kaap het ons die intreevlakmodel, die 1.5 GL met ’n handratkas, én die vlagskipmodel, die 1.5 GLX Hybrid AllGrip met ’n sesspoed- outomatiese ratkas gery, en jy sal dalk verras wees oor watter een ons verkies. Wat het ons hier? As die Grand Vitara vir jou bekend lyk, is dit omdat hy en die nuwe Toyota Urban Cruiser feitlik dieselfde voertuig is. Albei is deur Suzuki ontwikkel en word in Toyota se Kirloskar-aanleg in Indië gebou. “Die vorige…

Die Oos-Vrystaat se landskappe is omtrent bekoorlik. Die golwende groen heuwels van die somer verkleur tot ’n warm goudgeel in die winter – dan herinner die kaal wilgerboomtakke ’n mens aan die flieks van Tim Burton. Dié deel van die Vrystaat kan selfs sneeu kry. Ongeveer 40 km oos van Vrede lê André en Ansie Podges se Oppi Rooiplaas-kampterrein knus tussen die Kliprivier en ’n klipkoppie. Die Kliprivier vorm die grens tussen die Vrystaat en Mpumalanga, en hoewel die kampplek in Mpumalanga lê, lyk die suidelike punt van dié provinsie pure Oos-Vrystaat. As jy dus op soek is na ’n klein en intieme wegbreekplek met geen selfoonsein nie (daar is swakkerige sein sowat 800 m van die kamp af), is Oppi Rooiplaas die plek vir jou. Ansie sê sy neem…

Toe ons onlangs ’n toetsmotor in ontvangs neem en ’n GPS-toestel aan die voorruit vassit, sê die vlootbestuurder – stomverbaas – hy het darem lanklaas so een gesien. Dit het ons laat dink: Waarom is ’n selfoon met ’n navigasie-app nie voldoende vir veldryers nie? Diegene van ons wat na afgeleë plekke reis waar selfoonsein gebrekkig of heeltemal onbeskikbaar is, sal steeds baat vind by ’n GPS-toestel wat meer betroubaar is en meer gereeld aan die satellietnetwerk koppel as ’n selfoon. Nuwe selfone het inderdaad ’n ingeboude GPS-skyfie wat satellietseine kan ontvang, en daar’s selfs selfone soos die jongste iPhone 14 wat noodboodskappe via die satellietnetwerk kan stuur, hoewel hierdie diens nog nie in Suid-Afrika beskikbaar is nie. Waarom sou ’n mens dan ’n GPS-toestel oorweeg as jou nuwe slimfoon…

IETS ANDERS Howard het al weke aaneen in sy klein seiljag op die oopsee rondom Madagaskar en die omliggende eilande deurgebring. Die slim gebruik van beperkte ruimte het hom gefassineer – en dit het hom nader aan sy “landskippies” gebring. Tot dusver het Howard al meer as 20 van dié unieke woonwaens gebou, en elkeen kan jy as ’n unieke kunswerk beskryf. Die binneuitleg van die waens is beïnvloed deur sy ervaring op seiljagte, maar vir die eintlike ontwerp het hy die horlosie ’n eeu of twee teruggedraai: Hy het sy twee modelle op ’n sigeunerwa en ’n herdershut gegrond. Die sigeunerwa word van hout en seil gemaak en die herdershut word met plaat afgerond. Hy het sy eerste sigeunerwa vir homself gebou. Dit het ’n dubbelbed gehad met twee…

kykNET-BUITE-EKSPO ONE4ODYSSEY One4Oddesey is ’n nuwe vervaardiger met twee soortgelyke boswoonwaens: Die Bush Chameleon 2 en 4. Soos ’n mens uit die naam kan aflei, het die onderskeie modelle slaapplek vir twee of vier mense. Dit is onder meer die beddens wat die Chameleon unieker maak, want in die Chameleon 4 trek ’n bed soos ’n laai bo-oor die disselboom uit, met ’n tweede bed bo die regterwiel. Eersgenoemde is koningingrootte en die bykomende slaapplek die dubbelbed. In die Chameleon 2 maak die dubbelbed plek vir ’n eethoekie. Die deur is agter – die boonste deel maak na regs oop en die onderkant slaan af in die vorm van ’n trappie. Die noodwiel is regs van die deur teen die romp. One4Odyssey wyk nie veel af van die basiese uitleg…

Nuus uit Eswatini was nog altyd maar dun gesaai – dis nou buiten die sporadiese bedenklike gedrag van koning Mswati III. Veral ná die Covid-19-inperking voel dit asof dié koninkryk amper heeltemal van ons radar af verdwyn het. Ons gaan loer in om te sien of alles nog in die haak is met ons bure. Ons spring weg op Badplaas, ’n Forever-oord sowat vyf uur se ry uit Johannesburg. Ons kies hierdie beginpunt omdat dit die laaste kampplek is voor jy die grens Eswatini toe oorsteek. Van hier af ry ons met die R541-streekpad, ook bekend as die Diepgezetpad, op pad na een van die stilste grensposte wat ons nog gesien het. Die eerste 40 km van die Diepgezetpad is geteer voordat dit grondpad word. Skaars 20 km later sal…

ROETES WAT ROEP Ons roete begin by die Tankwapadstal op die R355-grondpad tussen Ceres en Calvinia. Dit het jou drie uur geneem om van die Kaap af hierheen te ry en jy’s seker al rasend honger. Gelukkig sit die padstal heerlike etes voor; oorweeg gerus die roosterkoekburgers met tjips – die UFO-burger (R160) wat ons gehad het, was heerlik. Neem dan die grondpad wat agter die padstal verbyloop in die rigting van Sutherland. Dis ’n pad wat betreklik min gery word, en daarom moet jy eers by die padstal hoor of dit begaanbaar is. Met ons besoek was daar reënskade, maar ons konvooi van Kia Seltos-sportnutse kon die mas opkom, al was dit so hittete. Ná 19 km sluit ons aan by die R356-grondpad wat goed onderhou word, en 60…

LESERSTORIE Ná ’n jaar of twee se deeglike beplanning (en spaar) staan ses egpare van Riebeeckstad gereed vir ’n toer van 25 dae en 6 000 km na Namibië: Jurie en Adriana Blom, Sarel en Ester Griesel, Pedro en Elize Erasmus, Frank en Desirè Korb, Gert en Christien Viljoen en Pieter en Annette van der Merwe. Daar’s ’n hele klompie boswaens in die groep – twee Bush Lapas, ’n Conqueror Companion, ’n Sprite Tourer en ’n LeBusha – maar ook ’n Sprite Swing en ’n Gypsy Rapsody. Pieter vertel. Ná die skof van 330 km op die eerste dag kom ons by die Riverside-lodge naby Ritchie aan waar Hansie en Elize Bekker van Parys hulle by ons aansluit. Die kampplek hier is ’n gawe en netjiese oornaggerief langs die Renosterrivier…

SCHALK VERTEL Kort nadat ek as joernalis by hierdie reistydskrif aangestel is, stuur die destydse redakteur my om die Suidkus van KwaZulu-Natal vir ’n klompie dae te besoek en met ’n kampartikel terug te kom wat sê hoe lekker dit is om veral in die wintervakansie hierheen uit te wyk. Dit is een van my eerste opdragte en ek is vuur en vlam. Ek pak die kar en kies koers op die N1. Die plan is om tot in Bloemfontein te ry, oor te slaap en dan om Lesotho en oor Harrismith tot in KZN te ry. Op die skof tot in Bloemfontein vorder ek goed. Ek kry vir my ’n bed vir die nag en val die volgende oggend vroeg in die pad. Intussen het dit begin reën, en…