Innholdsfortegnelse for Aug/Sep 2022 i Weg! Ry & Sleep

Die naam Overberg het oorspronklik verwys na die onbekende binneland agter die Hottentots-Hollandberg wat die oostelike uitbreiding van Jan van Riebeeck se nedersetting gestuit het. Mettertyd is ’n pad deur die bergreeks gevind en die vae Nederlandse definisie van “over het berg” moes verander, want anderkant die Overberg het nóg berge gewag. Die Overberg-distrik se grense is tot vandag toe vaag, maar daar word algemeen aanvaar dit is die golwende vlakte tussen die Riviersonderend- en Langeberg in die noorde en die see in die suide, met sy westelike grens die Hottentots-Hollandberg en sy oostelike grens óf die Breë- óf die Gouritsrivier 100 km verder ooswaarts. Hoe ook al, hier is ’n kronkelroete wat jou goed vertroud gaan maak met die vrugbare landboustreek anderkant die berg. Jou roete begin by die…

Ons dae van maskers dra is blykbaar iets van die verlede, maar nou word ’n mens gebombardeer met knaende beurtkrag en die Zondo-kommissie se bevindings oor staatskaping. Soms moet ’n ou net sê: “Hokaai, stop die bus, ek wil afklim!” Skaars 22 km duskant Clanwilliam, 2½ uur se ry uit Kaapstad, is die ideale plek om dié bus te te laat halt roep, jou tent, woon- of boswa staan te maak en vir ’n paar dae te vergeet van die dinge wat die wêreld so ingewikkeld maak. Sorgeloos. Dit is waar jy die Rondeberg-oord sal vind, aan die oewer van die Bulshoekdam. Die oord met 30 uiteenlopende staanplekke (en genoeg plek vir 180 mense) beslaan nagenoeg 3 ha. Die ontvangskantoor se valhek kry jy ná 500 m se netjiese grondpad…

LESERSTORIE Ek, my vrou, Terèsa, en ons kleindogter Tinneke (11) is al ’n paar weke in Namibië. Ons het oor Windhoek en Etosha tot by die Epupawaterval in die noorde gevorder, en van hier af wil ons ry na die afgesonderde Camp Syncro, teenaan die Kunenerivier, en die Marienfluss. Ons het al voorheen (rondom 2005) oor Vanzylspas soontoe gery – in ’n Toyota Prado. Dié slag is ons egter in ons Iveco-4x4-ryhuis en sien nie kans vir die berugte pas nie, veral omdat ons op eie reis. By die Epupa Falls-lodge-en-kampterrein gesels ek met die eienaar, Koos Verwey, oor die alternatiewe roete na Camp Syncro. Koos is ’n legende in daardie wêreld en ken die Kaokoveld soos die palm van sy hand. Hy is van mening dat ons Iveco maklik…

In April 2021 het ons geskryf oor die eerste Suzuki Vitara Brezza wat plaaslik bekend gestel is. Destyds was die Brezza in twee afwerkingsvlakke beskikbaar: die GL-basismodel en die luukser GLX, albei met ’n keuse tussen ’n hand- en outomatiese ratkas. Intussen het Suzuki ’n derde model bygevoeg, die S-Edition, met dieselfde ratkaskeuses. Al drie modelle word deur Suzuki se K15B-enjin aangedryf wat onder meer ook in die Jimny gebruik word. Dié lewer 77 kW krag en 138 Nm wringkrag – dit klink dalk min vergeleke met die moderne 1 ℓ-turboaangejaagde enjins, maar met die betreklik lae voertuigmassa van 1 140 kg is die Vitara Brezza heel rats. Die enjin se toere is wel effens te hoog na ons smaak. Op die ooppad hoor jy die heeltyd hoe hard die…

4X4-PROFESSOR Ons moet by voorbaat noem as jy goed vertroud is met ’n hidrouliese rattrekker en die wringlas van enige gegewe bout ken sonder om dit na te slaan, dan is hierdie artikel nié op jou gemik nie. Maar as “rattrekker” en “wringlas” vir jou eerder na Grieks klink, moet jy jouself eerlik afvra hoe gekonfyt jy is met voertuigherstelwerk. As jy byvoorbeeld nog nooit self ’n homokinetiese koppeling in jou Toyota Hilux vervang het nie, help dit nie om ’n hamer, beitel, pons, 17 mm-, 19 mm- en 35 mm-sok, woelyster en wringsleutel in te pak nie. En jy moet darem weet watter splitpenne jy met jou splitpentrekker moet uittrek voor jy aan die werk spring. Die meeste van ons weet egter hoe om olie, gloeilampe en vonkproppe te…

STANLEY-MOTORS Stanley-motors, met sy monteeraanleg in Johannesburg, het in 1960 Willys-Overland Jeeps, Hudsons en Peugeots aanmekaargesit. Toe Willys-Overland deur Kaiser Manufacturing Co gekoop word, moes Stanley-motors sy Jeep afstaan aan Preator-monteerders, die voorganger van BMW Suid-Afrika (lees meer op bl. 34). Stanleymotors het hom daarop geroem dat hy die eerste aanleg is wat petroleumgasoonde gebruik om die emaljeverf op voertuigbakke droog te bak, maar ook dat hy ’n spesiale opleidingsentrum vir “nie-blankes” het. S.A.M.M.V. Die Suid-Afrikaanse Motormonteerders en Verspreiders Bpk. is in 1949 in die lewe geroep toe £500 000 aan ’n voormalige ondervoorsitter by die Amerikaanse Studebaker Corporation oorhandig is om dié handelsmerk op eie bodem te vestig. Die aanleg in Uitenhage (vandag Kariega) het in die jare sestig sowat £1,2 miljoen per jaar aan die regering betaal in…

BUITE-EKSPO Ná vanjaar se derde groot woonwaskou, die kykNET Buite-ekspo by Sondela buite Bela-Bela, is ’n mens opnuut onder die indruk presies hoe bederf Suid-Afrikaners is met al die woonwakeuses. Op die jaarlikse Woonwaskou vroeër vanjaar by die Gallagher-konferensiesentrum in Midrand was meer as twintig nuwe kampwamodelle te sien en twee nuwe vervaardigers het hulle buiging gemaak. ’n Maand of wat later – by die eerste kykNET Buite-ekspo van die jaar buite Malmesbury – het nóg drie nuwe vervaardigers kom oë wys en ’n totaal van vyf nuwe modelle is ten toon gestel. Dit was ook die tendens by die ekspo buite Bela-Bela: Nóg twee nuwe vervaardigers het hulle kom voorstel en ’n goeie tien nuwe modelle is hier staangemaak. Dis wat ons nuut by Bela-Bela gesien het. CUSTOM CANOPIES…

Die ouer garde sal Praetor-monteerders dalk onthou: die voorganger van BMW Suid-Afrika. Dié maatskappy se aanleg in Rosslyn, Pretoria, het nie net BMW’s gebou nie, maar ook die Jeep Wagoneer-stasiewa en Gladiator-bakkie. Vervaardiging is in 1970 gestaak toe Kaiser Jeep SA sy samewerking met Praetor beëindig het, en die aanleg is twee jaar later deur BMW AG oorgeneem. En nou, meer as vyftig jaar later, is die Jeep Gladiator uiteindelik terug op eie bodem. Ons weet nie hoeveel Gladiators Praetor-monteerders in die jare sestig verkoop het nie, maar Stellantis Suid-Afrika het glo 55 nuwe Jeep Gladiators binne die eerste 12 dae ná sy bekendstelling verkoop – sonder dat die trotse nuwe eienaars die bakkie in lewende lywe gesien het! Buite en binne Die Jeep Gladiator behou die sierrooster van die…

Die L’Agulhas- munisipale woonwapark bestaan uit twee kampterreine: een tussen vakansiehuise in die middedorp, en ’n tweede teen die see. Daar is altesame 77 staanplekke waarvan slegs sommige kragtoevoer het. Die staanplekke by die see het geboude braaiplekke, maar die kampterrein binne die dorp nie. Die ablusieblokke is oud, maar dis skoon – en witgoud word verskaf. Prys R205 p.n. vir 2 mense (R275 in die spitsseisoen). Pensioentrekkers kry 25% afslag. Kontak 028 435 6015 L’AgulhasResort@capeagulhas.gov.za Die ryding langs ons tent is ’n Citroën C3 Aircross waaroor ons in Ry & Sleep #49 geskryf het. Die C3 Aircross het ’n kort asafstand wat normaalweg sou veroorsaak dat ’n voertuig rondgly en onstabiel voel op ’n grondpad, maar dit was geensins die geval met hierdie Franse kruisnuts nie. Sy vastrapbeheer werk…

Die Tshugulu-4x4-ekoroete is sowat 13 km lank soos ons hom hier ry, maar daar is ’n ekstra paar draaie wat die afstand maklik kan verdubbel. Ons het hom egter gery soos wat Sanparke se veldwagters vir ons beduie het. Vroeër jare is die roete as ’n aktiwiteit bemark waarvoor jy ’n ekstra permit moes kry, maar deesdae, het die personeel vir ons verduidelik, is dit net gaste van die Tshugulu-lodge wat toegelaat word. Teen R1 780 p.n. vir vier mense is dié verblyf nie goedkoop nie, maar as jy die omgewing, die geriewe en die grootte van die lodge in ag neem – en jou gratis toegang tot die 4x4-roete – is dit eintlik goeie waarde vir geld. Trek weg by die lodge en ry 500 m terug op die…

KAMP & KATROL ZELPY KIES EN KEUR Die naam Zelpy-hengel-en-wildoord klink dalk effens onbekend, maar kampeerders sal die ou naam, Eastco Magalies, herken. Hengelaars kan steeds lyn natmaak in die drie damme digby die staanplekke, maar in die wildkamp ’n entjie verderaan met die grondpad is nou nog twee damme tot hulle beskikking. Buiten die staanplekke – met plaveisel en skadunet – is daar nou in die oopte agter die warmwaterswembad nog agt staanplekke waar jy op gras kamp. Hierdie nuwe staanplekke het elk ’n kragpunt, water en braaiplek. Nes die oorspronklike drie damme het een van die twee nuwes ook swartbaars, karp, baber en kurper. Jy betaal nie ekstra om te hengel nie, maar alles wat jy uittrek, moet terug water toe. Die tweede dam is bedoel vir spesiehengelaars,…

Die EdgeOut, breinkind van die industriële ontwerper Retief Krige, is rofweg geskoei op die teardrop-ontwerp – ’n dubbelbed-op-wiele met ’n kombuis aan die agterkant. Maar dit is waar die ooreenkomste eindig, want die EdgeOut is in vele ander opsigte uniek. Die hoekige vorm herinner nogal aan ’n Amerikaanse B2-bomwerper, en die wa is ook pas in Duitsland met ’n internasionale toekenning bekroon. (Lees die nuusberig op bl. 22. – Red.) Dit is egter nie net die vorm wat byderwets is nie, maar ook die boumateriaal: Plastiek. Die eienaar van EdgeOut, Vonnie Heyns, is ook die eienaar van 4EVR-plastiekprodukte wat fokus op industriële produkte van plastiek, en die spesifieke materiaal wat vir die EdgeOut gebruik word, staan bekend as LLDPE-samestelling (lineêre laedigtheid-poliëtileen). Die romp bestaan uit twee plastiekkapsules: Die voorkant waarin…

KAMPBESTEMMING Al is die jaar se langste nag in Junie lank reeds vergete, is die lente maar suinig met sy warmer dae. En teen dié tyd van die jaar voel ’n mens al lus vir ’n blaaskans voor jy die laaste paar maande tot die Desembervakansie aandurf. Dalk is daardie kort vakansie in Oktober net die opkikker wat ’n mens nodig het... Ons saal af by die Anchors-woonwapark aan die onderpunt van die Suidkus en ontdek ’n stil kampplek waar jy bloot kan ontspan en sommer vol energie terugkeer huis toe. En as die Suidkus net té wyd is, kan jy net anderkant Piet Retief geholpe raak, sowat vier uur se ry uit Gauteng en 250 km van die Noordkus af. Hier, by die minerale warmbron Natal-spa, kry jy sommer…

MY WIELE Ons het baie jare lank kinders op universiteit gehad, en almal wat al daardeur is, sal jou kan sê dis ’n duur storie. Maar wie ontsê jou kind iets beters in die lewe net sodat jy elke 3-4 jaar ’n nuwe (of ander) voertuig kan aanskaf? Daarom het ek besluit om my voertuig so lank as moontlik te ry. In 2005 het ek vir my ’n nuwe Toyota Corolla 1.6 GLE gekoop – die kar was ons daaglikse vervoer werk toe en terug, en ons het met die Corolla op vakansie gegaan en ook sleepwaens gesleep. Ek het seker 15 keer studentetrekke aangery. Ons kamp ook en het 12 jaar lank ’n Gypsey Caravette 6 na verskeie binnelandse oorde gesleep (twee keer Hartenbos toe en terug). As jy…

KAMPBOFFIN Ons het ’n brief van Wayne Jacobs, ’n leser, ontvang waarin hy vertel hoe die paaie in die Pilanesberg- nasionale park agteruitgegaan het. Dit is al baie jare ’n gewilde bestemming vir kampeerders, want hier gaan jy 9 uit die 10 keer die Groot 5 sien. Die afgelope 16 jaar het ons nie minder nie as vier keer in dié lieflike reservaat gekamp en oor ons ervaring geskryf. Die eerste besoek was in 2006, en die inleiding van die artikel som dinge goed op: “Pak jou goed en haak jou veldwa. Kom kyk hoekom is kampeerders en slepers so gaande oor die Pilanesberg.” Louise Grobler kamp in dié tyd ook in die reservaat en sy sê dit is haar sesde besoek: “Hier kan ’n mens lekker ontspan, én die…

My man, Christo, met wie ek al 37 jaar getroud is, het ’n sêding wat hy gereeld gebruik: “Nou het ek niks meer nodig nie.” Maar dan is dit net tot hy weer ’n bevlieging kry... Nou wonder ek of my man se bevliegings is vanweë die oorgangsjare en of is dit nog sy avontuurlustigheid en liefde vir die natuur. Want sodra ek dink sy uiterste lus vir ’n nuwe avontuur is geblus, onstaan die begeerte vir nie net ’n nuwe avontuur nie, maar sommer iets groters. Soms kan my 59-jarige man se avontuurlustigheid tot groot uitdagings lei. Maar ek praat maklik daaroor, want ek sien gewoonlik die groter prentjie. Dalk is dit omdat my kragte nie meer kan byhou nie. Vir Christo is niks ’n probleem nie, en soos…