Innholdsfortegnelse for Apr/May 2022 i Weg! Ry & Sleep

Op vanjaar se Woonwaskou in Midrand het ek opnuut besef hoe baie ’n mens iets kan mis. Hoewel die skou net verlede jaar gekanselleer is, het die afwesigheid daarvan veel langer gevoel. Onthou, die laaste skou is in 2020 gehou, enkele weke voordat ons almal daai Sondagaand na die president se droewige gesig moes kyk toe hy sê: “My fellow South Africans...” “Heelparty mense was bereid – amper gretig – om die doodsberigte te begin skryf, maar by vanjaar se skou is al daardie doemprofete dubbel en dwars verkeerd bewys.” Onder die meer as 20 000 kampentoesiaste wat oor die drie dae deur die deure gestroom het, was daar duidelik ook ’n behoefte om te sien wat in die mark aan die gang is. En die woonwa- en kamptoerustingvervaardigers het…

Jurgens-, Gypsey-, Sprite- en Safari-woonwaens word voortaan deur ’n nuwe maatskappy, Leefek, vervaardig. Dit volg op die likwidasie van Jurgens Campworld. Tian Muller neem Leefek se leisels as besturende direkteur. Volgens Ina Dreyer, woordvoerder van Leefek, word die produksie nie geraak deur die likwidasie nie. “Tans is daar drie maande se bestellings in die produksielyn.” Grondpadwaens is steeds die gewildste wa, en Leefek het ’n nuwe model by sy Tourer-reeks gevoeg. (Lees meer hieroor op bl. 23. – Red.) Buiten die Tourer word nog nuwe woonwamodelle binnekort bekend gestel. Vroeër het van die Jurgens-handelaars aan die vervaardiger behoort, maar dit is nie meer die geval nie. Tans is daar 13 geakkrediteerde handelaars landwyd: • Silver Lakes Caravans, Pretoria • Pro Quick Leisure, Pretoria • Discovery Caravan & Outdoor, Pretoria • Pretoria Caravans & Outdoor,…

Die Ineos Grenadier, ’n voertuig wat geïnspireer is deur die vorige geslag Land Rover Defender, is haas op pad na Suid-Afrika. Drie prototipes is vroeër vanjaar na Kaapstad gebring en Ry & Sleep kon hom van nader bekyk. Die voertuie herinner inderdaad sterk aan die ou Land Rover Defender en spog met hoërgraad-onderdele deur onder andere Magna Steyr, ZF Friedrichshafen, Carraro en Bosch. Wat enjins betref, is daar twee keuses: ’n 3ℓ-petrol en 3 ℓ-diesel, albei van BMW. Hoewel dit te vroeg is om ons ryindruk hier te deel – die voertuie was vroeë prototipes – kan ons bevestig die binneruim is heelwat groter as dié van die ou Defender. Alle knoppies en skakelaars is waterdig en modderbestand sodat jy letterlik die binneruim met ’n tuinslang kan skoonspuit. Buitelangs is…

Die Drakensberg is om verskeie redes verbluffend. Die reeks strek oor meer as 1 000 km van noord na suid en dui verskeie grense aan – vir onder meer Lesotho, KwaZulu-Natal, die Vrystaat en Mpumalanga – én dan sal jy die hoogste spits in Suider-Afrika hier vind. Die uKhahlamba-Drakensberg- nasionale park in Suid-Afrika en die Sehlathebe in Lesotho staan gesamentlik bekend as die Maloti-Drakensberg-oorgrenspark. Dit is ’n Unesco-Wêrelderfenisgebied, en hier tref jy nie net bedreigde voëlspesies aan nie, maar ook ’n groot konsentrasie San-rotskuns. Die bedrywigste sakesentrum naby die suidelike deel van die park is Underberg. Skaars vyf minute se ry buite die dorp kan jy by Khotso kamp opslaan, waar jy ’n mengsel kry van plaas en berg met die klem op stilte in die natuur. Nog sowat 30…

In elkeen van dié drie nasionale parke is daar 4x4-roetes – sommige is verspotmaklik en jy sal hulle in ’n gewone tweewielaangedrewe bakkie of sportnuts kan baasraak, terwyl ander vierwielaandrywing en ’n bietjie kopkrap verg. Die roete begin 50 km suid van Kimberley in die Noord-Kaap, langs die Rietrivier in die Mokala- nasionale park waar die 4x4-paaie betreklik mak is. Van hier af ry ons tot in die Marakele- nasionale park waar die paaie effens meer uitdagend raak, maar steeds geen rede tot kommer nie. Laastens baan ons ’n weg deur die Bosveld tot by die Mapungubwe- nasionale park met ’n paar 4x4-roetes waar jy inderdaad die kortkierie moet tokkel. MOKALA- NASIONALE PARK Die reuk van reën... Met ons besoek aan Mokala het dit kortkort gereën, met poele sonlig wat…

Die roete begin by die vakansiedorp Graskop in die Laeveld. Neem Hoofstraat – oftewel die R533-streek-pad – uit die dorp in die rigting van Kowynspas en Bosbokrand. Op Kowynspas ry jy deur ’n galerytonnel – dis ’n soort tonnel waarvan die een kant oop is en die dak deur pilare ondersteun word. Aan die voet van die pas is ’n platterige vallei wat in der waarheid die vlak suidelike uitloop van die Blydepoort-canyon is – die Blyderivier-canyon se minder dramatiese buurman. Ongeveer 15km buite Graskop, op die laagste punt van die vallei, is ’n afdraai aan jou linkerkant (S24.94836 E30.94507). Die afdraai het nie ’n naam nie en die enigste padteken is ’n Sappi-padpredikant wat jou maan om nie vuur te maak in die plantasie nie – draai hier links.…

“Ek het die voertuig waarmee ek tans sleep, ’n 2020 Mahindra Scorpio S10 (4x4), nuut gekoop, en hy het vandag eintlik betreklik min kilometers op: 28 000 km. Ek kan nie kla oor sy brandstofverbruik nie, want onlangs toe ons KwaZulu-Natal toe en terug gery het, was die swakste syfer 16 l/100 km, met 12 l/100 km die beste. Ek sleep my selfgeboude dubbelaswoonwa wat ek Double Trouble noem. Leeg trek hy die skaal op 1460 kg met ’n brutovoertuigmassa van 1800 kg. My eerste sleepvoertuig was ’n Toyota Corolla Avante 1600 waarmee ek ’n Sprite Sport gesleep het. Koppisol was die eerste plek waar ons gekamp het. Ek het ’n Jurgens Fleetline gesleep, maar die lys waens wat ek al in my lewe gesleep het, is lank. Ek besit…

Discoverer-ryhuise word deur Motorhome-World in Atlantis vervaardig, en jy kan van die nuutste modelle by Bobo Campers huur. Die Discoverer 4 waarmee ons gery het, is gebou op die onderstel van ’n Iveco S13 2.3 TDi met ’n 8spoed- outomatiese ratkas. Jy sit hoër en moet jou draaie wyer vat, maar andersins bestuur die ryhuis so maklik soos ’n gewone motor. Hy het selfs spoedbeheer én die dieselenjin is lekker ekonomies: Oor ’n afstand van sowat 2 500 km het ons ’n gemiddelde brandstofverbruik van 10,8 ℓ/100 km gekry. Buitelangs is die Discoverer 4 se spierwit afwerking indrukwekkend vaartbelyn, en dis eers as jy nader kyk dat jy die proppe van die elektriese aansluiting, die 60 ℓ-watertenk en 70 ℓ-brandstoftenk oplet. Verder sal jy ook bêreplek sien vir twee 5…

Anders as met ons gebruiklike sleeptoetse ry ons vir dié uitgawe oor ’n langer tydperk en afstand in die nuwe Hilux – pleks van net ’n paar uur agter die stuur gaan ons op ’n reis van tien dae. Ons trek weg in die binneland, maak ’n draai in die KwaZulu-Natalse kusgebied en steek dan die Drakensberg oor – met Tuff Cats se Dindingwe, ’n meneer van ’n wa, op die haak. Ons gesin van vier doen verskeie kampplekke aan, sit lang ure in die kar, trotseer reënbui ná reënbui en ervaar die Hilux deur dik en dun. Nag, ou grote... In ’n mens se kop is dubbelkajuitbakkies swaarder as wat hulle in werklikheid is. Dít kom ’n mens vinnig agter wanneer jy ’n woonwa met ’n brutovoertuigmassa (BVM) van…

Jy dink dalk die professor slaan sy eie naam met ’n plank, maar dit is sy beskeie mening dat die houtplank ’n wonderlike ding is! In hierdie artikel noem ons 12 gebruike, maar natuurlik kan jy nog baie meer met hom doen. Vastrapper Fênsie herwinningsplanke is gegrond op doodgewone houtplanke. Pleks daarvan dat jy R6 000 uitgee op ’n stel Maxtrax, kan jy bloot ’n stuk hout onder ’n wiel druk vir beter vastrap. Ons gee toe sandplanke van plastiek gee beter vastrap, maar as jy weet hoe om jou houtplank reg te gebruik, het jy niks méér nodig nie. Fondament Die achilleshiel van enige domkrag, hetsy dit die skêr-, bottel- of hoogligsoort is, is sand en modder. Jy’t ’n plank as ’n voetstuk nodig om te keer dat die…

Die jaarlikse Woonwaskou by die Gallagherkonferensiesentrum in Midrand het al ’n instelling geword en is die hoogtepunt op die bedryf se kalender, want hier kan jy al die nuutste modelle onder een dak sien. Buiten bestaande reekse is meer as 20 nuwe modelle ten toon gestel, en boonop het twee nuwe vervaardigers hulle buiging gemaak. Ons kyk na die heel nuutstes. OUT BOUND CAMPERS Out Bound is ’n nuwe woonwavervaardiger wat die mark met ’n stewige aanbod betree: Daar’s drie boswaens – die Thunder, Breeze en Blizzard – en twee boswoonwaens, die Cyclone en Hurricane. Die reeks is beskikbaar by Kempton Caravans. Aanvanklik is die Thunder uit Australië ingevoer, maar deesdae word al die waens behalwe die Thunder en Hurricane plaaslik vervaardig. Die Thunder het ’n metaalromp, terwyl die res…

’n Jaar nadat Chris Scorer die bekende Corian’s-woonwaoord in die KwaZulu-Natalse kus gekoop het, het die kampplek verskeie veranderinge ondergaan. Buiten ’n nuwe heiningdraad, ’n gravitasievloei-wateropgaarplek, ’n vars laag verf en opknappings aan die huurhuis het die plek ook ’n nuwe naam gekry: Characters Garden Park. Die speletjieskamer skuif en is nou langs die swembad, wat beteken alle vermaak is bymekaar, sommer naby die oord se hek. En dan het drie van die oorspronklike 60 staanplekke elk ’n permanente tent bygekry. Chris-hulle noem dit Rent-A-Tent – vir mense wat nie hulle eie kamptoerusting het nie, maar steeds ’n kampervaring wil geniet. Hierdie kampeerders word met ’n dubbelbed bederf, maar jy het ook jou eie braaiplek én daar’s kombuisware, ligte, stoele en ’n tafel. Die res van die staanplekke is meestal…

Hierdie ruskamp het vier losstaande dubbelverdieping-selfsorghuise, elk met slaapplek vir 5 mense, en vier enkelverdieping-skakelhuise (dus 8 selfsorgeenhede wat skouer aan skouer staan) met slaapplek vir 2-3 gaste elk. Die 12 selfsorgeenhede het almal ’n volledig toegeruste kombuis, badkamer, 220V-kragtoevoer, lugreëling en ’n braaiplek langs ’n balkon met houtmeubels. Jy parkeer jou bakkie teenaan jou huis, maar hy staan nie onderdak nie. Skoonmakers daag rondom 10:00 op om jou bed op te maak en hulle vee ook die vloer, verskaf toiletpapier én maak die braaiplek skoon, maar jy moet jou eie skottelgoed was. Daar is ’n swembad en kafee by ontvangs plus ’n pool-tafel, kroeg en restaurant –laasgenoemde kuierplek was met ons besoek gesluit weens die pandemie. Prys Vanaf R1 005 p.n. vir 2 mense (R145 vir kinders o.13). Kontak…

Die lekkerste ding van ’n langpadreis is dat jy nooit presies weet wat die dag alles inhou nie. Ja, jy het natuurlik ’n sekere roete wat jy moet volg en ’n slaapplek wat jy vanaand wil haal, maar die tyd tussenin is dikwels soos ’n splinternuwe inkleurboek wat eers padlangs kleur kry. Toe ek byvoorbeeld vanoggend opstaan, sou ek nooit kon raai dat ’n lama my later vandag gaan byt omdat ek gesê het hy het ’n haarsnit soos ’n Australiese rugbyspeler nie. En nou sit ek met ’n blou kol op my rug. Ek lag saam met Sam, my ander helfte, wanneer sy ’n foto neem, want dit is oomblikke soos hierdie wat ’n vakansie onvergeetlik maak. ’N WYE DRAAI Die lama is deel van ’n versameling diere by…

HENGELOORD KINGFISHER-LODGE HENGEL SOOS ’N KONING Die Kingfisher-lodge is op die alternatiewe N4-roete tussen eNtokozweni (Machadodorp) en Mbombela wat deur Schoemanskloof loop. Die lodge het ’n nuwe kampplek bygekry en die eienaar, Gary Roberts, het vir elke staanplek sy eie badkamer gebou. Soos jy die lodge se terrein binnery, sien jy ’n paar blesbokke, skape, donkies en muile. Die vier foreldamme is links van jou, die swembad net regs daarvan en die twee kampterrasse omtrent voor jou en verder regs. Garyhulle verwelkom jou met ’n drankie, waarna jy kan afsaal. Op die een terras staan 6 houthuisies en op die ander 9 in ’n ry – dit is die badkamervertrekke. Elke staanplek van 9x 15 m het gras. Die badkamer van vier staanplekke op die eerste terras staan tussen ’n…

Die Mobi Lodge het vroeg in 2015 die lig gesien – destyds het ons hom as die “woonwa van môre” beskryf. Ons wil nou nie ons eie beuel blaas nie, maar dié stelling was duidelik in die kol, want die vervaardiger kan nie voorbly met bestellings nie. Voorheen kon kopers kies uit vier modelle – die Custom, Expedition, Deluxe en die Ultimate – maar nou het die eienaar van Mobi Lodge, Marius Ras, halt geroep en al vier in een model saamgevat: die Continental. Laat staan sulke dinge... Met ’n boswoonwa is dit belangrik dat die neuswiel verwyder moet kan word, want dit is gewoonlik wat eerste in die grond ploeg as jy oor ’n slegte knik gaan. Die Mobi Lodge s’n kom nie los nie, maar swaai uit die…

Ek het ’n vrees vir tente. Ek is bly ek kan dit uiteindelik erken, want glo my, dit is nie maklik nie. Ek het lank voorgegee ek is heel behendig in die natuur, selfs al was ek nooit nie. Maar ek het nie regtig ’n ander keuse gehad nie. My pa is ’n voormalige infanterieman en kan ’n slaapsak so klein soos ’n Woolies-vrugterol oprol. Aan my ma se kant is ek ’n afstammeling van die Edenburg-Voortrekkers. Die buitelewe is dus veronderstel om deel van my DNS te wees, maar as jy na my geskiedenis kyk, vertel dit ’n heel ander storie. Die sandvlieë het my op ’n slag amper opgevreet omdat ek vergeet het om my grondseil op ’n Oos-Kaapse strand oop te gooi. Op ’n ander kamp, dié…

Alu-Star is bekend vir sy sleep-en perdewaens van aluminium, maar nou het die maatskappy sy eerste volwaardige boswa bekend gestel. Van die eerste sketse en idees tot by die bou van die prototipe het kort duskant twee jaar geneem, sê Reinard Stapelberg, mede-eienaar van Alu-Star. Die XK6 Camper het ’n tipiese boswa-uitleg – dinge soos ’n neuskas op die A-raam, ’n kombuis links en klerekaste aan die regterkant – maar daar’s ook een of twee nuwighede. Pleks van ’n deksel of twee sydeure maak die neuskas se voorkant boontoe oop. Jy kom dus alles maklik by en hoef nooit te grawe nie. Dit is ook waar die inlyn-gasgeiser en gassilinder staan, maar daar is lekker baie plek vir dinge soos jou klein gasbraai en ander los items. Die kombuis is…

Loftus Caravan City doen die afgelope 34 jaar sake en behoort reg van die begin aan die Loftus-familie, maar nou het Nicole Ostrom ’n aandeel bekom en tree toe as ’n mede-eienaar. Nicole het haar in 2010 by Loftus aangesluit en omgesien na die rekeninge, waarna sy later die finansiële en administrasiebestuur oorgeneem het. Sy het intussen ook betrokke geraak by die bemarking en woonwa-invoere, en sien onder meer ook om na die homologasie van waens. Die drie Loftus-broers, Woody, Neil en Joel, saam met hulle pa, ook Joel, het die onderneming begin. Joel (sr.) het in 1994 uitgetree. “Nicole deel ons visie en passie vir die bedryf en kampleefstyl – en ook ons fokus op die beste kliëntediens,” sê Woody. “Sy is baie aktief agter die skerms, en vol…

Toyota se eerste motorvoertuig was die Model AA wat in April 1936 uit die werkswinkel gery het – en ’n jaar later is die motormaatskappy gestig. Dit beteken dié voertuigreus is vandag 85 jaar oud. Dit is egter 71 jaar sedert Toyota se eerste veldvoertuig, die BJ-model, die lig gesien het. Toyota sou einde verlede jaar die ronde 70 vier met ’n groot makietie, maar Covid-19 se Omicron-variant het ’n stokkie daarvoor gesteek. Toyota het die Land Cruiser 79 gekies om die 70ste Herdenking-tooisels te dra, dalk omdat die 70-reeks en die jaarviering dieselfde is, hoewel die 70-reeks eers in 1984 sy verskyning gemaak het. Wat het ons hier? Die Toyota Land Cruiser 79 4.5D V8 70th Anniversary Edition – dis sy amptelike volledige naam – is in twee bakverfkleure…

Dit is algemene kennis dat Mokala, Marakele en Mapungubwe almal wit-en swartrenosters huisves. Ter wille van die diere se veiligheid het ons in hierdie artikel geswyg oor waar ons hulle gesien het – en ja, ons weet renosters loop van hoek tot kant in ’n park rond, maar ons wil stropers géén verdere inligting gee nie. Volgens ’n 2015-sensus wat deur Sanparke se wetenskaplike dienste gedoen het, is die bevolking renosters stadig besig om toe te neem, ondanks voortdurende stroping. As jy renosters in een van hierdie parke raakloop, skuil daar gewoonlik ’n gekamoefleerde veldwagter met ’n roer in die lang gras. Dit is danksy hierdie ywerige beskermers dat ons renosters se getalle stadig herstel. Dankie, mense!…

“Ons uitgebreide familie kamp al vir ’n geruime tyd saam. Met ’n onlangse naweekwegbreek het ons besluit om naby aan die huis te gaan uitspan. Miller’s Point net buite Simonstad was ’n aangename verrassing. Ek, my lewensmaat, Stacey, en ons seuns, Kade en Kian, het in ons Mitsubishi L300-ryhuis gekamp en my ouers, Mark en Bonita, het in hulle Hyundai H100-ryhuis by ons aangesluit. My pa se broers het ook vir die naweek saamgekom. Oom Vincent en tannie Tessa kamp in ’n Volkswagen Mikrobus-kampbussie, terwyl oom Hylton, sy vrou, Gail, en hulle dogter, Maxine, hulle Gypsey Caravette 4 met hulle Mitsubishi Outlander gesleep het. HOE LYK DIE KAMPTERREIN? Die pad deur Miller’s Point loop amper soos ’n perdeskoen deur die woonwapark, met staanplekke aan weerskante, almal met gras. Die kampterrein…

As jy oud genoeg is om die Peugeot 404 te onthou – veral die bakkieweergawe (soos op die foto regs bo) –sal jy dalk saamstem dat dit ’n lekker ryding was met ’n reputasie vir ’n gemaklike rit. Peugeot het ’n ingewikkelde geskiedenis in Suid-Afrika, en Landtrek is die eerste bakkie van dié Franse voertuigvervaardiger in byna veertig jaar. Ons het in die vorige uitgawe van Ry & Sleep geskryf oor sy Chinese herkoms – in dié land word hy verkoop as die Kaicene F70. Dit was die eerste indruk. Nou benut ons die kans om hom te ry wáár ons wil, sóós ons wil. Buite en binne Die Landtrek is fisiek groter as wat hy op foto’s lyk. Hy is inderdaad breër (1 963 mm) en hoër (1 897…

Min dinge in die lewe se waarde neem toe. Met aandele, eiendom en skaars kunswerke is dit wel die geval – dalk ook goeie wyn –maar beslis nie jou kar nie. Jy gaan nie sommer jou motor verkoop of inruil sonder om ’n groot klomp geld te verloor nie. Maar dít wat jy vir jou woonwa betaal het – nuut óf tweedehands – gaan jy waarskynlik weer sien die dag as jy hom van die hand sit. Ons kyk na die pryse van nuwe woonwaens tien jaar gelede en hoe dit met die tweedehandse waarde vandag vergelyk. Eers terug na die motormark. Neem drie 2012-modelle as voorbeeld: ’n Toyota Fortuner 3.0 D-4D (4x4, outo), Ford Ranger 3.2 XLT (4x4, outo, dubbelkajuit) en ’n Suzuki Jimny 1.3. Hierdie drie voertuie het…

Ek en my vrou, Johanna, het op ons daaglikse wandeling gegaan toe ’n goue ou Jurgens 500-woonwa die kampterrein by Gouritsmond binnekom. Ons het albei botstil gaan staan om die meesterstuk te bewonder wat stadig verby ons ry. ’n Paar dae later kon ek die moed bymekaarskraap om met die eienaars, Gys en Adrie van Vuuren, te gaan kennis maak. Alles voor my het van netheid en presisie gespreek. Gys het letterlik sy betroubare sleepwa vir die dop van ’n 1966 Jurgens 500 verruil. Slegs die vloer en onderstel was oorspronklik – en nog in ’n goeie toestand. “Ons het albei botstil gaan staan om die meesterstuk te bewonder wat stadig verby ons ry.” Gys is kundig en prakties aangelê, en daarom het hy die reusetaak self aangedurf en sodoende…