Innholdsfortegnelse for October - November 2021 i Weg! Ry & Sleep

“Cyril karring al sedert sy aanstelling dat ons tog ’n bietjie motorfietsinhoud moet insluit. Mettertyd het ons ingegee... en sommer vir hom ’n hele tydskrif gegee.” Dit is presies ’n jaar sedert Ry & Sleep se frekwensie verander het en ons al om die ander maand op die rak verskyn. Soos ek destyds hier (én in ’n baie ongemaklike redaksievergadering) verduidelik het, was dit ’n ingrypende besluit wat moeilik was om te neem. Daarom is dit verblydend om ’n jaar later te kan sê dit was ongetwyfeld die regte rigting om in te slaan en my hart loop oor van dankbaarheid vir jou wat ons tydskrif ondersteun, die adverteerders wat steeds die pad saam met ons stap, en al my kollegas wat hierdie vreemde bul by die horings gepak het…

“Ek het ’n kamera met lense, maar uiteraard dra ek dit nie altyd by my nie. My foon is wel meestal byderhand en daarom neem ek heelwat foto’s daarmee. Ek hou die meeste daarvan om natuurfoto’s te neem, maar dan geniet ek dit ook om effens nader te staan. Jy moet kyk of jy kan inzoem, want daar is altyd iets moois te sien as jy van nader kyk. Die wêreld is so donker, en ’n mens is geneig om die alledaagse goed as vanselfsprekend te aanvaar. Jy moet net vir ’n oomblik stilstaan en oplet. Dis belangrik om te besluit hoe jy die onderwerp in die fotoraam gaan plaas. Moet jy nie dalk die kamera draai of kyk na ’n ander hoek nie? Só kry jy dalk ’n nóg…

Volkswagen se eerste Suid-Afrikaanse aanleg is op 31 Augustus 1951 op Uitenhage in die destydse Kaapprovinsie geopen om die groeiende motorbedryf te bevredig. Volkswagen se Uitenhage-aanleg (vandag Kariega) het oor die jare Volkswagen Kewers, die Kombi 2, die Golf (ook die Citi Golf), die Polo en verskeie Audi’s gebou. Meer as 4 miljoen voertuie het in die sewe dekades by dié aanleg se hekke uitgery en gesorg vir die 21,7%-markaandeel in die Suid-Afrikaanse voertuigmark. Ry & Sleep sê veels geluk, Volkswagen Suid-Afrika! Die eerste selfaangedrewe motorkar in Suid-Afrika was ’n Benz Velo wat in 1896 deur die Johannesburgse sakeman John Percy Hess ingevoer is. Die Velo is in Bereapark aan pres. Paul Kruger en die publiek vertoon. Die eerste massaproduksie-motoraanleg op eie bodem is in 1924 deur Ford in Port…

R494500* INFANTAENKULU3 BVM1900kg R465 900* Okto Villa En-Suite Gravellor BVM 1 700 kg  Het ’n hoëgraadse staalonderstel met ’n aluminium-en-veselglasromp. R487 215 Stealth EVO X-Countrv 592 ES BVM 1600 kg  Het ’n hoëgraadse staalonderstel met ’n romp van tussenvoegpanele en veselglas. R344652* SpriteTourerSP BVM1370kg Het ’n versterktestaal-onderstel en romp van tussenvoegpanele en aluminium. * Standaardprys…

Elkeen van die 26 driwwe in die bykans 2- km lange poort het sy eie naambord, maar wat is die storie agter elkeen se naam? 1 Spookdrif ’n Bonatuurlike bolvormige lig is glo in die verlede hier gesien. 2 Skansdrif Padmakers het hier keerwalle in die rivier gebou om verspoelings te voorkom. 3 Damdrif Hier is ’n groot watergat waar ossewaens – en later motorvoertuie – dikwels vasgeval het. 4 Boesmansdrif Volgens oorlewering het Boesmans hier in klipskeure gewoon. 5 Skelmkloofdrif Volgens Petrus Mei-ring het veediewe soms hier rond in ’n kloof geskuil. 6 Aalwyndrif Dit is genoem na die pragtige bergaalwyne wat teen die hange groei. 7 Nooiensboomdrif Twee groot kiepersolbome, ook bekend as nooiensbome, het eens weerskante van die pad gestaan. 8 Dubbeledrif Twee driwwe is met die…

Die enigste goeie ding van die winterkoue is die wete dat die somer om die draai is. Gelukkig is daar iets soos ’n warmwaterswembad wat die koue draagliker maak, en as jy boonop ’n dak oor die gedoente opsit, sien jy kampeerders regdeur die jaar. Verskeie oorde in die land het hulle behoud te danke aan hierdie warm waters. Oorde soos Forever Tshipise is so gelukkig om ’n minerale warmbron met helende waters te hê, terwyl ander, soos die ATKV-Eilandspa, groot volumes water deurentyd verhit. Ons gaan maak ’n draai by albei dié spa-oorde in die noordooste van Limpopo, wat ieder geval nie sinoniem is met koue nie. Hier sien ’n mens hoe oud en jonk van tyd vergeet. FOREVER TSHIPISE Aan die brand Skaars 50 km voordat die N1…

Maksimum aantal voertuie Geen beperking nie. Kry ek ’n kaart? Nee, maar jy sukkel om te verdwaal. Sal my voertuig krap? Daar is ’n goeie kans, as jy nie versigtig is nie. Moet ek ’n kompressor neem? Ja. Kan ek braai langs die pad? Nee, maar wel by die kampplek. Kan ek halfpad omdraai? Ja. Is daar selfoonsein? Ja. Beste tyd om te gaan? Heeljaar. Kan ek my gesin saamneem? Ja. Net vir die dag of die naweek? Gaan vir die naweek. Hoekom nie? Hoe lank neem dit? Jy kan alles binne 4-5 uur klaarmaak is. Maar wat jaag jou? Is daar ablusiegeriewe? Nie op die roete nie. Aanwysings Ry uit Pretoria met die R573 na KwaMhlanga. Draai af op die P207 – en 5 km later is Sandwani se…

R72- 200 Isuzu D-Max 300 LX 4x4 (outo) Die D-Max is nie gebou vir spoed nie – Isuzu erken dit self – maar hy’s nietemin ’n agtermekaar ryding. R737 000 Ford Ranger 3.2 TDCi XLT 4x4 (outo) Wat ouderdom betref, verskil die Ranger en Amarok slegs met maande, en hulle gaan saam vernuwe word. R7--700 ToyotaHilux2.-4x4Legend(outo) Suid-Afrikaners is verknog aan die Hilux, en met goeie rede ook. Hy’s bekwaam en die herverkoopwaarde is uitstekend.…

HOENDER-EN-ROOMMIELIES IN ’N PAN Pitkos vir die lyf Vir ekstra geur voeg gerus ’n skeut wyn by die hoender terwyl dit braai. Maak net seker die alkohol kook heeltemal weg. Jy benodig (genoeg vir 4) 8 hoenderboudjies 2 eetlepels van jou gunstelingbraaispeserye 1 eetlepel olie ’n klont botter 4 sprietuie, gekap 2 knoffelhuisies, fyngedruk 1 rooi brandrissie, fyngekap 1 opgehoopte eetlepel koekmeel 1 koppie room ½ koppie hoenderaftreksel 2 koppies bevrore mielies 1 teelepel droë gemengde kruie 2 teelepels heuning Só maak jy 1 Sny drie diep kepe in elke hoenderboudjie en geur dit oraloor goed met die speserye. 2 Verhit die olie en braai die hoender tot dit halfpad gaar is, maar oraloor mooi goudbruin. Wees geduldig, want nie net gee dié stap aan die hoender soveel ekstra…

My vriend Vaatjie vertel die ander dag ’n storie wat my in verwondering laat: Hy het dit reggekry om sy woonwa se “papiere” te verloor, en toe hy die woonwa privaat wil verkoop, moet hy eers aansoek doen om ’n duplikaat daarvan te kry. Vaatjie se eerste fout was om in ’n ry te gaan staan by ’n lisensiekantoor om aansoekvorms (DRC, ’n aansoek om ’n duplikaat vir ’n voertuigregistrasiedokument, en DCT, ’n verklaring met betrekking tot verlore dokument) in die hande te kry. Hierdie vorms moet hy invul en persoonlik saam met gewaarmerkte afskrifte van sy identiteitsdokument en bewys van verblyf by die lisensiekantoor indien. Vaatjie het nie geweet hy kan die vorms gratis aflaai op NATIS se webwerf nie. Toe hy ná drie uur voor in die ry…

Reis in die huis Langer as ’n jaar al sit ons gehok. Selfs die afgelope Desembervakansie waarna ons so uitgesien het, was uiteindelik effens somber. Hoe kan jy by die see wees, maar jy mag nie op die strand kom nie? My kampwaentjie staan, soos baie ander kampeerders s’n seker, en stof vergaar. Dit voel of ons jare laas weggekom het, en dan wonder ’n mens of jy die waentjie moet verkoop. Juis hierom is ek so dankbaar vir Ry & Sleep. Dis natuurlik goed om weg te kom in jou vakansietyd, maar amper lekkerder is die maande se beplanning voor die tyd. Elke Sondag sit ek langs die braaivuur en blaai deur die ou buitelewetydskrifte. So sit ek selfs en droom hoe ek my Lottomiljoene sal bestee. Ek beplan…

... en ons plaas dit dalk hier. Ons soek nie die tradisionele “kompetisiewenners” nie; net doodgewone foto’s wat vir jou mooi is. Van ’n foto wat jy dadelik as jou nuwe tuisbladfoto op Facebook gebruik regdeur tot kinders wat in die swembad plas. Of dit met ’n gróót kamera of jou selfoon geneem is, dit maak nie saak nie. CHARMAIN GOUWS wen ’nRy & Sleep-kamerasak ter waarde van R650 met haar foto’s – veels geluk! Stuur jou foto’s na leon.botha@media24.com…

FINCHLEY FARM, WILLOWMORE Hier is staanplek onder doringbome met elektrisiteit, ’n braaiplek, spoeltoilet en warm stort. As jy nie kans sien vir kamp nie, is hier ook 3 selfsorgeenhede. Prys R100 p.p.p.n. om te kamp. R350 p.p.p.n in die selfsorghuise. Kontak 044 923 1801 (Joanne) finchleyfarm@baviaans.co.za finchleyfarm.co.za FONTEIN-GASTEPLAAS, GAMKASKLOOF Hier is 6 staanplekke onder doringbome met braaiplek, 3 spoeltoilette en 3 storte, en 4 selfsorghuise. Die restaurant bied aandete en ontbyt. Prys R250 p.n. per staanplek. Huise kos R400 p.p.p.n. Kontak 087 808 5730 (Marinette) info@gamkaskloof.co.za diehel.com GAMKAPOORTDAM-KOTHUISE Die kamplek is tot niet en jy moet in ’n selfsorghuis oornag. Hier is 5 selfsorgeenhede sonder krag, maar met ’n badkamer, sitkamer en kombuis. Prys R250 p.p.p.n. Kontak 072 925 8424 (Fox) gamkapoortdam@gmail.com gamkapoortdam.co.za DE HOOP-NATUURRESERVAAT, BREDASDORP Hier’s 10 staanplekke met…

Kampplek 369 afgebakende en plat staanplekke, meestal op grond tussen heelwat koeltebome. Ablusiegeriewe 7 badkamergeboue wat deur die oord versprei staan. Van hulle word in die stiller tye gesluit. Prys Afhangend van die seisoen R250 p.p.p.n per staanplek tot R1 040 vir 8 mense. Aankoms- en vertrektyd 15:00 en 11:00. Kontak 015 539 0634 forevertshipise. co.za tshipise@foreversa.co.za Naaste dorp Musina 36 km. Hoe lyk die pad? Teer tot by Tshipise. GPS S22.604153 E30.173648 Ry & Sleep sê Hou alles toe, want hier is ape en bobbejane.…

Kampplek 10 staanplekke, oorwegend met netjiese gras en onder bladwisselende bome. Ablusiegeriewe Aparte geriewe vir mans en vroue en 2 gesinsbadkamers wat rolstoelvriendelik is. Prys R500 per staanplek vir 4 mense, kinders ingesluit. Elke ekstra kampeerder (tot 10 per staanplek) betaal R100 p.p.p.n. Kontak 078 817 1624 (verkieslik WhatsApp) reservations@buyskop. co.za buyskop.co.za Aankoms- en vertrektyd 14:00 en 10:00. Naaste dorp Bela-Bela 4km. Hoe lyk die pad? Teer tot by die hek. GPS S24.863684 E28.327566 Ry & Sleep sê Hoewel hier nie ’n kampwinkel is nie, is Bela-Bela niks meer as 5 minute se ry van hier af nie. As jy dus iets by die huis vergeet het, kan jy die sakie blitsvinnig regstel.…

Vis Swartbaars, baber, kurper, blouwangsonvis en paling. Kampplek 17 staanplekke wat in drie groepe verdeel is: twee langs die dam en een langs die rivier. Ablusiegeriewe 3 verskillende badkamergeboue met storte, toilette en opwasplek. Prys R450 p.n. per staanplek vir 4 volwassenes en 2 kinders. Maksimum 6 mense per staanplek. Aankoms- en vertrektyd Geen vasgestelde tye nie. Kontak 079 314 5853 of 082 200 8594 fleckvieh.co.za fleckviehboerdery@gmail.com Naaste dorp Heidelberg 21 km. Hoe lyk die pad? Van Suurbraak se kant af teerpad tot by Fleckvieh. GPS S34.007734 E20.752679 Ry & Sleep sê Fleckvieh is die Duitse naam vir die beesras simmentaler. Die plaas vorm saam met die omliggende plase en die Grootvadersbosch-reservaat die Grootvadersbosch-bewarea.…

Volkswagen maak vier minibussies: die Caravelle, California, paneelwa en Kombi. Van laasgenoemde is drie modelle beskikbaar, almal met ’n 2 ℓ-dieselenjin, en almal het ’n sleepstang met swaaibeheer standaard. Die Kombi se deugde is natuurlik welbekend. Ons haak ’n wa aan die Transporter 6.1 en kyk hoe hy vaar. “Vir hierdie model se prys is die binne-afwerking taamlik basies, en die pedale sit effens hoog vir my – dit gaan ongemaklik raak op die langpad. Maar as ’n mens kyk na ry en sleep, kry jy skaars geriefliker. Jy weet nie eens van die woonwa nie en die Kombi bestuur so maklik soos ’n sedan. Teen 120 km/h en op die langpad sleep hy sonder sukkel en hou sy spoed deurentyd. Die enjin is nie regtig so sterk nie; ek…

Ná al die afwagting is die nuwe Toyota Land Cruiser 300-reeks uiteindelik hier. Daar is so baie ikoniese voertuie met bekende name wat al dekades lank aankom sonder om hulle geskiedenis te onderbreek. Die meeste van hulle is sportmotors – soos die Porsche 911, Ford Mustang en BMW M3. Dit is voertuie wat dadelik herkenbaar is, selfs vir mense wat nie entoesiaste is nie. Daar is ook ’n klompie veldryvoertuie met ’n ryk geskiedenis en byna fanatieke aanhangers. Terwyl handelsname soos Range Rover, Land Rover Discovery, Jeep Wrangler en Mitsubishi Pajero al vir dekades lank baie gewild is, is die Toyota Land Cruiser en Land Rover Defender vir veldry-entoesiaste waarskynlik boaan die lys. Ek was al in ontelbaar baie gesprekke gewikkel oor dié twee voertuie, meer as enige ander model.…

Gideon wen ’n koelsak ter waarde van R220. Of jy nou kamp, piekniek hou of langs die krieketveld sit, dié koelsak het onder meer plek vir ’n kosblik én genoeg ruimte vir ’n 1,5 ℓ-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer wat dit maklik maak om die koelsak skoon te hou. Die sak het ook ’n handvatsel wat bo-oor kom en met klitsrits heg, asook ’n skouerband as jy jou hande los wil hê. winkel.weg.co.za…

Kan ek op my eie ry? Ja, die paaie lyk goed en jy behoort min, indien ooit, vier-trek in te haak. Hoe lank? Die roete is 850 km lank en duur 3 dae. Waarmee moet ek ry? Jou voertuig móét ’n goeie grondvryhoogte hê, maar viertrek is nie nodig nie – tensy jy die opsionele 4x4-roetes wil aandurf of as dit sneeu. Hoeveel brandstof het ek nodig? Daar is baie dorpe op jou roete. Die grootste afstand tussen vulstasies is 180 km. Watter noodtoerusting moet ek pak? Altyd ’n bandherstelstel – niks anders nie. Mag ek sleep? Eerder nie. ’n Gewone padwoonwa is heeltemal uit, en hoewel ’n klein boswa sal werk, gaan jy moet kophou op die Swartbergpas – en veral die Elandspas.…

Kampplek 300 onafgebakende gelyk staanplekke op grond tussen mopaniebome. Ablusiegeriewe 5 moderne badkamergeboue deur die oord versprei. Prys Gewone staanplekke kos, afhangend van die spesifieke dag, R180-R835 p.n. per staanplek (ATKV-lede betaal R135-R750). Die geplaveide staanplekke kos R200-R845 (R155-R770 vir lede). Aankoms- en vertrektyd 14:00 en 10:00. Kontak 015 386 8000 eilandspa.co.za eilandspa@atkv.org.za Naaste dorp? Tzaneen 66 km. Hoe lyk die pad? Teer tot in die oord, maar daar’s padwerk net voor die hek met ’n grondpaadjie van 250 m. GPS S23.656521 E30.671027 Ry & Sleep sê Hier is gratis wifi, maar dis net rondom die swembaddens.…

Die Volkswagen Amarok is op 6 Mei 2010 by die Nampo-oesfees op Bothaville bekend gestel. Dié bakkie was nooit ’n wegholsukses wat verkope betref nie, maar hy’t nietemin opslae gemaak en die bakkiebedryf onherroeplik verander toe die “klein” turboaangejaagde 2 ℓ- enjin met verskeie luukshede aanland. Die bestaande Amarok se hare is al spierwitgrys. In April verlede jaar is aangekondig dat sy plaasvervanger, die tweede geslag Amarok, op eie bodem in Ford se Silverton-aanleg buite Pretoria gebou gaan word. Ford en Volkswagen deel dus binnekort ’n onderstel en “ons” Amarok gaan na meer as ’n honderd lande uitgevoer word. In afwagting van die nuwe Amarok ry ons vir oulaas die jongste 190 kW-V6-model wat vroeër vanjaar bekend gestel is. Binne en buite Die Volkswagen Amarok verklap sy ouderdom aan die…