Innholdsfortegnelse for April - May 2021 i Weg! Ry & Sleep

“En dan is Janah ook in die kol met die fokuspunt, want jy kyk spontaan eerste na sy gesig, en meer spesifiek sy oog.” Ek sien jou, ja! “Hierdie verkleurmannetjie was besig om oor die pad te stap. Dit was besonders toe hy vir ’n oomblik stilstaan en met daardie swart ogie vir my loer. Hierdie foto is mooier as die vollyf-een wat ek geneem het. Hier is die fokuspunt sy gesig. Die pragtige patrone en kleure dra by tot die foto.” Daar is maar net iets komiekliks aan trapsuutjies – veral daardie oë, want hulle kan omtrent in enige rigting kyk. Boonop betrap Janah die outjie waar hy effens blootgestel is in die oopte. En dan is Janah ook in die kol met die fokuspunt, want jy kyk spontaan…

Weens ’n misverstand het ons die verkeerde inligting verskaf oor die 4x4-roete tussen Gansbaai en L’Agulhas (“Die Klein Kaapse Doodsakker”, Desember 2020-Januarie 2021). Let wel dat ’n toegangstarief inderdaad betaalbaar is vir die Uilkraalsmond-natuurreservaat. Die reservaat het slegs een hek waar jy in- en uitry. Voertuie word geensins op die strand toegelaat nie en hengel ook nie snags nie. Toegang tot Quoinpunt is streng verbode, en Die Dam-oord is onder munisipale bestuur en nié deel van die Agulhas- nasionale park nie.…

Die Ranger FX4 is gegrond op die 2 ℓ-enkelturbo-XLT-dubbelkajuit en is beskikbaar in 4x2- en 4x4-weer-gawes. Ford sê sy spesiale weergawes van die Ranger XLT bied ongeëwenaarde brandstofverbruik, het ’n blinknuwe voorkoms én beskik oor ’n reeks elektroniese funksies, waaronder FordPass Connect wat sy eerste verskyning maak in die FX4 en voortaan standaard sal wees op alle nuwe Ranger XL-, XLS-, XLT-, Wildtrak- en Raptor-modelle. Wat het ons hier? “Ná die merkwaardige suksesverhaal van die Ford Ranger Thunder is dit duidelik daar’s ’n groot aanvraag onder Suid-Afrikaners vir premium-bakkies in dié groeiende leefstylmark – veral bakkies met ’n unieke voorkoms,” sê Neale Hill, besturende direkteur van Ford Suid-Afrika. “Die FX4 verbreed die Ranger-reeks wat by ons Silverton-aanleg in Pretoria gebou word.” Kortom: Ford het by Simba gesien hoe meer geure…

Covid-19 het ons vir lank binne ons huise gehou en gaan nog lank vakansies na ons buurlande en oorsee bemoeilik. Verken jou provinsie en Suid-Afrika met die hulp van wegreis.co.za Wat is WegReis? Weg, die gewilde reistydskrif, het ’n aanlyn reisagentskap gevestig waar jy veilig en maklik jou binnelandse (en later buitelandse) vakansies kan bespreek. Hoe werk dit? Gaan na wegreis.co.za vir inspirasie as jy ’n reisbestemming soek, en gebruik die soekenjin om verblyf en vliegkaartjies te bespreek. Meer as 8000 verblyfinstansies (hotelle, gastehuise, B&O’s, reservate en selfs ’n paar kampterreine) word gelys. Jy kan ook die pryse van vlugte vergelyk en bespreek. Jy kies, klik en bespreek. Tjop-tjop. Wees op die uitkyk vir spesiale aanbiedings en spesiale pakketpryse (waar ons vir jou verblyf en ’n vliegkaartjie teen ’n spesiale…

Kamp vloei deur die Kaalsens se are – hulle het lank in ’n 1995-model Sprite Sport uitgespan. Maar toe, een Paasnaweek ’n klompie jaar terug, vervies Johann hom vir hulle tienerkinders, Diaan en Simoné, wat die heeltyd in die tent lê en op hulle fone doenig is. Johann besluit daar en dan hy het genoeg gehad van dié gedrag. Omdat hy ’n motorfiets het, besluit hy hy en Jere-line sal voortaan daarmee toer en die kinders by die huis los – dit is tog wat hulle graag wil hê. Die woonwa is dus nie meer nodig nie. So gesê, so gedaan... maar ’n jaar of wat later besef Johann hulle moes nooit die woonwa verkoop het nie. Spyt, soos hulle sê, kom altyd te laat en ’n ander plan was…

Ek het my 2009 Mitsubishi Triton in September 2020 gekoop teen ’n skamele R80 000. Die oorspronklike eienaar moes om werksredes na Nederland emigreer en daarom was hy haastig om van sy bates ontslae te raak. Ek het geweet ek sal ’n wins maak as ek die bakkie verkoop. Destyds het ek ’n 2011-model Isuzu KB300 D-Teq 4x4 besit en voor dit ’n Mitsubishi Colt waarvan ek baie gehou het. Die plan was nooit om my Isuzu vir ’n Triton te verruil nie, maar nadat ek ’n paar draaie met hom gaan ry het, het ek ontdek hy ry eintlik verskriklik lekker. Die Triton bestuur beslis makliker as my Isuzu, want hy’s nie so swaar nie en sy draaisirkel is kleiner. Ek was lus vir ’n verandering en die Isuzu…

"Die viertrekstelsel het die Pajero Sport sekuur gehou teen volle vaart en ons het nooit onveilig gevoel nie.,, Die rede waarom dié soort voertuig so gewild is, het te make met bekostigbaarheid, maar ook omdat hulle algemene onderdele gebruik wat enige bakkiewerktuigkundige kan vervang. Die Mitsubishi Pajero Sport het boonop, net soos sy mededingers, sewe sitplekke vir wanneer jy ’n binnehuise hokkiespan moet karwei met genoeg pakplek vir almal se goed én die doelwagter se mondering. Wat is nuut? Die 2021 Mitsubishi Pajero Sport lyk nie drama-ties anders as die 2017-model nie. Die kolligte in die voorbuffer is wel heeltemal herontwerp en hoër tot op die modderskermpaneel geskuif, die sierrooster het nou drie dwarslatte teenoor die vorige twee, en die hoofligte is verder op skrefies getrek. Agterlangs is die buffer…

Ervare kampeerders is al vertroud hiermee, maar as jy ons tydskrif vir die eerste keer onder oë het, is hier waardevolle raad vir jou. Ons het almal foute gemaak aan die begin, maar hier vertel ons jou daarvan sodat jy nie jou kop hoef te stamp nie. Die regte dak oor jou kop Moenie alles glo wat jy sien nie. As ses van julle gaan kamp, is ’n sesmantent te klein. Tentvervaardigers verwys letterlik na die getal mense wat langs mekaar ingeryg kan word. As jy dus jou skool se gewigstootkampioen was en jou wederhelfte het die prys by die kerkbasaar gewen vir die lidmaat wat die meeste boereworsrolletjies kan eet, moet julle liefs nie ’n tweemantent aanskaf nie. Deel eerder die vervaardiger se syfer deur twee om te sien…

Omgewingsbewuste kampeerders van reg oor die wêreld sal bly wees om te hoor dit is nie meer nodig om met groot en dors toertrokkies te ry om die natuur te geniet nie. Wel, dit hang af hoe ver jy wil ry... Waar die fokus gewoonlik val op groot ryhuise met al wat weelde is, bou die Duitse maatskappy Elektro Frosch (dit beteken “elektriese padda”) hierdie klein driewielvoertuig wat jy ook as ’n soort ryhuis kan inspan. Hy is maar 247 cm lank en weeg skaars 240 kg. Dit is eintlik maar ’n driewielbromponie wat sterk herinner aan die voertuig waarmee die Leon Schusterkarakter Abdul Rasbanja gery het toe hy in die jare tagtig die siel van mense reg oor die land versondig het. Hierdie toek-toek is egter nie gebou om…

In die laaste dekade het ’n groot verskuiwing plaasgevind van boswaens na boswoonwaens. Voorheen het boswaens die botoon gevoer met 80% van die mark, maar stelselmatig het boswoonwaens ’n bloeitydperk beleef, en tans het hulle ’n goeie 60%-aandeel. ’n Mens sien dus al hoe minder nuwe boswaens. Dis net hier waar die vervaardiger All Out Off Road, wat deel vorm van die All Out Group, met sy vars Ostro inpas. Die naam verwys na die suidewind in die Middellandse See. Van binne Die uitleg is steeds tipies boswa, met ’n neuskas, die kombuis links van die wa en ’n tent boop. Die Ostro het 15”-bande en die onderstel en romp van die wa word van staal gemaak. Die groot verskil vergeleke met die tradisionele ontwerp is die tent. Een van…

D it voel amper of dié deel van die land sommer goed voorgetrek is toe die aarde geskep is. Die Bosveld is nie net geseën met die mooiste natuurskoon nie, maar dit is ook een van die mineraalrykste omgewings ter die wêreld, met platinum heel bo-aan die lys. In dié wêreld is die somer jou maat. Op ’n plek soos Thabazimbi dra jy die grootste deel van die jaar net ’n T-hemp en kortbroek, want die kwik gaan draai gewoonlik anderkant 30 ºC. Die wintermaande is matig en ryp is’n ongewone gesig. Dit is wanneer die reën ’n ruk lank wegbly en die veld verkleur geel. Natuurlik is dié wêreld ook bekend vir groot wildkampe, -reservate en -plase wat ingeryg lê. Twee van hulle is Thabaledi en Doorndraai – hier…

Jou roete begin op die dorp Hopetown in die Bo-Karoo, sowat 600 km suidwes van Johannesburg as jy met die N12-snelweg ry. Hopetown was een van die noordelike grensdorpe van die Kaapkolonie, waar dit in die middel van die negentiende eeu sleg gegaan het. Nagenoeg 14 000 Afrikanerboere het gedurende die Groot Trek die kolonie verlaat en daarby het die Britse Ryk in 1839 begin verkrummel én die Suezkanaal in Egipte is voltooi, wat beteken heelwat minder skepe het die Kaap die Goeie Hoop aangedoen. Net toe dit lyk of die kolonie op ’n onomkeerbare ramp afstuur, is Afrika se eerste diamant, die “Eureka” van 21 kar., in 1866 deur ene Fanie Jacobs hier op Hopetown ontdek. Vir die volgende eeu sou Afrika, maar veral Suider-Afrika, 98% van die wêreld…

Meld jou aan by die Bonniedale-vakansieplaas se opstal waar die eienaars, Nico en Danette Hesterman, vir jou ’n roetekaart gee en verduidelik wat op jou wag. Ry nou 1,7 km terug met die pad waarop jy tot hier gery het, en draai links by die rigtingwyser vir Goliatsberg. Jy is nou by die begin van die Bonniedale-4x4-roete. ’n Tweespoorpad kronkel teen ’n skuinste uit – hier gaan jy laestrek én vastrapbeheer moet aanskakel, want hier is ’n mengsel van kliptrappe en los gruis. Jou trokkie klouter tot by Goliatsberg se uitkykpunt (S33.89218 E21.84895), sowat 700 m bo seespieël. Hier kon jy vroeër jare kies of jy ’n taai hindernisroete dieper die kloof in wil volg of ’n makker pad bergaf neem tot die volgende uitkykpunt. Maar die taaier roete is…

"Ons is gaande oor die Suidkus en het in Desember 2019 vir die eerste keer by Untu Palms se woonwapark gekamp. Ek, my vrou, Juanita, en ons twee dogters, Tamika (15) en Tamzen (13), het dit só geniet dat ek onlangs vir vanjaar se Desembervakansie weer ’n staanplek daar wou kry. Die oord is heel duidelik gewilder as wat ek besef het, want toe ek met hulle skakel, moes ek hoor hulle is reeds volbespreek vir die vakansie. HOE LYK DIE KAMPTERREIN? Ons was baie beïndruk met die plek. Hier is drie soorte staanplekke – 18 gewones wat almal dieselfde ablusiegeriewe deel, 24 luukse staanplekke met private badkamer- en kombuisgeriewe, en 8 hiperluukse staanplekke, wat soortgelyk is aan die luukses, maar met ’n bietjie meer privaatheid en ook ’n stort…

HENGELOORD @97WELTINA-WOONWAPARK HENGEL VIR ’N VALE Net meer as 22 jaar gelede was hier net ’n oop stuk grond, gesels Gerbie Brits oor hulle nuwe woonwapark met die naam @97Weltina. Gerbie en haar man, Willie, het destyds dié lappie grond teen die Vaaldam gekoop met die plan om dit as hulle eie wegkomplek in te rig. Teen 2011 het hulle die plek van 1,6 ha in so ’n mate ontwikkel dat hulle voltyds hier kom bly het, en in Desember laasjaar het hulle die kampplek oopgestel. Hulle is gemik op gesinne, sê Gerbie. Soos jy die woonwapark binnery, is die badkamergebou links van die pad. Die kantoor en swembad is regs en die staanplekke dan verder in die rigting van die water voor jou. Gerbie het self die netjiese badkamers…

Veselglaswoonwaens vir paartjies is gewild in die plaaslike mark, en ’n hele rits vervaardigers voorsien in dié behoefte, onder meer Sherpa Leisure, Tojem en Panther Custom Caravans. En hulle almal weet maar te goed: As jy hier wil uitstaan bo die res, moet jy jou stempel behoorlik afdruk. Nou het Badger ook tot dié mark toegetree, en hy stel heelwat nuwe dinge bekend wat nêrens elders in die woonwawêreld te sien is nie. Die opvallendste hiervan is hoe die bed uit die romp slaan. Omtrent die hele dak vou saam met die regterpaneel weg van die romp, amper soos ’n bak hand. Dié eenheid word dan die bed, met ’n tent wat bo-oor span. Die binneruim word dus oombliklik twee keer groter. Tans bou Badger drie modelle: die Lite, X-Over…

Die mens en sy masjien was al amper oral op aarde, en jy kan maar weet daar waar hy was, het hy ’n spoor agter hom gelaat. Om dié rede kan ons geen nuwe spore deur die veld regverdig as daar reeds ’n pad naby is nie. Die begrip “veldry” is dus effens misleidend, want as jy sommer in ’n ongerepte veld infoeter, rig jy onnodige skade aan die natuur, aan, en dit is nie iets waaraan ’n verantwoordelike 4x4-ryer hom ooit skuldig wil maak nie. Die brandewynbrigade het oor die jare heen onwetend – óf dalk doelbewus – die omgewing verinneweer, totdat almal in 2007 finaal deur die departement van omgewingsake verbied is om op strande te ry. Boonop het heelparty natuurreservate sedertdien hulle veldryroetes gesluit. Hoewel daar hoegenaamd…

Die Opel Crossland het pas ’n ontrimpeling ondergaan en spog nou met ’n nuwe vooraansig wat die Opel Visor genoem word. Die Opel Visor is ’n ondeursigtige plastiekskerm wat die ouer Crossland se sierrooster vervang. Agter hierdie skerm word plek gemaak vir sensors en  kameras en in sekere Opel-modelle selfs die hoofligte. Die Opel Crossland se prys wissel van R324 900 vir die 1.2 Crossland Edition (60 kW) met ’n 5 spoed-handratkas tot R399 900 vir die 1.2 Crossland Elegance (81 kW) met sy 6 spoedoutomatiese ratkas. ’n Nuwe Peugeot 2008 is onlangs bekend gestel, en volgens dié vervaardiger gaan die 2008 ’n “merkwaardige nuwe blaadjie in die geskiedenis van Peugeot-sportnutse omslaan”. Die 2008 kry ’n 1,2 ℓ-driesilinderpetrolenjin en sal in drie afwerkings beskikbaar wees: Active, Allure en die vlagskipmodel,…

Die Vitara Brezza, verseker Suzuki Suid-Afrika ons, is nié hier om die gewone Vitara te vervang nie. Die Brezza het dieselfde asafstand as die Vitara (2 500 mm), maar die romp is 180 mm korter en 15 mm breër, en hy’t ’n beter grondvryhoogte (198 mm teenoor 185 mm) as sy gewone Vitara-stalmaat. Die Brezza herinner ook sterk aan die Suzuki SX4, veral die S-Cross-weergawe, maar Suzuki sê die Brezza is uniek en deel nie ’n platform met enige ander kar nie. Wat het ons hier? Die Vitara Brezza is ’n subkompakte kruisnutsvoertuig (of crossover) en jy moet hom nie verwar met ’n kompakte sportnuts soos die Vitara of ’n veldryer soos die Jimny nie. Hy’s eerder ’n eweknie vir die SX4 S-Cross, wat nie in Suid-Afrika verkoop word nie.…

Die Loskopdam se wal, wat tussen 1934 en 1938 met die hand gebou en tussen 1974 en 1980 met 9 m gelig is tot 54 m, dam ’n allemintige 348 miljoen kubieke liter water op, en die oord, wat onder Forever se vaandel val, lê aan die oostekant daarvan. Dit is ’n groot en boomryke oord met ’n indrukwekkende inheemse verskeidenheid: rooi-ivoor, haakdoring, rooibos, blinkbaar-wag-’n-bietjie, koraalboom en enkeldoring, om enkeles te noem. Die bome is met naamplaatjies gemerk en dit kan vir die jongspan ’n lekker uitdaging wees om te kyk wie die meeste boomsoorte kan vind. LOSKOP SE 252 STAANPLEKKE lê versprei oor nagenoeg 50 000 m² – dit is nagenoeg vyf rugbyvelde – en jy gaan omtrent 400 m aflê as jy die kampterrein in die lengte stap.…

Ná ses jaar in sy Hyundai ix35 2.0 (handrat) het Ryan begin rondkyk om op te gradeer. Uiteindelik besluit hy om weer een van dié Koreaanse vervaardiger se modelle aan te skaf. "Twee jaar gelede was ek in die mark vir ’n dubbelkajuitbakkie, en die Ford Ranger Wildtrak en Volkswagen Amarok was albei op my radar. Ongelukkig is die Land Rover Discovery buite my bereik. My vernaamste prioriteite was veiligheid, ruimte, krag, waarborg (Hyundai s’n is besonder goed), veelsydigheid en die koste van herstelwerk nadat die voertuig se diensplan verval het. Hierdie 2017 Tucson 2.0 (outomaties), is in daardie stadium as demonstrasiemodel gebruik en was die regte kombinasie van alles waarna ek op soek was. Teen R350 000 was hy beter waarde as enige van die ander rygoed wat ek…

Ja! Die 2.5 DI-D is uiters betroubaar, en danksy sy swak herverkoopwaarde kan jy ’n lekker bakkie koop vir min geld. ’n Mooi ryding is hy nie, maar as jy ’n praktiese mens is soos ek, kyk jy verby sy eienaardige voorkoms en jy sien ’n praktiese en bekwame ryding – en dít is vir my die belangrikste oorweging. My Triton se swakste punt, sou ek sê, is sy voorkoms, maar ek moet bieg ek het al só gewoond geraak daaraan dat hy nie regtig meer vir my lelik is nie. Sy beste eienskap? Hy is só lelik dat niemand hom ooit sal steel nie! O, en hy’s nie net nóg ’n wit Hilux nie. Hy’s iets anders, en daarom vir my spesiaal.…

As jy ’n bakkie het, gaan jy vroeër of later ’n kappie oorweeg. Dalk wil jy hê die honde moet veiliger wees wanneer jy hulle strand toe vat óf jy wil jou waardevolle toerusting of jou kind se sporttoerusting beskerm. Maar as jy, soos ons, van die buitelewe hou en jou bakkie gebruik om vakansie te hou, is ’n kappie amper ononderhandelbaar om jou kampwegbreke of avontuurreise makliker te maak. Ons was gelukkig genoeg om ’n jaar lank een van die voorste handelsname se volledig toegeruste kappies op ons langtermyntoetsbakkie te hê. Ons huidige toetsvoertuig is egter ’n sportnuts, wat beteken ons mis die laaie, ys-vrieskas, tafel en stofbestande taaiheid van ons ou bakkiekappie. Hier is ’n klompie kappies wat tans beskikbaar is om jou keuse te vergemaklik. ALU-CAB EXPLORER…

Danny le Roux is ’n groot, sterk man met vele talente. Hy boer onder meer met papegaaie en verskeie soorte hoenders én hy teel besonderse seewatervisse wat hy in verskeie groot tenks aanhou. Sy vistenks is vir hom spesiaal en hy is baie kundig oor die biologie rondom die watergehalte en sy visse. Kortom, Danny is báie trots op sy vistenks, voëls en hoenders. Daar is egter nog iets waarop hy trots is – iets wat ’n mens veral by ons woonwaklub se streekkampe sien: Hy is ’n man wat hou van ’n houtvuur, en hy is sommer baie trots op sy braaivernuf. Daar is eger ’n swak plek in sy mondering – dié het hy sommer vroeg al gewys toe hy by Sawa Suidwes-Kaap aansluit: Danny sukkel naamlik om…