Innholdsfortegnelse for September 2020 i Weg! Ry & Sleep

“Dit is ’n gevoel wat ons nie kan beskryf nie, maar dit is eg en iets waarvan jy die bestaan nie kan ontken nie.” D it voel vir my ek skryf al vir die afgelope vyf uitgawes elke keer presies dieselfde redakteursbrief: “Die inperking is moeilik... hou moed... beplan solank jou eerste reis... die einde is hopelik in sig.” Maar hier sit ek nou en dit is die 126ste dag van die grendeltyd. My bier is op, die drankwinkel is toe, die skole is weer gesluit en ek mag nie die Wes-Kaap se grense oorsteek nie. Ure voor die tydskrif gesak het, het ons wel gehoor jy mag darem nou in jou provinsie vakansie hou. Ek is nie iemand wat maklik my humorsin verloor nie, maar genade! Ja, ek besef…

Ons hoor graag wat jy op die hart het! Skryf vir ons by rysleep@weg.co.za en onthou asseblief om jou volledige adres en kontakbesonderhede te gee. Ry & Sleep behou hom die reg voor om briewe te redigeer en verkort – en na goeddunke in die tydskrif, op die webwerf en elders te gebruik. Die Kgalagadi is ons ander huis Ek en my vrou, Andriëtte, het die Kgalagadi-oorgrenspark sedert 2009 ’n volle 17 keer besoek. Dit sluit die deel in Botswana in wat tot by Mabuasehube strek. In Junie wou ek weer vir ons bespreek, maar ek kry die slegte tyding dat die park glo vir die volgende jaar volbespreek is. Vir nou is dit nie die einde van die wêreld nie, want intussen kan ek op digitale platforms soos YouTube…

In die kol Hy noem homself ’n beginner, maar met die Danabaaier Fanie Kruger se “foto-oog” skort niks. “ Ek het dié foto een oggend vroeg geneem nadat ek besluit het om op die strand te gaan stap. Ek het dus nie my kamera byderhand gehad nie, maar wel my selfoon. Die ronde klip het my aandag getrek en ek het besef dit kan ’n mooi foto maak.” ’n Mens kan die sukses van Fanie se wenfoto in een woord opsom: Eenvoud. Die klip – wat so te sê in die middel van die foto is – slaan jou omtrent tussen die oë. ’n Mens weet dadelik waar om te kyk én jy weet ook waarna jy kyk. Dit lyk of die seewater van links na regs teruggetrek het as…

R1 107 900 Toyota Land Cruiser 200 4.5 D V8 GX-R Selfs die intreevlakmodel is uiters luuks, en in hierdie geselskap ook die goedkoopste. Daar is nie twyfel in sy vermoëns nie, maar is hy steeds die Koning van Afrika? R1 500 700 Nissan Patrol 5.6 V8 LE 4WD Hy het laat in Suid-Afrika geland, maar dit is Nissan se voorste veldryer. Jy het egter ’n oliebaron se bankrekening nodig as jy na die Patrol se drinkgewoontes kyk. R1 489 000 Mercedes-Benz GLE400D 4Matic ’n Pionier wat luukse sportnutse betref – en ons eerste keuse as dit by die drie groot Duitse vervaadigers kom. Hy is ook ’n sterke kalant.…

Kampplek 25 staanplekke op gras met heelwat koeltebome, en 4 staanplekke teen die oewer. Ablusiegeriewe 2 netjiese badkamergeboue. Prys R175 p.p.p.n. (R150 vir pensioentrekkers; R110 vir kinders; gratis vir o.6’e). Aankoms- en vertrektyd 14:00 en 10:00. Kontak 082 772 5896 oranjerus.com oranjerus@mweb.co.za Naaste dorp Kanoneiland 5 km. Hoe lyk die pad? Die laaste 350 m is ’n skaflike grondpad. GPS S28.639209 E21.118563 Ry & Sleep sê Hier is wifi, maar jy moet nader aan die kantoor staan om daarvan gebruik te maak. >…

Kampplek 151 staanplekke in 4 blokke wat tussen Strandfontein se huise versprei staan. Die helfte het hulle eie badkamergeriewe en 23 is teen die strand. Ablusiegeriewe Gemeenskaplike geriewe óf jou eie badkamer. Prys Afhangend van die seisoen en watter staanplek R200-R400 p.n. Maksimum 6 mense per staanplek. Aankoms- en vertrektyd 14:00 en 10:00. Kontak 027 201 3437 of 082 285 2798 lvanwyk@matzikamamun.co.za westerncape.gov.za/facility/strandfontein-holiday-resort Naaste dorp Op Strandfontein. Hoe lyk die pad? Teerpad tot hier. GPS S31.752798 E18.227128 Ry & Sleep sê Jy het ’n braaiplek op jou staanplek – bring jou eie rooster saam.…

Kampplek 147 staanplekke – blok A en B (75 staanplekke) is langs die see. Private badkamers by 24 staanplekke. Geplaveide en grasstaanplekke. Ablusiegeriewe 2 badkamergeboue in blok D, plus staanplekke met eie geriewe. Prys Afhangend van die seisoen, of jy private geriewe het en of jy by die see is R195-R428 p.n. per staanplek vir tot 4 mense (kinders 0.12 uitgesluit). Daarna R68 p.p. (tot 6 mense), en R21 vir ’n tweede tent en R39 vir ’n derde. Aankoms- en vertrektyd Bevestig met oord. Kontak 022 772 2461 lise.geldenhuys@sbm.gov.za sbm.gov.za/leentjiesklip-resort Naaste dorp Langebaan 1,5km. Hoe lyk die pad? Teer tot hier. GPS S33.067461 E18.042556 Ry & Sleep sê Tente word nie in die A- en C-blok toegelaat nie.…

Kan ek op my eie ry? Ja, beslis. Hoe lank? Die roete soos ons hom gery het, duur 2 dae (8 uur per dag), maar onthou, daar is ook ander agterpaaie én die nabygeleë Addo-Olifant-, Bergsebra- én Kamdeboo- nasionale park om te verken. Waarmee moet ek ry? ’n Sagte veldryvoertuig soos ’n Volkswagen Tiguan of Ford Ecosport is in die haak, maar jy het veelterreinbande nodig, want die grondpaaie hier rond vreet stadsbande soos soetkoekies op. Hoeveel brandstof het ek nodig? Jy moet ’n minimum van 400 km kan ry met die petrol in jou tenk. Watter toerusting moet ek pak? ’n Bandherstelstel en sleeptou. Mag ek sleep? Ja, maar enkele grondpaaie is goor verby en ons sou dit nie met ’n padwa aandurf nie.…

Vis Swartbaars en karp. Kampplek 60 staanplekke op ’n grasperk met heelwat koeltebome. Ablusiegeriewe 2 netjiese badkamergeboue tussen die staanplekke. Prys R100 p.n. per staanplek plus R100 p.p.p.n. Aankoms- en vertrektyd 14:00 en 10:00. Kontak 072 660 0840 of 079 525 0401 uithoek.com info@uithoek.com Naaste dorp Fouriesburg 11 km. Hoe lyk die pad? Die laaste 2,5 km is ’n skaflike grondpad waarop jy ’n gewone padwa kan sleep. GPS S28.542495 E28.213146 Ry & Sleep sê Honde van 15 kg en minder word hier toegelaat.…

Die meeste van ons weet darem hoe om ons skoenveters vas te maak en party weet selfs wat die basiese struktuur van ’n platknoop is, maar tog is daar baie mense wat nie regtig weet wat die beste manier is om ’n vrag vas te trek of ’n tou om ’n boom te span nie. Ons het ’n klompie kenners geraadpleeg wat daagliks met knope werk – en ’n paar waardevolle wenke gekry. “Almal gebruik hierdie knoop om ’n vrag op ’n laaibak vas te maak, sê die bergklimkenner Rob Thomas.” VRAGKNOOP Die oorsprong van dié gewilde knoop wat jy in ’n japtrap lostrek, lê by vragmotorbestuurders wat hulle vrag stewig moes vastrek. Dit word ook gereeld in die landbou ingespan, veral op sleepwaens. Dit maak nie saak wat jy…

Jy hoef nie ver te soek op die internet om te sien hoe mense kla oor versekeraars wat kibbel oor eise nie. Net nou die dag lees ek weer oor ’n voorval waar ’n eis ingedien is by ’n bank nadat ’n hekmotor gesteel is. Die kwotasie om ’n nuwe motor te installeer was R4 500, maar die versekeraar het aangebied om R2 500 uit te betaal, want die hekmotor was nie meer nuut nie. Dan trek hulle boonop die bybetaling af. Die begrip “alle risiko” is vervat in elke versekeringspolis, maar wat beteken dit nou eintlik? ’n Hewige haelstorm knak ’n afdak se dwarsbalke wat ’n klant se woonwa beskadig. Die bank by wie die klant huiseienaarsversekering uitgeneem het, weier om die afdak te herstel, want hy moes die…

REDAKSIE REDAKTEUR SCHALK JONKER schalk.jonker@media24.com JOERNALISTE LEON BOTHA leon.botha@media24.com CYRIL KLOPPER cyril.klopper@media24.com KYLE KOCK kyle.kock@media24.com UITLEGKUNSTENAARS DOMINIC WIENAND dominic.wienand@media24.com OWEN WILLOUGHBY owen.willoughby@media24.com TEKSREDAKTEUR PETER VAN NOORD peter@subteks.co.za KOSREDAKTEUR JOHANÉ NEILSON MULTIMEDIA MARCELLE VAN NIEKERK marcellevanniekerk@media24.com UITVOERENDE HOOF: MEDIA24 ISHMET DAVIDSON UITVOERENDE HOOF: DRUKMEDIA RIKA SWART HOOFBESTUURDER: LEEFSTYL MINETTE FERREIRA HOOFBEMARKINGSBESTUURDER: LEEFSTYL NERISA COETZEE HOOF: PROJEKBESTUUR RAJ LALBAHADUR FINANSIËLE BESTUURDER MUNEEB ADAMS SIRKULASIEBESTUURDER RIAAN WEYERS riaan.weyers@media24.com ADVERTENSIEVERKOPE KAAPSTAD HANNES BURGER hannes.burger@media24.com 076 152 4605 NICK FITZELL nick.fitzell@media24.com 071 430 6311 DANIELA DI GIOVANNI daniela.digiovanni@media24.com 083 709 7040 SANETHA MEINTJIES sanetha.meintjies@media24.com 084 416 5797 JOHANNESBURG KYLEE ROBERTSON kylee.robertson@media24.com 076 263 9114 JEANINE KRUGER jeanine.kruger@media24.com 082 342 2299 LIZEL PAUW lizel.pauw@media24.com 082 876 8189 SHARLENE SMITH sharlene.smith@media24.com 083 583 1604 YUMNA ROJAN yumna.rojan@media24.com 072 399 5789 YELANDA MITCHELL yelanda.Mitchell@media24.com 074 897 576 DURBAN MARISKA VENTER mariska.venter@media24.com 082 898 4376 MEDIA24 LEEFSTYL KREATIEWE ATELJEE KREATIEWE HOOF MICHAEL DE…

Tuff Cats in Centurion is bekend vir sy Shumba- en Mbada-boswaens, maar hy het ook een model sonder ’n naam. Die vervaardiger het toe besluit om die nuwe model se naam aan die publiek oor te laat en ’n kompetisie van stapel gestuur vir voorstelle. Tuff Cats se derde model heet nou die Nzudzi, en net soos die ander twee model-name is dit ontleen aan Shona. Nzudzi beteken “tierboskat”. (Shumba is “leeu” en Mbada “luiperd”.) Van die ander voorstelle sluit in Chikara (Shona vir “roofdier”), Duma (Swahili vir “jagluiperd”), Tau (Tswana vir “leeu”) en sowaar ook Flat Liner (omdat dit ’n plat opslaanwoonwa is). Christo Ferreira van Klerksdorp het “Nzudzi” voorgestel en wen ’n gratis wegbreek in een van Tuff Cats se waens. Kontak 083 609 6947 tuffcats.co.za jaco@tuffcats.co.za…

Kampplek 40 gelyk staanplekke op grond waarvan die meeste ’n koelteboom naby het. Ablusiegeriewe 2 badkamergeboue (een aan elke kant van die kampplek) met ’n kombuis en waskamer aan die verste kant. Prys Afhangend van die seisoen R285-R300 p.n. per staanplek vir die eerste 2 mense; daarna R94-R100 p.p. (R47-R50 vir kinders) tot hoogstens 6 mense per staanplek. Onthou ook die bewaringstarief van R56 p.p.p.d. (R28 vir kinders) as jy nie ’n Wild Card het nie. Aankoms- en vertrektyd 14:00 en 11:00. Kontak 054 452 9200 sanparks.org Naaste dorp Keimoes 76 km. Hoe lyk die pad? Teer tot by die kantoor en mooi grondpaadjies in die kampplek en op die wildroetes. GPS S28.593177 E20.337481 Ry & Sleep sê Die winkel is by die ontvangskantoor – ’n mens moet deur die…

Kampplek 268 staanplekke, meestal op sand, en 40 met eie badkamergeriewe. Ablusiegeriewe 4 gemeenskaplike badkamergeboue en private badkamers by van die staanplekke. Prys Afhangend van die seisoen en of jy ’n private badkamer het R195-R250 p.n. vir die eerste 4 mense – daarna R32 p.p. (hoogstens 6 mense). Aankoms- en vertrektyd Geen vasgestelde tye nie. Kontak 027 432 2238 of 076 981 5767 lamwwp@cederbergraad.co.za cederbergmun.gov.za/resorts Naaste dorp Op Lambertsbaai. Hoe lyk die pad? Teer tot hier. GPS S32.087655 E18.312554 Ry & Sleep sê Hier is was- en tuimeldrooggeriewe by die eerste badkamergebou regs soos jy die woonwapark binnery. Was en droog is R12 elk (jy gebruik gewone munte).…

Kampplek 82 staanplekke op gras – rondom ’n derde het ’n plaveiblad. Hier is heelwat koeltebome. Ablusiegeriewe 6 badkamergeboue deur die oord. Prys Afhangend van die seisoen R130-R220 p.p.p.n. (R75-R90 vir kinders 2-12 jaar). Die minimumtarief is R260-R420. Aankoms- en vertrektyd 13:00 en 11:00. Kontak 082 920 7863 montagucaravan park.co.za montagucp@gmail.com Naaste dorp Op Montagu. Hoe lyk die pad? Die laaste 50 m is ’n ordentlike grondpad. GPS S33.787554 E20.113065 Ry & Sleep sê Die dammetjie het bloukurper, karp, baber en swartbaars, maar die vang-en-laat-gaan-reël geld.…

Hoe lank? Ongeveer 300 km (4x4-roetes uitgesluit); 6-8 uur. 4x4 / laestrek / ewenaarslot? Jy sal regkom met slegs 4x4. Maksimum getal voertuie Geen. Kry ek ’n kaart? Nee, maar die paaie is duidelik op Tracks4Africa en Google Maps. Sal my voertuig krap? Nee. Moet ek my treeplanke afhaal? Nee. Moet ek ’n kompressor saamneem? Dis nie broodnodig nie, maar jy wil tog jou bande effens afblaas vir grondpadry. Daar is vulstasies met kompressors op Touwsrivier, Ladismith en Heidelberg. Kan ek halfpad omdraai? Ja. Is daar selfoonsein? Grotendeels, ja, maar in die Anysberg-reservaat en die agterpaaie rondom die Gysmanshoekpas verdwyn die sein. RONDOM DIE ROETE Beste tyd om te gaan? Herfs en lente wanneer die temperature matiger is. Kan ek my gesin saamneem? Ja, beslis. Net vir die dag of…

Heelwat kampeerders en veldrygeesdriftiges is eensydig wanneer dit by sekere handelsname kom. En ’n mens kan hulle nie regtig verkwalik nie, veral as hulle jare se kommervrye diens by ’n spesifieke vervaardiger gekry het. Dit is presies hoe Rick Schampers oor Land Rover gevoel het. Trouens, hy het vier van hulle besit voordat hy op dié seldsame vonds afgekom het. “Ek het nog altyd Land Rovers gery, en toe ek van Nederland na Noorweë verhuis, het ek ’n 2003-model Defender Td5 besit. Maar die invoerbelasting in Noorweë is buitensporig duur en dit sou my €15 000 (in 2017 meer as R250 000) kos om my Landie in die nuwe land te laat registreer. Die Defender was nie eens soveel werd nie, en daarom het ek hom eerder verkoop toe ek…

Suid-Afrika se vier gunstelingbakkies wat verkoopsyfers betref, is die Toyota Hilux, Ford Ranger, Isuzu D-Max en Nissan NP300 Hardbody. In die vyfde plek staan die Mahindra Pik Up, wat graag saam met die onafskeidbare vier musketiers – dit is nou D’Artagnan, Aramis, Porthos en Athos – op hulle avonture sou wou gaan, maar meermale as ’n buitestander beskou word. Ons het in die inperkingstyd ’n week lank die strate vir onsself gehad en kon die Pik Up se bene behoorlik rek voordat ons berge toe is om uit te vind hoe hy vaar in veldrytoestande. Kan die Mahindra Pik Up hom aansluit by die vier musketiers? Só ry hy Die Mahindra Pik Up se 2,2 l-turbodieselenjin loop soos stroop in die stad, en die sesspoedoutomatiese ratkas wissel seepglad op die…

VARKTJOPS MET ROOSMARYN Krui jou ry ’n Bros sooltjie aan ’n tjoppie is een van die lekkerste lekkers wat daar is, maar dit kos fyn braai as jy dit wil rég kry. Jy benodig (genoeg vir 4) 4 lekker vet varklendetjops met vel ’n ruim knypie sout ¼ koppie knoffelbotter VIR DIE ROOSMARYNVRYFMENGSEL 1 teelepel seesoutvlokkies ’n ruim knypie varsgemaalde swartpeper 1 takkie roosmaryn, blaartjies gestroop ’n knippie droë gemengde kruie ½ teelepel elk droë ui en knoffel Só maak jy 1 Druk die vleis goed droog, vryf die knypie sout in die vel en sit die vleis oornag oop in die yskas. Dié stap is nie noodsaaklik nie, maar as jy die tyd het – en jou kampeerplek die gerief – kan jy dit gerus oorweeg. Die yskas help…

DIE LANG WAG. Dit voel soos ’n leeftyd gelede dat ’n mens sommer net jou woonwa langs die hengelwaters kan gaan trek. Die Covid-19-pandemie het die hele kampgemeenskap gehok, en niemand kan êrens heen reis vir plesier nie. Hopelik stel die regering enige dag die kampplekke én provinsiale grense oop sodat – soos ons ’n paar jaar gelede hier – weer die ope natuur langs die Vaalkopdam kan geniet. WAAR ’N ROKIE TREK. Hierdie is Rick Schamper se eerste reis met sy Volvo Valp in die Noorweegse winter. Hy het sowaar staatgemaak op ’n houtvuur binne-in sy voertuig om in die koue te oorleef – jip, die kwik het by -20 °C gaan draai. Terwyl daardie rokie trek, beteken dit heerlike warmte binne-in die Valp. (Lees op bl. 68 meer…

Vir sy brood en botter sit Jan Kruger van Pearly Beach tussen vier mure, maar die natuur is sy groot liefde. “Hier op Pearly Beach is verskeie sandpaaie tussen die duine. Die foto is geneem ’n dag ná die groot storm in Julie hier in die Kaap. Ek het net gewag dat die wind bedaar vóór ek strand toe is. Dit was ’n skoon en vars oggend. “Soos ’n mens op die foto kan sien, het ek nie my visstokke die dag saamgeneem nie. Ek stap dan gewoonlik af tot op die strand, van waar ek ingooi. “Op ’n manier was hierdie eerder ’n mini-wegkomkans, want die twee reise wat ons vanjaar na Namibië beplan het, het weens Covid-19 deur die mat geval. Ons besoek Namibië gewoonlik in Mei. “Dis…

Die jare tagtig en negentig van die vorige eeu was bekend vir driedimensionele chroomkentekens – nie net op motors se sierrooster nie, maar ook op die vervaardigers se briefhoofde, mediamateriaal en webblaaie. Dié verskynsel om driedimensionele voorwerpe – emalje en chroom inkluis – op tweedimensionele oppervlakke uit te beeld heet skeuomorfisme. Ontwerpers beweeg egter weg van dié tendens en maak kentekens weer plat soos hulle in die middel van die vorige eeu gelyk het. Mini was eerste toe hy in 2015 ’n eenvoudige swart illustrasie bekend gestel het. Kort op sy hakke was Volkswagen, BMW, Citroën, Audi, Nissan en Toyota. Let wel: In die meeste gevalle gaan die driedimensionele kenteken steeds op die voertuie bly, hoewel jy die eenvoudiger tweedimensionele weergawe op tweedimensionele media sal sien.…

Kampplek 33 staanplekke waarvan 10 teen die oewer is. Ablusiegeriewe Afsonderlike geriewe vir mans en vroue. Staanplek nr. 24 het sy eie geriewe. Prys Weens die Covid-19-maatreëls geld tans een tarief: R330 per staanplek vir die eerste 2 mense en daarna R70 p.p.p.n. (maksimum 6 mense per staanplek). Aankoms- en vertrektyd 10:00-18:00 en 10:00. As jy die naweek kamp, kan jy Sondag teen 17:00 vertrek. Kontak 082 924 3075 riverside-country-club-and-caravan-park.business.site riversidecountry club@absamail.co.za Naaste dorp Modderrivier 3km. Hoe lyk die pad? Teerpad tot by die hek. GPS S29.038593 E24.610997 Ry & Sleep sê Bring die visstokke. Hier is ’n groot verskeidenheid vis in die rivier.…

Kampplek Van die 70 staanplekke is 54 op gras en die res op grond. Elke staanplek het ’n kraan, kragpunt en eie braaiplek. Ablusiegeriewe 1 badkamergebou omtrent in die middel van die kampplek, mét ’n kombuis. By die kantoor is geriewe vir mense in ’n rolstoel. Prys R120 p.p.p.n. Aankoms- en vertrektyd 14:00 en 10:00. Kontak 027 718 1584 of 082 548 9286 springbokcaravanpark.co.za info@springbokcaravanpark.co.za Naaste dorp Springbok 2 km. Hoe lyk die pad? Teerpad tot by die hek. GPS S29.673387 E17.898516 Ry & Sleep sê Hier is ’n waskamer en die masjiene werk met R5-muntstukke. Dit kos R30 per was en R15 vir tuimeldroog.…

Kampplek 17 afgebakende staanplekke met nie veel koelte nie. Ablusiegeriewe 1 badkamergebou met aparte geriewe vir mans en vroue, plus 1 gesinsbadkamer. Prys R130 p.p.p.n. (R100 vir pensioentrekkers; gratis vir o.6’e). Aankoms- en vertrektyd 14:00 en 11:00. Kontak 071 416 3820 bookings@kardoesien7.co.za kardoesie-n7.co.za Naaste dorp Citrusdal 9 km. Hoe lyk die pad? Die laaste 400 m is ’n steil grondpad – van die voorwielaangedrewe sleepvoertuie maak dit nie, veral as dit reën. Haak af by die padstal – hiervandaan sal die eienaars help om jou woonwa by jou staanplek te kry. GPS S32.630354 E18.950298 Ry & Sleep sê Al is die staanplekke afgebaken, kan ’n groep van tot 40 woonwaens met een bespreking hulle staan kry. >…

Kampplek 108 staanplekke op 2 terrasse, die meeste met plaveiblaaie en gras, en sommige met koeltebome of skadunet. Ablusiegeriewe 2 moderne ablusieblokke wat skoon en netjies gehou word. Prys R290-R1 375 per staanplek vir 6 mense, afhangende van waar jy staan en wanneer jy kamp. Aankoms- en vertrektyd 14:00 en 10:00. Kontak 031 916 4545 natalia@atkv.org.za natalia.co.za Naaste dorp Winklespruit 3 km. Hoe lyk die pad? Heelpad teerpad. GPS S30.121831 E30.845729 Ry & Sleep sê As jy jou blou prop per ongeluk by die huis vergeet het, kan jy by die oordwinkel een koop.…

“Ons groep kamp al die afgelope drie jaar saam. Ons ouens is almal in die veertig en noem onsself die Campmasters. Dis sommer net ’n naam en niks ampteliks nie. Ander vriende van ons het ons van Molenrivier vertel, en dit was tyd dat die Campmasters gaan kyk hoe lyk dit daar. PLA DIE GRONDPAD? Die kampplek is anderkant Groot-Brakrivier, maar op ’n plaas – daarom verwag ’n mens grondpad. Maar ons moet weet waarvoor ons ons inlaat, want daar is nie minder nie as vier dubbelas-woonwaens onder ons: drie Jurgens Exclusive-modelle en ’n Elegance. Veiligheidshalwe het ek, Herman Liebenberg en Stan Fry besluit om ’n dag vóór die tyd te gaan kyk hoe die pad lyk. Die uiteinde? Ons het kans gesien. Die lang waens het nêrens vasgehaak of…

Hoewel die laaste klompie maande vir almal van ons ’n uitdaging was, het dit my wel die geleentheid gegee om lekker wyd te lees. Iets waarna ek meer in diepte gekyk het, was die veldtog rakende die reg om te herstel in Suid-Afrika. Dit behels basies die reg van ’n eienaar om ’n voertuig te laat diens en herstel by ’n plek wat nie noodwendig ’n franchise van die vervaardiger is nie – sonder dat dit die voertuig se waarborg raak. Aan die een kant is die vervaadiger, wat ’n nuwe voertuig ontwerp, ontwikkel en uiteindelik bou en dan ’n waarborg verskaf wat vir die nuwe eienaar gemoedsrus gee dat daar na hom omgesien sal word as iets met sy nuwe kopie verkeerd loop. ’n Motor is nie soos ander…

Gewoonlik neem dit jare se harde werk om geld bymekaar te kry vir wiele soos die G-klas. Die kinders sal ook al uit die huis moet wees. Of dalk is daar rykdom in die familie, óf dalk val ’n gawe staatstender in jou skoot... Die Chinese motorvervaardiger Beijing Auto Works, ’n filiaal van die staatsbeheerde BAIC-groep met ’n aandeel in verskeie motor- en masjinerie-vervaardigers, meen dis nie nodig om jou af te sloof om te lyk of jy dit “gemaak” het nie. Met die BJ80 klim jy in ’n kloon van die G-klas. Die Chinese word hoeka beskuldig dat hulle ander voertuie namaak, amper asof jy in die eksamenlokaal sit en weerskante van jou afkyk. Daar is selfs ’n lighartige verwysing in die motorbedryf dat van hierdie ouens nie eens…