Innholdsfortegnelse for October 2019 i Weg! Ry & Sleep

“Jy gaan oor ’n week of drie ‘Come they told me, pa ram pam pam pam’ in die inkopiesentrum begin hoor.” Iets wat Anita Botes van Witbank vandeesmaand in die My plekkie-artikel (bl. 62) kwytraak, steek by my vas. Anita sê sy en haar lewensmaat, Johan, gaan minstens twee keer per maand weg en verkies dit om plekke op hulle voorstoep – binne ’n radius van 200 km – te besoek. Sy vra ook hoekom ’n mens eerder by die huis sal slaap as jy die natuur, sonsondergange en kampvure in die buitlewe kan geniet? Sy slaan natuurlik die spyker op die kop, veral hierdie tyd van die jaar. Hoekom sal jy by die huis bly as daar – ongeag van waar jy woon – ’n plek binne twee uur…

Mathys Johannes Mathey Almal het altyd iets te sê oor Land Rovers wat so olie lek. My antwoord is dan dat die Landie bloot sy gebied afbaken. Ek het ’n Discovery sonder enige olielek gehad. Henri Henri Conradie Wanneer Land Rover-eienaars braai, is die onderwerp gewoonlik jag, kamp en visvang. Wanneer Toyota-eienaars braai, praat hulle oor Land Rovers. Andre Ros As ’n Toyota net halfpad so goed was soos die Land Rover-grappies, het ek ook vir my ’n Toyota gekoop. Llandy Bardner Het enige van julle al die goor grappies oor Ford gehoor? Die Land Rover-manne hoef nie sleg te voel nie. Klasie Itireleng Olivier Iemand wat nonsens praat van ’n Landie, besit gewoonlik net ’n maatskappymotor. Gerhard Human Ek is self lief vir Landies, maar hoekom het hulle destyds…

Tentco het nou sy drasakke met die ingevoerde Topwolf New York-reeks uitgebrei. Soos ’n mens van ’n duursame handelsnaam verwag, word die sakke van stewige 450 g-seil gemaak, en jy kan tussen vyf soorte kies: Van ’n skouersak waarin jy ’n waterbottel of twee met ’n paar snoepgoed kan inpas die dag as jy ’n entjie in die kampplek wil gaan stap, tot ’n groot buissak (duffle bag) wat 65 cm lank, en 33 cm en 25 cm breed en hoog staan. Daar is ook ’n rugsak, en afhangend van die sak wissel die prys van R350 tot R550. Kontak 011 397 6451/2 tentco.co.za info@tentco.co.za…

Lengte van die roete 235 km. Aantal hekke wat jy oop- en toemaak 11. Beginpunt Koekenaap. Eindpunt Hondeklipbaai. Vuurtorings Groenrivier (D5720) en Hondeklipbaai (D5704). Selfoonsein Hier is weinig sein. Soms sal ’n Whatsapp-boodskap onverwags deurkom, maar voor jy dit kan beantwoord, is die sein weer weg. Brandstof Hier is geen vulstasies op die roete nie. Die laaste een voor jy die roete pak, is op Lutzville, en jou volgende geleentheid om vol te maak is op Koiingnaas, 265 km van Lutzville af en 22 km anderkant Hondeklipbaai. Mag ek op die strand ry? Die kusgebied tussen die laagwater- en die hoogwatermerk op alle Suid-Afrikaanse strande is in staatsbesit en jy mag nie sonder ’n permit daarop ry nie. Volgens Art. 28 in die akte van geïntegreerde kusbestuur, 2008 (akte nommer…

Jakob, Magdell en Ariana (7) Iten kom van Sasolburg en kamp met hulle 2019 Toyota Fortuner 2.4 GD-6 en 2011 Jurgens CampLite. “Ons skiet gewoonlik Krugerwildtuin toe in die winter, maar het op Utshwayelo besluit nadat ons dit op die internet gesien het. Dis ons eerste keer hier en ons is aangenaam verras. Ons almal geniet die rustige atmosfeer. Ek is onder meer ’n grotduiker en duik dus graag. Ons kamp gewoonlik ook by Sodwanabaai om die draai saam met ons duikklub. Hier by die Kosi-monding het ek reeds ’n groot verskeidenheid vis skaars 1½ m onder die water gesien – en dit sluit steenvis in. Onder die res tel ’n duiwelvuurvis, bontpaling en ‘n doktervis. Ons is hartseer om op te pak, maar ons kom beslis terug.” Duan Massyn…

Ben en Tokkie Grunwald is van Rustenburg en kamp met ’n Isuzu 4x4-ryhuis. “Ons het soos baie kampeerders begin om eers met ’n tent en daarna met ’n woonwa te kamp. Ons het later op iets anders besluit en só is die idee van ’n ryhuis gebore is. Hier is plek vir ses mense, dus kan ons gesin saam met ons kom kamp. Ons hou veral daarvan om in die bos, waar daar niks en niemand is, te gaan kamp. Omdat ons ten volle selfonderhoudend is, kan ons op enige plek oorstaan. Maar ons kamp ook gereeld by plekke waar daar al die geriewe is vir gemaklik kamp. Ons het besluit om by Onverwags te kom kamp nadat ons hulle advertensie op die radio gehoor het. Ons hou veral van…

Maksimum getal voertuie Dit is ’n openbare pad. Kry ek ’n kaart? Nee. Sal my voertuig krap? Nee. Moet ek ’n kompressor saamneem? Nee, tensy jy ’n band herstel. Kan ons langs die pad braai? Nee. Kan ek halfpad omdraai? Ja. Is daar selfoonsein? Ja. RONDOM DIE ROETE Beste tyd om te gaan? Heeljaar. Kan ek my gesin saamneem? Ja, beslis. Hoe lank duur dit? Vier uur. Is daar ablusiegeriewe? Nee. Aanwysings Ry 18 km weswaarts van Tshipise met die R525-streekpad en draai links by die Schuitdrift-padteken. ’n Slegte grondpad neem jou tot waar die bergpas sonder naam begin. Wat kos dit? Gratis.…

Die Mobi Lodge-broers, Leon en Marius Ras, en ’n klompie van hul vriende het onlangs vir twee weke deur Botswana getoer. Dit was ’n tyd vir kuier, mooi foto’s en avontuur. Marius, Leon en hul vroue, Lorinda en Anchell, het saam met vriende Monique en Marnus, At en Riana, Christo en Nandi, Pieter en Christa, en Leon se skoonseun, Christo, en sy vrou, Rochelle, dié opwindende reis aangedurf. En tussendeur het hulle sommer ook bosberaad gehou en groot planne vir die toekoms gemaak. Leon vertel… “Ons groep kamp die eerste aand in die pragtige tuine by Big Fig Inn naby die grens en daarna is die ses Mobi Lodge-waens deur die Martin’s Drift-grenspos, deur Palapye en Serowe, op pad na die Khama-renosterreservaat. Die aand is dit tyd vir ons eerste…

Audi se Q8 is die nuutste toevoeging tot die vervaardiger se sportnutsreeks. Soos te verwagte is dit ’n weelderige nutsvoertuig, maar Audi het die Q8 wel met ’n sleepstang toegerus. Verder maak Audi die keuse tussen die Q8-modelle ook maklik, want daar is net ’n petrol- en dieselmodel. Albei het hope krag (500 Nm vir die petrol; 600 Nm vir die diesel) en is toegerus met Audi se befaamde quattro-aandrywing. Die petrolmodel se topspoed is 30 km/h vinniger (250 km/h) as dié van sy dieselbroer en is teen R1 388 000 ook R51 000 goedkoper. Ons klim in dié model en haak ’n Gypsey. Lyk haastig Die oorgroot 22”-siervellings hoort omtrent op ’n Italiaanse sportmotor, maar hulle is ewe tuis op die Q8. En hoewel jy nie regtig sulke haastige…

Lengte 5,14 m Breedte 2,05 m Nokhoogte binne 2,25 m Hoogte (toe) 2,25 m Tarragewig 1 380 kg Dravermoë 620 kg BVM 2 000 kg Wielgrootte 285/75/R16 Vering 2,5 t onafhanklike lugvering Prys Vanaf R505 293 Plus Die lugvering werk uitstekend! Jou trokkie skud dalk rond, maar die Recce sweef agterna. Hy’s duidelik gebou om te hou. Die kombuisgedeelte is goed deurdink. Minus Dink mooi waarheen jy die Recce wil sleep, want hy’s betreklik groot en swaar. Die TV is ’n onnodige luuksheid wat kan breek. Fliek eerder op jou skootrekenaar. Weg Ry & Sleep het die Recce by die vervaardiger geleen. Weg Ry & Sleep sê Die Recce is taai verby en gepas vir langdurende oorgrens-ekspedisies op ons vasteland. Handelaarsnetwerk Conqueror het 12 takke en agente in die Wes-Kaap,…

Jy sal nooit gaan kamp met daardie porseleinstel wat jy by jou ouma geërf het nie, maar papierborde val nou ook nie in almal se smaak nie. Ons het gaan soek na die slimste oplossings wanneer jy in die kampterrein moet tafel dek. VIER OM DIE VUUR GSI Outdoors Cascadian-stel vir 4 Dié eetgerei vir ’n gesin van vier pas netjies in sy boks wat soos ’n stuk origami opvou. Elkeen kry ’n bord, bak en beker wat 354 ml hou. Prys R525 by Ram Mountaineering. Weg Ry & Sleep sê Die beker het kepies aan die binnekant waarmee jy hoeveelhede kan afmeet. ELKE DING OP SY PLEK Tentco-ammokis-eetstel As jy nie wil rondsoek na individuele items nie, kan jy gerus hierdie ammokis sterk oorweeg. Hy het ses van elk:…

DAG 1 Ons ontmoet mekaar vroegmiddag aan die buitewyke van Lusikisiki (’n uur se ry van Port St Johns of Kokstad af) en kies van daar af koers na ons lodge op die Mbotyirivier. Ons gaan twee nagte hier deurbring. Die Mbotyi River Lodge is ’n droombestemming vir enige natuurliefhebber. Hier is ’n swembad en geriewe vir bergfietsryers en kano’s, en lekker dekke waar jy in sonstoele kan sit en ontspan. DAG 2 Ná ons koffie douvoordag het jy tyd om op die strand te gaan loop of op die Mbotyi-riviermond te roei. Ons daguitstappie (met ’n piekniekmiddagete langs die pad) neem ons na ’n kolonie van meer as 170 aasvoëls in ’n pragtige kloof. Aasvoëls is die seldsaamste roofvoëls in Afrika. Van daar af volg ons die kronkelende tweespoorpaadjies…

“Konsepmotors is gewoonlik net vir die groot vervaardigers bestem, wat die kans aangryp om vir die wêreld te wys hoe ’n huidige model oor tien jaar of so behoort te lyk. Dit was dus effens verrassend toe die Duitse woonwa- en ryhuisvervaardiger Hymer by ’n onlangse woonwaskou in Düsseldorf die konsepryhuis genaamd VisionVenture uitgestal het om die buitelewegemeenskap ’n idee te gee van hoe avontuurvoertuie in die toekoms kan lyk. Hymer het met die Duitse chemiese maatskappy BASF saamgespan en die VisionVenture gebou met nie minder nie as 20 innoverende materiale. Die ryhuis is op ’n 2019 Mercedes-Benz Sprinter gegrond, en hoewel hy op die oog af bekend lyk, het Hymer heelwat veranderinge aangebring en die A-pilare, windskerm en enjinkap herontwerp vir ’n gladder voorkoms. Almal wat die ryhuis van…

Bloue waters Sy woon op George en wanneer die geleentheid vir ’n mooi foto hom voordoen, wag Madelein Marais vir die regte oomblik vóór sy die knoppie druk. “Ek het dié foto by die Georgedam geneem. Ek en my man, Willem, het die dag langs die dam gaan stap toe ek mense op die water sien roei. Ek het besef dit kan ’n mooi foto maak en stelling agter ’n boomtak voor my ingeneem. Soos hulle verbygekom het, het ek die foto geneem.” In die foto gebruik Madelein – waarskynlik onwetend – ’n paar komposisiereëls wat ’n mens eerder wil vermy. Maar, sy omseil dié voorkeure op so ’n manier dat sy dit eerder omswaai in stewige algehele komposisie. Die fokuspunt reg in die middel van die foto is gewoonlik…

Binnekort gaan jy dwarsdeur jou woonwa kan sien terwyl jy hom in ’n knap staanplek instoot. Nee, dis nie goëlery nie, maar eerder ’n slim kombinasie van apparatuur en programmatuur. Die Amerikaanse voertuigvervaardiger GMC gebruik ’n 15-kame-ra-netwerk wat slepers toelaat om reg rondom sy waens te kan sien. Die tegnologie is tans nét in die GMC Sierra (nie die mooiste bakkie ter wêreld nie) beskikbaar en die Yanks is tot dusver hoogs tevrede met die stelsel. Dit werk as volg: Wanneer jy trurat inhaak, skakel jy twee kameras aan: een op die agterklap van die bakkie en ’n tweede kamera agterop jou woonwa. Die toneel wat jou bakkie se trukamera sien, word op die inligtingskerm in die kajuit van jou bakkie vertoon, maar die toneel wat die woonwa se trukamera…

Vir die meeste mense roep Kosibaai onmiddellik beelde op van sand en 4x4. Tog is dit nie so afgesonder soos wat dit klink nie – jy kan selfs met ’n nutsvoertuig en gewone woonwa tot hier ry. Hier in die verre noorde van KwaZulu-Natal lê die Mosambiekse grens net ’n paar kilometer verder, en die teerpad soontoe loop digby Kosibaai verby. Dit is dus heelpad teerpad, en as jy afdraai, wissel die pad afhangend van die kampplek waarheen jy mik, van ’n doodgewone grondpad tot ’n sandpad. Ons het by Utshwayelo naby die meermonding van Kosibaai én by die Kosibaai-oord teenaan die meer afgesaal. Die twee kampplekke is 8 km uitmekaar soos die kraai vlieg, met Utshwayelo die naaste aan die see (3,4 km). Maar jou reisavontuur begin al ’n…

Kampplek 15 staanplekke wat wissel van eenkant en in die bos tot meer in die oopte. Staanplek nr. 1-3 digby die meer is eersteklas. Ablusiegeriewe Die 2 badkamergeboue is basies en skoon, maar kort ’n bietjie aandag. Prys Afhangend van die seisoen R560 of R660 per staanplek by die water vir tot 4 mense, plus R140 of R165 p.p. daarna. Vir die staanplekke weg van die water af kos dit R460 of R560 (en R115 of R140 p.p. ekstra). Van November af geld ’n basistarief van onderskeidelik R280 of R230 vir 2 mense, afhangend van waar jy staan. Aankoms- en vertrektyd 14:00 en 10:00. Kontak 033 845 1000 isimangaliso.com/accommodators/kosi-bay-campsite/ bookings@kznwildlife.com Naaste dorp? Manguzi, 12 km. Hoe lyk die pad? Die laaste 6 km is ’n grondpad wat wissel van sinkplaatoppervlak…

Kampplek ’n Kampterrein met 42 staanplekke waarvan drie private staanplekke hulle eie ablusiegeriewe het. Ablusiegeriewe Die gewone staanplekke deel twee ablusieblokke. Prys Buite seisoen R400 (gewone staanplekke) en R450 (private staanplekke) per staanplek vir 4 mense. Binne seisoen en langnaweke R500 (gewone staanplekke) en R560 (private staanplekke) per staanplek vir 4 mense. Kontak 082 899 1900 onverwags.co.za onverwags@xpressgt.co.za Aankoms- en vertrektyd 13:00 en 11:00. Naaste dorp Brits, 25 km Hoe lyk die pad? ’n Goeie grondpaadjie die laaste kilometer vanaf die hek tot by die kantoor. GPS S25.458906 E27.786079 Weg Ry & Sleep sê Bring swemklere, fietse, hardloopskoene, voëlboeke en verkykers.…

“Ek en Johan soek altyd in tydskrifte en op webtuistes na nuwe plekke om te besoek. Ons gaan kamp minstens twee keer elke maand en gewoonlik binne ’n radius van 200 km van die huis af. Hoekom sal ’n mens by die huis slaap as jy die natuur, sonsondergange, kampvure en ons toegeruste wa kan geniet? Ons het op Facebook van die Almegawoonwapark gelees en dit het na nét die plek gelyk om ons batterye te herlaai. Ons het gepak, ons 2007-model Jurgens Xplorer aan ons 2014 Isuzu KB 3.0 D-TEQ gehaak en in die pad geval. Dit het ons net ’n uur en 41 minute geneem en afgesien van die laaste 200 m se goeie grondpad, was ons die heeltyd op teer. HET DIE KAMPPLEK AAN JULLE VERWAGTINGE VOLDOEN?…

“Die stuurkajuit is seker een van die mooistes wat ek nóg gesien het, maar ongelukkig pla al die vingermerke op die rekenaarskerms my. Dis natuurlik omdat ’n mens alles van die lugreëling tot die radio hierop beheer. Wanneer jy ’n verstelling wil maak, moet jy noodgedwonge ook eers na die skerm kyk om te sien waar jou vinger moet wees. Sommige motors het ’n stelknop tussen die sitplekke wat jy kan draai om die keuses op die skerm te maak, en dít werk vir my beter. Dis wanneer jy wegtrek dat jy besef krag is ’n groot bate van die Q8. Trouens, die Q8 sleep só gemaklik dis net as jy in die truspieël kyk dat jy onthou jy het ’n woonwa op die haak. Teen 120 km/h sleep die…

KERRIEVARKWIELE Hou die blink kant bo ’n Kerriesosatie oor die kole bly maar lekker. Maak dié indrukwekkende varkrolle en sorg vir ’n feestelike okkasie. Jy benodig (genoeg vir 4 as hoofgereg) 1 klein witui, fyngekap 2 knoffelhuisies, fyngedruk 2 eetlepels matige kerriepoeier 1 teelepel borrie sout en varsgemaalde swartpeper 2 droë lourierblare, gekrummel ¼ koppie bruinasyn 4 varklieswiele van 2 cm dik, sonder vel 1 opgehoopte eetlepel appelkooskonfyt Só maak jy 1 Meng die ui, knoffel, speserye en kruie, en asyn saam met ewe veel water. Sit die vleis in die sous en maak seker dit is oraloor goed bedek. Laat dit vir sowat 1 uur marineer om die geur te bou. 2 Haal die vleis uit die marinade (hou dit vir later), druk dit effens droog en ryg dit…

DATUM 8 tot 12 Mei 2020 PRYS R 8 450 per persoon (kinders onder 10 betaal halfprys) DIE AVONTUUR Die afgelope 300 jaar al is die Xhosa in hierdie streek gevestig, en leef hulle in hul byekorfvormige hutte in die groen landelike dele. Die omgewing is steeds baie landelik met ’n basiese padnetwerk. Dit is op hierdie paaie, sowel as die tweespoorpaaie, wat ons die ongerepte kuslyn sal verken en skeepsrwakke, riviermondings en pragtige strande sal besoek. Die gebied is veilig vir stappers en fietsryers, en daar is ook lekker geleentheid vir hengel. Pak gerus die speelgoed in, want jy sal vrye tyd hê. Ons bly in die Mbotyi River Lodge en die Ocean View Hotel. DIE SPAN Die toerleier is ’n ervare natuurbewaarder en avontuurgidsleier. Hy sal deurentyd in…

SMITTIE wen ’n koelsak ter waarde van R220. Of jy nou kamp, piekniek hou of langs die krieketveld sit, die koelsak het onder meer plek vir ’n kosblik én genoeg ruimte vir ’n 1,5 l-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer wat dit maklik maak om die koelsak skoon te hou. Die sak het ook ’n handvatsel wat bo-oor kom en met klitsrits heg, asook ’n skouerband as jy jou hande vry wil hê. winkel.weg.co.za…

... en ons plaas dit dalk hier. Ons soek nie die tradisionele “kompetisiewenners” nie; net doodgewone foto’s wat vir jou mooi is. Van ’n foto wat jy dadelik as jou nuwe tuisbladfoto op Facebook gebruik regdeur tot kinders wat in die swembad plas. Of dit met ’n gróót kamera of jou selfoon geneem is, dit maak nie saak nie. MADELEIN MARAIS wen ’n Weg Ry & Sleep-kamerasak ter waarde van R520 met haar foto – veels geluk! Stuur jou foto’s na leon.botha@media24.com…

Die kusgebied noord van Koekenaap en suid van die Groenrivier behoort gedeeltelik aan boere en die plaaslike munisipaliteit. Jy mag op feitlik enige plek aan die kus tent opslaan, tensy dit omhein is – soos die diamantkonsessies. Geen besprekings word geneem nie en dis gratis om te kamp, maar die grondeienaars vra dat jy geen rommel agterlaat, hulle veld verniel of met hulle skape skoorsoek nie. Binne die Namakwa- nasionale park noord van die Groenrivier-vuurtoring moet jy betaal om te kamp. Hier is 8 kampplekke langs die see, elk met tussen 2 en 12 staanplekke. Daar is ook 2 tentekampe: die delwerskamp langs die see en die luukse Skilpad-tentekamp in die Skilpad-reservaat. Prys R150 p.n. per staanplek (maksimum 6 mense per staanplek). Kontak 012 428 9111 sanparks.org Die Skulpieskraal-lodge op…

Kampplek 14 staanplekke waarvan die meeste ’n rietheining het. Koelte is volop, maar nie alle staanplekke is ewe gelyk nie. Ablusiegeriewe Aards, netjies en die opelugstorte kry die eerste prys. Prys R220 p.p.p.n (halfprys vir kinders 6-12). Aankoms- en vertrektyd Geen vasgestelde tye nie. Kontak 082 909 3113 kosibay.info info@kosimouth.co.za Naaste dorp? Manguzi, 21 km. Hoe lyk die pad? Die laaste 4,5 km is ’n sinkplaatgeryde grondpad met sandpaadjies in die oord self. Dis goed vasgetrap en jy kan met ’n gewone sedan regkom sonder om vas te val. GPS S26.892218 E32.858621 Weg Ry & Sleep sê Troeteldiere is welkom mits dit buite seisoen is, maar jy moet steeds die oord in kennis stel. Onthou, troeteldiere word nie in die iSimangaliso-vleilandpark toegelaat nie.…

“Die staanplekke is in drie groepe verdeel, elkeen met sy eie ablusiegeriewe.” Heelwat mense gaan dalk nie die D1121-grondpad noord van Brits onmiddellik kan plaas nie, maar noem so ’n paar van die oorde wat op dié pad soos sardientjies ingeryg lê, en enige kampeerder wat sy sout werd is gaan weet na watter pad jy verwys. Onverwags-woonwapark is een van die oorde op dié pad. By die hek bel jy gou eers vir Miemie Botha, wat saam met haar man, Frik, aan die stuur van sake by Onverwags staan, om die hekkode te kry. By die kampterrein se hek sowat ’n kilometer verder staan Frik gereed om jou na jou staanplek te neem. ’n Mens besef vinnig Onverwags se kampterrein is ’n gesellige plek. Jou mede-kampeerders is nie skaam…

Vis Karp en swartbaars Kampplek 50 staanplekke teen ’n kop waarvan die meeste gras en ’n mate van koelte het. Elkeen het ’n kragpunt. Ablusiegeriewe 3 aparte badkamergeboue, deurentyd skoon en netjies. Prys R130 p.p.p.n. (R70 vir kinders 2-12 jaar; gratis vir o.2’s); kredietkaarte welkom. Aankoms- en vertrektyd Geen vasgestelde tye, maar tref reëlings as jy ná 19:00 wil inboek. Kontak 021 100 3758 koningskop.com info@koningskop.co.za Naaste dorp Citrusdal, 25 km. Hoe lyk die pad? Teerpad tot by Koningskop. GPS S32.498437 E18.848489 Weg Ry & Sleep sê Gee die vis nog ‘n kans nadat jy dit gevang het, en laat dit vry.…

Model ....................................................................................55 TFSI quattro Tiptronic Enjin .........................................................................................................................2 967 cc Krag ...........................................................................................................................250 kW Wringkrag .............................................................................................................500 Nm Ratkas.............................................................................................8 spoed-outomaties Aandrywing .......................................................................................Heeltyds allewiel Tenk..................................................................................................................................85 l Brandstofverbruik met woonwa ............................17,9 l/100 km (5,6 km/l) Reikafstand met woonwa..............................................................................476 km Tarragewig...........................................................................................................2 090 kg Gewig tydens toets (neusgewig van wa ingesluit) ........................2 480 kg BVM .........................................................................................................................2 815 kg BKM .........................................................................................................................6 315 kg Sleepvermoë ......................................................................................................3 500 kg Kombinsasiemassa tydens toets .............................................................3 600 kg Sleepstang se maksimumtrekgewig.............D-waarde 16,6 kN (1 693 kg) Sleepstang se maksimum- vertikale gewig...........................................140 kg Is die stang verwyderbaar? .................................................................................Nee Is daar plek vir ’n sakplaat? .................................................................................Nee PRYS (standaard)...........................................................................................R1 388 000 PRYS (soos getoets, wat die stang teen R16 260 insluit).........R1 613 227…

Verlede maand het ek gesels oor voertuie se uitlaatgasse – die troebele onderwerp wat ek tans besonder interessant vind. Volgens Daniel Sperling en Deborah Gordon, twee voertuigbevolkingsnavorsers in Amerika, gaan die getal voertuie wêreldwyd teen die jaar 2020 die 2 miljard-kerf oorsteek. Passasiersvoertuie gaan ongeveer 73% hiervan verteenwoordig – en dít is ’n enorme getal rygoed wat gaan bydra tot lugbesoedeling. Ongeag hoe bekommerd ons onsself hieroor voorhou, moet selfs stoere omgewingsbewustes saamstem dat die wêreld ’n heel ander plek sou wees as die persoonlike motorvoertuig nooit bestaan het nie. ’n Moderne samelewing met al sy luukshede is haas ondenkbaar sonder ons persoonlike rygoed met hulle binnebrandenjins. Natuurbewaringsagentskappe en regerings die wêreld oor is egter besig om maatreëls in te stel om besoedeling te verlaag en sodoende beide die omgewing…

Die grootste rugbygebeurtenis naas die Wêreldbekertoernooi is die Britse en Ierse Leeus se vierjaarlikse toer na die Suidelike Halfrond. Die Leeus kom volgende jaar weer na Suid-Afrika en tot 50 000 van hul ondersteuners gaan na verwagting saamtoer. Omdat Soccer City, Ellispark en die Kaapstad-stadion blykbaar die gunstelinge is vir die aanbied van die drie toetse teen die Springbokke gaan daar ’n toename in rugbygeesdriftiges wees wat na Kaapstad en Gauteng stroom. Dit gaan groot logistieke eise stel, maar ook geleenthede skep om die plaaslike toerismemark uit te stal. Entrepreneurs wat hulle sout werd is, kan met goeie rede uitsien na die Leeus se besoek, maar ek glo daar is twee aspekte wat nou reeds aandag moet kry – die uitbreiding van potensiële toeriste-ervarings en die veiligheid van besoekers. ’n…