Innholdsfortegnelse for January 2019 i Weg! Ry & Sleep

Ek is nie regtig een vir Nuwejaarsvoornemens nie en my redes is heel eenvoudig: Ek is nie baie goed met die uitvoering daarvan nie en daar kom gewoonlik dadels van. In 2018 het ek nie méér geoefen, gesonder geëet óf Coke Zero saam met my brandewyn begin drink nie. Ek het ook nie na Botswana gereis nie, ek was nie één keer in die Seder-berg nie en van al my planne om ons huis op te knap het daar net mooi niks van gekom nie. As ek my dus aan die begin van laasjaar al hierdie dinge voorgeneem het, sou dit nou ’n redelik teleurstellende stand van sake gewees het. En kom ons wees nou maar eerlik: Daar is genoeg dinge in  hierdie wêreld wat ’n mens teleurstel. Ek het…

Laasmaand het ek heel liries geraak oor die Ford Ranger Raptor se vering. Hoewel dit lekker werk wanneer jy haastig oor die aarde wil skeer, is dit nie geskik vir oorgrensekspedisies met al jou kampgoed agterop die bak nie. Die twee belangrikste komponente wat bepaal of jou veldryer in staat is om oor ruwe terrein te ry is die vering (wat uit skokbrekers en vere bestaan) en bande. Eenvoudig gestel hou die vere jou voertuig op die regte hoogte terwyl dit terselfdertyd die gewig van jou voertuig én al jou bybehore en toerusting moet dra. Skokbrekers beheer die beweging van die vere en derhalwe ook jou voertuig. Die keuse van watter vere jy moet aanbring, is eenvoudig: Dit word bepaal deur jou behoeftes, soos hoe hoog jou voertuig van die…

Vir kampeerders is die naam National Luna sinoniem met ys-vrieskaste, maar nou het die maatskappy ’n klein kampysmaker op die mark. Die masjien bestaan hoofsaaklik uit vlekvrye staal, gebruik 220 V-krag en weeg 8,1 kg. Terwyl die masjien werk, kan ’n mens deur ’n venstertjie sien hoe die yswiggies vorm. Dit neem 6-13 minute, afhangend van die buitetemperatuur, want die ysmaker werk in temperature van tussen 10 ºC en 43 ºC. Hy maak ’n goeie 12 kg ys binne 24 uur en die tenk het plek vir 2,2 l water. ’n Mens kan kies tussen twee groottes ysblokkies. Die ysmaker kos R1 999 by Outdoor Warehouse en word vir 3 jaar gewaarborg.…

Cara-Camp Caravan & Outdoor Centre het onlangs die eerste Swift-woonwa in die Kaap verkoop. Swift-woonwaens is nog nuut in die land en word deur Loftus Caravan City in Randburg uit Engeland ingevoer. Die eienaar van Cara-Camp, Arnold Prosch, sê dit is ’n mylpaal en geskiedkundig vir die Kaap. Die tweede Swift-wa het ook al ’n baas. Die twee Swift-modelle is die Coastline en Atlantic, en kos onderskeidelik R579 000 en R539 000. Cara-Camp is ook die enigste Kaapse woonwahandelaar wat die nuutgeboude Okto-woonwaens verkoop. Ook hiervan het Arnold pas voorraad gekry. 021 852 8215 cara-camp.co.za…

Met 25 jaar se boswa-ervaring is Conqueror Suid-Afrika se markleier wat betref die vervaardiging en uitvoer van boswaens. Én vir naverkoopdiens. Conqueror is bekend vir sy innoverende ontwerpe, genadelose veldtoetse en unieke vervaardigingsprosesse. Afrika is beslis nie vir sissies nie, en Conqueror-waens word nie net sterk genoeg vir die Afrika-boendoes gebou nie, maar is ewe tuis op die moeilike paaie in die res van die wêreld. ’n Mens sleep ’n Conqueror met absolute gemoedsrus, en danksy die luukses in die wa kamp jy ook soos ’n koning. Conqueror het hom aanvanklik toegespits op die bou van militêre produkte en in die vroeë 1990’s besef hierdie kundigheid is ook waardevol as jy ’n taai boswa wil bou. Die eerste Conqueror-waens is by die Nampo-oesfees bekend gestel... en binne ses maande was…

In die nabye toekoms gaan jou motor jou waarsku reisnaarheid is besig om jou beet te pak – nog vóór jy naar raak! Dan gaan hy boonop stappe doen om jou te laat beter voel. Só sê die witjasse by Jaguar Land Rover. Volgens Spencer Salter, welstandtegnologienavorser (ja, daar is so ’n beroep) by Jaguar Land Rover, ly 70% van mense aan reisnaarheid, maar tot onlangs toe was baie min inligting beskikbaar oor die oorsake en behandeling daarvan. Jaguar Land Rover het egter ’n deurbraak gemaak en biometriese sensors ontwikkel wat die gedrag van motoriste monitor en dan ’n algoritme gebruik wat voorspel of ’n passasier gaan naar word. Oor die algemeen word aanvaar dat reisnaarheid veroorsaak word deur teenstrydige inligting wat deur die binneoor, vel en spiere na die…

Enjin..................................................... 1995cc-viersilinder-turbodiesel Krag ...........................................................................140kW @ 4000r.p.m. Wringkrag..............................................................400Nm @ 1750r.p.m. Ratkas.........................................................................8spoed-outomaties Grondvryhoogte ...........................................................................204mm Brandstofverbruik...............................................................5,6l/100km Tenk .............................................................................................................60l Topspoed ....................................................................................... 213km/h Versnelling 0-100 km/h......................................................................8.0s Diensplan....................................................................... 5jaar/100000km…

Kampplek 73 staanplekke, almal met plaveiblaaie, ’n braaiplek met ’n rooster, krag en ’n kraan naby. Die meeste het koelte en sommige het skadunette en rioolkoppelings. Ablusiegeriewe 2 netjiese en moderne ablusieblokke. Prys Standaardtariewe wissel van R485 tot R1 040 p.n. per staanplek vir 6 mense in die besige tye en oor naweke, afhangende van waar jy kamp. Op weekdae is die prys R120-R265. ATKV-lede betaal R370-R890 per staanplek in die besige tye en oor naweke (R115-R190 in die week). Aankoms- en vertrektyd 2 nm. en 10 vm. Kontak 014 736 9800 of 011 919 9092 (sentrale besprekings) kariba@atkv.org.za atkvoorde.co.za Naaste dorp Bela-Bela 8km. Hoe lyk die pad? Heelpad teerpad. GPS S24.849544 E28.336160 Weg Ry & Sleep sê Dagbesoekers mag kom kuier, maar nié oor langnaweke en tussen…

Jy is óf ’n Mini-mens óf jy is nie... Dié vervaardiger het nogal die vermoë om soms die bal mis te slaan, soos met die Paceman- en Roadster-model. Hoewel die Countryman nog nooit regtig aanloklik was vir die massas nie, is dit tegnies ’n baie gevorderde voertuig. En dit is pret om agter die stuurwiel in te skuif en met hom te gaan speel... iets waarop die maatskappy hom roem. Hierdie een het die nuwe daktent wat Mini saam met die Italiaanse tentspesialismaatskappy Autohome ontwikkel het. Maar die daktent is ongelukkig nie deur Mini Suid-Afrika beskikbaar nie; as jy dus régtig een wil hê, gaan jy hom al die pad van Europa af moet bestel. Die tent het ’n ingeboude matras, muskietnette, twee deurflappe, twee vensters en ’n LED-ligstaaf wat…

“Nadat ons by Die Punt-woonwapark op Mosselbaai gekamp het, het ons wes gery en halfpad tussen Mosselbaai en Albertinia opgeëindig. By dié munisipale kampterrein is jy sowat 500 m van die see en die getypoele af. Hoe lyk dit by die kampterrein? Hier is 130 afgebakende staanplekke en jy slaan jou kamp op groen gras op. Elke staanplek het sy eie vullisdrom wat drie keer per week skoongemaak word, en jy kry ’n kragpunt waarvoor jy jou blou sok moet saambring. Jy kry ook jou baksteenbraaiplek, maar jy moet jou eie rooster saambring. Die naaste kraan is nie verder as 15 m weg nie; dus is dit maklik om koffiewater te tap. Hier is heelwat bome in die kampterrein wat vir wisselende vlakke van koelte sorg, maar van die boompies…

Selfs die Hart-en-beroertestigting sal trots wees op hierdie een. Jy benodig 1 porsie kitsnoedels 1 klein ui, in ringe gesny ’n vars vis van jou keuse (soos stokvis) ’n hand vol vars groente, in repies gesny peper na smaak 1 eetlepel sojasous suurlemoensap na smaak Só maak jy 1 Week die noedels in warm water tot dit sag is. 2 Vorm met foelie ’n dubbellaagpakkie wat groot genoeg is vir die noedels, vis en groente. Pak die uie daarop, dan die vis en daarna die groente rondom. 3 Geur jou vispakkie met peper en sprinkel die sojasous en suurlemoensap oor. Sit die noedels bo-oor en vou die pakkie toe. 4 Braai die pakkie vir 15 minute oor hoë hitte op die rooster. Weg Ry & Sleep sê Enige…

“Ek hou van die hoë modderskermboë met die enjinkap wat effens vlakker is. ’n Mens skat afstand makliker as jy naby aan iets moet verbyry of parkeer. Dit is stil in die kajuit, selfs met die enjin wat effens raserig is. Ek wou nog kla oor die koeldrankhouerplek, maar sien hier is ’n rakkie aan elke kant digby die deur wat uit die voorpaneel trek. Selfs smaller blikkies pas hierin – hiervoor kry Nissan ’n groot regmerkie. Ongelukkig is die pakplek in die deur ’n bietjie smal. Dis asof die armleuning in die deur in die pad is tussen die smal pakplek en die sitplek. Die rathefboom is nogal lank, en met die meganiese handremhefboom langs dit is dit asof die Navara nie heeltemal by van die ander vervaardigers bly…

Daar’s geen rede tot swartgalligheid wat die kampgemeenskap betref nie. Ondanks ’n wankelrige ekonomie, onseker internasionale betrekkinge en gordels wat oor die algemeen ingetrek word, lyk dit of Suid-Afrikaners steeds bereid is om geld te bestee om ’n woonwa te haak en in die buitelewe weg te breek met ’n tjop op die kole en ’n koel lafenis in die hand. Verlede jaar was nie ’n goeie jaar vir Suid-Afrikaanse motoriste nie, met brandstofpryse wat ongekende hoogtes bereik het en voorvalle soos die Nissan NP300 wat ’n ronde nul behaal het in sy NCAP-veiligheidstoets. Maar dan het die marksegment vir sportnutsvoertuie wêreldwyd (ook hier by ons) gegroei en dit is iets wat enige buitelewe-entoesias soos ’n handskoen pas. Die internasionale motorvoertuiglandskap word weerspieël in die aanvraag van die plaaslike ontspanningsmark,…

Vat die spoor! ’n Mens dra gewoonlik jou selfoon by jou, maar dis nie altyd vir bel nie, sê Rentia Lombard van Pretoria. “Ons het vir ons vierde huweliksherdenking ’n vakansie in die KwaZulu-Natalse kus gaan geniet en sommer ook my man, Jaco, se verjaardag gevier. Jaco wou gaan kyk of hy ’n vis kan uittrek en ons is strand toe waar hy ingegooi het. Ek het sy spore in die sand gesien en besef dit sal ’n mooi foto maak.” Foto’s van voetspore op die strand is niks nuuts nie, maar die uitdaging is eerder om dit só af te neem dat dit ’n mens se aandag opnuut trek. Hier slaag Rentia met lof, want haar eenvoudige en slimgeplaaste detail sorg vir ’n wenfoto. Die enkele voetspoor voor in…

BARRYDALE SE DUBBELE HULP Ons is op ’n grondpadtoer van 16 dae, en ná vele grondpaaie, baie stof en twee dae in Die Hel bereik ons Barrydale in die Wes-Kaap. Volgende op ons lys is die eetplek Diesel & Crème. Ons swenk links om voor die eetplek te parkeer en ons vriende – wat saam met ons toer – wys met handgebare ons moet dadelik stilhou. Ek kan op hulle gesig sien hier’s groot fout. My vermoedens is in die kol. Ons sleep ’n Camp Master-waentjie met ’n daktent op, en dié tent hang sommer so skeef oor die waentjie. Die raamwerk waar die tent aan die waentjie se deksel vasbout, het halfpad losgeskeur. Dit moet wees as gevolg van die rowwe grondpaaie en die geskud. Vir ’n oomblik dink…

Onlangs lees ek ’n koerantplakkaat wat verklaar: “Jy mag nie met plakkies bestuur nie.” Ek beskou myself as ’n wetsgehoorsame burger, maar het ek nog nooit gedink dít is ’n oortreding nie – ek het dan juis die vorige dag sommer kaalvoet in my bakkie gespring om ’n sak hout by die kafee om die hoek te gaan koop. Later kry ek die berig onder oë, en dit blyk ’n Suid-Afrikaner is ’n stywe boete opgelê omdat hy op die pad tussen Komatipoort en Maputo agter die stuur van sy Jeep betrap is met Crocs aan sy voete. Hy het boonop ’n boswa op die haak gehad. “Klein dingetjies maak ’n verskil: Wees hoflik, respekteer die plaaslike mense en haal jou donkerbril af wanneer jy met ’n geregsdienaar praat.” Die…

Bloemfontein (Moto Inn) 051 430 5951 Kaapstad (Safari Centre) 021 595 3910 Heidelberg (Hoofkantoor) 082 925 4218, 083 654 0116 of 016 349 6532 Limpopo 015 293 0431 of 071 771 0347 Midrand 082 651 9471 of 010 010 7969 Trichardt / Secunda 083 250 1783, 083 444 8614 of 017 638 0180 Nelspruit 061 4826681 Northgate 011 026 6350 of 083 229 4276 Oos-Rand 011 8262561 of 0823508166 Wes-Kaap 072 434 9062 of 021 072 0800 Middelburg TJM 013 244 1298 of 082 802 7603 Pretoria 012 567 1378 of 082 442 5713 Suid-Kaap (Mooiwa George) 044 050 0071 Namibië (Off-Road Centre) 00 26 46 123 7532…

Model getoets.....D-Max 300 LX 4x4 (dubbelkajuit, outomaties) Enjin.................................................. 3 l-viersilinder-turbodiesel Krag ........................................................... 130 kW @ 3 600 r.p.m. Wringkrag .................................................320 Nm @ 1 800 r.p.m. Ratkas..........................................................6 spoed-outomaties Brandstofverbruik..................................................7,8 l/100 km Tenk ...................................................................................... 80 l Grondvryhoogte............................................................220 mm Nader- en vertrekhoek............................................30º en 22,7º Waaddiepte....................................................................600 mm Tarragewig .....................................................................2 100 kg Waarborg......................................................... 5 jaar/120 000 km Diensplan ..........................................................5 jaar/90 000 km Prys ............................................................................... R606 400…

Kampplek 225 staanplekke met krag en ’n braaiplek met ’n rooster. Jy gaan dalk gras en koelte kry, maar dalk ook nie. Ablusiegeriewe 8 moderne ablusieblokke wat skoon en netjies gehou word. Prys R300-R250 per staanplek en R200-R250 p.p.p.n. afhangende van wanneer jy kamp. Aankoms- en vertrektyd 2 nm. en 10 vm. Kontak 014 736 8500 of 012 423 5600 (sentrale besprekings) warmbaths2@foreversa.co.za foreverwarmbaths.co.za Naaste dorp Die oord is op Bela-Bela. Hoe lyk die pad? Teerpad tot by jou staanplek. GPS S34.022394 E23.896270 Weg Ry & Sleep sê Met die inboekslag kry jy en elkeen in jou gesin ’n plastiekarmband wat julle te alle tye moet dra. As jy hom verloor, moet jy R200 hoes vir ’n nuwe een.…

Oryx 4x4 Rentals het ’n Toyota Hilux 2.4 GD-6 4x4-dubbelkajuitbakkie vir ons geleen. Ons voertuig se daktent is ’n paar dae tevore deur onbeholpe Franse toeriste afgebrand, maar omdat ons reeds slaapplek in die park gehad het, was die afwesige tent nie ’n probleem nie. Die bakkie se vering is met 50 mm gelig en hy’s toegerus met BF Goodrich All-Terrain-bande asook ’n snorkel en ’n volledig toegeruste kappie. Andersins is hy redelik standaard en ons kan bevestig dat hy nooit ’n voet verkeerd gesit het nie. Oryx 4x4 Rentals is in Kaapstad en behalwe dat hulle ’n vloot Hilux’e en Land Cruisers bedryf, bied hulle ook kort veldrykursusse aan vir groentjies voordat hulle op vakansie vertrek. 021 412 1542 info@oryx4x4rentals.com oryx4x4rentals.com…

Mike en Charmaine Reed van Table View en hulle kinders, Aidan (11) en Donielle (10), sleep ’n Echo 4-boswa met hulle Toyota Fortuner. Nick en Rose Pienaar van Bothasig het saam kom kamp met hulle Toyota Camry en Wilk Topaz, en Kobus en Tracy Burger van Kraaifontein het ’n sleepwa met hulle GWM Steed 5 gesleep. “Dit is die tweede keer dat ons hier kom kamp en ons is gaande daaroor. Dis veilig en die kinders geniet dit om met hulle fiets te ry en die diere te voer. Die kampterrein is intiem en dit raak nooit rof hier nie . Dis presies hoe ons dit verkies.”…

VISVANGOORD SILVERSTREAMS-WOONWAPARK G’n grensgeval Dié kampplek in die Drakensberg lê weggesteek feitlik teen die Boesmansnekgrenspos na Lesotho. Dis nie moeilik om ’n puik kampplek te bedryf as jy sit met groot staanplekke op gras, langs ’n kristalhelder rivier met ’n prentjiemooi agtergrond nie. Voeg nou daarby ’n winkeltjie waar jy elke dag vars vleis, vrugte, eiers, sjokolade en rakmelk kan koop en jy het ’n juweel soos Silverstreams. Die pad na die kampterrein van die kantoor af neem jou oor ’n smal betonbruggie oor die vlak Ngwangwanerivier. Jy kan twee soorte forel hier vang: die reënboogforel of die bruinforel, maar vir laasgenoemde moet jy nie net Job se geduld hê nie, maar ook ’n goeie dosis vernuf én geluk. Hier is agt staanplekke (op gras) langs die rivier en nog…

Wat sê die boekie? Brandstof Diesel Enjin 2,298 l Silinders 4 inlyn Krag 140 kW @ 3 750 r.p.m. Wringkrag 450 Nm @ 1 500-2 500 r.p.m. Ratkas 7 spoed-outomaties Aandrywing Agterwiele Tarra 1 805 kg BVM 2 910 kg BKM 5 910 kg Waaddiepte Nie beskikbaar nie. Sleepvermoë vir geremde sleep-ding Tot 3 500 kg Afmetings 5 255 mm (l); 1 850 mm (b); 1 865 mm (h) Asafstand 3 150 mm Spoorwydte 1 570 mm (voor en agter) Grondvryhoogte 229 mm Brandstoftenk 80 l Prys (nuut) Vanaf R551 900 (met leersitplekke) Prys (tweedehands) Ons het op autotrader.co.za ’n 2018-model met 6 000 km op die klok gesien vir R509 900. Vinnige feite Die sleephaak Die stang is nie standaard nie. Die toetsvoertuig het ’n verwyderbare Orisstang met ’n…

PATATPOTBROOD Kyk so ’n aspatat! Hierdie besonderse sagte brood verg effens meer moeite as die ander, maar dit is die moeite werd... ’n mens het mos tyd wanneer jy kamp. Jy benodig (maak 1 groot brood) VIR MENGSEL 1 ¾ koppie witbroodmeel ½ koppie louwarm water 2 eetlepels heuning ¼ teelepel kitsgis VIR MENGSEL 2 1¼ koppie witbroodmeel 2 eetlepels droë melkpoeier ¾ teelepel kitsgis 1½ eetlepels botter 1-2 gaar patats 1 teelepel sout Só maak jy 1 Maak mengsel 1 aan Meng al die bestanddele goed saam in ’n mengbak. Bedek die bak met plastiek en hou dit vir 30 minute eenkant op ’n warm plek. 2 Maak mengsel 2 aan Meng die meel, melkpoeier en kitsgis goed saam. Sprinkel dit liggies bo-oor mengsel 1, maar moet dit glad…

Johan Bornman As jy musiek wil luister, bly eerder by die huis. Sommige mense mis die punt van kamp en om een te wees met die natuur. Wilma du Plessis Pietersen Oorde moet spesifiek wees oor wat “geen musiek” en “sagte musiek” beteken. Wat sag is vir een mens, is nie sag vir die ander nie. Musiek veroorsaak altyd  konflik in ’n kampterrein. Gert Munnik Dit het al twee keer met ons gebeur by Matroosberg, maar Didi, die bestuurder, en haar span duld nie sulke twak nie. Elize Coetzee Sommige mense gaan kamp net om te raas en rumoer. Dis hulle goeie reg, maar doen dit by oorde wat sulke gedrag toelaat. Veral  Desembervakansies is ’n tyd wanneer die jonger geslag wil jolig raak. Van die kusoorde laat dit toe…

Die Hartbeespoortse boswavervaardiger Bundu Trailers het pas sy eerste boswoonwa, die Bundu X, bekend gestel. Die prototipe is ’n jaar gelede gebou, maar sedertdien is hy ordentlik getoets, sê Arno van Rooyen, wat Bundu se bemarking behartig. Ná ’n draai in Mosambiek is die laaste haakplekke uitgestryk, onder meer die aluminiumwatertenk wat met ’n 125 l-plastiektenk vervang is omdat die aluminium gekraak het. Die wa se onderstel word van gegalvaniseerde staal gebou, terwyl die res van die romp hoofsaaklik uit aluminium bestaan. Die Bundu X het aan albei kante net voor die wiel ’n deur – die regterkantse een maak oop na die badkamer. ’n Gasgeiser is in die deur se binnekant gemonteer en ’n los storthokkie slaan hier op. Die linkerdeur is die hoofdeur. As jy inklim en na…

Lekplekweerstand, vragdravermoë, hitteweerstand, bakrol, stuurreaksie en drukverrigting... hierdie is net ’n paar eienskappe wat regstreeks verbind word met die band se karkas. Tog, ondanks die voor die hand liggende belangrikheid van dié eienskappe in die veld, sal jy selde hoor dat iemand die bou van die karkas noem as hulle om die kampvuur oor ’n veldrybandetoets redekawel. Hoekom is dit so? Hoekom ignoreer so baie mense (bandehandelaars en 4x4-tydskrifte ingesluit) die één ding wat tot 70% van ’n band se duursaamheid en verrigting bydra? Antwoord: Dis moeilik om dit te peil. Die band se karkas is die grondslag wat die res van die bandontwerp en -bou bepaal. Dis soos wanneer jy ’n huis koop – jy kan nie met die blote oog sien of die fondament stewig is nie. Net…

Niemand het veel van ’n uitnodiging nodig om in die Bosveld te gaan kamp nie. Min dinge klop ’n hardekoolkampvuur wat hoog brand terwyl die son agter die horison verdwyn. Sommige mense verwys daarna as Bosveld-TV, só salig is dit. As jy egter jou kinders se mening vra, sal jy hoor hulle stel aansienlik minder in die Bosveld-TV belang en verkies veel eerder om sonder ophou op waterwurms en in warmwaterswembaddens te baljaar. Hier by Bela-Bela behoort julle almal geholpe te raak. ATKV-KLEIN-KARIBA Gaaf en gewild Hierdie bekende ATKV-oord is een van dié gewildste kampbestemmings in Suid-Afrika, en dis nie moeilik om te sien hoekom soveel mense hierheen stroom nie. Dit is ’n raps meer as ’n uur se ry van Pretoria af en die versinnebeelding van gesinsvermaak. Hier kry…

Kampplek 4 luukse staanplekke met ’n staalbraaier (met ’n verstelbare rooster), plaveiblad, kragpunt en kraan. Altesame 8 gewone staanplekke. Ablusiegeriewe 4 moderne private badkamers vir die luukse staanplekke en een ablusieblok vir die res. Prys R450 per private staanplek vir 4 mense. R350 p.n. vir gewone staanplekke. Aankoms- en vertrektyd 2 nm. en 10 vm. Kontak 083 564 3597 of 083 628 9226 galagoprivatebushlodge.co.za philm@intekom.co.za Naaste dorp Bela-Bela 16 km. Hoe lyk die pad? Die laaste 500 m tot by die hek is ’n skaflike grondpad. GPS S24.874670 E28.147516 Weg Ry & Sleep sê Hou jou oë gespits vir skilpaaie, meerkatte en voëls.…

Waar? Die Karoo-nasionale park lê langs Beaufort-Wes, omtrent halfpad tussen Bloemfontein en Kaapstad. Voorraad Jy kan Beaufort-Wes uit sekere dele van die park sien. Jy hoef dus nie ’n week se proviand te berg nie, want daar’s ’n inkopiesentrum letterlik om die draai. Die parkkantoor het ook ’n winkel (oop van 7.30 vm. tot 8 nm.) waar jy onder meer aandenkings, melk, wyn en vuurmaakhout kan koop. As jy besluit om elke dag dorp toe te ry moet jy let op jou spoed. Hier is heelwat strikkameras en die verkeersdepartement is nie skaam om boetes uit te skryf nie. Verblyf Die kampterrein het 24 staanplekke, elk met elektrisiteit, ’n vullisdrom, braaiplek en krane. Skaduwee is nie volop nie – dis immers die Karoo – maar daar is wel ’n paar…

Kampterrein 10 staanplekke van verskillende groottes. Koelte by die meeste van hulle. Ablusiegeriewe ’n Klein ablusieblok met aparte geriewe vir mans en vroue. Dit word deurgaans skoon en netjies gehou. Prys R140 p.p.p.n. (R70 vir kinders 4-13 jaar; gratis vir o.4’s). Kontak 072 223 4674 fynbosguestfarm.co.za peter@fynbosguestfarm.co.za Aankoms- en vertrektyd Geen vasgestelde tye nie. Jy kan so vroeg opdaag as wat jy wil, maar moet darem voor donker weer ry. Hoe lyk die pad? Wanneer jy van die R46 afdraai, is die 1 km grondpad tot by die hek in ’n skaflike toestand. Van hier af tot by die ontvangskantoor is dit nog 700 m. GPS S33.388504 E19.194580 Weg Ry & Sleep sê Onthou, die diere op die plaas is voorheen mishandel en verwaarloos. Moet dus nie die…

Maksimum aantal voertuie 20. Kry ek ’n kaart? Ja. Sal my voertuig krap? Daar word gereeld instandhouding gedoen op die roete, maar jy moet mooi kyk om die bosse mis te ry. Kan ek langs pad braai? Ja. Kan ek halfpad omdraai? Ja. Is daar selfoonsein? Ja – nie oral nie, maar bo-op die berg is die sein sterk. RONDOM DIE ROETE Beste tyd om te gaan? Heeljaar. Kan ek my gesin saamneem? Ja, beslis. Net vir die dag of die naweek? Minstens die naweek. Is daar ablusiegeriewe? Ja. Aanwysings Ry uit Kaapstad noord op die N7. Sowat 20 km ná Citrusdal draai jy links by Markuskraal en volg die teerpad tot by die T-aansluiting. Draai regs en volg die teerpad tot by nog ’n T-aansluiting. Draai weer regs, volg…

Vis Reënboog- en bruinforel. Kampplek 32 groot grasbedekte staanplekke met min koelte. Ablusiegeriewe Netjiese badkamers met ’n onderdak-opwasgedeelte langsaan. Hier is ’n outomatiese wasmasjien wat met R10-ruilmunte werk. Prys R220-R600 p.n. per staanplek vir tot 4 mense afhangend van die seisoen en watter spesifieke staanplek. Aankoms- en vertrektyd 2 nm. en 10 vm. Kontak 082 331 6670 of 082 859 8619 info@silverstreams.co.za silverstreams.co.za Naaste dorp Underberg 46 km. Hoe lyk die pad? Die laaste 25 km is ’n grondpad en hier is twee verskillende toegangroetes tot by die oord. GPS S29.843911 E29.215664 Weg Ry & Sleep sê Die eienaars is ten gunste van vang-en-teruggooi vir die vis wat jy vang, maar gee nie om as jy een vir die pan wil uithou nie. Dis ook nie nodig om…

Sherpa Leisure is bekend vir die klein veselglaswoonwaens wat hy vir paartjies bou. Buiten die Rambler, Sherpa se grootste waentjie, het sy ander modelle óf twee enkelbeddens óf ’n dubbelbed, wat beteken dis eintlik maar ’n woonwaentjie wat hoofsaaklik uit ’n bed bestaan. Die materiale waaruit die Sherpa-waens gebou word, is net so ’n sterk pluspunt. Die romp bestaan uit veselglas, en almal weet dit is omtrent onderhoudsvry, lig en ongelooflik sterk. En as jy herstelwerk moet doen aan ’n ouer model, gaan jy nie sukkel om enige van die panele te herstel nie. Neville de Meillon, die man agter die sukses van Sherpa, het nou die heel nuutste model, die Sherpa Tiny Lite Hi-Rider, bekend gestel. Dié waentjie is omtrent ’n kloon van die Tiny Lite, maar hy het…

Dit voel of jy ’n plaas se prys moes opdok om die deposito vir jou gunstelingkampplek te betaal. En dan praat ons nie eens van die yslike bedrag wat jy vir brandstof moes hoes om jou hier te kry nie. Nou wil jy net onder jou stoeptent in jou kampstoel ontspan en kyk hoeveel geveerdes jy in jou voëlboek kan afmerk en wanneer die olifante watergat toe kom. Ons het gaan soek vir verkykers waarvoor jy nie ’n orgaan hoef te smous om dit te bekostig nie. En hulle werk ewe goed. BUSHNELL POWER VIEW-DUBBELPAK (10 x 25 EN 10 x 42) Perfekte paartjie Hierdie stel, wat eksklusief by Outdoor Warehouse beskikbaar is, gebruik ’n dakprisma en het meervuldige deklae oor die lense, wat ’n beter beeldgehalte beteken. Nou hoef…

Kamp is iets wat ’n mens met mooiweer vereenselwig, wat verklaar waarom so baie mense vir die Desembervakansie in die pad val. Maar dié tyd van die jaar is ook wanneer die berugte donderstorms kop uitsteek in die noorde van die land. In die Kaap is dit ’n groot gebeurtenis, want dis iets wat mense baie min sien. Om die Kaapse donderweer met die noorde s’n te vergelyk is soos om ooreenkomste te soek tussen ’n windbuks- en ’n kanonskoot. In die noorde lyk dit of daai perswit bliksemstraal die hemele bo jou gaan oopskeur... en dan wag jy vir die oordverdowende slag wat volg. En dan weer vir die volgende bliksemstraal. Ek onthou as kind een aand op Rustenburg toe ek by my kamervenster uitkyk en sien hoe ’n…