Innholdsfortegnelse for July 2018 i Weg! Ry & Sleep

“Kyk, ’n donkie voel nou maar eenmaal ’n veer vir ’n aankomende voertuig. Hy sal nie eens ’n wenkbrou lig nie, wat nog te sê ’n poot om uit jou pad te kom.” Dis Juliemaand en hierdie diepwinter waarin ons ons bevind, is onaangenaam, om die minste te sê. Ja, ek weet daar is mense wat ’n bekoring in die koue sien en liries raak oor ’n snoesige kaggel- of kampvuur, ’n warm bredie en ’n groot glas ordentlike rooiwyn of glühwein, maar ek is beslis nie een van hulle nie. Dit grens vir my aan menseregteskending as my wekker begin skree terwyl dit nog stiknagdonker is. En nadat ek uiteindelik twee keer ge-snooze , myself uit die bed geskeur en met moeite klaargemaak het, het ek…

LED-staafligte is weer in die spervuur – het jy van hierdie soort ligte op jou voertuig, of ken jy iemand wat hiermee die wêreld verlig? Het wetstoepassers jou al afgetrek omdat jy só ’n lig op jou ryding het? Brandon Danks Ek het ’n ligstaaf op my voertuig. Dit sit onder die hoofligte en werk met ’n aparte skakelaar. Ek is hartseer oor al die aandag wat dit skielik kry, want dit is ’n absolute bate op Suid-Afrika se paaie in die nag. Dit is nie maklik om met standaardligte jou pad te vind tussen slaggate, vee en klipgooiers nie. Tot daar meer duidelikheid is oor die aangeleentheid, bly my LED-staaflig net waar hy is. Dis jammer ons wetgewing kan nie bybly met die tegnologie nie. Gerhard du Toit Om…

Die wêreld se luuksste sportnutsvoertuig – genoem na die grootste diamant van juweliersgehalte wat nóg gevind is (in 1905, by Cullinan naby Pretoria) – is op pad na Suid-Afrika. Hoeveel Rolls-Royce Cullinans jy op ons paaie gaan sien, weet nugter, maar daar is heelwat Douw Steyns en Patrice Motsepes wat hom kan bekostig. Jan Alleman gaan nêrens kan uitvind wat hy kos nie; as jy een kan bekostig, het Rolls jou waarskynlik al gebel. Indien jy ’n nuwe miljoenêr is en nog nie op Rolls-Royce se fluweellys verskyn nie, kan jy hulle webblad besoek en jou eie unieke Cullinan saamstel. Daarna kan jy vra dat ’n agent jou kontak. Ons het ons droom-Cullinan op hierdie manier gebou, en hoewel ons nie kon saamstem of ons die Spirit of Ecstacy-neusbeeld in…

Sagte veldryers val dalk nie in almal se smaak nie, veral mense wat meer hou van tweespoorpaaie deur die Naukluft se grasvlaktes of tande kners in Angola se Doodsakker. Maar of jy dit goedkeur of nie, daar is ’n winsgewende mark vir sagte veldryers. ’n Groot deel van dié mark bestaan uit klein sportnutse wat ’n billike prys het, maar die gewildheid van luukse veldryers is ook aan die toeneem. Terwyl sekere vervaardigers nog besig is om hulle voete te vind, het BMW al jare se ondervinding opgehou met sagte sportnutse – oor die afgelope twee dekades het hy al meer as 1,5 miljoen van hulle reg oor die wêreld verkoop. Die X3 se derde geslag is nou hier, en dit beteken hopelik ook die jongste weergawe is beter as…

Die ganse Suid-Afrika wemel van kampplekke, maar soms as ’n mens jou tentpenne iewers tussen Nêrenslaagte en Vaalbossiesfontein wil gaan inslaan, moet jy hard en lank soek vir ’n graskolletjie met ’n ablusieblok. Op ander plekke, soos die Bosveld (vernaam Bela-Bela se wêreld), Tuinroete of die oewers van die Vaalrivier, lê die kampplekke weer só dig opmekaar dat ’n mens nie weet hoe om te kies nie. Die Suidkus van KwaZulu-Natal is een so ’n streek, veral rondom Margate. SHELLY-WOONWAPARK Voor in die (padda)koor As ’n mens op jou GPS staatmaak wanneer jy uit die binneland op die N2 in Port Shepstone se koers ry, beduie die stem jou om by die groot kruising met die verkeersligte regs te draai op die Izotshapad – dis nog voor jy behoorlik in…

Kampplek 50 grasbedekte staanplekke wat aan drie kante afgesper is met ruie struike. Elke staanplek het ’n kragpunt en ’n baksteenbraaiplek. Ablusiegeriewe Die ablusieblok is netjies geteël met ruim storte en halfmasdeure. Daar is ook ’n bad of twee. Onthou jou flits as jy lank in die water wil talm. Prys R90-R220 p.p.p.n. afhangend van die seisoen. Aankoms- en vertrektyd 12 nm. en 10 vm. Kontak 039 312 0852, 060 401 2839 of 079 971 3480 (ná ure) margatecaravanpark.co.za Naaste hoofstrand Margate se Noordstrand, 1,5 km. Hoe lyk die pad? Heelpad teerpad. GPS S30.86028 E30.365809 Weg Ry & Sleep sê Die vriendelike hekwag is altyd op sy pos en toe-gang tot die kampplek word deurgaans streng beheer.…

DOUBLE MOUTH-NATUURRESERVAAT Die kampeerplek in dié natuurreservaat 5km wes van Morganbaai het 30 staanplekke en sit feitlik teenaan die see. Elke kampplek het genoeg koeltebome, ’n kraan, kragpunt en braaiplek. Kontak 043 701 9600 info@ecpta.co.za GPS S32.723899 E28.315172 TRENNERY’S-HOTEL Bly in een van 36 selfsorgkamers of slaan tent op in die kampeerterrein. Hier is ’n restaurant, kroeg, tennisbaan, swembad en speelplek vir die kinders – en die strand is ’n klipgooi van die hotel af. Kontak 047 498 0025 reservations@trennerys.co.za GPS S32.634736 E28.426795 DWESA-NATUURRESERVAAT Hier is 7 selfsorgchalets met sonkrag, warm water en ’n toegeruste kombuis, en 40 staanplekke in die kampeerterrein. Die staanplekke het ’n braaiplek, maar nie ’n kragpunt of kraan nie. Bring jou eie braaihout. Kontak 043 492 0881 info@ecpta.co.za GPS S32.303472 E28.827792 HLULEKA-NATUURRESERVAAT Jy kan nie…

Gansbaai in die Kaapse suidkus, sowat twee uur se ry uit Kaapstad (in vakansietye drie uur), het ’n gratis roete langs die see. Skaars 4 km suid van dié dorp, op Van Dyksbaai, ook bekend as Kleinbaai (daar’s blykbaar ’n storie agter dié verwarring), sal jy tientalle duikhokke agter reusagtige motorbote sien hang. Witdoodhaaitoeroperateurs gebruik Van Dyksbaai as basis vir dié gewilde adrenalien-aktiwiteit. Jy is egter nie hier vir ’n persoonlike ontmoeting met die manne met die vaal jasse en skerp tande nie. Hou verby en ry weswaarts met Kabeljoustraat tot waar dit in ’n parkeerterrein langs die see doodloop. Hier is ’n kort paaltjie met ’n gelamineerde kaartjie waarop die woorde “Gansbaai Trail” gedruk is. Die eerste kilometer is taamlik mak en jy gaan pensioentrekkers in beskutte baaitjies sien…

Wêreldbekertoernooie op eie bodem is nie vreemd vir Suid-Afrikaners nie – plaaslike rugby- én sokker-entoesiaste is al só bederf. Nou kan ons hengelgemeenskap uitsien na ’n geskiedkundige hengelgebeurtenis. Die Wêreldhengelspele word vroeg volgende jaar in Suid-Afrika gehou. Dit is die vierde spele van sy soort sedert sy ontstaan in 2000, met Italië en Portugal wat onder vorige gashere tel. Wat die Spele so uniek maak, is dat dit al vyf hengeldissiplines insluit: varswaterhengel, vlieghengel, seewaterhengel, onderwater-spieshengel en kolgooi, en in elke kategorie word om die topposisie meegeding. ’n Geskatte 1 634 hengelaars uit 42 lande – onder wie 111 plaaslike hengelaars – sê mekaar die stryd aan, en die kompetisie word reg oor Suid-Afrika beslis in plekke soos Vereeniging, Dullstroom, Groblersdal, Durban en Richardbaai. Die karphengelaars trek saam by die…

“Hierdie sitplekke sit ongelooflik... lekker diep, en die sitgedeelte en rugleuning is ook nie ewe ferm nie. Dis harder onder jou sitvlak, terwyl die leuning soos ’n kussing om jou rug vou. Dit is báie gerieflik – ek wens my sitkamerbank wil so lekker sit. Vir my is gerieflik sit in ’n sleepvoertuig een van die belangrikste dinge. Dit kan ’n transaksie maak of breek wanneer ek rondkyk om te koop. Die holtes in die middelkonsole vir jou koeldrankblikkie is vir die groter soort, wat beteken ’n kleiner blikkie (soos Red Bull) gaan rondval. Die ratkas is allesbehalwe ’n sluimerende stel sperratte, en skakel vinnig oor. Wanneer die Pajero op dreef is teen ’n bestendige sleepspoed, verander hy rat sonder dat jy dit regtig voel. Die wind druk vandag en…

Heelwat produkte is op die mark beskikbaar vir die hardebaard avontuursoekers wat so min as moontlik saam met hulle wil dra. Maar ons fokus nie vandeesmaand daarop nie. Nee, ons gesels met jou, die kampeerder wat pakplek agter in die bakkie of in die woonwakas het. GSI OUTDOORS HALULITE-TEEKETEL 1 ℓ Niemand maak beter tee... Die Halulite word van sterk en liggewig geanodiseerde aluminium gemaak en is ’n goeie belegging vir kampeerders met min plek, want hy is klein en kompak. Die ketel en deksel se handvatsels is met rubber oorgetrek om te keer dat jy jou vingers brand terwyl jy vir jou ’n koppie skink. Prys R545 by Just Like Papa. Weg Ry & Sleep sê Die geanodiseerde afwerking keer dat die ketel maklik krap en verniel.…

Daar is ’n grappie wat lui dat ’n mens ’n wenas eerder op die agterbuffer moet vasbout, want jy wil jou mos nie dieper in die moeilikheid inkatrol nie. Om ’n voertuig wat nie meer vorentoe kan beweeg nie, agtertoe uit te trek met ’n wenas wat voorlangs gemonteer is, is redelik eenvoudig. Al wat jy nodig het, is twee ankerpunte (verkieslik drie) en drie greepkatrolle. Eerstens moet die ankerpunte op die regte plek in verhouding tot die voertuig wees. Een moet reg voor die voertuig wees (so ’n bietjie na ’n kant toe sal help); die ander twee moet agter die voertuig wees. Die kabel word dan van die wenas deur die eerste greepkatrol na die volgende ankerpunt agter die voertuig gelei. By hierdie ankerpunt word dit deur die…

Kniediep... Sodra hy ’n kans kry om ’n foto in die natuur te neem gryp hy dit dadelik aan, vertel die vyftienjarige Hennie Steyn van Rayton in Gauteng. “Ons het die Krugerwildtuin besoek en een oggend ’n draai gaan ry om te kyk of ons wild kan sien. Op ’n kol het ons verby ’n dam gery en ’n nimmersat gesien. Dit is ’n mooi voël om af te neem, maar die gladde water en die weerkaatsing van die voël het dadelik my oog getref. Ek het nie my eie kamera nie, maar ek was saam met oom Ben Arnoldi, ook van Rayton, in die kar. Ek het sy kamera gou geleen om die foto te neem.” Die voël met sy geel snawel tref omtrent die oog – en ’n…

Ons hoor graag wat jy op die hart het! Skryf vir ons by rysleep@weg.co.za  – onthou asseblief om jou volledige adres en kontakbesonderhede te gee. Weg Ry & Sleep behou hom die reg voor om briewe te redigeer en verkort – en na goeddunke in die tydskrif, op die webwerf en elders te gebruik. GOUE HERINNERINGE Ek verwys na die artikel oor Tweede Tol in die Mei-uitgawe. Dit laat my terugdink aan ons sorgvrye kampdae meer as 50 jaar gelede, ook by Tweede Tol. Ons familie – ek en my ouers, Dave en Jo, en my broer, Wynand; en die gesin van my ma se suster, Van en Suzie van Staden en hulle dogters, Celia en Juliet – het gereeld oor Desembervakansies by Tweede Tol gekamp. Dit was…

By laasjaar se Nampooesfees het ons ongeveer R100 000 se ligte en staafligte verkoop. Vanjaar het ons vier ligte van die hand gesit. Vier. Wat het in 12 maande verander? Omtrent elke mens wat die Ironman 4x4-stalletjie besoek het, wou weet wat aan die gebeur is met die wetgewing rondom ligte en staafligte. Sommige besoekers het ons selfs daarvan beskuldig dat ons onwettige ligte verkoop. Hulle het volgehou ons moet verantwoordelik gehou word vir die boetes wat hulle gekry het omdat ons staafligte op hulle voertuie aangebring het. Staafligte en die wettigheid van ligte wat op voertuie aangebring word, het om die een of ander rede weer in die kollig beland. Ek reken dis omdat hierdie ligte al hoe gewilder begin raak het. Die probleme het eers in Namibië ontstaan…

Nissan het sy nuwe NP300 Hardbody 2.5 TDi 4x4-dubbelkajuitbakkie by vanjaar se Nampo-oesfees bekend gestel. Dié bakkie sal die dubbelkajuit met die 2,4 l-petrolenjin en die 2,5 l-4x4-enkelkajuit vervang as die topmodel in die Hardbody-reeks. Dié nuwe Hardbody kry standaardtoerusting soos breër modderskerms, 16”-allooiwielvellings, versterkte staalhake in ’n 1 425 mm lange laairuim. Die Hardbody het ook lugreëling, elektriese ruite, ’n afstandbeheerbare sluitstelsel en twee lugsakke. Onderlangs kry hy ’n beperkte glipewenaar wat saam met die standaardviertrekstelsel werk. Die model op die foto is verder toegerus met Nissan se Rogue-pakket wat verskeie kosmetiese bykomstighede insluit soos plakkers, swart allooiwielvellings, leersitplekke, luukse vloermatjies en ’n klankstelsel met Bluetoothverbinding en satellietnavigasie.…

Kampplek 36 staanplekke, elk met krag, ’n gemesselde braaiplek en vullisdrom. Ablusiegeriewe ’n Ouerige siersteengebou met skoon en dienlike storte en toilette. Hier is ook 2 gesinsbadkamers, elk met ’n toilet, wasbak en bad. Prys R100-R150 p.p.p.n. afhangende van die seisoen. Oor die Desembervakansie is die minimumprys R450 per staanplek. Aankoms- en vertrektyd 2 nm. en 10 vm. Kontak 039 685 0764 shellypark@mweb.co.za shellycaravanpark.com Naaste hoofstrand Shelly Beach, 3 km Hoe lyk die pad? Teerpad tot by die afdraai. GPS S30.788980 E30.392529 (afdraai) S30.786144 E30.393356 (kampplek) Weg Ry & Sleep sê Tref vooraf reëlings as jy buite seisoen vir Ore of Wollie wil saambring.…

Die Wildekus is tradisioneel die tuiste van die Xhosas en strek van Oos-Londen tot teen die grens van KwaZulu-Natal. Op ’n kaart sien jy hoe die N2 van Oos-Londen af binneland toe krul en dan weer stelselmatig terug kus toe loop tot by Port Shepstone. As jy nader aan die see wil ry, gaan jy dit nie met jou plat kar kan doen nie. Die Wildekus-4x4-ekoroete loop van die Keiriviermonding in die suide tot net buite Port St. Johns in die noorde. Die roete loop grootliks al langs die kus, maar in dié wêreld is daar soveel berge, klowe en riviere dat jy gereeld gou binneland toe moet swenk om ’n rivier oor te steek of ’n bergkloof te vermy. Boonop is dié agterpaadjies nie met bordjies uitgemerk nie; trouens,…

Wanneer jy van Loskopdam af noord ry in die rigting van Bosvelddorpe soos Groblersdal en Marble Hall, sal jy nie sommer sê dié omgewing is naas die Vaalhartsskema in die Noord-Kaap die grootste besproeiingskema in die land nie. Natuurlik sien jy die landerye langs die pad, maar dit is eers as jy op Google Earth gaan kyk dat jy werklik die omvang van die skema sien. Die ronde landerye met hulle spilpunte lê sy aan sy, kilometers ver. Die grootste konsentrasie van landerye is by Marble Hall, van waar dit suid in drie bene al langs die Olifants-, Moses- en Elandsrivier lê. Hier word onder meer met tabak, katoen en verskeie groentesoorte geboer. Tussen die drie riviere – weerskante van die landerye – lê ’n deel van die Bosveld, wat…

Maksimum getal voertuie Onbekend. Kry ek ’n kaart? Nee. Sal my voertuig krap? Ligte krapmerkies; niks ernstigs nie. Moet ek ’n kompressor saamneem? Nee wat, jy’s naby genoeg aan die dorp se vulstasie. Kan ons langs die pad braai? Nee, liewer nie. Kan ek halfpad omdraai? Ja. Is daar selfoonsein? Ja, ’n sterk sein. RONDOM DIE ROETE  Beste tyd om te gaan November tot Mei. Kan ek my gesin saamneem? Ja, beslis. Net vir die dag of die naweek? Dis ’n kort roete, maar bring minstens ’n naweek op Gansbaai deur. Is daar ablusiegeriewe? Nee. Aanwysings Ry wes uit Van Dyksbaai. Die roete begin aan die einde van Kabeljoustraat. GPS S34.62013 E19.35252 Wat kos dit? Gratis. Kontak 028 384 1439 (toerismekantoor) info@gansbaaitourism.co.za…

Vis Swartbaars, kleinbekbaars, karp, bruinforel, baber en vleikurper. Kampplek 1 groot staanplek teen die Breërivier wat groot genoeg is vir 3 woonwaens. Ablusiegeriewe 1 badkamergebou met ’n stort, 2 toilette, ’n wasbak en opwasplek. Prys Minimum- daaglikse tarief R1 200 vir die eerste 8 mense. Daarna R150 p.p.p.n. Tot 15 mense kan saam kamp. Aankoms- en vertrektyd 2 nm. en 10 vm. (Sondae is die vertrektyd 5 nm.). Kontak 083 229 9002 info@batisandbass.co.za batisandbass.co.za Hoe lyk die pad? Die laaste kilometer grondpad is so na aan teer as wat ’n mens kry. GPS S33.536360 E19.200756 Weg Ry & Sleep sê Die Vet Spens-padstal behoort ook aan die eienaars van die kampplek en sit teen die teerpad op pad hierheen. Hier kan jy basiese noodsaaklikhede koop, waaronder vars groente…

Wat sê die boekie? Brandstof Diesel Enjin 2,442 l Silinders 4 Krag 133 kW @ 3 500 r.p.m. Wringkrag 430 Nm @ 2 500 r.p.m. Ratkas 8 spoed-outomaties (met tikfunksie plus laeen hoëstrek). Aandrywing Agterwiel of vierwiel met hoë- en laestrek en agterste ewenaarslot. Tarra 2 035 kg BVM 2 710 kg BKM 4 435 kg Waaddiepte 700 mm Sleepvermoë vir geremde sleepding Tot 1 800 kg Afmetings 4 785 mm (l); 1 815 mm (b); 1 805 mm (h) Wielbasis 2 800 mm Spoorwydte 1 520 mm (voor); 1 515 mm (agter) Grondvryhoogte 215 mm Brandstoftenk 68 l Prys (nuut) Vanaf R599 995 Prys (tweedehands) Ons het ’n 4x2-model (2017) met 22 500 km gesien vir R489 900 op autotrader.co.za Vinnige feite Die sleephaak Die haak is nie standaard…

Neusgewig 65 kg (gewig verskaf ) Lengte (A-raam ingesluit) 3,7 m Breedte 1,65 m Hoogte 1,9 m Netto gewig (basiese wa) 760 kg Dravermoë 740 kg BVM 1 500 kg Prys R198 000 soos getoets, volledig toegerus. Die basiese wa met die uittreklaai kos R148 000. Daar is verkeie opsionele tentopsies. Plus Die bougehalte en afwerking binne en buite is puik. Die kombuis is groot en goed toegerus. Die neuswiel wat wegswaai en uit die pad langs die A-raam lê, is ’n goeie idee, veral as jy rowwe terrein aandurf. Die wa is lig en jy kan hom gemaklik sleep met ’n voertuig met ’n kleiner enjinkapasiteit. Die kantseile het lussies aan die onderkant waarin ’n paal pas om die oprol te vergemaklik. Minus Dit is ongerieflik om jou klere…

Ons langverwagte Aprilvakansie het uiteindelik aangebreek en soos gewoonlik val ons in die pad na die ATKVoord Natalia. Net anderkant Pietermaritzburg gee die Penta ’n skielike pluk. Ek kyk in die truspieëltjie en sien ’n rookwolkie agter die regterwiel uitkom. Ek trek dadelik in die noodbaan af en sien die wa se wiel het afgekom. Dié lê 100 m terug in die pad. ’n Gawe koerier wat verbyry, bring die wiel vir my en nog iemand hou stil om te help. Ene Frans sit hand by dat ek die wa kan lig sodat ek die oorblywende remgedeelte van die as kan afhaal. Frans se tyd is min en hy ry weer. Intussen hou twee gawe verkeersbeamptes stil en reguleer die verkeer en maak sake veiliger by die woonwa. Ons google…

Wyle Pieter Pieterse het in die jare tagtig en negentig die woord “meghêftertjie” in die volksmond gelê met sy televisieprogramme en boeke oor kosmaak en reis. Hierdie programme en boeke het ook as grepe uit sy lewensverhaal gedien en sy woonwa, resepte en diepgaande dog humoristiese vertellings oor sy alledaagse bestaan het die hoofrolle vertolk. Hy kon met min bestanddele en ’n bietjie speserye bobaas geregte optower. Tietiesbaaikos: ’n Werfjoernaal is die eerste van hierdie boeke en bevat verskeie stories oor kosmakers, kampeerders en hengelaars. Én daar’s ’n gesonde dosis wenke oor wat om in hierdie wêreld te doen. Later het die “Ingilsman”, soos hy sy tweede vrou genoem het, bygekom en hy het in daaropvolgende boeke vele lewensketse gedeel waarin hy en sy Ingilsman selfonderhoudend in die boendoes kamp.…

Ons het by ’n vorige geleentheid (Weg Ry & Sleep #5) geskryf oor die Duitse voertuigvervaardiger Mercedes-Benz se tegniese samewerking met Nissan en die beendere wat sy X-klas met die Navara deel. Ons moet egter bevestig dat Stuttgart se ingenieurs hulle eie benadering gevolg het, al het hulle ’n bloudruk ontvang. Een voorbeeld is die onderstel wat langer én breër gemaak is. Wat jy sien... Almal het ’n eie mening oor wat mooi is, maar die Mercedes-Benz X-klas is beslis nie ’n lelike eendjie nie. Wanneer jy hom van die kant en van agter af bekyk, is daar wel ooreenkomste met die Navara, maar dis waar dit eindig. Veral die neus is aansienlik anders as dié van sy Japannese eweknie. ... en wat jy kry Die Suid-Afrikaanse X-klas het ’n…

Enjin 1 995 cc, viersilinderbokser, petrol Krag 115 kW @ 6 000 r.p.m. Wringkrag 196 Nm @ 4 200 r.p.m. Ratkas Palwisselratkas Brandstofverbruik 7,3 l/100 km Bagasieruim 310 l Tenk 50 l Grondvryhoogte 220 mm Tarragewig 1 407 kg Topsnelheid 194 km/h Versnelling 0-100km/h 9,8 s Waarborg 5 jaar/150 000 km Diensplan 3 jaar/75 000 km PRYS Subaru XV 2.0i-S ES CVT...................................... R439 000…

Kampplek 33 staanplekke van wisselende groottes op grasterrasse. Ablusiegeriewe Die ablusieblok is nie nuut of byderwets nie, maar netjies geteël met ruim storte. Prys R335-R715 p.n. per staanplek (vir 4 mense) afhangende van die seisoen. Ekstra gaste betaal R130 p.p. Aankoms- en vertrektyd 2 nm. en 10 vm. Kontak 039 315 0778 oasis.caravanparks.co.za Naaste hoofstrand Uvongo, 1,5 km Hoe lyk die pad? Heelpad teerpad. GPS S30.830278 E30.394444 Weg Ry & Sleep sê Dis ’n knus kampplek en die soort plek waar mense jaar ná jaar op dieselfde staanplek kom staan en hulle kampbure op die naam ken.…

Beste tyd Jy kan die roete heeljaar ry, maar onthou: Dit reën in die somer en dan kan die paaie modderig raak en laagwaterbrûe verspoel.Net ná die reënseisoen (herfstyd) is die landskap groen, welig en op sy mooiste. Permitte Jy het ’n permit nodig om enige grondpad binne 2 km van die kuslyn te ry (op die strande mag jy glad nie ry nie). Net enkele dele van die amptelike ekoroete kom so naby aan die kus, maar as jy wil visvang en met ’n nie-amptelike grondpaadjie af see toe ry, is dit noodsaaklik om die permit te hê (dis gratis). Die kus word gepatrolleer, en as jy betrap word sonder ’n permit, kan jy ’n boete van minstens R2 500 per voertuig kry. Stuur e-pos na edwina.oates@dedea.gov.za (Keimond tot…

Kampplek 26 staanplekke met geplaveide blaaie, gras, krag en gedeeltelike skadu met sommige staanplekke sonder bome. Ablusiegeriewe Ruim en skoon met aparte vertrekke vir toilette en storte. Prys R300-R500 per staanplek (vir 4 mense, 1 tent of woonwa, en 1 voertuig), afhangend van wanneer jy kamp. Kontak 082 944 0694 raasblaar.com info@raasblaar.co.za Aankoms- en vertrektyd 11 vm. en 10 vm., tensy anders gereël. Hoe lyk die pad? Teerpad tot by die hek, daarna 2,5 km goeie grondpad tot by kampplek. Die R25 tussen Bronkhorstspruit en Groblersdal is plek-plek in ’n baie slegte toestand met die kante van die pad wat wegval. Naaste dorp Marble Hall 15 km. GPS S25.087358 E29.292711 (hoofhek) S25.083570 E29.302859 (kantoor) Weg Ry & Sleep sê Onthou om jou visstokke, verkyker, voëlboek en die kinders…

BEESVLEIS-ENGROENBOONTJIEPOTJIE IN ’N SJERRIESOUS Groenboontjie kry sy loontjie As jy nie vars groenboontjies kan kry nie, werk die bevrore soort baie goed vir dié resep. Jy benodig (genoeg vir 4) 2 eetlepels olie 750 g stowebeesvleis, in blokkies gesny sout en swartpeper na smaak 1 groot ui, gekap 2 knoffelhuisies, fyngedruk 1 eetlepel tamatiepasta 1 koppie mediumroom-sjerrie 1 roosmaryntakkie (of gebruik 1 teelepel droë roosmaryn) 1-2 koppies biefaftreksel 4-6 middelslag-aartappels, geskil en in kwarte gesny 300 g groenboontjies Só maak jy 1 Verhit die olie in ’n swartpot en braai die vleis in sarsies bruin – geur elke sarsie met sout en swartpeper soos wat jy dit braai en hou dit eenkant soos wat jy die gaar vleis uitskep. 2 Braai die ui in dieselfde pot tot sag en geurig…

1 KALAHARI-KGALAGADI DATUM 31 Januarie tot 7 Februarie 2019 VERBLYF Tente PRYS R11 000 p.p. (BTW uitgesluit) Besoek Mabenyani a Kalahari (“Juweel van die Kalahari”), ’n konsessiegebied van 4 miljoen hektaar in Botswana, en Mabuasehube in die Kgalagadi-oorgrenspark. Neem ’n leeu af nadat jy die diere saam met Boesmanspoorsnyers opgespoor het. Bring jou verkyker en geniet die Kgalagadi se voëlrykdom: breëkop-, roof- en swartborsslangarende, berghane én migrerende roofvoëls soos die skaars gevlekte arend. 2 LESOTHO-BAKENS DATUM 11-16 Maart 2019 VERBLYF Lodge en gastehuis PRYS R8 950 p.p. wat deel (geen BTW gehef) Dié avontuur strek oor 6 dae en neem jou van oos na wes deur Lesotho. Beleef die Sanipas, die hoogste grondpad, grootste dam en hoogste ononderbroke waterval in Suider-Afrika, asook ’n besoek aan die geboorteplek van die Basothonasie.…