Innholdsfortegnelse for May 2018 i Weg! Ry & Sleep

My besoek aan Parys vir vandeesmaand se kampartikel was bittersoet. Bitter omdat dit omtrent die heeltyd gereën het (iets waaraan ons Kapenaars nie meer gewoond is nie) en omdat my vrou werk en my kind op skool is en hulle dus nie kon saamkom nie. Maar dit was ook soet, omdat ek weer ’n draai kon maak op ’n dorp waar ek twee jaar gewoon het én omdat my ouers saam met my kom kamp het. Dit was lekker om saam met my pa en ma weg te kom vir ’n klompie dae, selfs al was die weer nie watwonders nie. Dit was ook interessant om hulle insette te hoor oor die plekke wat ons besoek het. Maar hoe het ek op Parys en Leon by Kam’Bati beland en hoekom…

“Hoe verder die bol van die agteras af is, hoe meer sal dieselfde gewig die voertuig laat sak. Dis hoe hefboomkrag werk.” Ek het onlangs ’n warm gesprek met ’n klant gehad oor bolgewig, wat basies die gewig is wat ’n sleep-of woonwa op die bol van jou sleepstang plaas. Die klant het sy bakkie met nuwe vering toegerus omdat die bakkie erg gesak het aan die agterkant wanneer hy sy boot en sleepwa haak. Sy nuwe vering is gegradeer vir tot 200 kg teen ’n styging van 40 mm in rithoogte bo die standaard. Maar die eerste keer dat hy sy boot haak, het die agterste vering aansienlik gesak... en hy was natuurlik glad nie ingenome nie. Daar is ’n klompie dinge wat ’n mens in ag moet neem…

Wanneer ’n mens van 4x4-roetes praat, is daar gewoonlik twee soorte. Die eerste is ’n lekker rustige daguitstappie waar jy mooi uitsigte geniet, dalk ’n bietjie wild langs die pad sien en nie rêrig jou bakkie te hard laat werk nie. Die tweede soort is ’n roete waar jy ook die natuurskoon geniet, maar terselfdertyd jou en jou bakkie se vermoëns behoorlik op die proef stel. The Meadows in die Elandsriviervallei val in die tweede kategorie. The Meadows is al die afgelope 10 jaar ’n gewilde bestemming vir 4x4-saam-trekke en opleidingskursusse. Met ’n gastehuis en boskamp is dit beslis ’n lekker naweekbestemming vir die hele gesin, maar as hulle saam met jou die roete wil ry, moet hulle reg wees vir vastrap en styf klou – die roete het ál…

Ek hou van hoe die Haval lyk, al is dit nog ’n taamlik onbekende kar op ons paaie. Die afwerking binne kan jy met enige van die Duitse motorvervaardigers vergelyk, net soos die elektriese handrem en die baie plek vir die mense op die agtersitplek. Die meerderheid Chineesvervaardigde voertuie se binneruim gee ’n mens ’n plastiekgevoel, maar dis beslis nie die geval met die Haval nie. Hy is lekker stewig binne, ’n mens hoor geen vibrasies nie en die ratspane is ’n gawe bederf. Hulle werk selfs in die gewone outomatiese modus waar jy self ’n laer of hoër rat kan kies. Teen 100 km/h draai die enjin teen 2 000 r.p.m. en jy voel nie die woonwa nie. Die radio se stelknop tussen die voorsitplekke is soortgelyk aan dié…

SOVEEL SAMARITANE OP KAKAMAS! Ons besluit op ’n Weskustoer saam met ons vriende Ben en Petra van Wyk. Net soos ons, sleep hulle ook ’n Conqueror Commander-boswoonwa. Die eerste aand oornag ons by Augrabies, en vroegoggend mik ons vir Springbok. Ons is skaars ’n paar kilometer aan die gang toe die boute wat die as aan die onderstel vasklamp, afbreek. Daar staan ons, gestrand. Al die plaaslike verbygangers het onvoorwaardelik hulp aangebied – hulle besorgdheid oortref ’n mens se stoutste verwagtinge. Elke liewe man wat met ’n bakkie verby kom, bied hulp aan. Jaco Crafford, ’n boer wat naby bly, bring sy vurkhyser en help ons om die wa uit die pad kry. Hy gee my selfs ’n geleentheid Kakamas toe sodat ek die regte onderdele kan kry om die…

“Kampeerders wat hierdie kuipe aandoen, sal elke keer ’n kort anonieme verslaggie skryf.” Duisende gesinne sleep elke jaar oor langnaweke en skoolvakansies kus toe. Met ’n woonwa op die haak is oorde in KwaZulu-Natal van Gauteng af ’n rustige dagreis ver. As jy vroegdag al by Scottburgh, die Dolphin-oord of Mac Nicol’s wil aankom en jou wa rustig en sonder haas haaks trek voor jy die sytent opslaan en dan ’n koel lafenis geniet terwyl die kinders soos mis voor die son verdwyn, moet jy nét na middernag uit die Goudstad wegtrek. Die reis Oos- of Wes-Kaap toe vereis gewoonlik dat julle êrens moet oorslaap. Ek sien gereeld op sosiale media hoe slepers ’n veilige oornagplek soek wat nie “ ’n plaas se prys” kos nie. Ek glo die vernaamste…

Sowat ’n dekade gelede, toe die eerste X6 by die Noord-Amerikaanse internasionale motorskou in Detroit onthul is, was die reaksie positief. Almal was verbaas om te sien die produksiemodel is feitlik identies aan die konsepontwerp. Die X-reeks met sy onewe syferagtervoegsels het nog altyd voldoen aan die standaarde van die betrokke marksegment. Die X5, byvoorbeeld, was nog altyd ’n sportnutsvoertuig en die X3 ’n kompakte sportnuts. Maar die definisies word vervaag deur die X6, X4 en nou ook die X2. Dis haas onmoontlik om vir iemand te verduidelik waar die X2 inpas, veral as ’n mens in ag neem hy sit styf teenaan die X1, maar is myle weg van ’n X3. BMW speel ’n ingewikkelde dog interessante speletjie – een wat beklemtoon word deur die reklameveldtog #TotallyUngovernable. Buitelangs Dit…

Die menings oor waar die hoogste grondpadpas in die land is, is byna so sterk en uiteenlopend as dié oor die Springbokrugbyspan of -afrigter óf watter James Bond die beste was. Party meen die Sanipas se eindpunt lê in Lesotho en daarom diskwalifiseer dit dié pas, wat beteken Naudesnek moet die kroon dra. Maar die werklike grens lê by die kruin van die pas en nié by die grenspos nie; dus val die hele pas in Suid-Afrika. ’n Ander rede tot twyfel is die feit dat die Sanipas nou deels geteer is. Tel dit dan nog as ’n grondpadpas? Dan is daar ook ander aanspraakmakers op die titel. Die een is die TTT (die Tiffendell-Tenahead Traverse) en die ander die Ben Macdhui-pas. Hieroor kan ’n mens ook stry, want tegnies…

Toe ek ’n tiener was, het ons gereeld met die Bainskloofpas verby Tweede Tol in die Limietberg-natuurreservaat gery. Maar onder die vorige bedeling is ons nie toegelaat om daar kamp nie. Ek het egter geweet ek sal wel eendag hier kom uitspan. Ek en my vrou, Joan, het onlangs al ons kamptoerusting in my Nissan NP200 gepak en saam met familie (my suster Amberine Layman en haar dogter Maxine Smith) en vriende (Eugene en Audrey Dry-ding, en Leon en Charlene Manuel) op ’n private staanplek uitgespan. Beskryf Tweede Tol. Dit is pragtig. Die natuurskoon, bome, rivier en ooraanbod van ongelooflike rotspoele is my idee van hemel op aarde. Hoe lyk die staanplekke? Hier is nie elektrisiteit nie, en dit is ’n goeie ding. Die meeste van die staanplekke het koelte,…

Jurgens Ci het ’n jaar of wat gelede nuwe asem geblaas in albei sy boswoonwaens, die Xplorer en Xcape. Die houtkasdeure is onder meer met toeritsseilflappe vervang en die buitedeurtjies het dubbelseëls gekry om water en stof buite te hou. Die Xcape het die grootste gedaanteverwisseling ondergaan met drie hoofaspekte wat aandag gekry het: Die ys-vrieskas skuif van binne na buite; die opwipdak lig nou parallel met die vloer pleks van net aan die een kant; en die uitslaanbed slaan plat uit die romp, maar die punt van die bed trek uit om ’n reuselêplek te vorm. Ons haak die Xcape en toets hom oor 3 000 km, van Kaapstad tot die klipperige agterpaaie van die Wildekus en terug. “Die ys-vrieskas skuif van binne na buite en die opwipdak lig…

Hoe besluit jy op jou volgende vakansiebestemming? Trudi Young Ons reis gewoonlik Kaap toe en blaai vooraf deur tydskrifte op soek na voorstelle vir lekker plekke om te besoek. Hester du Raan Een plek wat ons werklik geniet, is Tuff Top. Dit is so na aan hemels as kan kom. Dit is heerlik rustig en ’n mens kan hengel en gaan stap. Hier is ook ’n swembad en trampolien vir die kinders, terwyl die pa’s op die massiewe platskermtelevisie kan sport kyk. Piet Engelbrecht Ons kyk wat die mense op sosiale media sê, gesels met vriende en familie, en raadpleeg natuurlik Weg Ry & Sleep. Chris en Alida Laing Ons groep vriende is almal pensioentrekkers en ons het ’n emmerskoplys van plekke wat ons wil besoek. Elke jaar besluit ons…

Toyota bring nuwe enjins en ratkaste Toyota het pas aangekondig hy het ’n splinternuwe outomatiese palwisselratkas (CVT), sesganghandratkas, tweeliterenjin én nuwe vierwielaandrywingstelsels ontwikkel. Dié nuwe tegnologie vorm deel van Toyota se sogenaamde “nuwe wêreldwye argitektuur” of New Global Architecture (TNGA). Die nuwe palwisselratkas is glo doeltreffender, veral teen ’n lae spoed, omdat die meganiese kragverliese minder is, ’n breër ratverhouding ontwikkel word en ratwisselwerking verbeter is. Die nuwe sesganghandratkas is 7 kg ligter en 24 mm korter as die bestaande ratkas, wat dit een van die kleinste handratkaste ter wêreld maak en help om brandstofverbruik te verlaag. Dié ratkas skakel danksy iMT (intelligente handratskakeling) seepglad oor omdat die enjinsnelheid aangepas word wanneer jy van ratte verwissel. En die nuwe tweeliterenjin met “Dynamic Force”- hoëspoedontbrandingstegnologie en veranderlike tydklepreëling sorg vir hoër…

Skaars twee uur nadat jy die Kaap verlaat het, nog voor die kinders kan vra “Pa, hoe ver is dit nog?”, kry jy 16 km voor Swellendam die Jubileeskraal-padpredikant. Hier draai jy af op ’n plaaspaadjie, en dan strek die blou Langeberg oor die hele breedte van die windskerm. Dan is dit nog net 5 km voor jy uitkom by Kam’Bati, waar jy teen die Breërivier kamp opslaan en vir ’n naweek van die res van die wêreld kan vergeet. Hier op Jubileeskraal boer die Badenhorst-familie met koring, gars, canola, soja en mielies. Die oorspronklike eienaar was Jacobus Cornelius Badenhorst, beter bekend as oom Batie. Toe die familie dus die kampplek op die been bring, het hulle dit Kam’Batie gedoop – kort vir kamp Batie. Nuwe gesig ’n Mens mag…

VISVANGOORD HIGHMOOR-RESERVAAT Forel bo-op die spits Die Highmoor-reservaat het glo van die beste forel wat jy in KwaZulu-Natal kan haak. Maak dus seker jy bespreek vroegtydig, want net ses hengelaars word per dag toegelaat. Hier is reënboogén bruinforel. Die laaste deel van die smal teerpad van Mooirivier af kronkel tot bo-op die Drakensberg waar dit teen Highmoor doodloop. Die ontvangskantoor lyk soos ’n ou bosboustasie en die kampplekke is nog so 500m verder, skerp links. Wanneer jy die kampplek inry, ry jy aan die agterkant van sewe staanplekke verby. Dan maak jy ’n 90°-draai oor ’n stormwaterpyp om by die voorkant van die plekke te kom. Voor elke staanplek is ’n stuk gras wat soos ’n verhoog oor die berge uitkyk. Jou staanplek is ’n hokkie wat met klein bome…

BILTONG-EN-FETA-PASTASLAAI ’n Anderster soort slaai Hou dié resep byderhand vir ’n vinnige, maklike en smaaklike ligte middagete in die kampterrein. Jy benodig (genoeg vir 6) 250 g rigatonipasta 200 g biltong, fyngekerf 10 ingemaakte pikantrissies 2 wiele fetakaas, gekrummel 50 ml pekelwater van die pikantrissies 30 ml olyfolie ½ rooiui, fyngekap sout en swartpeper na smaak vars kruie (opsioneel) Só maak jy 1 Kook die pasta volgens die aanwysings op die pakkie in ’n groot pot vol soutwater. 2 Meng die biltong, pikantrissies en fetakaas deur die pasta. 3 Klits die pekelwater en olyfolie goed saam en roer die ui by. Geur dit met sout en peper na smaak, en gooi dit oor die pastaslaai. Garneer dit met vars kruie. Weg Ry & Sleep sê Jy kan ook…

Die woord domkrag kom van die Nederlandse “dommekracht” af waarin “dom” ’n wisselvorm is van “duim”. Dit is dus ’n sinspeling op die krag wat ’n duim met die hulp van ’n hefboom kan uitoefen. Nugter weet wie die eerste domkrag uitgevind het. Leonardo da Vinci het verskeie van hulle geskets, maar ons kan waarskynlik die antieke Grieke bedank vir dié nuttige uitvindsel. Ons bekyk vier soorte domkragte wat in jou ryding behoort te wees. ’n Wyse man sal altyd minstens een in sy voertuig hê, maar ’n 4x4-prof sal almal probeer saamneem. SKÊRDOMKRAG Die Kanadees Joseph LaFrance het dié eenvoudige toestel in 1920 gepatenteer. Indien jou ryding vaste asse voor en agter het, gaan jy dié soort domkrag vir jou werk. Plaas dit onder die as naby die wiel…

As jy die reëls rég verbreek Die Krugerwildtuin is nie net vir Groot Vyf kyk nie. Vra maar vir Corrie Calitz van Ballito, wat dié besonderse foto geneem het terwyl hy en sy vrou skemerkelkies geniet het. “Ek het hierdie foto by die Sunsetdam naby Onder-Sabie in die Kruger geneem. Alles was doodstil en daar was geen wind nie. Ek en my vrou, Cornelia, het besluit om die dag met ’n skemerkelkie af te sluit toe ’n nimmersat heel rustig kom en in die water kos soek. Ek het die foto in swart-en-wit geneem om die kontras tussen die wolke en die voël uit te lig. Ek het die weerkaatsing van die boom met die neste ook probeer vasvang.” ’n Goeie foto bestaan meestal uit eenvoudige elemente en het ook…