Innholdsfortegnelse for April 2017 i Weg! Ry & Sleep

Verlede jaar dié tyd was die opskrif op dié bladsy: “Die kampeerbedryf staan nie stil nie.” Dit was nadat ek die bloei en vooruitgang van die woonwa- en kampeerbedryf op die twee groot Februarie-skoue – die kykNET-buiteekspo by Malmesbury en die Beeldvakansieskou in Midrand – gesien en beleef het. En wat sê ek nou? Dié twee skoue het vanjaar behoorlik uit hulle nate gebars. Die plate en plate geparkeerde karre buite die Malmesburyskou en die duisende mense wat daar rondgekyk het, was ongelooflik. En die rekordgetal van 28 486 besoekers op vanjaar se Beeld-skou was puik – dis 6% meer as verlede jaar se bywoningsyfer. Die verblydende ding was dat mense nie net gekom het om te kyk nie – hulle het ook gekoop! Enigiets van kampstoele tot die duurste…

“Die kampeerbedryf het gestagneer en ek hoop u sal met vernuwende idees na vore kom om die hele bedryf te bevorder...” Geagte mnr. Kyriacou In 2015 het ek in die verbygaan gehoor u het stil-stil u buiging in die kampbedryf gemaak met die koop van Comet Caravans en later ook Sensation Caravans. Wat my laat regop sit en baie opgewonde maak, is u onlangse aankoop van ons grootste woonwavervaardiger, Jurgens Ci, van Imperial Holdings. Imperial het gesê hy verkoop die besigheid omdat Jurgens Ci nie sy kernbesigheid is nie, maar klante kan rustig bly, want niks verander nie en sake gaan voort soos altyd. Dít bekommer my. Die kampbedryf het gestagneer en ek hoop u sal met vernuwende idees na vore kom om die hele bedryf te bevorder en nie…

Die Dinokeng-reservaat lê net noord van Pretoria en is Suid-Afrika se eerste en enigste reservaat só naby aan die stad waar leeus, luiperds, renosters, olifante én buffels vry swerf. Die beplanning en ontwikkeling van die reservaat het kort ná die eeuwisseling begin, en in 2011 het die droom ’n werklikheid begin word toe vier van die Groot Vyf hier gevestig is. Die laaste van die vyf – buffels – is laat in 2012 ingebring om aan Dinokeng volwaardige Groot Vyf-status te gee. Die lekker van Dinokeng is dat mense van die omgewing wat naby genoeg woon, sommer vir die dag kan deurskiet met ’n kosmandjie en ’n fles vol koffie en gaan kyk of hulle die diereryk se supersterre kan sien. Hier is 110km se paaie waar jy kan ry…

Mahindra is alombekend vir sy werkesels, en die XUV500 staan sterk in die mededingende nutsvoertuigmark. Mahindra bou dié model sedert 2011 en voorverlede jaar is hy opgekikker. Jy kan uit drie basiese modelle kies: die W4, W6, en W8, wat ons getoets het. Die luukshede en prys verskil, maar hulle het almal die 2,2lmHawk-turbodieselenjin. Die XUV500 draf gemaklik voor die woonwa en jy gaan ver soek vir nog sulke waarde vir jou geld. En saam met die XUV500 se goeie prys kry jy ’n vakansiekar soos min met plek op die agtersitplek vir drie én hope kop- en beenspasie in die kajuit. Oog op die haak ’n Sleepstang is nie standaard op die XUV500 nie. Die toetsmotor het ’n Steelite-stang waarvan die bol 48 cm bo die pad staan. Vir…

Min dinge laat ’n mens so ongemaklik en omgesukkel voel soos erge hitte. Ja, jy kan so al in die koelte langs tot by die kampplek se swembad stap en daar gaan afkoel, maar teen die tyd dat jy afgedroog het en terug by jou staanplek is, tap die sweet jou al klaar weer af. Dit is dan wanneer jy met verlangende oë kyk na jou buurman met die lugreëling in sy wa. Jy’s skoon jaloers as hy uitgerus ná ’n middagslapie in sy koel wa onder sy stoeptent sit en koffie drink om ’n bietjie warm te word. ’n Mens sien al hoe meer lugversorgers in die kampterrein, en as jy van plan is om ook een te kry, is daar ’n ding of twee waarvoor jy op die…

Dís mos ’n bobaas bakkie 2009 TOYOTA HILUX 3.0 D-4D Hy was nog altyd ’n Toyota-man, en om sy boswa agter sy dubbelkajuit-Hilux te haak is soos ’n droom wat waar geword het, sê Hendrik Pretorius van Port Alfred. “Ons kamp met ’n Eagle 14-boswa wat deur die maatskappy VTEC Trailers in Vanderbijlpark vervaardig word. Hulle is nogal skaars; trouens, het ek nog nooit een van hulle op die pad gesien nie. Hulle is egter op ’n reis-program op televisie gebruik en dis waar ek hulle gesien en besluit het om vir my een te kry. Dit is ’n heerlike wa en ek het hom nou al mooi aangepas en gemaak soos ek van hom hou. Ek sleep my wa met die Hilux en sukkel om te glo daar is…

Die Gautengse lede van die Suid-Afrikaanse Kampeerklub het onlangs by die Malonjenigasteplaas in die Vaaldriehoek saamgetrek om twee verjaardae te vier. Die naweek het afgeskop met klein Roxanne Schott se negende verjaardag en afgesluit met Karen Broeke se partytjie. Die klubsekretaris en Karen se broer, Ron Segenhout, sê ’n mens speel met vuur as jy vra hoe oud Karen geword het. So tussendeur die twee verjaardae het die 11 gesinne heerlik gebraai, gekuier, gerus en ’n opwindende Noot vir Nootvasvra gehou. Ron vertel daar het die naweek ’n reënbui of twee uitgesak, maar dit het geensins die kuiergees geblus nie. Die Gauntengers gaan kamp elke maand en bestemmings soos Kokoriba, Koppisol, Dube en Onverwags is vanjaar op hulle lysie.…

Tienie de Jager wen ‘n WegSleep Escape Gearsak ter waarde van R950. Elke mens het ’n behoorlike toksak nodig, al speel jy lankal nie meer vir Bapsfontein se tweedes in die streekliga nie. Hierdie 65 ℓ-sak het genoeg pakplek vir twee weke se jeans, PT-broeke, T-hemde en ’n warm trui of twee. Die boonste flap rits groot oop sodat jy maklik kan pak en nie hoef te grawe vir sokkies nie. Die sak is van sterk seil gemaak met duursame YKKritssluiters. Jy kan die sak in ’n sandkleur of donkergrys bestel. Loer gerus op ons webwerf winkel.weg.co.za…

Ons wil julle graag aan Bienkie, ons bokserhond, voorstel. Sy is nog nie eens ’n jaar oud nie en het ons voorgespring toe ons WegSleep by die huis afgelewer word. Toe sy hom in die hande – of dan in die kake – kry, lees sy hom tot daar niks van die tydskrif oorbly nie. Dit was darem nie die einde van die wêreld nie. Ons het nog ’n uitgawe gaan koop sodat ons saam met haar kon lees. Ons is bly almal in die Steyn-huis geniet WegSleep. – Red.…

Wie het nog nie by die Engen-1-Stop met sy Wimpy-kitskosplek net buite Mosselbaai op die N2 afgetrek nie? Ons kamp jaarliks by Jongensfontein en trek altyd by dié 1-Stop af om ’n laaste keer bene te rek op ons reis van Pretoria na die kampplek. Ja, voor dit hou ons ook by ander plekke langs die pad stil, maar hier by die 1-Stop begin ons vakansie rêrig. Die diens van Dirkie van Niekerk, mede-eienaar, en sy span is voortreflik. ‘n Mens voel welkom hier, want die petroljoggies is vriendelik en die Wimpy is net so ’n gawe eetplek. Verder is hier vir ons slepers meer as genoeg parkeerplek, en al die geriewe – binne én buite – is netjies. Dié vulstasie is net 90km voor ons bestemming, maar ons ry…

Maak jou gordyne mooi Die Jurgens-woonwaens wat ná 2002 gemaak is, het baie mooi grys-en-room gordyne gehad wat met vier horisontale tappenne ( dowels ) opgerol het soos Romeinse blindings. Die vervaardiger het dit later vervang, en die gordyne in modelle ná 2005 het vir my soos ’n goiingsak gelyk. Dit was dalk vir die binnehuisversierder mooi, maar dit het nie vir ons gewerk nie. Nadat ek my 2002-model Fleetline vir ’n 2009-model Palma verruil het, moes ek ’n plan maak om my wa se gordyne minder soos ’n hangende sak te laat lyk. Ons het vier voue ingewerk waar die vervaardiger reeds die gordyne op die kante gestik het, en in die boonste drie voue 12,5 mm-houttappenne ingesit. In die onderste vou het ons 12,7 mmaluminiumpyp gesit…

Naweke en vakansies stroom die hengelaars na Witsand toe. Die vis is volop en as jy nie in die see, Breërivier of riviermonding ’n vis kan uittrek nie, gaan jy nooit een vang nie. Dan moet jy maar eerder gholf of rolbal speel, spot hulle altyd. Jy hoef egter nie ’n hengelaar te wees om Witsand te geniet nie. Met sy reusagtige wit duine, lang strand, die natuur om jou, genoeg eet- en kuierplekke en sy kleindorpse rustigheid is Witsand ’n gawe vakansieplek vir almal. Én een van die gewildste walviskykplekke wat daar is. Sommer met die inryslag al word jy op ’n bord by die plek van die walvisse welkom geheet. Tussen Junie en November is suidelike noordkapers sommer hier voor die strand saamgetrek om te teel en kalfies…

Die eerste gevoel wat jy kry wanneer jy by Bankfontein se kampplek stilhou, is spyt. Ja, spyt – omdat jy nóú eers hier uitkom. Jy besef jy kon al menige naweek onder dié lieflike kareebome uitgespan en vir die wêreld weggekruip het. Dis net meer as twee uur se ry van Bloemfontein af, maar hier tussen Philippolis en Luckhoff en naby die Vanderkloofdam verras die Vrystaat ’n mens behoorlik. Hier is beboste berge, ysterklipkranse, klowe met koedoes, rooigrasvlaktes en dele Karoo-bossieveld. Kyk, die Oos-Vrystaat is mooi, maar die suidweste is ewe mooi. En hier is iets in die lug. Iets ouds en geheimsinnigs: Sagte stemme met stories oor Boesmans, swerwers, jagters, Griekwas, Engelse sendelinge, Voortrekkers, oorloë, droogtes en nagmaalnaweke. Die Fourie-familie is deel van dié stories en boer al ’n…

Jaguar kry ’n welpie Jaguar 4x4 Trailers het pas sy nuwe boswoonwa bekend gestel wat op kampeerders gemik is wat ligter wil sleep. Jacques Serfontein, die eienaar, sê hy het die kleiner wa vir twee ontwerp en gebou met die Amerikaanse teardrop-woonwa in gedagte. Hy het egter steeds Jaguar se kenmerkende vierkantige ontwerp en word van aluminiumplaat om ’n gegalvaniseerde raamwerk gebou. Die wa binne is as ’t ware ’n dubbelbed-op-wiele met ’n klerekas daarby. Anders as van die ander teardrop-waens het dié wa ’n neuskas waarin jy ’n ys-vrieskas kan pas. En bo-op die kas is ’n rak vir braaihout waarlangs jy ook ’n opsionele sonpaneel kan pas wat net so breed is soos die wa. Die kombuis is…

Hengelgerei Kry ’n stel vir forel Kamp jy dan en wan langs die forelwaters van Clarens of langs ’n strandmeer, en hou dan die vlieghengelaars dop en wens jy was een van hulle? Wel, jy kan jou volledig toerus, teen ’n fraksie van die prys wat ernstige naweekvlieghengelaars vir hulle gerei betaal. Vra in ’n hengelwinkel of soek op die internet vir die vlieghengelverskaffer Xplorer se Pro Cast II Fly Fishing Combo. Dis ’n volledige stel in ’n enkele boks vir beginners, en ook ideaal vir die hengelaar wat net twee of drie keer per jaar langs die vlieghengelwaters is en nie ’n plaas se prys wil betaal vir gerei nie. Jy kan kies uit vier stelle – van ’n basiese stel vir forel en panvis in strome (’n vierstukstok…

Op ’n onlangse vakansie leer ek op 64 nóg ’n les in menswees, en ek staan verstom oor hoeveel mense omgee en help. Ek is fiks en het ’n hele paar Comrades-marathons agter die blad, maar kort voor Kersdag kry ek ’n hartaanval terwyl ek en my vrou, Trix, met ons woonwa by Canon Rocks in die Oos-Kaap kamp. Eers wil ek nie dokter toe nie, maar teen Kersdag besef ek dit kan my einde beteken. Vriende van ons, Leon en Cecile Theron, ry toe al die pad uit Villiers om my na die Green Acres-hospitaal in Port Elizabeth te bring waar ek in die harteenheid opgeneem word. Toe die familie en vriende in die Vrystaat hoor wat gebeur het, spring Fred en Alida Schabort in hulle motor en ry…

’n Mens kan jou vakansieverblyf, hetsy dit ’n chalet of kampstaanplek is, gewoonlik teen die middag eers beset – by sekere plekke tot so laat as 4nm. eers. Die dag wanneer jy vertrek, verwag die oordmense gewoonlik dat jy teen tienuur die oggend uit moet wees. Dis mos om jou plek gereed te kry vir die volgende gaste. In my ervaring laat kampeerders hulle staanplek in dieselfde toestand agter as wat hulle dit gekry het. Die oordmense hoef nie die plek gereed te kry vir die volgende kampeerders nie, want dit is klaar skoon. Hoe is dit dan dat jy teen tienuur moet uit wees, maar jy mag dit nie voor twee beset nie? ’n Mens betaal per dag vir jou verblyf, maar jy het nie ’n volle dag se…

Ons Facebook-vriende vertel meer oor wat hulle alles oorweeg voor hulle by ’n woonwapark of kampplek gaan kamp opslaan. Cornelia Grobler Eerstens soek ek skoon en netjiese ablusiegeriewe. Tweedens groen gras. Derdens duld ek nie ’n geraas nie en vierdens moet dit bekostigbaar wees. Susan Bronkhorst Ons verkies kampplekke wat netjies, gerieflik, skoon, troeteldiervriendelik en teen ’n goeie prys beskikbaar is. Én waar ’n mens kan visvang. ’n Groot bonus is ’n warmwaterswembad. Suzette Lambrechts By die see soek ek beslis ’n uitsig, koeltebome, netjiese ablusiegeriewe wat gereeld skoongemaak word, en reëls wat toegepas word. As orde gehandhaaf word en ek kamp op gras en voel terselfdertyd veilig, sal die plek my weer sien. Jan van Dyk Ons kyk na dinge soos die pad daarheen, die gehalte van die staanplekke…

Die Safari Xplorer is een van Jurgens Ci se gewildste modelle en draf al ’n hele paar jaar op die land se paaie. Nou het Jurgens hom opgekikker. Die mees opsigtelike verskil tussen die ou en nuwe wa is ’n strook swart geruite aluminiumplaat teen die onderste deel van die sypanele. Verder is die deure opgeknap en hulle seël beter. Die buitedeurtjies het nou elkeen twee rubberseëls in die plek van een om stof en water uit te hou, en in die wa het al die kaste nou oopritsseildeurtjies wat jy ná jou twee weke in die Kgalagadi kan afhaal en was. Die nuwe Xplorer lyk nie net beter nie, maar ís ook beter. Hier is hy... Alkant koelte en inklimplek Aan weerskante het die Xplorer ’n oopslaan-afdakkie wat jy…

Bier-en-speksmeer Smeer hom, Pappie! Met spek en moutbier maak jy ’n veelsydige smeer vir braaikos en broodjies. Jy benodig (genoeg vir 6) •  2 eetlepels botter• 500 g spekrepies, fyngesnipper• 3 uie, fyngekap• 2 knoffelhuisies, fyngedruk• ½ teelepel gerookte paprika• ¾ koppie bruinsuiker• 3 eetlepels balsemiekasyn• 1 bottel (340 ml) moutbier (stout)• sout en swartpeper Só maak jy 1 Smelt die botter in ’n braaipan oor matige hitte en braai die spek vir 5-7 minute daarin tot dit bruin en bros is. Skep die spekvleis uit en hou dit eers eenkant. 2 Braai die uie vir 5-7 minute in dieselfde pan tot dit karamelliseer. Voeg dan die knoffel en paprika by en braai alles saam vir 2 minute. Gooi die suiker, asyn en moutbier by en verhit die mengsel tot kook-punt. Verlaag die hitte en laat dit vir…

Hans en sy vrou, Erina, ry al lank ver paaie met hulle Land Cruiser 70-stasiewa en Jurgens Safari Xcape-boswoonwa. Hulle wou Serengeti toe gaan, maar hoe gemaak met al die reëlings, papierwerk en al daardie grensposte wat oorgesteek moet word? Toe bespreek hulle plek op ’n selfrysafari van Alex en Alta Smit van Eco4x4Africa in Pretoria. En so is Hans, ’n afgetrede bestuurder van ’n groot farmaseutiese maatskappy in Port Elizabeth, Erina en nog sewe paartjies in konvooi en ál kampende deur Botswana en Zambië tot in Tanzanië en die Serengeti. Hulle het die wildebeesmigrasie op sy beste beleef, aan die voet van Kilimandjaro gekamp, die Ngorongorokrater gesien, in die Ruahariviervallei gery en toe ook in Zanzibar by wyle Freddie Mercury, sanger van die rockgroep Queen, se geboortehuis ’n draai…

“Ná ’n jaar van frustrasies en uitdagings wat my moeg en leeg laat voel het, ontdek ek en my gesin die Mount Park-gasteplaas – ’n stukkie hemel in die berge by Dargle in KwaZulu-Natal. Vertel ons meer van die gasteplaas... Dit is só ’n spesiale plek. Dis net reg as jy jou begroting dophou maar smag na ’n plek van rus en vrede, want hier aan die voet van ’n berg word jy omring deur groenigheid en waterstrome. Die gras is groener as wat jy jou kan voorstel, en ’n manjifieke 170 jaar oue eikeboom rond die reeds volmaakte prentjie van rustigheid af. Hier is ook ’n dam waar jy kan swem en roei en die natuur beleef. Die water in die strome is só skoon ’n mens kan dit…