Innholdsfortegnelse for January - February 2017 i Weg! Ry & Sleep

Van ons almal in die WegSleep-span : Voorspoedige nuwe jaar. Ons wens jou en jou hartsmense ’n mooi 2017 toe met goeie kamptye en groot kampvure. Met die aanbreek van die nuwe jaar lê een van die groot hoogtepunte op die jaarlikse sleep-en-kampeerkalender om die draai: die Beeld-vakansieskou, van 24 tot 26 Februarie by die Gallagher-konferensiesentrum in Midrand. Van nature kamp ek op my lekkerste onder ’n kameeldoring tussen die Noord-Kaap se duine of op ’n afgeleë plek in die Wildekus. Ek kies dikwels ’n stil kampplek en vermy ’n gedruis, maar sien uit na die naweekgedruis van die duisende kampeerliefhebbers en nuuskieriges op die vakansieskou. Dis die één geleentheid waar omtrent al wat ’n vervaardiger en verspreider van waens en kamptoerusting asook verteenwoordigers van reisbestemmings onder…

In Augustus besluit ek dis tyd om van ons Sprite Scout op te gradeer na ’n Sprint. Oor ’n paar jaar is dit tyd vir aftree en teen daardie tyd kan ’n volgende woonwa finansieel dalk nie moontlik wees nie. Die 2007 Scout moet plek maak vir iets gemaklikers met onder meer ’n eilandbed. Ek het verskeie handelaars besoek, maar omdat daar nog ’n aflosbedrag op die wa is, het van hulle aanbeveel dat ek eers die Scout uit die hand verkoop en dan weer terugkom. Ek besluit om Kempton Caravans te bel (ek weet nie hoekom ek dit nie uit die staanspoor gedoen het nie, want ek het die Scout by hulle gekoop en was nie een dag spyt oor die kopie of teleurgesteld met hulle diens nie). Ek…

“Die toename in gewelddadige aanvalle op kampeerders, en veral hengelaars, is kommerwekkend...” Stompie en Sois, twee pêlle wat in die jare tagtig gereeld op Magnus Malan se onkoste in die suide van Angola gaan “kamp” het, loop mekaar ná jare weer raak. Hulle besluit om hulle vriendskapsbande weer behoorlik te versterk deur vir ’n naweek langs die dam te gaan kamp. Hulle het al baie van hengel gehoor, maar is nie rêrig vissermanne nie. Hulle het gehoor jy sit ’n paar stokke op sulke draadkontrepsies langs die water en dan hou jy jou besig met aas en dinge. En dan kom loer ’n buurman in en vra of die vis al byt. Hulle besluit toe om so ver as moontlik van ander hengelaars af kamp op te slaan. Hulle wil…

Nie almal van ons is hengelaars nie, maar met ’n wortel van R1 miljoen voor jou neus is dit tyd om weer te dink. Die jaarlikse Karpen-baberbonanza is omtrent ’n seisoen op sy eie wat vroeg in Oktober by Forever se Loskopdam aanbreek. Loskopdam is ’n gewilde oord en in spitstye moet jy spring, anders kry jy nie plek nie. Dis ook so wanneer die Karpen-baberbonanza gehou word. Honderde hengelaars daag dan met woonwaens en tente – en natuurlik visstokke – op. En as die kamp eers opgeslaan is, word daar ernstig visdoepa en aas voorberei, want iewers in hierdie waters van Loskop swem ’n vis of drie wat ’n vroeë Kersgeskenk kan beteken. Goed geolie Die groot dag is eers die Saterdag, maar die meeste mense daag die Vrydag…

Om na die spiksplinternuwe Enkulu-dubbelaswoonwa te kyk is amper soos om ’n Italiaanse sportmotor te bewonder. Hy is duur, maar uitsonderlik én beslis iets vir die oog. Byna al die geriewe in die wa kom in tweevoud: twee yskaste, twee stowe en twee beddens – selfs twee ingeboude waterpasse, twee buiteligte asook twee hangkaste. Dis ’n ruim wa met ’n droomkombuis wat groot genoeg is vir ’n hele gesin – saam met standaardgoed soos ’n mikrogolfoond, gasbottels en ’n kragstelsel het jy in die Enkulu die gerief van lugreëling, ’n klankstelsel, ’n platskerm-TV en kassetvensters. Én omdat die wa hoofsaaklik van aluminium gebou is, gaan hy jare hou. Ons het die eienaar en skepper van dié wa, J.W. Swart, net buite Swellendam by die Kam’Bati-oord ontmoet en dié wa van…

Franse roosterbrood ’n Groot eierbrood Maak vir jou die koning van Franse roosterbrood – of French toast . Jy benodig (genoeg vir 6-8) • 1 stewige bakkerywitbrood van jou keuse (600 g)• 3 eiers• ¾ koppie room• ¾ koppie melk• ½ koppie suiker• ½ teelepel kaneel• 60 g botter, gesmelt• 100 g gevlokte amandels• ¼ koppie esdoringstroop• 250 g gemengde bessies Só maak jy 1 Maak snye in die brood sonder om dit aan die onderkant deur te sny – net soos jy ’n knoffelbrood sny. Sit die brood op ’n groot vel foelie. 2 Klits die eiers, room, melk, die helfte van die suiker en kaneel saam in ’n middelslag-mengbak. Gooi ’n goeie skeut van die eiermengsel in elke sny in die brood. Draai die brood om laat dit vir 15 minute staan. 3 Draai die…

Eerstehands én eersteklas 2016 TOYOTA HILUX 2.4 GD-6  Vir sy eerste sleepvoertuig het hy op ’n nuwe Toyota Hilux besluit. En hy kan nie méér tevrede wees nie, sê Theuns Kruger van Pretoria. Waarmee gaan kamp julle? Ons sleep ’n 2016-model Sprite Sprint. Dit is ons heel eerste woonwa. Hoekom het jy op die Hilux as julle eerste sleepvoertuig besluit? Ek het iets gesoek wat swaar genoeg is vir die gewig van die woonwa. Hy moes ook sterk genoeg wees om sonder ’n gesukkel te kan sleep. Om die waarheid te sê het ek nie eens na ’n ander voertuig gekyk nie. Ek het die Hilux uit die boks uit gekoop vir R462 500. Is hy alles wat jy gehoop het hy sal wees? Ja, ek is tot dusver baie…

“Ons was in September op pad Baviaanskloof toe en het vooraf bespreek om by die Zonnenstrahl-kampterrein by Nieu-Bethesda oor te slaap. Dit was ’n belewenis wat ons altyd sal bybly, en ons sal sommer binnekort weer daar gaan kamp... en ’n bietjie langer bly. Hoe lyk die kampterrein? Soos jy kan verwag, is dit nie ’n groot gesinsoord met baie goed om te doen nie. Maar vir ’n plek soos Nieu-Bethesda is dit heel gaaf. Dit is klein en hier is nie regtig staanplek vir meer as vyf woonwaens of tente nie. Die plek word wel netjies onderhou, die geriewe is skoon, hier is kragpunte en jy kamp op gras in die koelte. Dit is meer as voldoende... al die nodige geriewe is hier en vir die prys wat jy…

Helmut en Gloria wen die 60W-Ecoficiency 3- opvousonpaneel ter waarde van R2 800! Met dié stelsel kan jy onder meer jou sleepvoertuig- of woonwabattery laai. Dit weeg net 7,5 kg en opgeslaan lyk die paneel soos ’n tassie. Nie net kry jy ’n netjiese sak waarin jy dit kan wegbêre nie, maar ook ’n reguleerder wat die stroom na die battery dophou. As jy iewers in die Kalahari kamp, kan jy met ’n dag se sonlig ’n 50 Ah-battery daarmee vollaai. Loer gerus op hulle webwerf, ecoficiency.co.za, vir meer inligting.…

Drie van ons het onlangs by Somabula, ’n reservaat naby Cullinan, gaan kamp. Ons kamp al jare hier en geniet dit, want jy kamp in die natuur waar jy saans nog die jakkalse hoor huil. En deel van die lekker is dat hier nie elektrisiteit is nie. Maar met ons laaste naweekkamp het die weer nie lekker saamgespeel nie. Vrydagaand het ’n storm opgesteek met erge rukwinde en hewige reën. In die storm kon ons darem ons tente met stormtoue geanker kry. Maar iets ergers het die volgende aand voorgelê: Rondom half-elf, net ná ons vleisbraai, tref ’n skielike rukwind ons. Die wind was só erg dit het die boom langs ons omgewaai tot op die vuur en boma. Gelukkig was ons ongedeerd. Die reservaat se mense het die Sondag…

Verfpret vir die vakansie Ek het al vantevore die idee gesien om klippies soos aarbeie te verf, en toe ons verlede jaar in Struisbaai gaan kamp, het ek besluit om dit self te probeer. Ek het klippies op die strand gaan optel en daarna ook “rock monsters” op die internet gesoek... en op ’n magdom idees afgekom. Ek het die klippies eers op my eie geverf, maar die kinders in die kampterrein het dit raakgesien en my later mal gehad met versoeke om ook te verf. Elkeen wou sy eie monstertjie maak. Hulle het só mooi gevra en ek kon nie vir daai sprankelende gesiggies nee sê nie. Dit was ure se pret en daar is by my geen twyfel dat ek in die toekoms altyd die verfgoed gaan moet…

As ’n mens kyk na al die boswaens en -woonwaens op ons paaie en in kampplekke, lyk dit of hulle by die dag gewilder word. En as ’n kampbuurman vir jou trots sy boswa wys én alles daarop wat kan oop- en toemaak, is dit duidelik só ’n wa is nét die ding vir plekke met min of geen geriewe nie. As jy eers een het, hoef jy omtrent net jou kos en drinkgoed te pak en jy kan die pad vat. Dit is dus te verstane dat al hoe meer boskampe opskiet wat fokus op boswa- en boswoonwakampeerders. Net noord van Derby in Noordwes het Fanie en Anene Viljoen onlangs die boskamp Honey Nest op hulle plaas, Honingneskrans, geopen. Dié kampplek lê in ’n boomryke kloof, ingewig tussen ’n…

Voertuie uit die Ooste speel ’n al hoe belangriker rol in die plaaslike voertuigmark. Vervaardigers soos Hyundai, Kia, Tata, Mahindra, Foton en GWM is lankal nie meer volksvreemd nie. Trouens, van hierdie vervaardigers is hoogs mededingend as jy hulle met Europese voertuie vergelyk, want prysgewys word hulle moeilik geklop. En vir die koper beteken dít beter waarde vir geld. Jiangling Motors Co (JMC) is betreklik nuut en onbekend in Suid-Afrika nadat hulle eers in 2010 takke hier oopgemaak het. ’n Jaar of twee gelede het die maatskappy sy Vigusbakkie bekend gestel, en nou het voornemende dubbelkajuitbakkiekopers nóg ses modelopsies om van te kies. Volgens JMC word sy dieselbakkies die afgelope 13 jaar al as die beste dieselbakkies in China beskou en hier plaaslik mik hulle vir ’n aandeel van 10%…

Dit blom daar by Dinokeng! Die Dinokeng-reservaat net noord van Pretoria kry stadig maar seker al hoe meer kampplekke. Onlangs het twee nuwes – die Almegawoonwapark net buite die reservaat en die Tshikwalolodge binne die heinings – hulle hekke vir kampeerders oopgemaak. En nou het Casper en Coleen Pieterse die Dinokengoord begin. Die Pieterses, wat die grond en chalets oorkant die destydse Dinokeng-lodge besit het, het die eertydse lodge met sy opgeknapte kampplek gekoop. Hulle het ook die vervalle brug oor die Boekenhoutspruit, wat die grens tussen die twee stukke grond was, herstel en jy kan nou van die een kant na die ander ry. Aan die chalet-kant van hulle nuwe, groter oord is onder meer twee swembaddens en aan die kampeerkant nog drie. Hier is 33 staanplekke en elkeen…

K amp is deel van die 63-jarige Dries van Zyl, afgetrede polisiebrigadier van Pretoria, en sy vrou, Alta, se lewe. Hulle is lief vir wildkyk en fotografie en het vroeër met ’n Sprite Swing, ’n bakkie en tent en toe met ’n Jurgens XT 75-kampwaentjie nie net die land platgery nie, maar ook Botswana en Namibië. Vyf jaar gelede het Dries ’n groot rugoperasie gehad en hy leef met staalpenne en skroewe in sy rug. Maar kamp wil hy en Alta kamp. Vroeër vanjaar het hy by Juan Taljaard, die eienaar van Wildebeest Trailors, aangeklop om ’n boswa te bou wat aan sy spesifieke behoeftes voldoen. Juan het reeds die planne gehad vir ’n laer wa met gemaklike trappe na die bed – juis om kamp makliker te maak vir…

Dit het al met ons almal gebeur: Jy land by die kampplek aan, net om te besef iets het nét daar in die motorhuis gebly. Ons Facebook-vriende vertel van die belangrike kampgoed wat hulle al by die huis vergeet het. Dorette Hiten Ons het een naweek die tentpale vergeet. Ons almal moes toe maar in een tent slaap. Helena Dorothea Ehlers Ons het al sonder ons braaier gaan kamp. Dit was nou vir jou ’n storie... uiteindelik moes ons al ons kampkos in die potjie gaarkry. Nolene Steenkamp Ons moes al op ’n keer sonder ons ligte, stoele en braairooster klaarkom omdat dit by die huis agtergebly het. Liezl Chambers Ons het al die tentpenhamer, die pomp vir die opblaasmatrasse en die visstokke se katrolle by die huis vergeet. Alles…

Luilekker dae op die strand, staptogte in die natuur, kuier om ’n braaivleisvuur, kampnaweke saam met die familie in die Bosveld met die mooiste sonsondergange ... is somer nie die lekkerste tyd denkbaar nie? Laat Camp Master hierdie somertyd, waarin baie mense tyd kry vir vakansiehou, die beste ooit maak. Ongeag of jy nou gereedmaak vir daardie vakansie waarna jy so lank uitgesien het, of na die perfekte geskenk vir ’n buitelewe-entoesias soek, ons het hierdie somer iets vir jou. Ons groot verskeidenheid tente sal vir jou die nodige gemoedsrus en gerief op jou vakansie gee, terwyl ons strandskerm jou teen die son sal beskut as jy ure lank op die strand wil deurbring. Daar is ook rugsakke, koelsakke en koelbokse met wiele sodat jy alles wat nodig is op…

Jy gaan die een of ander tyd in jou kampplek staan en wens jy het ’n draagbare 12 V-kampyskas gehad. Maar met ’n prysetiket van sowat R10 000 is die kans goed dat jou kampyskas meer gaan kos as die een in jou kombuis! ’n Ordentlike kampyskas kan ook vyf keer meer as ’n goeie koelboks kos. Dit laat die vraag ontstaan: Is ’n kampyskas régtig die moeite werd? Of kan jy daarsonder klaarkom? Hier is ’n paar dinge wat jy moet oorweeg vóór jy hierdie vraag beantwoord. 1 DIE YS IS GEBREEK Wat motiveer mense om ’n duur kampyskas te koop? In die meeste gevalle, die volgende: jy sukkel nie meer met gesmelte ys nie; ’n verstelbare temperatuurbeheer; ’n mens kan langer kamp; en die vryheid om afgeleë plekke…

Vandag het ons ’n klomp woorde wat tot baie onlangs toe met niks anders nie as leë vraagteken-oë begroet sou word. Woorde soos “Brexit”, “Nkandla”, “Gupta”, “beurtkrag” en “selfie” sou skaars tien jaar gelede geen sin gemaak het nie. Ook die Amerikaanse president, Donald Trump, is iets wat niemand tien jaar terug sou kon verstaan nie, maar kom ons laat dit liewer daar... Dieselfde geld vir al daai apps op jou slimfoon. As jy tien jaar terug vir iemand gesê het jy het iets op Twitter, Facebook, Whatsapp of Instagram gesien, sou daardie persoon dalk kon dink jy is van lotjie getik. Maar dis hoe die lewe nou is, en met die wêreld wat elke dag verander en nuwe tegnologie wat die heeltyd die lig sien, moet jy omtrent swem…

Ons sustertydskrif Weg het in die aanloop tot Nasionale Melktertdag (op 27 Februarie) ’n kompetisie gehou om uit te vind by watter padstal of tuisnywerheid mense al die lekkerste melktert geëet het. Weg se mense het toe self die benoemde padstalle besoek om te proe en kuier. Wie s’n was die lekkerste? Die antwoorde is in die Maartuitgawe van Weg. En in die Februarie-uitgawe kry jy ’n versameling liplekker resepte waarin botter koning kraai. Want kyk, geen ordentlike melktert kan sonder botter gemaak word nie. Die resep langsaan is ’n voorsmakie van wat jy in die Februarie-uitgawe kan verwag. Moenie dit misloop nie! Nasionale Melktertdag word aangebied in samewerking met: Melktertroomystoebroodjie Genoeg vir 8 Bereidingstyd 20 minute Rustyd 6 uur Jy het nie ’n roomysmasjien nodig om hierdie roomys te…

Die boswavervaardiger Bush Lapa hou jaarliks ’n saamtrek vir sy kliënte en in 2016 was dit dieselfde storie. Jannie Oeschger, Bush Lapa se uitvoerende hoof, sê dit is soos ’n groot familiesaamtrek waar almal bymekaar kom en lekker saam kamp. Daar word ook idees uitgeruil en dit gee aan die vervaardiger die kans om ’n bietjie direk met sy kliënte te gesels. In November verlede jaar is sommer twee saamtrekke gehou. Die Gautengers het by Bosfontein by Bela-Bela saamgetrek, terwyl die Kapenaars by Doringlaagte naby Montagu gaan uitspan het.…

“Die Conquistador is Conqueror se dubbelas-boswoonwa wat hulle in Australië verkoop. Hulle het een prototipe, wat basies ’n leë dop was, in Suid-Afrika gehad waarmee hulle geskou het, en dit het baie aandag gekry. Dis maklik om te sien hoekom, want hy is nogal iets besonders. ’n Mens sien nie baie dubbelas-boswoonwaens nie, en om dan ’n vervaardiger soos Conqueror s’n te sien laat ’n mens nogal twee keer kyk. Maar niemand het een bestel nie. Ek het vroeër met ’n Conqueror Companion gekamp, en op ’n toer deur die Kgalagadi tot by Lüderitz en terug deur die Richtersveld besluit die op- en afslaan raak ’n beslommernis – veral wanneer jy net een nag op ’n plek oorstaan. Die moeilikheid is jy moet alles uitpak om jou bed op te…