Innholdsfortegnelse for May 2015 i Weg! Ry & Sleep

Terwyl ek eendag by die verkeersdepartement in ’n ry staan om my voertuiglisensie te hernu, sê die man agter my: “Weet jy, geduld is eintlik maar net ’n stadige manier om jou humeur te verloor.” Wel, dit was nie sy presiese woorde nie, maar hierdie is ’n gesinstydskrif... Ek het ’n paar keer daaraan gedink toe ek die afgelope naweek op die pad was. Die pad was betreklik besig met vakansieverkeer – dit was immers die eerste naweek van die April-vakansie, Paasnaweek en ook die begin van die Klein-Karoo Nasionale Kunstefees op Oudtshoorn. Die meeste van hierdie voertuie was vermoedelik op pad fees toe, en onder hulle was heelwat woonwaens en boswaens. Almal was in ’n vakansieluim. Wel, blykbaar nie almal nie. Op meer as een geleentheid het ek gesien…

Ek lees in die Januarie-Februarie 2015-uitgawe van WegSleep waar Adri van Staden vertel van sy kampervaring in Kanada. Ek het so wraggies laasjaar September ook ’n draai daar gemaak – selfs by sommige van dieselfde plekke! My kinders woon al ’n jaar in Lethbridge en ek is alleen die verte in tot by hulle. Ek het onder meer in Canmore oorgebly en my hande in die helder water van Lake Louis gesteek. My voete moes vastrap op die Athabasca-gletser en ons het met ’n groot bus tot by die ysvelde gery. Ek was selfs op met ’n sweefspoor. My seun het ’n Ford F150bakkie, ’n gróót bakkie. Alles in Kanada is groot; of jy nou praat van kos in ’n blik of meubels, alles is net…

Einde laasjaar val ons in die pad ATLV-Drakensville toe. Ons is meer as opgewonde, want ons het vyf jaar laas gekamp en nou gaan ons boonop vir twee weke. My broer en sy gesin gaan saam en ons hou duim vas sy vrou sal dit geniet, want dit is haar eerste kampervaring. Die weerprofete sê reënweer is om die draai, maar ons is nie bang grootgemaak nie. Laat op Oujaarsmiddag is ons besig om onsself respektabel te maak vir die braai toe die moeder van alle storms losbars. Binne minute steek sterk winde op en die hemel se sluise maak oop. Ons hang soos vinke aan die tentpale om te keer dat ons tent soos ’n vlieër koers kies oor die Drakensberg. ek gil soos ’n jong kind terwyl my…

As jy ’n kampplek-eienaar of -bestuurder is en jy dink jou stergradering, ’n advertensie en webblad is al wat nodig is om die besprekings te laat instroom, dink twee keer. Deesdae móét jy ook mense se kampervarings fyner bestuur én sosiale media inspan. Eers dan is jou bemarkingsprentjie voltooi. Kampplekke móét sosiale media proaktief inspan. Ons kan deesdae ’n arsenaal apps op ons fone aflaai en kampeerders kan hulle ervarings en menings blitsig deel. Net so kan die kampeienaar of -bestuurder inligting oor sy of haar kampplek en kampeerders op verskillende platforms laai. Mense moet jou kampplek se Facebook-profiel op jou webtuiste kan “Like” en moet van daar af foto’s en video’s op Pinterest kan laai. In Suid-Afrika is WhatsApp die gewildse platform vir Android, Apple en Windows. Facebook is…

Van Breyten in Mpumalanga af slinger die Vaalrivier sowat 1 120 km tot by die samevloeiing met die Oranjerivier by Douglas in die Noord-Kaap. Op sy kronkelpad tot daar loop hy deur Gauteng en die Vrystaat, en dan vorm hy ook nog die grens tussen die Vrystaat en Noordwes. Hier vloei hy verby die Vrystaatse dorp Parys. Dit maak Parys gewild onder toeriste, hengelaars, watersportliefhebbers, motorfietsryers en kampeerders. Van Gauteng af is dit minder as twee uur se ry met die N1 of die opgeknapte R59 langs. Dis nou as jy nie in Johannesburg se Vrydagmiddagverkeer vassit nie. Veral naweke is dit ’n bedrywige plek met besoekers oral in die strate, winkels en eetplekke. In die hoofstraat lê die kunsgalerye, oudhedewinkels, toeristewinkels en restaurante ingeryg. Skaars 6 km buite Parys,…

Trinchado met rolletjies ’n Vleisbroodjie Dis ’n anderster soort hamburger hierdie. Jy benodig • 2 eetlepels sojasous • 1 eetlepel asyn • 1 kg beesvleis, in blokkies gesny • 2 eetlepels koekmeel • 1 eetlepel paprika • 3 eetlepels olie • 2 groot uie, gekap • 6-8 knoffelhuisies, fyngedruk • 1 rissie, fyngekap • 1 koppie beesaftreksel • 1 koppie rooiwyn • 2 lourierblare • 1 eetlepel suiker • sout en peper • 4 hamburgerrolletjies Só maak jy 1 Meng die sojasous en asyn en marineer die vleis vir 20 minute. Meng die meel en paprika. Skep die vleis uit en rol dit in die meelmengsel tot dit oraloor bedek is. 2 Verhit die olie in ’n groot pan en braai die vleis goudbruin – moenie al die vleis gelyk…

Daar gaan Ertjie en die Sprite! 1974 MAZDA F1000 (AANGEPAS) Die 76-jarige Dirk Brand van Edgemead in die Kaap het nog lank nie sy fut vir reis en kamp verloor nie. Vanjaar mik hy en twee vriende met tente Botswana toe. Die laaste 16 jaar al haak hy Kerstyd sy 1968 Sprite 400 aan sy 40 jaar oue bakkie en sleep die 800 km Richtersveld toe. Vertel van jou sleepkombinasie... My pa, ook Dirk, het die bakkie in 1974 op springbok nuut gekoop vir R1 200. Hy is in 1978 oorlede en ek het die hoogste bod gemaak en die bakkie vir R936 uit die boedel gekoop. Die sprite het ek in 1998 tweedehands in die kaap gekoop vir R5 000. Die eerste eienaars was Havengas. Ek was 34 jaar…

Die Suid-Afrikaanse Kampklub (SACC) het in 1964 die lig gesien en nou, ’n halwe eeu en een jaar later, het die klub tot vier streke – Gauteng, die Oos-Kaap, Wes-Kaap en KwaZulu-Natal – gegroei. Die lede trek een keer per maand saam. Die Gautengers het einde Januarie hulle stoeptente langs die Vaalrivier opgeslaan en by die Eastco Parys-oord afgesaal. Bo en behalwe die ouer garde het ’n “rekordgetal” kinders ook die saamtrek bygewoon – ’n volle 21. Die jongste was 10 maande oud en nog sterk in die doeke, terwyl die oudste 16 jaar oud was. ’n Totaal van 16 gesinne was deel van die pret, en oorde soos Koppisol, Arendsnes, Dube en Bosfontein is op die lys vir die nabye toekoms.…

“Ek en my vrou, Annelien, die seuns, Eugene en Francois, en my skoonma, Kotie van Aswegen, is begin Desember na die Olifantsrivier-lodge tussen eMalahleni (Witbank) en Middelburg vir ons jaarlikse vakansie. Ons het gehaltetyd saam gehad en dit was ’n week wat ons altyd sal onthou. Toe is die pad nie só sleg nie? Ek sleep my Gypsey Romany met ’n Opel Zaphira en moet kampplekke maar versigtig kies. Toe ek hoor ons moet 12 km grondpad ry, was ek bekommerd, maar ons het besluit om dit te doen. Tot my verbasing en plesier was die pad baie goed. Maar toe begin ek my bekommer oor ons vakansie. Op die grondpad is net vlaktes om jou, met hier en daar ’n boom. Voor my geestesoog het ek gesien hoe sit…

Baie van ons en ons vriende kamp al meer as 20 jaar by die Heroldsbaai-woonwapark. Hier’s ’n jare lange tradisie wat ons elke jaar laat herleef: die potspelkompetisie tussen die huiseienaars (die stene) en ons, die kampeerders (die lappe). vroegoggend al op die groot dag kom ons by die lappekaptein, klaas stoffberg, byeen. Braaibroodjies word voorgesit, ons “amptelike” drag word uitgedeel, die motiveringspraatjie volg en dan word die spanfoto geneem. Dan is almal gereed met die kreet onder die knie. Die lappe ry die 1 km tot by die stene se dubbelverdiepinghuis waar twaalf enkelpotte en ses dubbelspelle wag. Die stene het ons verras, want hulle het “versterkings” ingeroep. ernie els en Heyneke Meyer het sowaar vir hulle “uitgedraf”. Ten spyte van die stene se groot kanonne het die lappe…

Ná maande se harde werk is dit tyd om in die middel van die week weg te breek. Ons bespreek by Dube anderkant Brits – na aanleiding van ’n artikel in WegSleep. Die kort grondpad tot by die plek ry soos ’n teerpad en word gereeld geskraap. Die badkamers is netjies en die staanplekke is tussen bome. My gunsteling is die onderdakswembad, en die hoogtepunt die diere wat teen vyfuur by die dam gevoer word. Die volgende dag besluit ons om in te loer by Dikhololo wat as ’t ware straataf van Dube is. Die pad is goor tot daar en laat my dink aan ’n sinkplaatpad wat ek in die voormalige Transkei gery het. Ongelukkig wou hulle ons nie toelaat om in en uit te ry om na die…

Koelboks se maat Op Facebook ken die mense my as Bos Klong en my vriende ken my kamp- gadgets . Ek kamp met my Colt Rodeo en ’n daktent. Nie almal het ’n groot kampyskas nie. Ek het ’n 40 l-yskassie wat ek saamry, en verder maak ek staat op my Coleman-koelbokse. As ’n mens vir drie dae of langer by ’n lekker plek soos Trekoskraal gaan kamp waar daar nie ys of vars water is nie, moet jy planne maak. Vandaar my plan met die silwer sak waarin jy wyn, vrugtesap of water kan koop. Wanneer die sak leeg is, trek jy die kraantjie uit. Jy vat hom vas en wikkel hom versigtig van links na regs; hy kom wel uit. Dan spoel jy die sak…

As jy met die N7 noord uit Kaapstad ry en Malmesbury sowat 70 km verder in jou truspieël verdwyn, begin die Swartland sy kleure wys. In die wintermaande lê die koringlande heldergroen, en wanneer die lente aanbreek, word die groen afgewissel met goudgeel canolalande. In die laatsomer verkleur alles dan tot vaalbruin. Die Bergrivier kom gooi ’n paar draaie in dié wêreld voor dit eers in die Misverstanddam vet word en dan verder koers kies see toe waar dit by Velddrif in die Weskus uitmond. Hier teen die water is twee uiteenlopende oorde waar die geraasmakers en stiltesoekers almal ’n plekkie sal vind. Die Klub Elani-oord lê amper ewe ver van Koringberg, Moorreesburg en Piketberg af aan die oewer van die Misverstanddam. Hier wip kinders op tjoeps agter blink bote.…

Die Gecko Xtreme is die resultaat van Keith Teubes se jare lange kampervaring. Nog voor hy na planne, hamers en spykers gegryp het, het hy sy wa goed deurdink – en dít wat vandag voor jou staan, is ’n wa wat ordentlik ontwerp en gebou is. Keith bou net een model van sy Gecko-boswoonwa, en dis die Xtreme. Trouens, sedert hy die prototipe ’n jaar of twee gelede gebou het, gebruik hy nog dieselfde bloudruk vir elke wa. Die Gecko is gemik op twee mense wat bereid is om die hand diep in die sak te steek, want die wa neig na die duurder kant van die mark. As jy hom van nader bekyk, kan jy verstaan hoekom. Die vakmanskap is eenvoudig van die beste en die boumateriale gaan vir…

Net soos trou, is tentkoop nie perdekoop nie. Dis beter om die eerste keer reg te kies. ’n Goeie (en duurder) tent wat behoorlik opgeslaan en geanker is, gaan nie in die middel van die donker nag op jou kind inmekaar tuimel as die seewind woes tekere gaan nie. Hy gaan ook nie in sy tent swem en druipnat woonwa toe sluip as dit heelnag hard reën nie. En as hy dan oor middagete in sy tentjie wil lê en PlayStation speel, gaan die son hom nie so rooi soos ’n tamatie brand daar binne nie. ’n Goeie tent het sy pluspunte, en jy gaan vir baie jare nie weer een hoef te koop nie. Aan die ander kant moet ’n mens ook nie die goedkoper tentjies heeltemal afskryf nie.…

Jy’t in die laerskool al geleer jy moet stilhou by ’n rooi lig en ry as dit oorslaan na groen, maar daar is heelwat minder bekende – en soms vreemde – padreëls waarvan jy dalk nie weet nie. Kyk wat sê die wetboek Wat’s jou nommer? Die nommerplaat moet ordentlik vas wees aan jou kar, voor én agter. Daar is spesiale voorskrifte vir voertuie wat ná Julie 2011 vir die eerste keer geregistreer is. Boetes verskil van streek tot streek, maar jy kan rondom R500 verwag as een van die nommerplate skort. As jy sonder enige nommerplate ry, kan jy daar en dan in hegtenis geneem word (Regulasie 35). Lisensie links voor. Jy moet die lisensieskyf links onder op die voorste venster plak sodat ’n mens dit maklik van buite…

Toe ek en my vrou, Denése, in 2009 ’n woonwa koop, het ons een voorwaarde gehad: Dit moes ’n woonwa met ’n uitslaankombuis wees, sodat ons buite die wa kan kosmaak. Ons het op ’n 2009 Sprite Swing besluit, maar het met ons eerste kamp besef ons kan met ’n paar veranderinge die binneruim baie beter benut. Nadat ek en Denése sorgvuldig beplan het wat om aan die wa te verander, het ons aan die werk gespring. Uit met die eethoek! Ons het eerste die bankies en tafeltjie agter in die hoek van die woonwa verwyder, omdat ons verkies om eerder buite onder die stoeptent te eet as binne. Ja, ’n mens kan dié bankies opslaan en dit as ’n ekstra slaapplek gebruik, maar niemand anders slaap in die woonwa…

Ons aftreetyd breek einde laasjaar aan en ons koop ’n plekkie op Mosselbaai. Dis ook tyd om afskeid te neem van ou vriende en kollegas. ’n Maand later besef ons ons kan nie die heeltyd vir die see sit en kyk nie. Cecile stel voor ons koop ’n woonwa waarmee ons die volgende jaar deur die land kan reis. Ek is opgewonde, want albei van ons hou van die natuur en reis, en ons het voorheen ’n woonwa gehad. Ek het wel nie ’n gewone woonwa in gedagte nie, maar eerder ’n soort omgeboude bus: ’n ryhuis. Op ’n dag, naby George, ry ons verby só ’n ryhuis en ek besef dis presies wat ek in gedagte het. Ek probeer die mense van die ryhuis se aandag trek, maar hulle…

Wat is die wetlike aspekte rondom lang sleepkombinasies? ’n Mens sien dit toenemend op ons paaie, maar hoe wettig is hierdie storie? Het ’n mens ’n spesiale lisensie nodig? Wat van die gekombineerde massa en die remstelsels asook die totale lengte van so ’n kombinasie? Sommige mense bespiegel die gewig van die woonwa met ’n kleiner sleepwa agterna mag saam nie die tarragewig van die sleepvoertuig oorskry nie. Ander sê weer in dié geval moet die sleepvoertuig meer as 2 ton weeg. Party sê die klein sleepwa moet toegerus wees met remme, ongeag sy gewig, terwyl ander weer meen dis slegs nodig as die gewig 750 kg oorskry. Dan: Wat sê die reëls van die owerhede aan die ander kant van die grens? ’n Mens sien gereeld iemand wat ’n…

Die kampgemeenskap is in twee verdeel oor ’n silwerseil. Is dit net nog ’n kampfoefie of hou dié outjie jou woonwa en stoeptent koel? Antonie Jansen van Rensburg Maak die silwerseil met kabelstroppe aan ’n skeurvrye seil vas en trek dit – met die skeurvrye seil – bo-oor jou stoeptent. Slaan dit met penne vas. Dit sal keer dat jou seil skeur. Martiens Fourie Nee wat, lugreëling werk beter – ’n silwerseil maak dit bedompig in die stoeptent. As dit so goed werk, hoekom maak woonwavervaardigers nie die stoeptent se dakseil van dié materiaal nie? Diegene wat sê ’n silwerseil hou hulle tent skoon, herinner my aan mense wat ’n mooi nuwe sitkamerstel koop en dit dan met plastiek oortrek om dit te beskerm. Johan de Lange Dit is die…

Hoekom, wonder ’n mens, is Ellisras se naam na Lephalale verander as jy die dorp “Biltongfontein” of “Biltongsbron” kon noem? In dié geweste is daar immers amper meer wildsplase as doringbome. En as ’n mens in ag neem hoe mal Suid-Afrikaners oor biltong is, is dit effens vreemd dat daar nog nêrens in die land ’n dorp na biltong genoem is nie – die enigste pleknaam met dié woord daarin is Biltongkop, ’n kolletjie op die kaart naby Swaziland. Dit teenoor koffie, wat in ’n hele rits name voorkom: Koffiespruit, Koffiefontein, Koffiebus, Koffiehoek, Koffiehoekbos, Koffiehoekspruit, Koffiehoogte, Koffielaagte, Koffiewater, Koffiewater se Laagte en, helaas, Hoeksonderkoffie. Die R33 loop rustig tussen Vaalwater en Lephalale, en weerskante van die pad staan die wildheinings vir kilometers aaneen. Koedoes wei veilig aan die ander kant…

In 1980, toe Blondie, Ballyhoo en Captain & Tennille nog op Springbokradio se treffersparade koning gekraai het, het Volkswagen se mense besluit om vir die Golf – wat toe al ’n rukkie met ons was – ’n “agterstewe” te gee. Dit was 35 jaar gelede, en in karjare, soos hondejare, is dit feitlik ’n ewigheid. Nes Blondie se Debbie Harry het die Jetta ook al ’n hele paar ontrimpelings gehad, maar sy fut is nog lank nie uit nie. Die huidige Jetta is Volkswagen se sesde geslag van dié immergewilde gesinswa. Is daar ’n haakplek? Die Jetta het nie ’n sleephaak onder sy standaardbykomstighede nie, maar jy kan, soos ons toetsmodel, ’n Westfaliaverwyderbare haak laat opsit. Wanneer jy dus nie sleep nie, bêre jy die stang in sy plek in…

Jy kan amper sê die Conqueror Courage Light het ’n bagasiebak. Aan die agterkant is ’n luikdeur – as jy dié oplig, is daar ’n laai met vier ammokiste wat jy kan uittrek. In vandeesmaand se aflewering van die boswaprojek wys die manne van Conqueror Pretoria in Montana hoe om dié glyraam te monteer. So maklik soos 1, 2, 3 Die laai pas agter op die vloer van die Courage Light en bestaan uit ’n rak waarop die ammokiste rus en twee sye met rollers waarop die laai gly. Al wat jy dus hoef te doen is om die spulletjie vas te skroef en jy’s reg vir... uhm.... laai. Gaan winkel toe Loer by jou naaste Conqueror-handelaar in en skaf die volgende onderdele aan: • 1 laairaam • 2 bane…

Aloe kry ’n enjin Aloe, die handelsnaam met die kenmerkende aluminiumwoonwaens, bring sy eerste ryhuis uit. Aloe het reeds ’n stewige vastrapplek in die mark, maar allan keyzer, die besturende direkteur, sê hy het al hoe meer navrae vir ryhuise begin kry. Volgens hom is die ryhuis eintlik maar een van sy woonwaens wat hy op ’n voertuigonderstel gebou het. vanweë die struktuur van ’n ryhuis is daar ook ekstra ruimte onder die onderstel vir nog kaste. Allan se woonwa is een van min op die mark wat in ’n gewone motorhuis pas – dis vanweë die opwipdak wat omtrent ’n halwe meter lig – en hy behou hierdie eienskap op die ryhuis. Wanneer die dak platgeslaan is, is die ryhuis net so hoog soos die kajuit van die voertuig…

Hengelgerei Solank die vis nie seerkry nie Buurman, ’n Afrikaansonderwyser – en ’n goeie een daarby – noem syne ’n kiepnet. Anders as ’n paar ander ouens is dit die enigste amper-Engelse woord wat jy hom in ’n Afrikaanse sin sal hoor sê. Oor die keep net , kiepnet of hounet word al jare gepraat. Party mense sê dit is onnodig en wreed. Hulle meen jy kan dadelik jou viskiekies neem of jou vangs weeg en dit dan teruggooi of sommer klaar skoonmaak vir die pan. Ander sê dit is onprakties en onmoontlik en juis daarom is die hounet deel van hulle gerei langs die water en in kompetisies. Hulle is dit wel eens dat die vis nie mag seerkry in die net nie. In die debat…

”Ek en my gesin is van Namibië en almal kranige kampeerders en hengelaars. Oor die Januarie-vakansie het ons besluit ons gaan by ons gunstelingkampplek, Myl 72 by Hentiesbaai, kamp en lyn natmaak. Die kampplek word so genoem omdat dit 72 myl van Swakopmund af lê. Dié ou woonwa is naby die ingang van die kamp langs die pad en ’n mens moet twee keer kyk voor jy hom sien. Ek het ons kamp gaan opslaan, maar moes eenvoudig terugry om ’n foto van dié ongewone wa te neem. Ek is nie seker watter maak dit is nie, maar hy is omtrent gekamoefleer in sy woestynomgewing. Dit wil voorkom of die eienaars hom hier agter ’n muur getrek het sodat die berugte oostewind hom nie wegwaai nie. Die wa het ook…