Innholdsfortegnelse for June 2015 i Weg! Ry & Sleep

Ek het ’n bekentenis om te maak. Ek weet ek tart dalk die noodlot deur dit hardop in die openbaar te erken, maar die ding rus swaar op my gewete... Tot dusver is ek nog glad nie geraak deur beurtkrag nie. Ja, ek het nog glad nie fase 1-, 2-, 3- óf 4-beurtkrag gehad nie. Ek belowe dis nie omdat ek ’n onderduimse ooreenkoms met die een of ander Eskomamptenaar aangegaan het nie. Ook nie omdat ek langs die president woon nie. Ek vermoed dit het eerder te doen met die feit dat daar binne ’n radius van sowat 2 km van my huis minstens vier hospitale is. Wat ook al die rede, ek voel effens “uit” wanneer mense om die braaivuur praat oor hoe hulle hulle gasstofies en kampligte…

Nie alle kampplekke bereken hulle staanplekpryse dieselfde nie. Net so verskil kampeerders oor hoe hulle wil betaal. Jack Veenendaal Toe ons nog ons drie kinders in die huis gehad het, was per staanplek doodreg. Nou is ons net twee, en per kop werk dit baie beter uit. Linda Groenewald Die wildtuin werk die beste vir ons. Die prys per staanplek sluit 2 mense in en daarna betaal jy ekstra per kop, met ’n maksimum van 6 mense per staanplek. Mae Schonken Wat ook al die goedkoopste is! Vicky De Jager Per staanplek, want ouers met vier of meer kinders betaal dat dit hop as dit per kop is. Stadler le Roux Per kop, want ek is meestal alleen op my staanplek. As dit ’n realistiese tarief is, behoort dit mos…

In Mokala se destydse klein Haak-en-Steek-kampterrein het ’n mens jou tentpenne tussen die kameeldoring-, swarthaak- en witgatbome ingeslaan. Die geriewe was eenvoudig en Sanparke het dit as “rustic camping” bemark. (In die bemarkingswêreld is dit ’n kodewoord vir “sien en kom klaar.” – Red.) Deesdae kamp ’n mens 3km van die ou Haak-en-Steek-kamp af in die nuwe Motswedi-kamp. Motswedi is ’n mengsel tussen daardie aardse kampgevoel en luuksheid. Jy kamp steeds diep in die veld onder doringbome, maar as dit by was en kook kom, het jy die luuksheid van jou eie toesluitbadkamer en goed toegeruste kombuis. Van Mokala af kan jy met die N12 die 84 km tot in Kimberley ry en die kinders die Groot Gat gaan wys. Daarna kan jy van die Diamantstad af die…

Party karre is nou maar eenmaal net beter sleepvoertuie as ander. En dis nie net omdat hulle lekker swaar is met ’n groot enjin nie, maar ook omdat hulle die regte bloedlyn het. Volkswagen se Touareg het ’n CV wat die mees puntenerige sleper sal stilmaak. Daar is nie ’n woonwa op die mark wat hy nié kan sleep nie. Die Touareg trek die skaal verby die 2 ton-merk, en die wringkrag lê aan die beter kant van 500 Nm. As die wet dit toegelaat het, kon jy jou kleinseuntjiedrome om ’n treindrywer te word bewaarheid, want met die Touareg sou jy sonder moeite drie volgelaaide Sprite Sprint-waens agter mekaar kon haak. Hy is gesertifiseer om 3,5 t te sleep. Maar as jy dié vermoëns wil aanskaf, moet jy op…

Dis verkeerd “Die grootste fout wat mense maak wanneer hulle messe op ’n steen slyp, is om nie die hoek presies reg te hou nie. Mense verander die slyphoek. Hulle ry die lem vorentoe en agtertoe. Jy sal in jou lewe nooit ’n mes skerp kry as jy dit doen nie. Oefening en nog oefening is die enigste antwoord.” Hoeveel grade? “Ons gebruik ’n bandslyper en slyp teen ’n hoek van 20°. Dis ’n goeie hoek, maar dit hang ook af waarvoor jy jou mes wil gebruik. As jy jou kampmes wil gebruik om tou te sny of ’n tak skerp te maak, is ’n hoek van 22-25° goed. As jy hom só skerp wil hê dat hy deur biltong kan gly en jou armhare skeer, kyk jy na ’n…

Rooiwynhoender Franse sjarme Met dié maklike eenpotgereg kan jy op jou staanplek in die Tankwa-Karoo Franse kookkuns geniet. Jy benodig (genoeg vir 6 tot 8) • 1 teelepel droë tiemie• 3 eetlepels koekmeel• 1 eetlepel paprika• sout en peper na smaak• 10-12 hoenderstukke• 2 eetlepels olie vir braai• 1 pakkie (250 g) repiespek, in blokkies van 2 cm gesny• 10 klein uitjies, geskil (of gebruik 2 groot uie, geskil en in kwarte gesny)• 2 knoffelhuisies, fyngedruk• 2 koppies rooiwyn• 2-4 koppies hoenderaftreksel• 2 koppies gekapte groente van jou keuse (opsioneel) Só maak jy 1 Meng die tiemie, meel, paprika, sout en peper en rol die hoenderstukke daarin tot dit oraloor bedek is. (Die maklikste is om die meelmengsel saam met die hoender in ’n plastieksak te sit en alles saam te skud.) 2 Verhit die olie in ’n pot en braai ’n…

African Backbone kry nuwe lewe African Backbone doen al amper vyf jaar sake met hulle Caprivi-boswa. André Potgieter en Willem Krige, die eienaars, het hulle werkplek verdubbel van 700 m² tot 1 400 m², en die werkswinkel geskuif van die N4 Gateway-nywerheidspark oorkant Silver Lakes in Pretoria na die Willowbrae-landbouhoewes naby Nellmapius. Die kantore self – dis nou vir kliënte – skuif na Silver Lakes. André het verder die sluier effe gelig oor hulle nuwe boswa op hulle tekentafels en sê die wa is ’n ligte sleepding gemik op ouer mense. Hy word met remme toegerus en weeg onder 700 kg, en een van die vernaamste kenmerke is die groot klerekas. André sê hulle laat die naam oor aan die kliënt met die beste voorstel. Kontak: 012 940 8295, 082…

Troos vir ’n moeë siel Bespreek dié komende skoolvakansie ’n staanplek by die Koro-Koro-safarilodge en ervaar die Bosveld skaars 20km buite Bela-Bela. Koro-Koro se hoofkampterrein spog met 31 staanplekke en 16 gesinsbadkamers, wat dit ’n heerlike cord maak wanneer jy en die hele gesin scam kamp. Danksy die matige winterweer in die Bosveld styg die kwik elke dag genoeg sodat die jongspan in die swembad kan baljaar, maar as die weer nie saamspeel nie, is hier ook ’ n spoggerige warmwaterswembad. As dit rus en vrede is waarna jy op soek is, het Koro-Koro ook bosstaanplekke wat weggesteek is van die gewoel van die hoofkampterrein. Boonop is daar ses nuwe staanplekke met drie badkamers by die Haak-en-Steek-kampterrein. Die lodge het sy eie kroeg waar jy jou sport kan kyk op…

Ná aanleiding van die artikel “Kragtens die reëls” in die Maart-uitgawe moet ek die volgende met julle deel. Sowat agt maande gelede was ons by die Bakgatla-kamp in die Pilanesberg-reservaat. Ek was “geskok” oor die toe-stand van die kragpunte en het selfs ’n foto daarvan geneem. Dis tog ’n baie gewilde oord en hier hardloop hordes kinders rond. Die kragpunt kan nie eens toemaak nie en dit kan tragiese gevolge hê as ’n kind sy of haar vingers hierin sou druk. Die kampplek is besig om agteruit te gaan en dis tyd dat die eienaars hulle sokkies optrek en die plek weer veilig maak vir kampeerders.…

Winston Churchill het net ná die Tweede Wêreldoorlog gesê in ’n oorvol wêreld het goeie maniere bitterlik nodig geword. Dit was in die jare veertig. Ons het goeie maniere nou nóg meer nodig. Tannie Emsie Schoeman (ja, sy hou daarvan om “tannie” genoem te word) is die Suid-Afrikaanse doyenne van etiket en goeie maniere. Sy sal vir jou vertel goeie maniere en etiket loop hand aan hand en jy móét ander in ag neem en hulle behandel soos jy graag behandel wil word. In my oorlede ma se woorde het slonskouse en onbetaamlikes g’n kultuur nie. Die lyk deesdae of party mense dink die maak-soos-ek-wil-sindroom is ’n reg – en ’n mens sien dit ongelukkig ook onder sommige kampeerders. Ek kan nié verstaan hoe ouers passief kan wees as hulle…

Hou die maklikste vir laaste Die afgelope vyf maande het ons Conqueror se Courage Light met los onderdele toegerus, dinge soos die tent en die glyraam vir die ys-vrieskas. Met die hulp van die Conqueror-fabriek – en die handelaars in Randburg en Pretoria – het ons ook die watertenk ingesit asook die kragstelsel en die laairak. Ons sluit vandeesmaand af deur die twee gasbottelhouers in te sit. Jy benodig • 2 gasbottelhouers Vir enige onderdele vir die Courage Light kan jy by jou naaste Conqueror-handelaar inloer. Gereedskap • 2 x 10mm-moersleutels• seëlaar (Conqueror gebruik Sikaflex) Hoe lank neem dit? 10 minute vir elk van die twee kante. Hoeveel hande? Jy sal op jou eie kan regkom, maar ekstra hande sal welkom wees om die moertjies binne die wa vas te hou wanneer jy…

Ons probeer almal ons bes om padongelukke te vermy, maar helaas is dit ’n nare werklikheid wat ’n mens nie altyd kan vryspring nie. Volgens die Wêreldgesondheidsorganisasie sterf sowat ’n halfmiljoen mense wêreldwyd jaarliks aan malaria, maar meer as dubbel soveel verloor hulle lewe in padongelukke. Suid-Afrika vaar besonder sleg in hierdie statistieke en het van die hoogste aantal padsterftes per 100 000 mense. ’n Studie deur die versekeringsgroep Discovery Insure wys ook jou kanse om in ’n botsing betrokke te wees is van die grootste wanneer jy die langpad vat op vakansie. Vakansiegangers loop deur In Discovery se studie word die gedrag vergelyk van motoriste wat oor vakansietye ver afstande aflê met dié wat elke dag in die stad bestuur. Bestuurders wat gedurende vakansietye reis, is skynbaar ongeduldiger op…

Hy’s ’n sedan, maar man 2014 CHEVROLET CRUZE 2.0D LS HANDRAT  Juan van Niekerk van Brackenfell sê sy aanvanklike vrees dat die Chev nie lekker gaan sleep nie, was onnodig. Wat sleep jy? ’n Jurgens Expo. Hoeveel het jy vir die Cruze betaal? Ek het hom nuut gekoop vir R245 000. Hoe lank sleep jy al die Expo met die Cruze? Ses maande. Wat soek jy in ’n sleepvoertuig? Hy moet genoeg sleepkrag hê. Jy wil nie die enjin jammer kry nie en jy wil ook nie tussen ratte jaag nie. Het jy enige ander sleepvoertuie oorweeg? ’n Tweedehandse Toyota Fortuner 3.0. Hy het egter nie Bluetooth nie, wat deesdae darem ’n standaardfunksie is. Wat is jou droomvoertuig? Terwyl die nuwe Hilux nog nie uit is nie, verkies ek die…

Visspesie Witbiskop Sparodon durbanensis Die witbiskop is endemies aan die Suid-Afrikaanse waters en ’n mens sien hulle van St. Helenabaai tot by die Tugelamonding in KwaZulu-Natal. Dis nou ás jy hulle sien, want dis maar ’n skaars vis. Dié biskop is ’n frisgeboude swemmer en het ’n silwergrys lyf met ’n wit onderkant; visse met ligte strepe en ’n blou skynsel is ook nie ongewoon nie. Die vinne is effens donkerder, terwyl die jonges helderder kleure het met lyne en klein donker kolle in die lengte van die lyf – en dan geel of oranje vinne. Die vis word gekenmerk deur sy groot kop en mond en tande. Hy het vier plat tande voor in die bek en ronder tande na agter. Grootte en biologie: Die spesie word lank in…

Ses jaar gelede het ek en my beste vriendin, Eileen Prinsloo, besluit om met ons Sprite-woonwa ’n draai in die Krugerwildtuin te maak. Eileen se Mitsubishi Pajero was die sleepvoertuig. Ons kry ons staan in die Skukuza-kamp en besluit om eers dinge in die kampplek gereed te kry voor ons rondloop en diere gaan soek. En toe duik die eerste probleem op: Ons kry die wa nie afgehaak nie. Nader-hand klim ek op die Pajero se buffer in die hoop dat die vering effens kan meegee sodat die haak en koppelstuk van mekaar kan loskom. Ná ’n groot gesukkel bel ek my man, Gerrie, want verder gaan ons nie sukkel nie. Hy noem toe van die knip langs die stangkop wat ’n mens moet druk sodat die sluitmeganisme daarvan kan…

Wenwenk Pasop’ie koppie Desembermaande kamp ek, die kinders en kleinkinders in die Suidkus. Ons staan al die laaste ses jaar op dieselfde drie staanplekke langs die strandmeer in die Mac Nichol’s Bazley-strandoord. Sommer op die eerste dag van ons mees onlangse vakansie het ek gesien hier kom moeilikheid. My jongste kleinkind, Ayden, word 2 en is nou presies so hoog soos my Sprite Swing se uitslaantafel. Ek het dadelik gedink aan Roelof le Roux van Delmas, wat in WegSleep #68 vertel het hoe hy geval en sy oor teen sy Swing se tafel oopgesny het. My dogter, Liezl, het ook al ’n keer gebuk en met die opkomslag haar kop teen die uitslaantafel gestamp. Ek het voor my geestesoog gesien hoe stamp Ayden sy kop teen…

Dis weer amper tyd vir die langste nag en kortste dag van die jaar. Die Kaap is volstoom op pad na sy natste maand, die Bloemfonteiners bibber blou terwyl die kwik onder 10ºC vashaak, en in Gauteng sak die son kort ná vyf die middag. Aan die KwaZulu-Natalse kus is dit ’n ander storie. In die somermaande druk die warm vogtige klimaat ’n mens amper teen die grond vas. Binnelanders snak dán na hulle asem soos ’n vis buite die water terwyl hulle sukkel om sonder lugreëling reg te kom. Maar in die winter gaan jy nêrens elders in die land ’n meer gematigde temperatuur as hier kry nie. Dan stroom die binnelanders hierheen. Wintertyd is kustyd. RICHARDSBAAI-WOONWAPARK Wie was dit... Afhangende van hoe die wind waai, weet jy dadelik…

Die Olifantsriviervallei tussen Citrusdal en Clanwilliam is ’n bedrywige kol. Die Clanwilliamdam se wal word binnekort met 15 m gelig en padingenieurs is druk besig om die N7 te verbreed en plek-plek hoër op teen die berg te verlê ter voorbereiding vir die hoër watervlak. Maar dié vallei was nog altyd bedrywig. Die Khoikhoi het graag hier kom jag en die eerste Europeërs het in 1660 al, onder leiding van die Hollander Jan Danckert, hulle verskyning in die vallei gemaak. Met hulle terugkeer na die Kaap het Danckert en sy span verkenners vertel van groot olifanttroppe wat in dié afgeleë vallei aangetref is, vandaar die naam Olifantsrivier. Teen 1732 het setlaars onder beskerming van die Britse kroon hier plase begin uitkerf, en teen 1808 was daar genoeg Ierse boere in…

Drie jaar gelede het Barry Olivier van Kwa-Zulu-Natal vir hom ’n Teardrop-woonwaentjie uit laaghout gebou wat lyk nét soos die tweeman-Teardrops wat ná die Depressie en Tweede Wêreldoorlog in Amerika mode was. Amerikaners wou in daardie jare vakansie hou. Die stres en swaarkry van die jare dertig en die Groot Oorlog was verby en die ekonomie het sy kop gelig, maar groot waens was nog skaars. Barry, wat op sy dag tweerigtingradio’s vir die polisie gebou, ’n veiligheidsonderneming bedryf en tussendeur kaalvoet geski, gehangsweef en met veteraankarre resies gejaag het, het sy Teardrop ’n Marilyn Monroe-tema gegee. Hy het haar met retro-bekleedsel, dons, hout en kunswerke van Marilyn Monroe opgedollie en haar Marilyn genoem. In Pietermaritzburg se Cars in The Park het die mense ge-oe-en-aa oor Marilyn, en dit was…

Vroeër jare het ’n mens nie veel keuses gehad as dit kom by messlypers nie. Jy het ’n slypsteen of skuurband gebruik óf ’n messlyper betaal om jou messe vir jou skerp te maak. Deesdae kan jy jou snygoed maklik slyp – in kettingwinkels kan jy goedkoop toestelle koop wat enigiets van ’n knipmes tot ’n vishoek kan skerpmaak. Kampwinkels het goeie skerpmakers wat meer kos, maar waarop jy jou duur Kershaw ordentlik kan slyp. Die bekostigbare slypers van die Suid-Afrikaanse Warthog-fabriek is van Amerika tot in Europa gewild, en op sy beurt maak Amerika se bekende Lansky-handelsmerk ’n verskeidenheid slypstene en slyptoestelle. En as jy soos ’n mesmaker of professionele slyper wil werk, kan jy vir net meer as R1000 jou eie bandslyper aanskaf. WARTHOG V-SHARP CURVE Vlakvarkie met…

Prys Tyd Uitgawe 1 Die tent WegSleep sê: As jy nie self die tent wil “bou” nie, laat die tak waar jy dit koop, dit vir jou doen – dit kos R513. R17 400 2 uur Wegsleep #73 Desember 2014 2 Jerrykanne en yskasglyraam WegSleep sê: As jy nie self kans sien vir die moeite nie, sal die manne by Conqueror jou rondom R450 ekstra vra vir die twee jerrykanne plus omtrent dieselfde om die glyraam te installeer. R2 905 2 uur Wegsleep #74 Jan.-Feb. 2015 3 Watertenk WegSleep sê: Die Conqueror-manne sal jou R1 026 vra om die tenk te installeer. R1 011 1½ uur Wegsleep #75 Maart 2015 4 Kragstelsel WegSleep sê: As jy eerder nie self aan die wa…

Tegnologie loop hand aan hand met hoe veilig jou voertuig is. Dit sluit in van die ontwerp tot die faktore soos uitlaatgasse, wat die omgewing ‘n knou gee. Maar die onus rus steeds op die bestuurder om die regte besluite op die regte tye te maak.... Windskerm ’n Windskerm is só ontwerp dat dit in ‘n ongeluk verbrokkel. Frommelsone Dié dele van die kar absorbeer van die kragte in ‘n ongeluk. Sitplekgordels ’n Sitplekgordel sorg dat jy nie in die kar rondval met die trefslag nie. Lugsakke Dit is lugkussings wat uit die panele opblaas om insittendes te beskerm. Dagligte Wanneer jou kar se ligte in die dag skyn, is jy meer sigbaar. Sluitweerremme (ABS) Remme werk beter wanneer die wiele aanhou draai terwyl jy rem. Vastrapbeheer Die kar se…

Toe ek en my broer, lewenslange reisgenoot en mede-avonturier, Pieter, jonk was, het ons twee jaar lank saam die langpad om die wêreld gevat. Deur die jare het ons ook Afrika se bosse platgery. Op amper 70 probeer ons steeds om elke jaar ’n trippie of twee te doen, al is ons vrot van die rumatiek en ander geite. Ek en hy kwalifiseer seker as grumpy old men. Ons hou nie van groot skares nie en neem nie deel aan die malligheid van die Feestyd nie. Ons soek maar gewoonlik ’n plek om te gaan skuil, weg van skares wat op ’n hoop bymekaar kampeer en weg van die doef-doef-musiek en rumoer. Die einde van die jaar is ’n moeilike tyd om…

“Ek en my broer probeer om een keer per jaar Namibië toe te gaan – andersins is Struisbaai ons kampplek. Hierdie jaar het ons besluit om ook ’n bietjie te gaan kyk hoe lyk die Weskus en die Kreeffees. Hoekom is Malkoppan vir jou lekker? Alles in Ian Turner se woonwapark is netjies en skoon, en die ablusieblok is splinternuut en modern. Jou staanplek is groot, met ’n kragpunt en kraan. Die gemiddelde staanplek is 12 x 10 m (ja, daar is groteres). Jy kan kies tussen ’n drom- of wielvellingbraaier. Die koeltebome is wel nog ’n bietjie klein en van die gras is nuut aangeplant. Oor ’n paar jaar gaan hier lekker koelte vir die kampeerders wees. Malkoppan se personeel is nie net vriendelik nie; hulle sorg ook sommer…

“Ek en my vrou, Maryna, kamp graag en het al 23 somers se goeie tye saam agter die rug. Ná soveel ervaring weet ’n mens goed wat jou vereistes vir ’n kampwa is. Vir my is ander boswaens geneig om onprakties en te swaar te wees. Met die bou van my eie boswa was die opdrag eenvoudig: Hy moes lig en prakties wees. Eerstens het ek my Scorpion-wa aërodinamies gebou sodat die wind minder pla wanneer ek sleep. My idee van lekker kamp is wanneer jou wa maklik en vinnig opslaan sodra jy by die staanplek aankom. Die Scorpion is binne 10 minute kampgereed. Die werkblad slaan regs oop en die driekwartbed vou aan die ander kant uit. Daar is twee banke in die wa wat in ’n dubbelbed omskep…