Innholdsfortegnelse for Spring 2025 i Weg! Platteland

Vroeglente is die beste tyd om jou somerbolle in die grond te kry sodat jy oor ’n paar maande met ’n fraai blomme-oes beloon kan word. Hadeco, die land se voorste verskaffer van blombolle, skop ouder gewoonte die warmer seisoen af met bestellings vir hulle staatmakerbolle en ’n opwindende nuwe aanbod. Vanjaar pryk 18 nuwe amarillisvariëteite op die katalogus in skakerings van oranje, rooi en pienk. Name soos Aurora, Calypso, Pandora, Dreamer en Charmed gryp behoorlik die verbeelding aan. Die Hadeco-span is veral opgewonde oor Breathless – ’n nuwe helderpienk blom met spierwit puntjies en ’n groen middel (foto onder). Die Hippeastrum-genus is geliefde tuinplante danksy hulle indrukkende trompetblomme en vrolike kleure. Hulle is van die blomplante met die minste fiemies en blom sommer binne ’n paar weke. Hadeco sê…

TEKEN SÓ IN OP DIE GEDRUKTE TYDSKRIF VIR NUWE INTEKENARE • 087 353 1300 (vir plaaslike oproepe) of +27 21 065 0000 (vir buitelandse oproepe) • subs@media24.com • WhatsApp 087 353 1287 • SMS “diens” na 31069 en ons kontak jou (SMS’e kos R1,50; gratis minute geld nie) VIR HERNUWINGS • 087 353 1300 (plaaslik) of +27 21 065 0000 (buiteland)) • subs@media24.com ÓF LEES DIGITAAL TEKEN IN ENIGE PLEK TER WÊRELD EN KRY MAKLIKE TOEGANG! G’n posgeld, g’n gesukkel Gaan na zinio.com of magzter.com * Teken in op 4 uitgawes per jaar. Die aanbod is geldig tot 20 November 2025. Bepalings en voorwaardes Dié aanbod geld slegs vir intekenare in Suid-Afrika. Jou intekening word verskaf op ’n vooruitbetaalde basis. Die tariewe kan van tyd tot tyd aangepas word om…

DOEN, DRENTEL EN KOOP Lintvelt-slaghuis Die Lintvelt-familie hou van vleis. Daarom eet hulle graag vleis en verwerk ook hulle produkte met groot respek en liefde. Dit is ’n slaghuis vol vriendelike mense, en as jy weer sien, het jy ’n halfuur omgesels. Alles lyk mooi en lekker, maar moenie vergeet om sosaties te koop nie! Lintvelt Slaghuis 084 263 2883 Kenhardt Vleis Kyk, Kenhardt is vleiswêreld. Hier is sommer twéé goeie slaghuise in die piepklein dorp. Kenhardt Vleis is gerieflik langs die vulstasie – jy kan tenk volmaak terwyl jy biltong en droëwors koop. Op Saterdagoggende word hier vleis gebraai; beplan jou reis dus reg. Kenhardt Vleis 071 298 8088 Love-kwekery Wanneer mense deur die Boesmanland gery het, wil hulle gewoonlik ’n kokerboom huis toe vat. Dié unieke plante roer…

Saffraandrade is karmosynrooi, maar verleen ’n goudgeel kleur aan geregte – dit is waarom borrie gewoonlik in resepte as ’n goeie plaasvervanger aangedui word. Sommige mense verwys immers na saffraan as“sonskyn in speseryvorm”. Die vars pers blomme ruik lieflik soet – “presies soos die hemel,” sê Bennie – maar dis nogal ’n uitdaging om die aroma van die droë stempeldrade te beskryf. Party noem dit soet en aards, amper soos droë gras of strooi; ander meen dis skoon, medisinaal, rokerig, leeragtig of heuningrig. Saffraan is boonop soos rooiwyn: Hoe langer dit staan, hoe dieper die rooi skakering en hoe sterker die geur en aroma. Die geur van saffraan is ewe ontwykend: bittersoet, maar ook umamiryk, aards, effens metaalagtig, neutagtig. ’n Mens kom ver met min – jy sal onmiddellik die…

Die wingerde het klaar gerus en die kelders is weer aan die woel, maar op die Spier-wynlandgoed is daar nog ’n laaste bietjie knus wintersvreugde te ontdek. Hulle seisoenale sop-en-wynproe fokus op geur en vars plaasbestanddele met ’n fynproewersaanbieding. Dit sluit drie hartlike soppe in, gekomplementeer deur bekroonde Spier-wyne. Die ervaring begin met witboon-en-truffelsop, bedien met ’n sampioentoebroodjie wat aangevul word deur 2021 se ryk Creative Block 5 met sy vele lae. Daarna volg geroosterdetamatiesop met ’n parmesaankaastoebroodjie, voorgesit met die vars 2024 Seaward Chardonnay. Sop nommer drie is ’n delikate pampoenvelouté, bedek met bokkaasskuim en pampoenspeserye – nommerpas met die 21 Gables Pinotage van 2020. Dan word die ervaring op ’n soet noot afgesluit met ’n sjokoladebrownie. Ná die proesessie is besoekers welkom om nog tyd te verwyl op…

gardeninggonewild.co.za saffricon.com barakashop.co.za pittigsa@gmail.com katemalancreative thefarmersdairy.co.za yuppiechef.com skinnylaminx.com nanagafarmstall_ec hogsbackberries.co.za pret-a-pot.com simplybee.co.za nanagafarmstall_ec bonniebio.co.za gardeninggonewild.co.za pret-a-pot.com roodtmadebynature majorjohn.com smous.online lulubee.co.za pureindigenous.co.za roodtmadebynature roodtmadebynature tidalbagscapetown@outlook.com pret-a-pot.com bonniebio.co.za…

Hoe ver van die grootstad af? Upington (116km) is die naaste groot dorp waar jy eintlik alles kan doen en waar daar private hospitale en goeie skole is. As jy Kimberley verkies, gaan jy 400 km oos moet ry. Gemiddelde temperatuur Kenhardt is pure woestyn. Op somersdae styg die kwik maklik tot by 40ºC en heelwat wintersoggende daal dit weer tot onder die vriespunt. In die winter is die dae gewoonlik baie lekker – hier in die middel twintig. Gemiddelde reënval Kenhardt lê op die grens van die Boesmanland en Kalahari… nie plekke wat bekend is vir hoë reënval nie. Erge droogte het die streek van 2012 af in ’n wurggreep gehad, maar goeie reën het wel die afgelope somer groot verligting gebring. Die gemiddelde jaarlikse reënval vir die omgewing…

As jy al oor die ewige vlakte tussen Willowmore en Aberdeen gery het, sou jy die twee uitnodigings na Rietbron gesien het, twee grondpaaie wat die weste inloop en op die stowwerige horison van dié stuk plat aarde verdwyn. Asof hulle nêrens heen gaan nie. Afdraaie na niks. Daarom hou die meeste mense verby. Maar as jy hierdie spore volg, gaan jy by die lewende waters van Rietbron uitkom. ’n Fontein in die wye, vaal ooptes. ’n Klein oase in ’n deel van die Groot-Karoo wat Die Vlak genoem word. Hier is min dinge hoër as die bossies en ’n witvlerkkorhaan. Bome is yl gesaai. Kleur is nie volop nie. Daarom sien ’n mens Rietbron se blertse bloekoms en denne baie kilometers ver al raak. Die NG kerk se toring…

‘Dit is wat ek nog altyd wou doen – dis net dat ek nooit die ruimte of hulpbronne gehad het om my drome na te jaag nie,” sê Sibusiso Mogale terwyl hy beduie na sy plaas van 23ha aan die lowerryke oewer van die Krokoldilriver. “Nou is dit uiteindelik bewaarheid.” Die 37-jarige Sibusiso, wat sonder hande en voorarms gebore is, wou ’n boer word omdat hy so bitterlik graag onafhanklik wou wees… en omdat hy so lief is vir die grond. “My ouma het ’n groentetuin gehad, en as ’n klein seuntjie het ek baie saam met haar gewerskaf, haar dopgehou, geleer. Op ’n dag, terwyl sy saai, het ek my tone gebruik om ’n paar saadjies in die grond te druk en seker gemaak ek merk die plek behoorlik,”…

SPYSKAART VOORGEREG Geroomde spinasie met rissie-parmesaandoopbroodjies HOOFGANG Lamsosaties Ribsteak met byt Braaimielies met speserybotter Bykostrio vir die braai Potbrood met knoffelbotter NAGEREG Peppermint Crisproomys-‘broodjies’ Geroomde spinasie met rissie-parmesaandoopbroodjies Geroomde spinasie trek ’n nuwe baadjie aan en word ’n doopsous vir ryk en lekker parmesaandoopbroodjies – of lang croutons – wat van suurdeegbrood gemaak word. Heerlike snoepkos. Genoeg vir 6 (as snoephappie) Bereidingstyd 10 minute Gaarmaaktyd 20 minute JY BENODIG • 400-500 g bevrore spinasie, ontdooi, of 800 g–1 kg vars spinasie, goed afgespoel en fyngekap• 25 g botter• 1 ui, fyngekap• 2 knoffelhuisies, fyngedruk• 250 ml crème fraîche of room• ¼ teelepel (1,25 ml) gerasperde vars neutmuskaat• ½ koppie (125 ml) fyngerasperde parmesaan• ½ koppie (125ml) fyngekapte vars basilie of pietersielie• gerasperde skil van 1 suurlemoen VIR DIE DOOPBROODJIES •…

WES-KAAP USSO Concerto-fees ENDLERSAAL, US KONSERVATORIUM, STELLENBOSCH 4 September Dié fees gee elke jaar vir musiekstudente die kans om solo-uitvoerings te lewer met begeleiding van die US Simfonieorkes. Die omvattende program bevat werke van sowel wêreldbekende komponiste as die beste plaaslike talent. Kaartjies R170 p.p. (R130 vir pensioentrekkers; R70 vir studente) by Quicket. Kontak SU Konservatorium @sukonservatorium concerts@sun.ac.za SpringFlowers-skou 34 WAENHOUT, KNYSNA 5-7 September Verwelkom die lente by die eerste SpringFlowers-skou – ’n uitstalling van die Tuinroete se beste landskapontwerpers, hortoloë en tuindienste. Daar’s ook kwekery-uitstallings, ’n aandmark en praatjies deur tuinboukenners. Kaartjies R100 p.p. vir die skou (R75 vir pensioentrekkers; R50 vir leerlinge; R20 vir o.12’s) by Quicket. Kontak springflowers.co.za SpringFlowers @springflowers.za 0832522756 hello@springflowers.co.za Veteraantrekkeren -enjinskou KILLARNEY-RENBAAN, TABLEVIEW 6-7 September Nostalgie, skaars rygoed en die reuk van olie. Hiermee…

Met groot son-en windkragontwikkelings wat in die omgewing aan die gang is, word beskikbare huise op Kenhardt deur kontrakteurs gehuur. Met Platteland se besoek was daar net ses huise in die mark. Inwoners adverteer op die Facebookblad om te koop of huur. Die drie eiendomme hieronder was op Property24 te sien. property24.com Kenhardt Eiendom te koop of te huur R750 000 Hierdie drieslaapkamerhuis in die hoofstraat kan ook vir ’n klein besigheid gebruik word – daar is reeds parkeerplek op die sypaadjie! Hier is ook ’n losstaande motorhuis en klein stoorkamer op die erf van 688 m². R1,9 miljoen ’n Vierslaapkamerhuis met twee badkamers op ’n reuse-erf van 2 952m². Breë stoepe reg rondom die huis sorg vir heerlike koelte in die somer. Daar is ook ’n woonstel met sy…

Soos te wagte is dit nie goedkoop om in so ’n eksklusiewe private natuurreservaat met ’n sterk fokus op bewaring te belê nie. Die prys van die 12 boupersele (waarvan twee reeds verkoop is) wissel van R3,6 miljoen tot R7,8 miljoen en gee kopers 8 aandele in die reservaat en toegang tot 2 000 m2 wat eksklusief hulle s’n is en waarop hulle binne twee jaar ’n ekovriendelike huis moet bou wat aan al die riglyne oor die voetspoor en privaatheid moet voldoen. Dit is wel ’n goeie langtermynbelegging en potensiële inkomstebron omdat die sentrale bestuurspan die huise kan verhuur en in stand hou namens kopers wat nie voltyds daar gaan bly nie. Soos Christi sê, is dit moeilik om vir mense wat nog nooit Skuilkrans besoek het nie te…

Terwyl hy tussen 23:00 en 07:00 nagskof gewerk het by SuperSport in Randburg, het Bennie Engelbrecht dikwels daaroor gedroom om eendag te boer. “As jy grootword met boerdery, soos ek daar in die Hardap-streek naby Mariental in Namibië, dan kry jy nie die grond onder jou vel uitgewas nie. Maar skielik is ’n ou in die veertig en jy begin wonder met wát jy eendag gaan boer. Met koring, bees, skaap, wingerd, noem maar op, het ek geweet ek sal heel agter in die ry moet inval. Ek het dus iets nuuts gesoek – ’n hoë-inkomstegewas – waar ék die ry kon begin…” Dis hoe Bennie in die middernagtelike ure afgekom het op wat per gewig die duurste spesery ter wêreld is: saffraan, oftewel die gedroogde rooi blomstempels van die…

Miemie se saffraan-melktert-brûlée Miemie Engelbrecht (op die inlasfoto regs onder), wat getroud is met Bennie en Anél se jongste seun, Tiaan, eksperimenteer graag met saffraan en het dié resep met Platteland gedeel. Sy sê ’n mens kan enige soet broskors gebruik, maar sy verkies die webwerf Food Nouveau s’n, wat sy hier gee. “Vir die vulsel het ek met my ouma se melktertresepte geëksperimenteer.” Maak 4 middelslag-tertjies (of 12 muffingrootte) Bereidingstyd 30 minute plus minstens 3 uur afkoeltyd Baktyd 23-25 minute JY BENODIG • ¼ koppie (60 ml) suiker• 1½ eetlepels (22,5 ml) mielieblom• 1½ eetlepels (22,5 ml) vlapoeier• ¼ teelepel (1,25 ml) sout• 2 groot eiers• 2 koppies (500 ml) melk• ⅛-¼ teelepel (0,625-1,25 ml) saffraan (na gelang van hoe sterk jy die smaak verkies), fyngemaak in ’n stamper…

Oor baie eeue heen het die gewone werkerby haar onderskei as waarskynlik die belangrikste spesie op aarde: Sy en haar ywerige vriendinne is naamlik verantwoordelik vir die bestuiwing en dus voortplanting van bykans alle plante op aarde – sonder hulle sou ons volgens die Wêreldnatuurfonds (WWF) minstens ’n derde minder kos gehad het. En ons praat nie net van vegans nie; ook vleiseters sou honger ly sonder bye, want die meeste dierevoer word óók deur bye bestuif. Tog beskou die meeste mense hierdie nederige wonderwerkers in die moderne tyd steeds as ’n bedreiging, ’n bende zoemende kamikazeaanvallers wat verdien om uitgeroei te word, dikwels sommer met die Doom-blik. Hulle dink net aan daardie angel wat in jou vel boor en soveel pyn veroorsaak en vergeet van ons kos. Hulle vergeet…

Die dorpie waar ek woon, is só onbeduidend klein dat hier nie eens ’n biblioteek of tweedehandse-boekwinkel is nie. Wat dit verál raar maak, is die feit dat amper elke bekende Sestiger wat al ooit ’n sin neergepen het, op ’n kol hier kom woon, skryf of swem het. Die dorp reg langsaan is gelukkig heelwat groter met ’n aktiewe leesgemeenskap, iets wat hierdie bibliofiel baie gelukkig stem. Etlike wonderlike boekwinkels met ou en nuwe titels kruip hier weg, en die eienaars sal tot in die uithoeke van die land gaan om ’n boek vir jou op te spoor. Ook die vroue wat die biblioteek bestuur, is liéf vir hulle werk: Daar kry jy nie net elke dan en wan ’n boek present nie, maar hulle hou ook boekgesprekke wat…

– Gordonsbaai, Wes-Kaap – Gordonsbaai bied waarlik iets vir elkeen: Die dorp is die tuiste van die pragtige Danie Millerwandelpad van 2,9km en Crystal Pools (2,5km), maar daar is ook die minder bekende Nun’s Poolgetypoel wat ’n besoek werd is. Verder spog dié mooie kusdorp met die alombekende boekwinkel Bikini Beach Books – met ’n Mercedes op die dak! – en Ndiza-kunsgalery by Harbour Island. (Terloops, ’n interessante feit is dat die “GB” wat met wit klippe gepak is op die berg wat oor Valsbaai uitkyk, staan vir Generaal Botha en nié Gordonsbaai nie.) Rondom die dorp is ’n paar bekende wynplase wat ’n mens gerus kan besoek, waaronder Lourensford en Rust en Vrede. Bikinistrand is vir die 2024-’25-seisoen tot ’n Blouvlagstrand verklaar, en in vakansietye is daar menseredders aan…