Vosburg in die Bo-Karoo, die boomryke dorpie wat jy in die middel van die uitgestrekte vaal vlaktes tussen Britstown en Carnarvon aantref wanneer jy die agterompad tussen Pretoria en Kaapstad ry, het ’n roepstem wat ’n mens nouliks kan ignoreer.
Soos ’n verleidelike groen paddastoel staan die plekkie daar. Maar jy moet aanstoot, want jy moet soen-so laat wie-weet-waar wees, dieen-daai wag al, dit-en-dat moet nog gedoen word. Volgende keer, belowe jy jouself maar weer…
En dan, ná vele probeerslae, kry jy dit uiteindelik reg om blyplek te bespreek, voor ses die oggend uit Middelburg in Mpumalanga te verkas, geduldig en sonder te veel stoppe voort te beur op die N12 en die Karoo-Hooglandroete, oor verflenterde plekke soos Kimberley, Hopetown, Strydenburg en Britstown. En dan, uiteindelik, net voor sononder, vat…