Innholdsfortegnelse for Winter 2024 i Weg! Platteland

Vonkeltee – ’n koudgebroude ystee wat bruis soos sodawater – is die jongste produk van die wyn-vrugte-en-gasteplaas Babylonstoren naby Franschhoek wat ons oog getref het. Die nuwe laekilojoule-drankie is in 300 ml-blikkies te kry, in twee geure: rooibos en heuningbos. Albei is hoog in antioksidante, natuurlik kafeïenvry, laag in suiker, en geen geur-of kleurmiddels word bygevoeg nie. Danksy die koudbroumetode bly die meeste van die plante se gesondheidsvoordele in die drankie behoue én dit verskerp die tee se natuurlike geur. Ernst Kleynhans, die produkhoof, sê Vonkeltee is die lekkerste net so, op sy eie, yskoud. “Maar ’n skyfie suurlemoen met ys doen nie kwaad nie. Die suurlemoen verskaf natuurlike vrugtesuur wat die smaak verhef. Maak seker die Vonkeltee is yskoud sodat die ys nie te vinnig smelt en die drankie…

Shwe-shwe-oondhandskoene R590 per paar Baraka Gifts & Decor barakashop.co.za Cozzi Pets-kaktus-katkrappaal (Nebukatneser nie te koop. – Reds.) R700 Takealot takealot.com Lidmaatskap tot die Honey Bee Heroes-klub, ’n opheffings-en-byebewaringsprojek R550 Klublede ontvang elke kwartaal ’n boks met ses 355g-flesse uitgesoekte heuning en ander voordele Honey Bee Heroes honeybeeheroes.com Haus Republik-herlaaibare lamp bied ’n keuse tussen warm en koel lig, asook daglig (345mm hoog) R800 Yuppiechef yuppiechef.com Organiese vegan-warmsjokolade met 70%-sjokolade R105 Honest honestchocolate.co.za Porseleinkoppies R150 elk Skermunkil skermunkil.com Cape Fynbos Gin Citrus Edition bevat geure van sitrusvrugte, naeltjie, witpeper, heuning en wildefynbos (500ml) R300 Cape Fynbos Wines & Spirits drinkcapefynbos.com Leer-en-skaapwolpantoffels R1 050 Schapen schapencollection.co.za GingerMe is ’n natuurlike daaglikse gesondheidsopie met gemmer, suurlemoen, heuning en borrie (375 ml, 7 sopies) R90 Gingerme gingerme.co.za Handgemaakte Creative Turning kiaathouer hou breidraad op sy plek (elkeen is…

Vergeet van arme Alice wat ongrasieus, gat oor kop, in ’n haasgat moes affoeter om haar ondergrondse wonderwêreld te bereik. Op die delwersdorp Cullinan kan jy jou in ’n oogwink tot in Willie Strauss se sonderlinge sonnestelsel lanseer: Jy stap eenvoudig deur ’n groen deur in ’n ewe groen sinkplaatheining. Maak jou maar reg vir wat agter hierdie onopvallende poort wag: ’n prentjie van ’n plaaswerf met onder meer 7 aanneemhonde (Kosie, Gerda, Bella, Hester, Thembi, Rentia en haar seun, Frikkie, kom van die Wet Nose-dieresorgsentrum op Bronkhorstspruit), 4 sfinkskatte (waarmee Willie eens op ’n tyd geteel en aan katskoue deelgeneem het), 2 Britse korthaarkatte, 2 swane en ’n peloton windlawaaierige eende en uitspattige Poolse kapokhoenders. In skadukolle is verskeie uitspan-en aansitplekke ingerig waar besoekers op sekere Sondae kom weglê…

‘Ek het al voorheen in my lewe perde gehad, maar vanjaar het ek die meeste tyd nóg in die geselskap van hierdie manjifieke diere deurgebring. Hulle is nie net kalmerend nie, maar ook ’n bietjie soos ’n spieël – hulle wys jou ware emosies vir jou,” sê Jaco Reverchon. Dit het harde werk gekos om ’n ewewig te bewerkstellig by River Stables Sabie. Hier, in ’n veld langs die Sabierivier, wei 10 doodgelukkige perde, maar dit is ook die tuiste van 5 honde, 3 donkies en ’n vet vark wat luierig rondlê. Die eienaars, Jaco en Jens Reverchon, het in Augustus 2022 hiernatoe getrek. Voor dit was hulle in die Balule-natuurreservaat wes van die Krugerwildtuin (deel van die Groter-Kruger) waar hulle die Mhangelalodge besit en bestuur het. En voor dít…

Klein dorpe het gewoonlik die grootste stories, want oral, in elke dorre streek of geil vallei van ons wye platteland, is iedereen óf beroemd óf berug. Almal ken mekaar se gesig of geskiedenis. Min dinge is of bly geheim. In elke dorp se Kerkstraat – of hoofstraat wat na die stigter genoem is – woon daar dikwels ’n hogere hoofkarakter wat almal se sake, skandes en skulde ken soos somtafels. Daardie een is gewoonlik baie dik of baie dun; selde ’n gewig of gesig tussenin, en diésulke straatprinsipaalfigure is wel ware afstammelinge van ou grondvaders, óf hulle is ou inwoners wat ryk geërf het en nou met tafels vol wyn en porselein op die stoep kan sit en algar se verbygaan met insigte gadeslaan met wrange agterdog en vlyme kommentaar.…

WES-KAAP Calitzdorp ExPRESSed 15-17 Junie Vanjaar se feestema,“Wild en wonderlik in die winter”, beloof ’n stampvol naweek en onvergeetlike kuier in die hartjie van die Klein-Karoo. Gebruik die fees se klim-opklim-af-wyntreintjie om die uiteenlopende aanbieding van spys en drank, handvlyt, musiek en vermaak te ontdek. ’n Outydse kerkbasaar, skattejag en kultuuren erfenisuitstappies is ook op die program. Kaartjies R300 p.p. vir al drie dae by Quicket. Haal jou feespaspoort op 14 Junie (tussen 16:00 en 18:00) by die toerismekantoor af. Kontak Calitzdorp Expressed @calitzdorp expressed calitzdorpexpressed@gmail.com 044 213 3775 Kersfees in Winter TULBAGH 28-30 Junie Tulbagh speel weer gasheer vir Suid-Afrika se eie Winterkersfeespartytjie met ’n betowerende elektriese ligparade wat Vrydagaand die fees laat lostrek. Springkastele en gesigverf sal die jongspan vermaak terwyl die grootmense Suid-Afrika se vierde oudste dorp…

Elsje Becker is ’n vrou met murg in haar pype en oemf in haar spiere. Hoe anders nadat sy ’n spannetjie van vier woelige seuns, die een ’n groter (selferkende) petrolkop as die ander, grootgemaak het? Dié ouma van sewe en grootjie van een is ’n vrou wat kan aanhou, uithou, byhou en, bowenal, kophou. (Gelukkig nie bekhou nie.) G’n wonder sy doen vandag nog, aan die vooraand van haar 90ste verjaardag, ’n honderd squats per dag nie. Haar man, Joop, self ’n fier en regop man wat al die jare ’n elektriese ingenieur by die destydse Yskor was en vandag sy herinneringe van die 1957-model Fiat Nuova 500 in hulle motorhuis met kleur en geur en genoeg drama voorlees, vier ook sy 90ste in Oktober. Twee merkwaardige, op-en-wakker mense…

The early bird catches the worm; the early birder catches the bird. Voëlfariseërs wat vroeg uit die vere is, gewaar hulle gewoonlik eerste: groepies grafstil zombies gewapen met gevaarlike verkykers, ore spits soos bakoorjakkalse, wat na ’n onopvallende bruin struik staar. Uit die halfdood bosgasie het blykbaar pas die roep van ’n stoefpoepervoëltjie opgeklink – hulle praat van ’n little brown job of sommer LBJ – wat die verkykerbende nou iedereen naarstiglik in hulle persoonlike visier probeer kry. Dié wat sukses behaal, ululeer stemmig binnetoe (soos voëlsoekeretiket vereis) en teken die voëlspesie, datum, tyd en plek terstond op hulle foon of in ’n notaboekie aan. Die swygbende lýk nie net soos ’n sekte nie, hulle klink en tree ook soos een op. In die Reflections-ekoreservaat langs die Rondevlei buite Wildernis…

REUKTOERE! Stap agter jou neus aan “Het jy al ooit ’n plek met jou neus verken?” vra Justin Williams, eienaar van die Follow Your Nose-reuktoere in Kaapstad.“Elke plant vertel ’n storie deur die reuk wat hy afgee, en op dié gemaklike staptog leer ken jy die Kaap en haar plantegroei met jou reuksintuig.” Verskillende plante blom in verskillende seisoene, daarom bepaal die seisoen waar die staptoer plaasvind. In die wintermaande verken jy die fynbos van die Constantia-groenbelt en leer ken inheemse spesies soos balderjan, juffertjie-roer-by-die-nag, klimop, sandsalie en perdevy van nader. Die uitheemse spesies soos die Japannese kanferfoelie, pienk jasmyn en frangipani ruik net so lekker. Justin is ook ’n veldkoskenner (of forager), parfumeur en Kapenaar in murg en been, wat beteken jy kry sommer ook ’n kosmaak-, geskiedenis-, botanie-en…

40% AFSLAG* TEKEN SÓ IN OP DIE GEDRUKTE TYDSKRIF VIR NUWE INTEKENARE 087 353 1300 (vir plaaslike oproepe) of +27 21 065 0033 (vir buitelandse oproepe) subs@media24.com WhatsApp 087 353 1333 SMS “plattelandint” na 32361 en ons kontak jou (SMS’e kos R1,50; gratis minute geld nie) VIR HERNUWINGS 087 353 1300 (plaaslik) of +27 21 065 0033 (buiteland)) subs@media24.com ÓF LEES DIGITAAL TEKEN IN ENIGE PLEK TER WÊRELD EN KRY MAKLIKE TOEGANG! G’n posgeld, g’n gesukkel Gaan na zinio.com of magzter.com R300 VIR 4 UITGAWES * Teken in op 4 uitgawes per jaar. Die aanbod is geldig tot 23 Augustus 2024. Bepalings en voorwaardes Dié aanbod geld slegs vir intekenare in Suid-Afrika. Jou intekening word verskaf op ’n vooruitbetaalde basis. Die tariewe kan van tyd tot tyd aangepas word om…

Ulli Gerntholtz Bestuurder by die Rogge Cloof-natuurreservaat Ulli se oom het 32 jaar gelede die plaas Rogge Cloof aan die bokant van die Verlatenkloofpas gekoop. “Dit was al die jare die familie se wegbreekplek. Aan die begin was dit baie primitief en eenvoudig. Hier was lank geen krag nie, en toe ons later wel elektrisiteit kry, het ons besluit hier sal nooit TV wees nie – en dit is nou nog so. En dit was regtig fantasties om ons kinders hiernatoe te bring en hulle bloot te stel aan so ’n tipe lewe, na aan die natuur.” Al het Ulli baie jare vir Woolworths se kosafdeling gewerk en daarna ook vir internasionale maatskappye die wêreld vol gereis, bly die veld in Afrika sy gunstelingplek. “My vrou het al gesê ek is…

Dit is middel Desember op ’n klein kusdorpie in die Tuinroete. Ouma en Oupa sit op die stoep. Te salig. Die man is stil; die vrou praat baie. Die man en die voël luister nie altyd nie, omdat hulle weet wat die vrou gaan sê nog voor sy dit sê. Hulle name is Obie, Lynn en Tommy Toraco. Agter hulle eggo die brullende Indiese Oseaan teen die berg en die afromontane woud wat hulle omring. Daar kan niks mooiers wees nie, dink die twee. Tog is albei ook bewus van die magtige dreuning wat oor die Tsitsikammaberg gesweef kom: ’n stroom verkeer uit Gauteng met gespanne vakansiegangers wat Desembers graag hulle stadsnerwe hier kom lawe. Obie draai liefderik na Lynn en fluister: “Lovie, I want to die on the job.”…

Jou stopplekke GEORGE Tuinroete-botaniese tuin Hopeloos te min mense weet van hierdie lieflike tuin by Caledonstraat 49 wat in November verlede jaar sy 25ste bestaansjaar gevier het. Die 16ha huisves twee damme, waaronder die Van Kerveldam wat in 1811 as George se eerste waterreservoir gebou is, en die Garden Route Birds of Prey-rehabilitasiesentrum wat probeer om beseerde valke en dwergvalke, arende en uile so gou as moontlik weer in die natuur vry te laat. Die tuin is ’n veilige paradys vir voëlsoekers, en danksy die rolstoelvriendelike Mushroom Meanderwandelpad kan almal nou in ’n bos-en woudagtige gebied gaan voëls soek. Naas die damme en omliggende moerasland (waarop jy uit die voelskuiling ’n uitsig het), lok verskeie ander habitatte – stukke fynbos, gerehabiliteerde natuurlike ruigte en woude, grasveld en ’n stukkie droë…

ASTRID BLUMER Een met die natuur Die kunstenaar Astrid Blumer is gek oor die detail, organiese vorms en lyne en lewendige kleure van plante en sê dit inspireer haar in elke opsig. Hoe sou jy jou styl beskryf? My kuns weerspieël my diepe verbintenis tot die wêreld rondom my. Ek verken daarin temas van konneksie en transformasie, en nooi die kyker tot nadenke en introspeksie. Kleur speel ’n deurslaggewende rol, maar die kern van my verfpalet is diep skakerings van groen en dan kleure wat dit komplementeer. Jy werk graag met akriel… Om met ink te verf moet jy ’n delikate balans handhaaf tussen beheer en spontaneïteit. Die ink raak baie vinnig droog, en jy moet selfversekerd en intuïtief werk. Ek probeer nie perfekte lyne of kwashale maak nie, maar“vloei”…