Innholdsfortegnelse for Lente 2020 i Weg! Platteland

Hier by Platteland begin ons al die slapies tel vir ’n maskerlose besoek aan die alleenstaande eilandberge en koppies van die Boesmanland in die Noord-Kaap wat onlangs deur Unesco, die VN se organisasie vir onderwys, wetenskap en kultuur, as die “mees biodiverse dorre gebied ter wêreld” besing is. Hierdie stuk Sukkulente Karoobioom van sowat 5 700 ha oos van Springbok staan nou bekend as die groter Karrasbergebeskermde gebied en huisves vier nuwe reservate: Areb, Karas, Marietjie van Niekerk en Smorgenskadu, wat die besonderse Boesmanland-Inselstruikveld, die Aggeneys-gruisvygieveld asook die Boesmanland-dorre grasveld verteenwoordig. Die nuwe natuurreservaat was ’n gesamentlike projek van die Wildernisstigting Afrika, die Wêreldnatuurfonds van Suid-Afrika (WWF-SA), die Noord-Kaapse departement van omgewingsake en natuurbewaring en grondeienaars. Dit is gefinansier deur die Leslie Hill Sukkulente Karoo-trust (LHSKT) met behulp van WWF-SA.…

‘Die platteland ontvolk en mense kry swaar. Swak plaaslike bestuur, min werkgeleenthede en ’n knellende droogte dra alles by tot die snelle agteruitgang van talle plattelandse dorpe. Hoe kan ons dié tendens omkeer? Hoekom is sommige dorpe suksesvol en ander nie? Wat het die platteland steeds aan mense te bied?” Hierdie drie vrae, onder die titel “O, wye en droewe land” in die feesgids van vanjaar se US Woordfees, het onmiddellik Platteland se oog getref aangesien dieselfde kwessies soms opduik in briewe wat ons van lesers ontvang, gewoonlik nadat hulle, oorweldig deur goeie herinneringe en nostalgie, vir die eerste keer in jare weer ’n draai op hulle grootworddorp gemaak het… Skaars vyf jaar gelede, in die 2015-’16-belastingjaar, was die tien bes presterende munisipaliteite in Suid-Afrika álmal op die platteland (nege…

Die geskiedenis van Tesselaarsdal word breedvoerig uiteengesit in Annalize Mouton se fassinerende boek Tesselaarsdal – A Bend in the Road. Die verhaal begin by Johannes Jacobus (Jan) Tesselaar, die seun van ’n Duitse immigrant wat as beloning vir sy werk as soldaat in die VOC twee leenplase by die destydse goewerneur, Willem Adriaan van der Stel, gekry het: Hartebeestrivier in 1781 en Steenboksrivier in 1791. (Die dorp is eers Hartebeestrivier genoem, maar omdat daar ook ’n ander dorp met dieselfde naam was, het die Poskantoor die naam verander na Teslaarsdal Farm 811, wat later net Tesselaarsdal geword het.) Teen die tyd dat Jan in 1810 oorlede is, het hy al sy besittings, waaronder die plase, roerende bates en 38 slawe, aan sy vrou, Aaltjie, agtergelaat. (Volgens die opgaafrol van die…

Pietersarel de Bruyn Eienaar van Herbs-Aplenty en Steampunk Distillery Pietersarel en sy vrou, Susann, het 16 jaar gelede uit die Paarl hierheen verhuis. “Ons het al ons spaargeldjies gevat en hierdie portjackson-en-hakeaplaas gekoop. Hier was absoluut níks nie.” Hulle het eintlik ’n lappie grond in die Boland gesoek, maar, sê Pietersarel, daar kos grond al R1 miljoen per hektaar. “Hulle sê mos daar bekom jy ’n stuk ou grond net op een van drie maniere: Óf jy trou vir hom óf jy erf hom óf jy koop hom op ’n driemaalbankrotveiling!” ’n Mens kan skaars glo hierdie was barre aarde, want vandag staan hier op Goedgegewe, hulle organiese plaas van 40 ha, ’n fabriek en uitgestrekte landerye met kruie soos roosmaryn, mentmalva en laventel. Hulle hoofbesigheid is die uitvoer van…

Die Blue Willow-borde word in honderde fabrieke reg oor die wêreld gemaak, en hoewel daar effense variasies is op die oorspronklike ontwerp, moet elke stuk oor die volgende kenmerke beskik voordat dit as eg beskou word: wilgerbome ’n boot ’n pagoda of teehuis ’n bruggie met drie figure wat oorstap twee voëls in vlug Volgens oorlewering begin die verhaal by die pragtige dogter van ’n invloedryke man wat verlief geraak het op haar pa se sekretaris. Toe Pa daarvan uitvind, het hy die sekretaris verban en ’n hoë heining gebou om sy dogter binne te hou – sy kon slegs by die water en die wilgerbome gaan stap. Sy was in sak en as… totdat sy ’n boodskap van haar geliefde kry. Hy het haar op ’n groot banket kom…

Skaars 14 km wes van Witrivier, op die Brondalpad, lê ’n kleinhoewe van 4ha knus tussen plase waar macadamias, avokado’s, suurlemoene en tilapia verbou word. Nadat jy deur die hek van The Artists’ Press is, verskyn ’n ateljee aan jou linkerkant. Dan ’n stewige dam, roerloos onder ’n blaredak. Versteek tussen die groenigheid staan die hoofhuis en Waterfield, die gastehuis… en ágter die gebou wag die paradys in die vorm van ’n vrugte-en-groentewoud. “Ons het macadamias, pekanneute, mango’s, druiwe, piesangs, koejawels, granate, pynappels, stervrugte, appels, lietsjies, draakvrugte, kaneel en peperbasbome, om maar enkeles te noem,” rits Tamar Mason dit af terwyl Moya, die bruingestreepte windhond, en Lima, die nuweling, ons stertswaaiend inwag. Emma, die jack russell, en Doddo, die kat, is ou siele en is effens meer besadig. “Ons plant…

Die meeste kenners beveel aan ’n mens gaan realisties te werk en begin deur vyf dae per week vir 30 minute te stap – in dié tyd moet jy tussen 2,5 km en 3,3 km kafdraf of 3 000-4 500 treë gee – en 100-300 kalorieë (dit is 400-1 200 kJ) verbrand. Hoe verder jy stap, hoe voordeliger vir jou, want gedurende die eerste halfuur van oefening verbrand jou liggaam suikers wat as brandstof gestoor word. Daarna begin jou liggaam vetselle vrystel vir dié doel. En nee, jy hoef nie langer treë te gee om beter oefening te kry nie. Probeer eerder ’n pad met ’n paar opdraandes. Interessant genoeg is die persepsie dat hardloop beter oefening is as stap, van alle waarheid ontbloot. (Google gerus “Walking is” en kyk…

Maak leeg en draai die prop op Vrugtesapbottels Herwin indien skoon en droog Sekere mikrogolfetes – gewoonlik PP Draai deksel op Glasbottels of -houers Verwyder deksel Houers vir klaarbereide etes – film kan PE met verskeie lae wees (pleks van PP) Verwyder plastieklaag Bokse sjokolade wat in plastiek toegedraai is Verwyder krimphuls Die plastieklaag om sekere plastiekbottels Skei pompspuit en houer Huishoudelike reinigers met ’n pompspuit Skei plastiekvenster van die houer Geskenk- en kosbokse met ’n plastiekvenster – sulke verpakking moet duidelik sê die boks kan herwin word, maar nie die venstertjie nie Spoel uit voor jy herwin Herwinbare houers, byvoorbeeld jogurtbakke Druk plat, draai prop op Kartonverpakkings vir vloeistof, byvoorbeeld Tetrapak en Nampak, wat vir langlewemelk, vrugtesap ensovoorts gebruik word, word nasionaal versamel en slegs by Mpact in Springs,…

At Home with Cannabis eindig met ’n lang lys van mediese kwale en voorstelle hoe dit met dagga behandel kan word: Aknee, aandaggebreksindroom (ADD) of aandaggebrek-hiperaktiwiteitsindroom (ADHD), motorneuronsiektes soos amiotrofiese laterale sklerose (ALS), Alzheimer se siekte, anoreksie, angs, outisme, hoë bloeddruk, kanker (hormoongedrewe kankers, vroeëstadiumkanker, laatstadiumkanker, serviks- en eierstokkanker, velkanker, prostaatkanker, testikelkanker, skildklierkanker), chemoterapie, Crohn se siekte, demensie, depressie, diabetes, ekseem, epilepsie en toevalle, moegheid, verkoue, sooibrand en slegte spysvertering, Huntington se siekte, slapeloosheid, lupus, menopouse, menstruasiekrampe, migraines en hoofpyne, beskadige senuwees, pyn, Parkinson se siekte, post-traumatiese stresversteuring, swangerskapverwante oggendsiekte, stres, beroerte en spanning.…

Die Durbanse cannabiskonsultant Kelly McQue het kanker oorwin en deel in At Home with Cannabis letterlik alles wat jy moet weet om op jou “genesingsreis” met dagga te gaan. Haar kennis is gegrond op haar eie ervarings met kanker en cannabis, maar ook dié van mense wat sy oor die jare gehelp het om hulle gesondheidskwale te bestuur of genees. Die boek bevat persoonlike stories, getoetste, beproefde resepte en ’n basiese doseringsgids om verskeie gesondheidsprobleme te behandel. Die boek word deur Struik Lifestyle uitgegee en kos R200 by uitgesoekte boekwinkels landwyd. wen Ons gee twee eksemplare weg van At Home with Cannabis. Stuur ’n e-pos met jou naam, straatadres en kontaknommer na helloplatteland@gmail.com met die woorde “Lente Cannabis” in die onderwerplyn. Die sluitingsdatum is 27 November 2020.…

Dorothée koop al haar saad by Livingseeds se aanlynwinkel. “Hulle verkoop ’n ongelooflike verskeidenheid erfenisvariëteite wat organies verbou word en boonop siektevry is. Dit is verslawend om almal te versamel. Livingseeds se personeel het ook baie kennis en is werklik behulpsaam. livingseeds.co.za Ander bronne sluit in: Op Facebook is die groep puik die meeste lede maak natuurlik tuin – en dan is die groep virmybaieinsiggewenden interessant. As dit by boeke kom, het deurJaneGriffithsuitstekenderaad oor plantpasmaats, wisselbou en grondtipes. Platteland Veraldiefotos is inspirerend. Ek kyk gereeld op YouTube video’s van die Australiese permakultuurghoeroe Geoff Lawton en van die “vader” van moderne permakultuur, Bill Mollison.…

Hoe verskil Mushroom Hunting in South Africa van ander sampioengidse? In dié gids fokus ek net op ’n paar uitgesoekte eetbare spesies. As jy ’n groentjiesampioensnuffelaar is, kan die aantal spesies oorweldigend wees. Die boek wys jou watter die moeite werd is om te soek. Na watter eetbare sampioene kan ’n mens in die lente soek? In die winterreënvalstreke is porcini-sampioene volop in die lente en somer. Die morel is ’n minder bekende maar interessante lentesampioen wat beslis die moeite werd is om te soek. Waar gaan soek jy graag eetbare sampioene? Ek woon in Kaapstad, en my gunstelingplekke is rondom akkerboom- en denneplantasies soos die Nuwelandbos. Tokai en Jonkershoek was ook puik sampioensoekplekke voordat dit ongelukkig afgebrand het. ’n Goue reël van foraging is om net te neem wat…

Plaatkoekies Ek het ringvorms gebruik soos dié waarin restaurante gewoonlik eiers bak om seker te maak al my plaatkoekies is ewe groot en perfek rond – dit is heeltemal opsioneel! Maak 10-12 koekies Bereidingstyd 10 minute plus 1 uur staantyd (sien “Platteland sê”) Gaarmaaktyd 15 minute JY BENODIG • 1 middelslag-of 2 klein murgpampoentjies (100 g), gewas en skoongemaak• 1 koppie (250 ml) koekmeel• 1 teelepel (5 ml) bakpoeier• 1 ekstragroot eier, geklits• ¼ koppie (60 ml) gesmelte botter• 150 ml warm melk• sonneblomolie vir vlakbraai• brosgebraaide spek, heuning en kaas om voor te sit SÓ MAAK JY Rasper die murgpampoentjies op die growwe kant van ’n rasper en laat dit vir ’n halfuur in ’n sif staan sodat die vloeistof kan dreineer. Meng die meel, bakpoeier en ’n knippie…

Ons het in die grendeltyd – met die verbod op alkoholverkope – ’n paar keer gesien hoe lekker mense teug aan The Duchess se alkoholvrye Gin & Tonic, en nou het dié handelsmerk pas ’n verfrissende Spritz bekend gestel in die geure Berry Rosé en Elderflower White. Dit word gemaak van plantekstrakte en wyn waarvan die alkohol onttrek is – net reg vir Tuindag op 11 Oktober! The Duchess Spritz is vanaf Augustus te koop by takke van Spar en die aanlynwinkel Yuppiechef. yuppiechef.com…

Handgehekelde blombolle Kort R570, lank R590, papawer R660 Projekt projektonline.co.za @petabeckerprojekt Salomon-manstapskoene R2 699 K-Way Strata-vrouestapstewels R1 399 Albei is liggewig en waterdig. Cape Union Mart capeunionmart.co.za Devil’s Peak Hero-nie-alkoholiese boetiekbier Ongegeur R290 Twist of Citrus R261 (sespak) Takealot takealot.com Handgemaakte Langbaken Karoo-kaas van rou melk. Agter van links: Williston R225/kg, Karoo Swiss R247/kg, Karoo Ash R205/kg, Karoo Crumble R244/kg en Karoo Blue R253/kg Langbaken langbaken@williston.za.net 053 391 4161 of 082 550 4981 Ice Bomb Lollies van regte vrugte in die geure suurlemoen, aarbei, grenadella, mango en lietsjie (pak van 10) R200 Icebomb icebombs.co.za Growing Paper-geskenkkaartjies van herwonne papier met saad wat sal ontkiem as jy dit plant R15 elk Seeds for Africa seedsforafrica.co.za Handgemaakte deurstoppe (2 kg elk) R220 Ma’Lize Creations Ma’Lize Creations 082 955 9953 Handgekerfde gemaskerde houthasies…

R295 000 Dié leë erf van 1 182 m2 is reg in die middel van die beplande sakegebied, langs J&S Store en die drankwinkel. Die huidige sonering is vir landbou, maar die munisipaliteit kan toestemming verleen om dit as besigheid te gebruik sonder dat hersonering nodig is. privateproperty.co.za R799 000 Hierdie huis het 2 slaapkamers en 2 badkamers en spog met lieflike uitsigte van die berg en omliggende heuwels. Die erf van 3 900 m2 huisves ook ’n stoor van 70 m2 wat as ’n werkswinkel ingerig kan word. Dit is ’n ou huis met ’n plaasgevoel en daar is reeds water en elektrisiteit. realnet.co.za R1 999 000 Dink net: ’n lekker groot huis van 100 m2 met ’n stoep van 100 m2 op ’n lappie aarde van 2,7 ha…

Op haar webwerf, Rise and Shine Works, beskryf Sarah-Jane Jordaan haarself as argitek, maar ook illustreerder. “Om te teken was nog altyd deel van wie ek is, en ek het veral ’n groot liefde vir ou geboue. Daarom het ek besluit om argitektuur te studeer. “Die kursus het egter ’n groot digitale fokus: Jy doen die meeste van jou planne op ’n rekenaar. Toe ek begin werk, het ek úre voor die rekenaar deurgebring – dit het later amper gevoel asof ek vergeet het hoe om te teken!” In 2014 het Sarah-Jane haar by Malherbe Rust-argitekte in die Paarl aangesluit, en dit was die manier waarop Johan Malherbe, een van die stigterslede, handsketse gebruik om ontwerpprobleme op te los en idees te illustreer wat haar geïnspireer het. “Ek het konsepte…

Mark verduidelik daar is heelwat argeologiese getuienis wat dui op die bestaan van mensgemaakte grond – dit word in die Amasone gevind en terra preta genoem, wat “swart aarde” beteken. “Op plekke is dit meters dik – en ongelooflik vrugbaar. Stukke erdewerk, been en mis is tussenin gevind, wat beteken dit het nié natuurlik gevorm nie. “Die mens gebruik honderdduisende jare al hout om houtskool te maak wat hulle dan in die grond sit. In wetenskaplike navorsing is bevind houtskool is goed om plante te kweek, want jy skep as ’t ware ’n koraalrif: Dit hou water, wat dan stadig vrygestel word en ’n habitat vir mikroörganismes skep. “Ons het ’n kaggel in die huis, en as die hout uitgebrand het, moes ons altyd die as skoonmaak. Nou gebruik ons…

Dit is 10 Januarie, tyd vir die eerste volmaanstap van 2020. Ouder gewoonte het ons die uitnodiging aanvaar van Bregda Mostert, boervrou hier van Koringberg, om die pad in haar “agterplaas” bergop te vat sodat ons eers in die weste kan kyk hoe die son anderkant Langebaan se see groet voordat jy dan terugdraai Porterville se kant toe om in verwondering te kyk na die skouspel agter die Groot-Winterhoekberg. Eers staar jy die niet in, maar weldra verskyn ’n stralekrans en dan… dan verskyn die maan skouspelagtig in haar volrondste glorie. Bregda se “volmaanstap” het al ’n instelling geword. Elke maand herinner sy jou op WhatsApp dat die maan vandeesmaand op dié dag en só laat gaan verskyn en daarom moet ons só laat die 5,5 km bergop begin stap…

Die geheim van stap is om dit gereeld te doen. Hou gerus ’n wortel voor jou neus sodat dit vir jou lekker en interessant bly. • Skaf vir jou ’n fiksheidstoestel soos ’n Fitbit Charge 2 aan – hulle is relatief goedkoop en gee vir jou al die basiese inligting soos jou hartklop, die aantal treë wat jy per dag gee, hoeveel jy elke uur beweeg (jy word met ’n vibrasie herinner as dit tyd is om op te staan en te beweeg!) en hoeveel kalorieë jy verbrand het. Jy laai die app op jou slimfoon af en kry dan weeklikse statistieke – ook van jou slaappatrone. Stel vir jouself ’n doelwit met die aantal treë en stoot dit gereeld op. ’n Goeie mikpunt is 10 000 treë per dag,…

Kry nuwelinge op klein dorpies soms die gevoel die locals weet hopeloos te veel van hulle? Beslis, sê Julienne du Toit. “Veral as jy die eerste keer op ’n dorp aankom, is jy dadelik die onderwerp van bespreking om die braaivure. Op ’n dorp is sosiale kapitaal die kosbaarse kommoditeit – natuurlik saam met skinder! Dit is altyd vir my so amusant as ek ’n karakter in ’n boek of TV-program sien wat wil wegkom van al die aandag en dan na een of ander afgeleë plekkie vlug. Dit is nou die één plek waar jy altyd die aandag sal trek. As jy regtig wil verdwyn, gaan eerder stad toe.” Een van die grootste geskenke wat jy vir iemand op ’n klein dorpie kan gee, sê Julienne, is ’n lekker…

Houers vir kitskos en wegneemetes, plastiekdriehoeke vir toebroodjies, en vrugte- en groentehouers Die verpakking van snoepkos soos sjokoladestafies, aartappelskyfies, lekkergoed en koekies bestaan uit lae van verskillende soorte plastiek en foelie wat aan mekaar “vasgeplak” word Roomysbakkies, wegneemkoffiekoppies en aartappelskyfiebuise met ’n papierbasis bestaan uit lae papier, plastiek en ander stowwe wat nie herwin kan word nie Verpakkings wat besmet is deur kosafval, soos pizzabokse of toebroodjieboksies Aluminiumfoelie of foeliedeksels vir melk, gegeurde melk en sap Sakke vir droë troeteldierkos of proteïenpoeier Plastieksakkies vir sop, souse, olywe en hervulpakke Kleefplastiek (gewoonlik van PVC, wat nie herwin word nie) Jogurt-sespakke en hulle foeliedeksels PET-bottels en -flesse vir olierige produkte soos kookolie en grondboontjiebotter Bababottels van polikarbonaat…

Die SA Plastics Pact saplasticspact.org.za info@saplasticspact.org.za Suid-Afrikaanse Plastiekherwinningsorganisasie (SAPRO) SAPRO verteenwoordig die land se plastiekherwinners en -herverwerkers wat bale gesorteerde plastiek aan die einde van hulle leeftyd aankoop en tot rou materiaal herverwerk waarmee nuwe plastiekprodukte vervaardig kan word. Klik op “Consumers” boaan die tuisblad en dan op “Where to recycle” vir ’n lys van plastiekherwinners reg oor die land wat ook lede van SAPRO is. plasticrecyclingsa.co.za lisa@plasticrecyclingsa.co.za (Lisa Parkes) My Waste Wonder jy wat ’n mens doen met daardie stokou klanktoerusting, blikke ou verf en poegaai motorbatterye in die garage? My Waste is ’n wonderlike databasis met hope inligting oor maatskappye en plekke reg oor die land waar jy ’n aktiewe bydrae tot herwinning en volhoubaarheid kan lewer. mywaste.co WastePlan Hierdie private maatskappy lewer herwinnings- en afvalbestuursdienste aan gesondheidsorgverskaffers,…

Maak 5 ml gekonsentreerde olie Bereidingstyd 15 minute plus 1 dag om te week Kooktyd Etlike ure JY BENODIG • 50 g droë daggablomme (“koppe”)• 2 koppies (500 ml) voedselgraad-etanol (90% of hoër per volume), beskikbaar by ethanolsa.co.za TOERUSTING • sif, staafmenger of skêr• glasfles met ’n deksel• kaasdoek of broekiekouse• skinkbeker en koffiefiltreerpapiertjies• glasbottel of-fles (geen deksel nodig)• 2 kastrolle – 1 groter en 1 kleiner• rekkie• waaier• inspuiting (sonder naald) SÓ MAAK JY As jy ’n sif gebruik, moet jy die daggablomme deur die sif vryf sodat die growwer stokkies en takkies daarin agterbly. Plaas die fyn dagga wat jy deurgevryf het, in ’n glasfles en voeg die alkohol by. Indien jy ’n staafmenger of skêr gebruik, kan jy die blomme en alkohol in die fles gooi en…

‘Die diep wortels twyfel nooit of die lente sal aanbreek nie.’– Marty Rubin Ek het omtrent 12 jaar gelede vier suurlemoenbome in ons huistuin geplant. Ons het nog nooit enige gifstowwe op die bome gespuit nie en voed hulle twee keer per jaar met Engelse sout en gooi een keer per jaar kompos om al die bome. Een van die ‘Eureka’-bome se vrugte het in April vanjaar dié misvormde suurlemoene met vingeragtige uitgroeisels begin dra. Een van die boom se suurlemoene wat ons oopgesny het, het selfs ’n kleiner suurlemoen, skil en al, binne-in gehad. Weet julle dalk wat dit veroorsaak? Ryno Palm, DE DOORNS Tim Grout van die Sitrusnavorsingsraad antwoord: Dié misvorming word veroorsaak deur die sitrusknopmyt (Aceria sheldoni) en kan allerhande interessante vrugvorms tot gevolg hê. Dit kom…

Reg oor die wêreld is daar meer as 1 700 botaniese tuine, maar weens die Covid-19-pandemie is die meeste van hulle gesluit vir die publiek. Gelukkig is daar ’n paar puik tuine waardeur jy gratis (en sonder ’n masker) kan wandel. Hoe so? Virtueel, natuurlik. Die webwerf The Spaces het nege van die beste virtuele botaniese tuintoere uitgekies, waaronder die nuutgerestoureerde glashuis van die Koninklike Botaniese Tuin in Kew, Engeland. Vergaap jou aan die simmetrie van Versailles, die mees ikoniese Franse tuin wat meer as 40 jaar geneem het om te voltooi. Of laat al die kleure in die kunstenaar Claude Monet se Giverny-tuin en (foto bo) huis met sy groen voordeur jou gemoed inkleur. thespaces.com/take-a-virtual-tour-of-beautiful-botanical-gardens/ ‘Ek moet blomme hê, altyd, altyd.’– Claude Monet, Franse skilder en tuinier…

Spyskaart Romerige klapperbircher-muesli met bloubessie-compote Appel-en-rogmuffins Harissa-en-lensie-shakshuka met sesamskuimbotter Labneh-ontbytkaaskoek • Labneh • Tahini-en-bessiegranola Saadplaasbroodjie Gesonde “Nutella” Roosmaryn-en-somerbessiekonfyt Romerige klapperbircher-muesli met bloubessie-compote Bircher-muesli is beroemd gemaak deur die Switserse huisarts dr. Maximilian Bircher-Benner – hy het sy pasiënte aangeraai om dit te eet sodat hulle vinniger kan herstel van siektes. Tot vandag toe word dit as goeie, gesonde kos beskou. As jy van hawermout hou, gaan jy gaande wees hieroor! Genoeg vir 4 Bereidingstyd 10 minute plus yskastyd oornag Gaarmaaktyd 6-8 minute plus afkoeltyd JY BENODIG VIR DIE BIRCHER-MUESLI • 120 g hawermout• 20 g droë klapper• 3 eetlepels (45 ml) amandelmeel• 1 teelepel (5 ml) fyn kaneel• ’n knippie sout• 2 eetlepels (30 ml) heuning• 1 koppie (250 ml) amandelmelk• 300 ml dubbeldik jogurt• 1 ‘Pink Lady’-appel, ongeskil en…

Die gebruik van dagga as kruiemedisyne strek terug tot rondom 2 900 v.C., maar deesdae word voordelige olies uit die plant onttrek vir die behandeling van spesifieke toestande. Daar word beweer CBD-olie kan jou help om beter te slaap; jou geheue en fokus verbeter; angstigheid, stres, depressie en gemoedskommelinge laat wyk; die immuunstelsel ’n hupstoot gee; hartritme reguleer; en selveroudering teenwerk. (Lees gerus ons storie op bl. 98 en besluit self.) Biomedcan glo aan die helende eienskappe van CBD-olie in kombinasie met natuurlike kruie, vitamiene en minerale om die sogenaamde “entourage”-effek te bewerkstellig vir die maksimum positiewe resultate. Die maatskappy het ’n volkome natuurlike reeks CBD-kapsules – Sleep, Mood, Mind and Pleasure – bekend gestel wat kan help met vele van die moderne kwinte en kwale. Sleep kan jou help…

Hoe ver van die grootstad af? Tesselaarsdal is 135 km van Kaapstad en skaars 48 km van Hermanus af. Die naaste dorpe is Caledon (23 km) en Stanford (38 km). Naaste hospitale Caledon-provinsiale hospitaal. Op Hermanus is daar die Medi-Clinic Hermanus, Hermanus-daghospitaal en die Hermanusprovinsiale hospitaal. Naaste Woolies Hermanus. Munisipaliteit Theewaterskloofmunisipaliteit op Caledon. Groot gedoentes Die jaarlikse Tesfees, ’n ware gemeenskapsfees waar vriende en familie genooi word om die vrug van die dorpenaars se arbeid te geniet, word (hopelik, as Covid-19 dit toelaat) van 4-6 Desember vanjaar gehou. Aktiwiteite by verlede jaar se fees het ingesluit ’n modeparade, toutrekkompetisie, dans, trekkertoere, ’n potjiekoskompetisie en Boeresport. By die stalletjies was daar kos, drinkgoed en handwerk. Annual Tesselaarsdal Festival…

Blue Willow-borde het nie veel bekendstelling nodig nie. Dit is in 1779 in Brittanje deur Thomas Turner ontwikkel en het spoedig die wye wêreld ingevaar – die borde het nie net op tafels in Engeland verskyn nie, maar ook koers gekies na Europa, Amerika en, ja, Suid-Afrika. Dit het op gewone mense se tafels gepryk en in Amerika was dit tussen die jare twintig en vyftig van die vorige eeu ook in eetplekke hoogmode – vandaar die uitdrukking “Blue Plate special” in dié land. Selfs in Britse paleise is die blou voëltjies met trots voorgesit. Vandag nog is dit gesogte items, en versamelaars betaal groot geld vir dié borde wat deur die jare in sowat 500 fabrieke reg oor die wêreld vervaardig is. Dit was inderdaad die versameling van Sarah-Jane…

Buiten die voor die hand liggende redes om ’n volhoubare lewenstyl te volg en sagter met die aarde te werk het Tamar en Mark ook ander goeie gevolge begin sien. Hulle spaar geld deur hulle eie elektrisiteit op te wek, hulle eie kos te kweek en nie vleis te eet nie. Met dié dieetverandering het hulle nie net gewig afgeskud nie, maar albei het boonop ’n groter huppel in die stap. Pleks daarvan dat hulle hulle lewenspeil moes verlaag, het die klein treetjies wat hulle op hierdie pad gegee het, hulle lewe béter gemaak.…

Stap in gemaklike klere wat los sit en kan “asemhaal”. Deesdae kry ’n mens by winkels soos Cape Union Mart, Outdoor Warehouse en Sportsmans Warehouse hemde en broeke van dun materiaal wat sweet van jou liggaam absorbeer en dit vinnig laat verdamp. Jy was hulle maklik en dit word ook vinnig droog – net die ding as jy ’n meerdaagse staproete aandurf. Sorg tog ook dat jy helder kleure of weerkaatsstroke dra sodat jy maklik sigbaar is op die pad. Die volgende gaan ook jou stapervaring beter maak: • Goeie stapskoene of-stewels. Hulle moet gemaklik pas en genoeg ondersteuning bied – en verkieslik ook help om skok te absorbeer. En as jy dit kan bekostig, koop skoeisel wat waterbestand is, maar nietemin “asemhaal”. • Goeie sokkies is ’n moet. As…

Dit staan nêrens neergeskryf nie, maar dit is tog goed om te weet die reëls en gebruike van die platteland is op geen manier minder bindend as die dekrete van regerings en munisipaliteite nie. Waar stadsmense dekades lank in dieselfde huis kan bly sonder om ooit ’n woord met enige van hulle bure te praat, gaan jou aanvaarding op ’n klein dorpie afhang van jou gewilligheid om te praat, aan te pas, mense te respekteer en veral te lúíster. O, en om te wuif. Al is jy ’n jong volwassene, gáán jong mense jou Oom of Tannie noem. Dit is hoe dit op die platteland werk; maak net vrede daarmee. As jy meen jou werk, sosiale status of goeie Engels maak jou beter as ander, moet jy daardie gevoel eerder…

ONS KENNERS Peta Hunter van Peta’s Place Equestrian Centre in Durbanville petasplace.co.za Peta’s Place Equestrian Centre peta@petasplace.co.za 082 581 2814 Theo Janssen (hoefsmid) van Barefoot Trimmer in Centurion versorg hoewe landwyd Theo Janssen Hoof Care Practitioner theodorejanssen@gmail.com 083 212 8993 BOEKE EN ARTIKELS deurPattiMandrellXulon Press, 2006) deurKathyPikeClarity of Vision Writing & Design, 2009) deurAdelevonRst McCormick en Marlena Deborah McCormick (HCI Books, 1997) deurCarolynnMarshallCarolynn O Marshall, 2013) deurLaineyCullen-McConkeySkyhorse, 2019) “Equine Assisted Therapy: A Unique and Effective Intervention” deur Azmaira H. Maker, op die webwerf WEBWERWE Equine Assisted Psychotherapy Institute of South Africa (EAPISA) Equine Connection Counseling…

Die SA Plastics Pact is samewerkingsinisiatief wat al die belanghebbendes in die plaaslike plastiekwaardeketting byeenbring om plastiekafval en -besoedeling by die bron aan te spreek. Die ooreenkoms wil ook ’n veerkragtiger sirkulêre ekonomie vir plastiekverpakking skep wat die welstand van mense én die omgewing in gedagte hou en by bestaande plaaslike inisitatiewe inskakel. Die ooreenkoms – die eerste in Afrika wat deel vorm van die Ellen MacArthur-stigting se Global Plastics Pact-netwerk – het reeds meer as 20 lede, wat insluit Pick n Pay, Woolworths, Spar, Shoprite en Checkers, Food Lover’s Market, Massmart, Clicks, Spur Holdings, Unilever, Tiger Brands, Addis, Tuffy, Danone, Distell, TFG (die Foschini-groep), Coca-Cola Africa en HomeChoice. Hulle onderskryf vier ambisieuse, tydsgebonde doelwitte wat sal verseker dat dié ooreenkoms teen 2025 dramatiese veranderinge in die bedryf teweegbring. 1…

Maak 200 ml Bereidingstyd 5 minute Trektyd 6-8 uur JY BENODIG • 10 g droë daggablomme• 200 ml plaaslike rou heuning TOERUSTING • kaasdoek of broekiekouse• kombuistou• glasfles met ’n deksel• groot kastrol of prutpot SÓ MAAK JY Pak die daggablomme in die middel van ’n vierkantige stuk kaasdoek (of broekiekouse). Bring die hoeke bymekaar om ’n klein sakkie te vorm en knoop dit baie styf vas met kombuistou. Plaas die daggasakkie in die fles, gooi die heuning oor en draai die deksel styf toe. Plaas die dagga-en-heuningfles óf in ’n groot kastrol wat twee derdes met water gevul is óf in ’n prutpot wat sowat ’n derde vol water is. Onthou, heuning het self wonderlike medisinale eienskappe en daarom wil jy dit nie oorverhit nie. Hou dus by ’n…

Moenie die grond omspit nie Tuingrond is ’n ekostelsel op sy eie. As jy die grond omwerk, versteur jy die balans en maak baie van jou onsigbare (en gratis) helpers dood. Selfs as jy jou beddings met kompos voed, moet jy dit nie inwerk nie; laat die wurms dit doen. Hulle bring sommer ook die voedingstowwe wat diep onder die grond is, boontoe – en al die tonnels wat hulle bou, is uitstekende dreinering én maak die grond boonop lieflik sag. Gooi ’n grondkombers ’n Behoorlike deklaag spaar water, voorkom erosie, voed die grond en keer dat onkruid ontkiem. Dit hou die grond koel in die somer en beskerm dit tot ’n mate teen die ysige koue in die winter. Dink aan ’n woudvloer – dit is altyd lekker dig…

Julle het by die 10 000 lede. Waarom is sampioene vir mense so interessant? “Sampioene is ongelóóflik,” sê Megan. “Hulle is so divers en ons weet so min van hulle, en tog is hulle óral. Sampioene is een van die belangrikste komponente van ’n gesonde, funksionerende ekostelsel waarsonder die lewe op aarde soos ons dit ken, moontlik glad nie sou bestaan het nie.” Volgens Andrew is die meeste vrae op die groep oor hoe eetbaar die sampioene is wat mense ontdek. “Dit maak mense opgewonde om in die natuur na iets misterieus te soek wat jy dan boonop kan eet. Maar baie mense is bekommerd dat hulle giftig of gevaarlik kan wees. Ander is sommer net gefassineer deur dié ietwat obskure klein organismes.” Megan het die groep ses jaar gelede…

Op ’n dag gesels ek en die skrywer Hennie Aucamp oor koeie en kalwers en katte en honde. Honde as “salondiere”, seg Hennie, was ’n vreemde gedagte op die Oos-Kaapse platteland waar hy in die jare dertig en veertig grootgeword het. Salonhonde was ’n stadsinstelling en plaashonde werkdiere. Só was dit ook op Gretna, die plaas by Settlers op die Springbokvlakte waar ek grootgeword het. Daar was altyd ’n beroering van minstens ses werkende werfhonde. “Trop” klink nie soos die regte woord wanneer ’n mens van mak honde praat nie. Hoekom het ons dan nie so ’n uitgebreide en gespesialiseerde lys versamelname soos die Engelse nie? Na gelang van wat jy wil sê, kan jy op Ingels praat van ’n pack, kennel, cowardice, cry of litter. DIE BRITTE is inderdaad…