Innholdsfortegnelse for Winter 2020 i Weg! Platteland

Ons is ou aanhangers van Anneke van Rooyen en haar dogter Johannita Eksteen se Funky Ouma-produkreeks wat geen MSG, preserveer- of kleurmiddels, gluten of suiker bevat nie. Twee nuwe produkte in hulle fraai blikkiereeks is onlangs bekend gestel en maak lieflike geskenke: Seafood Spice sal vis en seekos tot nuwe hoogtes voer, terwyl Sea Salt mineraalryke, onverfynde Weskus-seesout bevat. Wanneer laas was lekker so mooi en mooi so smaaklik? KONTAK funky-ouma.co.za 021 110 0122 of 079 123 7087 Wen Drie lesers sal elkeen ’n Funky Ouma-geskenkstel ter waarde van R300 wen. Dit bestaan uit ’n Bederfie-houtboks, ’n blikkie fyn himalajasout, ’n blikkie African Rub (heerlik oor braaivleis, geroosterde vleis en groente) en ’n 375 ml-bottel Matiesous wat ewe lekker werk as bedruipsous. Stuur jou naam, straatadres en telefoonnommer per e-pos…

Ons kon nie dié boksie Secco Drink Infusion in die geur Raspberry Rose Hibiscus weerstaan nie. Elke boksie bevat 8 sakkies (van 2,8 g elk) met ’n geurige mengsel van vriesdroogvrugte en speserye waarmee jy in ’n ommesientjie kleur én geur aan ’n G&T, skemerkelkie of koeldrank kan verleen. Die geur wat Platteland gekoop het (foto hiernaas), bevat 45% vriesdroogframbose, 32% droë Hibiscus sabdariffa-blomme en 23% droë rose waarby geen kleurof geurmiddels gevoeg is nie. Die drie ander geure is Ginger Lime (droë gemmer en lemmetjie plus kaneel), Pepper Berry (droë aarbeie en bloubessies met swarten pienkpeperkorrels) en Spiced Pomegranate (steranys, gedroogde granaatpitte, kardemom en droë skoenlapperertjieblomme). Dié geurgoed is die skepping van die Kaapse voedselwetenskaplike en produkontwikkelaar Wessel Pieterse en word vervaardig deur sy maatskappy, Tastelab. Dit is te…

Die virus hou mense binne, en jy wil nié wanneer jy gou uitglip om ’n paar nodige goedjies te kry sukkel om jou tydskrif in die hande te kry nie. Weens die inperkingsmaatreëls kan dit boonop langer neem om voorrade in winkels aan te vul. Daarom is ’n digitale intekening die maklike antwoord. Laai bloot die gratis app op jou foon of tabletrekenaar af óf maak ’n nuwe skerm op jou internetblad oop. Al wat dan oorbly, is om die maklike stappe hieronder te volg. 1 LAAI DIE APP AF Gaan na die App Store of Google Play Store en laai die app vir Zinio of Magzter op jou selfoon of tabletrekenaar af – albei is gratis. As jy die tydskrif op jou skoot- of tuisrekenaar gaan lees, kan jy…

R820 000 Bou jou droomhuis in die Wild Fig Country Estate, 8 km buite die dorp. Dié erf van 1 ha is veilig en privaat, en die wildsbokke en sebras loop vrylik op die landgoed rond. R2,495 miljoen Dié huis met sy 4 slaapkamers en 3 badkamers is geleë in ’n mooi deel van Witrivier, naby die skole en die hoofpad die dorp uit. Hierdie deel het ook mooi groot ou bome. R3,75 miljoen Skaars 9 km noordoos van Witrivier is ’n kleinhoewe van 15,3 ha met ’n dubbelverdieping-grasdakhuis. Daar’s 3 slaapkamers, 2 badkamers en ’n motorhuis, én dan het die eiendom ongeveer 10 ha bewerkbare grond met waterregte en ’n boorgat.…

Wie is so gek – óf so diep gelowig – om op Aprilgekkedag 2002 in die middel van nêrens ’n padstal met ’n bakkery en ’n belofte van boeretroos (teen R5 per koppie!) oop te maak – en dít nog met ’n tong in die kies naam soos Broodblik en Koffiepit? Wel, in hiérdie storie is daar drié “skuldiges”, en hulle wag Platteland met breë glimlagge in, soos dit mense betaam wat agtien jaar later die laaste – en lekkerste – kan lag. Voor in die koor is die vrolike oud-SAL-lugwaardin Adéle Bester wat in 2005 aangesluit het by die familiebesigheid wat begin is deur haar ma, Letitia van Schoor, en dié se wederhelfte, Sarel, ’n rekenmeester met ’n onpeilbaar geamuseerde uitdrukking op sy gesig. Van voorkoms en stem herinner…

Ansie de Beer Eienaar en stigter van Melodramatic Craft Gin Ansie het drama geswot by Tukkies en besit haar eie dramaskool in Centurion. Oor ’n naam vir haar boetiekjenewerbesigheid het sy dus nie haar kop gebreek nie: Melodramatic en die reklamelyn “Passion and drama in every bottle” was ’n vanselfsprekende dog baie gepaste keuse. “Ek is ’n baie kreatiewe mens en het in ’n stadium daaroor gedroom om ’n wynmaker te word, maar toe doen ek ’n beginnerstookkursus by Distillique distillique.co.za) en begin eksperimenteer in die garage…” Maar om ’n dramaskool en stokery te hê én ’n nuwe handelsmerk op die been te bring en te bestuur is moeilik en duur. Daarom het sy besluit om Incendo te nader om haar met die produkontwikkeling te help. Eerste aan die beurt…

LESERSTUIN ’n Inheemse woud in my agterplaas Die afgelope 8 jaar het John Crain op sy landbou-kleinhoewe in North Riding buite Johannesburg byna 300 spesies inheemse bome geplant, plus nog 600 aalwyne. Vandag het hy ’n baie besonderse woud in sy agterplaas. John se paradys is ’n inheemse tuin op ’n stuk grond van 6 700 m2 wat hoofsaaklik uit bome en aalwyne bestaan. “Die aalwyne sorg in die wintermaande vir kleur, en plek-plek het ek bome en struike in digte groeperings geplant om ‘tuinkamers’ te skep – dit maak die tuin interessanter. Die gedagte is om jou dieper in die tuin in te trek sodat jy dit kan verken,” sê hy. Die tuin is teen ’n helling geleë, en daarom het hy terrasse gebou wat die groot lap grond…

Met hulle Cruxland Gin het die KWV einde Februarie by die Wêreldjenewertoekennings reggekry wat g’n ander SuidAfrikaanse jenewer nog kon vermag nie: Cruxland het meer as 150 handelsmerke uit 39 lande uitgestof om die titel beste London Dry Gin – ter wêreld! Dié jenewer was sekerlik die enigste inskrywing met die subtiele geur van n’abbas, ’n skaars inheemse truffel wat uitswel en gesig wys in die Kalahariwoestyn ná swaar reën of die vogtigheid van die herfs. Dit is ook waar Cruxland sy naam gekry het: Die nomadiese mense van die Kalahari het geglo bliksemstrale slaan Xvormige krake in die grond, wat ’n teken is dat daar op dié plekke truffels ondergronds skuil. Die Cruxkonstellasie is ook ’n ander naam vir die Suiderkruis. Wonder jy wat presies ’n London Dry Gin…

Wie onthou die dokter-se-vrou van die jare sewentig en tagtig: Sy was gewoonlik die dorp se ghrêndste mevrou, die neus gewoonlik so éffentjies hoër in die lug as dié van gewone sterflinge. Sy het in uitrustings verskyn wat min ander kon bekostig óf selfs bekom. Elke haar op die hoof was altyd, oral, op sy plek, en haar duur Duitse vuurwa het immer geskitter soos ’n Sparlettabottel. Elize van Greunen mag dalk met dr. Andre van Greunen, ’n huisdokter op Joubertina, getroud wees, maar Mevrou Dokter dié is sy nié. En al woon sy op ’n plaas aan die rand van die dorp, is sy ook nie ’n boervrou nie. Elize is ’n boer en entrepreneur. Iemand wat glo gesonde verstand is die hoofbestanddeel van ’n suksesvolle onderneming – en…

Julle blink ál meer uit as kontrakprodusent wat ander entrepreneurs met die ontwikkeling en vervaardiging van hulle eie spiritualieëprodukte help. Hoe lyk ’n tipiese kliënt? Ons produseer produkte vir twee soorte kliënte: Die een groep is mense wat belang stel in distillering en moontlik al geëksperimenteer of selfs resepte ontwikkel het. Hulle nader ons omdat hulle dalk nie die kapitaal of genoeg tyd het om ’n hele stokery op die been te bring nie. Die tweede soort kliënt het tipies ’n agtergrond in bemarking of branding. Hulle het ’n klomp interessante idees en wil ’n produkreeks rondom die idees ontwikkel. Sulke kliënte stel belang in die bemarking en verkoop van die produk en wil glad nie opgeskeep sit met die praktiese aspekte of die daaglikse administrasie wat saam met jou…

Almal van ons wat bevoorreg genoeg is om ’n huis te hê, het ’n vorm van tuin, selfs al is dit net ’n balkon of gangetjie langs die huis met ’n potplant of twee. En waar daar plante is, sê Jurg Reynders, wat die groep “Voëls in my Suid-Afrikaanse tuin” sewe jaar gelede op Facebook begin het, is daar natuurlik voëls. “Danksy die moderne tegnologie, veral slimfone wat amper altyd byderhand is, het die meeste mense deesdae toegang tot ’n kamera. Daarom het ons op dié groep sommer twéé stokperdjies: voëls én fotografie,” lag Jurg. Die groep het al 13 200 lede, en dit groei elke dag. Dit is dus ’n heerlike kuierplek vir voëlliefhebbers. “Party mense is weens siekte of ouderdom of watter rede ook al redelik huisgebonde, en…

Ekhet grootgewordmet ’n kosbiblioteek waarin daar net twee patatgeregte was: Die een is tradisionele soetpatats, wattot vandagtoe my gunsteling-bygereg is, en patats watheel in die skil in die oond of vuur gebak word. Gelukkig het ek lank gelede ontdek daar skuil veel meer in dié knolle.Patatsisinwerklikheid een vandie veelsydigste groentesoorte watvir smaak of tekstuur gebruik kan word in enigiets vankoek, nageregenbrood tot slaai, vulsels en smere. Leipoldt se gestoofde patats Skil vier jong middelslag-patats en sit dit dadelik in soutwater. Sny die patats in skywe. Haal die patatskywe uit die water en druk dit versigtig droog. Verhit ’n groot klont skaapstertvet of botter in ’n gietysterpot. Voeg die patat, ’n koppie heuning (of suiker), ’n bietjie gesifte meel, ’n strooisel kaneel, ’n stukkie foelie (mace) en sout na smaak by.…

Hoendermis, dís waarmee hy boer daar anderkant die blou berge. By die hoofpad se uitdraai na sy plaashek het hy die woorde “Mis te koop” op ’n sinkplaat geverf en dit teen die vol sakke mis staangemaak. Langsaan, op ’n staaltrommel wat aan ’n stewige houtstellasie vasgemaak is, het hy bo ’n gleuf geskryf: “Geld/Money”. En laer af: “Honesty box”. Die misboer het vertroue in sy miskopers. Daarom laat hy dit aan hulle oor om die waarde te bepaal van die mis wat hulle neem – soos ’n dominee sy gemeente vertrou as die kollektebordjie omgestuur word. Hy weet egter nie almal in die wêreld is miskopers nie, en daarom maak hy sy trommel met ’n slot en ketting aan die stellasie vas. Uit die trommel het hy al batterye,…

Geharde apostels van die Mother’s Ruin-kultus sal sê ’n mens kry g’n so ’n ding soos alkoholvrye jenewer nie, maar Vermont bemark sy 200 mlbotteltjies Bloom en Limon eerder as Suid-Afrika se eerste nie-alkoholiese “premium distilled botanicals”. Tog stel hulle op die verpakking voor jy geniet ’n 25 ml-sopie, nes die ware Jakob, saam met tonikum en ys – en, soos deesdae die mode is, na hartelus gegarneer. Ons dink dit is ’n gawe opsie vir mense wat nie alkohol wil of mag gebruik nie, al kos dit ’n stewige R299 per bottel wat 8 sopies bevat. Dié breinkind van Theresa en Stof Mouton van die Overbergse kusdorp Vermont boer behoorlik vooruit: Hulle produkte word reeds na Australië en die Seychelle-eilande uitgevoer; Europa en die Midde-Ooste volg binnekort; en sedert…

Sasol Voëls van Suider-Afrika deur verskeie skrywers Ses van Suid-Afrika se voorste voëldeskundiges, -gidse en -kykers – Ian Sinclair (met meer as 20 voëlboeke agter sy naam!), wyle Phil Hockey, Warwick Tarboton, Peter Ryan, Niall Perrins en Dominic Rollinson – is die skrywers van die hersiene en volledig bygewerkte vyfde uitgawe van hierdie staat-maker-veldgids, wat gelyktydig in Engels verskyn. Die sagtebandboek van net oor die 500 bladsye spog onder meer met meer as 1 000 nuwe illustrasies, omvattende dekking van die streek se voëls met hersiene verspreidingskaarte en voëlroepe wat jy nou met ’n gratis aflaaibare app kan skandeer en speel. R370 Struik Nature penguinrandomhouse.co.za 011 327 3550 WEN 1: Sasol-A Skryf só in Skryf “Winter”, gevolg deur die sleutelwoord by elke boek, in die onderwerpveld van ’n e-pos en…

Die wêreld van wors is waarskynlik groter as die wêreld self. Noem maar ’n wors en jy vertrek onmiddellik op ’n verbeeldingsvlug na ’n ander land. (Vir die afsienbare toekoms is dit al vlugte wat beskikbaar is. – Reds.) Bangers verplaas jou dadelik na ’n pub iewers op die Britse platteland; bratwurst en knackwurst vat jou na ’n sneeubedekte Duitsland; chorizo kan jou óf Spanje toe laat koers kies óf na die ander kant van die wêreld na Mexiko; daar’s nog salami en ’n rits ander soorte uit Italië en meer as een soort uit elke Europese land. Frankryk het saucisson en andouillette; Hongarye kolbász; die Pole eet swojska, szynkowa en krakowska (en nog ’n rits onuitspreekbare en onspelbare name); Oostenryk die weense worsie; Finland maak makkara; Griekeland is bekend…

Dubbelmond, Morganbaai, Oos-Kaap Geen ander plek is só diep in my wese vasgevang as Dubbelmond nie, daar waar die Quko- en Kumqotwanerivier lepellê en in die Indiese Oseaan digby Morganbaai in die Oos-Kaap uitmond. Van kleintyd af klop my hart in my keel as ons die tweespoorpaadjie uit die dorpie soontoe vat. Ek kan my nooit die trappe van verrukking voorstel van wat wag nie: Hemels, hemelser, Dubbelmond! Klokslag wanneer hierdie paradys voor my voete lê, selfs al sou dit die tienduisendste keer wees, staan ek stom oor die onvergelykbare prag wat my omvou. Skemeraand kom streel dikkopmusikante my gemoed. Twee soorte, elkeen op sy eie instrument. Die een dikkop trek sulke lang weemoedige vioolstrepe; die ander vul dit aan met rusteloser dog ewe droefgeestige sarsies op die fluit. Hulle…