Innholdsfortegnelse for 2018 i Weg! Namibië

Wye ooptes is nie almal se ding nie. Party mense hou daarvan om in ’n stad vakansie te hou. Hulle wil winkels toe gaan en by fênsie restaurante eet. Maar die meeste van ons verlang na ’n eenvoudiger, stiller plek. ’n Plek waar jy jou hart kan hoor klop, waar ’n klipperige pan met ’n enkele sebra op die gesigseinder bo die gemaal in jou kop kom lê. Suid-Afrika het ook sulke plekke: die Tankwa-Karoo, Boesmanland, die Knersvlakte… Maar Namibië is anders. Dit maak nie saak waar jy jou bevind nie: Spitzkoppe (foto bo), die C43 tussen Opuwo en Warmquelle, man, selfs op die B1 op pad Keetmanshoop toe. Jy kan byna enige plek uit jou kar klim en jy’s omring deur stilte en ’n uitsig wat strek tot waar…

Die reuk van petroldampe vul jou neusgate en jy lek stof van jou lippe af terwyl die gesanik van die hoeveelste limiter in jou ore suis. Elke nou en dan loop iemand verby met ’n donkerblou T-hemp wat in helderoranje letters vra: “Where the #@*%! is Koës?” “Kyk, daar word gesê dié is georganiseerde chaos!” vertel Rickus Vermeulen, wat agter die stuur staan van die Koës Pan Rally. Die rally word al 30 jaar lank op ’n kleipan net buite dié klein Kalaharidorp (bevolking: ± 5 000 mense) in die suidooste van Namibië gehou. Die rally het in 1985 begin toe ’n paar manne op Koës stry gekry het oor ’n onderwerp wat al sekerlik vandat die eerste bakkies gebou is, aankom: Wie s’n is nou eintlik die beste? En…

DUINEGORDEL, SKEDELKUS Die noordelike deel van Namibië se kuslyn kry sy naam van John Henry Marsh se boek Skeleton Coast, geskryf in 1944. Marsh vertel die ongelooflike storie van die reddingspoging van die Dunedin Star-passasierskip wat gestrand het langs ’n kuslyn bestrooi met walvis- en robgeraamtes. Deesdae is ’n besoek aan dié kuslyn in die Skedelkus- nasionale park darem nie so woes nie, maar dis steeds ’n grootse avontuur. Die ministerie van die omgewingsake en toerisme reik elke jaar net ’n hand vol konsessies uit aan enkele toeroperateurs om die stuk kuslyn tussen Mowebaai en die Kuneneriviermonding te verken. Die kanse dat jy jou tandarts hier tussen die duine gaan raakloop, is bykans nul. Dié foto is sowat 25 km suid van die Kunenemond geneem op ’n 4x4-toer waar jy…

Toe ek vroegoggend by Marina Kruger se garage instap, weet ek ek het by die regte persoon beland – daar is visstokke óral. Marina het oor een van ’n ry vrieskaste gebuk, ’n boks aas uitgehaal, met ’n kennersoog die stokke deurgekyk en toe ’n paar buite op haar Colt-bakkie se dakrak gaan vasstrop. En een stryk deur gesels oor hoe laat die gety instoot, hoe die wind vanoggend waai en waar ons eerste “’n gooitjie gaan maak.” Dis middel Julie en kouefronte dryf die vis weg na dieper, warmer waters. Maar Marina klink vol vertroue dat ons wel vandag iets gaan vang. Waar ons nou effe suid van Henties strandlangs by die Jakkalsputz-kampterrein verbykruie, is sy egter doodstil. Sy trap vir die hoeveelste keer die bakkie se rem, vou…

Ek het in Desember 2017 ’n groep toeriste op ’n fototoer na die Etosha- nasionale park geneem. Dit het die vorige aand in die ooste van die park gereën en ons het besluit om verder wes te reis na die droër watergate. Dié foto is geneem by Ozonjuitji M’Bari. Dis sowat 40 km wes van die Okaukuejo-ruskamp en een van die mees verlate watergate in die park. Ons het die hele dag daar gesit en leeus, renosters, olifante en honderde springbokke dopgehou. Ons het gesien hoe dié leeumannetjie uit die bos verskyn. Die meeste van die wild het spore gemaak. Die groot trop springbokke het egter rustig aanhou wei by die watergat. Hulle het heeltyd versigtig beweeg dat die watergat tussen hulle en Ta bly. Die oomblik was perfek om…

Die Kalahari loop nie dood by die grens van die Kgalagadi-oorgrenspark nie. Dié woestyn se rooi duine lê soos ’n roesbruin sinkplaat tot anderkant Stampriet naby die Hardapdam in Namibië. Die C15-grondpad volg die enigste lewensaar – die Auobrivier – binneland toe. Langs dié pad is verskeie gasteplase en lodges net ’n klipgooi van die Kgalagadi-oor-grenspark se Mata Mata-hek af. Trouens, as jy nie ’n slaapplekkie in die park kry nie, oorweeg om hier te bly en dagbesoeke te doen. Of as jy ’n vakansie na Namibië beplan via die park, rek jou tydjie in die Kalahari deur ’n paar dae by van sy mense oor te bly. Ek het al die pad uit Kaapstad gery om dié kol te besoek. Op pad het ek ’n indrukwekkende hoeveelheid stof versamel…

‘Dis waarvoor bakkies daar is,” sê Caesar Zandberg toe ons vertel van ons planne om met die Hoanibrivier langs van die grens van die Skedelkus-nasionale park tot by Etosha te stap. Caesar is die eienaar van Kunene Tours and Safaris en die Khowarib Lodge naby Kamanjab. Hy kén die Kaokoveld. Ons staan in sy kantoor in Swakopmund. Ons het iemand nodig om ons by die Amspoortkloof, die beginpunt van ons staptog, af te laai. Caesar is eerlik soos net Namibiërs kan wees, en behulpsaam. Hy reël met Ben en Anita Jooste, wat die bou (destyds) van die Khowarib Lodge oorsien, om ons af te laai. Van Swakop-mund af ry ons noordoos na Kamanjab en dan na die Palmwag Lodge. By die hek roep die sekerheidswag vir Christiaan Bakkes, die bekende…

Nes die diamante van die Skedelkus, is Ietsiemeer ook ’n rare vonds. Ietsiemeer is ’n ruim, stylvolle, gemaklike en gesellige huis wat ook die natuurskoon van die Atlantiese Oseaan en Namib-woestyn beklemtoon. Die hart van Ietsiemeer is groot leefvertrek in ’n pavilion-styl, met ’n onbelemmerde uitsig oor die strand en Atlantiese Oseaan. Die buitengewone leefvertrek met ’n stranddek het ‘n moderne kombuis met groot houttafels en diep, gemaklike banke, wat roep vir samekoms vir kosmaak en kuier. Ietsiemeer het tien slaapkamers waarvan ses en suite-dubbelkamers is wat op die strand uitkyk, en vier en suitedubbelkamers wat uitstap op ’n beskutte binnehof. Die groot binnehof met ’n braaidek en grasperk bied beskerming teen die onvoorspelbare Skedelkus-weer. Selfs vanuit die binnehof is daar ’n wye uitsig oor die Atlantiese Oseaan, met die…

Skedelkus en Hentiesbaai – Spitzkoppe – Omaruru – Karibib – Okahandja – Swakopmund – Walvisbaai – Namib-Naukluftnasionale park – Windhoek – Dordabis – Gobabis – Khomas Hochland – Rehoboth – Uhlenhorst – Solitaire – Sesriem, Sossusvlei en Naukluftberg – Maltahöhe – Mariental – Stampriet – Gochas – Aranos en Kalahari – Betta en Duwisib MIDDEL SE GRENSPOS 1 NAMIBIË – BOTSWANA Trans-Kalahari – Mamuno 7 vm.-middernag 00 264 62 560 404 SKEDELKUS EN HENTIESBAAI 1 St Nowhere Spa and Campsite Dis 110 km noord van Hentiesbaai en 7 km noord van Myl 108 en gewild onder vissermanne. Kamp: vanaf R350-R550 p.n. (maksimum van 5 mense, R70-R110 per ekstra persoon). Die seefront-staanplekke met krag en staanplekke met private ablusie kos duurder. Die vyf bungalows wissel in grootte. Elkeen het ’n toegeruste…

Hartbreekpas noem hulle hom, dié warboel van groot wit rotsblokke waaroor ons nou al ’n geruime tyd klouter. Doer onder lê vanoggend se skurwe klipbanke – kompleet soos ’n olifant se vel; boontoe reik die kranse reg rondom ons helderoranje na die hemele. Agter die dolomiet-en kalksteenkolosse wag ’n landskap vol bergspitse en diep canyons met ondergrondse waterweë wat die Naukluft se rotslae oor eeue heen al wegvreet. Dis ’n haas ondeurdringbare oerland hierdie. Ek wonder vir die hoeveelste keer: Wat maak ek hier? Ek is nie ’n stapper nie! Kýk net hierdie mense: Matthew en sy verloofde, Louise, en hulle vriende, Wayne en Michael, is vrywilliger-brandbestryders – hulle hol hoeveel keer elke somer met swaar toerusting op die rug die Wes-Kaap se brandende berghellings tegemoet. En Dené is pas…

Annamaré en vriende van haar het ’n sirkelroete deur Angola gery van Lephalale af via Namibië en Botswana – sien die kaart op bl. 81. Ons sluit by hulle aan by die Oshikango-grenspos in Namibië. DAG 1 Ná drie uur by dié grenspos is ons op pad. Anderkant die dorpie Ondjiva in Angola maak ons jaffels vir middagete onder ’n kremetartboom. Ná middagete ry ons verder en stop twee keer om ou Russiese tenks af te neem. Op die dorpie Chibemba kom ons die eerste van vele padblokkades teë. Die polisie vra vriendelik vir paspoorte en die voertuie se tydelike invoerpermitte, waarna ons verder ry. Die pad bly mooi tot waar ons aftrek en in ’n steengroef oornag. DAG 2 In die stad Lubango kry ons nie die pad na…

Kaokoveld en Kunenerivier – Opuwo – Oshakati en Ongwediva – Rundu en Okavangorivier – Puros – Sesfontein en Warmquelle – Skedelkus- nasionale park – Palmwag – Kamanjab – Etosha – Tsumeb – Otavi – Grootfontein – Tsumkwe – Twyfelfontein – Khorixas en Vingerklip – Otjiwarongo en Waterberg – Brandberg en Uis – Caprivi: Okavangorivier – Caprivi: Kwandorivier – Caprivi: Choberivier – Caprivi: Zambesirivier NOORDE SE GRENSPOSTE NAMIBIË – BOTSWANA 1 Tsumkwe – Dobe 7.30 vm.-4.30 nm. 2 Mohembo – Shakawe 00 264 66 259 913; 6 vm.-6 nm. 3 Ngoma – Kasane 00 264 67 620 0050; 7 vm.-6 nm. 4 Kazungula-pont (tussen Botswana en Zambië) 00 264 67 625 0320; 6 vm.-8 nm. NAMIBIË – ZAMBIË 5 Wenela – Sesheke 00 264 66 253 153; 6 vm.-6 nm. NAMIBIË…