Innholdsfortegnelse for 2016 i Weg! Namibië

Wanneer jy kamp, is jy dadelik nader aan moederaarde. Met die tentflap oop, sypel die natuur saans binne op die rug van ’n koel luggie. Soms sypel ’n muskiet saam in, maar die wêreld is helaas nie perfek nie. Tog is dit lekker om jou hande vuil te kry deur hout te kap of tentpenne in die grond te hamer of die tjops sonder ’n braaivurk om te draai... en jou hande aan jou broek af te vee. Dis egter belangrik om sekere geriewe te hê: lopende water, warmwaterstorte, ’n piekniektafel en elektrisiteit. Dit help ook om vooraf te weet of die kampplek wat jy kies, wel so spoggerig lyk soos in die foto’s op die webwerf. Is daar gras of sand onder jou voete? Moet jy vellies inpak of…

Pryse. Ons lys blyplekpryse om ’n idee te gee van die prysklas en soorte akkommodasie beskikbaar. Ons lys gewoonlik net die goedkoper pryse. Raadpleeg blyplekke vooraf direk om seker te maak of pryse nie dalk gestyg het nie. Noem dat jy ’n Suid-Afrikaner is wanneer jy bespreek – SAOGburgers kry dikwels afslag. Vra ook oor buiteseisoenpryse en afslag vir kinders. Geld. Ons pryse word in rand aangedui – dis gelykstaande aan die Namibiese dollar en jy kan dit oral gebruik. Reis met ’n verskeidenheid bankkaarte (MasterCard, Visa en Maestro) omdat sommige OTM’s en betaalpunte nie vir alle kaarte werk nie. Reis met kontant in afgesonderde dele waar daar nie elektroniese betaalpunte is nie. Foonnommers. Indien jy uit Suid-Afrika bel, onthou om altyd die internasionale kode 00 264 voor elke nommer…

OGGEND 8 vm. Eet vroegoggend ontbyt by jou gastehuis – ek het by die Kairos Cottage gebly, en hulle mág maar omelette maak. Vaar dan op die Zeepaard-katamaran, rondom Diaspunt na Halifax-eiland. Neem jou lang lens saam om brilpikkewyne en Kaapse pelsrobbe af te neem en geniet die ratse Heaviside-dolfyne se toertjies digby die katamaran. (R400 p.p. minimum 2 mense vir 8 vm. toer, latere toere minimum 6 mense. Gratis vir kinders jonger as 12. 00 264 81 604 2805) 11 vm. Sorg dat jy betyds is vir die begeleide toer van sowat 45 minute by die legendariese spookdorpie Kolmanskop, 10 km buite Lüderitz. Die toer (R85 p.p. en R50 vir kinders 6-14 jaar oud) gee jou ’n interessante oorsig van die geskiedenis, diamantbedrywighede en mense wat eens hier gewoon…

OGGEND 6.19 vm. Dis daeraad hier by die Ngepi Camp op die oewer van die Okavangorivier. Wat het my wakker gemaak? Die nurk van ’n seekoei? Die reuk van koffie? Hier’s ’n vuis vol goeie kampplekke langs hierdie stuk rivier, maar Ngepi bly ons gunsteling. Hoekom? Dit voel net rég hier... 8.23 vm. Ná ’n vinnige ontbyt (koffie en beskuit), ry ons na die Mahango-wildreservaat. Die ingangshek is net 10 km suid van Ngepi op die C48. Dié park is eintlik deel van die veel groter BwaBwata- nasionale park (wat strek van die Okavangorivier tot by die Kwandorivier), maar Mahango is die toeganklikste deel van hierdie superpark. Dis ook goedkoop om in te gaan (R30 p.p. vir Suid-Afrikaners, plus R10 per voertuig) én jy’s gewaarborg om baie diere te sien.…

DAG 1 SPITZKOPPE Die mees fotogeniese plek in die ganse Namibië? Ons dink so! Daar’s goeie rede hoekom Spitzkoppe op die voorblad van hierdie gids verskyn: dis ikonies. In ’n land waar fotogeleenthede om elke hoek en draai vir mense en hulle lense wag, is dit dalk die plek waar jy die heel meeste kiekies gaan kiek. Dis ook die perfekte plek om jou Damaraland-blitstoer te begin. Jy sien Spitzkoppe van ver, maak nie saak van watter kant af jy aankom nie. Spitzkoppe is wat hulle in die aardrykskundeboek ’n inselberg noem – met ander woorde, ’n rotsmassa wat op sy eie uittroon bo ’n andersins plat landskap. Afhangende waarvandaan jy vertrek het, sal jy gewoonlik in die middag by Spitzkoppe aankom. Jy betaal toegangsen kampgeld by die hek. Dis…

DINGE WAT JY MÓÉT HÊ Paspoort. Dit moet vir nog ses maande of meer geldig wees van jou vertrekdatum uit Namibie af en moet minstens twee skoon bladsye he. Sertifikate. Kinders jonger as 18 moet ’n volledige geboortesertikaat he om die grens oor te steek. Rybewys. Jou Suid-Afrikaanse een is geldig in Namibie – hou dit byderhand. Voertuigregistrasiedokumente. Afskrifte van hierdie dokumente is goed genoeg. Onthou ook die dokumente vir jou sleepwa of karavaan. Magtigingsbrief. As jy nog aan jou kar afbetaal, moet jy ’n brief van die bank he wat jou toestemming gee om die kar oor die grens te neem. Indien jy iemand se kar leen, moet jy ’n ondertekende toestemmingsbrief van daai persoon kry. Die brief moet die kar se regitrasienommer, die eienaar se naam en ID-nommer,…

HENTIESBAAI EN DIE SKEDELKUS 1 St Nowhere Dis 110 km noord van Hentiesbaai en baie gewild onder vissermanne. Kamp: R350 per staanplek per nag (tot 5 mense; R70 per ekstra persoon). 5 selfsorghuise (met gasstoof, yskas): R600 per nag (tot 4 mense) of R1 200 per nag (tot 8 mense, groter huis). Ekstra mense: R150 per dag. Hierdie tariewe geld almal buite seisoen. Tydens piektyd (Desember -Januarie) geld hoër kamptariewe ook. Hout, vleis en ys is op aanvraag beskikbaar. GPS S21.38123 E13.77015 Kontak 00 264 81 124 0879; 00 264 81 252 9422; stnowhere@mtcmobile.com.na 2 Kaap Kruis-reservaat Die kampterrein is sowat 1 km noord van die robkolonie. Toegang vir dagbesoekers R60 p.p. en R10 per kar. By die kampplek is 5 platforms met effense beskutting teen die wind. Bring jou…

As kind begin jy na die huis verlang as jy te lank op een plek vakansie hou. Jy mis jou speelgoed, jou maats, die hond en jy wonder of die tannie langsaan genoeg saagsels in Cuddles se hok neergesit het. Cuddles is jou hamster. Hy en Goliat (die hond) hou nie van mekaar nie. Dit bekommer jou. Maar as volwassene hou jy soms so lekker vakansie dat jy nooit wil teruggaan huis toe nie. Want by die huis is jy en die hamster sielsgenote. Jy voel die meeste van die tyd self soos Cuddles wat voluit hardloop om die wiel aan die tol te hou. Tussen die huisverband, motorpaaiement, skoolgeld, spitsverkeer en ’n baas wat met ’n siniese laggie sê hy’s jammer om van jou *&^ te hoor, stroom die…

Dis net buite Bitterfontein in die Noord-Kaap wanneer ’n SMS uit die suide van Namibië my bereik: “Kan ek skaapnek of -blad of krummelskaaptjops vir jou bedien vir aandete? Jy moet ’n mooi dag hê en mooi pad. Groete. Kinna. Withuis.” Die vooruitsig van Namibiese gasvryheid en van die beste skaapvleis op die planeet laat my met ’n glimlag voet in die hoek sit op die N7 in Noordoewer se rigting. My plan is om die gebied oos van die B1 tussen Grünau, Karasburg, Aroab en Keetmanshoop te verken. Ek praat dus van die geweste rondom die Groot-Karasberg wat uit die ooste opdoem soos jy daardie stomvervelige 160 km op die B1 tussen Grünau en Keetmanshoop aandurf. Vir die eerste twee aande van my toer het ek bespreek by Dolf…

Reeds vroeg in 2015 begin ek, my man, Paul, en vier vriende beplan aan ’n wintervakansie saam. Ek was as kind ’n paar keer in Namibië en wil dit graag weer sien. Ek onthou die glasbotteltjies Coca-Cola by die kroeg in die Grünau-hotel, ’n jag op ’n Gobabis-plaas, en my ma se voorlesings uit Soogdiere van Suider-Afrika terwyl ons in Etosha rondry. Werksverpligtinge beperk ons tot ’n uit en tuis (van Kaapstad af) van 14 dae. Ons besluit op ’n hoofweggebonde roete tot so ver noord as Etosha en dan ’n talmende terugkeer via Damaraland, Swakopmund, Sossusvlei en die Visriviercanyon. Ons beplanning vorder aanvanklik stadig. Inligting op die internet is yl, ek hou nie van kamp nie en baie van die ander verblyf val buite ons prysklas. Uiteindelik kom ons…

Jy het ’n 4x4 nodig en jy moet weet hoe om hom te ry. Jy moet nie bang wees vir sand nie. Jy moet bereid wees om teleurgesteld te wees in wat jy sien – wat ook beteken dat jy gereed moet staan om aangenaam verras te wees. Verder het jy ’n GPS nodig, ’n paar koue Cokes, en ’n sakkie met neute, droëvrugte en droëwors. Dan is jy gereed vir hierdie reis na die yl bevolkte noordooste van Namibië. Dit is ’n streek met intimiderende name. Praat van “die Khaudum” en iemand op ’n 4x4-forum sal jou maan teen die dik sandpaaie. Die Omatako-omuramba (“omuramba” is ’n Herero-woord betekende “droë rivier”) is weer ’n stofbad. Die Pannetjiesveld klink dalk vrolik, maar as jy daar kom, besef jy dis ’n…

HELMERINGHAUSEN EN TIRASBERG 1 Gunsbewys Aan die rand van die Namib langs die mooi D707-roete. Die eienaar kan jou op ’n vroegoggend-duinediertjieverkenningstog neem – R150 p.p. Hier is 2 staanplekke, geen krag: R130 p.p. Selfsorg vanaf R357 p.p. Etes beskikbaar (ontbyt R150, aandete R250) maar bespreek vooraf. GPS S26.18322 E16.35651 Kontak 00 264 63 683 053 (Gertrud, skakel saans); office@kidogo-safaris.com (besprekings); grabnergertrud@gmail.com; Peter.Graebner@web.de 2 Namtib-biosfeerreservaat Een van die mooiste blyplekke langs die D707-roete en een van ons 20 top-kampplekke – sien bl. 13. 3 Koiimasis Op dié plaas van 6 000 hektaar kan jy bergklim, perdry (enigiets van uur lange ritte tot driedag-ekspedisies), nagwildritte doen en sterrekyk. Toeganklik van die D707 af, teen die berg geleë. Kamp (5 staanplekke) kos R160 p.p. (kinders jonger as 12: R80 p.p.). Die lodgekamers…

GEMEENSKAPSKAMPE Verskeie kampe Veral Kaokoland en Damaraland het heelwat gemeenskapskampe. Hierdie kampe kom en gaan soms met die seisoene. Jy kry hulle nie maklik op die foon in die hande nie, maar jy kan bloot opdaag, inry en aanmeld – iemand sal jou weldra kom help. KAOKOLAND EN KUNENERIVIER 1 Epupa Falls Lodge Sien ons kampplekke-storie op bl. 19. 2 Omarunga Lodge By die Epupa-waterval langs die Kunenerivier. Kamp: R135 p.p. Lodgeverblyf: vanaf R1 480 p.p. wat deel (aandete en ontbyt). Kinders jonger as 12: halfprys. Restaurant en swembad. Reël Himbatoere (R560 p.p.), krokodilstaptogte en sonsondergangritte (elk R195 p.p.) van hier. GPS S17.00241 E13.24617 Kontak 00 264 81 620 6887; omarungalodge.com 3 Epupa Camp ’n Mooi kamp 1 km stroomop van die Epupaval. Kamp (6 staanplekke, elk met eie ablusie):…

Ek en my man, Cecil, is pensioentrekkers van Swakopmund en gaan een keer per jaar met vakansie. Vir die laaste vyf jaar gaan ons elke slag Etosha toe. Een van die redes is dat jy elke keer iets unieks daar beleef. Die nuwe(-rige) Dolomietkamp in die weste van die park is ons gunsteling. Daar is nie baie mense nie en die wildkyk is goed. Ons ry nooit heeldag rond nie, maar sal soms ’n volle dag by één watergat wag. Al die diere moet kom drink, en daarom sien jy verskeie spesies deur die loop van die dag. Daar was niks – behalwe hierdie swartaasvoël – toe ons dié oggend by Klippanwatergat aankom nie. Hy het seker sowat 100 m van ons af gestaan, klaar gedrink en toe sy vlerke…