Innholdsfortegnelse for 29 May 2020 i Vrouekeur

Waar begin ek as dit die einde is? Op Maandag 4 Mei 2020 is die mat onder ons voete uitgeruk en ons snak nog na ons asem. Daardie oggend om 10:00 het ons redakteurs en bestuurders die nuus gekry dat Caxton Tydskrifte toemaak. Bot toe. Binne 20 minute was als verby. Net so. Tjoef. Dié rimpeleffek van die bom wat daai oggend gebars het, is soos die naskokke wat ’n atoombomontploffing in werking sit. Volgende aan die beurt was die spanlede aan wie ons die boodskap moes oordra – in opdrag stiptelik om 10:00 die volgende oggend. Die vryskutjoernaliste was volgende aan die beurt, maar voor ek hulle kon laat weet, was die nuus al oral op sosiale media ná die uitreiking van Caxton se persverklaring vroeër die oggend. Intussen…

LEAH Dié sangeres en voormalige Boer soek ’n vrouaanbieder Leah glo aan ’n goeie sonroom. “Ek het nooit besef hoe belangrik dit is om elke dag sonskerm te dra nie, maar ek het dit sommer vinnig by my roetine ingepas en daar gaan nie ’n dag verby wat ek nié sonroom aansmeer nie – al reën dit!” Sy gebruik Nimue SPF 50 al langer as twee jaar en hou daarvan dat dit haar vel glad nie olierig maak nie. “Ek kan dit daagliks onder my vogroom en grimering dra en dit ruik vars. Dit help om my pigmentasie te beheer en is voorwaar ’n wenproduk – ek was nog nooit so gelukkig met my vel soos nou nie.” By sekere salonne beskikbaar AMORE Radio-omroeper en aanbieder Amore Bekker gebruik die Environ-reeks.…

Meer as 519 370 ton plastiekafval is in 2018 in Suid-Afrika vir hergebruik versamel, waarvan 70% uit stortingsterreine en ander postverbruikerbronne herwin is, sê Plastics SA se 2018-verslag. Hierdie herwinning het tot ’n geraamde R2 267 miljoen-inspuiting in die ekonomie gelei terwyl dit 7 892 formele werke help behou en die vrystelling van 246 000 ton koolstofdoksied voorkom het. Ons gesels met drie vroue wat hul deel gedoen het om hiermee te help … MATTE VOL KLEUR Sy het nooit leer lees en skryf nie, maar van hekel en kreatiwiteit kan jy Caroline Jooste (72) van Sea Vista in St Francisbaai nie veel vertel nie. Met haar hekelnaald omskep hierdie pensioenaris gewone plastieksakke in interessante, veelkleurige matte. Caroline vertel sy het as kind by haar “oompie” leer brei en by…

VANIELJEKOLWYNTJIES MET SJOKOLADENESSIES 12 kolwyntjies BESTANDDELE 210 ml (200 g) botter, kamertemperatuur210 ml (200 g) strooisuiker10 ml (2 t) vanieljegeursel4 groot eiers375 ml (200 g) koekmeel10 ml (2 t) bakpoeier SJOKOLADEVERSIERSEL 2 plakke (160 g) melksjokolade155 ml (150 g) botter, sag565 ml (300 g) versiersuiker15 ml (1 e) kookwater1 eiergeel2 Flakes2 pakkies gespikkelde eierlekkertjies METODE Voorverhit oond tot 160 °C en pak 12 kolwyntjiepapiere in kolwyntjiepan. 1 Klop botter en suiker tot lig en donsig. Gooi vanieljegeursel by en klop verder.2 Voeg eiers een vir een by en klop ná elke byvoeging.3 Sif meel en bakpoeier by mengsel en vou in tot goed gemeng.4 Skep beslag in kolwyntjiepapiere.5 Bak vir 20 minute tot goudbruin en gaar. Haal uit oond en laat afkoel.6 Versiersel Smelt sjokolade oor kookwater en hou eenkant.7…

DANKIE, LANCE JAMES! Lance James Liebenberg, geliefd bekend as die “Big Daddy” van countrymusiek, was kindertyd saam met Min Shaw my helde en gewildste sangpaar. Ek onthou die fliek Danie Bosman (met Min Shaw en Franz Marx, wat met Lance se sangstem gesing het) en die rolprent Lindie (waarin hy gespeel het en die titellied gesing het). Ek onthou sy reuse-treffers Dankie en Vicki en die duet-albums Aandlied van die voëls en Bymekaar. Ek het daardie albums met sakgeld gekoop wat ek verdien het deur naweke by oom Hennie van Rooyen se juweliers- en platewinkel op Riversdal te werk. Ek het as seuntjie die voorreg gehad om ’n konsert van hulle by te woon. Lance was ook ’n omroeper en ek het gereeld na sy luisterryke stem in sy programme,…

Ronelda Kamfer se gedigte is woedend, sarkasties en skerp. En juis daarom is hulle so onthutsend en onignoreerbaar. Jy kan jou deur die woede laat opsweep, jy kan geskok wees daardeur, jy kan jou daarvoor vererg, jy kan dit probeer rasionaliseer, maar jy kan dit nie ignoreer nie en jy kan dit nie vergeet nie. Chinatown is Kamfer se jongste bundel. Sy is hierin op haar skerpste, maar sy openbaar ook ’n poëtiese vaardigheid en verskeidenheid van tegnieke wat besonderse trefkrag aan haar gedigte verleen. ’n Gesonde sinisme deurtrek die bundel en slaan goedkoop Dale Carnegie-power-of-positive-thinking-boodskappe bloedneus. Geen “mooi” gedigte oor ’n geromantiseerde wêreld of die idealisme van ’n reënboognasie kom in Kamfer se bundel voor nie. Daardie valsheid word vergelyk met die “Chinatown” se “fake wealth die shiny kak…

MOEILIKHEIDSGRAAD: ★ BENODIGDHEDE COTTON CANDY 4-draad (200 g-balle) 8 balle in Kleur 02 (skakerings van blou, beige en bruin) 4 mm-naalde 4 mm-hekelnaald AFKORTINGS E/af = end af r = regs rVa = regs voor en agter in steek r2tes = regs 2 steke tesame ste = steke GROOTTE Pas enkelbed Vierkante: 35 cm x 35 cm Deken: 140 cm x 175 cm PATROON Vierkant (maak 20) Stel 1 st op. Ry 1: rVa in st (= 2 ste). Ry 2: rVa, r1 (= 3 ste). Ry 3: rVa, r2 (= 4 ste). Gaan só voort tot 96 ste. Vlg ry: r1, r2tes, r tot einde. Herh laaste ry tot 2 ste. Vlg ry: r2tes. E/af. VOLTOOI Kies een van die kleure op die bal breidraad en hekel die blokke…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Die maatskappy Fedex het ’n advertensie gehad wat hulle op die fliek Castaway geskoei het. In die fliek is Tom Hanks ’n Fedex-werker wie se maatskappyvliegtuig val en hom alleen op ’n eiland gestrand laat. In die advertensie gebruik hulle iemand wat soos die gehawende Tom Hanks lyk wat met ’n pakkie in sy hand by ’n huis aanklop. Wanneer die vrou die deur oopmaak, verduidelik hy dat hy vier jaar op ’n verlate eiland oorleef het en gedurende daardie hele tyd het hy die pakkie gehou om dit uiteindelik vir haar af te lewer. Sy sê dankie, maar hy is nuuskierig oor wat in die pakkie is. Hy sê:…

Altus Theart en Zetske van Pletzen se loopbane vleg al jare ineen en tans is hulle albei in die kykNET-sepie Getroud met rugby (GMR) te sien. Hulle is passievol oor hierdie sepie waarin hy die rol van Fafa en Zetske die rol van sy skoonsuster Julia vertolk. “Ons het al in die verlede in Kruispad boetie en sussie gespeel en in Bloedbroers was ons man en vrou,” gesels Zetske. “Altus is al van die heel eerste episode van GMR af deel van die rolverdeling toe dit nog ’n reeks was – dit is nou al aan en af vir tien jaar. Dit is die langste nog wat hy dieselfde karakter gespeel het.” Hulle gesels oor nog gedeelde passies: HUWELIK Die huwelik is die eenwording van twee mense wat weet hoe…

Jeff Coetzee se opmars vanuit die klein dorpie Okiep na die wêreldverhoog van tennis, lees soos ’n sprokie. ’n Sprokie wat harde werk, sweet en deursettingsvermoë gevra het, maar uiteindelik tot die boonste sport van die suksesleer as afrigter gelei het. Jeff is tans die afrigter van die nommereendubbelspaar in die wêreld, Robert Farah en Juan Sebastián Cabal. Die Colombiane het ná hul Amerikaanse Ope-sege in New York, die jaar in die topposisie op die wêreldranglys afgesluit en ons eie Jeff Coetzee sit saam met hulle op daardie gesogte goue plek. Vir Jeff het dit alles in die stofstrate van Okiep begin toe hy as agtjarige ’n raket opgetel het. As die jongste van agt kinders onthou hy hoe hulle Wimbledon op TV1 gekyk het. Dit was ook die enigste…

AANLYN HULP Ons het ’n paar oulike webwerwe opgespoor wat kinders vermaak en leer: ▸ Google bied gratis virtuele toere van meer as ’n 1 000 museums. Gaan na https://artsandculture.google.com/pro-ject/virtual-tours▸ Die webwerf www.brainpop.com gee gratis toegang tot sekere vakke.▸ Besoek www.funbrain.com vir breinspeletjies vir kinders van graad 1 tot 8.▸ Die webwerf www.kidsdiscover.com het lekker leesstof vir kinders van ses tot 14.▸ Laat die kinders virtueel reis. Jy kan op hierdie webwerf ’n virtuele paspoort kry en die wêreld sien: http://wowtravelagency.com/virtualfieldtrips▸ Google “Educational Netflix programmes for children” vir ’n lys.▸ Die webwerf www.natgeokids.com/za leer kinders meer oor ons natuur.▸ Die webwerf www.allkidsnetwork.com het baie oulike aktiwiteite om kinders mee besig te hou. Daar is ook werkkaarte en kunsblaaie wat mens vir hulle kan aflaai. Besoek www.mieliestronk.com vir interessante onderwerpe.▸ Besoek…

Louise Henning het haar aanvanklik in musiek uitgeleef en het van ’n vroeë ouderdom af liedjies op gehoor gespeel. “Ek het sommer gou met klavieronderrig begin. Tot op 17-jarige ouderdom het dit my smiddae ná skool goed besig gehou.” Ongelukkig is kuns nie aangebied by die skool in Bloemfontein waar sy skoolgegaan het nie. “Intussen het ek geskets en met waterverf geëksperimenteer. My eerste regte kunslesse het ek ná matriek op Nylstroom by ’n onderwyser en kunstenaar, Willie Neser, gehad.” Haar ouers het voorgestel dat sy ná skool onderwys studeer, maar sy het besluit om ’n sekretariële kursus te volg. “Die getroude lewe en kinders grootmaak het sy eie verantwoordelikhede gebring en tyd vir kuns was net te min. My klavieronderrig het egter baie jare goed te pas gekom by…

Ietsie soets Fair Cape Dairies se heerlike nageregreeks word van vars vrugte gemaak en is hormoonvry. Kies uit koejawel, gemengde bessies of gestoofde vrugte met ’n lagie vla en witsjokolademousse, R9,99 elk. www.faircape.com *Pryse onderhewig aan verandering VERLIG DAAI HOES Pholtex Bronchostop kan deur die hele gesin gebruik word. Dit beloof om ’n nat of droë hoes te verlig. Kinders van een jaar oud af kan dit gebruik. Dis in ’n stroop asook in suigtablette by apteke beskikbaar. LEKKER EN GESOND Gee jou kinders ’n gesonde happie om aan te smul. Happy Kid Fruit & Oats Bars is glutenvry en bevat geen bygevoegde suiker of preserveermiddels nie. Dit is ’n kombinasie van volgraanhawermout, lynsaad en organiese vrugte met ’n tikkie kaneel. Die vesel daarin sorg vir ’n goeie verteringstelsel en…

STROMING ALL THE BRIGHT PLACES 7/10 Met Elle Fanning en Justice Smith Regisseur Brett Haley LIEFDESDRAMA Tienerselfmoord is ’n gevoelige kwessie, veral wanneer ’n vrou nie sonder haar oorlede suster kan oorleef nie, en haarself vir haar suster se dood verantwoordelik hou. Verwyte, die rede dat sy haar lus vir die lewe verloor het en sieldodende eensaamheid word ondersoek. Dit is waarmee Violet (die briljante, sensitiewe Elle Fanning) worstel wanneer sy besluit om van ’n brug af te spring. Maar ’n outjie (Justice Smith as Theodore) keer haar. Van hier af smelt hul paaie saam en begin albei verwoeste siele troos by mekaar soek. Maar kan die vriendskap hulle ook vernietig? Moenie ’n gewone tienerdrama vol liefdesclichés verwag nie. Hierdie een sny dieper as dit, veral vir tieners wat met…

Conré van der Westhuizen woon die afgelope twee jaar in die skaduwee van Tafelberg in ’n tweeslaapkamer.-woonstel op die derde verdieping van ’n Claremont-woonstelblok. Hy is die operasionele bestuurder vir ’n restaurantgroep, Ecco Il Caffe. “Hierdie woonstel is my 18de blyplek vandat ek in die Kaap woon. My vorige plek was ’n skakelhuis in Observatory, wat nie baie natuurlike lig gehad het nie. Die mure was wit en daar was houtvloere deur die hele huis. In my nuwe woonstel het ek die teenoorgestelde idees toegepas – donker mure met donker afwerkings omdat hier baie lig is,” vertel hy. Conré beskryf sy tuiste se styl as donker met ’n sagte streep – ’n mengsel van oudhede en nuwe kleur wat deel van die dekor vorm. Die boomryke buurt, koel temperature en…

Vir amper twee weke van die inperking het ek niks gedoen nie. En met niks bedoel ek, niks wat ’n bydrae tot die samelewing gemaak het nie. Ek was, soos Moeder altyd gesê het, ’n nul op ’n kontrak. Ek het die gewone dinge gedoen wat mens doen om te oorleef. Drink tee, lees die koerant, bad, maak kos en eet, was die skottelgoed, lees, maak die tuin nat, kyk televisie en gaan slaap. En môre het ek dit herhaal. Tussendeur het ek lang gesprekke op WhatsApp met verskeie vriendinne gevoer. Maar elke keer wanneer my skuldige gewete my herinner dat ek skryfwerk het om te doen, was daar altyd ’n verskoning byderhand. ’n Ligte hoofpyn, ’n bietjie sinus, enigiets om die niksdoen net verder uit te rek. Terwyl ek…

Affodille en tulpe is sekerlik van die mooiste bolplante wat daar is, maar mens moenie van hul families vergeet nie. Daar is talle bolplante, veral ons inheemse spesies, wat op ’n plekkie in tuine wag. Die veranderinge wat herfs aan die natuur bring met ’n koeler klimaat laat groene na koper en goud verander en herinner ons dat dit tyd is om vir die aarde se herontwaking gereed te maak. Dis nou die tyd om die kleurtemas vir jou tuin vir laatwinter en lente te kies. Wanneer jy die meeste kleur in jou tuin nodig het, verras bolle jou met ’n kleureskouspel soos min. Min plante is so belonend soos ’n bolplant: Dink net aan hoe mooi selfs ’n enkele blom is of die kleurefees wat ’n bedding vol blomme…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 13 woorde, goed 16 woorde, baie goed 19 woorde of meer, uitstekend OPLOSSING: Watervoor, oorvra, verrot, verwar, voorwa, overt, ravot, voert, voort, vraer, vaer, veto, voer, voet, voor, vore, vort, vrat, vro. Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of…

Toe ek Annelisa Weiland by die ateljees van Suidooster ontmoet, begin die gesprek met ’n bekentenis. Ek soek haar pampoenkoekieresep wat ek jare gelede in ’n tydskrif gesien het. Dis die enigste keer dat my pampoenkoekies nié ’n flop was nie, maar intussen het ek die resep verloor. Sy lag tog te lekker. “Pampoenkoekies? Goeiste, nee, my darling, ek kan jou nie help nie. My ouma Suzy het die lekkerste pampoenkoekies gemaak, maar ek het my eendag so ooreet daaraan dat ek nooit weer my mond daaraan gesit het nie. “Ek dra géén kennis van dié resep of liewer énige resep nie. Ek’s glad nie ’n kok nie. Ek hou daarvan om te onthaal en goedjies aanmekaar te slaan, maar terwyl party mense dit terapeuties vind om te kook, vind…

Al toer Jeff baie, is sy permanente adres nou op Somerset-Wes waar hy, sy vrou, Mauricia, en agtjarige dogter, Gabriella, woon. “Ek is baie dankbaar oor hoe my vrou my ondersteun sodat ek my droom kan uitleef. My dogtertjie hou my op my tone en ek mis haar baie as ek weg is. Ek wil deel van haar lewe wees en probeer om elke dag te Skype as ek oorsee is. Wanneer ek wel by die huis is, maak ek baie tyd vir my gesin en ons gaan graag na al die markte in die omgewing.” Vir ontspanning hou hy van lees, om TV-reekse te kyk en om kok te speel. Jeff voel sterk daaroor dat hy nooit sy kind sal dwing om tennis te speel nie, maar dat hy…

LIGGAAM HERSKEP Met nuwe tegnologie kan velselle in enige element van enige orgaan in die liggaam omskep word. Sover is dit net op diere getoets en die uitslag was in 98% van gevalle suksesvol. Toetse op mense neem binnekort ’n aanvang. Een voorbeeld is dat die verweerde kraakbeen in knieë bloot herskep kan word, wat operasies en die gebruik van pynmedikasie sal uitskakel. CHIRURGIESE WONDERGOM ’n Sterk, vormbare hegmiddel is nodig om organe en wonde toe te werk. ’n Slak het dalk die oplossing. Navorsers het gevind ’n bruin skulplose slak skei so ’n sterk slymdraad af as dit bedreig word. Hulle het dit met ’n hidrojel nagemaak en werk nou daaraan om dit bio-afbreekbaar te maak. Bloedtoets vir borskanker ’n Bloedtoets is ontwikkel wat potensieel borskanker kan opspoor tot…

AARTAPPELDRIEHOEKIES MET SPEK EN ASPERSIES 4 porsies BESTANDDELE 4 aartappels, saggekooksout en peper30 ml (2 e) botter200 g (1 pakkie) repiespek, gebraai200 g (1 pakkie) aspersies125 ml (½ k) suurroom METODE 1 Rasper aartappel met growwe kant. Geur met sout en peper.2 Smelt botter in pan en versprei aartappels daarin.3 Braai liggies en draai om, braai verder tot goudbruin.4 Keer aartappels uit en sny in driehoeke.5 Braai spek tot goudbruin en bros.6 Kook aspersies in bietjie water met sout tot net sag.7 Sit spek op aartappeldriehoekie met aspersies en eetlepel suurroom bo-op. SLAAIHORINKIES 4 porsies BESTANDDELE 400 g (1 rol) skilferkorsdeeg90 g (1 pakkie) blaarslaai50 g (½ pakkie) gerasperde beet50 g (½ pakkie) gerasperde wortel4 eiers, hardgekook80 ml (⅓ k) 1 000 Island-sous METODE Stel oond op 180 °C. 1…

Covid-19 het reis nou onmoontlik gemaak, maar ons glo ná elke storm skyn die son weer. Ons sal weer kan reis en hier is solank ’n stad wat jy op jou lys kan sit vir wanneer die wêreld weer begaanbaar is Soos met ons vorige besoek aan Istanboel, bly ons weer in die Sultanahmet-distrik in ’n baie eenvoudige hotel, maar dis lekker sentraal geleë. Met die reën wat vir die duur van ons verblyf aanhoudend neergiet, die wind wat stormsterk waai, die strate met stukkende sambrele besaai lê en ons klappertand en nat op die trems klim, is ligging belangrik! Sultanahmet is in die Europese deel van die stad. Dié distrik is nie net die tuiste van die Blou Moskee, Hagia Sophia, die Topkapi-paleis en die Grand Bazaar nie, maar…

Grayson Perry, die Britse kunstenaar wat in 2003 die gesogte Turnerprys in die gedaante van sy alter ego, Claire, ontvang het, het pas ook die Nederlandse Erasmusprys ontvang. Dié prys is die Nederlandse ekwivalent van die Sweedse Nobelprys. Die prys word jaarliks aan ’n persoon of ’n instelling toegeken wat ’n uitsonderlike bydrae tot die geesteswetenskappe, sosiale wetenskappe en kuns lewer. Die tema by die oorweging van die toekenning vanjaar was “die mag van die beeld in die digitale era”. Volgens die beoordelaars het Perry daarin geslaag om met ’n eiesoortige visuele taal vorendag te kom wat “benadruk dat kuns aan almal behoort en nie ’n elitistiese bedryf is nie”. Perry is primêr ’n keramiekkunstenaar, maar sy vaardighede sluit ook houtdrukwerk, tapisserieë, rokke en beelde van gietyster in. Een van…

DOGTER IS ’N SLONSKOUS Ek het twee tienerdogters. Een is hipernetjies en perfeksionisties en die ander een is al die jare ’n regte slonskous. Alles tuimel uit haar kaste, skoon en vuil is deurmekaar en as jy die kamerdeur oopmaak, sien jy nie eens die bed nie. Praat, omkoop, straf en hok help niks. Afgesien daarvan is sy ’n baie goeie kind en sy is ook baie kreatief. Hoe gemaak? Vreemd soos dit mag klink, vind sommige mense wel orde in chaos. Jy beskryf dogters wat van mekaar verskil wat hul persoonlikhede betref, wat ’n goeie ding is. Hulle ontwikkel hul eie unieke onafhanklike identiteite. Jou een dogter is kreatief terwyl jou ander dogter in ander aspekte uitblink. Ek stel voor dat jy haar vra om haar kamerdeur te alle…