Innholdsfortegnelse for 15 May 2020 i Vrouekeur

Daar het onlangs ’n uitstekende artikel op die aanlyn platform Quartz Daily Brief deur Kit Krugman verskyn. Sy neem die woorde uit my mond en ’n vertaling van haar (verkorte) artikel, “Covid-19 and the welcome collapse of professionalism”, is my brief dié week. Soos die laaste paar weke van ons nuwe gedeelde realiteit ontvou het, het angstigheid, vrees, onsekerheid – emosies wat nog altyd op individuele vlak onder die oppervlak was – deel van ons kollektiewe narratief geword. Organisasies sit nou met werknemers se gedeelde angstigheid en die meeste werkgewers beskou die bestuur van werknemers se verontrusting as hul grootste uitdaging in die koronaviruskrisis. Tot onlangs toe was die oorheersende boodskap van bestuur aan werknemers rakende emosies by die werk: Moenie dit hê nie. Ons het aanvaar dat die begrip…

As jy Donderdae jou dalk op ’n vlug van Kaapstad na Johannesburg bevind en ’n vriendelike vrou met ’n platinumblonde bob op die vliegtuig gewaar wat haar cooler bag as handbagasie dra, kan jy vir seker weet, dis meestersjef Renette Vosloo. Renette vlieg elke Donderdag van Kaapstad na die Goudstad om haar kosinsetsel vir Ontbytsake Vrydae in Randburg te verfilm. En ja, van haar bestanddele vir haar uitsoekdisse word al die pad van die Kaap af karwei. “Ek koop baie van die bestanddele voor die tyd op Gordonsbaai en die bestanddele wat ek nie in die Kaap kan kry nie, koop ek dan die Donderdag in Johannesburg,” vertel sy. “Maar soms moet ek krisisbeheer doen. Ek het al een keer met ’n varkfilet van die Kaap af gevlieg wat toe…

SJIEK Kry solank inspirasie tot ons weer als in die winkels kan koop ELEGANT Ontspanne Coo l Hiervan hou ek Edgars www.edgars.co.za MrP www.mrp.com Miladys miladys.com Poetry poetrystores.co.za Truworths www.truworths.co.za Woolworths www.woolworths.co.za…

Ons weet nie wanneer ons weer wyn kan koop nie - hier is solank idees vir jou wynwenslys ROBERTSON SE VONKELS Die Robertson Winery Brut Rosé is ’n droë, pienk vonkelwyn. Die wyn met sy blomme- en vrugtegeure is ’n heerlike vonkelwyn en proe die beste as dit koud bedien word. Dit is by die meeste drankhandelaars beskikbaar en kos gewoonlik tussen R60 en R65 per bottel. Meer inligting oor die landgoed en hul wyne by www.robertsonwinery.co.za WAAR WATER WYNWORD Hoe verbaas sal jy wees as jy die kraan oopmaak en in plaas van water loop daar wyn uit? Wel, dit is presies wat met Settecani, ’n Italiaanse dorpie in die Modena-gebied, gebeur het. Popular Mechanics berig dat daar ’n probleem by die Settecani Castelvetro-landgoed ontstaan het en die wyn…

Die Covid-19-uitbraak het die belangrikheid van ontsmettingsmiddels benadruk. Ons het gesien hoe hierdie middels van die rakke af verdwyn het en hoe pryse van produkte gestyg het. Ons het resepte aanlyn gesoek wat mens kan bêre. Dis immers altyd goed om hande en oppervlaktes te ontsmet. Julle sal sien dat talle bestanddele oorvleuel en mens kan omtrent jou eie mengsels met ’n paar kernbestanddele bedink. Ons kan wel nie die doeltreffendheid daarvan waarborg nie. HANDONTSMETMIDDEL Meng die volgende in ’n spuitbottel: 10 druppels laventelolie 6 druppels sitroengrasolie 25 druppels teeboomolie 30 ml Aloe Vera-jel 60 ml medisinale alkohol (rubbing alcohol), hamamelis (witch hazel), vodka of Listerine (95%) Bron: Dischem Meng die volgende in ’n bak en gooi daarna in ’n klein houertjie: ⅔ k 91% medisinale alkohol ⅓ k Aloe…

Die bekroonde liedjieskrywersanger Coenie de Villiers se nuwe album, 2.2, is inderdaad sy 22ste ateljee-album, maar die byderwetse titel dui ook op vernuwing. Soos altyd. Coenie se vorige album, Pure Coenie, is in 2018 met die Sama-toekenning vir die beste kontemporêre Afrikaanse album bekroon. Dié gehaltekunstenaar se onberispelike professionaliteit, musikale integriteit en kreatiewe vernuwingsvermoë word op die album weer deur van die land se vaardigste musikante gekomplementeer. Dit is die klankspieël van Coenie se werk die afgelope dekade – plus nuwe rigtingwysers. Die album bevat agt bestaande snitte en agt nuwe opnames. Die gevestigde werke wat ingesluit word, verteenwoordig sy albums Weerlig oor die see (2008), Dekade (2009), Hart van glas (2012), Emoji (2016) en Pure Coenie (2018). Met die snitte The Heart, Gebed van ’n reisiger, Op reis, Katedraal,…

Wenke Daar is vormingsrye wat die romp onder effens laat uitklok. Indien jy ’n wyer rompie wil hê, hekel vyf of ses vormingsrye in plaas van net drie. MOEILIKHEIDSGRAAD: MATE Meet die lengte wat jy verlang vanaf net bokant jou heupe. Dit is die lengte van jou beginketting. BENODIGDHEDE KARTOPU ORGANICA PRINTS (125 m/50 g) 5 balle H2184 (grys) kleur 1 2 balle H2197 (pienk) kleur 2 2 balle H2191 (groen) kleur 3 2 balle H2199 (pers) kleur 4 2 balle H2183 (appelkoos) kleur 5 2 balle H2195 (turkoois) kleur 6 2 balle H2200 (geel) kleur 7 3.5 mm-hekelpen 4 mm-hekelpen steekmerkers AFKORTINGS EN STEEKVERDUIDELIKINGS e/af = end af dr = draai glb = gedraaide langbeen h/af = heg af herh = herhaal hlb = halflangbeen kb = kortbeen kr-st…

Die sepie 7de Laan is so deel van die Suid-Afrikaanse landskap soos biltong, melktert en Springbokrugby. Die sepie was in April al twee dekades op die kassie. Al was dr Alexa Welman, Mariaan Welman en Marko Greyling nie van die eerste dag af inwoners van die Laan nie, is hulle vandag ’n belangrike deel daarvan. Vrouekeur het by Carina Nel, Deirdre Wolhuter en Francois Lensley gaan inloer om oor hul karakters te gesels en te hoor wat die lewe vir hulle die moeite werd maak. Hoe lank vertolk jy nou al jou 7de Laankarakter en is daar steeds dinge van die karakter wat jou verras? CARINA Ek vertolk al vier jaar die rol van Alexa by 7de Laan. In ’n sepie soos 7de Laan sal daar altyd iets wees wat…

As sy die telefoon in haar stylvolle salon in Mayville Mall beantwoord, klink sy so Afrikaans soos braaivleis en Sarie Marais. Kom die mense dan vir die eerste keer by die salon aan, is hulle verstom dat Martha Mashangani (62) ’n Sjangaan is. Sy lag lekker as sy vertel: “Hulle verwag om ’n wit Afrikaanse vrou aan te tref en hul monde val omtrent oop as hulle my met ’n ‘Hello, how are you?’ groet en ek antwoord: “Goed en self?” Dan sê hulle: ‘Haai, maar jy is dan Afrikaans.’” Hier so skuins ná die apartheidsdae was daar ’n paar “ooms” en “tannies” wat bietjie skepties was oor die feit dat hulle hul kapsels aan ’n swart vrou moes toevertrou. Hulle het gedink dat sy net daar is om hare…

Daar word baie trane in my studio gestort,” vertel Eldine MacRobert. “Aanvanklik is dit trane van weerloosheid omdat vroue erken dat hulle met ’n lae selfbeeld of verwerping sukkel of net nie weet hoe om hul waarde wat hulle verloor het, te herwin nie. Ander kere is dit trane van ongeloof en dankbaarheid as hulle sien hoe die regte kleur of klere aan hul liggaam ’n absolute transformasie kan bewerkstellig.” Trane het vir Eldine ’n vorm van hoop en genesing geword. As voorkomskonsultant gebruik sy die basiese tegnieke van kleuranalise om te sien watter kleur die beste by ’n kliënt se vel pas en om aan kliënte te demonstreer wat die vleiendste tipe klere vir hul figuur is. “Om die kliënt met selfvertroue en waarde te laat wegstap, is die…

Sigrid (Sigi) Burger was maar net vier jaar oud toe haar ma, Barbara, self ’n toptiennetbalspeler, haar leer netbal speel het. Vandag is Sigi die hoofdoel vir ons nasionale Protea-span en speel sy in Engeland netbal. Sy is op Somerset-Wes gebore en toe sy een jaar oud was het haar ouers, Barbara en Johann, met haar en haar broer, Richard, Bredasdorp toe verhuis. “Toe ek vier jaar oud was, het my ma my in die middag by die pre-primêre skool kom haal om saam met Laerskool Bredasdorp (waar my pa skoolhoof was) se onder 7Aspan te gaan oefen. Ek was van die begin af gek oor netbal en het dit vreeslik geniet om saam met die kinders te oefen.” Sigi kom uit ’n baie sportiewe familie. Haar ma was ’n…

VINNIGE TABOULI-SLAAI 4 porsies BESTANDDELE 500 ml (2 k) pastarys750 ml (3k) groente-aftreksel1 komkommer, fyngekap2 sprietuie, gekap2 00 g (1 pakkie) klein tamaties,gehalveer1 rooiui, gekerf15 ml (1 e) groentespeserye30 ml (2 e) suurlemoensap30 ml (2 e) olyfolie METODE 1 Kook pastarys in aftreksel tot sag. Laat droog kook om geur te behou. Gooi nog aftreksel by indien nodig. Laat afkoel. 2 Meng res van bestanddele deur afgekoelde pastarys. 3 Sit teen kamertemperatuur voor. CORONATION-HOENDERPASTA 4 porsies BESTANDDELE 500 g pasta4 hoenderborsies, in blokkiesgesny1 ui, gekap10 ml (2 t) kerriepoeier60 ml (¼ k) water15 ml (1 e) suurlemoensap5 ml (1 t) suiker250 ml (1 k) mayonnaise250 ml (1 k) room5 0 g (½ pakkie) gevlokteamandels METODE 1 Kook pasta in borrelende water met genoeg sout in tot net sag. Dreineer, spoel…

Met die Covid-19-uitbraak weet ons ons kan nie nou reis nie, maar jy kan beslis solank aan ’n wenslysie werk! Mens kan jou maklik op Dullstroom verbeel dat jy in Skotland is. Ons teken by die privaat landgoed in waarop die historiese ou Walkersons Hotel en Spa, trotse klipgeboue, staan. As jy na jou kamer stap wat in aparte huisies in ’n halfmaan om die restaurant, ontvangs en kroeg gebou is, kan jy jou regtig verbeel Edinburgh is net oor die volgende heuwel. Laatmiddag maak die bome lang skaduwees oor die paadjies, die vissermanne by die damme kom stadig teruggestap en die ruiters kom oor die randjies terug stalle toe. Die lug word koeler. Almal verdwyn in hul kamers in, waar warm baddens en sjerrie in ’n kristalflessie op die…

STROMING EXTRACTION 7/10 Met Chris Hemsworth en Golshifteh Farahani Regisseur Sam Hargrave AKSIEDRAMA Hierdie aksie-uitbundigheid het letterlik miljoene kykers na Netflix gelok noudat teaters gesluit is. Dis jammer dat dit nooit die groot skerm gehaal het nie, want hier is meer aksie as wat een plasmaskerm kan akkommodeer. Dit bevat een van die skouspelagtigste jaagtonele nog. Die kamera neem alles (skynbaar) in een skoot waar en die machoman Chris Hemsworth en ’n seuntjie wat nog nat agter die ore is, stort oor balkonne, word gejaag, verinneweer, omgeklits, geskop en gepootjie dat jy net testosteroon en hormone sien trek! Dit gaan oor, soos gewoonlik in dié soort hardebaard-eposse, oor ’n afgetrede huursoldaat wat nie weer by aksie-kaperjolle betrokke wil raak nie. Maar wanneer die seuntjie van ’n berugte dwelmbaron ontvoer word,…

Olga Kirsch (1924–1997) was ’n merkwaardige digter wat ’n besonderse plek in die Afrikaanse literatuur beklee. Sy was ná Elizabeth Eybers die tweede vrou wat ’n digbundel in Afrikaans die lig laat sien het. Kirsch se debuutbundel, Die soeklig, het in 1944 verskyn, agt jaar nadat Eybers in 1936 met Belydenis in die skemering gedebuteer het. Kirsch was toe maar 20 jaar oud. Wat egter verder vir Kirsch ’n besonderse plek in die Afrikaanse literatuur laat inneem, is dat sy Joods was. Verskeie Joodse skrywers en digters het belangrike bydraes tot die Suid-Afrikaanse letterkunde in Engels gemaak, maar Kirsch het verkies om in Afrikaans te dig. Sy het die gedigte vir haar eerste bundel geskryf terwyl sy nog ’n jong voorgraadse student aan Wits was, waar sy Afrikaans as hoofvak…

Eon het die storie self vertel. As dit iemand anders was, sou dit ’n skinderstorie gewees het. Dis eintlik seldsaam dat mans so met mekaar praat, soos Eon nou die dag met my. Anaïs Nin sou trots op hom gewees het. Sy wat so geskryf het oor mans wat meer “soos vroue” moet word, “meer openhartig” oor hul gevoelens. As ek aan Eon se storie dink, dan dink ek: Nee, miskien net meer soos jouself word? Soos mens se self. Waarom een pool altyd voortrek, of agter sit, ter wille van redenasie? Soos in: “Wit mense dink wit.” Of: “Afrikane hou van sing.” Ek het ’n kat wat nie melk drink nie, om hemelsnaam. Eon is juis een wat die uitstraling het van I am my own man. Hy is…

MY KIND HAKKEL My kind hakkel vreeslik op skool en wanneer hy in die geselskap van vreemde mense is, maar by die huis is daar nie ’n probleem nie. Is dit ’n fisieke of sielkundige probleem en wat kan ons vir hom doen? Die oorsaaklike faktore van hakkel is legio en wissel van neurologiese faktore tot sielkundige aspekte soos stres en trauma. Daar is ook verskillende vorms van hakkel wat met die jare kan verdwyn. Die beste is om hom by ’n pediatriese neuroloog of pediatriese psigiater te kry om ’n volledige assessering te doen. Dikwels word spraakterapeute saam met pediatriese psigiaters of neuroloë ingespan om die probleem te hanteer. Die rol van ’n kindersielkundige is net so belangrik aangesien ’n spraakgebrek ook die kind se selfvertroue nadelig kan beïnvloed.…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Vasgestelde bewoording wat voorgeskryf is vir ’n plegtige verklaring, veral in verband met godsdiens SMS jou antwoord, voorletters, van en dorp/stad voor of op 3 Junie 2020 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 20 woorde, goed 25 woorde, baie goed 29 woorde of meer, uitstekend OPLOSSING: Hengelaar, hangleer, neerhaal, heelnag, hegnael, aanheg, gehaal, gehael, hangar, hanger, hengel, aanhê, gehel, ghaan, haler, heler, lêhen, haag, haal, haan, haar, hael, hang, hare, heel, heen, heer, hele, hene Koderaai 30 Europese dorpe en stede is in hierdie rooster weggesteek. Hulle kan…

Haar musiekvideo’s het derduisende trefslae op YouTube, waar kykers gereeld laat hoor hulle is “dolverlief” op haar stem. Janie Bay is egter nie net ’n sangeres nie, maar ook die skrywer en vervaardiger van talle van haar treffers. Sy beantwoord ’n paar vrae: Wanneer en waar het jou musiekpaadjie begin? Toe ek ’n kleuter was, het ek na afloop van my ouer broer, Theunis, se skoolkonserte op die verhoog geklim en vir die ouers en gaste perform! My ouers was ook musikante en lief vir die kunste, so ek dink dit is maar in die bloed. Ma Annette is steeds my grootste ondersteuner! As 13-jarige het ek ernstiger by verskillende geleenthede en vir kompetisies begin optree. In my later tienerjare was ek wel ’n bietjie meer rebels, maar nie op…

Louïde le Roux is ’n jong ma met drie seuns. Sy vertel van haar pad saam met haar middelkind: As Joshua-Luke se mamma het ek vandat hy twee jaar oud is, vermoed daar is “iets anders” omtrent hom. Hy was as baba ongelooflik ernstig, het nie sommer gelag nie. Ons het hom ons kwaai babatjie genoem. Hy het laat begin praat (wat vir my vreemd was omdat hy ’n ouer boetie gehad het wat heeldag met hom gesels het en ’n ma wat gedurig aan die gesels is). Hy was wel baie slim en kon al voordat hy twee jaar oud was al sy vorms, nommers en sommer die alfabet ook herken. Soos Joshua-Luke ouer geword het, was al hoe meer “eienaardighede” sigbaar. Hy het volstrek geweier om enigiets behalwe…

GOED VIR JOU! Daar is bewyse dat boegoe as behandeling vir sekere veltoestande soos ekseem kan dien, en ’n gesonde vel tot gevolg kan hê. Dis ook ’n goeie ontgiftingsbestanddeel wat die niere stimuleer om van gifstowwe ontslae te raak. Smeer dit aan of drink dit – dis goed vir jou! Kies uit Cape Kingdom se First Aid Gel, R87,99, Derm-Active Moisturising Cream, R75,89, Buchu Detox Tea, R65,95 en Buchu Joint Capsules, R176,99. By Dis-Chem, Wellness Warehouse, Food Lovers Market en Takealot beskikbaa BEGIN DIE DAG REG Ontbyt sit jou metabolisme vir die dag aan die gang. Begin jou oggend reg met Canderel Granola as jy nie tyd vir ’n volledige ontbyt hê nie. Hierdie gesonde ontbyt het geen bygevoegde suiker nie en is in drie heerlike geure beskikbaar –…

#bakliefde Mareli KLASSIEKE BRIOCHE 8 klein brioche’s BESTANDDELE 90 ml (¼ k + 2 e) louwarm melk30 ml (2 e) koekmeel1 pakkie (10 g) kitsgis30 ml (2 e) versiersuiker2 groot eiers375 ml (200 g) koekmeel1,25 ml (¼ t) sout90 ml (85 g) botter by kamertemperatuur1 eier METODE Spuit kolwyntjiepanne met kleefwerende sproei. 1 Meng melk, meel en kitsgis en laat staan tot dit borrel. 2 Gooi versiersuiker, eiers, meel en sout by gismengsel in menger se mengbak. Meng met k-haak vir drie minute tot goed gemeng. Gooi botter by en klop tot al die botter opgeneem en deeg glad en elasties is. 3 Sit deeg in bak met olie gesmeer en bedek met kleefplastiek. Laat rys vir halfuur en laat rus vir agt uur of oornag in yskas. 4 Keer…

Japan. 1964. Yamaichi-konsertsaal in Kioto. Op die verhoog sit die 31-jarige Yoko Ono, bene onder haar ingevou, met die sitvlak op die sole van haar voete. Arms langs die sye, vingers op die grond. Passief sit sy, geklee in ’n swart uitrusting. Voor haar op die vloer van die verhoog lê ’n skêr. Die klein, genooide gehoor is vooraf ingelig dat hulle een vir een na die verhoog kan kom, die skêr kan vat en ’n stuk van haar klere kan afsny en dit kan hou. Sommige is huiwerig, ander meer vasberade. Die een sny ’n stukkie van die mou af. Ander knip ’n deel van haar bloes uit. Iemand sny die band van haar bra af. Sonder om te beweeg en sonder enige uitdrukking sit sy so tot die…

TUINTAKIES Verwyder gereeld dooie blomme van wintereenjariges om meer blomme aan te moedig. Raar maar waar Daar is meer mikroorganismes in een teelepel grond as wat daar mense op aarde is. MOOI VIR DIE POT As jy nog nie Bacopa (Sutera cordata) in jou tuin het nie, is dit nou ’n goeie tyd om dit te kry. Die plant lyk gewoonlik klein by die kwekery tensy dit in ’n hangmandjie geplant word. Dit lyk dalk nie na veel met die klein wit, pienk, pers of blou blommetjies nie, maar as hierdie plant gevestig is, is dit baie treffend en sal jou vir maande met blomme beloon. Dis ook ’n uitstekende grondbedekker en hoewel volson gewoonlik aanbeveel word, sê Life is a Garden dat die plant in ons klimaat meer vir…

Die Smiths woon die afgelope 15 jaar hoog teen ’n heuwel op Somerset-Wes en kyk oor Valsbaai uit. Jens doen binnehuisversiering en projekbestuur en is die eienaar van Alpha Design & Associates, sowel as mede-eienaar van Chalk & Cheese Paint and Decor saam met sy vrou, Cathy. Hul seun, Grant, wat saam met hulle daar woon, werk as projekbestuurder en ontwerptekenaar by Alpha Design. Cathy vertel: “Chalk & Cheese Paint and Decor is ’n eenstop-selfdoenwinkel wat hoofsaaklik in krytverf spesialiseer. Ons verkoop ook stensils, versierings, houtpote en byna alles wat jy nodig het om self jou meubels en dekor te transformeer. My vriendin van 20 jaar, Zelda Bruwer, bestuur die winkel en is vir my ’n ware aanwins. Ek doen die dekor en verf meubels om die produkte uit te…

Kira en haar ma sit op die breë stoep van die plaashuis en tee drink. Sy kyk na die pragtige tuin met sy fontein, kleurspatsels in die blombeddings en reusebome wat skadukolle maak. Hier is alles gevestig, diep gewortel. Die plaas is al sedert die 1880’s in die Cilliers-familie se besit. “Dis so lekker om in die Desembervakansie huis toe te kan kom, alles en almal weer te sien en in te haal,” sê Kira. “Ai, Stellenbosch is darem ver,” sê haar ma. “Ons wou jou soontoe stuur omdat dit so ’n goeie universiteit is, toe bly jy sommer daar en word dosent. Maar ons is trots op jou. Jy is nie juis in die wieg gelê om ’n boervrou soos jou sus te wees nie. Altyd die slimste enetjie…

Jare gelede was ek ’n deeltydse fotograaf vir ekstra sakgeld. Danielle het daardie jare nog voltyds geswot, en die maand is dikwels langer as die salarisstrokie. Ek is weliswaar geen professionele fotograaf nie en die bietjie wat ek weet, het ek op eie houtjie aangeleer. Ek is bloot entoesiasties, en so word ek mettertyd Exclusive Books se nie-amptelike binnenshuise fotograaf. Een ding lei na ’n ander, en kort voor lank neem ek soms vir Rosebank Mall foto’s wanneer hulle spesiale geleenthede by die winkelsentrum het. Dis beslis nie glamorous werk nie, maar hulle is skynbaar tevrede met my amateurfotografie, en ek is bitterlik dankbaar vir die sente wat twee jaar lank allerlei lastige gaatjies toestop. Op ’n keer vra hulle my om asseblief iets genaamd ’n Freeze Modelling Event te…

Jy ken waarskynlik die volgende woorde: “Jealousy makes you nasty … nasty makes you fat … fat makes you ugly and that is that!” Spreuke 14:30 sê: “’n Kalm gemoed hou die liggaam gesond; hartstog/jaloesie vreet ’n mens op.” Jaloesie is soos ’n kanker. Dit versprei deur mens se hele menswees en dit vernietig so ver dit gaan. Wanneer ek jaloers is, ontwikkel ek ’n weersin in God se goedheid in ander se lewe en ignoreer God se goedheid in my lewe. Anders gesê: Dis wanneer ek so besig raak om ander se seëninge te tel, dat ek die seëninge in my lewe vergeet. In die Bybel kry ons hope voorbeelde van hoe jaloesie lewens vernietig het. Dit begin by Adam en Eva. Hulle het toegang tot al die vrugte…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Klein, draagbare blaasinstrument met klawers en ’n vierkantige blaasbalk wat die lug oor metaaltonge blaas SMS jou antwoord, voorletters, van en dorp/stad voor of op 3 Junie 2020 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…