Innholdsfortegnelse for 13 March 2020 i Vrouekeur

Ek dink een van die goed wat ek die meeste sal mis as ek die dag nie meer deel van die Vrouekeur-span is nie, is die kameraadskap. Om agt uur per dag in dieselfde ruimte deur te bring, is soms selfs meer tyd as wat jy op ’n dag saam met jou geliefdes bestee. Doen jy dit week in en week uit en jaar in en jaar uit, kan dit nie anders dat julle mekaar baie goed leer ken, verstaan en waardeer nie. Niks in die lewe is ’n gegewe nie – dis hoekom ek probeer om niks as vanselfsprekend te aanvaar nie. Eweneens neem ek nie die positiewe energie, vertroue, samewerking, vriendskap, ondersteuning, begrip, aanvaarding en humor in ons kantoor as vanselfsprekend aan nie. Ons spot soms dat ons…

Om in ’n koor te sing, is goedkoper as om ’n sielkundige te besoek, gesonder as om ’n drankie te drink en prettiger as om oefening te doen… Ek weet nie wié dit gesê het nie, maar ek stem saam. Ralf Schmitt, die dirigent van die befaamde Ndlovu-koor, wat by die musiekrealiteitsreeks America’s Got Talent 2019 net-net uitgeval het as wenners, sê koorsang is ’n gelykmaker en wonderlike manier om vriende te maak. “Suid-Afrika is ’n nasie van sang. As ons gelukkig is, dan sing ons. As ons treur, ook.” Ek het verlede jaar vir die eerste keer van die begrip “pop-up-koor” gehoor. Ek was bietjie verbaas. Ek wis van ’n opskietrestaurant en -boetiek, maar klank? Leon Starker, die dirigent van die Kaapstad-jeugkoor, vertel klank is vir hom iets tasbaars,…

SPAAR KASPLEK Die hakies waaraan mens stortgordyne hang, is veelsydig. Haak ’n paar daarvan aan ’n hanger en hang byvoorbeeld jou dun toppies met bandjies daaraan. KLAPPEROLIE IS NIE NET VIR DIE KOMBUIS NIE Ons het al verskeie wenke met klapperolie gegee en hier is nog redes hoekom jy ook ’n bottel in die badkamerkassie kan hou. ■ Gebruik dit as ’n lyfroom om te bevogtig.■ Meng dit met tandepasta om kieme te beveg.■ Gebruik dit as ’n haarmasker en los dit vir ’n paar uur op jou hare voor jy dit afwas.■ Mens kan dit ook in die plek van skeerroom gebruik. ESSENSIËLE OLIE TOT DIE REDDING Elke essensiële olie het ’n dosyn gebruike. Google dit gerus voor jy ’n spesifieke een koop om te sien wat dit als…

SORG MOOI VIR BABA Gee jou baba net die beste kos met Happy Family Alphabet Snacks, R95,05, en Love My Veggies in vrugte- en groente-geure, R37,10 per pakkie. Dis gesond en so lekker ons knaag sommer self aan die Alphabet Snacks hier by die werk! Beskikbaar by winkels soos Dis-Chem, Baby City, sekere Clicks-winkels, Pick n Pay en Spar. HONDEBEDERFIES Hunter Crunchy Biscuits is vegan (ja, sowaar!) en ryk aan vesel, omega 3 & 6 en vitamienes. Dis ook glutenvry, wat dit geskik maak vir diere met ’n gluten-intoleransie. Beskikbaar in twee geure: appel en lemoen. Hierdie lekkernye bevorder ’n blink pels en ’n gesonde verteringstelsel en kos R133,80 by www.takealot.com, sekere supermarkte en troeteldierwinkels. www.huntersa.co.za Koue tee Maak sommer vinnig ’n lekker glas ystee met Loyd Cold Infusion Tea…

ROLPRENTE THE GENTLEMEN Met Matthew McConaughey en Charlie Hunnam Regisseur Guy Ritchie MISDAADDRAMA Guy Ritchie is omtrent net so bekend soos sy berugte rolprente Lock, Stock and Two Smoking Barrels en die onlangse Aladdin. Hy was natuurlik op ’n kol ook met Madonna getroud, en dit het hom behoorlik in die kollig geplaas, laat staan nog die (onafwendbare?) egskeiding! Die aantreklike Guy Ritchie is ’n taai bul met ’n dik vel wat hom skaamteloos in gemoedelike geweld (speel-speel-geweld wat tog seermaak) en donker humor verlustig. Niemand het met die ter perse gaan nog dié fliek vol bloedige kwinkslae gesien nie, maar synde Ritchie, kan jy ’n aweregse, wanfunksionele groep karakters en humor verwag waaroor die suur gaan drup. Dit gaan oor ’n Amerikaner wat Amerika verlaat en sy daggasakeryk in…

Jackie Uitenweerde, ’n ontwerper en sake-ontwikkelaar by Design11.co.za in die Strand, en Danielle du Plooy, ’n mensehulpbronkonsultant en talentbestuurder, het ’n paar maande gelede in ’n baie moderne en minimalistiese huis in ’n gevestigde buurt in Somerset-Wes ingetrek. Jackie hou van ’n simplistiese en aardse styl en daarom het hy baie hout, klip en water in sy ontwerpe gebruik. Die groot bome, veilige buurt en goeie ligging naby aan die sakesentrum, gimnasium en hul albei se werk het die besluit beklink om die huis te koop. BOU EN BREEK Jackie het sowat tien jaar gelede ’n huis gekoop en oorgedoen. “Ek het baie oor afronding geleer en dis die verskil tussen die twee huise. Met my huidige huis het ek baie meer aandag aan fyn detail gegee.” Daar is baie…

Daar’s min dinge so onsmaaklik as om iets uit ’n papierbord te eet. Tog merk jy gereeld op hoe mense, veral in Amerikaanse realiteitsreekse, nie op straat of by ’n mark nie, maar in hul eie huise uit papierborde eet. En dit blyk ’n algemene gebruik te wees. Wanneer ek alleen is, en dis die meeste van die tyd, haal ek nie my mooiste breekware uit nie, maar wanneer ek gaste het, sterf ek tien dode as ek vir hulle kos op papierborde moet voorsit. Behoorlike eetgerei, ’n mooi tafeldoek, blomme en gemaklike stoele (nie plastiek nie) is immers alles deel van die ervaring. Dalk is dit hoekom ’n piekniek my nog nooit met opwinding vervul het nie. Die kos, ingedruk in Tupperware-houers of foelie, lyk onaantreklik, maak nie saak…

As jy ’n hoekie het wat ’n bietjie groenigheid benodig en daar is nie plek vir ’n groot boom nie, plant een in ’n mooi pot. Daar word nie gewoonlik aan bome as potplante gedink nie, maar bome in potte kan ’n hoekie versag en mooi groenigheid aan balkonne, patio’s en binnehowe verskaf. Gebruik dit by ’n ingang, om skadu te verskaf of selfs as skerm tussen jou en die bure. Bome in potte kan in klein tuine gebruik word om die impak van hoë grensmure te versag. ’n Boom kort ’n groot houer wat die wortelstelsel gemaklik kan akkommodeer en dreineringsgaatjies het. Dit moet ook stewig wees sodat dit nie kan omwaai nie, daarom is keramiek- en terracottapotte ideaal. As jy ’n houer wil gebruik wat lig is, kan…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 16 woorde, goed 20 woorde, baie goed 24 woorde of meer, uitstekend OPLOSSING: Bromponie, inroep, omroep, opbrei, opnoem, oproei, mioop pioen, porie, priem, prooi, biep, boep, noop, oper, perm, pier, pion, poon, prim, proe, prom, roep, romp Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters…

BEL Magsathome by 087 405 2002 (plaaslik) of +27 (0)21 045 1809 (internasionaal) met KREDIETKAARTBESONDERHEDE en vir DEBIETORDEROPSIES SMS die woorde ‘CAXTON VK’ na 47098 (R1,00 per SMS) STUUR ’N FAKS na 086 670 4101 met jou besonderhede van hernuwing of intekening SKRYF IN OP ONS WEBWERWE www.vrouekeur.co.za / www.magsathome.co.za stuur ’n e-pos na subs@magsathome.co.za POS ’N TJEK uitgemaak aan Magsathome Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: Magsathome Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou van en selfoonnommer as verwysing met ’n elektroniese betaling of direkte deposito en faks dit met jou betalingsbewys…

Aanvanklik is ek effens paniekerig, want Lida moet oor minder as ’n uur by ’n rolprentvertoning wees, maar sy stel my gou gerus. “Ek sal vinnig praat, die res kan jy sommer uitdink,” sê sy laggend, maar ek kry die idee sy bedoel wat sy sê. Nie omdat sy ongeërg is nie, maar juis omdat sy so ongelooflik gemaklik in haar eie vel is. Wat my eerste opval, is dat sy werklik ’n mooi vrou is. Die groot mond, hoë wangbene en lewendige oë wat pragtig is met donker oogskadu beklemtoon, allesbehalwe ’n 83-jarige tannie. Daar’s ’n tydloosheid omtrent haar wat jou aan iets baie raars en kosbaars herinner. Boonop is sy super skerp, snaaks en glad nie op haar mond geval nie. Ons sit onder die sonsambrele buite langs…

Dr Robyn Holgate, hoof-mediese beampte van ER24, beantwoord ’n paar vrae V: Veroorsaak ’n kopbesering altyd breinskade? A: Nie alle kopbeserings veroorsaak breinskade nie. ’n Besering kan tot die kopvel of skedel beperk wees en nie die brein beskadig nie. V: Kan ’n sweepslagbesering (whiplash) breinskade tot gevolg hê? A: ’n Sweepslagbesering behels gewoonlik besering van die sagte weefsel van die nek met simptome van nekpyn, styfheid, kopseer, duiseligheid, sigversteurings en algemene swakheid. Daar is ’n risiko om breinbeserings op te doen, al word die kop nie direk gestamp nie. So ’n sweepslagbesering vind plaas as jy ’n skielike beweging na voor, agter of na die kant ervaar, soos met ’n motorongeluk of kontaksport. V: Kan kopbeserings tot breinskade lei selfs al verloor jy nie jou bewussyn nie? A: Verlies…

Stres put mense uit. Wanneer jy stres ervaar, is jy meer geneig om van negatiewe gedrag kennis te neem en minder geneig om jouself te keer om negatief op sulke gedrag te reageer. Dit beteken ook dat jy nie so geduldig is nie en minder geneig om jou maat die voordeel van die twyfel te gee as julle stry. Stres maak mense ook meer geïrriteerd en vyandig, wat die moontlikheid van argumente verhoog. Tydens ’n argument maak stres jou minder geneig om te luister en empatie te hê. Stres verander dinge wat glad nie belangrik is nie, in kwessies wat argumente ontlok en ondermyn jou vermoë om konstruktief met kwessies om te gaan. Stres raak ook jou fisieke en geestesgesondheid en plaas addisionele druk op ’n verhouding. Stres kan veral…

QUINOA-BURGERS 4 porsies BESTANDDELE 500 ml (2 k) wit quinoa1 ℓ(4 k) hoenderaftreksel1 ui, gerasper5 ml (1 t) fyn knoffel10 ml (2 t) gemengde kruie1 eier80 ml (⅓ k) broodkrummels4 broodrolletjies60 ml (4 e) mayonnaise150 g (1 pak) blaarslaai1 tamatie, gesny METODE 1 Kook quinoa in aftreksel tot baie sag. Gooi nog vloeistof by as quinoa nie gaar is nie. Laat effe in mengbak afkoel.2 Braai ui, knoffel en kruie tot sag. Gooi by gaar quinoa.3 Meng eier en broodkrummels by quinoa en roer goed deur.4 Verdeel in vier frikkadelle en druk effe platter.5 Braai in vlak olie tot goudbruin.6 Sny broodrolletjies in die helfte, smeer met mayonnaise en sit blare, tamatie en quinoa-frikkadelle op. STAMPKORING-FRIKKADELLE 4 porsies BESTANDDELE 1 ui, gerasper5 ml (1 t) knoffel10 ml (2 t) rooivleissout600…

Kom ons geniet net die ervaring, sê my reismaat in die vliegtuig op pad na Oos-Afrika. Dis ons albei se eerste eilandvakansie en ons is skepties oor reisbrosjures wat deurskynende turkoois water en “onoortreflike” fynsandstrande beloof. Die tuig dreun oor Tanzanië en stryk in Stone Town neer. Dis die hart van Unguja, grootste eiland in die Zanzibar-groep. In die lughawe se aankomssaal kry ’n klam hitte ons beet. Maar daar is ’n aardse vredigheid in die lug. ’n Wete dat jy steeds in Afrika is en dat die dae van jou verwag om tydsaam daarmee om te gaan. Buite waai die takke van die hoë palmbome ons effens koeler. Ons minibusbestuurder, Ahmad, groet in Swahili met ’n opgewekte “jambo” en gee vir elkeen ’n bottel koue mineraalwater. Gelukkig skakel hy…

Die granietvoetstuk op Trafalgarplein in Londen, wat 150 jaar gelede toe nié die beeld van William IV op sy perd gekry het nie – te wyte aan te min geld – spog binnekort met ’n beeld van geklopte room met ’n kersie, ’n hommeltuig en ’n reusevlieg. The End, die beeld van die Britse kunstenaar Heather Phillipson, sal vir die volgende twee jaar op dié voetstuk, bekend as die Fourth Plinth, pryk. The Fourth Plinth Commission, die organisasie wat sedert 2005 verantwoordelik is vir ’n nuwe beeldhouwerk elke twee jaar vir dié voetstuk, het The End beskryf as “uitbundig en terselfdertyd ’n werk wat ongemak veroorsaak” en as “’n monument vir die aanmatiging en verval wat voor die deur is”. Room is gewis ’n luukse produk, het Phillipson oor dié…

BESTE VRIENDIN GAY Ek het baie gay vriende/vriendinne, maar ek is heteroseksueel. Ek en my een vriendin van 20 jaar het saam grootgeword. Dit het nou gebeur dat ons die afgelope naweek weens foutiewe besprekings in ’n gastehuis beland het met net een dubbelbed. Toe begin sy met my flankeer. Ek is so geskok en weet nie hoe om dit te hanteer nie. Ek wil nie haar vriendskap verloor nie. Jou vriendin het die grense van jul vriendskap radikaal oortree en jou in ’n ongemaklike posisie geplaas. Ongelukkig kan ’n voorval soos hierdie ’n vriendskap vernietig. Maak dit aan jou vriendin duidelik wat jou seksuele voorkeur is. Sy moet leer om jou grense te respekteer. Respekteer haar vir haar voorkeure, maar maak seker dat sy te alle tye jou voorkeure…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Die koning is uit die menslike samelewing gestoot en moes gras eet soos beeste. Sy hare het so lank geword soos die vere van ‘n arend en sy naels soos dié van ’n voël SMS jou antwoord, voorletters, van en dorp/stad voor of op 1 April 2020 na 48410. SMS’e kos R1,50 en is net vir mense in SA. Geld sal vir fou tiewe antwoorde gehef word en gratis SMS’e geld nie.…

In Die afloerder teister ’n reeksmoordenaar die mense van Colesberg en word ’n verslaggewer by die psigopaat se speletjies met die polisie ingetrek. Dis gewis nie ’n boek wat jy laatnag alleen by die huis nadertrek nie! www.penguinrandomhouse.co.za 3 lesers kan die boek wen. SMS AFLOERDER gevolg deur jou naam, van en adres voor 18 Maart 2020 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Die aantreklike jong blonde man wat voor my in ’n koffiekroeg in Linden sit, strek sy lang bene gemaklik uit en begin dadelik land en sand gesels asof ons ou vriende is. Die 27-jarige Stefan Vermaak borrel oor varol wat hy van 2012 tot 2015 vertolk het. “Ek het ná Villa weer in sepies soos Binnelanders (die rol van Eric in 2017) gespeel en daarna twee jaar lank ook die rol van Daniël in Getroud met rugby vertolk,” vertel Stefan. “Ek het ná Villa weer in sepies soos Binnelanders (die rol van Eric in 2017) gespeel en daarna twee jaar lank ook die rol van Daniël in Getroud met rugby vertolk,” vertel Stefan. Wanneer hy nie voor die kameras werk nie, gooi hy deesdae sy gewig in twee sakeondernemings in…

KERSIE-RINGKOEK 1 ringkoek BESTANDDELE 375 ml (360 g) sagte botter750 ml (635 g) suiker5 groot eiers750 ml (400 g) koekmeel180 ml (¾ k) limonade (7 Up of Sprite)15 ml (1 e) suurlemoensap1 bottel (190 g) maraschino-kersies, gedreineer GLASUURSEL 500 ml (265 g) versiersuiker15 ml (1 e) suurlemoensap22,5 ml (1½ e) melk METODE Voorverhit oond tot 160 °C. Spuit ringpan met dik laag kleefwerende sproei en sprinkel met meel. 1 Klop botter en suiker vir sowat ses minute tot lig en donsig.2 Voeg eiers een op ’n slag by terwyl jy voortdurend klop.3 Sif koekmeel by en meng goed.4 Gooi limonade en suurlemoensap by en meng tot gladde beslag. Vou kersies by beslag in. Skep beslag in pan en maak effens glad.5 Bak vir 90 minute tot goudbruin en gaar en…

Een van die helderste sterre aan die musiekfirmament in Gauteng is die Johannesburgse Musiekvereniging. Sedert 1902 – wat die JMV die oudste musiekvereniging in die land maak – bied dié vereniging gehore uitvoerings van kamermusiek en solowerke deur die voorste musici, hier en wêreldwyd. Om dié ster te laat bly flonker, is dit nou dalk die ideale geleentheid om lid van die JMV te word en teen ’n verminderde bedrag die uitvoerings, omtrent een per maand, by te woon. Die eerste konsert van die jaar, dié van die duo Alissa Margulies (viool) en Luis Magalhaes (klavier), is reeds agter die rug. Dit was ’n program met drie Beethovensonates, om die Beethoven-jaar mee aan die gang te sit. (Die geboortejaar van Beethoven 250 jaar gelede in 1770 word vanjaar wêreldwyd gedenk.)…

Breyten Breytenbach is ongetwyfeld een van die grootste Afrikaanse digters. Weinig ander digters het so ’n omvangryke oeuvre. Hy het in 1964 met Die ysterkoei moet sweet gedebuteer. Oor die volgende 55 jaar het meer as 20 digundels gevolg, tot op weg na kû wat verlede jaar, in die jaar van Breytenbach se 80ste verjaardag, verskyn het. Hy is telkens met verskeie pryse bekroon. Terwyl sy poësie van die begin af gewild onder Afrikaanse lesers was (behalwe onder sommige literatore wat sy gedigte in die 1970’s te “volksvreemd” gevind het), het sy politieke betrokkenheid hom die argwaan van baie Afrikaanssprekendes op die hals gehaal. Aan die een kant was daar onder Afrikaners dikwels ’n bewondering vir Breytenbach, terwyl baie aan die ander kant hom vir sy kritiek teen apartheid en…

Voor halfsewe is daar stampgeluide. ’n Tennisbal teen die buitemuur. Uitgelate stemme. Die kinders speel daar en kan nie genoeg kry nie. Salomi sit regop en trek aan die gordynvoue waarteen die oggendlig druk. “Kan julle nie strand toe gaan nie?” roep sy. “Waar is jul ouers?” Stilte. Iemand lag. Leontjie. Die bal begin weer teen die buitemuur bons. Salomi lig die beddegoed van haar bene af. Daar is ’n klop aan die deur. Haar skoondogter loer om die houtblad. “Ma? Het Ma geroep?” Sy kyk na die vrou. Volgens Salomi se seun Theo is sy goedhartig, haar bos hare haar trots. Wyndrinker saans. Salomi skud haar kop. “Niks. Ek moet opstaan.” “Ek kan hulle stilmaak,” sê die jonger vrou, maar met twyfel, asof die saak nie te beredder is…

BENODIGDHEDE ELLE PURE GOLD DK (100 g-balle) 2 balle elk: Plum, Fusion 4.5 mm-naalde spaarnaalde AFKORTINGS H/af = heg af r = regs rs = reksteek (elke ry regs) RK = regte kant RKV = regte kant voor VK = verkeerde kant PATROON *Met Plum stel 40 ste op en brei 100 rye of sowat 40 cm in rs, eindig met VK-ry.* Knip draad af, glip ste op spaarnaald en sit eenkant. Herh van * tot *. Vlg ry (RK): r tot einde, knoop los draad van eerste helfte vas aan draad waarmee jy werk en r oor eerste helfte tot einde (= 80 ste). Brei nog 3 rye in rs. Knip draad af. Met RKV heg Fusion en brei 2 ry rs. Knip draad af. Heg Plum en brei…

Woorde het mag. Die beste voorbeeld hiervan is die skepping. Hoe is alles geskep? Deur woorde. Die Here het gesê en dit het gebeur. Ons woorde het wel nie dieselfde mag as God s’n nie, maar ons het ook die mag om deur woorde lewe in onsself en ander te skep. Ons woorde het die mag om te verwond en te vernietig; om op te tel of af te breek. Watter woorde onthou jy die beste in jou lewe? Die mooi en opbouende woorde of die harde en kritiese woorde? Dikwels onthou ons die harde en kritiese woorde beter as die goeies omdat dit so diep gesny het. Dis ’n feit dat ons vir elke negatiewe of kritiese woord wat ons ontvang, ses positiewe woorde nodig het om dit te…