Innholdsfortegnelse for 6 March 2020 i Vrouekeur

en van die oorsake wat aanleiding gee tot dit wat ons in die wêreld sien gebeur, is ’n toenemende gebrek aan integriteit. As jy nie integriteit het nie, skroom jy nie om mense uit te buit nie, jy dink in die eerste plek net aan jouself – daar is nie rêrig plek vir jou medemens nie – tensy hy of sy jou eie situasie kan verbeter of bevorder. As jy nie integriteit het nie, skroom jy nie om geld te steel nie – staatsgeld inkluis. As jy nie integriteit het nie, misbruik jy mag, status en aansien. As jy nie integriteit het nie, is verantwoordbaarheid nie deel van jou menswees nie. Die lys is lank … Warren Buffet sê oor integriteit: In looking for people to hire, look for three…

Ons ontmoet vroegaand in ’n knus pizzeria in Randburg. Om ons is dit donker. Eskom het pas fase-6-beurtkrag ingestel, daar is vars slaggate in die pad ná die afgelope paar weke se onophoudelike reën, verkeersligte werk nie en daar is min mense buite, selfs die bedelaars het skuiling gaan soek. Leon van Nierop is ’n gentleman, hy het my twee keer gevra om te bevestig dat ons ontmoetingsplek my pas. Die man oorkant my in die pizzeria het ’n vriendelike, jeugdige gesig. Hy glimlag maklik. Hy het pas sy jongste roman, Bloedsuier, gepubliseer. “Dis nie net nog ’n Leon van Nieropsepie nie,” benadruk hy. Dit is ’n sielkundige riller, dis donker en dit speel in Johannesburg af. Op pad na die pizzeria kom Wallflower, die roman se antagonis, onwillekeurig by…

Quoin Rock se spogrosé Quoin Rock-landgoed se Namysto Rosé is ’n versnit van 87% cabernet sauvignon en 13% merlot. Die 2019-oesjaar is nou beskikbaar en is ’n aromatiese wyn wat goed gebalanseerd is. Die wyn proe heerlik op sy eie of saam met seekosdisse. Jy kan dit vir ongeveer vyf jaar verouder. Meer inligting by www.quoinrock.co.za Waterkloof se nuwe rosé Die bekroonde Helderberg-wynlandgoed Waterkloof het onlangs hul Cape Coral Mourvèdre Rosé 2019 bekendgestel. Vir Nadia Barnard-Langenegger, die plaas se wynmaker, is dit spesiaal – dit vier haar tiende oesjaar by Waterkloof. “Die Cape Coral Rosé was een van die eerste wyne wat ek van Waterkloof geproe het. En met die eerste slukkie het ek geweet ek het by die regte plaas beland,” vertel Nadia. Die rosé is heerlik as dit…

Hou koek vars Hou ’n dun snytjie appel in die koekblik, maar vervang die snytjie daagliks om koek vars en klam te hou. Kies ’n soetrissie ▶ D ié met vier knoppe is vroulik en vol saadjies, maar soeter en dus smaakliker om rou te eet.▶ D ié met drie knoppe is manlik en beter vir kookdoeleindes. Dikker slaaisous Roer 1 t ongegeurde jogurt by Franse slaaisous in om dit te verdik. Anderste tee Sny ’n skoongemaakte lemoenskil in dun skywe en hou dit in die teeblik om jou tee ’n lekker geur te gee. Karwy vir kool Karwysaad (caraway) gee aan kool ’n heerlike geur as jy dit saam kook. Plaasvervanger vir motbolle Sit sakkies versagmiddel in die kaste. Dit ruik heerlik en hou glo die vismotte weg. Weg…

Van die teater-doyenne prof Anna Neethling-Pohl, die gewildste radiopersoonlikheid van die vorige eeu Esmé Euvrard, die geliefde TV-nuusleser en aanbieder Riaan Cruywagen en die langlewendste internasionaal-bekroonde superster en kultuurambassadeur dr Mimi Coertse pryk op dié indrukwekkende lys van legendes wat in verskeie sfere van die kunste vereer word. Altesaam 32 lewende legendes is ingehuldig – 25 in die musiekbedryf. Die kriteria behels onder meer kreatiewe gehalte en openbare gewildheid. Die lewende legendes moet minstens al 40 jaar lank ’n bydrae tot die kunste gelewer het. Musieklegendes Alvon Collison Amanda Strydom André Viljoen Anne Power Anneli van Rooyen Barbara Veenemans Boet Pretorius CJ de Swardt David Gresham Des & Dawn Lindberg Gert van Tonder Johan Stemmet Judy Page Glenys Lynne en Clive Harding (Four Jacks and a Jill) Lance James Lydia…

Kaapstad-komediefees Die Kaapstad Internasionale Komediefees word van 1 tot 8 Maart by die Kunstekaap-teater gehou. Die fees sal plaaslike skerpskertsers soos Schalk Bezuidenhout en Nik Robinowitz, sowel as verskeie internasionale sterre insluit. Kaartjiepryse wissel tussen R190 en R280. Bespreek via www.webtickets.co.za en besoek www.capetowncomedyfestival.com vir meer inligting Wen ’n fliekaand uit! Vrouekeur bied in samewerking met Filmfinity en Starburst Promotions ’n eksklusiewe geleentheid aan waar ’n paar gelukkige lesers die fliek Military Wives kan kyk, met bekendes skouers kan skuur en ’n draai op die rooi tapyt maak! Dit vind om 18:30 op 18 Maart by Movies@MonteCasino in Fourways plaas en sluit ’n drankie en versnaperings in. Die fliek begin om 19:30. Kaartjies kan slegs gewen word. (Military Wives begin op 20 Maart 2020 landwyd wys en het ’n ouderdomsbeperking…

Die jaar is goed op dreef vir die jong sangpaar. Ruan Josh (30) en Franja du Plessis (26) vat nie grond nie. Daar lê immers opwindende projekte voor – albei het onlangs by ’n nuwe platemaatskappy geteken en werk aan nuwe musiek. Tussendeur toer hulle die land vol. Wat is jul loopbaandrome en in watter aspek van die bedryf wil julle nog groei en ontwikkel? Franja: Ek wil beslis my skryfwerk en ervaring in die vervaardiging van musiek uitbou. Mens is nooit te oud om nuwe goed te leer nie. Ek droom groot! Hulle sê mos: “As jou drome jou nie bang maak nie, dan droom jy nie groot genoeg nie!” Ruan: Ek is ’n ewige optimis – soms tot my eie nadeel. Ek wil graag ’n impak maak. Ek…

Ek onthou nou nog ’n debat wat ons op skool in die wetenskapklas gehad het. Wat is die ergste: om jou gehoor te verloor of om jou sig te verloor? Die meeste van ons het gereken dis jou sig, maar ons onderwyser het ons oortuig dat dit jou gehoor is. Jou gehoor verbind jou aan mense (selfs al kan jy hulle nie sien nie) – jou kind se lag, die vreugde van ’n gedeelde oomblik, liefdeswoorde wat in jou oor gefluister word … As jy nie meer goed kan hoor nie of dalk jou gehoor verloor, kan jy nie meer doeltreffend kommunikeer nie en is dit moeilik om saam met vriende te kuier, aan vergaderings deel te neem en oor die foon te praat, om maar ’n paar alledaagse dinge…

Adriana Scholtz, ’n opvoedkundige spesialis, en Simoné Vink, ’n kliniese sielkundige, is albei aan Family Focus Therapy Centre en die Smarteesskoolgereedheidsprogram in Bloemfontein verbonde. Hulle sê daar is ’n verskeidenheid redes waarom jong kinders maatjies se goed vat. Dit sluit die volgende in. Die prefrontale korteks van jong kinders se brein is nog nie ten volle ontwikkel nie. As gevolg hiervan word die volgende funksies, waarvoor die korteks verantwoordelik is, beïnvloed: selfbeheer, selfregulasie, impulsbeheer, beplanning, beheer oor emosies, oordeel tussen reg en verkeerd, asook redenering. Impulsbeheer speel ’n groot rol wanneer kinders iets neem wat nie aan hulle behoort nie. Hulle kan dus nie altyd hulself keer om dit te doen nie. Jong kinders beskik nie noodwendig oor genoeg empatie om te verstaan dat dit wat hulle neem ’n ander…

Skelvis-en-aartappel-gebak 4 porsies BESTANDDELE 400 g (1 boks) skelvis (haddock)500–750 ml (2–3 k) melk4 aartappels, in skywe gesnysout en peper10 ml (2 t) visspeserye2 50 g (1 houer) roomkaas, sprietuiegeur250 ml (1 houer) room250 ml (1 k) mozzarellakaas, gerasper METODE Stel oond op 180 °C. 1 Posjeer vis in melk tot net gaar. Dreineer en hou eenkant. 2 Pak lagies aartappel en vis in oondbak. Geur met speserye. 3 Klop roomkaas tot sag. Roer geposjeerde melk by. Roer room by. 4 Gooi kaas oor en bak vir 40 minute of tot aartappel sag is. Warm eiervrug-en-murgpampoentjie-slaai 4 porsies BESTANDDELE 2 middelslag-eiervrugte4 middelslag-murgpampoentjies1 rooiui, gekerfSLAAISOUS45 ml (3 e) suurlemoensap80 ml (⅓ k) olyfolie15 ml (1 e) Italiaanse kruiesout en peper200 g (1 pak) jong spinasie100 g (1 houer) sagte bokmelkkaasgranaatpitte of…

Haenertsburg is ’n dorpie in die Magoebaskloof – staangemaak op die Wolkberg in die Land van die Silwer Mis en die Reënkoningin. Lowergroen graslande, afgewissel met inheemse en aangeplante woude op die platorand van die noordelike Drakensberge in Limpopo, verwelkom jou van Polokwane se kant af. Op die oog af lyk dit soos ’n piepklein gehuggie met sy handelshuis, kroeg, enkele restaurante, ’n sink-en-hout-kompleks wat aan Pelgrimsrus herinner, twee kerke, ’n polisiekantoor en dorpsaal. En as jy ’n draai by die begraafplaas gemaak het en ’n winkelhoekdraai deur die dorp gery het, wonder jy waaroor die plek nou eintlik gaan. Genoem na ’n Duitse grootwildjagter, Carl Ferdinand Haenert, wat die goudstormloop in die 1880’s hier gelei het, is dit tans die mooi natuur, gereelde feeste, forelgevulde bergstrome, wandelpaaie en bergfietsroetes…

Rolprente ONWARD Met die stemme van Tom Holland en Chris Pratt Regisseur Dan Scanlon ANIMASIE Uit die lokprent lyk hierdie Disney/Pixar-animasiemanewales na vet pret. Onthou, Pixar is een van die beste animasie-ateljees ter wêreld. Die storie is verkwiklik oorspronklik. ’n Animasiekarakter met tuinkabouteroortjies probeer sy oorlede pa terugbring lewe toe. Maar sy eksperiment loop skeef en net sy pa se bene en skoene keer terug. Die res van die storie gaan oor die seun wat probeer om die res van sy pa op te spoor en weer van hom ’n volkome mens te maak! Dit blyk dat daar subteks en ’n storie met meer dimensie is as middelmatige animasieflieks oor ’n prins wat met ’n prinses trou. Dis ’n vrypostige, vrolike en koddige fliek wat volwassenes ook kan betrek. En…

Die Duitse skrywer Johann Wolfgang von Goethe het in 1827 die begrip “wêreldliteratuur” (Weltliteratur) begin gebruik toe hy in ’n brief opgemerk het dat “nasionale literatuur” nie meer veel betekenis het nie omdat die era van wêreldliteratuur volgens hom aangebreek het. Hy het gemeen dat almal behoort saam te werk om die era van wêreldliteratuur te bevorder. Goethe het hierdie uitlating gemaak kort ná die Napoleontiese oorloë. In ’n tydperk van relatiewe vrede in Europa, voor die opbloei in nasionalisme wat juis weer klem op nasionale letterkundes geplaas het, het Goethe gehoop dat mense wat mekaar se literatuur oor hul eie landsgrense en taalgrense heen sal lees, meer verdraagsaam sal wees en mekaar beter sal begryp. Die hoop wat Goethe gehad het dat nasionale letterkundes minder aandag sou ontvang en…

Spesiale Notas • Om die kleure optimaal te benut en die beste eindresultaat te verkry, hekel ons oor die lengte van die serp. Die beginketting is dus baie lank. Gebruik steekmerkers elke 20 steke om jou te help. Moenie die ketting korter maak nie. Dit lyk aanvanklik geweldig lank, maar die steekpatroon laat dit aansienlik intrek.• Ek hou baie van projekte waar ek al die draad kan opgebruik. Met hierdie serp kan jy hekel totdat jy te min hekeldraad vir ’n vol ry het. Die afval is dus minimaal.• Caresse is ’n winterkatoen wat wonderlik in Suid-Afrika se winterklimaat werk. Nie te warm, nie te koud nie, net reg!• Kleurveranderings is lossies aanmekaargeknoop. Vervang hierdie knope met ’n stewige las om te voorkom dat dit lostrek. BENODIGDHEDE MOYA SNUGS (150…

Bekommerd oor kleinseun My kleinseun van amper twee hou nie van maatjies of selfs om tussen hulle te wees nie. Sy ontwikkeling is uitstekend en hy praat besonder goed. Hy sal reguit sê hy wil nie met maatjies speel nie of hy wil huis toe gaan. Indien nie moontlik nie, raak hy baie moeilik. Hy is die enigste kind en het ’n voltydse oppasser. Moet sy ouers bekommerd wees omdat hy só reageer? Jou kleinseun is nog baie klein en dit is moeilik om te bepaal of daar fout is. Daar kan verskeie redes vir sy gedrag wees. Dis moontlik dat hy as enkelkind meer aandag by die huis as by die skool kry en kinders is geneig om op aandag te floreer. Alvorens daar oorboord gegaan word met moontlike…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 07 woorde, goed 09 woorde, baie goed 12 woorde of meer, uitstekend OPLOSSING: Ginnegaap, nagapie, pienang, gaping, gegaap, gepaai, pagina, gepag, panga, gaap, gaip, paai Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat elke letter in…

Ek het ’n jaar lank niks gesing nie – nie ’n enkele noot nie. Ek kon nie eens na musiek luister nie,” vertel Zanne Stapelberg oor haar besluit om uit die kollig te tree. “Dit was geweldig moeilik om in daardie stadium van die Zoid, Zanne, Zolaniproduksie weg te stap waarmee ons besig was. Ek het egter net geweet dat ek dit moes doen. “Ek moes gesond word. Ek moes balans in my lewe en gesinslewe herstel. Daar was baie werk om te doen en ek was vasberade,” vertel Zanne. Die roetine van kosblikke pak, skoolklere was, inkopies doen, kinders by die skool aflaai en kosmaak, het Zanne vreemd veilig laat voel. Dit het struktuur aan haar lewe gegee. “Om 130 optredes ’n jaar te doen, klink wonderlik – en…

As tiener was sy malverlief op haar beste vriendin se ouer broer. Amanda Meyer de Meillon (nou 53) onthou hoe Charles (nou 55) destyds vir haar en sy sussie, Tania, by die skool opgelaai en sy vir hom in die motorspieëltjie geloer het. Charles was in matriek en sportmal en het hom nie veel aan meisies, laat staan nog hierdie giggelende bakvissie, gesteur nie. Amanda het gereeld by sy ouerhuis gekuier en sy ouers was haar tweede ma en pa. Later het die tweetjies tog ’n verhouding aangeknoop en Charles is saam met Amanda matriekafskeid toe nadat hy uit die weermag was en reeds gewerk het. “Hy het my selfs gevra om met hom te trou – nogal onder sy ma se wasgoeddraad,” vertel Amanda. Maar toe besef hy hy…

Ackermans www.ackermans.co.za Edgars www.edgars.co.za MrP www.mrp.com Miladys www.miladys.com Poetry www.poetrystores.co.za Truworths www.truworths.co.za Woolworths www.woolworths.co.za Zara www.zara.com/za…

Die trauma en hartseer wat hierdie seun van KwaZulu-Natal ervaar het tydens die siekte en afsterwe van sy ma in Desember 2017, het Chris-Tiaan Nortjé nie ondergekry nie. Sy ma (Yolandé) was ’n diabeet en het agt jaar onder die komplikasies van dié siekte gely, onder meer nierversaking. “My dogter het ’n paar maande voor haar dood met dialise begin, maar ek dink dit was toe reeds te laat,” vertel Chris-Tiaan se ouma, Charlotte Coetzee. “Voor haar dood het sy versoek dat ons as grootouers na hom sal kyk as sy te sterwe kom.” Yolandé is op 38 oorlede toe Chris-Tiaan nege jaar oud was. “Ons ondersoek die proses om hom aan te neem.” Hy is met outisme (Asperger-sindroom) gediagnoseer en Charlotte sê Chris-Tiaan het reeds ’n ontwikkelingsagterstand van ongeveer…

Kaaskoek 1 kaaskoek BESTANDDELE 1 pakkie (80 g) suurlemoenjellie250 ml (1 k) kookwater1 boks (200 g) Nuttikrust-koekies30 ml (2 e) botter, gesmelt1 houer (250 g) volroomroomkaas250 ml (1 k) suiker25 ml (5 t) suurlemoensap1 blik (380 g) ingedampte melk,verkilbessies METODE 1 Meng jellie en kookwater tot jellie opgelos het. Laat mengsel afkoel. 2 Kap koekies fyn en meng met gesmelte botter. Druk krummels styf in bodem van 23 cm-losboomkoekpan vas. Verkil in yskas. 3 Klop roomkaas, suiker en suurlemoensap saam tot mengsel glad is – sowat drie minute. 4 Klits ingedampte melk styf. Vou jellie-en-roomkaas-mengsels by ingedampte melk in. Gooi mengsel op koekiekors. 5 Verkil oornag in yskas. Sit met vars bessies voor.…

Toe die sentrale paneel van die Gentse altaarstuk in Januarie ná restourasie van drie jaar weer op sy plek in die St Baaf-katedraal in die Belgiese stad Gent vertoon is, het foto’s van die restourasiewerk nie net sosiale media aan die gons gehad nie, maar ook die wenkbroue van heelwat kunskenners laat lig. Die fokus van dié paneel, wat as Die aanbidding van die Lam bekendstaan, is ’n lam (’n uitbeelding van Christus as die Lam van God) in profiel op ’n altaar met die kop na die kyker gedraai. Deur die jare het dié skaap se oë aan die kante van sy kop gesit, soos in enige prent van ’n skaapkop. Maar ná die restourasie, pryk die lam met twee mensoë, wat vorentoe en die kyker in die oog…

it sal seker gepas wees as ek eendag in ’n boekwinkel doodgaan, maar ek het nooit gedink die dag sal regtig aanbreek nie. Tot verlede jaar dié tyd … Jy sal my vergun as ek aanneem jy is bekend met die hele Gangster State-sage wat kort voor die nasionale verkiesing die hele land op hol gehad het. Ek verwys natuurlik na die joernalis Pieter-Louis Myburg se opspraakwekkende boek Gangster State: Unravelling Ace Magashule’s Web of Capture. Dis soortgelyk aan Jacques Pauw se skitterende The President’s Keepers in die sin dat dit korrupsie op die hoogste vlak oopvlek. Die aand van die boekbekendstelling breek aan. Vir dié van julle wat onbekend is met Exclusive Books se Sandton City-tak, dis ’n groot, langwerpige boekwinkel. Die verhoog sit doer aan die verste punt,…

Michael, Janine, Matina (16), Milli (15) en Leo (11) O’Grady en hul hond, Lucky, woon die afgelope vyf jaar in Sentraal-Paarl, bekend as Hoog en Droog. Baie van die wamakers het in die ou dae daar gewoon, omdat dit droër hoër op teen die berg is. Die vallei was natter en sleg vir die houtwawiele, want dit het kromgetrek. Michael het ’n loodgietersonderneming, Janine is die eienaar van Makietie Linne en hul hond het sy naam te danke aan die feit dat hy op pad was na die DBV toe die gesin hom gered het. Die O’Grady’s het die huis by Janine se ouers gekoop. Die groot kombuis en nabyheid aan drie hoërskole was ’n groot aantrekkingskrag. Bouwerk Janine het die huis se badkamers gerestoureer. Sy vertel: “Ek wou ’n…

Dit raak laat en humeure loop hoog. “Dankie tog,” prewel Marna toe ’n staanplek oopgaan nadat sy die derde keer deur die parkeerterrein vleg. Sy sluit haar kar af, trek haar handsak nader en begin na haar inkopielys soek. Waar is dit? Sy keer naderhand die inhoud van die sak op haar skoot uit. Verlepte snesies, ’n stokou telefoonboekie, ’n ou Lotto-kaartjie, debietkaartstrokies … Wáár is die lysie? Uiteindelik vind sy dit en bondel die res van die goed terug. Toe tel sy die geld in haar beursie. Skaars R89. Haar debietkaartrekening is basies leeg en haar salaris word eers môreoggend inbetaal. Hierdie paar sente moet maar net genoeg wees vir vanaand. Sy bekyk die lysie. Tandepasta, melk, katkos, ’n rolletjie toiletpapier … goed waarsonder mens eenvoudig nie kan klaarkom…

oontlik is “dade van diens” die moeilikste taal om te praat. Dit verg nogal inspanning. My man weet dié taal maak my liefdestenk sommer vinnig vol. Na 24 jaar praat hy die taal besonder goed met my! Ons tref Jesus ook gereeld in die Bybel aan waar Hy besig is om sy dissipels se voete te was; siekes gesond te maak; blindes te laat sien en die menigtes kos te gee. Sy eie dood was sy grootste daad van liefdesdiens. Jesus sê in Matteus 20:28 “… die Seun van die mens het nie gekom om gedien te word nie, maar om te dien.” Hoe praat God dié taal vandag met ons? Alles wat God elke dag vir ons gee en doen, is dade van diens. Ek glo God gebruik ons…

Vir navrae navrae@xword.co.za Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer Leidraad: Die laaste sien hiervan, beteken dit het spoorloos verdwyn SMS jou antwoord, voorletters, van en dorp/stad voor of op 25 Maart 2020 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…