Innholdsfortegnelse for 28 February 2020 i Vrouekeur

Ek het hierdie week oor die onderwerp van my skrywe gewik en geweeg. My twyfel is op sigself bevestiging van die punt wat ek gaan probeer maak. Ek wonder oor die reaksie wat my skrywe by sekere mense gaan ontlok. Op bl 14 vertel ’n vrou van haar soeke na identiteit weens die gruwel van apartheid. Oor dié tydperk in Suid-Afrika se geskiedenis is boeke geskryf, word boeke geskryf en gaan boeke geskryf word, maar dit is nie per se my tema vir die week nie. Dit wat ek op die hart het, is wel ’n uitvloeisel daarvan, maar dis veel meer as dit. Die koronavirus het baie mense in rep en roer. Enige pandemie is ’n bedreiging. Veral in die 21ste eeu waar ’n virus baie makliker as 100…

Daar bestaan geen twyfel by Shaun Smith (24) dat hy ’n man met ’n roeping is nie. Presies hóé en wat, is nog nie glashelder nie, maar hy berus in die wete dat die detail duideliker sal word namate sy reis hier op aarde vorder. As hy oor die afgelope drie jaar terugkyk, sien hy die een wonderwerk ná die ander. En wat ander mense as toeval sien, sien hy as dinge wat bestem was om te gebeur. “Niks gebeur toevallig nie. Alles gebeur soos wat dit moet,” sê Shaun. In ’n kwessie van ’n paar maande het hy twee gruwelike padongelukke oorleef. Die eerste was ’n motorfietsongeluk op 27 November 2016. Presies 23 maande hierna was hy in ’n motorongeluk waarin hy massiewe breinskade opgedoen het. Spesialiste het min…

OUTO-OPPIKOFFIE Deesdae is ’n koppie “sawwe lyf” nie meer presies dit waaroor oom Jan Spies gepraat het nie. Ek vermoed van cappuccino’s, latte macchiatos en americano’s het hy nie veel geweet nie. Die Philips Series 3200-koffiemasjien verstaan egter presies hoe om hierdie warm drankies aanmekaar te slaan. Ek het die Philips Series 3200 nou al ’n maand lank onder hande en moet bieg, ek het nog nooit so baie koffie gedrink nie. Die masjien kan vyf verskillende koffies maak. Dit maal die bone self en met ’n nuttige melkkraffie verskaf dit die ekstra skuim wat vir jou latte macchiato nodig is. Jy kan die sterkte en kwantiteit van jou koppie koffie kies, en die masjien onthou dit vir volgende keer. As lekker koffie jou ding is, is die Philips Series…

Vroulik vars BETADINE™ se Intimate Care Odour Control-reeks is geformuleer om ongewenste reuke weg te hou en jou natuurlike pH in balans te hou. Dit is seepvry, ginekologies getoets, bevog sagkens en bevat prebiotika. Intimate Wipes, R16,75, Intimate Wash, R49,95, Intimate Foam, R64,95, beskikbaar by sekere Clicks-en Dis-Chem-winkels. HOU DIT VARS GLAD-toeknypsakkies is altyd nuttig. Gebruik dit om vleis, groente of vrugte soos bessies te verpak en te vries, om jou kinders se skooltoebroodjies in te pak, om oorskietkos in te bêre of selfs om kosmetiese produkte in te pak wanneer jy op reis gaan. www.glad.co.za BEDERF NÁ ETE Geniet ’n lekker soetigheid met First Choice Velvet Flavoured Dairy Desserts, beskikbaar in sjokolade, vanielje, botterkaramel en aarbei. Dit is loperig en heerlik om oor roomys of ’n gebakte poeding te…

In 1998 is ek op ’n veerboot op pad, sonder dat ek dit tóé weet, na my grootste lewenswending en die waansinnigste ding wat ek ooit sou aanvang. Ek ken groot wendings so: Jy eien hulle nooit vir wat hulle is nie. ’n Afdraai links in plaas van regs, jy klim op die verkeerde trein, iemand sit toevallig aan ’n tafel langs jou. Alledaagse, klein gebeurtenisse, hulle kom so onskuldig na jou toe. Oppas! Hulle het hakies aan. Jy sien dit nie, jy kom dit nie agter nie, maar die noodlot het jou beet en voor jy weet, is al jou ou planne oorboord. So iets gebeur natuurlik nie as jy nooit op ’n trein klim, of in ’n vliegtuig of ’n bus nie, nooit jou metaforiese kop by jou…

Die rasperstemme van Koos du Plessis, Theuns Jordaan, Wynand Strydom en Bok van Blerk het met hul eiesoortige aanslag en oorspronklike nuutskeppings ’n byderwetse en uiters gewilde klank aan Afrikaanse musiek toegevoeg. LUISTERRYK Musiekliefhebbers is onmiddellik geboei en wou luister – na die musiek, die woorde én die stem: hartsmusiek. Die sanger-liedjieskrywer Reinhardt Venter sluit hom nou met trots by hierdie stemkunstenaars aan. Reinhardt, soos Koos Doep destyds, skryf al sy liedjies self. Hy het sy eerste liedjie op 16-jarige ouderdom geskryf en spog met sowat 160 liedjies uit sy pen. Reinhardt is op Carletonville gebore en het op ’n myndorpie tussen Randfontein en Carletonville grootgeword. Dis ook daar waar hy nie net sy liefde vir musiek ontdek het nie, maar ook sy droomvrou gevind het. Hulle is al 11…

Tuinplante met silwerkleurige of grys blare word hoofsaaklik om hul bruikbaarheid geplant – hulle is meestal hitte-en droogtebestand weens hul harige of wasagtige blaaroppervlakke en hul vermoë om sonlig te weerkaats en waterverlies te voorkom. Daar is egter nog ’n rede om jou tuin met baie plante met silwerkleurige blare te vul en om hulle saam met liggeel, roomkleurige en wit blomme te plant: dis hoogmode! ’n Hedendaagse tuinneiging is om meer tyd in jou tuin deur te bring deur ’n “maanlig”-voorkoms te skep met plante wat nie in die donker verdwyn nie, maar eerder na vore tree. Ons hou van hierdie neiging en het ’n paar staatmakers gekies om ’n bekoorlike, mistieke atmosfeer in die lig van die volmaan te skep. ’N GALERY VAN SILWERKLEURIGES Lavandula stoechas ‘Silver Anouk’…

Stella trek die woonsteldeur toe. Sy sleepvoet na die kombuis en sak hortend in die stoel neer. Werner loer om die deur. “Hoe was die uitstalling?” Stella wip orent. Sy haal met moeite normaal asem, want dit gee haar só ’n kramp wanneer Werner, ’n finalejaar-mediese student, haar met kwale diagnoseer. “Lekker! Helfte van die skilderye is verkoop.” “Geluk! Mag ek raai watter skilderye? Die tropiese blomme wat soos voëls lyk? Die bromelias en karnivoorplante?” Sy gaap hom aan: “Hoe wéét jy dit?” “Ek kén talent as ek dit sien,” sê hy met ’n knipoog. “Ek is bly vir jou, Stella. Jy het hard gewerk.” “Dankie! Die hoogtepunt vanaand was dat jou pa kon sien skilderkuns is nie die loser-beroep wat hy dink …” Skielik word sy deur ’n hewige…

Wie van ons hou nie van ’n geskenkie nie? Die meeste van ons hou van ’n geskenkie op sy tyd, maar vir party van ons beteken geskenke liefde, meer as enige van die ander tale waaroor ons al gesels het (woorde van waardering en gehaltetyd). Jesus het ook dié spesifieke taal van die liefde gepraat toe Hy die menigtes kos gegee het (Lukas 9:13-17). Hy het ook genesing gegéé (Matteus 8:16), hulp, leiding en onderrig. God praat ook die taal van geskenke vloeiend en vlot met ons, want sy natuur is dié van géé. As Hy vir ons kan gee, is Hy op sy gelukkigste. Hy gee vir ons elke dag die dosis genade wat ons vir daardie dag nodig het (Klaagliedere 3:22-23). Hy gee ons ’n mooi sonsopkoms en…

Sonroom getoets Die Amerikaanse FDA het nuwe toetse op sonroom gedoen en gevind dat ses van die algemene aktiewe bestanddele in die liggaam opgeneem word en dae of selfs weke in die liggaam kan bly. ’n Dermatoloog van Cleveland sê hy is bekommerd omdat hulle nog nie weet wat die biologiese effek daarvan op die liggaam is nie. EK IS BANG! As jy vrees ervaar wat tot fisiologiese spanning lei, sal die nabyheid van iemand anders dit verlig, selfs al ken jy nie die persoon nie of al verskaf die persoon nie aktiewe ondersteuning nie. STOMPIE TOE NIE DOOD NIE Na raming genereer rokers wêreldwyd drie triljoen sigaretstompies per jaar. Vir die eerste keer het navorsers nou bevind ’n gebruikte sigaretstompie kan tot 14% van die nikotien afgee wat ’n…

HOENDERROL 4 porsies BESTANDDELE 6 hoenderborsies200 g (1 pakkie) spekrepies30 ml (2 e) hoenderspeserye6–8 stukke ham3 wortels, in julienne-repies gesny4–6 murgpampoentjies, in juliennerepies gesny125 ml mozzarellakaas, gerasper METODE Stel oond op 180 °C. 1 Slaan hoenderborsies effe platter. 2 Plak stuk kleefplastiek op tafel en pak repies spek langs mekaar. 3 Sit hoender bo-op spek en geur met hoenderspeserye. 4 Sit ham op hoender en maak seker hoender is bedek. 5 Sit groente op ham en daarna kaas. Rol op sodat spek aan buitekant is. Gebruik kleefplastiek om jou met rolwerk te help. 6 Verwyder plastiek, sit op bakplaat en bak vir 40–60 minute of tot hoender gaar is. Sny julienne-repies MURGPAMPOENTJIES 1 Maak seker murgpampoentjie is5–7 cm lank. Sny albei ente af.2 Sny murgpampoentjie in 1 mm-repe.3 Sit repe…

Om te reis hou jou nederig, het die Franse skrywer Gustave Flaubert gesê. Hoekom? Want dit wys jou watter klein plekkie in die wêreld jy eintlik beslaan. Dis met die deurblaai van vakansiefoto’s dat dié aanhaling by my opkom, want iets aan ons laaste vakansieherinneringe is anders as die voriges. Fotografie is ’n heerlike stokperdjie en met die gerief van ’n goeie selfoonkamera is daar eintlik geen rede waarom jy nie elke dag iets interessants kan ontdek om af te neem nie. Die kreatiwiteit lê daarin dat tien verskillende mense na presies dieselfde voorwerp kan kyk en tien uiteenlopende foto’s kan optower. Dis alles ’n kwessie van perspektief. ’n Vinnige blaai deur my Instagramfoto’s, wat ek as ’t ware as digitale album gebruik, wys ek hou daarvan om dinge van…

Hannatjie van der Wat, die kunstenaar wat ’n leeue-aandeel aan nie-figuratiewe kuns in Suid-Afrika gehad het en in 2018 deur die Suid-Afrikaanse Akademie vir Wetenskap en Kuns met ’n spesiale erepenning vir haar skilderkuns vereer is, is op 9 Januarie in die ouderdom van 96 dood. Die Akademie het destyds spesifiek melding gemaak van die digte en kleurversadigde geometriese abstraksies wat ’n deurlopende kenmerk en meteen ook die hoogtepunt van haar oeuvre is. Pas klaar met matriek, het Hannatjie Schabort in 1940 vir haar pa, ’n boer in die Greylingstad-omgewing, gesê sy wil kuns aan Wits gaan studeer. “Sonder om te huiwer het hy ingestem en die volgende jaar is ek Wits toe,” het sy onthou in een van die laaste onderhoude wat ek met haar gevoer het. Maar die…

ROLPRENTE JUST MERCY 7/10 Met Marcus A Griffin Jr en Michael B Jordan Regisseur Destin Daniel Cretton HOFDRAMA Ons ken hofdramas veral as TV-reekse. Daarin word die gebeure gewoonlik “verfraai” (om kritici aan te haal) met gebeure wat blitsvinnig ontvou, sodat die “saak” binne 40 minute, met twee advertensiegleuwe tussenin, opgelos kan word. Daarom is Just Mercy ’n vars briesie, want jy moet in hierdie drama hard werk. Dit is op die waarheid gegrond en gaan oor ’n advokaat vir die verdediging, Bryan Stevenson, (Michael B Jordan) wat ’n man, wat klaarblyklik onskuldig in die tronk opgesluit is nadat die doodstraf opgelê is, se onskuld probeer bewys. Hy het glo ’n meisie vermoor en wag om tereggestel te word ten spyte van oorweldigende getuienis wat sy onskuld bewys. Rassisme steek…

LIEFDADIGHEIDSGEVALLE Ek en twee vriendinne gaan binnekort op ’n oorsese vakansie en ons kinders betaal daarvoor. Die kinders verdien goeie salarisse, maar ons voel nogtans baie skuldig. Dis soms moeilik om aan die ontvangkant te wees. Ons spot dat ons al drie liefdadigheidsgevalle is. Hoe hanteer ons dit? Wat ’n wonderlike geleentheid! Dit is in alle waarskynlikheid jul kinders se manier om terug te gee wat hulle nooit volledig sal kan doen vir alles wat julle oor die jare vir hulle gedoen het nie. Geskenke van kinders moet nooit aan die pryswaarde daarvan gemeet word nie, maar eerder aan die gebaar. Julle drie is baie bevoorreg en dit is wonderlik om te weet dat daar nog kinders is wat graag hul ouers wil bederf. Die minste wat julle kan doen,…

Daar is ’n man wat elke Maandag in die wagkamer voor die spreekkamer sit. Geduldig wag hy. Hy lees nie ’n boek nie. Hy speel nie op sy foon nie. Dit lyk of hy met oop oë mediteer. Al wat Debbie kan sien as sy saam met hom wag, is sy hande. Sy weet nie wat die man se naam is nie, maar dit voel of daar iets bekends aan sy hande is. Die hande laat haar aan haar pa dink met sy sagte hart en sy stywe drukke en sy ongemak elke keer as hy ’n pen moes vashou. Debbie kan nog nie glo dat haar pa drie maande terug oorlede is nie. Sy mis hom. Sy hande was soveel anders as Deon s’n. Deon s’n is klein. En…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 09 woorde, goed 12 woorde, baie goed 14 woorde of meer, uitstekend OPLOSSING: Koppenend, opteken, penkop, pepton, kneep, opeen, opeet, poëet, keep, knop, kope, open, peet, pont Woordsoek 33 kleure, van geel tot saffierblou, is hier weggesteek. Hulle kan horisontaal, diagonaal, vertikaal, onderstebo of agterstevoor gelees word en val soms oor mekaar. Kyk of jy…

Toorbos is ’n bosromanse wat in die 1930’s in die Knysnabos afspeel. Dit is die storie van ’n jong vrou se intieme verbintenis met die boomhart van die bos, en hoe dit ’n hindernis geword het in haar belewenis van die man wat sy liefkry. Die gelyknamige rolprent word in Mei uitgereik. www.nb.co.za 3 lesers kan die boek wen. SMS TOORBOS gevolg deur jou naam, van en adres voor 4 Maart 2020 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied.…

Mishka Patel is ’n Pasella-aanbieder, ’n MC, NLP-lewensafrigter en ook radio-omroeper by Good Hope FM. Sy het ook die Mishka Patel Success Classes en hoop om hierdeur jong meisies in Suid-Afrika te help en sodoende verandering teweeg te bring. “Met vrywilligerswerk poog ek om jong vroue in die Strand en Stellenbosch-gemeenskappe met belangrike lewensvaardighede en eienskappe toe te rus om hulle te help om suksesvol en die beste weergawes van hulself te wees. “Ek gebruik ook my NLP-lewensafrigter-kwalifikasie om kliënte te lei om hul ideale te bereik en vir suksesvolle lewens in die regte rigting te stuur.” Sy beskryf haar lewe en loopbaan tot nou toe as opwindend en soms senutergend. “Daar was baie oppe en affe en baie harde werk oor die jare, maar dit is niks minder as…

Haar webwerf se eerste woorde is dat jy nie verkeerd is as jy dink jy het op ’n kunsgalery-blad beland nie. Hierdie kuns is boonop heerlik en kan geëet word! Sy het pas van Australië en Engeland teruggekeer, waar sy die tweede keer die International Cake Masters, oftewel die Cake Oscar Awards, vir die beste skoustuk ontvang het. Daar is nie nog koekbeeldhouers in ons land nie, of nie waarvan sy weet nie. Dis nie verjaardagkoeke vir boetie met ’n bietjie versiersel waarvan ons hier praat nie. Dis koek van 1,2 ton wat ’n lewensgrootte, lewensgetroue renoster, haai, luiperd of olifant uitbeeld. Dit neem tussen ses en 12 maande vir een projek van hierdie skaal. Die storie se begin is eintlik heeltemal onverwags. Dot het as jong vrou in die…

VOOR JY RASPER Spuit kleefwerende sproei aan die rasper voor jy kaas rasper. Dit keer dat die kaas vassit en maak die skoonmaak ook makliker. WEG MET VLIEË Sny ’n suurlemoen in die helfte, druk ’n paar naeltjies daarin en sit dit waar jy doenig is. Blykbaar hou hulle nie van die reuk nie. BÊRE DIE ROLLER Bêre ’n verfroller in ’n ou Pringlesblik. Skroef net die handvatsel af. INSEKBYT Doop ’n watteballetjie in appelasyn en hou dit vir ’n paar minute op die bytplek vir verligting. LOS SKROEF As ’n skroefie op ’n bril losraak, hou dit in plek deur kleurlose naellak daarop aan te wend. MAAK ’N GESONDE HAPPIE Sit jogurt in ’n plastieksak en maak ’n gaatjie aan die onderkant. Drup klein stukkies op ’n bakplaat uit…

OLIEBOLLE 40 oliebolle BESTANDDELE 45 ml (3 e) water80 ml (⅓ k) karringmelk7,5 ml (¾ e) kitsgis1 groot eier565 ml (300 g) koekmeel30 ml (2 e) suiker2,5 ml (½ t) sout30 ml (2 e) botter, gesmeltolie vir braaistrooisuiker METODE 1 Meng water, karringmelk en gis. Gooi eier by en meng goed. 2 Meng meel, suiker, sout en gesmelte botter by tot deeg vorm. Knie vir drie minute tot glad. Bedek bak met plastieksak en laat deeg tot dubbelvolume rys. 3 Keer deeg op meelbestrooide opper-vlak uit. Druk effe plat tot sowat 2 cm dik. Gebruik spuitpunt se agterkant en druk netjiese balle uit. Pak op skinkbord en laat rys. 4 Verhit olie in pot tot 190 °C. Bak balle vir sowat drie minute tot goudbruin en gaar. Skep uit en…

Daar is baie mense wat sê dat hulle nie graag fiksie lees nie, dat fiksie tydmors is. Die werklikheid is eenvoudig te ernstig en daar is nie nog tyd om jou, soos ’n kind, met verbeeldingsvlugte ook besig te hou nie. Veral in ’n wêreld waarin toenemend van “alternatiewe waarhede” gepraat word en waarin dit vir ’n span “feit-toetsers” nodig is om ’n president se toespraak na te gaan en hulle al ná enkele minute se toespraak op talle valshede afkom, het ons nie nog behoefte aan fiksie ook nie. Ons het juis behoefte aan meer niefiksie, aan waarheid, om ons te help om die werklikheid skerper te kan raaksien. Boekverkoopsyfers dui inderdaad daarop dat niefiksie gewilder as fiksie is en bevestig die idee dat ons in ’n samelewing leef…

Block ’n Chisel www.blockandchisel.co.za Coricraft www.coricraft.co.za Mr Price Home www.mrphome.com SHF www.shf.co.za Weylandts www.weylandts.co.za…

MOEILIKHEIDSGRAAD: ⋆⋆ BENODIGDHEDE ELLE STRETCH DK (50 g-balle) 1 bal elk Bella, Foxglove en Hemlock 2 balle White 4 mm-naalde of sirkelnaald vir groter groottes AFKORTINGS aw = aweregs don = draad om naald herh = herhaal r = regs r2tes = regs 2 steke tesame rs = reksteek (elke ry regs) ste = steke PATROON Hierdie is slegs ’n riglyn vir so ’n top, want jy kan dit so klein of groot brei soos jy verkies. Die patroonsteek word oor 18 ste gebrei. Verminder of vermeerder dus die 18 steke afhangende van die grootte wat jy wil brei. Elke herhaling van die patroon is sowat 8 cm lank. Die een op die foto is oor 144 steke gebrei en is 32 cm wyd en 40 cm lank. Dit pas…