Innholdsfortegnelse for 7 February 2020 i Vrouekeur

Kan ’n werksplek pret wees? vra een van hierdie week se artikels. In ’n land waar werkloosheid en armoede elke dag sigbaar is, is dit dalk ’n vraag wat na ’n voorreg klink, want ek weet daar is mense wat sal sê, ek wil net ’n werk hê om mee te begin. Dit is inderdaad so en ’n gelaaide onderwerp wat ’n heel ander debat gaan ontketen. Ek dink die blote feit dat mense toustaan vir werk, gee sommige werk-gewers die magsposisie om nie ’n duit om te gee hoe gelukkig mense in hul werksomgewing is nie, want hulle weet en maak dit ook duidelik dat jy maar kan loop as jy nie gelukkig is nie. Dít is nog ’n tema vir ’n brandende debat. Maar kom ek beantwoord die…

Ons vra ’n paar vrae vir Binnelanders-aktrise Cindy Swanepoel. VERTEL ONS MEER VAN JOU LOOPBAANHOOGTEPUNTE DIE AFGELOPE TWEE JAAR? Die wete dat my karakter in Binnelan ders ’n rol in die bemagtiging van vroue speel, is vir my ’n hoogtepunt. Ek het begin besef dis nie net ék, Cindy, wat kan groei nie. Ook my karakter, dr Annelize Roux, kan in die sepie ontwikkel. Annelize het opgang gemaak van ’n gewone dokter en moeilikheidmaker na iemand met aandele in die hospitaal – sy is so te sê At se gelyke. Dit is ’n voorreg om die geleentheid te hê om te wys alle vroue kan ’n stem hê. Fiela se kind en om die rol van Barta van Rooyen te vertolk, was ’n groot hoogtepunt. Daar was baie druk rondom…

Wêreldslaapdag is 13 Maart Ons almal weet hoe voel dit as jy nie genoeg slaap en nie uitgerus is nie. Jy raak buierig, geïrriteerd, angstig en selfs depressief. Jou kop voel dof en jy sukkel om te konsentreer. Boonop kan voortdurende min slaap tot toestande soos vetsug, hoë bloeddruk, diabetes en hartsiektes lei. Jy ly dalk aan insomnie, of dalk is dit net iets wat jy verkeerd doen en maklik kan regstel. WAT IS INSOMNIE? Dit word gedefinieer as die onvermoë om aan die slaap te raak en lank genoeg te bly slaap, met die gevolg dat uitputting feitlik permanent voorkom. Jy kry snags nie die minimum van sewe uur se slaap in nie en bedags is jy moeg. Dit is dikwels geneties van aard en kom in families voor.…

ETES IN MINDER AS ’N UUR Met bevrore maaltye wat al hoe gewilder word, het Checkers nou ’n Gourmade-reeks bekendgestel. Al die produkte is vry van bygevoegde preserveermiddels, kunsmatige kleurmiddels, MSG en versoeters. Geniet heerlike, moeitevrye kos wat jy net in die oond hoef te druk. Onder meer Beef lasagne, R129,99, Chicken & Broccoli, R139,99. SPESIAAL VIR BABA Organix beloof om slegs organiese bestanddele te gebruik om jou kind net die beste voeding te gee. Die uitdruksakkies is gerieflik en eenvoudige kombinasies van vrugte en grane sorg vir ’n smaakavontuur. Geskik vir babas van ses tot 36 maande. Die Organix Just Pouches is in verskillende geure, onder meer appel, pynappel & klapper of appel, soetpatat & pynappel teen ongeveer R32,49 elk by Clicks, Takealot en Babies Africa beskikbaar. IETSIE VIR…

MAKLIKE BRUINBROOD 1 brood 180 ml (¾ k) louwarm water15 ml (1 e) melasse of nat bruinsuiker1 pakkie (10 g) kitsgis750 ml (400 g) bruinbroodmeel80 ml (50 g) witbroodmeel5 ml (1 t) sout250 ml (1 k) louwarm water Voorverhit oond tot 230 °C en smeer 23 cm-broodpan met botter. 1 Meng water, melasse en kitsgis tot al die gis opgelos is. Laat staan vir 10 minute tot dit skuim. 2 Meng die bruinbrood-en witbroodmeel en sout in groot mengbak. Gooi gisoplossing en ekstra water by. Roer met lepel tot taai, nat deeg vorm. Bedek mengbak met kleef-plastiek en laat vir 15 minute rys. 3 Skep deeg in broodpan en maak met lepel gelyk. Bedek pan met kleefplastiek en laat rys tot pan gelykvol is. 4 Haal plastiek af en bak…

Nadat ’n skildery van Peter Paul Rubens skielik verlede jaar in Johannesburg sy opwagting op ’n veiling gemaak het, het nóg ’n werk van dié Vlaamse meester van die 17de eeu, wat jare lank uit die oog was, onlangs onder die hamer gekom. ’n Duits-Joodse mediese dokter wat Duitsland in die 1930’s betyds verlaat het, het sy versameling, wat Rubens se Portret van ’n heer, geskilder tussen 1598 en 1609, ingesluit het, saam met hom na Suid-Afrika gebring toe hy hom voor die oorlog hier kom vestig het. Jare lank het dié waardevolle skildery in sy huis gehang. Ná sy dood het die familie die skildery op veiling geplaas en volgens die afslaer is die skildery se waarde op sowat R8 miljoen geskat. Einde verlede jaar het ’n belangrike skildery…

Dalk is jy anders, maar vir my is dit bitter moeilik om vir hulp te vra. Ek sal eerder dood neer-slaan as om my aan iemand anders se genade oor te gee. Dit kom waarskynlik van my ma af: ’n bitter selfstandige vrou wat ’n kleintjie dood daaraan het om ’n las vir ander te wees. Terwyl ek destyds by Exclusive Books gewerk het, kry ons op ’n dag ’n versoek van ’n uitgewer af. Ons moet asseblief dringend ’n plan maak. Amanda Palmer, die onkon-vensionele hoofsanger van die Dresden Dolls, kom daardie selfde naweek nog Suid-Afrika toe om haar boek genaamd The Art of Asking te bemark. “The Art of what?” wonder ek en Google dit gou voor ons inderhaas die nodige reëlings vir die impromptu-boektoer begin tref. Dit…

Die Le Rouxs woon die afgelope 23 jaar op ’n kleinhoewe naby Rawsonville in die Boland. Jaco is ’n kontrakteur en het ’n grondverskuiwingsbesigheid; Jeanne is ’n dekorkonsultant en tuisteskepper. JP werk nou ná sy studies by die onderneming as terreinbestuurder en die tweeling, Jeani en Lourens, is studente. Twiggy en Levy, die twee Yorkies, en Katinka, die kat, rond die gesin af. JP het onlangs na die woonstel op die kleinhoewe getrek, maar het nog sy kamer in die huis. BOU EN BREEK Jeanne vertel die huis op die kleinhoewe was deel van die grondverskuiwingsonderneming toe Jaco dit destyds gekoop het. “Ons het so met die jare baie veranderinge aangebring. By die kombuis is ’n binnebraai aangebou, twee slaapkamers het bygekom toe die tweeling hul opwagting gemaak het en…

Crispy kom van agter af en glip haar hand onder sy T-hemp in. Soos ’n witmuis loop haar vingers vanaf sy naeltjie met die harepaadjie op tot tussen die weligheid op sy borskas. Dit verdwaal daar, so ruig is dit. En sy smelt. “Moenie dit doen nie, ek het jou al gesê.” Danny laat val die houtlepel waarmee hy opgekapte ui in olyfolie rondgestoot het. “En hoe’t jy miskien ingekom?” Sy koes indien Danny te kwaad gaan raak (hy sal nie), haar wimpers steeds geslote oor die puur sensasie wat sy pas beleef het. Dan sak sy op ’n kombuisstoel neer, haar kop tot byna op die tafelblad, die swart bob ’n gordyn oor haar gesig. Laatmiddagson vang die glasvaas wat daar staan en gooi ’n glimp lig terug op…

MOEILIKHEIDSGRAAD: ⋆⋆ BENODIGDHEDE MOYA TIMU (62 m / 50 g-balle) 4 balle in kleur van jou keuse 4.50 mm-hekelpen 15 steekmerkers waarvan een anders lyk as die res – gebruik die een wat anders lyk om die begin van elke rondte aan te dui ’n ligte, bypassende chiffonserp AFKORTINGS EN STEEKVERDUIDELIKINGS dies = dieselfde k-kb = kruis-kortbeen m = merker pm = plaas merker in steek laaste gemaak st = steek vlg = volgende vm = verwyder merker Kruis-kortbeen: steek jou pen in die aangeduide steek. In plaas van om die draad van agter na voor oor te slaan, draai jou hekelpen dat die hakie na onder wys, plaas jou pen bo-op die draad en trek ’n lus op. Voltooi die kortbeen soos gewoonlik. PATROON Begin met ’n dubbellussirkel en…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Het jy al die geheim van jou maat, kind, ouer of vriend se liefdestaal ontdek? Indien nie, verklap ek graag die geheim oor die volgende paar weke. As jy in ’n Afrikaanse gesin gebore word, is die kanse baie goed dat jou moedertaal nie Sotho is nie. Later in jou lewe leer jy moontlik addisionele tale soos Engels, miskien Duits, selfs Zoeloe. Maar gewoonlik verg dit heelwat inspanning. Ons druk onsself die maklikste in ons moedertaal uit. Hoe meer ons ons tweede taal gebruik, hoe makliker word dit. Dis logies dat as ons oor kultuurgrense heen doeltreffend wil kommunikeer, ons die taal van dié met wie ons graag wil kommunikeer,…

TEKEN IN OF HERNU jou inskrywing teen R812,50 PER JAAR! ■ BEL Magsathome by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES■ SMS die woorde ‘CAXTON VK’ na 47098 (R1,00 per SMS)■ STUUR ’N FAKS na 086 670 4101 met jou besonderhede van hernuwing of intekening■ SKRYF IN OP ONS WEBWERWE www.vrouekeur.co.za/www.magsathome.co.za■ STUUR ’N E-POS na subs@magsathome.co.za■ POS ’N TJEK uitgemaak aan Magsathome Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450■ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: Magsathome Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou VAN en SELFOONNOMMER as verwysing met ’n elektroniese betaling of direkte…

Stian Bam het die gesogte trofee as beste akteur in ’n fliek by die negende kykNET Silwerskermfees vir sy rol in Die verhaal van Racheltjie de Beer gewen. Die fliek het ook die prys vir beste produksie-ontwerp vir Chantel Carter én die prys vir gehoorgunsteling ingepalm. Matthys Boshof is die regisseur en het saam met Brett Michael Innes die draaiboek behartig. Die verhaal loop só: Vyf jaar ná hul ma se dood trek die De Beer-kinders, die 12-jarige Racheltjie en vyfjarige Jamie, saam met hul pa, Herman, na die Goudvelde. Hul ossewa breek en die gesin kry verblyf op ’n afgeleë plaas in die bergagtige Oos-Vrystaat by die Lundt-egpaar en hul dogter, Sara. Die eerste koue front is op pad en hulle besef hulle sal moet aanbly tot die sneeu…

Edgars www.edgars.co.za MrP www.mrp.com Poetry www.poetrystores.co.za Rowdy Bags www.rowdybags.com Truworths www.truworths.co.za Woolworths www.woolworths.co.za Zara www.zara.com/za…

EERSTE KEER IN SA Roodeberg Reserve 2017 was vroeër slegs by uitgesoekte internasionale markte beskikbaar. Die besluit om dit ook na plaaslike wynliefhebbers uit te brei, is een van die hoogtepunte van Roodeberg se 70ste herdenkingvie-ringe. Hierdie verfynde wyn het smake van rooipruim, bloubessies, kruie en tabakblare. Daar is ligte smake van donkersjokolade en eikehout met sagte tannien. Dis heerlik saam met vleisdisse. Dit is noukeurig gemaak van cabernet sauvignon (48%), shiraz (23%), tempranillo (12%), petite verdot (7%), petite sirah (4%) en spatsels van cabernet franc (3%), merlot (2%) en malbec (1%). Die wyn is 18 maande lank in ’n kombinasie van nuwe, tweede-en derde-vul Franse eike-houtvate verouder. Ongeveer R149,99 by sekere Pick n Pay-winkels landwyd. SAMESYN IN ’N BOTTEL Die Middelvlei Unoaked Chardonnay 2019 is gemaak van druiwe uit…

SJOKOLADEKOEKIES MET ’N ROOMKAASVULSEL 10 koekies 180 g meel30 ml (2 e) kakaopoeier10 ml (2 t) bakpoeier knypie sout110 g botter, teen kamertemperatuur180 g suiker1 groot eier VULSEL 120 g roomkaas60 g botter, teen kamertemperatuur250 g versiersuiker10 ml (2 t) vanieljegeursel Voorverhit die oond tot 180 °C. 1 Voer ’n bakplaat met ’n vel GLAD-bakpapier uit en plaas eenkant. 2 Meng die meel, kakaopoeier, bakpoeier en sout saam. 3 In ’n aparte bak, meng die botter en suiker tot lig en donserig. Voeg die eier by en meng goed. Voeg die meelmengsel by die bottermengsel en meng met ’n elektriese klitser, teen ’n lae spoed totdat dit net-net gekombineer is. 4 Skeep een eetlepel deeg op ’n slag uit. Rol die deeg in ’n balletjie en druk dit saggies met…

Warner Brothers SA het pas ’n musiekvideo van Janie Bay en die rymkletser Early B se treffer Die heelal uitgereik – selfs smeulender as die liedjie self! Janie vertel: “Ek het gewoonlik ’n duidelik prentjie in my kop: die storielyn, wie in die video moet speel, die filmspan met wie ek graag wil saamwerk. Ek sien selfs die fynere detail vooruit, soos die nodige grimering en klere, asook waar die video afspeel. Dis ’n omvattende visie en ek verstaan letterlik elke aspek. Die heelal se proses was dieselfde. Ek het mense gesien wat dans en intieme oomblikke tussen twee mense. Ek wou graag ’n kontras tussen die twee dele skep. Daarom het ons die slaapkamertonele in wit en swart geskiet en die klubgedeeltes met baie kleur, veral met blou en pienk beligting,…

As jy met rosyntjies bak Gooi warm water oor die rosyntjies en week dit vir ’n halfuur. Dreineer dit op ’n papierhanddoekie. Dit gaan sagter in die gebak en meer verteerbaar wees. Vetkrytmerke As jou kinders besluit om ’n wit muur as skilderdoek te gebruik, is daar hoop. Maak ’n pasta van koeksoda en water aan, wend dit aan, laat dit droog word en vee af. REGOP As ysies in die vrieskas buig, is dit nogal ’n gesukkel om dit oop te sny. Laat dit tussen die vriesrak se dele regop staan. DEURE SE SPORE Skuifdeure se spore kan lelik vuil word. Maak dit met ’n mengsel van witasyn en koeksoda en ’n tandeborsel skoon. MUF IN DIE STORT? Spuit witasyn op die stortmure en spoel dit af. LAAT GLASE…

PERFEK VIR DIE BEDDING Pentas (Pentas lanceolata) het die mooiste, fynste stervormige blommetjies wat omtrent die hele somer lank blom en allerlei tuinvriende soos bye en skoenlappers lok. Hulle is semigeharde struike en is perfek vir ’n tuinbedding of pot. Dis is in pers, rooi, pienk en wit beskikbaar. Die struik hou van volson en aard in vogtige, goed dreinerende grond. VOER DIE VOËLTJIES 3 Februarie is Voer die voëls-dag. Dis die ideale tyd om te kyk hoe jy ’n plekkie vir ons geveerde vriende in jou tuin kan maak. PLANT DIT NOU Februarie is die ideale tyd om buite te wees en as jy ’n plant soek om ’n patio mee te verfraai, is Sweet William (Dianthus barbatus) net die plant vir jou. Hierdie vrolike blommetjies kan in Maart…

WOORDSPEL 5 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 21 woorde, goed 26 woorde, baie goed 30 woorde of meer, uitstekend OPLOSSING: Belewenis, beliewe, benewel, beleen, belees, belese, belewe, beseël, beseil, besiel, besien, beswil, beween, bewese, wiebel, beleë, besie, besin, bewei, inbel, been, bees, belê, bels, bewe, bieë, bies, blei, bles, slib Woordsoek 45 geldeenhede van oor die hele wêreld moet in…

In Toring van Jasmyn, wat ’n goue toekenning vir Sanlam-jeuglektuur ontvang het, reis Markus saam met sy pa, suster en vriend na Istanboel. Terwyl hul pa werk, verken die tieners die stad en raak met twee plaaslike tieners bevriend. Daar is bomaanvalle en Markus se suster word ontvoer. Die vakansie ontaard in ’n groot avontuur. www.nb.co.za 3 lesers kan die boek wen. SMS TORING gevolg deur jou naam, van en adres voor 12 Februarie 2020 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskri-faanbiedinge aan jou te bied.…

Die dag toe Daniëlla van Heerden uitgevind het dat mens vir jou nuuskierigheid betaal kan word, het sy nie meer getwyfel oor wat sy eendag wil word nie. Sy was 15 jaar oud en het ’n skool-koerantkursus bygewoon. By hierdie geleentheid het Louise Laubscher, ’n nagnuusredakteur by Beeld, aan die entoesiastiese skoliere vertel dat joernaliste vir hul nuuskierigheid betaal word, en dit het dadelik Daniëlla se belangstelling geprikkel. Louise is intussen oorlede, maar Daniëlla sal haar ewig dankbaar wees dat sy haar in die joernalistiek ingelok het. Eintlik was sy al van ’n baie jong ouderdom af ’n ywerige leser, en mal oor stories en feite en ’n beroep in die koerantwese pas haar soos ’n handskoen. Deesdae is Daniëlla veral bekend as een van die nuuslesers wat om seweuur…

REËNBOOG-SOMERSLAAI 4 porsies 200 g spek, in stukkies gesny2 rooi uie, gekerf1 rooi soetrissie1 groen soetrissie1 geel soetrissie1 komkommer400 g (1 blik) kekerertjies, gedreineer handvol basillieblare3 sirkels fetakaas, gekrummel125 ml (½ k) Italiaanse slaaisous 1 Braai spek in bietjie olie tot gaar en bros. Hou eenkant. 2 Meng ui en afgekoelde spek saam. 3 Kap soetrissies en komkommer in 1 cm-blokkies en roer by uiemengsel. 4 Roer kekerertjies, basiliekruid, feta en slaaisous by en roer goed deur. KAAS-EN-MAALVLEIS-BROODJIES 4 porsies 8 snye witbrood250 ml (1 k) gerasperde kaas1 ui, gekap5 ml (1 t) fyn knoffel500 g maalvleis15 ml (1 e) tamatiepasta15 ml (1 e) mosterd60 ml (¼ k) tamatiesous15 ml (1 e) worcestersous15 ml (1 e) blatjang15 ml (1 e) rooivleissout Stel oond op 180 °C. 1 Pak vier snye…

Die Dubai Expo 2020 word gead-verteer en net daar besluit ons wanneer ons weer via Dubai reis, gaan ons die ure op die lughawe vir ure in dié stad verruil. Dubai is gekies om hierdie vyfjaarlikse uitstalling vir die eerste keer in die Midde-Ooste aan te bied. Ek is trots om te sien dat Suid-Afrika een van die deelnemende lande is. Met die slagspreuk Connecting Minds, Creating the Future waarmee die stad 192 deelne-mende lande en miljoene besoekers gaan verwelkom, is dit dus geen wonder dat jy hyskrane regoor die stad sien wanneer jy van die lughawe af inry nie. Ons het danksy ’n wonderwerk ’n nag in ’n hotel, visums vir Dubai, etes en vervoer van en na die lughawe van die lugredery Emirates ontvang, nadat ons reisagent mooi…

ROLPRENTE A MILLION LITTLE PIECES 7/10 Met Aaron Taylor-Johnson en Billy Bob Thornton Regisseur Sam Taylor-Johnson WARE LEWENSDRAMA Jy sien dalk die naam van die mooie Aaron Taylor-Johnson in die hoofrol en snel popelend na die naaste teater om hom in al sy glorie te aanskou. En glo my, vir hierdie “ernstige rol” haal hy alles uit en wys! Maar dit is waar die plesierigheid eindig, want hierna verander die arme hoofkarakter, wat op ’n werklike mens gegrond is, in ’n monster met ’n gesig vol letsels en snye op sy siel wanneer hy in ’n rehabilitasiesentrum beland vir elke verslawing wat nog uitgedink is, waarvan drankverslawing en kokaïen bo aan sy lysie staan. Maar een maal ’n dwelmslaaf, altyd een, suggereer die woeste kronieke van ’n slaaf wat probeer…

Pablo Neruda het die Nobelprys vir letterkunde in 1971 ontvang, twee jaar voordat hy klaarblyklik vermoor is. Terwyl hy in September 1973 vir behandeling in die hospitaal was, het Augusto Pinochet (met die ondersteuning van die CIA) die regering van Salvador Allende in Chili in ’n staatsgreep omvergewerp. Die digter, ’n vriend en raadgewer van Allende, het daarop aangedring om uit die hospitaal ontslaan te word nadat hy agterdogtig geword het oor die inspuitings waarmee hy “behandel” is. Eers in 2015 is amptelik erken dat hy inderdaad na alle waarskynlikheid deur Pinochet se agente vermoor is. Die digter was só gewild dat duisende Chilene Pinochet se verbod op ’n openbare begrafnis vir Neruda geïgnoreer en hul laaste eerbetoon aan hom gaan bewys het. Twee jaar tevore het 70 000 Chilene…

“Het jy darem al die goed uitgesorteer?” wil Tina weet toe haar suster sukkel om die geroeste slot oop te sluit. “Nee.” “Gerda, dit gaan ons ’n week neem om deur alles te gaan.” “Dan moes julle twee dalk vroeër gekom het, of ná die begrafnis aangebly het, soos ek voorgestel het.” “Jy weet ek kon nie,” gaap Louise, en strek haar arms bo haar kop. “Jet lag is wraggies nie vir sissies nie.” “Vlugvoosheid,” korrigeer Tina. Gerda luister met een oor na die twee vroue agter haar. Soms wens sy sy was nie die oudste nie. As dogtertjie was daar ’n rukkie toe sy dit geniet het, veral toe hulle haar nog bewonder het en alles gedoen het wat sy gevra het. Dit was egter ’n baie kort rukkie.…

ONGELUKKIG MET STUDIERIGTINGKEUSE Ek het volstoom met my studies begin, maar is klaar verveeld daarmee en stel nie meer in my rigting belang nie. Ons het vroeër as die ander studente begin, waarskynlik as gevolg van die massas werk wat ons moet doen. Ek besef dat ek baie gelukkig was om vir die studierigting gekeur te word. Kan ek in hierdie stadium nog van rigting verander? Selfs al kan ek, weet ek nie wat my keuses is nie. Hoe en wie kan my help? – Onseker student Jy is voorwaar by ’n kruispad. Ek kan nie help om te wonder wie se droom jy uitleef – joune of iemand anders s’n nie? Met die beperkte kennis oor jou tot my beskikking, stel ek voor dat jy dringend by die studentevoorligtingsentrum…