Innholdsfortegnelse for 3+10 January 2020 (combined) i Vrouekeur

Eldaleen 1 Hierdie jaar word my verfstokperdjie ’n onderneming.2 Ek hoor net goeie goed van Pilates – dis tyd – ek word 60!3 Voor einde 2020 wil ek behoorlik kan tango. Zerilda 1 Ek wil graag ’n nuwe musiekinstrument leer speel.2 Vanjaar wil ek by ’n klub soos ’n boekklub aansluit.3 En aktiewer wees. Je’Maine 1 Ek wil ’n bonsaisnoeikursus bywoon.2 Spaar is ’n prioriteit vanjaar.3 Ek wil weekliks interessante resepte uittoets. Zerelda 1 Ek wil vanjaar gesonder eet en leef. Meer gim, minder gin …2 ’n Ou laai van my is om dinge met groot entoesiasme aan te pak en dit dan later te los. Ek wil daai gewoonte verbreek en iets klaarmaak – soos ’n digbundel.3 Ek het weer begin swot en wil vanjaar meer vakke as verlede…

Vanjaar is dit 28 jaar sedert sy die kroon as die land se mooiste ontvang het. Die land was in ’n vreemde fase: Nelson Mandela was vry, maar een van die land se bloedigste slagtings het in Boipatong plaasgevind. Amy was Suid-Afrika se eerste bruin Mej SA en het vierde by die Mej Wêreld geëindig. Sy was ’n gekwalifiseerde onderwyseres van Kaapstad, wat ook Afrika se politieke geskiedenis op universiteit bestudeer het, toe sy op 12 Desember op die Mej Wêreldpodium by Sun City geweier het om die ou landsvlag te dra en eerder die wit vlag met dié kompetisie se logo op, te vertoon. Sy het al verskeie kere vertel hoe sy beledigende oproepe in haar hotelkamer ontvang het, maar alles het verander toe een van dié oproepe ’n…

Dié wêreldbekende vrou, wat die voorsitter van die departement verloskunde en ginekologie aan die Universiteit van Kaapstad en Groote Schuur-hospitaal is, was amper verlore vir geneeskunde, want so byna het prof Lynette Denny nie haar mediese studies voltooi nie. Prof Lynette sit agter ’n ronde tafel in haar kantoor by Groote Schuur-hospitaal se Ou Hoofgebou, die gebou waarin die eerste hartoorplanting in 1967 deur prof Chris Barnard gedoen is. Teen die mure van haar kantoor – ’n plek waar sy leef – hang verskeie grade, toekennings, foto’s en persoonlike herinneringe. Daar is ’n gemaklike rusbank en kuns teen die mure. Die grootste deel van haar lewe het sy hier deurgebring. In die eindelose gange van dié akademiese hospitaal, by die mediese skool oorkant die pad en by klinieke waar arm…

Vir baie mense is Januarie en Februarie die neerdrukkendste maande van die jaar – deels omdat hulle moet aanvaar dat daar weer niks van die vorige jaar se Nuwejaarsvoornemens gekom het nie. Dit is normaal om teleurgesteld te voel, maar ons kan uit ons mislukte voornemens leer. Een van die redes hoekom ons nie by ons voornemens kan hou nie, is omdat ons onsself en dít wat ons motiveer, nie regtig goed ken nie. Studies het bevind dat mense wat ’n spesifieke doel najaag, veel beter vaar as hulle vertroue in hul vermoë het om hul doelwitte te bereik. Dit hou verband met ’n oriëntasie wat daarop gerig is om te leer, eerder as op resultate. Wanneer ons vertroue in iets het en opreg daarin geïnteresseerd is om meer kennis…

Maruanda Wynne beskryf haarself as ’n skrywer wat toevallig hardloop of ’n atleet wat ook graag skryf. Naald- en borduurwerk was ook nog altyd een van haar passies. Toe sy op ’n dag in 2011 daarmee besig was, het sy na die garingdrade en afvalmateriaal op die vloer gekyk en baie meer as net weggooigoed raakgesien. ‘Hartlap’ het op my vloer kom lê, ’n flenterlaphopie met garingdrade en sjokoladepapiere tussenin. Ek het die hopie so uit die hoogte aangekyk en my hart het teen die tafelpoot afgekruip tot onder tussen die rafels en stof.” Op daardie oomblik het haar gedig “Hartlap”, wat die volgende jaar sy pad na die Woordfees se Zivaglo-uitstalling sou vind, by haar opgekom: Vader tel die flentertjies op van my flenterhart Maak my gesond en gee…

WENK Drup bietjie suurlemoensap oor avokado om die kleur te behou GROEN TOEBROODJIE 4 porsies 16 snye rogbrood80 ml (⅓ k) roomkaas80 ml (⅓ k) korrelmosterdhandvol slaaiblare1 komkommer, in linte gesny2 avokado’s, in skyfies gesny50 g (½ pakkie) spruitesout en peper 1 Smeer agt snye brood met roomkaas en agt met mosterd.2 Pak blare op al die snye.3 Pak komkommerlinte op brood.4 Sit avokado saam met spruite op brood.5 Geur met sout en peper en maak broodjie toe. WARM CAPRESE-BAGUETTE 4 porsies 2 groot Franse brode, in drie gesny100 g (1 houer) basieliekruidpesto4 groot tamaties of 100 g klein tamaties, gesny200 g (1 houer) mozzarella, in skyfiesvars basieliekruid vir bo-op Stel oond op 180°C. 1 Sny brood in helfte deur. Smeer albei kante met pesto.2 Pak tamaties en mozzarella op…

▶ Ziad Fazah, wat in Liberië gebore is, verskyn in die Guinness World Records, want hy kan 59 wêreldtale praat.▶ As mens na die geskiedenis kyk, is daar volgens die webwerf www.sciencefocus.com vele voorbeelde van mense wat ’n swetterjoel tale kon praat. Kardinaal Giuseppe Caspar Mezzofanti, wat in 1774 gebore is, kon 38 tale en 40 dialekte praat.▶ Die tiende eeuse Moslem-taalkenner Al-Farabi kon glo 70 tale praat.▶ Die Duitser Hans Conon von der Gabelentz, wat in 1807 gebore is, het tale nagevors en grammatika vir 80 daarvan gepubliseer.▶ Die rekord behoort egter aan sir John Bowring, ’n goewerneur van Hongkong van 1854 tot 1859, wat glo ongeveer 200 tale geken en 100 daarvan kon praat.…

In 2007 het die Colombiaanse kunstenaar Doris Salcedo ’n kunswerk in die Tate Modern gemaak wat die wêreld aan die praat gehad het – ’n kraak wat as ’n haarlynkraak in die vloer van dié museum se Turbine-saal begin en 167 m verder ’n bietjie meer as ’n halwe meter gaap. Einde verlede jaar was Salcedo weer in die nuus toe die wêreld se grootste kunsprys, die Nomura-prys ter waarde van net meer as R15 miljoen, aan haar toegeken is. Dié kunsprys, met Salcedo as die eerste wenner, is verlede jaar deur Nomura, ’n Japanse finansiëledienstemaatskappy, in die lewe geroep. Die prys word nou jaarliks toegeken sodat ’n kunstenaar ’n ambisieuse kunsprojek kan aanpak wat voorheen nie in sy of haar vermoë was nie. Die vermoede is dat Salcedo die…

ROLPRENTE MIDWAY 6/10 Met Woody Harrelson en Ed Skrein Regisseur Roland Emmerich OORLOGDRAMA Daar is al tevore (in 1976) ’n rolprent oor die slag van Midway gedurende die Tweede Wêreldoorlog gemaak. Hierdie is ’n nuwe weergawe. Dit loop weer die bloedige oorlogspore na van die veldslag van 1942, toe die Amerikaanse en Japannese magte vir mekaar gegrom het oor veral die strategiese Midwayeiland. Die Japannese wou die Amerikaanse vloot in ’n lokval lei en dan vernietig, maar die slag het anders afgeloop as wat hulle verwag het. Die musiekblyspel South Pacific (1959) handel ook hierdie spanning, maar heel glansryk. Destyds, in die 1976-weergawe, was die rolprenttegnologie nog nie so gevorderd om die aanvalle realisties voor te stel nie, maar nou het rekenaartowenaars die veldslag vervolmaak. En as ’n epos oor…

Die mense sê tweelinge is dubbele vreugde, maar Petra sê dis twak. Dit hang af of jy die wenner of die verloorder is. Want daar is altyd ’n wenner en dis nie sy nie. Dis Linda wat eerste lag en eerste loop en tande kry, soos ’n tweetandskaap, terwyl Petra nog op die vloer rondkruip. Dis net wanneer hulle geweeg word dat Petra wen, vér wen. Of verloor. Want ’n groot meisie se verpakking beroof haar van baie dinge. “Groot meisies huil nie,” moet sy gedurig hoor wanneer die trane opwel. Linda kan maar huil, ja, op die skoot getel en getroos word. “Maar dit lyk so aardig as die yslike kind so luidkeels te kere gaan,” kla haar ma saggies by haar pa wanneer Petra se hart in skerwe…

BENODIGDHEDE 13 balle MoYa Piccolo in 13 verskillende kleure (250 m/500 g) 3.00 mm-hekelpen AFKORTINGS dies = dieselfde dslb = dubbels-laglangbeen glb = gedraaide langbeen gs = glipsteek gsh = glipsteekheg ign = ignoreer ks = kettingsteek kb = kortbeen lb = langbeen hlb = halflangbeen rdte = rondte skb = staande kortbeen sp = spasie st = steek sxso = slaan x aantal steke oor vor = vorige MOTIEFPATROON Met kleur 1 Begin met 6 ks, gs in 1ste ks om ring te sluit. Hekel rondte 1 in die ring. Rdte 1: 1 glb, 11 lb, 1 gs in die glb om die rdte te sluit (= 12 ste). Rdte 2: 1 glb in 1ste st, 1 lb in dies st, (2 lb in vlg st) 11 keer, gs…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 19 woorde, goed 22 woorde, baie goed 26 woorde of meer, uitstekend OPLOSSING: Kerswense, swenker, rekwes, skerwe, skewer, skrewe, weekse, kerwe, kewer. kween, skewe, sweer, swenk, swerk, weens, weker, wener, wreek, kwes, newe, week, ween, wees, wenk, wens, weer Woordsoek Van nagenoeg 6 000 Griekse eilande, is 32 in hierdie rooster versteek. Hulle kan horisontaal,…

Die splinternuwe dramareeks Projek Dina word deur Penguin Films vervaardig, wat ook Arendsvlei en flieks soos Krotoa vervaardig het. Hulle skroom nie om die donker kant van die lewe te wys nie. Projek Dina, wat op 14 Januarie op kykNET begin, is die storie van ’n blitsreaksietaakspan wat vermiste mense moet opspoor. Die voormalige Valke-ondersoeker Marcel van der Watt en Missing Children SA se Nicky Rheeder en Bianca van Aswegen het as konsultante vir die reeks opgetree. Projek Dina is deur ware verhale geïnspireer. “Kykers sien hoe drie speurders wat spesifiek deur brigadier Patricia Dlomo uitgesoek is, dae aaneen werk sonder om te slaap en hoe hulle die Kaap se gevaarlikste hoekies betree. Die taakspan gebruik die hulp van ’n nie-amptelike informant, die kuberkraker Charlene “Charlie” Botha (Kay Smith),” vertel…

Dr Pierre Hofmeyr was in 1969 deel van ’n uitgelese groep wat by die Universiteit van Kaapstad se geochemiese departement maanmonsters van Amerika ontvang het. Die universiteitslaboratorium onder leiding van prof Louis Ahrens was saam met ’n laboratorium in Duitsland die enigste een buite Amerika wat die geleentheid gehad het om monsters vir Nasa te toets. Dr Pierre se spesialisveld was die analise van rots en minerale vir groot-, klein- en spoorelemente deur die gebruik van optiese spektroskopie en X-straal-fluoressensietegnologie. Gaan lees jy op oor die gebeurtenis by die Universiteit van Kaapstad, is dit net een paragraaf onder “goed wat jy nie van die universiteit weet nie”, op die webwerf wat na dié ongelooflike prestasie verwys. Dr Pierre onthou dat hy op daardie wintersdag op 20 Julie 1969, toe Neil…

BASIESE KLEDINGSTUKKE VIR ’N PRAKTIESE KLEREKAS Baadjie Broek Rok Hakskoene (oop en toe) Bloes Knopieshemp Truitjie Plat skoene (oop en toe) Romp As jy hierdie nege kledingstukke in wit, room, grys, vlootblou en swart het, is die variasies eindeloos. WENK Om die meng en pas maklik te maak, hou by neutrale en basiese kleure soos wit, room, grys, vlootblou en swart. Forever New www.forevernew.co.za MrP www.mrp.com Woolworths www.woolworths.co.za Zara www.zara.com…

1 FOKUS OP DIT WAT JY REGTIG WIL HÊ Mense kyk dikwels na eksterne dinge om jou siening van sukses te definieer, soos die sosiale standaarde vir fisieke aantreklikheid of finansiële welvaart. Die eksterne druk laat ons voel ons weet waarvoor om te mik as ons Nuwejaarsvoornemens opstel. As ons met ander mense se idees van “sukses” behep is, kan dit die rede wees hoekom ons nie by ons voornemens hou nie. Dit klink goed om ’n doelwit te hê om jou eie onderneming op die been te bring, maar dalk is jou hartsbegeerte om iets kreatiefs te doen – dit is miskien hoekom jou onderneming nie van die grond af kan kom nie. Jou kanse op sukses is veel hoër as jou voornemens beperk is tot wat jy wíl…

GEBAKTE HAWERMOUT 1 bak 250 ml (1 k) ryp piesang, fyngedruk2 groot eiers750 ml (3 k) melk60 ml (¼ k) suiker10 ml (2 t) vanieljegeursel1 000 ml (460 g) hawermout5 ml (1 t) kaneel5 ml (1 t) bakpoeier2,5 ml (½ t) sout375 ml (1½ k) aarbeie, gesny Voorverhit oond tot 180 °C en spuit ’n 23 x 33 cm-oondbak met kleefwerende sproei. 1 Meng piesangs, eiers, melk, suiker en vanieljegeursel.2 Voeg hawermout, kaneel, bakpoeier en sout by en meng goed.3 Voeg gesnyde aarbeie by en meng deur.4 Skep beslag in oondbak en bak vir 35 tot 40 minute tot goudbruin en gaar.5 Sit met heuning voor. WENK Oorskiet kan vir drie dae in die yskas gebêre word. Om dit warm te maak, sit ’n porsie met ’n klein bietjie melk…

ALTYD KOFFIETYD! Wees op die uitkyk na Nespresso se beperkte uitgawe heerlike koffiegeure, onder meer die Nordic Black met delikate vrugtegeure (R90). En as jy nog nie ’n koffiemasjien het nie, skaf een van Nespresso se oulike masjiene soos die Essenza Mini Machine (R1 450) aan. Beskikbaar by www.buynespresso.com LEKKER PIZZA Wie is nou nié lief vir ’n sny pizza nie? Maak sommer jou eie tuisgemaakte pizza met die G3 Ferrari Pizza Oven. Dit bereik ’n temperatuur van tot 390 °C, wat ’n pizza binne vyf minute gereed sal hê. Geen rook of onaangename geure word veroorsaak nie. Met die gebruik sal die plaat merke laat, maar dit sal glad nie die bakproses negatief beïnvloed nie, R3 399. www.yuppiechef.com KOEL AF Koel in die warm weer af met ’n yskoue…

Lizelle Erasmus, ’n ma van drie van Hermanus, sê dit bly maar ’n uitdaging om haar middelkind nie soos ’n “middelkind” groot te maak nie, maar sy glo die “sindroom” is bloot ’n etiket, en ’n kind se persoonlikheid en jou ouerskapstyl speel ’n rol. “Ek het al drie as baba dieselfde behandel. Al drie het saam met ons in die bed geslaap. Al drie is geborsvoed, kangeroestyl rondgedra, en so meer. Elkeen het dieselfde insette en tyd gekry. Ek dink die ouderdomsverskil tussen my kinders is ideaal, en elkeen het sy plekkie in die son. Ousus is nege, ‘middelkindboetie’ is ses, en die jongste boeta is nou twee. Hoe ’n kind die middelste plekkie ervaar, hang van daardie kind se persoonlikheid af. My middelste kind is ’n natuurlike leier.…

Daar is geen ander motors nie behalwe vir die Studebaker wat langs die spoorlyn lê en roes. Ek neem ’n foto van die logo in die middel van die pad: Route 66. Hierdie gelapte paadjie wat vaalgrys verbleik en so gemaklik soos ’n rivier deur die landskap vloei, is waarskynlik die bekendste reisroete ter wêreld. Asook die hoofstraat van Amerika. Altesaam 3 940 km deur drie tydsones en agt state, waarvan ons ’n strook van 600 km deur Arizona ry. Dit is nie meer die eindelose langpad van Jack Kerouac se “longhaired brokendown hipsters …” nie. Net gedeeltes van die oorspronklike Route 66 het behoue gebly. Dikwels is daar nie eens ’n padteken nie. Jy moet wéét waar om te draai, want die GPS neuk hardkoppig terug snelweg toe of…

“Ek hoor jy skryf?” sê die vrou in die hysbak. “Ernst het my vertel.” Sy gee ’n verleë laggie sonder om te wag dat ek antwoord. Ernst is Kingswood se haan van ’n faktotum wat alles van almal weet. Vandat ek hier ingetrek het, kom ruil hy almal se stories by my vir ’n skeutjie whiskey. Dié het hy sommer die eerste dag raakgesien toe hy my goed help opdra het. Maar van hierdie tingerige vrou het hy my nog nie vertel nie. Haar helder, vaste stem is ’n verrassende teenstelling met die inkennige figuur wat langs my staan. Fyn gebou, met die kurwes van ’n HBpotlood wat nat geword het en deur die son drooggebak is. Haar hare is ’n grysvaal tjalie wat uitgewas rondom haar driehoekige gesig hang.…

Die geluk was aan my kant met my eerste werk as kinderboekuitgewer. Ek het eers jare later ten volle begryp presies hóé gelukkig ek dit destyds getref het. Gewoonlik moet mens eers harde boeke kou voor jy uiteindelik, ná ’n lang en moeilike paadjie, jou eerste rooi pen verdien. Daar was destyds net so 30 van ons wat uitgewerswese by Tukkies geswot het. Die gawe mense by Van Schaik Uitgewers het laat weet hulle benodig studente wat kan kom uithelp en wonder bo wonder is ek een van die vier wat gekies is om daar te gaan werk. Op ’n dag kom tik een van my nuwe kollegas my op die skouer en gee vir my ’n vorm aan. “Dê,” sê sy, “ek het hierdie advertensie raakgesien, maar ek is…

Kakuro Die doel met Kakuro is om ’n leidraad se totaal te kry deur die nommers 1 tot 9 in die wit blokkies te gebruik. ’n Nommer in die hoek regs bo verwys na ’n dwars-leidraad en ’n af-leidraad is in die hoek links onder. Geen nommer mag in ’n antwoord gedupliseer word nie. Vir die totaal van 6 kan jy byvoorbeeld 1 + 5 of 2 + 4 gebruik, maar nie 3 + 3 nie. Woordspel 1 Soek die woorde hieronder wat eindig met die letters …eur Die aantal letters waaruit elke antwoord bestaan, word ná die leidrade aangedui 1 Aanspreekvorm vir ’n Franssprekende man (8) …eur 2 Rekenmeester wat bevoeg is om finansiële rekords na te gaan (8) …eur 3 Goedopgeleide, gespesialiseerde afrigter van diere soos perde (6)…

RUIK DINGE WAT NIE BESTAAN NIE Ek dink ek is besig om van my kop af te raak. Ek ruik heeltyd vullishope en dooie rotte in my studeerkamer. My man het al die hele plek omgekeer, maar sien of ruik niks. Dit verdwyn soms en dan kom dit weer terug. Kan dit my verbeelding wees? – Snuf in die neus Daar is ’n legio neurologiese oorspronge wat sodanige toestand kan skep. Daar is byvoorbeeld mense wat met die aanvang van ’n migraine-aanval vreemde reuke kry. Die brein is so sensitief dat dit selfs jou geheue so ver terugneem soos jou kinderdae met dinge wat net ons en nie ander nie kan ruik. Daar is selfs medikasie waarvan die inname ’n mens se reuk- en smaaksintuig erg aantas. Soms vind mens…

’n Keur van verhale uit die skatkis van een van Suid-Afrika se gewildste liefdesverhaalskrywers. Daar is: Die ontbrekende helfte, Liefde uit die stormnag en Teësinnige erfgenaam 3 lesers kan die boek wen. SMS KEUR 5 gevolg deur jou naam, van en adres voor 15 Januarie 2020 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied.…

Ons het heel uit die verkiesing gekom en die Springbokke het die nasie ’n oomblik verenig. Die Ndlovu-jeugkoor se prestasie is nog ’n rede om ’n trotse Suid-Afrikaner te wees. Elke jaar maak ons voornemens, beraam planne, en stel doelwitte, maar om die een of ander rede kon ons nie by alles uitkom nie. Gelukkig kan ons weer probeer of berus in wat was en nuut begin, vasbeslote om ’n verskil te maak. PROBEER ’N VERSKIL MAAK “Daar is so baie uitdagings, maar ek dink die belangrikste is om te probeer om positief te bly. Dit is baie moeilik as mens aan al die geweld, moorde en ook die droogte dink. Ek dink ook ons moet probeer om in ons eie klein kringetjie gelukkig te wees en nie geluk daarbuite…

Dis daardie tyd van die jaar wat ons weer voornemens maak en hoop om daarby te hou, maar die sielkundige Floris Knouwds sê die meeste Nuwejaarsvoornemens is bloot wense wat mense uitspreek – nie definitiewe keuses of voornemens nie. “Navorsing wys dat die ‘nuwe’ gedagtes en gedrag gou vervaag. As jou persoonlike funksionering egter van so ’n aard is dat jou voorneme ’n soort wet word (of ’n kontrak wat jy met jouself aangaan) kan dit jou onder baie druk plaas wanneer jy nie by jou voornemens hou nie,” sê Floris. “As jou Nuwejaarsvoorneme ’n onrealistiese eis aan jouself stel (met ander woorde as jy sonder goeie nadenke en beplanning ’n ononderhandelbare vereiste stel), kan jy ’n klomp skuldgevoelens en gevoelens van mislukking beleef. “Die uiteinde is dikwels dat jy…

BLOU KUNS Die David Krut-galery bied nog tot 18 Januarie in Parkwood, Johannesburg, ’n groepuitstalling, Kind of Blue, aan. Kunstenaars is genooi om die kleur blou en die kaleidoskoop van skakerings en betekenisse te ondersoek. Kunstenaars soos Kate Arthur, Amy Ayanda, Lynda Ballen, Deborah Bell, Elize de Beer, Heidi Fourie, Sarah Grace, Matthew Hindley, Stephen Hobbs, Sarah Hunkin, Mako Ixhizuka, Roxy Kaczmarek, Nina Torr, David Koloane, Kim-Lee Loggenberg, Maja Maljevi?, Pebofatso Mokoena en Robyn Penn se werk kan besigtig word. Besoek www.davidkrutprojects.com.virinligting DELHEIM-OESFEES Die Delheim-landgoed buite Stellenbosch hou op 25 Januarie hul gewilde Oesfees. Die fees is ’n hoogtepunt op die wynkalender met goeie kos en drank, musiek, trekkerritte en die gewilde druiwe-pluk-en-trap-kompetisie. Die kaartjieprys sluit ook ’n bottel Delheim-wyn in. Kaartjies kos R480 per volwassene en R280 per kind.…

JANUARIE-WENBOEK Januarie-wenners wen Kristel Loots se boek Eendag is nou met die komplimente van Lapa Uitgewers. Jacomien se lewe bestaan daaruit dat sy haar man, ’n eiendomsagent, na begrafnisse vergesel om te netwerk en huise wat te koop mag wees op te spoor. Dis een van die rare maniere waarop die nimlike JanKoos sy sake bedryf en goeie vrou wat sy is, ondersteun sy hom daarin. Maar Jacomien is moeg en verveeld met JanKoos en hul manier van lewe. Sy trek uit en gaan bly in ’n strandhuis. Haar lewe lank wag sy daarop om eendag waarlik gelukkig te wees, net om te besef dat eendag nie meer op háár wag nie. Om die kroon te span, is haar 20-jarige dogter begogel met haar filosofieprofessor en Jacomien se bekommernis hieroor…

Jip, dis Nuwejaar! Oppinoot begin die jaar op ’n vrolike noot en ons wikkel die litte op die maat van die ritmes van splinternuwe albums deur Appel en Die Ventertjies en die boeremusiek-album Varstrap. APPEL VIER SY HERKOMS PATRIOTIES Christoph Kotzé, oftewel Appel, is een van Afrikaanse musiek se bedrywigste liedjieskrywers en boonop ’n veelsydige sanger en musikant. Die titelsnit van sy debuutalbum, Lei my na die water, was ’n reusetreffer en sy opvolgalbum, Boer loop deur my are, het verskeie gunstelinge opgelewer, waaronder die titelsnit wat oor die twee miljoen trefslae op YouTube gehad en bo-aan verskeie trefferparades gepryk het. Op sy jongste album, Patriot (Universal), besing hy die Afrikaner-kultuur en Afrikaansheid ombeskaamd met patriotiese sentiment en uitbundige plesierigheid. Die album het 13 oorspronklike komposisies. Naas die avontuurlustige radiotreffer…

Vir jonger lesers is daar baie opwindende nuus. (En baie ouer lesers sal net soveel hiervan geniet.) Die wenners van die Sanlam-prys vir jeuglektuur het pas verskyn. Die goue toekenning het gegaan aan Derick van der Walt se roman Toring van jasmyn. Van der Walt het geen bekendstelling as jeugskrywer nodig nie. Lien se lankstaanskoene is met verskeie pryse bekroon en met Willem Poprok en Hoopvol het hy hom as een van die voorste Afrikaanse jeugromanskrywers gevestig. Toring van Jasmyn voldoen aan twee besonder belangrike vereistes vir ’n jeugboek: uiteraard moet dit eerstens ’n boeiende, snellopende verhaal vertel, vol spanning en interessante wendings om jong lesers, wat aan opwindende TV-reekse en flieks gewoond is, se aandag te behou. Tweedens is dit belangrik dat lesers ook aan ’n “ander wêreld” as…

GESONDE TUIN Lus om vanjaar gesonder te leef? Dan is dit tyd om blaargroentes in die tuin te kry. Life is a Garden sê die volgende saad kan nou gesaai word: Blaarslaai, roket, spinasie, blaarbeet, krulkool. Komplementeer die groente met groen kruie soos ment, basiliekruid en pietersielie. PLANT Januarie is ’n goeie tyd om kleurryke eenjarige saailinge in die grond te kry. Salie sal deur die somer- en herfsmaande groei. Die blomkleure wissel van rooi, pers en poeierblou tot diepblou. Hulle is waterwys en groei maklik in potte ook. Leeubekkies se treffende kleure maak hulle ’n gunsteling in die tuin. Dwergvariëteite lyk lieflik in potte of hangmandjies. Petunias is een van daardie plante waarby jy maklik in die kwekery sal verbyloop omdat hulle dikwels met slegs een blommetjie of twee…

Ai, die toekoms is darem maar in misterie toegewikkel. Mense is lief om oor die toekoms te spekuleer en voorspellings te waag. Sommige voorspellings mag waar word, ander nie. In 1962 het die Decca-platemaatskappy die Beatles weggewys en gesê hulle hou nie van hul klank nie en kitaarmusiek is besig om uit te sterf. In 1974 het Margaret Thatcher gesê: “Dit sal jare neem – en beslis nie in my leeftyd nie – voor ’n vrou eerste minister word.” In 1977 het Ken Olson, die voorsitter van Digital Equipment Co, gesê: “Daar is geen rede vir enigiemand om ’n rekenaar in hul huis te wil hê nie. “ Min het hulle almal geweet! Wat hou die toekoms in? Niemand weet nie. Miskien moet ons eerder vra: Wie hou die toekoms?…