Innholdsfortegnelse for 22 November 2019 i Vrouekeur

Zephany Nurse is as baba gesteel en haar biologiese ouers het 17 jaar lank na hul dogter gesoek. Op bl 8 vertel sy aan Maryke Roberts dat sy die vrou wat sy as haar ma geken het, vergewe het. Hoe en hoekom vergewe jy iemand wat vir die trauma in jou en ander mense se lewens verantwoordelik was? Zephany gee die antwoord: “… ek moes haar vergewe – vir my eie onthalwe”. Ek het onlangs ’n boek gelees oor trauma, die erkenning en verwerking daarvan, vergifnis en die helingsproses. Die boek het vir my meer beteken as wat jare lange terapie sou kon beteken het en ek het summier etlike kopieë gekoop om vir mense te gee, wat ek weet met sekere gebeure in hul lewens sukkel. Die boek, The…

Tinarie van Wyk Loots bly die afgelope vyf jaar op Riebeek-Kasteel in die Swartland en haar katte, goudvisse en hoenders – wat almal pittige name het – is haar beste geselskap. Sy was die afgelope ruk baie meer op die kassie as op die verhoog en onder meer te sien in Fynskrif, Dwaalster en ook Onder die Suiderkruis. In een van ons vorige geselsies het sy genoem TV bly ’n uitdaging. Ek wonder of dit makliker word. Sy lag: “Ek geniet my werk geweldig baie en hou van uitdagings. Ek sou nie noodwendig sê dit word makliker nie, maar mens leer gedurig jou ambag beter ken en ervaring is jou grootste leerskool.” In die rol van Lara is sy die dogter van die patriarg, Hans van Wyk (Chris van Niekerk),…

SOESJIRYS 375 ml(1½ k) soesjirys500 ml (2 k) water60 ml (¼ k) rysasyn5 ml (1 t) sout25 ml (1 e+ 2 t) strooisuiker 1 Was en spoel rys tot water nie meer melkerig is nie. 2 Kook rys in water tot sag. 3 Skep rys op skinkbord en laat effe afkoel. 4 Laat asyn, sout en suiker stadig oor lae hitte warm word tot suiker opgelos is. 5 Gooi asynmengsel oor rys en meng deur met vurk. Laat heeltemal afkoel. MAKI-ROLLETJIE 4 porsies bamboessoesjimatkleefplastiek5 seegrasvelle, in helftes gebruik10 crabsticks, in kookwater ontdooi 1 Trek soesjimat met kleefplastiek oor. 2 Sit seegrasvel met growwe kant na bo op soesjimat. 3 Versprei rys in dun lagie oor seegrasvel. Hou 1 cm aan een van lang kante oop. Maak jou hande nat sodat…

Jare lank is geglo dat dié hande – van die mees gereproduseerde kuns in die wêreld – ’n voorskets is wat Albrecht Dürer vir ’n altaarstuk in opdrag van ene Jacob Heller, ’n Frankfurtse handelaar, gemaak het. In dié altaarstuk behoort dié biddende hande aan een van ’n hele aantal knielende figure en mens moet mooi kyk of jy sien nie die hande raak nie. Dürer het die altaarstuk, wat die kroning van die maagd Maria uitbeeld, in 1509 voltooi, maar dit het in 1729 in ’n brand in die slag gebly. ’n Naskildering het wel behoue gebly en word in die Städelmuseum in Frankfurt bewaar. Dit gee mens ’n idee van hoe die altaarstuk moes gelyk het. Maar nou meen Christoph Metzger, die hoofkurator van die Albertina-museum in Frankfurt,…

Ek is jammer, maar ons maak nie mooi met die liggaam wat ons gekry het nie. Die reklamewese leer ons dat net supermodellywe aanvaarbaar is en dat ons almal – ek en jy – permanent te kort skiet aan hierdie gefabriseerde ideaal. Maar ons dra ook skuld. Waarvoor loop hol ons so agter vals profete aan? Dis een ding om iets moois te waardeer, soos ’n mooi lyf, maar ’n ander om dit so te verafgod dat jy jouself tot die dood toe uithonger om dit na te streef. Een ding om fiks en sterk te wees, maar ’n ander om elke vry oomblik in narsistiese gimnasiumsale deur te bring met soveel spieëls dat ’n goddelike gestalte van jou van elke moontlike hoek na jou toe terugkaats om bewonder te…

Lucy ry weg sodra Hector uit die motor is. Hy loop na die naaste pakhuis toe, sy vuurwapen in die holster. Die persoon wat die oproep gemaak het, is waarskynlik self gewapen. As Hector met ’n rewolwer in die hand inloop, skrik die booswig dalk en skiet eerste. Die pakhuis se deur is nie gesluit nie. Hector stoot die deur wyer oop sodat hy in die maanlig kan sien hoe die plek lyk. Dis leeg, buiten ’n hoop visnette en leë plastiekkratte. In die tweede pakstoor lyk dit dieselfde, maar sy blik val op ’n wit skoendoos. Sy naam is in dik swart letters daarop geskryf: HECTOR. Sweet slaan teen sy voorkop uit en ’n rilling glip teen sy ruggraat af. As die beller die moordenaar is, ken hy beslis…

DIE GROND IS TE ALKALIES Die pH van grond moet verlaag word vir suurliewende plante soos blou krismisrose, asaleas en kamelias. Gebruik blomswael, ystersulfaat, aluminiumsulfaat (aluin), of organiese materiaal soos veenmos, blaarmolm en dennenaalde hiervoor. Mens kry ook bepaalde mengsels om hierdie plante te voed. DIE GROND IS TE SUUR Om tuingrond met ’n lae pH meer alkalies vir plante soos pienk krismisrose te maak, kan jy landboukalk of ’n bepaalde mengsel hiervoor gebruik. OM GROEI TE STIMULEER Gee jong saailinge en steggies wat al wortels gevorm het, ’n voorsprong met seewierkonsentraat wat groei stimuleer. Jy kan dit in water oplos en ’n gieter gebruik om dit toe te dien. DIE PLANTE KORT ’N HUPSTOOT Gereelde voeding en water is soms nie al wat sekere plante welig hou nie. Soms…

35% AFSLAG! jou inskrywing teen R812,50 PER JAAR! ▪ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES ▪ SMS die woorde ‘CAXTON VK’ na 47098 (R1,00 per SMS) ▪STUUR ’N FAKS na 086 670 4101 met jou besonderhede van hernuwing of intekening ▪ SKRYF IN OP ONS WEBWERWE www.vrouekeur.co.za www.magsathome.co.za ▪STUUR ’N E-POS na subs@magsathome.co.za ▪POS ’N TJEK uitgemaak aan RamsayMedia Subs en stuur dit saam met ’n brief en jou besonder hede van hernuwing of inteke ning na: Vrouekeur-subskripsies, Vrypos CBO209, Posbus 596, Howard Place, 7450 ▪ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIP SIE NOMMER of jou VAN en SELFOONNOMMER as…

Haar desperate ouers, Morné en Celeste Nurse, het oor die jare gepleit dat sy veilig terugbesorg word, maar daar was geen teken van hul baba nie. Elke jaar, 17 jaar lank, het hulle op haar verjaardag kerse aange steek, gehoop en gebid. Nie ver van hul huis in Gladiola nie, het die 17-jarige Miché pas met matriek begin. Sy het ’n kêrel en toegewyde ouers gehad. Sy het oor die matriekafskeid en die rok gedroom wat haar ma vir haar sou maak. Sy het nie die vaagste benul gehad dat ’n nuwe meisie in die skool wat ongelooflik baie soos sy lyk en ’n DNS-toets haar wêreld tot in sy fondamente sou skud nie. Die eerste twyfel het by haar ontstaan toe sy haar biologiese suster, Cassidy, op skool ontmoet…

As jy op ’n Vrydagaand om 20:30 na die program Klink soos naweek met Joox op die DStv-kanaal VIA inskakel, kan jy jou gereed maak vir ’n opkikkerdosis van op en wakker musiekvideo’s, informele geselsies met bekende sangers en humor. En dis mos net die regte inspuiting om jou naweek mee in te lui. Aan die stuur van sake as die aanbieder is die geesdriftige 20-jarige Katinka Oosthuizen, ook bekend as Katinka Kat, wat so natuurlik voor die TV-kamera is soos ’n vis in die water. Hoewel dit die jong Katinka se vuurdoop as TV-aanbieder was, is sy reeds heel ervare om voor ’n TV-kamera te verskyn. Sy was immers verlede jaar op 19-jarige ouderdom die heel jongste deelnemer op M-Net se werklikheidsreeks Survivor SA Phillipines en het kykers met…

DÍT MAAK HARE OLIERIG As jy… • gereeld aan jou hare vat• jou hare te veel was• te veel opknapper gebruik• dit te veel borsel• verkeerde produkte gebruik• haarprodukte op jou hare laat opbou• ongesonde eetgewoontes het• jou hare te min versorg OORSAKE VAN OLIERIGE HARE Olierige hare word deur ooraktiewe sebumkliere (oliekliere) veroorsaak. Hoewel dit goed is vir jou hare – dit hou dit gesond en glad en keer dat dit uitdroog – kan te veel sebum die hare vuil en olierig laat lyk. Jou haarsoort, eetgewoontes en lewenstylfaktore kan ook ’n rol speel. KOOP DIT HIER Retailboxwww.retailbox.co.za Dis-Chem www.dischem.co.za Clickswww.clicks.co.za…

Tehuise vir ongehude moeders? Hoe kan so iets nog in 2019 bestaan? Dis mos die geheimsinnige plekke waar meisies in die “ander tyd” dekades gelede weggekruip het om familieskandale af te weer. Soos ’n dief in die nag moes hulle inboek. Maar ja, daardie behoefte bestaan steeds en daarom het sy Zoé Huis gestig, vertel Pauli Koch, ’n opgeleide kraamsuster en weldoener in die gemeenskap. Sy gesels rustig oor die groot taak wat sy so stil-stil agter die skerms doen. Ons sit in die eetkamer om ’n tafel in die ruim huis. Van die swanger vroue kuier saam. Ander het babas op die heup. Hulle het hier beland omdat hulle werklik nie ’n ander veilige huis het nie. Een se eie pa het haar kind verwek nadat hy haar jare…

#bakliefde Mareli PYNAPPEL-VRUGTEKOEK 1 koek 1 blik (410 g) fyn pynappel en sap1 pak (500 g) vrugtekoekmengsel1 houer (75 g) groen kersies1 houer (75g) rooi kersies250 ml (230 g) suiker125 ml (120 g) botter5 ml (1 t) gemengde speserye5 ml (1 t) koeksoda250 ml (160 g) koekmeel250 ml (155 g) bruismeel1,25 ml (¼ t) sout2 groot eiers, geklits Voorverhit oond tot 180 °C. Voer 22 cm-koekpan met bruinpapier uit en spuit met kleefwerende sproei. 1 Gooi pynappel en sap, vrugtekoekmengsel, kersies, suiker, botter en speserye in pot. Verhit oor lae hitte en roer tot al die suiker gesmelt is. Verwyder van hitte en laat effe afkoel. 2 Gooi koeksoda by en roer. Laat verder afkoel. 3 Meng koekmeel, bruismeel en sout. Voeg meelmengsel by afgekoelde vrugtemengsel en roer eiers laaste…

Baie min kunstenaars is bereid om te waag, te eksperimenteer of te vernuwe. Vandeesweek luister ons na twee albums waarop kunstenaars juis nie daarvan wegskram nie. Valeska Muller skep ’n ongewone klank in Afrikaans; ’n klank waaraan jy bereid moet wees om jouself bloot te stel en dit toe te laat om op jou vat te kry. Corne Louw van Langebaan sing moderne countrypopmusiek. Pleks daarvan om die veiliger roete – boeremusiekkontreiklanke – te volg, ontgin hy eerder Amerikaanse countryspore. Albei albums is in eie reg uiters geslaagd en bevredigend. VALESKA EKSPERIMENTEER ROEKELOOS! Die titelsnit is reeds ’n aanduiding dat Valeska Muller se album My simfonie iets ánders beloof… Haar stem toor bekoorlik, sweef, beur, anker en skitter op ’n uitdagend avontuurlike klankpalet. Die simfonie hier ter sprake is elektronika…

“Het enigiemand voorstelle waar ek ’n paar dae ná Kersfees kan deurbring?” vra ’n vriendin in haar vroeë 70’s dié tyd verlede jaar vir ’n groep vroue by ’n geselligheid. ’n Vrou wat sy nie goed ken nie, antwoord sonder meer: Hotel Flora. “Waar is Hotel Flora?” vra my vriendin. “Venesië,” kom die antwoord. “Die wonderlikste plek om alleen te wees in die hartjie van die noordelike winter.” En so is sy, sielalleen, met haar kamera en lang lens vir twee weke Venesië toe. As sy weer só ’n impromptuvakansie vir een kan bekostig, is dit Praag, sê sy. Waar sy ook nog nie voorheen was nie. Ingeval sy Januarie in Praag is, of as jy haar voorbeeld wil volg, die Praagse Staatsopera se speelvak van Fidelio begin op 9…

@home www.home.co.za Block & Chisel www.blockandchisel.co.za Coricraft www.coricraft.co.za Mobelli www.mobelli.co.za Mr Price Home www.mrphome.com SHF www.shf.co.za…

Dis al drie jaar sedert die egskeiding. As Christine haar oë toemaak, dink sy aan Philip. Nie meer met ’n steekpyn in haar hart nie. Ook nie met die verwagting om hom terug te kry nie. Sy weet hy sal nooit sy 22-jarige poppie los nie. Haar vel is te glad, haar glimlag te weerloos. Haar bene … En dan hou Christine op met dink. Maar sy bly vir Philip sien as sy haar oë sluit. Sy hoor hom nog lag en soms ruik sy die tabak aan sy klere. Toe sy Woensdagoggend wakker word, weet sy dat sy hard daaraan moet werk om hom uit haar kop te kry, want dis tyd. Hy moet uit. Hy dink al jare lank nie meer aan haar nie. Christine sit in die…

WARM GESPREK DANKSY AMAZON Wanneer laas het jy en jou oond geselsies aangeknoop? Amazon reken dis miskien net wat nodig is met hul nuwe Smart Oven, ’n vierin-een-oond, ’n konveksieoond, mikrogolf, lugbraaier en kosverhitter. Die Smart Oven kan met een van Amazon se Echoprodukte koppel, waarmee jy dan vir die oond kan sê wat dit moet doen deur van die virtuele assistent Alexa gebruik te maak. “Alexa – mikrogolf springmielies” of “Alexa – kook salm” is op die spyskaart, terwyl jy ook sekere kodes op kosverpakkings kan skandeer sodat die Smart Oven dan die oond se hitte outomaties kan regkry en weet hoe lank om dit te kook. Jou getroue Alexa sal jou dan ook laat weet sodra die kos reg is. Amazon se Alexa-tegnologie is nog nie amptelik in…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Die Bybel sê daar is twee oorsake van konflik. Die eerste is selfgesentreerdheid – dit wat binne-in my aangaan. As ek met vrede gevul is, dan pla min dinge my. As ek met liefde gevul is, is daar omtrent niks wat my irriteer nie. As ek met Jesus gevul is, is daar niks wat my laat ontspoor nie. Maar as ek net vol is van myself, my eie-ek, my ego en trots, dan kan enigiets my laat ontspoor, irriteer en my gevoelens seermaak. Alles hang dus af van wat binne my is. Selfgesentreerdheid is wanneer ek wil hê wat ek wil hê wanneer ek dit wil hê. Jakobus 4:1: “Waar…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 23 woorde, goed 29 woorde, baie goed 36 woorde of meer, uitstekend OPLOSSING: Gemorskos, geskroom, oogskerm, geskoor, geskors, gesmoor, oogmerk, gekors, gekrom, gemoor, gemors, gerook, gesmok, regkom, rogoes, gekom, gekos, gemok, gemor, geoor, gerok, groos, kroeg, orego, ergo, gems, goor, grok, grom, gros, merg, moeg, morg, regs, soog, sorg Koderaai Elke syfer verteenwoordig ’n letter…

Gardening with Keith Kirsten is ’n praktiese, geïllustreerde gids vir alle tuiniers. Ongeveer 2 000 plante word beskryf, en daar is ’n kort bekendstelling van tuinontwerp, onderhoud en peste en plae. www.penguinrandomhouse.co.za 3 lesers kan die boek wen. SMS KEITH gevolg deur jou naam, van en adres voor 27 November 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

1 Mousse, haarsproei en was maak hare swaar en olierig. 2 Gebruik ’n clarifying-sjampoe een keer elke twee weke. Dit breek al die opgeboude produkte op jou hare af. 3 Haarprodukte met olie of silikon sal hare nóg olieriger maak. 4 Moenie aan jou hare vat of daarmee speel nie. 5 Was jou hare minder. As jy jou hare daagliks was, ontneem dit jou kopvel van natuurlike olies. Om dié natuurlike olies te vervang, word meer olie geproduseer wat hare dan olieriger maak. 5 Gebruik minder opknapper. Smeer ’n druppel so groot soos ’n R5-muntstuk van die middel van jou hare af tot op die punte, maar nie op die haarwortels nie. 6 Droë sjampoe en babapoeier is jou nuwe beste maatjie. Gebruik dit op die dae wat jy nie…

Op skool het Anschen Conradie nie gedink sy is fyn en mooi nie en sy was die seuns se “vriendin”. Sy het hokkie gespeel, provinsiale kleure vir diskus en gewigstoot gekry, was hoofmeisie en op akademiese gebied onder die topvyf. “My ouma se een suster het tydig en ontydig vertel hoe vet meisies nie mans kry nie en my ouma se eerste woorde elke keer as sy my gesien het, was: ‘Sjoe, jy het vet geword.’” Anschen onthou hoe verskeie vroulike familielede kort-kort op die een of ander dieet was. “In matriek het my pa vir my ’n snyerspak gekoop en gesê hoe mooi ek daarin sal lyk. Dit was te klein en het in die kas beland.” Ná skool het sy regte gaan studeer en was in die koshuis.…

EIERS WAT BY KAMERTEMPERATUUR MOET WEES Hou die eiers vir vyf minute in warm water voor dit geklits word. KRY DIE REUK WEG As daar ’n uiereuk aan plastiekbakke kleef, kan jy dit wegkry deur die bakke vir ’n paar uur in die son te sit. Met albasters ▪ Voorkom aanpaksels in ketels deur ’n glasalbaster daarin te gooi.▪ Gooi albasters in ’n pot waarin melk gekook word om te keer dat dit oorkook. WATERVLEKKE OP LEERSKOENE Meng water en witasyn en vee die vlekke daarmee af. MET’N KNYPIE SOUT ▸ As ’n bak in die oond oorkook, gooi sout op die aanbrandsels en vee dit af as die oond afgekoel het.▸ Voeg 1 e sout en 2 e witasyn in gevlekte koffiebekers. Laat dit vir tien minute staan en…

GESONDHEID! Begin jou dag met fut en gryp ’n Sir Fruit Raw Health Shot wat nie net heerlik is nie, maar vol vitamiene om jou gesond te hou. Vitamienryke groente en geurmiddels vol antioksidante en minerale word gebruik om jou ’n paar slukkies gesondheid te besorg. Kies uit Daily Green, Fiery Ginger, Pomegranate of Spicy Turmeric, R18,99 vir 100 ml by die meeste supermarkte. www.sirfruit.com TROETELDIERBEDERF Bederf jou troeteldiere met net die beste lekkernye van From The Barkery. Daar word vir katte en honde voorsiening gemaak. Van die bederfies het smaaklike geure soos krulkool & bloubessie en sesam & roosmaryn. Slegs natuurlike bestanddele word gebruik met geen bygevoegde versoeters of preserveermiddels nie, vanaf R37. Koop aanlyn of by sommige winkels soos Spar, Pet Plus, Pet Worlds en deelnemende veeartspraktyke in…

ROLPRENTE JEXI Met Rose Byrne, Justin Hartley en Adam Devine Regisseur Jon Lucas en Scott Moore KOMEDIE Kan jy sonder jou slimfoon klaarkom? Miskien nie, want selfone is ’n noodsaaklike euwel. Maar wat gebeur wanneer jou selfoon ’n naam kry en terugpraat? Dit is waaroor hierdie oorspronklike en skynbaar histeries snaakse komedie handel. Jexi, die stem op die selfoon, lewer luidkeels kommentaar op die held se lewe, en selfs die lomp optrede van sy baas! Maar wat gebeur wanneer die jong man met die selfoon op ’n meisie verlief raak!? Die foon raak vanselfsprekend jaloers en begin haar eienaar dreig. Dit lyk of jy lekker in jou mou gaan lag vir hierdie vrolikheid op selfoonnote. Maar wag! Moenie te lekker lag nie. Dit kan dalk waar word! Net betyds vir…

Margaret Atwood se roman The Handmaid’s Tale het in 1986 verskyn. Dit moes volgens baie mense daardie jaar die Bookerprys gekry het, maar dit het nie. Intussen het die TV-reeks wat op dié roman gegrond is, onlangs groot kykertalle gelok. Dit is waarskynlik juis daarom dat so baie mense na die verskyning van Atwood se opvolg op The Handmaid’s Tale uitgesien het. Nuuskierige lesers het The Testamentsvooraf bestel en dit het van die rakke af gevlieg. Talle TV-kykers wat nie destyds The Handmaid’s Tale gelees het nie, maar intussen die TV-reeks gevolg het, wou graag oplossings vir die raaisels van Gilead vind. Die TV-kykers en die lesers wat op soek was na antwoorde en oplossings vir alles wat mens aan die einde van The Handmaid’s Tale nog ongemaklik en half…

MOEILIKHEIDSGRAAD:⋆⋆ BENODIGDHEDE ELLE COTTON ON DK (250 g)Ek het Green en Forest Green gebruik90 g vir een vatlap60 g vir eenplekmatjie30 g vir een drupmatjie4 mm-naalde4 mm-sirkelnaald vir plekmatjie1 knoop vir vatlapKlein stukkie vilt vir drupmatjieMateriaalgom indien nodigVier steekmerkers AFKORTINGS aw = aweregs don = draad om naald r = regs r2tes = regs 2 ste tesame rVa = regs voor en agter in dieselfde steek BREI-INLIGTING ▸ Die bandjie en knoop vir vatlap is opsioneel. Dit is net nuttig as jy die vatlappe wil ophang.▸ Gebruik vatlap deur jou hand by die oop kant van die vatlap in te druk.▸ Die plekmatjie is ewe nuttig as skinkbord lap (gaan bloot voort met die patroon tot verlangde grootte).▸ Beweeg die merkers in die gemerkte steke aan soos jy vorder. As…

ONBESKERMDE SEKS Ek (22) kry so skaam oor my vraag. Ek het een aand onbeskermde seks gehad en nou het ek ’n vaginale afskeiding. Ek kan nie vir my ouers vertel nie – hulle sal my doodmaak. Hoe gemaak? – Skaam Ek is nie ’n mediese dokter nie en kan my nie oor die mediese redes daarvoor uitlaat nie. As jy wel bekommerd oor iets soos ’n geslagsoordraagbare siekte is, moet jy ’n dokter gaan sien. Die meeste geslagsiektes kan met die regte behandeling genees word. Ongeag of jy ’n afskeiding het of nie, behoort jy minstens een keer per jaar ’n volledige ginekologiese ondersoek te laat doen. Sodoende kan baie erger dinge as net ’n geslagsiekte voorkom en veilig hanteer word. ’n Seksuoloog kan jou ook met die leer…